الأخبار
أخبار إقليمية
يا عوض ما عذبتنا ..!!
يا عوض ما عذبتنا ..!!
يا عوض ما عذبتنا ..!!


07-22-2015 01:28 AM
عبدالباقي الظافر

يعيش الاستاذ البروفسور عوض ابراهيم عوض موقفا في غاية التعقيد..العوض ذكر أن سناتورا أمريكيا كان يعمل معه في ماليزيا أخبره أنهم في أمريكا ابتدعوا برنامج الهجرة المتنوعة (اللوتري ) من اجل استقطاب السودانيين..نساء ورجال تتبعوا مقولة البروفسور وأفادوا أنهم لم يجدوا في سجلات مجلس الشيوخ الأمريكي رجلا يحمل اسم جون ديفيز ..ولكن المشكلة لا تكمن في صحة ادعاء العوض أو خطله.. بل من الحساسية التي تم بها تداول الموضوع سلبا أو إيجابا ..صحيح أن هنالك زاوية مهمة تتعلق بما يتوقعه المواطن من رجل يحمل درجة الأستاذية في ترويجه لمعلومة ليست ذات أهمية فضلا عن أنها ليست دقيقة .

إلقاء الضوء على موضوع الهجرة المتنوعة، أو الهجرة العشوائية في رواية أخرى ،مهم في مقالتنا هذه..الفكرة بدأت في العام ١٩٩٠ ثم تطورت لتصبح قانونا في العام ١٩٩٥.. برنامج الهجرة المتنوعة يستهدف استقطاب أفراد من دول أخرى ليست بها جاليات كبيرة على الأرض الأمريكية .. التطور الزمني يؤكد ان الرؤية الامريكية كانت واضحة جداً..من البداية تم استثناء دول كبيرة مثل كندا والصين وبريطانيا العظمى والمكسيك من البرنامج.. بل في بعض الأحيان يتم حذف دول أو اعادة ضمها إلى القائمة مرة أخرى..بمعنى أن البرنامج الذي بلغ عدد المتقدمين له ثلاثة عشر مليونا ونصفا في العام ٢٠٠٨ لينافسوا في نحو( ٥٥) ألف فرصة دخول لأمريكا لا يمكن أن يخطط له فقط من أجل أعين السودانيين العسليات.

أغلب الظن أن الأستاذ عوض إبراهيم اهتم بروايته تلك ونشرها على قطاع واسع من السودانيين بسبب أنها تحمل مدحا للذات السودانية ..وليس الرجل وحده من ابتدر الاحتفاء بمثل هذه المقولات ..فقد سبق لراعٍ سوداني أن نال اهتماما شعبيا حين رفض ان يبيع إحدي الأغنام لزائر مريب يحمل كاميرا ..أغلب الظن فقد صدق حدس الراعي حينما بث الرجل الغامض مشاهد الحوار القصير علي (اليوتيوب) ومن بعدها صار الراعي الطيب رمزا لأمانة السودانيين المتعارف عليها في المشارق العربية.

مرات كثيرة يهتم السودانيون بمقال سطّره يراع كاتب خليجي مغمور..يتم تداول المقال في عدد من المنتديات السودانية ويجد رواجا في مجموعات (الواتساب) ..بل في أحيان كثيرة يصل إلى الصحافة الورقية بشعور :انظروا كيف ينظر إلينا أهل الخليج على نحو إيجابي ..يبلغ التناقض أبعد مدى إذا قام أحدهم بانتقاد السودانيين أو أشار الي أنهم كسالى أو أية صفة سالبة..سيتم لعن صاحب الرؤية الأجنبي رغم أنه مجرد رأي لا قيمة علمية له ،وغالبا ما بني على تجارب محدودة أو انطباعات شخصية..

في تقديري .. نحن نحتاج إلى مساحة أكبر من التسامح والتعامل المفتوح مع النقد الذاتي للشخصية السودانية.. كل الأمم والشعوب تستطيع إعمال النقد من أجل تصحيح المسار ..مثلا الألمان بعد تجارب مريرة اقتنعوا أنهم مجرد بشر مثل سائر خلق الله ..كل الشعوب التي تعلي من أسوار الوهم تعيش في أكذوبة كبري إلى حين يحدث الامتحان ويفتضح الحال.
بصراحة.. نحتاج إلى نقاش جاد ومفتوح حول الذات السودانية ..ليس من العيب أن نكتشف عيوبنا ونعالجها ..بل العيب أن نعيش في حالة إنكار ونرفض استخدام (المرآة ) او حتى الاستعانة بالأضواء الكاشفة ..

التيار


تعليقات 45 | إهداء 1 | زيارات 19974

التعليقات
#1307531 [محمد خليل]
1.00/5 (1 صوت)

07-23-2015 02:29 PM
توصلت بعد بحث لم يستغرق طويلا إلى أن هناك معهد لتعليم اللغات في ماليزيا يقوم بتدريس تسع لغات من بينها العربية اسمه The Language House
عنوان موقعة الإلكتروني http://languagehouse.edu.my/main.html
اعتقد أنه المؤسسة التي تحدث عنها عوض إبراهيم عوض.
المدير الاكاديمي للمؤسسة Academic Director يدعى جون ديفز John Davis
اعتقد أيضا أنه الشخص المقصود بالقصة موضوع الجدل.
عنوان بريده الإلكتروني [email protected]
الآن .. لو في واحد عايز يجيب آخر المسألة يتكرم يتصل بيهو ويسألوا عن مدى صحة الرواية علشان نغير الموضوع.

[محمد خليل]

ردود على محمد خليل
[محمد خليل] 07-24-2015 08:17 PM
ركز ياعجمان قبل أن تتهم الآخرين يعدم الفهم. عوض قال أن ديفز سناتور سابق (اكرر سابق)يملك معاهد لتدريس اللغات في عدة بلاد منها ماليزيا وأنه استعان به لتدريس العربية في ماليزيا، ومن هنا بدأت علاقتهما. ثانيا، أنا لم أجزم بصحة رواية عوض كاملة ولكنني لم ابادر مثل الكثيرين باتهام الرجل بالكذب قبل أن أتحرى المسالة على غرابتها وعلى ذلك ثبت لي أن المؤسسة التي تحدث عنها موجودة ويديرها شخص يحمل نفس الاسم. السؤال، هل هو سناتور سابق؟ هل صدر عنه الحديث الذي رواه عوض سواء حقيقة أم كذبا على عوض؟ هذه هي المسائل التي يجب التحقق منها. لذلك أنا قلت أن من يريد التحقق أن يتصل بالشخص الذي نسبت له الرواية وعند الإيميل بتاعه. فهمت؟

[عجمان] 07-24-2015 03:18 PM
يا زول أفهم . عوض قال جون ديفر ده سيناتور امريكي . يعني عضو في الكونغرس الأمريكي . إنت عارف عضو في الكونغرس الأمريكي معناها شنو وحجمها شنو؟ والله عوض ابراهي عوض ليهو حق يستعبطكم ويضحك عليكم لأنه عرف إنكم ناس خام ودراويش ساكت


#1307422 [مهاجر]
5.00/5 (1 صوت)

07-23-2015 11:18 AM
السودانين مثلهم مثل اي شعب من شعوب الدنيا له ايجابياته وسلبياته ولكن درج السودانيون علي التكلم عن الايجابيات فقط وياحبذا لوتكلمنا السلبيات والعمل علي معالجتها وحينها سنصبح احسن شعوب الدنيا كما نعتقد الان . واتمني ان نطرح هذا المشروع للنقاش . بدلا من فلان قال وعلان قال وهل قوله صحيح ام لا .

[مهاجر]

#1307266 [سودانى]
5.00/5 (1 صوت)

07-23-2015 07:55 AM
عوض قيل ان يذهب الى مليزيا كان مثال للمذيع الناجح
ولكن بعد عودته اصابه الغرور و تدنى اداؤه وتجده يتكلم اكثر من الشخص الذى يستضيفه فى البرامج الحوارية

[سودانى]

ردود على سودانى
[alwatani adeel] 07-24-2015 10:44 AM
والله ماليزيا دى زول مشى يتعلم فيها يجى بغرور لوعايزين تعرفوا الموضوع دا فى واحد حضر فى ماليزيا دكتوراه يسمى محمد حسسين دا الغرور يستحى منه)والله يستر على جامعة صينية فى الوسط بداء خريجوها يصيبهم شئ من هذا القبيل

الخيار الامريكى افضل والاربى وحللنا الكود بلغة الاسكى يدل على (Islam fobia)
00490073006C0061006D00690063 0066006F006200690061 ,المرة الجاية نبحت عن جامعة الحبيب والله يكضب الشينة

[ابو جاكومه] 07-23-2015 11:45 AM
ظهرت عليه علامات مرض التكوزن والعياذ بالله وحمانا الله من هذا المرض .فمن علامات هذا المرض الكذب والنفاق والقتل والنهب ورفعة الجاهل وتصغير المتعلم واهانة الشيخ الوقور وفوق هذا كله اعطائك بطاقه امنجي قاتل ومرتشي والمحصله النهائيه فقدانك لحياتك التي خلقت من اجلها وهي عبادة الله الواحد القهار. وبعد ما تقتل نفوس بريئه وتلهط وتنافق وتكذب باسم الدين في اخر المطاف تكون قد ضيعت دينك ودنياك وتلقى نفسك بتعبد في اشخاص لا ينتمون للبشريه الا باشكالهم واسمائهم امثال الترابي ونافع وعلي عثمان عصام البشير وبقية الكرور ومافي ليك مفر الا ان تذهب للانضمام لداعش وتموت موت الضأن .هذا مشروع فيلم وانا مستعد لكتابة السيناريو والعمل مع مخرج لهذا الفيلم.


#1307121 [ابو عبد العزيز]
5.00/5 (3 صوت)

07-22-2015 07:49 PM
لا فض فوك

هذه مشكلة الشعب السوداني نبحث دائما عن انفسنا في عيون الاخرين فلان يحب السودانين وذلك كذا

في نظري هذه نظرة تنم عن شعور بالدونية تجعلنا نبحث دائما عن ارضاء الاخر


وبالمناسبة الاحتفاء الكبير براعي فعل ما يتوجب علي كل فرد ان يفعله من غير شكرا ولا منه لهو اكبر سبة لهذا الشعب المحتفي بهذا السلوك البشري الطبيعي

[ابو عبد العزيز]

#1307119 [د عجيب طه ,ود كوري]
3.00/5 (4 صوت)

07-22-2015 07:36 PM
مشاكل الوطن كتيرة يا عبد الباقي المش ظافر منها انتو العاملين فيها رسل الاسلام في الارض وانتو تنططوا زى ود ابرك من مرة لتانية .نحتاج لدراسة ظاهرة لمعان ناس زى عوض دا وزيك كزول ماخد مقلب في نفسك. اعرف هذا العوض الذي يحاول ابهار الناس بتقديم نفسه كبطل لغة انجليزية وهو ما بيعرف فيها التكتح بس لانو الساحة فضت من الصناديد تشريدا ومحسوبية ودونك الملحقيات الثقافية الاخيرة التي لا معيار فيها سوى المحسوبية. عوض خلا له الجو فباض وأصفر وزى ما بيولوا العراقيين انعدمت الخيل وشدوا السروج على الكلاب .

من معرفتي لك أنت وعوض تشتركان في انكم ما خدين مقلب في نفسكم بس هو بيحاول يسترضي المسئولين وانت لا قادر تسترضي لا قادر تشاكل زى الناس

[د عجيب طه ,ود كوري]

ردود على د عجيب طه ,ود كوري
[الوافر] 07-23-2015 10:02 PM
يبدو أنك يالمدعو توتو أنك رجل حاقد أسود القلب والوجه لديك فاقد تربوي ضخم المعلق بابكر أدلى برأيه عن شخصية معروفة ولكنك دلفت لإساءة الرجل بغير وجه حق مستغلاً أساليب رخيصة (تكسير ثلج) تدل على مستواك الأكاديمي وسباب يعود عليك وكل إناء بما فيه ينضح وتعتبر من أعداء النجاح والحقد داء إستشرى فيك نسأل الله أن يشفيك ويزيل الغل والحقد والحسد من قلبك أيها الجاهل الواهن

[بابكر عوض الشيخ] 07-23-2015 09:49 PM
لا أرد عليك يكفي أن إسمك توتو وآل حميده

[توتو بن حميده آل حميده] 07-23-2015 04:16 PM
يا المسمي نفسك بابكر يظهر عليك انك رجل غبي وجاهل ومنافق قاعد تكسر ثلج لسيدك عوض ابراهيم المذيع عسى ولعل ان يجود عليك بشيء من فتات ما عنده ويظهر عليك انك احد كلابه التي قام بتدريبها والانعام عليها بشيء من العظام لتنبح نيابه عنه - ثانيا انت واحد عندك مركب نقص مزمن لا فكاك لك منه - وبذا نراك اثناء نباحك تحاول اقحام هذا المصطلح الانجليزي لكي توهم الاخرين انك مثقف وانك بريء من هذا الداء العضال الذي ينهش في عقلك المتحجر ونفسك المريضه ولكن هيهات كم من مجنون بالمستشفى يدعي بأنه نصيح وانت كذلك تدعي بانك نصيح ولكن إدعائك هذا لا يزيد الناس الا بصيره واقتناعا بمدى العته والجنون والخور النفسي والعقلي الذي انت فيه سادر شفاك الله....

[بابكر عوض الشيخ] 07-22-2015 09:50 PM
البروف عوض ابراهيم عوض رجل علم على رأسه نار رجل كافح وناضل ووصل لدرجة علمية كبيرة غير ذلك أنه رجل عصامي لدرجة أنه كان يفصل بدلته بيده مواصل للمجتمع في الأفراح والأتراح أما مقاله الخاص باللوتري حتى ولو جانبه الصواب لأسوأ الفروض فهو ليس إمنداحاً لذاته وإنما إمتداحاً لأمة كاملة ولا يحتاج لشهرة أو تقرب من مسئولين وقد أتت كتاباته أكلها فبالتأكيد كل ما يكتب عن أمريكا تجده يضاف إلى مكتبتها وأكيد من قام بقرآة هذا المقال من الأمريكان قد نقل محتواه للشعب الأمريكي وهذه محمدة تضاف إليه ،وحسب ما يقول أهل الخليج الطلقة إذا ما أصابت فصوتها يدوش وليس مطلوب من البروف عوض إجادة الإنجليزية فهنالك السيسي رئيس دولة ولا يجيد الإنجليزية وهذا ليس عيباً فدع عنك إنتقاد الآخرين الناجحين وإنتقد نفسك أولا وعالجها من الInferiority complex فعوض بروف


#1307101 [همام]
5.00/5 (4 صوت)

07-22-2015 06:34 PM
نحن بحاجة إلى الاعتراف بأننا بتاعين فقراء ونفوسنا أكبر من حجمها الطبيعي وأننا نعامل الأجنبي أفضل من السوداني وأن حكومتنا هي الأسوأ على نطاق العالم وعلى مر التاريخ

[همام]

ردود على همام
European Union [SUDANESE] 07-23-2015 02:02 AM
والله ياهمام صدقت في كلامك;
نحن الشعب الوحيد(حسب مااعلم..) الذي يعامل الاجنبي احسن من ابن البلد؟؟؟


#1307097 [همام]
5.00/5 (2 صوت)

07-22-2015 06:32 PM
نحن بحاجة إلى الاعتراف بأننا بتاعين فقراء ونفوسنا أكبر من حجمها الطبيعي وأننا نعامل الأجنبي أفضل من السوداني وأن حكومتنا هي الأسواء على نطاق العالم والتاريخ

[همام]

#1307061 [محمد الكامل عبد الحليم]
5.00/5 (1 صوت)

07-22-2015 05:17 PM
تحية

في غفوة من غفوات الزمان يكون حديث الناس عن هؤلاء الادعياء الجهاليل...


لعل هذا العوض وعبر مغازلته لذاته الواهمة يظن أنه يستطيع النفاذ الي منصات التاثير فلم يجد في جرابه الخاوي سوي الكذب الصريح والدعاء الفطير والهتر الهاتر..

اذا لم تستح فافعل ما شيئت...


الي متي هذا التلويث من هؤلاء الادعياء..

[محمد الكامل عبد الحليم]

#1307000 [Shanaboooo]
5.00/5 (4 صوت)

07-22-2015 03:19 PM
من اين اتى هؤلاء
من انتم
درر قيلت في لحظة استفهام للوضع والظروف الماثله في حينها. وما زلنا نتسال من اين اتى هؤلاء , حريقه في درجتك العلمبه

[Shanaboooo]

#1306985 [Ameen Alkhalis]
5.00/5 (5 صوت)

07-22-2015 03:00 PM
سلوكان جعلا هذا العوض لا يسوى شيء بالنسبة لى:
أولاهما: حينما أتى بكل الهمة والنشاط (يطبل لنظام ظالم جائر) بإذاعة خبر إعدام الشهيد محمود محمد طه. حينما وصفه بالمرتد.
ثانيهما: أثناء نقاش ما يسمى "درجة الماجستير للبشير", وإقتراحه كأحد اللمتحنين لمقدم الرسالة بأن ترفع الدرجة إلى درجة الدكتوراة, من شخص يحمل درجة الدكتوراه كما يدعى ويفترض أن يعلم متطلبات الحصول على مثل هذه الدرجة العلمية الرفيعة. كان السقوط حينما رد عليه البشير: "مافى داعى لكسير التلج".
هذا العوض وبسلوكه الرخيص هذا أعظم مثال لحصادنا من العلم والثقافة والتقدم في هذا العهد الغيهب.

[Ameen Alkhalis]

ردود على Ameen Alkhalis
[أمي ساكت] 07-23-2015 03:51 AM
أضف الي ذلك فقد أبان عوض من حيث لا يدري بمداخلته تلك أن شهادته الأكاديمية نفسها سوي أتت من ماليزيا أو غيرها بأنها ( مجروحة ) و تفتقد الي المصداقية ..
اذا لا يعقل أن يتفوه ( دكتور ) كامل الدسم بمثل هذا الهراء .


#1306983 [زول ساكت]
1.00/5 (2 صوت)

07-22-2015 02:56 PM
بروف عوض رجل محترم ومفخرة للسودان. الله يهديكم
الظافر انت تبحث عن مجد لست اهلا له. شوف ليك شغلة غير الاعلام.

[زول ساكت]

ردود على زول ساكت
[الزمخشري] 07-23-2015 03:28 AM
الله يهدينا و يهديك يا زول .. هي البروفيسور دي صارت هامله كده حتي صار كل من هب و دب بروفسيرآ في هذا الزمان الأغبر !!!
فالمتعارف عليه أكاديميآ أن الحائز علي درجة الاستاذية ( بروفيسور ) لا ينالها الا بعد سنوات من نيله شهادة الدكتوراة و مساهمته في استنهاض المعرفة الانسانية بالتدريس فوق الجامعي بجامعات معترف بها عالميآ الي جانب المساهمة في بحوث ترفيع حملة الشهادات العليا و المشاركة بأوراق و بحوث في مجاله ( لم يسبقه عليها أحد )
و الي زمن قريب كان البروفيسورات يعدون علي أصابع اليد مثل بروفيسور عمر بليل و بروف أحمد عبد الرحمن العاقب و بروف محجوب عبيد ( عليهم الرحمة ) الي جانب اسهامهم العالمي .. كل في مجاله .. حتي صار العالم السوداني مفخرة في زمانهم .. أما الآن فحدث و لا حرج اذ صار العالم الحقيقي يتواري خجلآ من تعريف نفسه كي لا يحسب ضمن حملة الشهادات ( المضروبة ) ... و الله المستعان .

[fatmon] 07-23-2015 01:59 AM
فعلا زول ساكت جدا جدا

[أبوبسملة] 07-22-2015 11:20 PM
فعلاً زول ساكت . العوض من أسباب تخلف هذه البلد وحسبه تطبيلاً لهذا النظام


#1306900 [ابو الشيماء]
5.00/5 (9 صوت)

07-22-2015 12:33 PM
الامريكان ديل اغبية لهذا الحد .. ديل اذكي بشر وعندهم دارسات وافية وعلمية عن احوال وسيكلوجيات الشعوب . لذلك يعرفون كيفية اجادة التعامل مع كل متطلبات الحياة .. لذلك ما اظنهم محتاجين لسلالات سودانية لانها لن تزيدهم الا خبالا .. نحن من اكثر شعوب الدنيا سبهللية وعشوائية وعدم عموضوعية وتخلفا.. فاكنها في نفسنا برانا

[ابو الشيماء]

ردود على ابو الشيماء
[أبوبسملة] 07-22-2015 11:32 PM
أبو الشيماء ماذا فهمت من وجوب النقد الذاتى للشخصية السودانية ؟! النقدالذاتى لايعنى أن الشعب السودانى خبل ومتخلف كمافهمت ويؤسفنى ان اقول بأنك تحتاج الى طبيب نفسى لأنك معقّد نفسياً ويائس . الشعب السودانى مميّز بشهادة جميع الشعوب وبالطبع لايعنى ذلك استغنائهم عن النقد الذاتى . قال الأمريكان لايحتاجون الى سلالة سودانية لن تزيدهم الا خبالا !!!وقال نحن اكثر شعوب الدنيا سبهللية وعشوائية وتخلفا وعدم موضوعية !!! إن كنت تصف نفسك فأنت مُحق وإن كنت تعنى ماتقول فشفاك الله


#1306896 [جمال علي]
5.00/5 (1 صوت)

07-22-2015 12:26 PM
ما فاهمين حاجة.
هل ترمي إلي لوم الدكتور/عوض إبراهيم عوض علي ما قاله, أم ترمي إلي التعليق علي سلوك السودانيين نحو ما يكتب عن بلدهم إيجاباً و سلباً. أم تود الكتابة عن برنامج اللوتري و هو ما يسمونه الفيزا المتنوعةDiversity visa و ليس الهجرة المتنوعة .
شئي عادي أن يطرب الإنسان و نفعل للكلمة الطيبة و يحزن و يعضب لما يقال عن سلوك سلبي و السودانيين ليسوا إستثناء.
أوافقك أننا في حاجة إلي تعلم و ممارسة النقد الذاتي و البعد عن تضخيم الذات الذي يؤدي إلي الغرور. و الغرور يقود إلي ما لا تحمد عقباه يا د.عوض إبراهيم عوض.
هدانا الله و إياك و أبعد عنك الحاسدين و المتربصين.

[جمال علي]

ردود على جمال علي
[أبوبسملة] 07-22-2015 11:51 PM
ياجمال الموضوع واضح ولايحتاج الى تساؤل حائر لأنه يتحدث عن حوجتنا للنقد الذاتى وتصديق السودانيين وانفعالهم بمايقال عنهم وساق أمثلة لذلك مثال كلام العوض ابراهيم عوض الغير منطقى وقصة الراعى وغيرها أما موضوع اللوترى الهجرة او الفيزا سمها ماشئت لأن اللوترى معناها يانصيب يعنى شغلة قرعة وحظ وبالتالى تسمية الناس لها هجرة او فيزا تكون على حسب التعبير المصطلح والمفهوم . حيرتنا معاك أحيانا تحاول ان تكون دقيق واخرى تسال اسئلة حائرة لان أسئلتك كلها موضوع واحد ومادة واحدة ضرب لها الظافر امثلة من أصل الموضوع . نعم الانسان مجبول على حب المدح وكراهية الذم ولكن الموضوع ليس عن هذا ياجمال بل عن تصديق ذلك والركون اليه


#1306892 [الظافر يا كوز مصدي]
1.00/5 (1 صوت)

07-22-2015 12:21 PM
بالله عليك خلينا من قصة البروف الجاهل دا ولو زمنك كتير وفائض بالله اكتب لينا عن قصة - الغراباوية والجعلي - بتاعت شيخك المخرف الترابى احتمال تجد فيها خير مثال لنقد الشخصية السودانية . ضيعتوا البلد بجهلكم وغروركم وعايزين ترموا بلاوى السودان على البروف الغنماية المتابعكم دا ؟ فصاحبك الغنماية شاءت ارادة الله ان ترد له كيده في نحرة يوم ان اتهم الاستاذ محمود محمد طه بالكفر حين اذاع خبر الاعدام . صاحبك دا موتور يالظافر وانت لا تزيد عليه في شئ.

[الظافر يا كوز مصدي]

ردود على الظافر يا كوز مصدي
United States [سبحان الله] 07-22-2015 05:21 PM
بالله انت ما مريض زيي الترابي نفسه الذي حبك القصة لكي يثير بها امثالك من الاكاديميين الذي يفكون الخط إلى درجة بروفسير،، كيف يثير الناس إذا لم يحبك لهم قصة بطلها الجعلي، حتى ينتفضوا ويكون وقود له،،

الان لو انت عندك طريقة تقابل بها الترابي،، ممكن تسأله عن هذه القصة سوف يقول ليك أنها من خياله المريض.

في شماليين كتير ومنهم الجعليين متزوجون من غرب السودان ومن جنوب السودان،،،

لم اكن اتخيل انكم تتلذوون بكتابات كاتب مريض يتناول كلام الترابي وغيره عن أي شيء فيه اساءة للشمال والجلابه كما تسمونه وعن القصة التي طلبتها منه حتى تشعر بالارتياح والاندياح..

إلا تتفق معي في هذا بأنك انت والكاتب والترابي مرضى نفسيون؟؟!!! فالترابي المنتج **والكاتب المصدر** وانت المستهلك؟!!!


اسمك الاسفيري [تقصد بالظافر] الظاهر على ما اعتقد


#1306887 [ابو جلمبو]
5.00/5 (1 صوت)

07-22-2015 12:13 PM
اي قرد ممكن يشتري ليهو ورقة مكتوب فيها دكتوارة والا بروفسير

[ابو جلمبو]

#1306885 [ابو جاكومه]
5.00/5 (1 صوت)

07-22-2015 12:12 PM
الكوز مهما تعطر بافخر واقوى العطور الفرنسيه فرائحة نتانته وزناخته تفوح وتغيظ كل اللي حواليه والكوز لن يتعلم ويفهم مهما ذهب وجال في بلاد الدنيا فهو غبي بجداره ويفوق الجميع بخبثه ولن يتغير حتى اذا اعطي جنسية كوكب المريخ ناهيك جنسية امريكا

[ابو جاكومه]

#1306878 [كرم]
1.00/5 (1 صوت)

07-22-2015 12:01 PM
ومصبغ شعره وشنبه يعني عايز يبقى صغير . قوم لف

[كرم]

ردود على كرم
[fas] 07-22-2015 07:31 PM
ال
صبغة ما لها عيبها لي - بعدين مطلوبة ما ممنوعة

European Union [observor] 07-22-2015 05:37 PM
هو وينو الشنب والشعر البصبغوه - حتة الشعر والشنيب العنده ديل اذا قعدن ليوم الدين لونن ما حيتغير وطولن ما حيزيد يعني لا حوجه لصبغه او مشط او ما شاكل... سبحان الله ....


#1306864 [كلحية]
1.00/5 (1 صوت)

07-22-2015 11:42 AM
عبد الباقي الظافر طير يقع علي شاكله هو عوض ابراهيم عوض . كلاهما عرف يتمجيد الطاغية والأكل من فتاته الحرام . كلاهما رذل ومأجور . فلا تسيلوا مدادكم تكتبون عن المرتزقة حتى لا تأثمون !

[كلحية]

#1306810 [ود بري]
5.00/5 (1 صوت)

07-22-2015 10:27 AM
لو الأمريكان دايريين السودانيين .. اللفة الطويلة دي شنو .. لوتري ومجهود ضخم كل سنة ومصاريف في الفاضي .. ما يجو عديل وياخدو الدايرنو .. كلاب عجيب يا سوبر ديب.

[ود بري]

#1306791 [الدكتور نائل اليعقوبابى]
3.00/5 (5 صوت)

07-22-2015 09:59 AM
والله يا عبدالباقي الظافر لم تظفر و لم تنجح فى انقاذ حبيبك عوض يعنى بتحاول محاولات يائسه و داير تقول انو الراجل كان ما بيكضب بل بيجمل فى الذات السودانيه ...... ياخى اسع راعى الغنم وقصتو الرابطها مع عوض شنو ؟ والله الا اذا كان عاوز تقول عوض غنماية ..... الراجل كضب و افترى وتعالى ووقع براهو فى المرمطة دى فاحسن تخليهو يهوى الى حيث ينتمى فى الدرك السحيق حيث نار سعير و بئس المصير.... شوف ليك شغلة يا الظافر بدل ما تتعرس و تكسر ثلج لزول ما بيستاهلها .... او كما قال ادونيس تقرصنى بقرصك لما تقول واى واى واى

[الدكتور نائل اليعقوبابى]

ردود على الدكتور نائل اليعقوبابى
[Shafo] 07-22-2015 10:35 PM
اللخو دكتور شنو

[عميد معاش طبيب سيد عبد القادر قنات] 07-22-2015 11:07 AM
هاهاهاهاهاهاههههههههه والله يا دكتور ما بالغت عديل كلامك بسيط لكن قوى و فى الصميم ومهضوم هههههههههههه ربنا يخليك


#1306789 [سند]
5.00/5 (2 صوت)

07-22-2015 09:53 AM
رجل يحمل درجة الأستاذية في ترويجه لمعلومة ليست ذات أهمية فضلا عن أنها ليست دقيقة هههههههههههههههههههه يعني فقه الضرورة لايستخدم الا في حالات اثتثنائية لمصلحة الدولة الاسلامية ... يا الظافر ما عزبتنا

[سند]

#1306786 [RABSO]
5.00/5 (1 صوت)

07-22-2015 09:43 AM
عوض ده حسه أنو في الأيام الأخيرة من عمره أنو أصبح مهمش وشويه شويه حيتوضع بالرف عشان كده حاول يتسلل بشتي الطرق عشان يظهر تاني وبصورة قوية أصابته زهايمر العودة الي الشهره وأصبح يجيبها شمال ويمين لعلها تظبط !!!!!!!!!!!!!!

[RABSO]

#1306765 [حفيد تور شين]
3.00/5 (2 صوت)

07-22-2015 09:15 AM
ارى بين كتاباتك واندهاش نزار قبانى من بعثرة دررك بان احلام ليست احلام ولكن إلهام نزار اقصد المعنى وليس الاسم... استاذة احلام بانك متأثرة بالكاتبة الفرنسية فرانوازسيخان وتؤمنى ببراءة جان دارك قديكون احساسى كالفجر الكاذب ام صحيح ما رأيت إن كانت تهمة فأنت بريئة إن كان فخر فإنه قلادة توشح سيرتك...
كله فكرفوضى الوجودية التى استوحاها المحافظيين الجدد سياسيا بالفوضى الخلاقة بعد نزع القفازات وازالة المناكير واستبدالاه براحة الدم..وتحويلها الى تعايش المتناقضات هذا الفراغ الروحى وعدم التصالح مع النفس نحتاج فيه الى وقفة للرجوع الى كتلوج الانسان القرآن.. فالعبث والاعتداد بالعقل البشرى وغيبوبة الدعاية والاعلام أظهرت داعش وكأنها الوجودية مرسومة بلوحة تشكيلية رسمها قرد وتباع بملايين الدولارات ويعترف بايعها لشاريها هذه رسومات قرد فابتسم الشارى لهذا التواضع فقال زادت قيمة اللوحة عندى احتشد الشباب في عمر الزهور الى داعش... فبين الجنون والعبقرية شعرة يراها من اؤتى الحكمة المحمدية...فزنديقة باريس تحاكم في بريطانيا وتتحول لقديسة ملهمة..هل داعش تستوحى الفكرة براية السوداء كما اكتفت دارك بحمل الراية السوداء بدلا من السيف.. ولكن الله سميع عليم إن دعونا الله جميعا ونجثوا لله تواضعا ونرفع الاكف لاستجاب لنا تتوقف نوافير الدماء إنقاذ ادمان الاطفال مشاهدة الاشلاء قبل ان تصبح غدا لعبة الموت كافلام البعد الخماسى سيصير سباعى...
احيانا من ركام الحرب..ومن اسافير والاضابير هناك ملهم صامت ..لا يحتاج الى اضواء غير ان يعزف على اوتار علها تحى القلوب ..مات بحنس جوعا في قاهرة العز بلدالمليون مآذنة..
أخى عبدالباقى الظافر... الاستاذ/عوض ابراهيم عوض اعلامى منذ نعومة اظفاره..اختاره نميرى وهو بالثانوى بالنهود ايام النجوم تسصطاد من الدورات المدرسية ابان نميرى يزور كل السودان كان صاحب فراسة يبحث عن الجودة يعرف قدر نفسه ولا يتنطع فكان مهمته اتى بالكودار والاكاديميين جعفر محمد على بخيت ونظريات الشمولية ومنصور خالد عمر الحاج موسى واخوته وعلى شمو كانو قمة الصفوةرغم اختلافنا مع ابو عاج الفارس الشجاع فالمقارنة فجة بين من يستخدم القبلية مثل حكومتنا في عصر العولمة ونميرى لم يكن قبليا او جهويا لا يعلم الناس اى قبيلة كان إلا بعد ظهور الجهلاء الجدد وتجارها ووضع علامة الدين للتسويق؟؟؟..
فجاء ذاك الاسمر صغير السن خلف الماكرفون في رزانة وثقة ثم للشاشة بين عشية وضحاها بجهده وحصافته اصبح محبوب شاشة التلفزيون القومى الذى كانت مادة اجبارية لا فكاك منها فهو صاحب صوت مميز...لمع نجمه ولم ينم كما نام عمر الجزولى خريجى الثانويات بل طموحه الدائم اوصله تلك القمة ويستحقها وسحقا لتقريحك يا ضافر للاستاذ عوض..فكان يسافرللاتحادات الهند ومصر لالقاء محاضرات فى الاسابيع الثقافية حيث يستضيفة اتحاد العام للطلاب السودانيين وما ادراك ما الاتحاد دولة قائمة بمؤسساتها إن لم تكن تعلم اتحادات الطلاب من ارسى للاسف دائم الانقاذ بتنظيماته ابان دورات الاتجاه الاسلامى بالاتحادات...عموما ليس مجال الحديث دور الطلاب فى دعم السياسة بطبخات لم تستوى بحسن الظن ؟؟
اذكر قد القى محاضرة عنوانها دور الاعلام ...في دورة 1985م فى احدى الجامعات بمصر فجاءت مداخلات عن موضوع الهوية الرجل اورد نفس الفكرة حيث قال عقدة الهوية تعمل على الابداع وغزارة الثقافة ..فقال السودانى قمة الثقافة يعرف مريم ماكيبو وحليمة الصوماليةوينصب العزاء لموت بوب مارى ويحفظ اغانى عبدالحليم حافظ وام كلثوم بينما المصرى خريج الجامعة يجادلك بان النيل ينبع من مصر للسودان ..السودانى ويعرف عن جمال عبدالناصر تفاصيل حياته وعن سارتر وكانط ورويات سكشبير والامريكى لا يعلم إلا ولايته وشعارهم المعرفة عند الحوجة واستخدامها عند الضرورة هكذا ضيعوا اهل التربية والتعليم المناهج بنفس العقدة شطحات الوهم بان الطالب يصبح عبقرى للاسف جعجعة وصراخ سياستنا ونوم وكسل اقتصادنا وحرامية رفعوا سعر متر الارض اغلى من المتر في وسط لندن السبب يعكس مدى الفساد ومدى استغفال الشعب ملح الارض...
فكان تفسيره للظاهرة هو الاعتياد بالنفس وتضخيم الذات بل السخرية بيننا اى بين السودانيين ده حلبى وده عب من انتم بين الوان ممارسة العقدة في اضيق حيز.. طيب جميل ماذا يريدون ايها الشعب السودانى البطل ارغام العالم ان يلبس نظاراتكم ويرى بعيونكم ام تغتصبوا اذان العرب لاغانيكم وتتركون إمرأة دار فورية اوت اسرة سورية في عشتها كل الناس غشيتهم عقدة الهوية والفرح لتكريم الاسرة السورية ومنحهم شقة وحياة راقية لماذا ليقول العالم ها نحن بينما كل العالم ضحك منا باهمال وترخيص وتأكيد الونية باغفال المرأة الدارفورية بطلة القصة ورمز الاصالة دون تسويق ...
ففعلا النقد الذاتى منبر سبقه إليك د.حيدر ابراهيم باستفاضة باحترافية واسس اكاديمية ما ذكرته فقاعة الهدف منها نيل من الاستاذ عوض ابراهيم عوض..ولم تستطيع الاستمرار في تحليل الموضوع لا جرابك فاضى ما كتبته يصب في ضجة اعلامية القارئ السودانى يذهب اذنه للرنيين ولا يدقق ما يكتب همه ان يلم عن ما يكتب ويعيد ما قيل فتجد مجالس المدينة تعج بالرويبضة والدهماء والرجرجة فتنشر الاشاعة بل التصديق بسرعة البرق ايضا استغلت هذه التركيبة النفسية بجدارة في ذرى الرماد والتراب لاستمرار الحلابيين والشعب ماسك قرون البقرة.....

[حفيد تور شين]

ردود على حفيد تور شين
[fatmon] 07-23-2015 02:15 AM
شكلك ما شاهدت الفيديو ولا سمعت الكذب يمشي على رجلين ومش كذبه واحده ولا أتنين ولا تلاته وكيف يكون فاهم وكذاب كذب ساذج زي ده واحد يكون ما طلع من السودان شبر ما بكون بالسذاجه دي ما شفنا كذب ساذج زي ده إلا عند حسين خوجلي

بعدين إنت ذاتك حركة إنك تلخمنا بكلمة كلمتين كده على أساس إنك كتاب وبعدين ناخد كلامك ونصدقك ما بتلقاها عندنا الكيزان بسببهم إتعرفنا على كل أنواع الخداع والكذب والإستهبال كفاية سرقات كبيرهم الذي علمهم السحر خلاص حركات زي دي ما بتنطلي على أبسط البسطاء يا كمال شانتير السذاجة

[أبوبسملة] 07-23-2015 12:16 AM
حفيد ود تورشين ياخوى بعيداً عن هذه المقدمات وهذا الكلام الخارج النص وانت تتحدث عن مواهب العوض ابراهيم عوض وتمثيله للسودان بإيعاز حكومى ووووو يعنى من الآخر كدة أنت لم تستطع نقد الكاتب فى شيئ سوى اتهامك له بإستهداف ولدكم العوض ولكنك لن تُثبت ذلك ولن تُثبت مهما كتبت خارج النص . خليك منطقى هل تُصدّق هذه القصة ؟ لأن هذا هو كل الموضوع . أهـ

United States [هل لو كان المتحدث غير المذيع عوض كنت بتختلف مع الكاتب] 07-22-2015 05:44 PM
دائما بتأخذون المواضيع اللي زيي هذه بحساسية شديدة.. الراجل دا ما نقد عوض ابراهيم عوض في فكره وفي علمه ولا في شهاداته ولا في صوته.

ياخي خليكم واقعيين اسه الكلام دا لو عوض مشى لاي روضة أو مدرسة ابتدائية وقال ليهم الصف الأول وينو.. ودخل وسلم عليهم وقال ليهم الكلام دا البصدقوا منو؟؟ انا بأكد ليك كل الفصل حيضحك.

انا سمعت الفيديو لو الزول الامريكي دا قال لي عوض نحنا بنحاول نستقطب مثلا في الكوادر المؤهلة من الاكاديمين والاطباء والمهندسين واستاذة الجامعات وغيرهم وانت ماشي كانت بتكون مقبولة.. لكن مسألة نحنا بنبحث عن قيم وعادات ولقينا انهم وسط السودانين أو بالمعنى دا وغيرها فيها نوع من العبط المركب.

تعليقك حلو ومتزن ومهذب وليس فيه هوس المعلقين المعقدين والجهويين. ولكنه كان بصورة واضحة مدافعة عن عوض براهيم عوض ابن منطقتك أو ابن المنطقة

فتحامل على الكاتب من باب أنه ذم ابن منطقتك؟ فعوض ابراهيم عوض اسلامي ومتعاطف مع المؤتمر الوطني؟
انا شخصيا ما عارف لكن الكلام دا لو قاله شخص تاني غير عوض ابراهيم عوض لكنتم وافقتم الكاتب فيما آل إليه.. ودي اشكالية كبيرة جدا وسط الفئات والنخبة المستنيرة في السودان.

احد المعلقين هنا طلب من هذا الكاتب أن يكتب عن القصة التي ابتدعها الترابي المريض بين [المرأة الغرابية والجعلي] بالله عليك في مرض اكثر من هذا؟؟؟

[عماد] 07-22-2015 12:17 PM
وفيت وكفيت لك الشكر

United States [بيلى] 07-22-2015 12:17 PM
ماشاء الله بالك طويل قدرت ترص الكلام دا كلو !!

[A. Rahman] 07-22-2015 11:21 AM
"فجاء ذاك الاسمر صغير السن خلف الماكرفون في رزانة وثقة ثم للشاشة بين عشية وضحاها بجهده وحصافته اصبح محبوب شاشة التلفزيون القومى الذى كانت مادة اجبارية لا فكاك منها فهو صاحب صوت مميز".

عشان كدا قام مذيعك المتميز بإضافة رأيه الخاص، و رأي جماعته من الإخوان المتأسلمين، لخبر الحكم على محمود محمد طه أثناء إذاعته لنشرة الأخبار؟ هذا تصرف لا يصدر إلا من نفس مريضة تشبه تماما مذيعك المنفوخ. و متى أنتج نظام جعفر نميري إعلاميين متميزين؟


#1306747 [المتجهجه بسبب الانفصال]
3.25/5 (4 صوت)

07-22-2015 08:53 AM
كل عام وانت بخير يا عبدالباقي ،،،،

أولا اقحام موضوع الراعي ليس له علاقة بالموضوع ذلك فعل واقعي راه العالم بام عينيه،،، الذين نغموا على الدكتور عوض ابراهيم عوض كما ذكرت التسطيح الذي بذله بهذه الشاكلة واللوتري سياسة امريكية اشترعها كلينتون لاسباب معروفة وغير معروفة وليس من اجل السودانيين فقط الا اذا كان الدكتور عوض لم يفهم كلام الامريكي او حاول يزيدا كوز،، لو فتحت موقع اللوتري تجد أن قائمة الفائزين بلوتري 2014 حوالي 3000 ويزيد سوداني،، اما لوتري 2015 الذي اعلن عنه شهر مايو الماضي زاد عدد السودانيين الى 6000 فائز وده دليل انو عدد المقدمين السودانيين زاد لذلك زاد عدد الفائزين, ما اغاظ الاسافير ان عوضاً هذا طرح الموضوع بشكل رأى فيه المعلقون استهتارا بعقولهم،،، قولك نحتاج لنقد ذاتي بشأن شخصيتنا ده كلام مهم جدا عشان نبدأ صاح فلسنا اهل الكمال في كل شيء وحري ان يصحح عوض مقولته هذه بدءً بالنقد الذاتي وتأسيسا لسياسة الاعتذار في بلد الواحد لو قال في مكان عام عن اذنك او لو سمحت أو آسف اعتبروه حنكوشاً ،،،

[المتجهجه بسبب الانفصال]

#1306742 [jafar]
1.00/5 (2 صوت)

07-22-2015 08:48 AM
والله اقطع ايدى من هنا لو أنا فهمت حاجة !!!

[jafar]

#1306739 [حاج علي]
5.00/5 (1 صوت)

07-22-2015 08:43 AM
عوض دا غبي بشكل

[حاج علي]

#1306735 [ابو محمد]
2.00/5 (3 صوت)

07-22-2015 08:36 AM
ماقيمة هذا المقال ايضا

[ابو محمد]

#1306732 [ود الشيخ]
5.00/5 (1 صوت)

07-22-2015 08:33 AM
يا أخى والله عوض ده فاكيها فى نفسو وعامل فيها أبو العريف ... أنا ماعارف هو أصلاً دكتور وبروفسير بالجد والاً إشترى الشهادة بالقروش ... لعنة الله على إخوان الشيطان ومن سار فى نهجهم ...

[ود الشيخ]

#1306731 [انسان عميق]
4.47/5 (6 صوت)

07-22-2015 08:31 AM
الالمان معاهم حق اذا شعروا بالتعالي علي باقي الخلق اما نحنا السودانين في شنو؟ نحنا محتاجين نكون عمليين كتير حتي نستطيع من ردم الفارق الزمني بين واقعنا الحالي و التطور من حولنا في العالم

[انسان عميق]

ردود على انسان عميق
[تعليق] 07-22-2015 01:14 PM
حتي فارق الزمن دا صعب عشان نحن الوحيدين زمنا ناقص ساعة بسبب البكور ...


#1306729 [منير البدري]
2.75/5 (9 صوت)

07-22-2015 08:28 AM
عوض كضاب و منافق و لبلاب متسلق

قال اعلامي

الكضب و النفاق ما بينفع في اي مهنة مهما كانت

ناهيك عن الاعلام و الصحافة يجب ان تتسلم بكل الصدق و الامانة

وانت يا بقة لم تتداول الموضوع بمهنية و مصداقية و قول الحق

و انما لفيت و دورت كعادة الحركة الاسلامية و الكيزان المؤسسة

في الكضب و النفاق و فقه السترة المبتدع من قبلكم

يا بقة انت و هو وجهان لعمة واحدة

الله يهدكم و يدمركم و يمزقكم و يشردكم و يريحنا منكم و من اشكالكم

كضب و نفاق و لف و دوران و الي متي تحسبوننا اغبياء ايها الفارغون

الفاشون الفاسدون

[منير البدري]

#1306723 [ود العقاب]
3.00/5 (4 صوت)

07-22-2015 08:21 AM
source Wikipidia:
John Davis (January 13, 1787 – April 19, 1854) was an American lawyer, businessman and politician from Massachusetts. He spent 25 years in public service, serving in both houses of the United States Congress and for three non-consecutive years as Governor of Massachusetts. Because of his reputation for personal integrity he was known as "Honest John" Davis.
جون دايفس دا مات سنة 1854 ... الزول دا لاقيتو وين يا سيادة البروفيسور

[ود العقاب]

#1306718 [جادين]
5.00/5 (1 صوت)

07-22-2015 08:18 AM
طرح متميز لأمثلة ماثلة للعيان فهل من مستوعب

[جادين]

#1306713 [جنو منو]
2.99/5 (8 صوت)

07-22-2015 08:09 AM
وانت العالم ببواطن الامور فى امريكا كدى قولينا ماذا تعنى بأن هذه المعلومه غير
دقيقه .. يعنى الراجل فى النهايه طلع كذاب .. الا تعنى ذلك .. قال بروفسير قال .

[جنو منو]

#1306706 [عبدالله الشقليني]
3.00/5 (10 صوت)

07-22-2015 07:59 AM
دة مُش المجيز لماجستير الرئيس ؟

[عبدالله الشقليني]

ردود على عبدالله الشقليني
[fatmon] 07-22-2015 09:14 AM
عليك نور عشان كده المقال له مآرب أخرى لأنه ما معقول الراجل ده يطلع كداب عشان الرماد كال الرقاص راجل اللصة وداد
أقصد الراجل بشه راجل البسه اللصة (البسه بكسرالباء)


#1306705 [ابو معاذ]
4.00/5 (3 صوت)

07-22-2015 07:58 AM
الأستاذ عوض عذبنا فى القنوات الفضائية ، كل ما تفتح قناة تجده يتحدث والأغرب من كل هذا إصراره على المساهمة فى قراءة نشرة الأخبار وكأن النشرة عبارة عن مصدر شهرة ولبس، الرجاء ترك قراءة الأخبار للمذيعين الشباب خاصة أنت والدكتور عمر الجزلى وخليكم فى مواقع أخرى وبالجد عذبيتنا يا عوض

[ابو معاذ]

#1306702 [ود الشريف]
3.00/5 (2 صوت)

07-22-2015 07:49 AM
يا عبد الباقي الاستاذ عوض كان (محموم ) بعيد عنك فما في داعي للمقال .

[ود الشريف]

#1306698 [htamrabe]
5.00/5 (3 صوت)

07-22-2015 07:46 AM
مقال ممتاز هل من تضخيم الذاتحكاية السودان سلة غذاء العالم وهو لا ينتج القمح او الأرز؟ ويستورد معظم غذاءه من الحارج

[htamrabe]

#1306690 [قهران]
3.00/5 (2 صوت)

07-22-2015 07:13 AM
لم احترمه منذ مناقشة رسالة ماجستير البشير‘نافق البشير حينها حتي استحي له،يا جماعة ما تكسرو التلج وعوض يضحك بدناءة وهوان‘،لا ادري لم ينحني بعض الرجال الي هذا الحد،،،اتمني اناعرف مؤلفاته وبحوثه التي استحق بموجبها درجة بروف،،ويذكرني هذا سخرية سارة الفاضل حين زارت معسكررات حزب الامة في ارتريا وقدموا لها احد خفراء بيت المهدي تسبقه رتبة رائد،،يا سلامة الرواد، ردت بسخرية فهي تعلم مدي مقدرات الخفير العقلية،وعوض لا يختلف في ذهنيته عن ذلك الخفير الكادح

[قهران]

#1306687 [بركل بدر]
2.82/5 (5 صوت)

07-22-2015 07:03 AM
كتب صاحب المقال:
كل الشعوب التي تعلي من أسوار الوهم تعيش في أكذوبة كبري إلى حين يحدث الامتحان ويفتضح الحال.


لاحظ جملة "إلى حين يحدث الامتحان ويفتضح الحال"

هل "الامتحان" لم يحدث للسودانيين في الـ26 سنة من خراب الإخوان للسودان؟

هل "افتضاح الحال" ما زال وكأن السودان في أوج مجده؛ هل وجد السودان فضيحة أكثر من هؤلاء في الفساد والحروب وبيع السودان؟

ركز في لغة جديدة تتناسب مع واقع الحال. السودان زمن طفولتك ليس هو تماماً زمن طفولة أبنائك أو أحفادك.

[بركل بدر]

#1306676 [الريح حسين]
1.00/5 (1 صوت)

07-22-2015 06:13 AM
وانت عشان الجنسية الامريكية اللي تفتخر بيها حاقد علي السودان والسودانيين؟؟ يلعن ابو شواربكم

[الريح حسين]

#1306673 [[جمالوف]
5.00/5 (1 صوت)

07-22-2015 06:03 AM
يسلم لسانك

[[جمالوف]

#1306668 [Walid]
5.00/5 (4 صوت)

07-22-2015 05:48 AM
كلامك سمح تب
شعب عاطفي جدا
وقصه الفتاه السوريه التي غنت تعال يااسمر
ما باقي الا نسوي ليها تمثال في شارع النيل
ياجماعه اصحوا معانا شويه

[Walid]

#1306666 [harouna]
1.00/5 (1 صوت)

07-22-2015 05:46 AM
talkin talkin talkin I don't know what gonna say but I think that's funny if a prof believe that's true nobody else can believe this even no go to school the cenator just joking with you when he say that's don't take it serious you are prof have to use your brain and
analyze everything the lottery isn't just make it for Sudanese you have to know that America if need Sudanese can do that with any lottery

[harouna]

ردود على harouna
[Hornet29] 07-22-2015 03:12 PM
ده انقليزي ده يا مرسي ؟


#1306652 [nubian]
3.00/5 (2 صوت)

07-22-2015 03:33 AM
مافهمنا اى حاجه في كلامك ده الظاهر انك ماعندك موضوع داير تحشر نفسك وبس فاضي

[nubian]

#1306650 [عمر عبد الله عمر]
2.88/5 (4 صوت)

07-22-2015 03:27 AM
محاولة إنقاذ فاشلة يالظافر رغم التذاكي الواضح

[عمر عبد الله عمر]

ردود على عمر عبد الله عمر
[fatmon] 07-22-2015 09:18 AM
الجماعة ديل مشكلتكم بفتكروا إنه الذكاء ده لما قسموا أدوا ليهم براهم مع إنهم اليوم داك ما كانوا موجودين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة