الأخبار
أخبار إقليمية
حزب البشير يعتمد حسبو للقطاع السياسي ومصطفى للخارجي
حزب البشير يعتمد حسبو للقطاع السياسي ومصطفى للخارجي
حزب البشير يعتمد حسبو للقطاع السياسي ومصطفى للخارجي


07-09-2015 01:28 PM
12 الخرطوم - أميرة الجعلي

علمت (اليوم التالي) من مصادرها أن التغيير المرتقب داخل المؤتمر الوطني في ما يخص القطاعات والأمانات المختلفة سيحدث تحولا كبيرا لدعم خطة الحزب والحكومة في المرحلة المقبلة، وبحسب مصدر فإن مصطفى عثمان إسماعيل سيتولى قطاع العلاقات الخارجية، خلفا لصلاح ونسي، ويتولى حسبو محمد عبدالرحمن رئاسة القطاع السياسي خلفا لمصطفى، وتوقع المصدر أن تشهد الفترة المقبلة تعاونا كبيرا في ملف العلاقات الخارجية بين الحزب والخارجية، وأوضح المصدر أن إبراهيم محمود نائب رئيس المؤتمر الوطني يعكف على رفع مقترحات تشكيل القطاعات والأمانات إلى المكتب القيادي للحزب لإجازتها خلال الأيام المقبلة

اليوم التالي


تعليقات 4 | إهداء 0 | زيارات 2980

التعليقات
#1301198 [isic]
0.00/5 (0 صوت)

07-10-2015 08:48 AM
الزول ده مش عامل فيها إسلامي :مرة جيت ماري جنب مربع 6 يثرب مع صلاة المغرب وقلت أصلي فميشت لجامع صغير كده وأقيمت الصلاة وشايف زول طلع قدام عشان يصلي بينا وطلع مصطفى عثمان إسماعيل وبتذكر قرأ في الركعة الاولى آخر خمس آيات من سورة الكهف فياسبحان الله الزول ده بلحن (بمعنى بقرأ دون تجويد)!!!، ديل والله الدين الاسلامي في جهة وهم في جهة نسال الله ان يحلنا منهم بحلول عيد الفطر المبارك بكن فيكون،

[isic]

#1300901 [المهندس سلمان إسماعيل بخيت على]
0.00/5 (0 صوت)

07-09-2015 03:47 PM
يا جماعة الحكومة فى القصر لا فى مجلس وزراء ولا فى مؤتمر وطنى واى زول يحولوه للمؤتمر الوطنى معناه خلاص وضعوه فى الرف زى لمان يشيلوا الوزير ويعملوه مستشار لرئيس الجمهورية هو رئيس الجمهورية بشاور زول وقديما قيل لا خاب من أستشار وطيب أمال الخيبة النحن فيها دى معناها شنو - ماعندها غير معنى واحد - لكن الخيبة الكبيرة بتاعت الخضر الذى سلم اخونا عبد الرحيم مواسير فاضية بلا مويه وكمان فى الصيف وفى رمضان الله يجازيك يا الخضر وكمان عامل 1200 مستشار عشان شنو
يا عبد الرحيم أستحلفك بالملح والملاح الذى أكلناه سوى فى الداخليات والقراصة بالملوخية التى أكلتها معك فى بيتك لمرات عديدة لو ماقلعت السيف من عبد الرحمن الخضر و رئيس مجلسه التشريعى محمد الشيخ مدنى - على الطلاق بالتلاته الأتنين ديل عصاية أبنوس كتيرة عليهم
السيفين ديل لو عرضا فى المزاد العلنى ممكن رجل اعمال يدفع فيهما مبلغ يحل ليك مشكله
بعدين يا ابوبكرى الحاجات السرقوها دى حتسكت عليها وحق الشعب دا يضيع ساكت أم بموت غسان ماتت قضية فساد مكتب الوالى السابق الخضر
معقول قضايانا كلها تؤجل ليوم الحساب

[المهندس سلمان إسماعيل بخيت على]

#1300872 [osman]
5.00/5 (1 صوت)

07-09-2015 03:15 PM
خلاص عمكم مصطفي عثمان بالمنصب ده سيقضي علي ماتبقي من العمله الصعبه

[osman]

ردود على osman
[أبوشوك جنقول] 07-10-2015 12:47 AM
المدعو مصطفى عثمان اسماعيل واحد من أكبر الفاسدين في النظام القائم ولا تغتروا بمحاولات البراءة التي تبدو على وجهه.
فمنذ أن كان وزيراً للخارجية قام بتصفية كل الكادر المؤهل من دبلوماسيين وموظفين وأتى بمن تروق لهم نفسه.
مصطفى عثمان اسماعيل يمتلك عشرات العقارات من عمارات وفلل وأراضي في مواقع إستراتيجية فضلاً عن المزارع الشاسعة والمشاريع.
نأمل أن يقوم كتاب الراكوبة بإحصاء ممتلكاته وليشهد الناس كم قيمة أصوله داخل وخارج السودان التي قد تصل إلى ترليونات بالجنيه السوداني.
ما لا يعرفه الناس أنه يمتلك عمارة كاملة في مثلث الشجرة والعزوزاب فقط لإسكان العاملين لديه.
ما يسمى بالاستثمار السوداني هو استثمار لمصطفى عثمان اسماعيل فقط وقد أفسد الكثير من الصفقات بسبب العمولات الباهظة التي يفرضها على المستثمرين.
لابد من كشف القناع عن الوجه الحقيقي لمصطفى عثمان اسماعيل وأقاربه ومحاسيبه.


#1300836 [radar]
5.00/5 (1 صوت)

07-09-2015 02:18 PM
اللهم أني صائم. يا جماعة تاني حنشوف الطفل المعجزة في التلفزيون وهو مسافر أو جاي -الود ده حكاية شنو. كلما يفطموا من وزارة يختلق ليه وزارة ثانية عشان يواصل رضاعة. اللهم اغفر لنا وارحمنا

[radar]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة