الأخبار
أخبار إقليمية
محاكمة «21» فتاة مسيحية بتهمة إرتداء زيّاً فاضحاً عقب خروجهن من الكنيسة
محاكمة «21» فتاة مسيحية بتهمة إرتداء زيّاً فاضحاً عقب خروجهن من الكنيسة
محاكمة «21» فتاة مسيحية بتهمة إرتداء زيّاً فاضحاً عقب خروجهن من الكنيسة
من رقصات جبال النوبة


غرامة مالية بحق فتاة مسيحية لوجودها داخل المحكمة بـ "زي فاضح"
07-07-2015 03:10 PM
الخرطوم: مي علي

أوقعت محكمة النظام العام بالخرطوم بحري برئاسة مولانا عارف محي الدين أمس غرامة مالية بلغت «500» جنيه في مواجهة فتاة مسيحية أدانتها المحكمة بارتداء زي فاضح داخل المحكمة، وقررت المحكمة عقوبة السجن شهران في حق الفتاة في حالة عدم دفع الغرامة

. كما استمعت المحكمة لأقوال الشهود في قضية «21» فتاة تم ضبطهن بواسطة السلطات وهن يرتدين زيّاً فاضحاً عقب خروجهن من الكنيسة الإنجيلية بمنطقة العزبة بالخرطوم بحري، وقال مسؤول الكنيسة الذي استمعت إليه المحكمة كشاهد دفاع إن الكنيسة ليس لديها معيار محدد للزي، وأوضح أن زي المتهمات زي طبيعي بالنسبة لزي المسيحيين وأن الذي يعتمد، بارتداء الزي يكون على طبيعة أهل المنطقة. كما أدلت شاهدة أخرى بأن زي المتهمة الأولى عادي متمشياً مع الشارع العام وحددت المحكمة جلسة أخرى توطئة للقرار.


اخر لحظة



تعليقات 12 | إهداء 0 | زيارات 8597

التعليقات
#1299953 [elie]
0.00/5 (0 صوت)

07-08-2015 10:14 AM
ليه في زمن الاربعين مثلا ما بقفلو المطاعم وبعض الدكاكين ويقولو الاسلام دين يتعايش مع كل الاديان كيف دي ما فاهما صراحة.

[elie]

#1299910 [sudani one]
1.00/5 (1 صوت)

07-08-2015 09:15 AM
انا اعرف ان الكيزان منافقين ولاعلاقة لهم بالاسلام لكن الحق يقال هنالك بعض المسيحيين ومن غير السودانيين وبصفة خاصة الفتيات يحاولن استفزاز الناس بلبسهن الفاضح ويعتقدن ان تقليد الخواجات في التعري (فقط) قمة الرقي والتقدم!!! .. فليس من المعقول ان تكون ضيفا ولاتحترم مشاعر واحاسيس من استضافك واكرمك واقلها في هذا الشهر الكريم.

[sudani one]

ردود على sudani one
[tata] 07-08-2015 07:11 PM
ضيف ايه،،انت الضيف


#1299887 [بدونيع]
0.00/5 (0 صوت)

07-08-2015 08:32 AM
لقيت الحبشي مسكين وخايف يكشوهو انت كان راجل امشي جنب مدرسة كمبوني الخرطوم واضرب ليك جنوبي عيونك ماتشوف الانور يابوجهل [مطعم عدييييييل]يلا ورينا جهادك

[بدونيع]

#1299797 [المنجلك]
2.50/5 (4 صوت)

07-08-2015 01:12 AM
اذا كانت المحكمة تدخلت لان الفتاة خرجت عن مستوي زي السودانيين المتعارف عليه مسيحيين ام مسلمين كان قرار التدخل صحيحاً

ويبقي السؤال كيف كان مستوي اللبس علماً بأن عالم الموضة اصبح يقدم ازياء عارية تماما أو شبه عارية.

مسيحية ام مسلمة هذا هو السودان وليست اوربا

[المنجلك]

#1299796 [said ahmed]
5.00/5 (3 صوت)

07-08-2015 01:12 AM
يعني خليتو اوجاع البلد كلها جانب --- واتجهتوا للزي فاضح ولا ما فاضح --- حكومة ضحكت من جهلها الامم

[said ahmed]

#1299646 [ترهاقا]
1.00/5 (1 صوت)

07-07-2015 06:23 PM
الكنائس دى السودانيين الاصلييين اهل البلد هجروها قبل( 800)سنه متبعين اخر الرسالات فهل سكان بحرى اتنصروا تانى والله الحكاية كدى حقارة وحمرة عين يجوا ويبنوا كنائسهم فى قلب ديار المسلمين علشان زى مسمار جحا داخلين مارقين وبى لبسهم المستفز لمشاعر المسلمين المطلوب من الدولة والهيئة التشريعية منع بناء الكنائس فى السودان الشمالى والما عاجبو الوضع يحزم عفشه ويلحق اخوانه الفرتقو .... اقسم بالله الواحديشعر باهانة ومذلة ما بعدها0 اعزنا الله بالاسلام فلماذا نضع انفسنا دائما فى مواضع الذلة والوضاعة0

[ترهاقا]

ردود على ترهاقا
European Union [Zorba] 07-08-2015 06:25 AM
كفانا المتخلفين الماسكين البلد
يا متخلف
يا متخلف
يا متخلف
يا متخلف

[الدنقلاوي] 07-08-2015 04:58 AM
سيبك من اسم ترهاقا ده وسمى نفسك الزرقاوي ولا الظواهري ولا أي متخلف آخر.
الشيخ إدريس الأرباب كان لا يقبل الهدايا من ملوك سنار لأنه يرى أن كل جاههم وملكهم مغصوب من النوبة (المسيحيين).
كان زي البنات غير المتزوجات في السودان وحتى القرن التاسع عشر هو الرحط فقط (ومن هنا جات عادة قطع الرجط في الزواج) كان معظم الرجال يضفرون شعورهم ويرتدون الأقراط، معظم نساء قبائل السودان كن لا يغطين صدورهن ولا كان الصدر يعتبر عورة، ودعك من هذا التاريخ لو عدت لصور حفلات الزواج في وسط السودان وحتى السبعينات من القرن العشرين ستجد أن العروس وكل المدعوات يرتدين فساتين أعلى الركبة ولم يكن من يرى في ذلك تبرج أو زي فاضح، ولك أن تراجع أزياء فرقة الفنون الشعبية القومية قبل أن يتأسلم النميري
ثم جاءنا الاسلام السياسي وشريعة نميري ودخلت معها أزياء الجزيرة العربية وباكستان وإعادة صياغة المسلم السودان وفقا لرؤية ابن تيمية والمودودي وحسن البنا والوهابيين وأضحى كل شيء حرام وممنوع إلا سرقة المال العام وإزلال العباد وتقتيلهم وتشريدهم.
مثلما يولد إضهاد المواطنين من غير المسلمين الفتن والضغائن سيولد هذا التشدد والتمسك الشكلي بالدين هجرة كاسحة بعيداً من الدين االإسلامي

[الثورة انطلقت] 07-08-2015 03:37 AM
للاسف الاسلام ما موجود عندك يا ارزقي الاسلام سلوك ما دقن و رفع صباع مع تكبيرة .الاسلام رحمة ماقتل العزل و الابرياء و ايثار ما سرقةاموال الشعب و انت واحد منهم . و حفظ اعراض ما اغتصاب المعتقلات في السجون . و حفظ ارض الوطن ما التفريط فيه و نقسيمه .و العدل ما البشير يشرب موية و باقي الشعب عطشان ووداد تلبس دهب و غيرها رافد قدام المستشفيات حق العلاج ما عندوا وانت تقعد تتطبل ليهم عشان احتمالين يا جاهل و حرامي و منتفع يا كاسرين عينيك ...اختار واحدة ,,,,

European Union [الجهل مشكلة] 07-07-2015 09:48 PM
ومسمى نفسك ترهاقا!! هو ترهاقا نفسو كان مسلم!! يا كوز يا جاهل فى كل دول العالم المسيحية توجد مساجد وملايين من المسلمين يرتادوها دون عقبات, عكس بعض الدول المسلمة التى تمنع وجود الكنائس على أرضها, فمن هو المتسامح هنا؟


#1299636 [sebit]
0.00/5 (0 صوت)

07-07-2015 06:02 PM
Why this terrorist government looking at women dress mind your business Sudan government or police are desperate off women cause women are victims all the time every where in the world that country N. Sudan become a heal country with dominate leader who think people can worship him which some they do the one is fearing right now but God will never forgive this government and i know it but keep working for this regime till fall into heal

[sebit]

#1299631 [مراقب]
4.69/5 (5 صوت)

07-07-2015 05:49 PM
هى أساليب الدواعش دى الا يرفعوا ليها راية سوداء!!!

[مراقب]

#1299623 [ودنفاش]
4.47/5 (6 صوت)

07-07-2015 05:24 PM
مثلما جلدت المسيحية للزى الفاضح فمن يجلد ابن الحاج ساطور لتعديه على القانون.....اتقوا الله يا قضاة السلطان.الرشوة واكل اموال الشعب يالباطل من يقيم عليها الحد.تبا لكم قضاة المنفعه.

[ودنفاش]

#1299594 [same]
0.00/5 (0 صوت)

07-07-2015 04:24 PM
ليه ياابووعد خسارة متفجرات وابرياء يكونو ماشين في الشارع .. ده نظامو سكيييين جخخخخخخخخ ... ذي صاحبنا الله يرحمو ... راح ضحيه .

[same]

#1299587 [mohanad]
1.38/5 (6 صوت)

07-07-2015 04:11 PM
بالمناسبة نحن لو بنحاسب كان الناس عملت حسابها وذلك مراعاة للاغلبية المسلمة والصائمة ضع تحت الصائمة خطين .امس احد الشباب من الحبشة الساعة عشرة صباحا ماسك سجارة فى نص الشارع قدام بيتى وبشرف فيها كانه فى وسط ادس مع انو الدنيا رمضان لكن الحمد لله اخد خرطوشين فى ضهرو تانى لوقالو ليهو اشرب سجارة مابشرب

[mohanad]

ردود على mohanad
[ابو جلمبو] 07-08-2015 10:21 AM
كويس عشان تاني يعرف انه ما في الحبشة
ده مره اثيوبي مولع نار والشارع كله دخان والجيران والشفع بيكحو كلهم مشيت ليه قلتة ليهو اطفي النار دي قال لي انا بدفع ايجار
جيتة لي جردل موية كشحتها في الوساخة الولع فيها النار وقلتة ليهو المرة الجاية بولع فيك انت النار لو ولعتها
وحسي يجو معرصين الحبش يتباكو هنا

European Union [Zorba] 07-08-2015 06:37 AM


يا متخلف يا داعشي يا جاهل .... صحي الكيزان نجحوا في يث سمومهم

أهكذا يعامل الانسان ... يصوم ولا يفطر أنت منو عشان تحاسبوا قبل الله ما يحاسبوا

يعد التعليق دا من بكرة الصباح بدري نمشي طوالي تتجند في النظام العام يا منخلف

عالم وهم و عقلها عقل غنم " مع الاعتذار للمعيز" التي لم تضرب يوما انسانا او حيوانا بخرطوش او بغيره

يا بهيمة يا برطوش

European Union [Hussam] 07-08-2015 03:38 AM
يشرب سجارة يشرب مويه الصيام ايمان وقتاعة

European Union [Adolf] 07-07-2015 07:58 PM
الاداهو خرطوشين دا.. اكيد ما سمع ب.. ( ادع الى سبيل ربك بالحكمة و الموعظة الحسنة).
دي مشكلة الاسلام الزمن دا . كل من يدعون انهم احرص عليه لا يعرفون الاسلام بفهم يعتمدون فقط على فهمهم البليد للدين.

[NjerkissNjartaa] 07-07-2015 06:00 PM
يعني انت صائمو ممكن تفطرلو واحد دخن قدامك ؟!!!!
وضربت الحبشي بالخرطوش يا ارهابي
بعدين انت ماتستغل وقتك وتدرس اللغةالعربية يا ارها.....


#1299565 [ابودعد]
4.00/5 (1 صوت)

07-07-2015 03:39 PM
بالله مين القاضي اسمه لو سمحت أصلاً النوع دا من القضاة ما ينفع معاهم غير اللي نفع مع النائب العام المصري

[ابودعد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة