الأخبار
أخبار إقليمية
وزير التنمية البشرية بالخرطوم يرحب بالتعاون مع جامعة قاردن سيتي
وزير التنمية البشرية بالخرطوم يرحب بالتعاون مع جامعة قاردن سيتي
وزير التنمية البشرية بالخرطوم يرحب بالتعاون مع جامعة قاردن سيتي


لتدريب العاملين بالدولة في عدد من المجالات
07-25-2015 09:35 PM
(سونا) رحب الدكتور يحي صالح مكوار وزير التنمية البشرية والعمل بولاية الخرطوم بالتعاون المشترك بين الوزارة وجامعة قاردن سيتي في مجال التدريب في كافة المجالات ورفع قدراتهم خاصة في اللغة الإنجليزية .
جاء ذلك خلال لقائه بمكتبه اليوم بالدكتور مجتبى الزاكي الصديق ممثل مدير جامعة قاردن ستي بحضور الأستاذ عامر عباس مدير الإدارة العامة لبناء القدرات بالوزارة.
وأكد مكوار حرص الوزارة على عقد العديد من الشراكات مع مختلف الجهات التعليمية داخلياً وخارجياً حتى يتم تدريب وتأهيل العاملين بالولاية وفق أحدث البرامج التدريبية والوسائل التعليمية حسب الإحتياج التدريبي الموضوع على أيدي خبراء في مجال التدريب .
من جانبه ثمن ممثل جامعة قاردن سيتي الدكتور مجتبى الزاكي الصديق الدور الذي تقوم به الوزارة في تدريب وتأهيل العاملين بالولاية مستعرضا مجالات التعاون المشترك بين الوزارة والجامعة .


تعليقات 8 | إهداء 0 | زيارات 2674

التعليقات
#1309683 [aldafari]
0.00/5 (0 صوت)

07-27-2015 12:27 PM
أين هي الدولة ؟
بنسمع باننا لدينا دولة وحكومة السودان لم تكن به دوله منذ الاستقلال حتى يومنا هذا الذين حكوموه منذ الاستقلال وحتى اليوم كانوا جميعا دون المسئولية ولم يعملوا بلد المعنى المتعارف عليه كانوا اناس يتقاتلون من اجل كرسي الحكم ولاهم لهم في تطور انسان السودان اوالبلد ككل وحالنا هي الشاهد الوحيد على تخبط كل النخب السياسية التي حكمت ومازالت تحكم نفس العقليات القديمة فقط ظلوا يتقاتلون من اجل الكراسي ومن اجل الثراء من مال الدولة والمواطن المسكين.

فمتى ياتي السودان بنخب تعي وتطور الانسان والبلد ككل فهل يا ترى نرى ذلك؟

وإن لم يبسط العدل ويسود القانون بين الناس ومحاسبة الوزير قبل الغفير فلن يتقدم السودان شبرا واحدا

والمطلوب من شعبنا الوفي الرجوع لله لقد بعد اهل السودان عن ربنا كثيراً حكومة وشعبا عليكم بالرجوع لله والالتجاء اليه والاخلاص له حتى نخرج من الوضع المزري الذي تعيشه الدولة والمواطن .

فهل من رجل رشيد ؟ يا شعبي الفضل.

[aldafari]

#1309117 [وجع القلوب]
0.00/5 (0 صوت)

07-26-2015 10:56 AM
أعوذ بالله من هؤلاء القوم ، راحت إشراقة وقلنا بلاء وإنزاح ، ونفاجأ بأن مكوار أتعس منها ، ويبدو عليه اللؤم والجهل المركب. أي تدريب تود عمله للعاملين واي حوجة للتعامل باللغة الانجليزية ؟
حسبنا الله من هؤلاء الاشرار ، لا يوجد واحد بالغلط يحس بالمواطن الغلبان الكليم التعيس. ندرب العامل ، وهو لا يجد الماء الصالح للشرب ، ولا يجد الكهرباء ولا يجد الدواء ، وأبناء العامل يدرسون في العراء ومدارس غير مهيأة حتى لتربية الدواجن.
نسأل الله أن يولي الصالح ويخفس الارض بالطالح. ونشوف فيكم يوم تشفى فيه النفوس.

[وجع القلوب]

#1309104 [ود سليمان]
0.00/5 (0 صوت)

07-26-2015 10:40 AM
يا مكوار ، وحياة شهادة الدكتوراه ، خليك من تدريب العاملين ، وفي الوقت الحالي ما في داعي لرفع قدرات العاملين في اللغة الانجليزية ، شوف طريقة الموية والعاملين محتاجين لماء شرب نظيف وتيار كهرباء متوفر وكمان دواء يكون غير مغشوش . لازم تحس بالمواطن وتلبى احتياجاته الملحة ، وخليك من الفلهمة وأمور اللف والدوران .
أنا ما عارف ليه كل الدكاترة نصابين؟ د عبد الرحمن الخضر ، د مصطفى عثمان ، د عوض الجاز ، د المتعافي ، واحد ود حلال مافي.

[ود سليمان]

ردود على ود سليمان
European Union [مندهش] 07-26-2015 08:16 PM
بس هو طبيب عام و لا يحمل الدكتوراة و كلمة دكتور عشان طبيب..و عبد الرحمن الخضر لا يحمل الدكتوراة و هو خريج طب بيطرى بكلاريوس طول بالك ما يجيك وجع قلب ديل حثالة المجتمع بس يعذ من يشاء و يذل من يشاء


#1309083 [ابو احمد]
0.00/5 (0 صوت)

07-26-2015 10:17 AM
اول مرة اسمع بجامعة قاردين ستى

بالمناسبة مامون حميدة ساكن فى قاردن سيتى

[ابو احمد]

#1309064 [الزهجان]
0.00/5 (0 صوت)

07-26-2015 09:55 AM
الزول دا الاسمو يحي مكوار القالو وزير التنمية البشرية يا جماعة الزول دا كان بيجي مستشفي جعفر بن عوف للاطفال سكراااااااااااااان واي زول بيعرف زول شغال هناك قبل سنة 2009 يسالوا هههههههههههه قال وزير قال .......دا انسان غير سوي

[الزهجان]

#1309053 [لمتين يا أم زين]
0.00/5 (0 صوت)

07-26-2015 09:43 AM
ياناس الشفقة شنو ؟ قريبا جدا حتفتح جامعة حوش بانقا ،فرع كافوري !!انتو لسع ماشفتو حااااجة !!جاردن سيتي قال !!الجامعات بقت زي ملاح الكمونية !!

[لمتين يا أم زين]

#1308826 [المهندس سلمان إسماعيل بخيت على]
0.00/5 (0 صوت)

07-25-2015 10:20 PM
إنتم قلتم الإنتخابات تجب ماقبلها والبشير وجماعته كلهم قالوا السويناهو من 30 يونيو 1989م الى ابريل 2015م كووووووووووووووووم
والحنسويهو من ابريل 2015م الى 2020م كوووووووووووووم تانى
موظفين شنو البتدربوهم
مفروض المو مؤهل ومو متدرب لايتم توظيفه
ولا ديل موظفى التمكين
يا عبد الرحيم لا يصلح العطار ما أفسد الدهر
ديل شردوهم زى ماتم تشريد جماعتنا وجيبوا القوى الأمين
ديل مابينفعوا خالص كل واحد ادوه كشك مع ستات الشاى
او عربة يجرها موتر لنقل النفايات يشتغلوا مع بروف مأمون حميده فى لم الزبالة
قالوا مامون حميده حيستعين بالقطاع الخاص فى جمع النفايات
مسئول من الخير بروف مأمون
برضو رسوم النفايات سيتم تحصيلها ام سيعفى الشعب منها
والله فى الشايفه دا الخمس الجايات حتكون أكعب من الـ 26 الفاتت وربنا يكضب الشينة

[المهندس سلمان إسماعيل بخيت على]

#1308813 [المهندس سلمان إسماعيل بخيت على]
5.00/5 (1 صوت)

07-25-2015 09:46 PM
كم يبلغ عمر جامعة قاردن سيتي ؟
ماهى السيرة الذاتية لهذه الجامعة فى مجال التدريب
يا عبد الرحيم دا فرقه شنو من كوم مستشاري سلفك الخضر
ومن هم الملاك الحقيقيون لجامعة قاردن ستي ؟
انا شامى لى ريحة عفنه

[المهندس سلمان إسماعيل بخيت على]

ردود على المهندس سلمان إسماعيل بخيت على
[المهندس سلمان إسماعيل بخيت على] 07-25-2015 11:39 PM
بعدين مسئولين من الخير موظف فى ولاية الخرطوم الأنجليزى داير بيهو شنو هسي موظفى بلدية لندن قاعدين يدرسوا عربى أو فرنسي
لغتنا مابها
أم لزوم السفريات
والله يا الكيزان حيرتونا كل يوم تجونا بجديد
القروش العاوزين تهبوها لجامعة قاردن ستي دى أدوها للمهندس خالد على خالد بمياه ولاية الخرطوم يشترى بيها ماسورتين تلاته
لسع فضل موظفين لديهم افكار زى دى
مالو مركز التدريب بجامعة الخرطوم
خبرة وحكومى ومجان ولا لسع فى ناس بتفتش لى ديربات المأكلة
تأكلوا شنو
مابقت عضم
والله زكرتونى بالكلب
لمان يلقى ليهو عضم ناش يعضيه ويغمض عيونه عشان النخاع ما يرش عيونه
لك الله ياسودان
يا جماعة الرضاعة سهله لكن الصعب الفطامة ويا عبد الرحيم الجماعة ديل كانوا بيرضعوا من شطر بقره فريزين فى عهد سلفك الخضر وكضاب من يقدر على فطامتهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة