الأخبار
أخبار إقليمية
عوض ابراهيم عوض : سيناتور أميركي قال لي " يا عوض نحن اللوتري ده والله عملنا عشان السودانيين.
عوض ابراهيم عوض : سيناتور أميركي قال لي " يا عوض نحن اللوتري ده والله عملنا عشان السودانيين.
عوض ابراهيم عوض : سيناتور أميركي قال لي


عشان نطعم الشعب الأمريكي
07-15-2015 02:44 PM
الراكوبة قال البروفيسور عوض ابراهيم عوض أنه تعرف على مستر جون ديفز السيناتور الامريكي الذي عمل مجمع تدريس لغات في عدة مناطق في العالم ووافقت أن أعمل معه في معهده بكوالالمبور رغم قلة المقابل المادي لان العمل مع سيناتور أمريكي له قيمته ولما تعمقت صداقتنا يوم قال لي " يا عوض انا داير اديك سر وانا الكلام ده بقولو احقاقا للحق - فيوم من الايام قال لي يا عوض نحن اللوتري ده والله عملنا عشان السودانيين دليرين نجيب سودانيين لقيم كتيرة عندكم -قلت ليهو يا جون انت بتبالغ قال لي نو نو - أنا بحكي ليك وانا سيناتور في الكونغرس الاميركي - على مدى السنوات في اشكاليات حصلت بان الامريكان خايفين من حكاية الاسرة ذات العائل الواحد بدون خال ولاعم ولاحبوبة دي بتعمل مع مرور الزمن ضمور في الجزيئه بتاعت الذكاء في مخ الانسان وخايفين تجي مرحله يكونوا كل الناس اغبياء لانه السلوك الزي ده ضد فطرة الانسان. وقال لي طبعا الدستور مابساعدنا عشان نفرض على الناس انو يقعدوا في البيوت , الاسر الابناء والعمات والخالات, فلجأنا الى حكاية اللوتري, مابنقدر نشحد السودان نقول ليهو ادينا ناس يصلحوا الامريكان أبدا, فعملنا اللوتري مفتوح للعالم كلوا لكن همنا نجيب سودانيين لسبب واحد انو اللجان العملنها تدرس المجتمعات الفي الدنيا عشان نجيب شعوب عندها المستوى بتاع التعامل مع الاسر وكدة وعشان تطعم الشعب الامريكي قال لي لقيناها في السودان لوحدو , باقي الدول الدول حكاية دي ماموجودة فيها فالسودان قال لي ضالتنا في التربيه الدايرنها تلقى الحبوبه قاعدة لامن تموت يدفنوها من البيت والجد قاعد وجد الجد ممكن يكون قاعد في البيت وياكلوا كلهم في صينيه واحدة , وفي رمضان يمرقوا صوانيهم وينادوا الغاشي والماشي والجعان والعطشان ويمدوا الاكل قال لي بي فوق الحيطة. ده كلوا هو عارفو فقال لي قلنا السلوك ده بخلينا نجيب سودانيين عشان يبقوا امريكان وفتحنا اللوتري حتى قام قال لي ياعوض هسه كان قدمته حناخدك قلت لي ياجون انا ماشي اكلم اهلي انو يا اهل السودان لازم تفرحوا, انتو شعب فيكم ميزة دايره امريكا تصلح بيها ناسها, فقال لي ياعوض انا حأنكر اني كلمتك دي الحقيقه وقال لي نحن ماممكن نرضى نقول دايرين ناس يجو يصلحونا لكن دي الحقيقه اللي حقو انك تعرفها, على كل قمت انا سألت السؤال ده للمتحدث في الكونغرس الامريكي قلت ليهو مستر جون ديفز قال لي الكلام ده وانا اثلج صدري وانا رجل اعلام قبلما اكون استاذ جامعي فبالتالي ماصحة الكلام ده؟ قال لي صاح نحن نقدر جدا الشعب السوداني وبالتالي معانا سودانيين يهزوا ويرزوا وجزء كبير من القيم الامريكيه دي شايلنها على اكتافهم سودانيين, طيب يا أخي ماتودوا ناسنا ديل وتجوا السودان وتصلحوا علاقاتكم معانا وكدة فقام قال لي عبارة قال لي يا اخي انتو مابتدونا تأشيرة عشان نجيكم في السودان.

تابع الحديث في الفيديو -

وتعليقاً على ذلك قال أحد الأكاديميين السودانيين والذي يعمل بإحدى الجامعات الأمريكية :
كما توقعت فقصة الأخ عوض إبراهيم عوض مفبركة. لا يوجد أي عضو في الكونغرس الأمريكي باسم جون ديفز John Davis في هذا العصر. هناك عضوان حملا هذا الاسم أحدهما كان في القرن التاسع عشر و الآخر في القرن الثامن عشر. لا أظن أن عوضا كان معاصرا لهما! و يوجد شخصان أيضًا بهذا الاسم أحدهما يعيش في ولاية تكساس كان نائبا في مجلس الولاية التشريعي (و ليس الكونغرس) و لم "يطلق السياسة" إلا في يناير من هذا العام و مهنته مقاولات البناء و ليس له أي علاقة بتعليم اللغات أو بماليزيا. أما الثاني فهو محام في ولاية أوريغون صغير السن و يعمل حاليا نائبا في مجلس الولاية و ليست له علاقة بالكونغرس أو باللغات أو بماليزيا. و بالتالي قصة السناتور الأمريكي كان بيزورني في البيت و قال لي يا عوض، و أنا قلت ليه يا جون بتبالغ... إلخ، دي قصة مفبركة و احتقار لعقول الناس. و بعدين أمريكا عاوزه تستورد سودانيين عشان خايفين إنو العقل الأمريكي يحصل فيه ضمور في مركز الذكاء؟؟!! إذا كان ده مستوى أحد حملة الدكتوراه في وطننا العزيز كان الله في عون الطلاب. لذلك لست أستغرب الآن دعوته لأساتذة جامعته بمنح الرئيس البشير درجة الدكتوراه على رسالة الماجستير. و لله في خلقه شؤون.



.


تعليقات 102 | إهداء 0 | زيارات 28936

صفحة 1 من 212>
التعليقات
#1305618 [sears]
5.00/5 (1 صوت)

07-19-2015 02:43 PM
Quote:*الأخ حسن الجزولي

لك التحية ولضيوفك الكرام

كنت مسئولا عن الوردية المسائية بقسم الأخبار بالإذاعة السودانية في ذاك اليوم الحزين ، اتصل بي أحد الأخوة من سونا وذكر لي ان هنالك بيان عاجل سيصلك باليد لاذاعته في نشرة الخامسة مساء ، بالفعل وصلني البيان وكان هو بيان إعدام الشهيد محمود محمد طه ، وللأمانه والتاريخ البيان كان مقتضب جدا فقط اشار إلى انه تم صباح اليوم تنفيذ حكم الإعدام في المدعو محمود محمد طه بسجن كوبر وشهادة ندليها للأمانة وللتاريخ أن كل ما ورد في البيان بعد ذلك مثل عبارات ( هكذا اختث الله رأسا من رؤوس الكفر ، نحمده ونشكره ) وما تلى ذلك من إنشاء هي إضافة اضافها المذيع عوض إبراهيم عوض ، أضافها على الهواء بعد أن أخذ النشرة من قسم الأخبار وذهب إلى الاستديو وهناك أضافها بخط يده رغم الحزن الذي خيم على كل الزملاء بالقسم بعد استلامنا للبيان وبعد النشرة مباشرة دخلت معه في نقاش حاد انتهى كالعادة طبعا بالتهديد والوعيد لكل من يقف في وجه دولتهم الدينية .*

[sears]

#1305434 [تلفون]
0.00/5 (0 صوت)

07-18-2015 09:26 PM
عن ديفز بتاع اخونا عوض يقول مستر (قوقل) ديل (الدفوز) الطلعوا معاهو :

جون دافيز (بحار)
الميلاد: ١٥٥٠
الوفاة: ٢٩ ديسمبر، ١٦٠٥، بنتان، إندونيسيا
جون ويسلي ديفيز (سياسي)
الميلاد: ١٦ أبريل، ١٧٩٩، نيو هولاند، بنسيلفانيا، الولايات المتحدة
الوفاة: ٢٢ أغسطس، ١٨٥٩، كارليلس (إنديانا)، إنديانا، الولايات المتحدة
جون هنري ديفيز
جون هنري ديفيز، توفي في 1927، رئيس سابق لنادي مانشستر !!!!!!

[تلفون]

#1305425 [abdullah hamid]
0.00/5 (0 صوت)

07-18-2015 08:11 PM
اللهم نسالك العقل ونعوذ بك من الجهل والجاهلين. هذا الرجل لم يطلع على الدافع الذي من اجله قدم مشروع اللوتري. هذا المشروع جاء تحت راية التنوع والتمثيل للاثنيات الاقل هجرة لامريكا. المحبة منة الله هذا الرجل سالت عنه كثير من المتابعين فخرجت اراءهم متقاربة جدا وكانت النتيجة ان هذا الرجل متملق وحاهل وبه مرض نفسي وكثير الكلام عن نفسه. يحب الاضواء ويعشق النساء ومراهق. تارة يدعي انه اشعر عصره . يتغمض شحصيات العلماء. يكثر من الثناء على مرؤسيه. اسال الله ان يسامحني لو اخطات في حقه لكن هذه الحقيقة المرة.

[abdullah hamid]

#1305410 [احمد محمد علي]
5.00/5 (1 صوت)

07-18-2015 06:46 PM
عوض ابراهيم عوض، شخص نرجسي وناكر للجميل. كثير الحديث عن نفسه ويأبي الحديث بكلمة حق الواحدة عن أي من الذين أخذوا بيده مذ كان طالبا الي ان تخرج والتحق بالعمل.من ضمن هؤلاء الذين أخذوا بيده وتنكر لهم، عامل بسيط بالهيئة القومية للكهرباء والمياه، أيامها، فني مكانيكا بالورشة اسمه آدم اسحق، لا زال حيا يرزق. هذا الرجل استضافه في داره وصرف عليه الي ان تخرج. ومن يوم ان تخرج والتحق بالعمل، لم يسال عن هذا الشخص ولم يزره الي يومنا هذا. .......... شخص بهذه الصفات، ماذا تتوقعون منه !!

[احمد محمد علي]

#1305375 [د. سلوى جقاجق]
0.00/5 (0 صوت)

07-18-2015 04:29 PM
.

[د. سلوى جقاجق]

#1305360 [jafar]
0.00/5 (0 صوت)

07-18-2015 03:24 PM
ياربى كلام عوض دا صاح .. كدى نشوف خلونا نجرى ورا الكضاب لحد باب بيتو

[jafar]

#1305358 [ابونديبو]
0.00/5 (0 صوت)

07-18-2015 03:12 PM
كذب عوض من قبل عندما زعم بأنه حضر ميلاد احدي اغنيات الفنان حمد الريح
والذي كان مهذباً في رده علي كذبة عوض ابراهيم عوض بأن كتب مقال في صحيفة
وحكي قصة الاغنية وتاريخ استلامها من الشاعر موضحاً بكل ادب ان ذاك التاريخ
يسبق قدوم عوض الي العاصمة...ولم نسمع تعليق من البرفسور المزعوم.....

[ابونديبو]

#1305256 [Ali]
2.00/5 (1 صوت)

07-18-2015 09:53 AM
مليون تعليق رفقا ايها الناس لقد قتلتم الرجل ،عاصرنا زمن نجوميته في تقديم البرامج التلفزيونية وكان نجما حينها
لماذا هذا الموضوع يتصدر القائمة يا ادارة الراكوبة فهو ليس خبرا كبيرا بل خبير

[Ali]

ردود على Ali
[د. سلوى جقاجق] 07-18-2015 04:23 PM
أخــــــــــرس


#1305196 [برهوم]
0.00/5 (0 صوت)

07-18-2015 05:37 AM
عايتو الزول ده كضاب كضب

[برهوم]

#1305167 [شيت]
0.00/5 (0 صوت)

07-18-2015 02:38 AM
يا اخوانا داير ملحن كارب قبل رمضان الجاي عندي غنية داير الحق أغاني أغاني



الزول الوهم وينو

الزول الوهم ياهو






عوض إبراهيم عوض


اختفي من حياتنا

اختفي .........................

[شيت]

#1305164 [عيسى بن مريم]
0.00/5 (0 صوت)

07-18-2015 02:32 AM
عوض يخي انتا كلامك غريب

يا اخوي بطل وهميات صدقني احسن عشان صحتنا

بالله عليك هون علينا

خلي الصواتة والكلام الفاضي البتسوي فيهو ده

يخي أقول حاجة

اختفي من حياتنا خلاس انتل زول ملللللللللللللللللللللللللللللللللللللللللللللللللللللللللللللللللللللللللللللللللللللللللللللل

[عيسى بن مريم]

#1305159 [مع الطيور الما بتعرف ليها خرطة]
5.00/5 (1 صوت)

07-18-2015 01:29 AM
لقد هرمنا يا بروف ونحن نقدم على اللوتري من أيام بتكتب بخط اليد وبترسل بالبريد العادي,
كان كلامك دا صحي كان وصلنا امريكا من ربع قرن على الأقل

[مع الطيور الما بتعرف ليها خرطة]

#1305142 [osam]
0.00/5 (0 صوت)

07-18-2015 12:02 AM
ohn Davis Chandler (January 28, 1935 – February 16, 2010) was an American actor. He portrayed the gangster Vincent Coll in the 1961 film, Mad Dog Coll. He appeared in several of Sam Peckinpah's Western films, and on television between the 1960s and 1990s in such series as The Rifleman, Route 66, The Virginian, Adam-12, Gunsmoke Walker, Texas Ranger, and Star Trek: Deep Space Nine.

Chandler was born in Hinton, West Virginia. He died at age 75 in Toluca Lake, California.[1]

Selected filmography[edit]

[osam]

ردود على osam
European Union [abushihab] 07-18-2015 11:38 AM
so what?


#1305138 [ماسورة]
5.00/5 (3 صوت)

07-17-2015 11:56 PM
امكن يا عوض السيناتور قاصد انهم عملوا ( اللوري) مخصوص عشان السودانيين ..اللوري مش اللوتري !
كديه اتصل بيهو واتاكد وربنا يجيب العواقب سليمة .

[ماسورة]

#1305137 [osam]
0.00/5 (0 صوت)

07-17-2015 11:56 PM
تاريخ البرنامج[عدل]
قدم قانون الهجرة الأمريكى لعام 1990 برنامج هجرة التنوع حيث يتم توفير 55 ألف تاشيرة سنويا بداية من عام 1995 في قرعة عشوائية بواسطة الحاسب الآلى. يهدف البرنامج إلى تنويع السكان المهاجرين ويستهدف الدول ذات معدل هجرة منخفض للولايات المتحدة خلال السنوات الخمس الأخيرة.
تقوم الدائرة المختصة في كل سنة باستقبال الطلبات عن طريق الموقع الرسمي لوزارة الخارجية الأمريكية المخصص للبطاقة الخضراء في الفترة المحصورة بين شهر أكتوبر وشهر نوفمبر.
الدول المستهدفة[عدل]
الدول ذات معدل هجرة مرتفع للولايات المتحدة وتحديدا الدول التي هاجر منها أكثر من 50 ألف مهاجر للولايات المتخدة خلال آخر سنوات تصبح غير مؤهلة للتقديم في برنامج هجرة التنوع, في برنامج عام 2014 والذي ينحصر في الفترة من أكتوبر 2012 وحتى سبتمبر 2014 كانت هناك 18 دولة غير مؤهلة للبرنامج: البرازيل, كندا, بنجلاديش, الصين, جمهورية الدومينيكان, كولومبيا, الإكوادور, السلفادور, هايتي, الهند, جامايكا, المكسيك, باكستان, بيرو, الفلبين, كوريا الجنوبية, بريطانيا وجميع الدول التابعة لها (بإستثناء أيرلندا الشمالية) وفيتنام طبعا هذا هواليانصيب لكن البعض يفضل الهجرة القائمة علي نظام النقاط.
الغش والاحتيال

[osam]

#1305099 [سلطان]
0.00/5 (0 صوت)

07-17-2015 06:56 PM
لكن يا عوض دي مدفعية من العيار التقيل وغايتو فوتا الكبار والقدرك.

ياخي اختشي ودعك من هذا الإسفاف واحترم عقولنا.
قلت السناتور ده كان بيقعد معاك في سوق الناقة؟

بسم الله الرحمن الرحيم
كَذَّبَتْ ثَمُودُ بِطَغْوَاهَا (11) إِذِ انْبَعَثَ أَشْقَاهَا (12) فَقَالَ لَهُمْ رَسُولُ اللَّهِ نَاقَةَ اللَّهِ وَسُقْيَاهَا (13) فَكَذَّبُوهُ فَعَقَرُوهَا فَدَمْدَمَ عَلَيْهِمْ رَبُّهُمْ بِذَنْبِهِمْ فَسَوَّاهَا (14) وَلَا يَخَافُ عُقْبَاهَا (15)

[سلطان]

#1305095 [fathi abrahim]
0.00/5 (0 صوت)

07-17-2015 06:46 PM
دكتور علاقانة ممنازة ةيصلخ تلميعة لوظيفة اعلاة هوهوب حالص

[fathi abrahim]

#1305078 [NjerkissNjartaa]
4.13/5 (4 صوت)

07-17-2015 05:46 PM
عوض مفتكر انه ود لذيذ ولا يقاوم بعدين اكتشف انه الزمن فات على لعب دور الود الذيذ (irresistible) قام قرر يلعب دور الزول الواصل (well connected)و فات عليه الحمار ان هنالك اعداد متزائده من بني سودان قد حصلوا على اعلى التعليم في كل ارجاء المعمورة, ولن تفوت عليهم ترهات مثل ما صرح به العوض و انه زمن تور الجر و ابو قبوره قد مضى لغير رجعة.
و بما انه الجهل هو سيد الموقف في السودان فسوف نرى مزيدا من هذه الترهات.
اتمنى ان نسمع ردامن العوض.
لكن ارجح انه لن يرد لانه بلا شك في حالة نفسيه سيئة اذا اطلع على نصف ما كتب عن ترهاته.

[NjerkissNjartaa]

#1305055 [جمال حنين]
5.00/5 (1 صوت)

07-17-2015 04:38 PM
يا إخوانا منو القال ليكم عوض ده كوز،، ده مذيع منذ العام 1980 بالتلفزيون ولا علاقة له بالاسلامييين

[جمال حنين]

ردود على جمال حنين
United States [عودة ديجانقو] 07-18-2015 05:08 AM
ومنوا القال ليك الترابى ده كوز ده كان استاذ فى جامعة الخرطوم من الستينات

ستين نيله تنيلك


#1305020 [عصمتووف]
0.00/5 (0 صوت)

07-17-2015 03:23 PM
مشكلته مدعي ويصلح ماسح للجوخ قديما قال كلام ف الضادق المهدي حين كان رئيس للوزراء وهو كان مذيع ب التلفزيون لا اتذكرها ب الضبط لكنه سقط كليا والاغرب يدعي الظرف والفهم بطل حذلكة درجة البروف لم تعلمك لو كانت قنابلك حقيقة لطالب الامريكان ب الانضمام الي ولايات السودان او ازاحة احدي دول الجوار واصبحت جارتنا حاليا فشلت ف توصيف هذا العر العرة

[عصمتووف]

#1304948 [ابوالسيد77]
3.00/5 (1 صوت)

07-17-2015 08:47 AM
انها لكذبه بلقاء سارت بها الركبان !!ووثقها قوقل

[ابوالسيد77]

#1304907 [رحال]
5.00/5 (1 صوت)

07-17-2015 03:50 AM
الفيديو محبط بس التعليقات مبالغة بالجد في ناس فاهمة و ناس ظريفة و ساخرة .. خسارة يحكمونا كيزان عواليق و مقاطيع ..

[رحال]

#1304906 [الساقية]
0.00/5 (0 صوت)

07-17-2015 03:44 AM
ههههه هههههه قال ليك {والله بالحرف الواحد} بطل اوهام و استخفاف بالعقول كلامك ده قولو للناس او الوهم الشغالين معاك انت علي حسب مؤهلاتك المفروض تكون علي الاقل المدير العام للتلفزيون يا وهمممممممممم

[الساقية]

ردود على الساقية
European Union [abushihab] 07-18-2015 11:46 AM
بمؤهلاته وسنين العمل بالتلفزيون, اذا كانت صحيحة فهو وزير الاعلام بلا منازع.


#1304879 [Walid]
5.00/5 (2 صوت)

07-17-2015 12:58 AM
Simply ...He is sick ... I pity him

[Walid]

#1304856 [MG]
0.00/5 (0 صوت)

07-16-2015 10:38 PM
انتو ما عارفين. الكلام دا ما ليكم. المسطح دا عارف انه ما حاتفوتوها ليه وان الشعب السوداني أذكي من كدا كتير. لكن المقصود حكومة الانقاذ لانها تائه وغرقانه في شبر مويه. خاصة الايام دي في غزل شديد بينها وبين بعض الجهات الامريكية. وكما قال معرفة سيناتور أمريكي زي الجنيه الدهب حق زمان. وعلي كل ما اول افاك يزج باسم سيناتور أمريكي عشان يحلي البضاعة.
نحن غايتو عملنا العلينا ونضفنا ليكم عقول الشعب الامريكي المغلوب علي امره والدور والباقي عليكم. ساعدونا بي دفرة

[MG]

#1304844 [almamgoos]
5.00/5 (3 صوت)

07-16-2015 09:26 PM
عوض ياااااااااااااااااا
دي قوووووووووووويه
كانت مفروض تكسب
لولا وعي وادراك الناس
ياخي نصيب السودان من هذه القرعه ضئييييل
حتي الناس بقت ما بتقدم ليها
الاستخفاف بالعقول دا ما جميل ياعوض
منو العوض وعليهو العوض منك ياعوض
يظهر انو مخك حصل ليهو ضمور

[almamgoos]

ردود على almamgoos
United States [منير البدري] 07-17-2015 08:29 AM
عوض ده انا قبل عشرين سنة حاولت اهضموا ما قدرته ابدا

ياخي ده بتكلف تكلف فظيع و يستدر عطف المشاهد طبعا ما ممكن تستدر عطف المشاهد

المشاهد ده قدم ليهوا العندك و هو بيحكم عليك و ما ادراك ما المشاهد السوداني

طبعا من اذكي و اشفت مشاهد هم السودانيون اصلا ما بجاملوك و لا بلحة

يا عوض ياخي الله يشفيك و يهديك انت راجل طيب بس ما تكضب علينا


#1304829 [adel]
5.00/5 (1 صوت)

07-16-2015 08:46 PM
ياشباب انا عايش في امريكا اكتر من 18 سنه ومافي سنتور بالاسم ده وعوض طلع جاهل

[adel]

#1304826 [الداندورمي.]
0.00/5 (0 صوت)

07-16-2015 08:38 PM
الحلوه ،،،جنت ،،،اللهم إني صائم.

[الداندورمي.]

ردود على الداندورمي.
United States [منير البدري] 07-17-2015 08:30 AM
هههههههههههااااااي تصور انا خايف يكون حلوة لانها حااااااامضة جدا جدا جدا


#1304803 [همت]
5.00/5 (2 صوت)

07-16-2015 06:48 PM
قول للأمريكان يستعجلوا وياخذوا أكبر عدد من السودانيين بأسرع فرصة يا عوض إبراهيم عوض فالبشير وكيزانو مجتهدين لتفكيك المجتمع السوداني بالفقر والحرمان وعاوزين يخلصوا من مسألة العمة والخالة والحبوبة والأسرة الممتدة دي بسرعة

[همت]

#1304802 [أحمد سكاك قطيه]
5.00/5 (2 صوت)

07-16-2015 06:47 PM
عوض ده كان زمان مذيع في التلفزيون وكان طاقاه أم فريحانه

أنا سمعت الحلقه بتاعة اللوترى ,, وغايتو والله أعلم أظن الراجل كان ضارب ليه سجاره كاربه , لان الكلام البقول فيهو ده داير واحد مسطول عشان يصدقه

غايتو الله يكون في عونه وكل شىء جائز في هذا الزمن

[أحمد سكاك قطيه]

#1304796 [أنصاري]
5.00/5 (2 صوت)

07-16-2015 06:34 PM
هذا الجهلول الدعي من ضمن (الأساتيذ)الذين منحوا (البشير) درجة (الماجستير) في الشريعة.. بدون (بكالريوس) "زاتو"..!!؟؟

[أنصاري]

ردود على أنصاري
European Union [همت] 07-18-2015 10:13 PM
لولا هذا الجهلول وأمثاله ما نال البشير دبلوما في الشريعة... شريعة؟ هو الزول البعرف شريعة ده بكتل المتظاهرين على ظلم نظامه وبقول نحن سايرين على درب الرسل؟


#1304741 [محي الدين الفكي]
2.00/5 (1 صوت)

07-16-2015 04:49 PM
لا علم لي بالرواية وصاحبها لكن السودانين فيهم النواحي التي تحتاجها الولايات المتحدة للمهاجرين وهذه حقيقة لا تقبل الجدل .

[محي الدين الفكي]

ردود على محي الدين الفكي
European Union [man] 07-17-2015 07:58 PM
hehehehehehehe

[safi] 07-16-2015 10:04 PM
لعلمك السودانيين الموجودين في امريك اتمركنو خلاص يعني اخدو الطابع الامريكي مش العكس وانت ذاتك لوجيت امريكا مش ح تكون فاضي لحبوبتك

[Hadi. Abdelrahman] 07-16-2015 09:07 PM
إنت ساطل ولا شنو؟

European Union [متسائل] 07-16-2015 07:35 PM
زى شنو مثلا؟؟؟


#1304720 [خالد]
5.00/5 (3 صوت)

07-16-2015 03:51 PM
هل تعلم ياطرطور عوض ان عدد المهاجرين السودانيين لأمريكا عن طريق اللوتري من سنة 2005 الى سنة 2014 هو(4,951) فقط نعم اربعة آلاف وتسعمائة وواحد وخمسون فرداً.. طبعا من حقك ان تسأل عن المصدر وانا ما حاأقول ليك واحد سناتور قالي انا بديك موقع وزارة الخارجية الامريكية الذي اورد الاحصائية .. طبعا الاعداد المذكورة للذين حصلوا فعليا على الفيزا ودخلوا امريكا عن طريق برنامج اللوتري DV (الفبزا العشوائية المتنوعة) اي المتاحة لعدة شعوب يتم اختيار مواطنيها عن طريق القرعة علما بأن كل دولة لها عدد محدد لاتتجاوزه واللآن الى الموقع :

http://travel.state.gov/content/dam/visas/Statistics/AnnualReports/FY2014AnnualReport/FY14AnnualReport-TableVII.pdf


http://travel.state.gov/content/visas/english/immigrate/diversity-visa/diversity-visa-program-statistics.html

[خالد]

#1304703 [خالد]
4.91/5 (7 صوت)

07-16-2015 02:46 PM
السناتور قال لي ((هسة انتا لوقدمت للوتري حناخدك ..)) بلاء ياخدك.. بالله دا كلام دا انتا قايلا مايو ولا انتخابات المؤتمر الوطني ..امريكا بلد ديموقراطي راسخ لايدير سياستها الافراد ويحكم اسرارها قوانين صارمة وليس قوالاات وشمارات مثل مايحدث في حكوماتنا تسمع الشكيل الوزاري في بيت البكا ولا صيوان العقد.. اللوتري وغير اللوتري لايحتاج لةاسطة بل هو نظام ... هذا الرجل كذاااااااااب أشر.

[خالد]

#1304692 [التكي تاكا]
0.00/5 (0 صوت)

07-16-2015 02:22 PM
السودان دولة ارهابية ولم ترفع من قئمة الدول المصدرة للارهاب والكيزان منظمه ارهابية والخواجة ماعارف ده كله

[التكي تاكا]

#1304690 [حرية]
4.00/5 (2 صوت)

07-16-2015 02:20 PM
عوض ابراهيم عوض المزيع من مدرسة الطلحة الزراعية الي قرأة الأخبار والله الراجل أصابتة فوبيا الوهم بتاع اختلاق القصص مع الخواجات وبرضو مره في التلفزيون بقول مشي للأقزام في القطب الجنوبي وحكي قصة قريبة من الخرافة أو نسج من خياله

[حرية]

#1304665 [أبو أمجد]
5.00/5 (2 صوت)

07-16-2015 01:35 PM
ما جاء في تعليق Abu اعلاه باللغة الانجليزية هو التحليل الصحيح لبرنامج اللوتري الامريكي لاستقدام العمالة الرخيصة من العالم الثالث بمرتبات متدنية وبدون اي التزامات اخلاقية تجاهم ليعملوا كالآت لفترات تمتد لحوالي 15 ساعة في اليوم في أحسن الحالات.. أما حديث المعتوه عوض ابراهيم عوض فقد علق عليه شخص آخر قبل اكثر من ثلاثة اشهر في مقال تم نشره في الراكوبة تحت عنوان "عوض ابراهيم عوض .. وجنون العظمة الكاذبة".

[أبو أمجد]

#1304659 [روعة]
4.25/5 (3 صوت)

07-16-2015 01:27 PM
إن ما يثلج الصدر أن جميع المعلقين اتفقوا على رفض هذا السخف والعبط الذي تفوه به هذا الجاهل فقط ليثبت أنه يعرف سيناتور أمريكي وإن كان قد قال ذلك فهو ثور .. ومثل هذا الأمريكي تمتليء بهم مقاعد المجلس الوطني عندنا فهل يمكن اعتبار أي هراء ينطق به عضو مجلس بمثابة معلومة يعتد بها ويبنى عليها ؟؟ ملخص ما يريده الأمريكي وما فهمه عوض هو أن أمريكا في حاجة ماسة إلى " حبوبات وخالات وعمات " ونقول يا عوض عليهو العوض ومنو العوض فيك يا عوض وفي الدرجات العلمية التي لا يحترمها حاملوها وإن كانوا يتقاصرون عنها ويعلمون ذلك جيدا .

[روعة]

ردود على روعة
European Union [abushihab] 07-18-2015 11:55 AM
هو انت صدقتو من اساسو؟


#1304648 [ياسر]
4.94/5 (12 صوت)

07-16-2015 01:11 PM
المشكلة ليست في أن يقول ماقاله فالرجل نرجسي بإمتياز هذا الرجل مريض يحاول الايحاء بعمق علاقاته مع اصحاب القرار في امريكا زورا وبهتانا ويتماشى كلامه مع موضة اليومين ديل ..كل واحد ظهر في الاعلام إفتكر نفسه وصي على الشعب ومفكر وقائد منهم من يهترش ومنهم من يشتم ومنهم من يهدد ومنهم من صارت ريالته مضرب الامثال ومنهم من نسي انه مزرر البدلة بالغلط وانه هلفوت ومضحكة لهذا الشعب الذكي الصابر..
المشكلة ان ماقاله يختلف عن الواقع تماما فأمريكا لايقرر سياستها سناتور متقاعد لم يجد له عملا الا في ماليزيا والا كان مكانه دائرة البحوث في مراكز اتخاذ القرار ثانيا ان السناتور المذكور (ان كان وجوده صحيحا) لم يزر السودان مطلقا فكيف تسنى له معرفة هذه التفاصيل البايخة التي لاتسمن ولاتغني من جوع !! كما ان النسبة المخصصة للسودان في اللوتري لاتزيد عن 1200 فرد في السنة ..ومعظم الذين ذهبوا لوتري يعملون في مهن عادية لا تأثير لها كما ان اللوتري ليس محصور على اساس المهن أو الاسر فقط بل مفتوح للعزاب ولجميع المهن بل والطلاب وهذا امر معلوم وفوق كل ذلك فان السياسة الامريكية تجاه السودان لاتحتاج لشاهد...هذا الرجل بهذا الهراء يستعبط علينا ولكنه فضح نفسه على الملأ ولابد من اسكاته ... او تعيينه سفيرا في امريكا لنستفيد من علاقاته المميزة مع مع المغتربين الامريكان في ماليزيا!!اليس هذا مايريده ..تباً لك

[ياسر]

ردود على ياسر
[ابونوف] 07-18-2015 10:53 PM
الخبر نوعان اما ان تصدق او تكذب وذلك باستخدم معطيات معينة والبروف قال السنتور ليه عدة معاهد فى انحاء العالم ولك ان تستفسر عن طريق سفارة السودان فى الدول المذكورة او عن طريق الويب سايت website يعنى مامطلوب منك تسافر وتقطع البحار والمحيطات والرمال.ومايحتاج دا كلو .


#1304642 [سيف الله عمر فرح]
5.00/5 (3 صوت)

07-16-2015 12:57 PM
بروف عوض (( سيناتور أميركي قال لي " يا عوض نحن اللوتري ده والله عملنا عشان السودانيين.)) .

مين فيكم شاف أو سمع سيناتور امريكى يحلف بالله عشان يصدقوا كلامو ؟ .
صحيح كلام أهلنا الطيبين ، القلم ما بيزيل بلم ، يا بروف عوض ، حرام عليكم تشيلوا لقب بروف ! .

[سيف الله عمر فرح]

#1304639 [سوداني غيور]
4.50/5 (3 صوت)

07-16-2015 12:51 PM
اخجلت تواضعنا يا حضرة الديك -- و تور
كلام لا يقنع حتي طفل بالروضة .
و قد شهدت له حلقة في التلفزيون يقول فيها -- عندما كنت في ماليزيا ابني محمد كان يصفف شعره افرو .
مما يعني النرجسية و ضحالة الفكر .

[سوداني غيور]

#1304604 [ادروب]
4.88/5 (7 صوت)

07-16-2015 11:45 AM
للفائدة
اللوتري يمثل اقل من خمس في المية من برنامج الهجرة السنوي لامريكا .
نشأت اللوتري ، الهجرة عموما لاوروبا وأمريكا خلفها اللوبي اليهودي وذلك لخوف اليهود من المسيحيين المتشددين والعنصريين البيض لذا هدفهم الرئيسي هو خلق التعددية في هذه البلاد لئلا يتم الاستفراد بهم يوما ما في هذه البلاد ، بدأ برنامج اللوتري بطريقة مختلفة من عهد جون كنيدي باستقدام الكاثوليك الأيرلنديين سنويا ثم تم اضافة الأسكتلنديين واضيف لهم الكاثوليك ، استمر البرنامج علي هذا المنوال الي بداية التسعينيات ، ثم دخل السود الأمريكان علي الخط وطلبوا بحصة مماثلة لأفريقيا عندها تم استحداث البرنامج بطريقته الحالية. عوض ابراهيم عوض واحد من اتنين كضاب او غنماية يصدق اي كلام والاثنين يبينوا اننا امام توفيق عكاشة سوداني .

[ادروب]

#1304602 [الكردفانى]
4.90/5 (8 صوت)

07-16-2015 11:44 AM
حديث يدعو للرثاء ويثير الاشمئزاز...اذا اوكل الامر الى غير اهله فانتظروا الساعة ..ولا حول ولا قوة الا بالله العلى العظيم

[الكردفانى]

#1304597 [رحال]
4.97/5 (7 صوت)

07-16-2015 11:38 AM
قـــــــال شــــنو...؟؟؟؟


نحن اللونري ده عملناه عشان السودانيين....!!!!!!!.


ياخــــي حرااااااام عليك يا عوض..
ده كلام إستصغار وأستجهال لعقول البشر في السودان والعالم كلو....

بركة هذا الشهر الكريم اللهم دمر كل متلمق يحب الدنيا ولا يؤمن بيوم الحساب...

[رحال]

#1304587 [المرايا]
4.75/5 (10 صوت)

07-16-2015 11:21 AM
ماذا تتوقعون من واحد خريج الفرع وبدرجة مقبول؟ المشكلة ان الجيل الحالي لا يعرف مستوي الطلبة الذين كانوا يقبلون بالفرع؟ واختصارا اقل تحصيلا من المقبولين لدبلوم الكلية الحربية والشرطة! وكمان مقبول؟ هذا التأهيل لا يمنحك الحق ان تكون استاذا جامعيا في اي جامعة اذ من الشروط المعروفة لأي جامعة محترمة ان من يلتحق بهيئة التدريس بها الحصول علي جيد جدا كادني تقدير لبكلاريوس التخرج ! فهل في السودان جامعات محترمة؟ الجامعة الاسلامية بماليزا هي بنفس مستوي جامعة ام درمان الاسلامية انشأت لأهداف عقدية وخارج الترتيب العالمي للجامعات وتضع شروط متساهلة جدا للقبول حتي علي مستوي الدراسات العليا وهي لمنح الألقاب العلمية اكثر من تخريج علماء او خريجين مؤهلين

[المرايا]

ردود على المرايا
[موسى] 07-16-2015 01:36 PM
جامعة أم درمان الأسلامية يا(المرايا ) يتم القبول لها عن طريق مكتب القبول الموحد وبنفس شروط ودرجات القبول لبقية الجامعات السودانية فهى ليست خارج الترتيب العالمي للجامعات وهذا الموضوع ليس له علاقة بتخرج عوض ابراهيم عوض بدرجة مقبول من جامعة القاهرة الفرع والتحاقه بالجامعة الأسلامية بماليزيا .....


#1304579 [أبوشولرب]
4.50/5 (6 صوت)

07-16-2015 11:08 AM
كلامك يا عوض ابراهيم عوض لا يعدو أنه ( فساء )
لايسمن ولا يغنى ويستهلك زمن السودانيين الفتحت امريكا اللونرى عشانهم ديل

ما قلته يصلح عنوانا لموضوع درجة الدكتوراة لبشبش الذى جاء بشعار امريكا دنا عذابها
لأنه عرف انها تريد تهجير شعب يريد ان بدوم له ولحاشيته حكمه

لله درك ايها النحرير صاحب الفكر الفطير

[أبوشولرب]

#1304577 [عمر أحمد حسن]
4.00/5 (3 صوت)

07-16-2015 11:03 AM
عوض ابراهيم عوض عرفناه مذيعاً أيام التلفزيون أبيض وأسود .. سافر الى ماليزيا حيث نال درجة الدكتوراه ، لكنه وللأسف عاد وبه قدر كبير من العبط والهبل والنرجسية لاحظتها في المرات العديدة التي استمعت فيها اليه..
واليوم أضاف الرجل إلى نفسه صفة من اثنتين: إما الكذب أو السذاجة وهما أمران أحلاهما مر ..
..
كان الله في عون السودان ..
والسودانيين أيضاً ..

[عمر أحمد حسن]

#1304568 [ميمان]
4.50/5 (4 صوت)

07-16-2015 10:38 AM
هذا الرجل موهوم ومتوهم ومتضخم الذات وهي صفة للاسف تلازم بعض الناس من الذين يشعرون بالدونية تجعلونهم يفبركون اشياء يعتقدون أنها ترفع من قدرهم. لا ادري من الذي منحه هذه الدرجة العلمية الرفيعة؟

[ميمان]

#1304565 [ٍSalah AL Deen P]
1.00/5 (1 صوت)

07-16-2015 10:33 AM
عمنا عوض دي غايتو قلب فيها هوبة
نفسي اعرف جون ديفز دا كان ساطل بشنو
وحتى لو ما كان ساطل فبرضوا كلامو باطل يعني شنو هل هو سيدنا داوود عشان تاخد بكلامو وتتفاصح بيهو
حاجة غريبة

[ٍSalah AL Deen P]

#1304552 [جبل اللقمة]
4.25/5 (4 صوت)

07-16-2015 10:18 AM
شخص يجيد الحذلقة والعنجهية والملق .. يتحدث عن نفسه كتيراً بفخر يثير الاشمئزاز

[جبل اللقمة]

#1304532 [M. Alshafey]
5.00/5 (1 صوت)

07-16-2015 09:44 AM
كلامك حلو يا بروف. بس برضو امريكا انحنا ما دايرنها و في غنى عنها

[M. Alshafey]

#1304529 [S.r]
3.75/5 (3 صوت)

07-16-2015 09:39 AM
Awad has got hi s P.HD from the Faculty of Languages and Linguistics , . the University Malaya . His thesis link is
http://pendeta.um.edu.my/client/default/search/detailnonmodal/ent:$002f$002fSD_ILS$002f412$002fSD_ILS:412573/one?qu=%22412573%22&te=ILS

For public information the Faculty of Languages and Linguistics does not offer any degree in Journalism or communication

[S.r]

ردود على S.r
[وجع وانفقع] 07-16-2015 12:51 PM
ووااووا

سبحان اله وما اكثر ما قي الدجات والشهادات العليا بالبلاد وحامليها من طرف وحبك وبلف


ارجو افامة موقع جاد جدا ومحتلرم يفدم لنا نبذة علمية امينة وملخص للريائل بل زهى كاملة انرا لبعجب والتزوير
زمتن في جامعة سودانةي محترمة رجع زوووا خطيييير وكوز صعب وازعج الناس وتقدم الصفوف وميز في كل شيىء وبس هبش زولا كارب وندة راح كاتب للجامعة البيقول حصل منهاعلى الدكنوراه وكان الرد لا يوجد هذا الاسم وصاحبنا تم ترفيعه علميا شفاهة ولعدها غاب عن الانظار


صراحة نحتاج لهذا الموقع لكشف الكثير والمثسر الخطر ويمكن قضاء


طيب انا داير الوتر ممكن
هاهاه
ما اقسى الهجرة والقاء في البلاد والاخيرة ارحم ووفق الله الجميع وكل عام وانتم بخير

عجبتني حكاية السنتور بتخدر بشنو
بقفة الملاح هاهاهاه


#1304523 [افلاطون]
4.00/5 (5 صوت)

07-16-2015 09:29 AM
طيب ياعم عوض خلينا نفترض جدلا انو قال ليك الكلام ده,,انت طوالي صدقت زجاي تتكلم في التلفزيون بكلام فارغ زي ده؟؟؟ انت الدكتوراة بتاعتك في الملوخية ولا شنو

غووور بلا سذاجة وقرف...امبارح وزير سياحة مخلقن والليلة واحد ساذج وعبيط,,,قرفتونا الله يقرفكم

[افلاطون]

ردود على افلاطون
European Union [عمر أحمد حسن] 07-16-2015 11:06 AM
عوض ابراهيم عوض عرفناه مذيعاً أيام التلفزيون أبيض وأسود .. سافر الى ماليزيا حيث نال درجة الدكتوراه ، لكنه وللأسف عاد وبه قدر كبير من العبط والهبل والنرجسية لاحظتها في المرات العديدة التي استمعت فيها اليه..
واليوم أضاف الرجل إلى نفسه صفة من اثنتين: إما الكذب أو السذاجة وهما أمران أحلاهما مر ..
..
كان الله في عون السودان ..
والسودانيين أيضاً ..


#1304519 [الشعب الفضل]
5.00/5 (3 صوت)

07-16-2015 09:25 AM
انت يا عوض لما بارع في التاليف بهذا الشكل كان اولى لك ان تمتهنة ونعرف انك مؤلف وستملأ شهرتك الافاق

[الشعب الفضل]

#1304516 [الشعب الفضل]
5.00/5 (2 صوت)

07-16-2015 09:22 AM
اول مرة اعرف سبب تمكن الكيزان من حكم البلد وطبعا السبب هو سذاجة السودانيين -
اذا كان هذا مستوى الدكتور فما بال الغير متعلم؟

[الشعب الفضل]

ردود على الشعب الفضل
United States [Satalization] 07-18-2015 09:25 AM
هههههههههه
حلوة ومختصرة ومعبرة يا nagid
وجدتُك متمكِّناً
1235813

[nagid] 07-16-2015 12:30 PM
غير المتعلم وليس(الغير متعلم )


#1304515 [الشعب الفضل]
4.00/5 (2 صوت)

07-16-2015 09:16 AM
زودت العيار بتاع السطلة امبارح عشان كدا قلت الكلام دا - ياخي خليها شوية لينة عشان نبلعها - دي قوية دي

[الشعب الفضل]

#1304485 [أبو الزيك]
4.50/5 (3 صوت)

07-16-2015 07:23 AM
كل الذين زاملوا هذا الموهوم الدعي في الجامعة الإسلامية في ماليزيا يعلمون سبب طرده منها يوم طلب الترقي من رئيس قسمه فقال له رئيس هات شهاداتك الدراسية فرأى فيها عجباً ليسانس في القانون من الفرع وماجستير في اللغة العربية لغير الناطقين بها ودكتوراه في الإعلام فقال له أين تخصصك ؟ أنت غير متخصص في شيء وبالتالي لا يمكن أن تعمل هنا خذ هذه الأوراق واعطنا عرض أكتافك فخرج منها ذليلا حقيرا مطرودا فعاد إلي السودان فأرسلوا رسولا مبتعثاً!!!!!!!!!!

[أبو الزيك]

ردود على أبو الزيك
[احمد محمد علي] 07-18-2015 06:56 PM
Abushihab كلامك صاح وتنبيهك في محلو. لكن عليك الله شوف اللغة العربية دي عجيبة كيف !! انت طبعا عايز تطلب الرحمة للبروفسور بعبارة يرحمه الله ولكن الكي بورد حول دعاءك للعكس تماماً.شفت مجرد نقطة ممكن تعمل شنو؟

European Union [abushihab] 07-18-2015 12:08 PM
للناطقين بغيرها(د/ عبدالله الطيب) الله يرجمه.... احترامي.


#1304474 [Hadi. Abdelrahman]
5.00/5 (2 صوت)

07-16-2015 06:55 AM
والله أنا على إستعداد أراهن إنو السيناتور جون دا من ناس قرعتى راحت. دا عاوز يودى أمريكا فى ستين داهية

[Hadi. Abdelrahman]

#1304469 [Ahmed Gaafer]
4.94/5 (15 صوت)

07-16-2015 06:21 AM
عقدة الدونية التي تسيطر علي الوجدان السوداني والبحث عن الكمال الزائف في اعين الاخرين دائما ما تجعلنا محط سخرية وتندر ثم انها انستنا انفسنا واعتزازنا بها فنحن ان عدنا لجزورنا لا نقل عن هؤلاء الذين نسعي لارضائهم ونركض تجاههم حتي ضللنا السبيل وفقدنا قيما نبيلة كانت موجودة بنا ولا تحتاج لشهادة من احد
نحن كسودانيون نحناج وبصورة عاجلة لعلاج نفسي

[Ahmed Gaafer]

ردود على Ahmed Gaafer
European Union [man] 07-17-2015 08:19 PM
True!

[المتجرد] 07-16-2015 11:19 AM
صدقت


#1304464 [الاصلي]
4.75/5 (4 صوت)

07-16-2015 06:07 AM
دا زول مريض نفسي

[الاصلي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة