الأخبار
أخبار إقليمية
أمريكا تفرض قيوداً على طلاب الطب السودانيين الراغبين في شهادة (ECFMG)
أمريكا تفرض قيوداً على طلاب الطب السودانيين الراغبين في شهادة (ECFMG)
أمريكا تفرض قيوداً على طلاب الطب السودانيين الراغبين في شهادة (ECFMG)


تساؤلات حول مصداقية التعليم في السودان
07-06-2015 12:01 PM
الخرطوم: سعاد الخضر
فرضت الولايات المتحدة قيوداً على طلاب كلية الطب السودانيين الراغبين في الحصول على شهادة الـ(ECFMG).
وقال مكتب الأصول الأجنبية التابع لوزارة الخزانة الأميركية إن الطلبات التي تمت الموافقة عليها ستخضع إلى مزيد من الفحص والتدقيق، والى حين إشعار آخر، واعتذر المكتب عن خدمة أي طلبات معلقة أو جديدة.
وطبقاً لمتابعات - فقد أشار تقرير بريطاني الى أن استمرار ظاهرة انضمام طلاب طب بريطانيين من أصل سوداني الى داعش في سوريا والعراق أثار تساؤلات حول مصداقية التعليم في السودان الذي جذب كثيراً من الطلاب من الخارج بسبب قلة التكاليف وسهولة القبول، بحسب التقرير.
وقال التقرير إن الوقت قد حان كي تفرض بريطانيا مزيداً من القيود على كليات الطب الأجنبية لا سيما السودانية.

الجريدة


تعليقات 14 | إهداء 1 | زيارات 9641

التعليقات
#1299779 [Adeen]
0.00/5 (0 صوت)

07-08-2015 12:34 AM
في عهد حميدة بلغ الجشع قمم الجبال
جشع في العلاج و المواصلات و ....
حزني علي بلدي

[Adeen]

#1299351 [لواي سلسلن]
0.00/5 (0 صوت)

07-07-2015 10:38 AM
Educational Commission for Foreign Medical Graduates (ECFMG)
مفوضية التعليم لخريجي الطب الأجانب

[لواي سلسلن]

#1299287 [omer]
5.00/5 (1 صوت)

07-07-2015 08:22 AM
خطوره الكلام ده لو اطبق فى امريكا وبريطانيا حيطبق فى الخليج وعندنا اطباء كثر بالخليج
القرار واضح انوا سياسى اكتر من علمى ودليل ان اللوبى المسيحى واليهودى شغاليين فيناوما لقوا الاذريعه الطلبه ديل لاشعال النار
وامننا البجم غير ساكين المواطنين السودانيين والعربات والمصالح الاخرى ماعندم شى
حرب بدات وجيل اطباء حيضيع لو اشعلوا الحرب والطبيب السودانى وانجازاته حول العالم حتتمحى لفتره لو مافى تحرك

[omer]

#1299179 [العتباني]
0.00/5 (0 صوت)

07-07-2015 12:25 AM
what an irony !

[العتباني]

#1299108 [almamgoos]
4.88/5 (4 صوت)

07-06-2015 09:02 PM
يا جماعه مامون عمل الرسوم لدخول داعش الطبيه السنه دي ١٥٠ مليون هذا الرجل كلما تقدم به العمر ذاد جشاعه.
اناشد كل سوداني غير منتتمي لتنظيمات الارهاب الاسلامويه ان لا يرسل فلذه كبده لهذا الوحش.
كما اناشد كل سوداني شريف ان لا يدخل فنادق حميده الطبيه التي هي تمثل ميته و خراب ديار.

[almamgoos]

#1298986 [ALIIIIIIIIIIIIIIIIIIIIIIIIIIIIIIIIIIIIII]
4.50/5 (4 صوت)

07-06-2015 04:14 PM
للاسف الشديد
مستوي التعليم الجامعي والمدرسي في السودان في حالة يرثي لها طالب مرحلة الاساس اسمه مابيعرف يكتبوا صح ويرتكب اخطاء املائية ومعتمد علي الحفظ والتلقين وبينجح بالدفر اما طالب الجامعة فحدث ولا حرج كلمة بتاعة انجليزي واحدة مابعرف ولا حرف ولا كلمة الطالب في الجامعة بنشغل بالثقافة الاسلامية واللغة العربية واعرب وشنو ماعارف مع انه المواد دي محلها في الجامعة المواد دي محلها المرحلة الثانوية والاساس اصلا حتي مستوي الاساتذة تعبان اكاديميا يعني الاستاذ في الجامعات السودانية لابعمل ابحاث لابشارك في مؤتمرات خارجية في مجاله الاكاديمي بس تلاقيهو قاعد في خيمة وبيهتف لالدنيا قد عملنا نحن للدين فداء
ده طبعا ناهيك عن البيئة الجامعية المتردية والحالة الاقتصادية للطالب نفسه مما ينعكس علي مستواه الفكري والعلمي ده ناهيك عن المناهج اللي بتدرس في الجامعات دي براها قصة ثانية طبعا..انا شخصيابعرف واحد اتخرج من هندسة جامعة السودان للعلوم والتكنولوجيا علي باللايمان ده كلمة انجليزي واحدة مابعرفها اتخرج كيف ذاتو الله اعلم...الشء الثاني الطالب عند التخرج لابد ان يلتحق بمؤسسات بتكون شغالة في مجاله عشان يكتسب خبرة بدل تضييع زمن الطالب سواء درس طب او هندسة او قانون او تجارة او اقتصاد الخ في مجاله حتي يكتسب خبرة لكن طبعا حكومة الانقاذ كالعادة عندها راي في الشغلة دي...الزبدة الخريج بيتخرج وراسو فاضي زي حمار الشيخ في العقبة بالضبط مستواه الاكاديمي تعبان شديد الا من رحم ربي طبعا..الكلام القلتو فوق ده غيض من فيض طبعا عن مستوي الجامعات في السودان ومستوي التعليم ماقبل الجامعي

[ALIIIIIIIIIIIIIIIIIIIIIIIIIIIIIIIIIIIIII]

ردود على ALIIIIIIIIIIIIIIIIIIIIIIIIIIIIIIIIIIIIII
United States [الحقيقة] 07-07-2015 05:18 PM
طالبات جامعيات يكتبن بحثا باللغة الإنجليزية ولا يعرفن الفرق بين ال B و P تخيلوا يسألن البى التقيلة ولا البى الخفيفة؟؟؟ الله لا يبارك فيكم يا الكيزان.

United States [abofiras] 07-06-2015 06:18 PM
أخي العزيز قبل ما تحلف بال lyman حقو تراجع أخطاءك الإملائية في تعليقك ده وتعلم متى تكتب وأين تكتب الهمزه على الألف قبل التريقة على الاخرين وماحدث للتعليم هو جزء من منظومة الإنهيار الشامل للبلد فماذنب هؤلاء التلاميذ.؟ وأنت الذي درست في عهد إذدهار التعليم بماذا أفدت بلدك؟؟؟؟؟؟؟


#1298929 [مفيش فايده]
5.00/5 (5 صوت)

07-06-2015 02:50 PM
نتمنى ولو مرة واحدة فى العمر ان تعمل هذه العصابة الحاكمة عملا واحدا لمصلحة البلد. يا ايها الاحرار لنبدا من الان النجهيز لعصيان مدتى كامل لالقتلاع هذه الشرزمة ومحاكمتها وبالقانو

[مفيش فايده]

#1298918 [شاهد اثبات]
5.00/5 (4 صوت)

07-06-2015 02:42 PM
image



مقدمة لابد منها:

اخبرنى اخى الصغير فى اواسط الثمانينات ان معلم التاريخ سالهم(ايهما افضل الاستعمار ام الان؟؟)..رد صديق اخى(ح.ج.ع) بان الاستعمار افضل..صفعه استاذ التاريخ دون ان يمهله حتى ان يبرر تعاطفه مع الاستعمار..وطبعا هذا السلوك الفج حفر اخاديد عميقة فى نفس صديق اخى..بل ان نفس استاذ التاريخ هذا جعلنى اكره مادة التاريخ الى يومنا هذا...لانه كا يحمل ايدولجية معينة ونحن لا نعرفها لحداثة سنناويصر دائما ان يجعل من الدائرة مربع!!
********
اليوم نحاول الاجابة بواقعيةو موضوعية. على هذا السؤال
.انجازات الاستعمار البريطانى والتى لازالت بصماتها واضحة فى الانسان والمكان
1- قوات نظامية على اسس وطنية
2- خدمة مدنية ممتازة ومشهود لها وخالية من الفساد بفضل اصحاب القلم الاخضر*
3- مؤسسات التعليم العام والعالى والتعليم الجيد والمجانى فى السودان
4- الصحة والمستشفيات العريقة والعلاج المجانى
5- الادارة الاهلية و رجالاتها الافذاذ والمشهود لهم بالعبقرية
6- السكة حديد
7- مشروع الجزيرة
بعد خمسين عاما يحتفلون باليوبيل الذهبى فى ظل نظام شمولى اهلك الحرث والنسل ونواب زائفون لا يحملون شرعية دستورية حقيقية وحروب فى الغرب والشرق وينددون بالاستعمار البغيض..فقط لو قارنا السودان بالهند وماليزيا وهى دول تشبه السودان فى الوضع الديموقرافى..ولكن هم فين ونحن فين. واين غاندى ومهاتير من اصنامنا المزمنة (ودا وسواعا ويغوثا ويعوقا ونسرا).وطبعا ما ننسى نضيف فقط انجازات الفريق عبود وسبعينات نميرى وماعدا ذلك سراب ووهم وتماثيل نحن لها عاكفون
*******
يبقى السؤال قائم هل من حق ذلك المعلم المؤدلج ان يصفع ذلك الطالب النجيب ويحتقر حقه الديموقراطى فى التعبير..لذلك نصر ونقول ان الديموقراطية قبل ان تكون اطار سياسى زائف يجب ان تكون تربية سلوكية تمتدمن البيت الى المدرسة والى مرافق الدولة..هذا للذين يظنون ان السودان في يوم ما كان فيه ديموقراطية حقيقية..واسالو اهل الذكر ان كنتم لا تعلمون..المحجوب وكتابه الشهير الديموقراطية فى الميزان
***********
*القلم الاخضر:المراجع العام

*******


يا نسمة يا جاية من الوطن
بتقولى لى ايام زمان ما برجعن

[شاهد اثبات]

ردود على شاهد اثبات
[sebit] 07-06-2015 07:24 PM
I hope u like your country map but blame your leader


#1298897 [مصحصح]
5.00/5 (1 صوت)

07-06-2015 02:23 PM
للتصحيح ECFMG

[مصحصح]

ردود على مصحصح
European Union [ECFMG] 07-06-2015 09:01 PM
Nobody wrote otherwise. I think you misread the "F" for an "E" , you probably need new glasses or an eye operation.


#1298877 [مشهور]
5.00/5 (3 صوت)

07-06-2015 02:12 PM
الجامعات الخاصة و القبول الخاص خلت كل من هب و دب يدرس طب تلقي الفرق في النسب كبير وواضح طلبة مستواهم ضعيف و ذكائهم محدود برضو تلقاهم في كليات الطب و الصيدلة يا حليل زمن البوكسنج و زمن الجامعات جامعات و الطلبة طلبة

[مشهور]

ردود على مشهور
[WATANI ADEEL] 07-06-2015 05:43 PM
زمان كان الشهادة برقعوها ؟


#1298829 [هيثم]
5.00/5 (3 صوت)

07-06-2015 01:15 PM
ههههههه
الشعب السوداني والحكومة السودانية كلهم ما محترمين وبس الغرب وامريكا دايرين فيكم سبب عشان يقطعو معاكم .... كمية من السعوديين مشو درسوا طيران في امريكا وفجروا الابراج حقت التجارة العالمية وامريكا ما طلعت قرار بايقاف دراسة الطيران بالنسبة للسعوديين، ياخ انتو شعب بالجد ما محترم ... شركة طيران زي باقي الناس ما عندكم ... بالله شعب يطلع زي عمر البشير ونافع والترابي ... الخ دا شعب، وقال شنو عنصرييين خخخخخخخخ ياخ ارحموا نفسكم اعوذ بالله منكم

[هيثم]

#1298813 [شاويش]
4.75/5 (4 صوت)

07-06-2015 12:54 PM
جبت لينا الهواء يا مامون حميده ..

[شاويش]

#1298805 [between 1000000 brackets]
4.94/5 (9 صوت)

07-06-2015 12:40 PM
ناس الإنقاذ ديل أحييييييييييي أنا منهم ما خلو شيتا وسخ و ما سوهو دمار فى كل شىىء الجامعة بقت زى البقالة كل و احد عندو قرشين سوى ليهو جامعة طلاب الطب و الهندسة عندهم مقررات لغة عربية شنو علاقة اللغة العربية بالطب و الهندسة اليوم؟ و قامو بإلغاء سنة من السلم عشان الوظائف راقدة و ما لاقية خريجين و هذه السنة خصما على الطالب طلاب الشهادة الثانوية بقو زى ناس المتوسط زمان. يا جماعة الخير الناس ديل فرخو طلبة تعليم عالى جهلة أى والله , انا قابلت واحد مهندس معمارى دارس خمسة سنوات فى جامعة خاصة و الله يدوى ما قادر يرسم اما بالنسبة لبرنامج الاوتوكاد لأنو باللغة الإنجيليزية دا قصة تانية .ألحقو السودان هؤلاء تجار الدين سرطان انهك السودان و نخر عظامة . أنا أعرف واحد نسبته 52% دخل الطب بقروشو شوفو المقياس أمريكا و بريطانيا ليهم حقين يرفضو طلاب بهذا المقياس أغلب الخريجين يحملون الشهادات كالحمار يحمل أسفارا .
يا ناس ثورة ثورة حتى ولو صار السودان زى الصومال و الله قرفنا و كرهنا الحياة

[between 1000000 brackets]

ردود على between 1000000 brackets
[الارباب] 07-06-2015 01:38 PM
ثوره مين وثوره آيه
كان ياما كان بلد اسمه السودان
ده حكم الغبش
ما لاقني رئيس يفتخر انه اغبش من الغبش الا ده
لذالك اصبح كل شئ اغبش بما في ذالك التعليم
فاقد الشئ لا يعطيه يا اخي
ما ذَا تتوقع من حكومه رجالها كانوا راكبين حمير نصف عمرهم!!
للمره المليون مشكلتنا ليست سياسية
هي تربويه وبامتياز


#1298794 [الأشــعــة الـحــمــراء]
5.00/5 (9 صوت)

07-06-2015 12:17 PM
أتــمــنــى .. ولــو مــرة .. أن يـتـم عــمل آي شــيء .. بـمـهـنـيـة .. و إحــتـراف .. وكـفـاءة .. !!
:
26 سـنـة .. أمـراض نـفـسـيـه .. بـسـبـب غـبـاء الـبـشـير و الأنـقـاذ.

[الأشــعــة الـحــمــراء]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة