الأخبار
أخبار إقليمية
برلمانيون يشكون من "النيقرز" ويطالبون بمادة للجهاد في المناهج التربوية لتربية الجيل القادم ومحاربة التطرف
برلمانيون يشكون من "النيقرز" ويطالبون بمادة للجهاد في المناهج التربوية لتربية الجيل القادم ومحاربة التطرف
برلمانيون يشكون من


07-28-2015 10:59 AM
الخرطوم: عازة أبوعوف

حذر برلمانيون بتشريعي الخرطوم من حدوث انفلات أمني بالولاية، وأقروا بأن مناطق الثورة الغربية بأمدرمان تعيش مشكلة أمنية جراء انتشار عصابات النيقرز، وقال العضو النائب الحاج نور الدائم في جلسة التشريعي أمس: (لدينا مشكلة أمن حقيقية بمنطقة الثورات غرب حيث اقتحمت عصابة للنيقرز مكونة من 50 شخصاً الحارة 15 وروعت المواطنين).
وأضاف: (المجرم يعمل جريمتو وأحياناً يطلق سراحه بعد أسبوع)، وشدد على ضرورة سن قانون رادع ومضاعفة الإمكانيات الأمنية بمراكز بسط الأمن الشامل .

وفي سياق منفصل شدد برلمانيون على ضرورة فصل فاتورة المياه عن الكهرباء واعتبروه إجحافاً في حق المواطنين.
وانتقد النواب خطاب والي الخرطوم السابق عبدالرحمن الخضر حول إكمال شبكات المياه باعتباره مرفوض ووصفوه بالمتناقض.
وقال البرلماني الفاتح عباس خلال جلسة التشريعي أمس إن الوالي السابق في خطابه جزم بأن الكمية المنتجة من المياه كافية بنسبة 120% وأضاف: الآن يظهر أن الكمية ضعيفة مما يعني أن هناك تضارب في المعلومات .

ومن جهة أخرى طالب برلمانيون بضرورة إدخال مادة الجهاد في المناهج التربوية، لتربية الجيل القادم ومحاربة التطرف (على حد تعبيرهم).
وقال النائب آدم عبدالله إن العنف فكري الذي ظهر يبدأ بالتكفير وينتهي بالتفجير. وأرجعوا ذهاب عدد من طلاب جامعة العلوم الطبية لداعش لغياب الثقافة الفكرية. وقال آخرون إن خدماتنا التي نقدمها تفتقد لروح التعامل وفق برنامج دعوي، فيما انتقد نائب تأجير القبور بمقابر حمد النيل بقوله: (لا يمكن أن تجد مدفناً دون أن تدفع رسوم).

ومن ناحية أخرى طالب برلمانيون والي الخرطوم عبدالرحيم محمد حسين بعدم اتباع سياسات حكومة الولاية السابقة، وقالوا إن كل سياسات الوزارات السابقة واجهت الفشل، وشن النائب عجيب الهادي هجوماً على سياسات الحكومة وقال: (كل سنة نسمع خطة إسعافية ومستقبلية وخطة للخريف ويحدث العطش والغرق دون استدعاء وزير أو استقالة مسؤول) ووجه انتقاداً لاذعاً لمشروع النقل النهري بقوله: (الناس ما لاقية تشرب)، مطالباً بقرار وصفه بالجرئ يقضي بإيقاف تلك المشاريع، فيما لفت العضو آدم عبدالله الى فقدان الثقة في الحكومة وقال: (إن المواطن أصبح يصدق كلام الصحف أكثر من الحكومة).

الجريدة


تعليقات 15 | إهداء 0 | زيارات 3730

التعليقات
#1311089 [مازن]
0.00/5 (0 صوت)

07-29-2015 01:26 PM
النيقرز عصابات تابعة لجهاز الامن والمخابرات لترويع المواطنين وارهابهم وشغل الصحافة بمواضيع من خيالهم

[مازن]

#1311039 [المتجهجه بسبب الانفصال]
0.00/5 (0 صوت)

07-29-2015 12:35 PM
جهاد تاني يا دلاليك ،،،، قولو مادة التربية الوطنية وحب العمل والانتاج وتبني الابداع والابتكار المفيد ،،،

[المتجهجه بسبب الانفصال]

#1310937 [kola]
5.00/5 (1 صوت)

07-29-2015 10:19 AM
هم لسا في الوهم بتاع الجهاد دا؟!!!!!

[kola]

#1310750 [NjerkissNjartaa]
0.00/5 (0 صوت)

07-29-2015 03:25 AM
ما فهمت الجمل والعبارات ادناه الرجاءالمساعدة:

* الثقافة الفكرية

* المجرم يعمل جريمتو وأحياناً يطلق سراحه بعد أسبوع

* وفي سياق منفصل شدد برلمانيون على ضرورة فصل فاتورة المياه عن الكهرباء واعتبروه إجحافاً في حق المواطنين.

* ومن جهة أخرى طالب برلمانيون بضرورة إدخال مادة الجهاد في المناهج التربوية، لتربية الجيل القادم ومحاربة التطرف (على حد تعبيرهم).

* وقال النائب آدم عبدالله إن العنف فكري الذي ظهر يبدأ بالتكفير وينتهي بالتفجير. وأرجعوا ذهاب عدد من طلاب جامعة العلوم الطبية لداعش لغياب الثقافة الفكرية

* وقال آخرون إن خدماتنا التي نقدمها تفتقد لروح التعامل وفق برنامج دعوي

لماذا تنشر الراكوبة صياغه لغوية مثل هذه؟

[NjerkissNjartaa]

#1310744 [التوم]
5.00/5 (1 صوت)

07-29-2015 02:37 AM
مادة للجهاد !!! ما هى دى الدعوشة زاتها يا غنم.

[التوم]

#1310703 [نور]
5.00/5 (1 صوت)

07-29-2015 12:08 AM
يعني الناس تنتظهر حتى توضع مادة للجهاد في المدارس ؟؟؟
والعلاقة بين النقرز والجهاد شنو ؟؟؟
وسؤال بسيط الحكومة فقط في ولاية الخرطوم عندها كم رجل أمن وشرطة وبياخدوا رواتب ومخصصات وبدلات قدرها كم والاسلحة والمركبات ..والهيلمانة ده كلها عاجزة عن مكافحة عصابات لايملكون حتى أسلحة نارية ....
يعني اسرحوا وأمرحوا يا أولانا يا نقرز حتى تتخرج الدفعة الأولى من تلاميذ الجهاد.

[نور]

#1310601 [الوجيع]
0.00/5 (0 صوت)

07-28-2015 07:51 PM
زمان قالوا النيقرز ديل جنوبيين والجنوب انفصل ولمن الحكومة اكتشفت انكم ماح تقدروا تعيشوا من غيرهم وبكيتو على الانفصال عملت ليهم الحريات الاربع تسوى ليكم شنو تانى.؟.. كدة ووب وكدة ووب ؟ولسع ما ضفتوا حاجة دى المناظر بس ويا ماحتشوفوا حاجات ولا فى السينما......بس امسكوا لى فى العبارات الرنانة ديك دعم الوحدة الوطنية... رتق النسيج الاجتماعى ... التلاحم الوطنى ... ابتلاءات...تصرفات فردية..... الخ من العبارات القصد منها ذر مزيد من الرماد فى العيون.

[الوجيع]

#1310553 [اهل الرحمة]
0.00/5 (0 صوت)

07-28-2015 06:04 PM
لوكان هنالك ذرة ضمير في المجلس لاستقال المجلس بعد احداث القطوعات الماء والكهرباء وارتفاع الاسعار وكذب المسئولين

[اهل الرحمة]

#1310549 [zoooooooooool]
0.00/5 (0 صوت)

07-28-2015 05:45 PM
فيما انتقد نائب تأجير القبور بمقابر حمد النيل بقوله: (لا يمكن أن تجد مدفناً دون أن تدفع رسوم!!!!!!!!!!!!!!!!!!!!!

[zoooooooooool]

#1310436 [حسكنبت]
5.00/5 (5 صوت)

07-28-2015 02:59 PM
قبلتوا على عبدالرحمن الخضر بعد ما فات ؟
أها جاكم واحد ريالتو سايلة النشوف واحد فيكم إقول ليهو قشها

[حسكنبت]

#1310408 [المفتش]
0.00/5 (0 صوت)

07-28-2015 02:16 PM
عطالة, حرامية ومفلسين عقليا.

[المفتش]

#1310388 [SOS]
5.00/5 (2 صوت)

07-28-2015 01:49 PM
اذا كان الحكومة متطرفة وتدعم الارهاب الدولي, حتحمينا من ارهاب شفع صغار, دي حتدعمهم عديل كدا.

[SOS]

#1310357 [بنت الناظر]
5.00/5 (6 صوت)

07-28-2015 01:18 PM
الأبالسة دايرين يمرروا حكاية تدريس الجهاد بصورة واضحة ..ما الجهاد أصلا بيدرس تحت..تحت ..يعنى غميتى كده..

قالوا طالب فاشل سمع خبر داعش تمنع دراسة مادة الرياضيات ..لأن الحساب يوم القيامة..

قال .. الله ياخدكم ..وينكم من زمان..ضموا ليها الإنجليزى كمان لأنها لغة الكفار..

هؤلاء النيقرز ماهم إلا نتاج مشروعكم الحضارى ..نيقرز ..دواعش وجواحش ..إرحلوا عنا وسيكون السودان وشعبه بخير...

[بنت الناظر]

ردود على بنت الناظر
[بنت الناظر] 07-28-2015 09:32 PM
بالله الجهاد ما لقى يدرسوا إلا عصابة الحرامية ديل سارقى قوت الشعب السودانى...خليهم يمشوا يتحللوا بالأول من مال السحت بعدين يكلمونا عن الجهاد ..


وحتى لوكان أبوى غفير المدرسة يكفينى فخرا أنه راجل عاش نزيها وعلمنا أن نعيش على المبادىء والقيم.. ولقى ربه تقيا شريفا ...

أنا أكتب من إيمانى بما أكتب ..لست قلما مأجورا مثلكم ..

United States [الدبابي الحيتفك في وشكم] 07-28-2015 06:32 PM
من كلامكي شكلكي بنت الغفير الشغال في مدرسة الناظر تقدر علينا يا بنية

[muslim.ana] 07-28-2015 04:06 PM
يا بنت الناظر الجهاد القالو الله ما حاجة بيخجلو منها وما داير ليهو دسدسة.

وانتي زيك وزي ناس داعش فاهمينو غلط، ديلك فاهمينو قتل من طرف كان المقتول مُحارِب ولا ما مُحارِب، صغير ولا كبير...وانتي -وكتير زيك من البسمعو كلام اصعاب الاغراض ويحفظو ويكررو ساكت- قايلين انو كلمة الجهاد دي عيب والنطق بيها ساكت تخلف وجريمة تستدعي التخوين.

حكومة السجم الفيها اتعرفت والدواعش وامثالهم الفيهم اتعرفت وحتى علماء الدين بيخطؤهم..لكن كلام الله واوامر الله ما فيها ظلم وما عندها علاقة بي عمايل الناس دي فما تلخبطوا الكيمان ساكت يا ناس وابقو واعين فالكلمة ممكن تغطس حجر الواحد في جهنم سبعين خريفاً الله ينجينا وأياكي وجميع قراء الراكوبة وأهلهم منها.


#1310332 [ابو جلمبو]
5.00/5 (5 صوت)

07-28-2015 12:49 PM
نقرز شنو ووهم شنو
ما انتو كلكم جبناء وزي الجداد، الواحد من النقرز ديل يتقبض طوالي يتعلق في اقرب عموك من رقبتة واي واحد يخش بيته، وكمان اي واحد يشيل معاهو مسدس في جيبة، واي كلب من النقرز ديل يظهر ليه بس طلقة في راسة ويسيبو مرمي في الواطة، ولو كانو كتار يفتح فيهم كلهم نار، وحيحصل شنو يعني

[ابو جلمبو]

#1310289 [جنو منو]
5.00/5 (4 صوت)

07-28-2015 11:51 AM
ومن الذى يحمى المواطن المسكين من حكومة النيقرز يا برلمانى يا شاطر ..!!ّ

[جنو منو]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة