الأخبار
أخبار إقليمية
والي الخرطوم ينهي التعاقد مع (160) من الخبراء والمستشارين
والي الخرطوم ينهي التعاقد مع (160) من الخبراء والمستشارين
والي الخرطوم ينهي التعاقد مع (160) من الخبراء والمستشارين


07-08-2015 08:59 PM
الخرطوم: هبة عبد العظيم
أصدر والي الخرطوم الفريق ركن مهندس عبد الرحيم محمد حسين، قراراً قضى بإنهاء التعاقد لأكثر من (160) من الخبراء والمستشارين المتعاقدين مع الولاية بكل الوحدات من وزارات ومحليات وهيئات. وكشفت مصادر مطلعة أن حسين أصدر قراراً آخر بإنهاء وظائف عدد (28) موظفاً كانوا يعملون في وظائف مؤقتة ومتعاونين بمكتب والي الخرطوم السابق د.عبد الرحمن الخضر. وقالت المصادر إن الحد الأدنى لرواتب الخبراء والمتعاقدين هو ألفا جنيه بخلاف البدلات والعلاوات والمخصصات الأخرى من سيارة وغيرها. وعلمت (السوداني) أن قرار الإنهاء يعتبر للدفعة الأولى التي صدر القرار بعدم تجديد التعاقد معها، اعتباراً من 30 يونيو الماضي، فيما يتوقع إنهاء تعاقد الدفعة الثانية والتي تنتهي عقودها في 31 ديسمبر القادم.

السوداني


تعليقات 22 | إهداء 0 | زيارات 9880

التعليقات
#1300812 [شفق الصباح]
5.00/5 (1 صوت)

07-09-2015 01:50 PM
الصادق المهدي له مسطلحات يطلق منها مايناسب الواقع . قبل عشرة سنوات مضت عبر عن حكومة الكيزان بقوله ( هذه حكومة ترضيات ) . واحد المعلقين فى السابق كتب فى هذه الصحيفة قال : هذه اول حكومة فى العالم توظف كل المسجلين فى ( الحزب ) يعني المؤتمر الوطني . وهذا المعلق هو الذي اصاب الحقيقة . بدليل ان ولاية الخرطوم وحدها يوجد بها 160 خبير ومستشار . اذا كان السودان به عشرين ولاية مثلا .. صدقوني لااعرف عدد الولايات لانها اصبحت مثل فروع شركات توزيع بيض الدجاج فى الخليج . فالنقل عشرة ولايات اذا كان بكل ولاية 150 مستشار وخبير الناتج 1500 خبير ومستشار مايتقاضوه من رواتب ومخصصات خلال العام كافية لكسر ظهر البلاد .. وسعادة رئيس البلاد يقول على الهواء الذي عنده دليل على الفساد يجيبو لينا (حسب لغةالمشاطات الذي تعود على الحديث بها وهي اللغة الوحيدة التي تناسبه لانه اذا تحدث بالفصحى يرفع المجرور وينصف المرفوع ) .. هل يوجد فساداكثر من توظيف جيوش من العطالة ويصرف عليهم المليارات . ورغم ذلك عاصمة البلاد تشرب الماء بالصفائح والكارو !!!!!!!! قال مستشارين قال ...
(آل كلاكلةآل ) هذا الوضع يجب ان يوثق له بعبارة ( حكم الكيزان المسخرة )

[شفق الصباح]

#1300733 [الفاتح نورالدين قاقا]
5.00/5 (1 صوت)

07-09-2015 11:57 AM
هذا ما كن نتحدث عنه حتى بح صوتنا و نطالب باجتثات بؤر الفساد المالي و الاداري بكل مرافق الدولة و إسترداد أموال الشعب المنهوبة بغير وجه حق و نرجوا ان لا يقف الموضوع عند هذا الحد و يجب معاقبة من عينهم في هذه الوظائف الوهمية مهما كان منصبه فهل تجرؤ ياسيادة الوالي بتقديم العابثين و المتلاعبين الى الجهات القضائية و إنفاذ حكم القانون فيهم ام يكون الخبر مجرد فرقعة إعلامية

[الفاتح نورالدين قاقا]

#1300610 [شبتاكا]
5.00/5 (1 صوت)

07-09-2015 09:51 AM
يعنى غلمان الوالى السابق عليه الرحمة كان عندهم كل الجيش الجرار من جماعة دعونى الحس...عشان كده انفاقه طلعت معوجة وشوارعه محفره وتمشى بالشارع تلقى النفايات الطبيه دخلت خشمك ودخاخين النفايات التانية تملا خياشيمك فى ارض ولاية المليون ست شاى.....وباعو الحتات ومقلبو والينا وحامينا الجديد وقدر ما بحلق ما لقى له حته تنفع تتباع عشان كده قال احسن يوفر وقام هبش خلية نحل غلمان الولاية ...وربنا يكضب الشينه...طيب سعادتك لما شغلة الوالى السابق كانت غلط فى غلط وجيش المستشاريين ديل كان مافى داع لهم طيب الاتسبب فى الغلط ده يحاسبه منو....شواطين بله الغائب مثلا...

[شبتاكا]

#1300581 [كومبو دامو]
5.00/5 (1 صوت)

07-09-2015 09:22 AM
أعتقد بأن كلام هذا المعتوه صحيح . وجود 160 خبير بالولاية ، وأعتقد اللمبي قصد يعمل بطولة ويظهر للناس إنو راجل أمين وبيعمل بشرف. يل اللمبي إطمئن ، الكل مدرك عن شركاتك الوهمية وإختلاساتك وعفنك. وبعد ده كلو لا تستطيع أن تنطق بكلمتين صحيحات .
الشعب السوداني صابر على بلاويكم وفي إنتظار لحظة الفرح ، وساعتها حتاخد على خشمك بالبرطوش ، تنسى الرياله يا نجس.

[كومبو دامو]

#1300490 [الرفاعي الكلس]
5.00/5 (2 صوت)

07-09-2015 04:57 AM
بحسابات بسيطة سنجد انهم يصرفون اكثر من 40 مليار سنويا . علما بان راتب ومخصصات ونثريات وبدلات المستشار الواحد تتجاوز 20 مليون جنيه شهريا . هذا المبلغ البسيط ياسيادة الوالي انت اولي بيه . خاصة انه الجماعة باعوا الحتات كلها . وفي هنايات تانية وبتاعات كثيرة ممكن تركز عليها وتطلع منها بي حاجات كويسة .

[الرفاعي الكلس]

ردود على الرفاعي الكلس
European Union [جنو منو] 07-09-2015 09:44 AM
فاهم الجماعة كويس يالرفاعى الكلس .. !!


#1300468 [اقلام رصاص]
5.00/5 (1 صوت)

07-09-2015 03:37 AM
كويس تمام
لكن عملها قبلك محمد طاهر ايلا عندما باشر عمله في الاقليم الاوسط.
عقبال دمج المحليات الى محافظات كبيرة ودمج الولايات الى اقاليم

[اقلام رصاص]

#1300461 [النورس]
5.00/5 (1 صوت)

07-09-2015 03:19 AM
160 خبير ومستشار ياربي ديل يكونوا شغالين شنو ؟

[النورس]

#1300438 [الرفاعي الكلس]
0.00/5 (0 صوت)

07-09-2015 02:14 AM
دا كلام صاح . ديل تابعين للوالي القديم . جيب ناسك وعصابتك انت هم اولي . مادام في قروش سايبة ماعندها سيد اولي القربي اولي بيها. وخليهم 360 . وعين ليك مستشار لغوي يحمل شهادة خبرة من رياض الاطفال لمساعدتك في الكلام عن الهنايات والبتاعات والحتات. وثلاثة مساعدين بشهادة تمريض لمسح الافرازات من خشمك .

[الرفاعي الكلس]

#1300436 [ترهاقا]
5.00/5 (2 صوت)

07-09-2015 02:12 AM
كل هذا الجبش الجرار من المستشارين ؟ ويا ترى كم العدد الكلى على مستوى الدولة بوزاراتها وولاياتها وشركاتها العامة وبعددا كله موية قاطعة وكهرباء متذبذبة وكيما ن نفايات غايتو ربنا لطف بينا لو لا وجودهم تخيل كيف يكون الحال وانا اقول الجبايات دى كلها بتمشى وين ؟اه دا ليه اسم تانى غير الفساد.؟.....وهل دى دايرة ليها مفوضية والله لجان علشان تكتشفها اهو سعادة الفريق اكتشفها بنظرة واحدة على البيرول بتاع الشهر الفات ( انها لا تعمى الابصار ولكن تعمى القلوب الى فى الصدور) محاربة الفساد ارادة سياسية فقط لاغيرها ولكن الشعب يطلب المزيد يا والينا الهمام .

[ترهاقا]

#1300414 [المهندس سلمان إسماعيل بخيت على]
5.00/5 (1 صوت)

07-09-2015 01:09 AM
لا أملك إلا أن نشد على يدك وندعو لك الله فى العشر الأواخر من رمضان وبالتوفيق إن شاء الله وارجو من الأخوة المعلقين ألتزام الأدب فى التعليق خاصة خلال هذا الشهر الفضيل والا فان الله ليس فى حاجة لعطشكم وجوعكم أو قد يكون هؤلاء ليس مسلمين وليس بصائمين لان المسلم خلقه القرأن مش كده يا [زنقه زنقه]

[المهندس سلمان إسماعيل بخيت على]

ردود على المهندس سلمان إسماعيل بخيت على
[الككو الفجخ الطين] 07-09-2015 04:06 AM
يلا يالوالي شوف لهذا المهندس الذي يحبك ويعلم الناس الأدب وظيفة مرموقة

European Union [كاتم السر] 07-09-2015 03:32 AM
ولا تعليق...اللهم اني صائم


#1300411 [ابو علي]
0.00/5 (0 صوت)

07-09-2015 01:01 AM
خطوة ايجابية على كل حال وننتظر

[ابو علي]

#1300400 [jomo]
5.00/5 (2 صوت)

07-09-2015 12:47 AM
ما ياهو في حتات كتيرات

بس احفر في نفس الاتجاه لمن تصل نهاية الحتة دى

انا بوصف ليك حتات تانيات .

[jomo]

#1300372 [معاويـــــــــــــــــــــــــــــــة]
0.00/5 (0 صوت)

07-08-2015 11:55 PM
ههههههههههههههههههههههههههههههه طيب نشوف الباقى شنو تانى

[معاويـــــــــــــــــــــــــــــــة]

#1300368 [زول الخلا]
0.00/5 (0 صوت)

07-08-2015 11:46 PM
الي الأمام ورغم ما يقال عنك هناك أمل...بس شوف لينا قصة حملات المرور اليومية دي ونكون شاكرين.

[زول الخلا]

#1300341 [عصمتووف]
5.00/5 (1 صوت)

07-08-2015 11:06 PM
الصالح العام ف ثوب جديد لسة اانزل شوية تجد الربوب والخبوب ف اكثر من عمال النظافة والبناء والتشيد المهرة وليس المدعين

[عصمتووف]

#1300326 [زنقه زنقه]
5.00/5 (3 صوت)

07-08-2015 10:37 PM
يا سلام عليك إنجاز هائل ، امال ليه بيقولوا عليك حمار ومتخلف وبتاع ريالة وبالنظر. نديك كم شهر كده ونشوف جايز الموية تجي في المواسير والبيوت تولع بالكهرباء.
عموما خادم الفكي مجبور على الصلاة.

[زنقه زنقه]

#1300319 [Twenty]
5.00/5 (2 صوت)

07-08-2015 10:27 PM
الخضر نشف كل شى يا الليمبي شوف ليك موضوع مجارى الخريف على الأبواب عشان تدوس من هنا

[Twenty]

#1300314 [محمد الامام على]
5.00/5 (1 صوت)

07-08-2015 10:17 PM
ما عملتو حاجه بمشو من هنا بجو بى هناك الخضر مشى وين الا تدوكل واحد طلقه حتى ترتاحو منهم ما شفنا لينا زول اتحاكم واختفى الا النحيله والى سنجه الزمان لمن جابو القضارف واكل قروش طريق القلابات ولمن سالوا منها قال دفعها للناس الاستقبلوا الرئيس

[محمد الامام على]

#1300302 [د..الزهجان]
5.00/5 (3 صوت)

07-08-2015 10:00 PM
والله حيرتنا هذه خطوه ايجابيه لايمكن الا مباركتها .اجتزاز الطفيليات المتسلقة واغلبهم اصحاب وظائف اخرى وهم طبعا من منسوبي الكيزان الوثني
..سيارة وشقة ايجار ومخصصات العايله اقلاهو 50 مليون في الشهر مضروبه في ال160 سبعه مليار كل شهر
تتوجه للسدود والمجاري ..... وقول واحد

[د..الزهجان]

#1300301 [انقاذي سادرفي فساده]
5.00/5 (4 صوت)

07-08-2015 09:57 PM
150من الخبراء والمستشارين في ولاية الخرطوم فقط وتعاني من العطش وقطوعات الكهرباء.لابد من سرعة كنس ونظافة هذه الطفيليات وحسنا فعل ونطمع في المزيد

[انقاذي سادرفي فساده]

#1300295 [ساره عبداالله]
0.00/5 (0 صوت)

07-08-2015 09:42 PM
يعنى هذا البطل إلى جاى من م مؤسسه كلها صفا واتباعه يتصور ليه عايز ينظف الحل
لكن هو ذاته يجب ان يتحلى من الوساخه إلى ملطخه وجه شركات وعمارات حرام

[ساره عبداالله]

#1300294 [ALIIIIIIIIIIIIIIIIIIIIIIIIIIIIIIIIIIIIII]
5.00/5 (3 صوت)

07-08-2015 09:41 PM
سبحان الله 160 مستشار وخبير وكهرباء زي الزفت وشبكة موية زي الزفت شبكة صرف صحي ليس لها وجود مما يجعلنا نغرق سنويا شوارع مسفلتة بطريقة سيئة للغاية اسواق فوضي مواقف مواصلات فوضي كلو فوضي في فوضي فوضي في الاسعار فوضي في التعليم فوضي في قطاع الصحة جرائم اشكال وانواع تردي في قطاع الخدمات بصورة لاتخفي علي كل ذي نظر فوضي في كل شئ ال160 خبير ومستشار ديل مجهودهم في الحاجات اللي ذكرتها دي وين بالضبط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ باامانة اتخلعت لمن عرفت انو في خبراء ومستشارين ياسبحان الله الظاهر قدراتهم الكامنة لسع ماطلعات عالم كده ذاتو عجيبة

[ALIIIIIIIIIIIIIIIIIIIIIIIIIIIIIIIIIIIIII]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة