الأخبار
أخبار إقليمية
جميع مقار مؤسسات ولاية الخرطوم مرهونة لرجال أعمال وبنوك
جميع مقار مؤسسات ولاية الخرطوم مرهونة لرجال أعمال وبنوك
جميع مقار مؤسسات ولاية الخرطوم مرهونة لرجال أعمال وبنوك


07-12-2015 07:26 PM
الخرطوم: هبة عبد العظيم
علمت (السوداني) من مصادر موثوقة، أن جميع مقار الوزارات والمؤسسات الحكومية بولاية الخرطوم والأراضي الاستثمارية المميزة مرهونة لرجال أعمال وبنوك.
وقالت مصادر مطلعة إن هذه المقار تم رهنها مقابل تمويل لمشاريع التنمية في الولاية وتشمل مقار "الوزارات ورئاسة المحليات السبع وبعض مقار الوحدات الإدارية وبعض المدارس والمشافي". ولم تستبعد ذات المصادر، أن يكون قرار والي الخرطوم الفريق ركن مهندس عبد الرحيم محمد حسين القاضي بإيقاف بيع الأراضي الاستثمارية، لهذه الأسباب.
في السياق، رجحت مصادر أن يكون قرار الوالي بإيقاف بيع الأراضي الاستثمارية والزراعية والسكنية في الوقت الراهن لمراجعة أسعارها، خاصة أن هذه الأراضي أصبحت تُدخلها إدارة الاستثمار بوزارة التخطيط العمراني في مزادات مليارية.

السوداني


تعليقات 8 | إهداء 0 | زيارات 7081

التعليقات
#1302833 [بلغ السيل الزبي]
5.00/5 (2 صوت)

07-13-2015 09:29 AM
الان اللوم علي الشعب السوداني ان لم ينتفض ويرمي بهؤلاء في مزبلة التاريخ..

[بلغ السيل الزبي]

ردود على بلغ السيل الزبي
European Union [زول الخلا] 07-13-2015 11:59 AM
سمعنا والعهدة علي الراوي أن الجماعة ديل اول ما جو قامو جابولهم مجموعة كبيرة من الفقرا وشيوخ الدجل وكتبو محايات بكميات كبيرة ورموها في النيل ومسكو كل نيل من قريب ما دخل أبيض و أزرق وعند المقرن وشربونا ليها ومن ديك بقينا صم بكم إلا من فرفرة بسيطة علشان في ناس ما بتشرب مويتهم دي أو يشربو من آبار أو موية صحة..


#1302770 [الدابى]
5.00/5 (2 صوت)

07-13-2015 04:45 AM
قبل فترة شبكنا ليك الكلب الاسمو الخضر باسطوانة اسمها تفريغ شارع النيل من الوزارات والله انا من وقتها عرفت انو الشغلانة قنطرة وتجهيز للبيع وسبق انى علقت بذلك فى الراكوبة ... ولسع ...يا ما تحت السواهى دواهى وستكشف الايام ما يشيب له الولدان وخير برهان تقرير الامم المتحدة الاخير الذاكر انو السودان بكامله مبيوع يعنى لا الخرطوم ولا عطبرة ولا مدنى ... اكرر السودان كلو مبيوع . فهيا جميعا يااخوه نطلع الشارع ونحصل العقاب ما عشانا نحن عشان ما نخلى لاولادنا وطن ذى ما اباءنا خلوه لينا وبعد ده اريتنا نحصل . النايميين ليها شنو قوموا ارح وايد فوق ايد نجدع اللصوص والسجم بعيد .

[الدابى]

#1302755 [سكران لط]
5.00/5 (1 صوت)

07-13-2015 02:56 AM
هههه لقى الواطا كلها مرهونة ومبيوعة قال احسن اشكها من الاول يمكن يلقى فرقة

[سكران لط]

#1302671 [همت]
5.00/5 (2 صوت)

07-12-2015 10:42 PM
(مقابل تمويل لمشاريع التنمية في الولاية) تنمية شنو؟ في زول شايف تنمية؟ هو غير شوارع الظلط الحكومة عملت حاجة؟ شارع الظلط الذي يكلف 200.000 دولار الحكومة تعمله بملايين الدولارات. الحكومة تسف، والكوز الذي يقاول يسف، والسمسار الذي يأتي بقريبه الكوز كمقاول يسف، والاستشاري الذي يأتي به قريبه الكوز كاستشاري يسف ... قطار من الكيزان الفاسدين! تنمية قال! تنمية جيوب الكيزان الحرامية هو التعبير الأصح! أعتقد أن رجال الأعمال الذين يقصدهم التقرير هم أنفسهم مدراء وتنفيذيين في المؤسسات المرهونة... زيتهم في بيتهم يعني!! هههههههههههههههههه ...آل تنمية آل!!!

[همت]

#1302648 [موسى]
5.00/5 (2 صوت)

07-12-2015 09:47 PM
شنو يعني رهن المقار اذا كان كل فرد من أفراد الشعب السوداني مرهون لصالح مؤسسات التمويل العربية وغيرها مقابل قروض تم اقتراضها لقيام مشاريع تنموية فاشلة مثل سد مروي والطرق والكباري وكلها سوف تثبت فشلها يوم بعد يوم .....
ديون لا حصر لها يدفعها المواطن السوداني مع فوائدها (خدمات الديون )
المواطن السوداني تم تفوير دمه وكسر عظمه وطحن ما تبقى من جثته بين سندان الحكومة وجباياتها ومطرقة مؤسسات التمويل وقروضها.....
وأكيد ماخفي أعظم وبارك الله في عبدالرحيم حسين الذي اكتشف بيع الحتات كلها ورهن المقار والغريبة مرهونة لرجال أعمال (ومن هم رجال الأعمال هؤلاء )
الله يكون في العون والخراب كثييييييييييييييييييييييييييييييييييييييير

[موسى]

#1302643 [بكري الصائغ]
4.50/5 (5 صوت)

07-12-2015 09:32 PM
إقتباس:
(جميع مقار مؤسسات ولاية الخرطوم مرهونة لرجال أعمال وبنوك)!!

***- البلد كله مرهونة للبنك الدولي!!
***- البشير (مرهون) لمحكمة الجنايات الدولية!!
***- والي الخرطوم مطلوب امام عدالة محكمة الجنايات الدولية!!
***- الجنيه السوداني بقي ولا حاجة قدام باقي العملات الصعبة!!
***- تجار البشير يبيعوا فينا ويشتروا!!
***- "سودانير" (مرهونة) لشركة عارف الكويتية!!
***- التلفزيون القومي بقي صيني!!
***- هيئة الموانئ البحرية امتلكتها شركة اماراتية!!
***- الفندق الكبير في الخرطوم صاحبه باكستاني!!
***- بنك فيصل هدم سينما "كوليزيوم" وامتلك قطعة الارض!!
***- الشيخ السعودي جمعة الجمعة امتلك البنك العقاري..مؤسسة الاسواق الحرة..فندق قصر الصداقة!!
***- برج الفاتح الليبي حل مكان حديقة الحيوانات!!
***- الاندية الرياضة الرياضية لكرة القدم اتعاقدت مع اجانب علي حساب اللعيبة السودانيين!!
***- العمالة الاجنبية طردت الوطنية!!
***- الشعب السوداني استغني من مشاهدة التلفزيون واستبدلها بقنوات اجنبية!!
***- الحكومة استبدلت هجرة الكفاءات ببائعات القهوة من اثيوبيا!!
***- السودان يستورد الكهرباء من اثيوبيا!!
***- الحكومة تحرق النخيل في الشمالية..وتستورد البلح والعجوة من السعودية!!

***-
***- بعد ده كله نسأل: شنو البقي وفضل من السودان (الفضل)؟!!

[بكري الصائغ]

#1302631 [متسائل]
3.00/5 (1 صوت)

07-12-2015 08:39 PM
غايتو الكيزان وقعوا همبته فى مقار وأملاك الدولة زى الوارثنها من أبواتهم, وبألمناسبة برج الفاتح الفى الصورة البناهو ليهم القذافى وبقو قاشرين بيهو كأنو بنوهو هم وبعد ما راح القذافى وقعوا نبذ شديد فيهو المهم وضع البرج شنو الآن هل هو ملك للكيزان أو ملك للحكومة الليبية وفى الحالة دى ياتو حكومة ليبية؟؟

[متسائل]

#1302617 [ساره عبداالله]
5.00/5 (1 صوت)

07-12-2015 07:56 PM
الله استر عبدالرحيم ما اكون عايز اشترى القصر الجديد دا عنده كم شركه كم عمارة
وامكن تحلى ايه مبنى البوسته الجديد يادوب غنى وامتلاء
الشعب السودان اقبضوا على هذا الحرامى

[ساره عبداالله]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة