الأخبار
أخبار إقليمية
تحقيق مع "جوزارت المطار"حول سفر طلاب لداعش
تحقيق مع "جوزارت المطار"حول سفر طلاب لداعش
تحقيق مع


07-06-2015 04:23 AM
الراكوبة - الخرطوم علمت (الراكوبة) من مصادر شرطية رفيعة، أن مدير الإدارة العامة للجوازات بوزارة الداخلية، اللواء أحمد عطا المنان، كوّن لجنة للتحقيق مع ادارة الجوزات بمطار الخرطوم الدولي، حول حادثة سفر عدد من الطلاب إلى تركيا للالتحاق بتنظيم "داعش".

وقالت المصادر الشرطية لـ (الراكوبة) إن اللجنة التي كونها مدير الإدارة العامة للجوازات بوزارة الداخلية، اللواء أحمد عطا المنان، مهمتها التحقق من ما إذا كانت هنالك مخالفة أو تجاوز تم في إجراءات سفر الطلاب الى تركيا بغرض الانضمام الى "داعش"، أم لا.

واشارت المصادر إلى أن التحقيقات المبدئية أكدت أن إجراءات الطلاب الذين سافروا إلى تركيا سليمة، وأن بعضهم طلاب سافروا بجوازات سفر إجنبية، ولفتت المصادر الى انه ليس من حق الإدارة العامة للجوزات بوزارة الداخلية منعهم من السفر. ونوّهت إلى أن الدستور يسمح لأي سوداني بلغ سن الثامنة عشر بالسفر إلى أي وجهة.


تعليقات 18 | إهداء 0 | زيارات 13071

التعليقات
#1299778 [Albrado]
1.00/5 (1 صوت)

07-08-2015 12:27 AM
متي كان مسموحا للطالبات في عهد الانقاذ السفر للخارج دون محرم !!!! ؟؟؟؟؟

ولا خلاص نفضطوا اياديكم من المشروع الحضاري !!!!!! ؟؟؟؟؟؟؟

يا عالم ما ترسونا علي بر وتريحونا

[Albrado]

#1299123 [شوقي]
0.00/5 (0 صوت)

07-06-2015 09:49 PM
للواء أحمد عطا المنان شئ مضحك والله

اذا انت اكبر مزور مر على تاريخ الشرطة تحقق مع مين
تف على بلد امثالك اصبحوا قاعدة

[شوقي]

#1299072 [صالح الشفيع النيل]
5.00/5 (2 صوت)

07-06-2015 07:29 PM
بسم الله الرحمن الرحيم،
من يسمع هذا الكلام يظن أننا في دول اسكندنيفيا من حيث الحرية والشفافية وسيادة القانون . نعم نظرياً أو بالنظر كده ( الدستور ) يسمح لأي سوداني بلغ الثامنة عشر أن يسافر الي أية وجهة هو يريدها، ولكنكم مع ذلك تمنعون الناس من السفر ليل نهار ولأسباب مختلفة أنتم أدري بها.واذا كان ذلك كذلك ، فطبيعي الاّ يلاحظ موظفوكم في المطار تكرار سفر هؤلاء الصبية دون ذويهم الي خارج البلاد بحيث أن سفرهم لم يثر أي شك معقول لدي موظفيكم لأنهم- أي الموظفين التابعين لكم - مبرمجون علي متابعة المعارضين المسالمين فقط ومنعهم السفر مما أدي الي أن يتسرب هؤلاء الدواعش الصغار من بين أيديكم دون حتي ان تحسوا.

[صالح الشفيع النيل]

#1298940 [الخرطوم ملتقى النيلين]
5.00/5 (1 صوت)

07-06-2015 03:11 PM
بالله عليكم دي عاصمة دولة معظم مواطينيها ساهموا مساهمة فعالة في بناء وتقدم دول الخليج وكبار علمائها وأطبائها يعملون فيه وفي أكبر مستشفيات أوروبا وأمريكا؟
الكيزان الخنازير ليس وحدهم من دمروا السودان بل نحن المغتربين للأسق الشديد أيضا ساهمنا في ذلك الدمار.
كل من خدم في بلاد الشعوب الأخرى لأكثر من 20 سنة يشاطرني ذلك الرأي وقلبه يعتصر مثلي ألم وندم على فناء شبابنا لخدمة وتقدم دول الغير من أجل حفنة دولارات وبخلنا على وطننا،
وطنا ؟ أي وطن هذا ؟ نحن قوم لا يعرف الوطنية ولا يشعر بها.

[الخرطوم ملتقى النيلين]

ردود على الخرطوم ملتقى النيلين
[يا خبر بفلوس] 07-07-2015 11:12 AM
انت مش مكابر بس انت مزور كبير وبائن من حديثك انك تظهر غير ما تبطن نصيحتي لك الا تقف في وجه اصحاب قناعات كتلك التي يتحدث بها جزيرابي لان ستجلب العار عليك والخزي ان قلت ما تعتقد انه الحق وهو غير ذلك . (ما عني أنا فلم أترك السودان لآن الكيزان قطعوا رزقي . أنني تركته منذ أكثر من 37 سنة، ومع ذلك أتمنى من الله أن يمكنني من العودة إليه لمحاربة هؤلاء اللصوص الكيزان) بالله عليك اشرح لينا العبارة

European Union [الخرطوم ملتقى النيلين] 07-07-2015 05:59 AM
ردا على الأخ [[جزيرابى]
انتم الذين تم فصلكم بسبب الصالح العام، كان وما زال واجبكم أن تدافعوا عن أرزاقكم وعرضكم ، بدلا من أن تتركوا البلاد لهم . فما أخذ بالقوة لا يسترد إلا بالقوة .أذا لم تستطيع الدفاع عن نفسك فكيف ستدافع عن وطنك ؟
أنا يا صاحب مرتب الشهر الواحد الذي يوازى كل سنين خدمتك في السودان، ليس بمكابر بل أقول الحقيقة عن نفسي أولا ، أما عن وصيتك في أخر تعليقك يجدر بك أن تطبقها أنت أولا لأنك انت المتضرر، أما عني أنا فلم أترك السودان لآن الكيزان قطعوا رزقي . أنني تركته منذ أكثر من 37 سنة، ومع ذلك أتمنى من الله أن يمكنني من العودة إليه لمحاربة هؤلاء اللصوص الكيزان .
فلا تفرح كثيرة بتلك الدولارات وبالتقدير والاحترام الزائف هذا، لآنه سوف يأتيك إذا ما اليوم غدا من يقول لك من شباب البلد الذي تخدم فيه ، أفعل كذا وإذا ما عجبك عود لبلدك المتخلفة، وليس لبلد الكيزان .

European Union [[جزيرابى] 07-06-2015 05:39 PM
اذا كان من يعمل فى مؤسسة من مؤسسات الدولة بشهادات عليا وخبرات بعشرات السنين وساهم فى تطوير الموسسة ووضع اسس عملها وياتى الكيزان فى ليلة وضحاها بقصله او بارساله الى الصالح العام او بوضع كوز معفن شهادته مضروبة لا يفقه شى
هلى راس الموسسة لياتى بساسيات النهب والدمار والفسادواقصاء الاخر وياخذ ما ياخذ من الحوافز والمرتبات مع اعطاء الاخر حفنة من الجنيهات لا تسد فتاورة فتات خبز فكيف تريد له ان يستمر ويعطى مقابل ماذا .... مقابل الذلة والمهانة مقابل تافة الكيزان هولاء ... اليس برشيد انت لماذ تعلم الحق ولا تقوله انا مغترب عشرون عاما ولكنى لا اوافقك فى رايك لاننى خدمت الوطن 17 عاما فى الخدمة المدنية اخير خرجنا منها ولا املك شى من حطام الدنيا جئنا الى الخليخ ما اعطونا له مرتب شهر واحد يوازى كل سنين الخدمة زائدا الاحترام والتقدير والتقييم لما نقدمه وصيتى اليك غدا ان تحزم امتعتك وتتوجه الى افرب مطار لترجع وتقدم للوطن ان كنت مقتنع بما كتب ايها المكابر..


#1298939 [عباس محمد علي]
5.00/5 (2 صوت)

07-06-2015 03:08 PM
متى سمحوا للنساء بالسفر وحدهن دون محرم مبروك لكم نساء بلادي بحرية السفر !!!

[عباس محمد علي]

ردود على عباس محمد علي
[فتحي] 07-07-2015 06:16 AM
ما سمعت عن حسن ابو علي بتاع دبي امشي شارع الرقه حتلاقي الف سودانيه

[abushihab] 07-06-2015 10:25 PM
السفر للنساء بدون محرم مسموح فقط لعلية القوم اما انا وانت فلا. هل رايتهم يقطعون يد سارق منهم؟ لا والف لا.


#1298921 [كلمة حق]
3.88/5 (4 صوت)

07-06-2015 02:43 PM
ضحك على الذقون وحاميها حراميها كيف يستقيم ان يحقق اللواء أحمد عطا المنان بالامر وهو ارهابي داعشي ومليون اكيد عنده يد في موضوع تجنيد طلبة مامون حميضة..مرات لا بل في كل الاوقات الواحد يقرا عن اخبار البلد ويقعد يضحك من الاشياء الغير منطقية ..ومن كلام الكيزان الاهبل في التلفزيون او الجرايد يخاطبون الناس بكل جهل وكانه الناس الواقفه امامهم ربنا خلقهم بدون عقل او تميز..حسبنا الله ونعم الوكيل ربنا يخلص البلاد والعباد من قبضة هؤلاء الانجاس.

[كلمة حق]

#1298915 [مدحت عروة]
4.25/5 (3 صوت)

07-06-2015 02:40 PM
وابو عيسى وامين مكى مدنى ودكتور ياسر ميرغنى الدستور ما بيشملهم ولا كيف مع العلم ان القضاء لم يجرمهم باى جريمة او تهمة!!!!
ولا يكونوا لم يبلغوا سن الثامنة عشر؟؟؟؟؟
ولا جهاز الامن السودانى الغير سك الجرايد والمعارضة ما عنده شغلة هو فوق القانون والدستور واسرائيل تبرطع فى البلد والمصريين يبرطعوا فى حلايب والحبش يبرطعوا فى الفشقة التى تعرض موكب والى القضارف السابق فيها لاطلاق النار من الشفتة او المزارعين الاحباش واعتذرت الحكومة الحبشية وقالت ان الذين اطلقوا عليه النار لم يكونوا يعرفوا انه الوالى ولاحظوا ان ذلك يتم فى ارض سودانية!!!! اقسم بالذى رفع السماء بغير عمد ترونها ان الانقاذ او الاسلامويين عار على الدين والوطن والرجالة السودانية غير الرجالة على شعبهم ما شفنا ليهم اى شجاعة او رجالة على الاجانب ودى انا بسميها خياسة!!!
كسرة:انتو ما شفتوا الاسرائيليين والامريكان وهلم جرا كيف رحيمين على شعوبهم واشداء وضكرانيين على اعدائهم الاجانب اكان بالحق ولا بالباطل؟؟؟

[مدحت عروة]

#1298879 [جنرال زمان]
4.38/5 (4 صوت)

07-06-2015 02:13 PM
إنتو يا المعلقين ديل يعني بتعرفوا أحسن من الحيكومة؟ الحكومة (الجوازات) قالت كله تمام يعني كله تمام!!!! طيب شوف القصة دي وهي حقيقية 100%. شاب سوداني تخرج من الجامعة وجاء لي أهله في أحد دول الخليج وجلس فترة بامنتظار أن يجد وظيفة، وفجأة قرر العودة للسودان ورجع. بعد فترة اتصل بأسرته من تركيا وذكر لهم أنه قرر السفر إلي سوريا للإنضمام للمجاهدين الدواعش، ورغم بكاء أمه لكنه لم يستجب وقفل الخط .... الكلام دا في نهايات العام 2014م.... بعد فترة زي شهر كدا وصل لأسرته اتصال وكان هو وأخبرهم بأنه تمكن من الهرب من الدواعش لأن ما شاهده منهم لا يمت للإسلام بصلة حسبما قال وهو الآن في تركيا وسلم نفسه للسفارة السودانية ...... تم التحقيق معه في السفارة واستخرجت له وثيقة سفر اضطرارية لأنه أعدم جوازه حسب تعليمات الدعايش، ومن ثم سافر إلي السودان ... توقع الجميع أنه بمجرد وصول الطائرة إلي مطار الخرطوم الما دولي، سيتم استلام هذا الداعشي بواسطة الأجهزة الأمنية والتحقيق معه و... و... و...... لكن كانت المفاجأة نزل عادي ودخل المطار والجوازات وختموليه الوثيقة ومن هناك على بيتهم بكل بساطة!!!!!!! زي ما قلت دي قصة حقيقية مش تأليف .... عشلن كدا الحاصل دا كله الحكومة عندها علم بيه وعندها دخل فيه.... الداعشي الهالك بتاع ليبيا داك هل الحكومة سألت الشيخ بتاع السديرة ولا مش عارف إيه اللي شحن ليهو رأسه وشجعه على السفر لليبيا؟ بعدين يا عالم البت أبوها السفير ذاته بعضمة لسانه قال سافرت تجي أنت يا بتاع الجوازات تنفي ؟؟؟؟ غايته الحيكومة عندها دخل ومامون حميضة دا مفروض يقفلوا ليه جامعته دي ويحققوا معاهو .... حاجة مقرفة

[جنرال زمان]

#1298822 [Alsadig]
4.25/5 (3 صوت)

07-06-2015 01:01 PM
حاجه غريبه جدا
أي زول عمرو أكتر من 18 سنه وعندو جواز أجنبي ممكن يسافر عادي حتى لو ماشي جهنم ..
وما من حق ضابط الجوازات السوداني يسالوا يقول ليهو ماشي تعمل شنو هناك ؟؟
عشان كده فعلا ،،ممكن الناس ديل يسافروا عادي من المطار بدون أي مشكله
حتى أصحاب الجواز السوداني إذا عندهم التاشيره والمستندات اللازمه ممكن يسافروا ..
السؤال الأهم ؛؛الزول الماشي لداعش ده بيعرفوهوا كيف ؟؟؟بس عشان ماشي تركيا ؟؟
أخيرا حكاية زول تسلق سور المطار وركب الطياره حكايه مابتركب الراس ..نعم سور المطار تعبان متهالك واي زول ممكن يتسلق ...لكن يجي ماشي المشوار ده كلو ويركب الطياره ويقعد في أي مقعد من غير المضيف يسالوا عن البوردنج ولا يقول ليه إنت منو ؟؟شنو أصل طياره والله أمجاد ..
واخيرا الجامعه دي دخلها شنو...دي جامعه موش مدرسه إبتدائي...الطالب بعد يطلع من سور الجماعه كان سافر واللا قعد ..الجامعه دخلها شنو ؟؟هل محتاج تاشيرة خروج من الجامعه ؟

[Alsadig]

#1298793 [لمتين يا أم زين]
4.71/5 (9 صوت)

07-06-2015 12:16 PM
هو الريس شخصيا بتزاوغ في المطارات وبتحول لشبح ، عايزين تحاسبوا حناكيش مامون بطيخة !!!

[لمتين يا أم زين]

ردود على لمتين يا أم زين
[abushihab] 07-06-2015 10:32 PM
حميضة يا راجل مش بطيخة.... البتيخ مالو؟


#1298714 [فيلم إخواني]
4.63/5 (6 صوت)

07-06-2015 10:42 AM
لطالما النظام متعود علي الكذب وهناك عدم ثقة بينه وبين الشعب السوداني , فأنا أري أن كل الذي حدث هو عبارة عن فيلم أنتجته وأخرجته الحكومة,ذلك لمداراة فضيحة جوهانسبيرج.

[فيلم إخواني]

#1298702 [مجدي الطاهر عمر]
4.82/5 (6 صوت)

07-06-2015 10:24 AM
الحكومة تدعم داعش بالسلاح والمال والمقاتلين وهؤلاء سافروا بعلم امن الدولة وهو الذي اخرجهم من المطار وهو المسئول عن تفويجهم .....ودي الحقيقة التي تعلمها الحكومة ذات الوجوه المتعددة وكلو معلوم وبثمنه ......امن الدولة هو الذي يدير كل الفساد في السودان من شبكات دعاره الي نهب وسرقة وقتل وتجارة سلاح ويجي يوم نراه قريبا وينكشف المستور يا عطا وستدفع انت شخصيا ثمن كل ذلك وبقية الحرامية من جنرالاتك وضباطك وغيرهم .....

[مجدي الطاهر عمر]

#1298695 [aldafari]
4.25/5 (4 صوت)

07-06-2015 10:06 AM
يعني كلام المتحدث باسم وزارة الخارجية وانه ابنته غادرت بدون تاشيرة خروج ، ومنهم من غادر بالشباك ونط من خارج سور المطار دا كان كلام زول سكران يا كلاب ، يا مدير الجوازات انتم طبعا ما ممكن تكونوامخلصين في الكشف عن اي عمل ضد الوطن وكل ما يتم ولو خطا ومحذور ستعلنون بانه غير ذلك .

لان ليس من شيمة اهل الانقاذ الاخلاص للوطن والمواطن كما شهدنا طوال سنوات حكمكم العجاف للسودان .


شيء معروف ممكن بكرة تخرجوا لنا بانهم لم يسافر اي طالب لداعش من السودان؟


انتم من تقومون بذلك الصنيع وتقومون بهدم السودان ومواطنيه. عليكم لعنة الله والملائكة والناس اجمعين .

وزير داخلية فاشل ومدير جوازات افشل وحكومة افشل من حكمت السودان؟

[aldafari]

#1298610 [الغاضبة]
4.63/5 (5 صوت)

07-06-2015 07:37 AM
ونوّهت إلى أن الدستور يسمح لأي سوداني بلغ سن الثامنة عشر بالسفر إلى أي وجهة.



مستحيل يكونوا كلهم سافروا بطرق رسمية، مستحيل مستحيل... وطيب النطوا بالحيطة ديل شنو ؟؟؟ السؤال الثاني، لما السفر يحكمه الدستور، ليه في ناس بتمنعوهم من السفر ، مثل ما حدث مؤخرا وما يحدث دائما بالنسبة لبعض قيادات الأحزاب ؟

[الغاضبة]

#1298598 [ibrahim omar]
4.00/5 (3 صوت)

07-06-2015 06:05 AM
.....ثم ماذا بعد تكميم الصحافة والتلفزيون..والإذاعة ...والمظاهرات ..والإجتماعات ...كمان والسفر الى الخارج هروبًا الى حرية متخيلة ...او للندريب والعودة للجهاد !
برغم أننى ضد "داعش" جملة وتفصيلا , ولكن الحرية كل الحرية من غير إستثناءات ، يجب ان تكفل للمواطن , ولا يحاسب قبلها ,,وولكن بعدها أن أستغلها فى ما يثبت إنه ضد (الدستور) 1 هذا إن وجد دستور يعتد به , هذا رأبى

[ibrahim omar]

#1298596 [صادميم]
4.87/5 (9 صوت)

07-06-2015 05:58 AM
طيب نحن ألفي عمر الستينات لو عايزين نغادر السودان بطلبوا مننا تأشيرة خروج بالمبلغ الفلاني ليه؟

[صادميم]

#1298595 [الحقو الوطن قبل ما يضيع]
4.47/5 (6 صوت)

07-06-2015 05:52 AM
والما لقو اسمها فى كشف المغادرين وابوها مشى تركيا وجابها دا يسموه شنو

والدخلو بى شبك المطار ديل بشر ولا جن


وعلى الطلاق حكومه الكيزان دى ما تحاكم اى زول لانهم بمووووووتو فى الفساد وبفرحو بيه

[الحقو الوطن قبل ما يضيع]

#1298589 [tata]
4.88/5 (4 صوت)

07-06-2015 05:07 AM
صح 100%.بلغوا 18 سنة مسؤلين عن افعالهم ، ،،ولايمكن منعهم من السفر،والجامعة ليست سجنا،،لمنعهم من الخروج منها، خرج ليلا من بيوتهم وذهب إلى المطار،،،فكنا مسيرة وشوف و موضوع تانى ياشعب يا فاضى،هههههه

[tata]

ردود على tata
[امدرماني] 07-06-2015 11:51 PM
انت طه الجداده كوز من اسلوبك المايع لكن اليوم قريب لنظافة السودان من

European Union [Alsadig] 07-06-2015 01:02 PM
Agree 100%



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة