الأخبار
أخبار إقليمية
مدير عام الجاليات: جملة من الترتيبات لجذب مدخرات المغتربين
مدير عام الجاليات: جملة من الترتيبات لجذب مدخرات المغتربين
مدير عام الجاليات: جملة من الترتيبات لجذب مدخرات المغتربين


07-28-2015 09:42 PM
(سونا) - كشف جهاز السودانيين العاملين بالخارج عن جملة من الترتيبات لجذب مدخرات المغتربين من خلال توظيف الجاليات السودانية فى المهجر لدعم الاقتصاد والدبلوماسية الشعبية ونقل القيم والثقافة السودانية.
وقال الاستاذ احمد عثمان مدير عام الجاليات بجهاز المغتربين في تصريح لـ (سونا) إنهم بصدد تقسيم الجاليات جغرافيا لسبعة دوائر وتشكيل مجالس تنسيقية عبر الانتخاب لادارة قضايا الوجود السوداني فى المهاجر المختلفة ، مشيرا إلى أنه وعبر هذه الاجسام وحراكها بالتوظيف الامثل والتنسيق نستطيع ان نعلى من قيمة اقتصاديات الهجرة .
وأضاف مدير عام الجاليات أن اقتصاديات الهجرة تعتمد على التحويلات، مشيرا إلى إنهم بصدد التخطيط لتوظيق مدخرات المغتربين من خلال قيام عددا من المشروعات واقامة استثمارات فى بلد المغترب، واستطرد قائلا إذا وظفت بطريقة مثلى وعبر مدخراتهم يمكن ان يساهموا فى المكون الاجنبي وتوفير العملات الحرة او عبر الشراكات مع المواطنين فى مشاريع متعددة زراعية او صناعية وغيرها .
واشار الى بعض الدول مثل لبنان التى وظفت تحويلات مهاجريهم فى التنمية الاقتصادية والاجتماعية ببلادهم مشددا علي الدور الكبير الذى يمكن أن تلعبه الجاليات لنشر ونقل القيم الثقافية السودانية باعتبارهم سفراء شعبيين .
واوضح عثمان ان الجهاز بدأ فى اعادة ترتيب الجاليات بالانتخاب لادارة اعمالها بالشكل المطلوب خاصة السعودية باعتبارها أكبر كتلة اغترابية للسودانيين وبدأت تشكل لجانا وفقاً لقرار الامين العام الذى اصدره مؤخراً بتشكيل لجان تسيير من المتوقع ان تباشر مهامها خلال انتخاب مكاتب تنفيذية للمدن السعودية المختلفة .
وقال ان الجاليات تمثل الناقل او الوسيط المعبر عن كل القرارات والموجهات والسياسات التى تصدرها الدولة عبر جهاز المغتربين، وبالمقابل تعبر الجاليات عن رغبات وطموحات المغتربين فى كافة المجالات الاقتصادية مثل الاستثمارات ، الاراضى والاسكان والاجتماعية والتعليمية وكل ما يعنى بالمغتربين .
واشار مدير عام الجاليات بجهاز المغتربين الى الدور الكبير للجاليات فى جانب التكافل الاجتماعي والثقافى والفتى والرياضى والابداعي، بجانب دور الخبراء والكفاءات فى نقل المعرفة وتوطين التقانة واقامة الورش والقوافل الطبية ، اضافة الى دور المرأة والشباب فى ارساء القيم الوطنية عبر المكاتب التنفيذية وعبر الانشطة الثقافية المختلفة .
وأبان أن المكتب التنفيذى للجاليات ينسق مع المجلس الاعلى للجاليات والذى بدوره يدير قضايا الوجود السوداني فى المهاجر المختلفة ، موضحا إن المكاتب التنفيذية لادارة الشئون العامة للجاليات والمرأة وقضايا الخدمات والكفاءات والشئون التربوية والعودة وقضايا العمل وعبرها تتناسق البرامج لتحقيق الاهداف الكلية .
وقال إنه سيتم عمل لائحة عامة للجاليات لتكون الهادى والمرشد والضابط للانتخابات .
الجدير بالذكر أنه تم تقسيم الجاليات لسبعة دوائر وفقا لوجود الجاليات السودانية شملت السعودية، ودول الخليج العربي ، ومصر والمغرب العربي ، واوروبا واستراليا ،والامريكتين وكندا ، ودول اسيا غير الناطقة بالعربية ، والدائرة الافريقية .


تعليقات 37 | إهداء 0 | زيارات 4132

التعليقات
#1311633 [سيد السودانى]
0.00/5 (0 صوت)

07-30-2015 09:00 AM
امس وقعت الحكومة اتفاقية تنقيب عن الذهب وقالوا ان الاحتياطى يقدر ب ترليون دولار وسبهمائة مليار افتكر مافى اى داعى لعمل اى شىء لجذب مدخرات المغتربين واعتقد ان الحكومة بعد الان ليست محتاجة وغدا سيتوافد المستثمرين وممكن من الان تبدا القروض طالما فى ذهب قدر دة

[سيد السودانى]

#1311502 [النورس]
0.00/5 (0 صوت)

07-30-2015 03:34 AM
والله بعد التعليقات الكثيرة دي من القراء مغتربين وغير مغتربين اعتقد بان الجهاز عليه اتباع سياسة واحدة فقط لجذب مدخرات المغتربين وهي اعتقالهم عند عودتهم في اجازاتهم وعدم السماح لهم بمغادرة السجون حتى يتم تحويل كامل مدخراتهم من النقد الاجنبي في البنوك الخارجية الى البنوك المحلية لانه بغير ذلك لن تطالوا فلسا واحدا من مدخرات شريحة فاقدة للثقة فيكم في أنكم من الممكن أن تكونوا جسرا يستطيعوا من خلاله الوصول الى شاطئ الاماني والاحلام

[النورس]

#1311323 [هيثم]
5.00/5 (1 صوت)

07-29-2015 07:30 PM
جذب ولا نهب

[هيثم]

#1311237 [ابو الصديق]
5.00/5 (1 صوت)

07-29-2015 04:44 PM
خلاص كملتو بترول الجنوب واراضى المدينة الرياضية

وسمعنا كمان بعتو مستشفى الخرطوم كاراضى استثمارية


لخليخيين وخلا لك الجو يا مامون حميدة

ماكفاية الاخدتوه منناالله لا رحمكم دنيا واخرة

[ابو الصديق]

#1311082 [سكران لط]
5.00/5 (1 صوت)

07-29-2015 01:21 PM
غايتو الصورة اوسكار عديل الله لا يكسب الكيزان ناهبين البلد بره وجوه هسع باقى ليكم لو المغتربين امتنو ينزلو السودان ولا يرسلو لاهلهم لسنة واااحده مش كان ارتحنا من الحرامية ديل؟ ياللا يا مغتربين نظمو نفسكم واعملوها تكونو انتو البديتو انتفاضة الشعب

[سكران لط]

#1311078 [عباس محمد علي]
0.00/5 (0 صوت)

07-29-2015 01:17 PM
هذا كلام فارغ أنا مغترب 15 سنة و أولادي ساكنين بالإيجار حتى الآن و العامل الهندي البسيط الراتب 100 ريال عماني عمل ليه بيت و دكان و ركشة و برسل 10 ريال بس مصاريف لأولاده و أنا برسل راتبي كله 600 ريال أكل وشراب و إيجار و كهرباء وموية وتعليم !!! هذا دليل على إهتمام و مساعدة الهند للعامل البسيط المغترب و نحن كبار الموظفين لا يهتم بنا النظام إلا لجباية الضرائب و حلب ما عندنا أول بأول دون تقديم أي مساعدة حتى بفلوسك! أسالوا في الهند البنوك و شركات العقارات و الأعمال ماذا تفعل للمغتربين صغار و كبار؟ وكيف التخطيط و كيف يستفيد البلد والمغترب و البنوك و الشركات من بعضهم البعض و لا يظلم أحد !!!

[عباس محمد علي]

ردود على عباس محمد علي
[sasa] 07-29-2015 08:00 PM
يشهد الله على ما أقول وهو ان اخى بدولة قطر انتهت الصلاحية الرسمية لجواز سفره وذهب للسفارة لاستخراج جواز جديد فاسقط في يده بان (فلم التحصيل الالكترونى معطل موضوع اصدار جواز الالغاززز أبو خرطة سودان مشرمة) ويتم تمديد صلاحية الجواز بوضع اسيتيكر (ملصق) يكتب عليه بخط اليد تمديد للجواز لسنة أخرى وبنفس رسوم التمديد المعتادة لسنتين 134 ريال قطرى ؟؟؟ لكن بدون إيصال تحصيل ...والله العظيم ... امنجى جالس على الكاونتر يكاد يخطف منك الرسوم خطفا قائلا امشى للضابط يوقع ويختم وعندما تساله الايصال المالى يقول لك مافى ومعها نهرة وصرة وش .... هي لله لا لدنيا او جاه

وعشان ماتقولوا انا كضااااب زى البشكير اتصلوا على ناس قطر واسالوهم


#1311068 [عباس محمد علي]
5.00/5 (1 صوت)

07-29-2015 01:09 PM
دا كلام فارغ أنا مغترب 15 سنة و أولادي ساكنين بالإيجار ليهسه و العامل الهندي المعاي الراتب 100 ريال عماني عمل ليه بيت و دكان و ركشة و برسل 10 ريال بس مصاريف لأولاده و أنا برسل راتبي كله 600 ريال أكل وشراب و إيجار و كهرباء وموية!!! هذا دليل على إهتمام و مساعدة الهند للعامل البسيط المغترب و نحن كبار الموظفين لا يهتم بنا النظام إلا لجباية و حلب ما عندنا أول بأول دون تقديم أي مساعدة حتى بفلوسك أسالوا البنوك و شركات العقارات و العمال ماذا تفعل للمغتربين صغار و كبار؟ وكيف التخطيط و كيف يستفيد المغترب و البنك و الشركات من بعضهم البعض و لا يظلم أحد !!!

[عباس محمد علي]

#1311037 [سوداني غيور]
5.00/5 (3 صوت)

07-29-2015 12:31 PM
مقاطعة مقاطعة مقاطعة مقاطعة اهلنا بنعرف ندبر حالهم وانتو خلو دبي وماليزيا وتعالو استثمرو في السودان

[سوداني غيور]

#1311017 [لعنات صادقات]
4.50/5 (2 صوت)

07-29-2015 11:57 AM
قبــــــــــــــــــــــول


اولاد


المغــــــــــــــــتربــــــــــــــــين


في


الجــــــــــــــــامــــــــــــــــعات


كيف يامعلم؟ مافاكر
عليك اللعنه...قرش مافي ليكم

[لعنات صادقات]

#1311009 [الحقيقة]
4.50/5 (4 صوت)

07-29-2015 11:50 AM
يعنى الدولار في السوق الموازى 9 جنيه ونصف أمشى أبيعها لحكومة اللصوص ب 5 جنيه ونصف إلا أكون مجنون،، أساطين تجارة العملة في السودان هم كبار مجرمى المؤتمر الوطنى إشمعنا نحن نبيع دولاراتنا بالرخيص وهم ينهبوا بالغالى؟؟

[الحقيقة]

#1310987 [سيد عبد القادر قنات]
4.00/5 (3 صوت)

07-29-2015 11:15 AM
مدير عـــــــــــام الجاليـــــــــــات

أسم وظيفة غريب جدا كيف يعنى ؟؟؟؟ الراجل شغال بيدير شؤن الجالياتالسودانية من امريكا الى استراليا.... (بان كى مون).... تلقاهو اسع معرص كوز ساكت

[سيد عبد القادر قنات]

#1310981 [غايتو]
1.00/5 (1 صوت)

07-29-2015 11:10 AM
الموضوع ببساطة ماعايز لجان ولا مدير جاليات ولا جاليات ( حاندفع مخصصاتهم مؤكد) كم سعر الدولار او الريال او الدرهم او اليورو فى السوق الموازى السوق الاسود وهو سعر التحويل لكل المغتربين وهل ترضى الحكومة أن تدفع نفس القيمة وبطريقة مباشرة تدخل خزينة الدولة بدل أن تدخل فى حسابات منسوبيها الساكتة عنهم . قرار بسيط لا ترضى وزارة المالية وبنك السودان باصداره رغم معرفتها بذلك وذلك لمصالح خاصة .
غايتو خربانة من حكامها .

[غايتو]

#1310961 [الجمصي]
4.75/5 (4 صوت)

07-29-2015 10:45 AM
انا مغترب بقا لي 15 سنةفي الامارات ... والله ما مستعد أحول درهم بالبنك طالما السوق الاسود أعلى.... يا ناس جهاز المغتربين عندكم عدد من الحلول عشان تشوفوا الدراهم بتاعتي:
1- تفرضوا علينا ان المابحول مبلغ 5 ألف دولار في السنة ما تدوهو تأشيرة خروج... او تجديد الجواز... في الحالة دي نحول ليكم القروش وكراعنا فوق رقبتنا
2- تدوني اعفاء لي سيارتي أدخل بيها وأجمركها ... ومستعد أدفع بالدولار أحسن من بهدلة الاجار كل ما الواحد يرجع السودان
3- تصدقوا لي قطعة أرض سكنية مميزة وتحسبوا سعرها بالدولار
4- غير الكلام دا .... ولا درهم ما بجيكم مني وخلوا مجلس الجاليات ينفعكم

[الجمصي]

ردود على الجمصي
[المجداع] 07-29-2015 09:33 PM
انت الظاهر قروشك مغلباك وادفع لهم مش 5 الف دولار ادفع زي ما عاوز . اما نحنا ولا دولار واحد لانهم ناهبين الباد وباعوها بارخص الاسعار


#1310951 [عبدالله الشقليني]
4.00/5 (4 صوت)

07-29-2015 10:35 AM
ما كفاية الشفتُو من نارك ...
أهلنا بتصلهم الفيها النصيب ، ولن ينساهم أحد ،،
والمغتربون ، خلوهم في حالهم أحسن ..

وين وثبة الأسود ..
تمت سنتين في الهوا

[عبدالله الشقليني]

#1310947 [د.. الزهجان]
4.00/5 (2 صوت)

07-29-2015 10:30 AM
7 + 7 .علما بان المجموعات المزكورة 8 ربما يكون 7 زايد واحد .. اما بالنسبه لمغتربين الداخل فنرى هم اجدى بالرعايه والاهتمام ..
اما المغتربين .فهم نوعين مهجرين لكثير من الاسباب بسبب حضراتكم فهم مجرد الكلام عن مدخرات المغتربين يوقظ فيهم السعادة والشماته معا .فلا مجال لتلين قلوبهم ولو اتكاتو علي الحيط واسرفتو في النياح .
.القسم التاني جاء مع العمله الجديدة والتعليم الجديد والزمن الجديد والبلد الجديد .فهولاء اغلبهم عمال ومهن محدودة الدخل وليس لهم كثير من فضل الظهر .وان وجد فهو قد تعلم كيف يدير شؤنه باذن الله ,,

.. في واحد من الجماعة قال لو في اراضي للبيع جيبوها ليهو هنا بيشتريها .. وده خلاصة الكلام ..

[د.. الزهجان]

#1310906 [غصن الشوك]
0.00/5 (0 صوت)

07-29-2015 09:39 AM
هههههه هههههه هههههه ده سوق مواسير جديد ،،،تم اقتباس فكرة سوق المواسير في الفاشر لتصديرها للخارج هههههههه ههههههههه

[غصن الشوك]

#1310905 [جركان فاضى]
5.00/5 (2 صوت)

07-29-2015 09:36 AM
انه لايفلح الظالمون....مهما عملت الانقاذ فانها لن تفلح فى شئ....لن تنجح فى اى شئ ....والدليل انها اوصلت البلد لحالة من العطش لم تشهدها فى تاريخها...الحلفاية على النيل عطشانة...الفتيحاب على النيل عطشانة...الكلاكلة على النيل عطشانة.... نظام غير قادر على توفير الماء للمواطن وتحت قدميه ثلاثة انهر وعشرات الخيران الضخمة...ماذا تنتظر منه يا مغترب...ورغم ذلك فان لسان حال النظام يقول: انا فى انتظارك فى الدرب...لمن تحول يا مغترب

[جركان فاضى]

#1310898 [امين الشريف]
5.00/5 (2 صوت)

07-29-2015 09:28 AM
المغتربين اكثر الناس وعيا بقضايا الوطن وشعبه المغلوب على امره .
المغتربين معظمهم ضحايا لهذا النظام تم تشريدهم قسرا من وظائفهم .
المغتربين قدموا لاهلهم ما عجزت الحكومة عن تقديمه .
ربع القرن الماضي تعلم المغتربين الكثير جدا وتعرفوا على كذب ونفاق وزيف شعارات هذه الجماعة وبالتالي مهما حالوا فلن يجد الكيزان اللصوص ضالتهم في المغترب .
مشروع سندس الزراعي اكبر كذبة سرق بها النظام مدخرات المغتربين عبر المنافق الصافي جعفر .
النظام بعد انفصال الجنوب والعزلة الدولية التي يعيشها في حالة عجز تام عن حلحلة ابسط المشكلات الا انه فالح جدا في النهب والسرقة .
اخي المغترب اعلم انك احد اعمدة التغيير الرئيسية بوعيك الكبير جدا بالقضية السودانية والاعيب هذا النظام المافون وبالتالي لن يساورنا مثقال ذرة من شك في انك ستقف الموقف التاريخي بمقاطعتك لهذا المخطط الجديد الذي من خلاله يحاول بني كوز التعلق بقشة من اجل ابنائهم واسرهم وليست من اجل عيون الشعب السوداني .
مدخراتنا في جيوبنا ولو شفناها خلاص بقت تقيلة (بندقها دهب لي حريمنا) ولو خلاص ملينا من الدهب بنبيع الدولارات والريالات لتجار العملة ونشتري بيها اراضي خلاص ببح اللعبة خلصت يا حرامية يا ملاعين .

[امين الشريف]

#1310887 [الكردفاني العدييييييييييييييييييييييييييييييييييييييل]
5.00/5 (3 صوت)

07-29-2015 09:15 AM
شوفوا غيرنا ...... عالم التيه ..... والمشروع الافسادي.....

[الكردفاني العدييييييييييييييييييييييييييييييييييييييل]

#1310879 [zaino]
5.00/5 (3 صوت)

07-29-2015 09:07 AM
هل هؤلاء يخرفون او يتجاهلون من يقتنع بهذا الكلام الا حمار من حمير البشير لن تجدوا من المغتربين ولو دولار واحد الا من المحسوبين على النظام حيث يدفعون دولار ويكتسبون الالوف قال انتخابات الحين كل الجاليات انتخابات يفوز بها النظام شنو الجديد - ياعبى من مشى على قدمين ؟؟؟؟

[zaino]

#1310868 [بهاء الدين]
1.00/5 (1 صوت)

07-29-2015 08:53 AM
ياجماعة انا مغترب ومالو لو حولنا فلوسنا ومدخراتنا لمصلحة البلد ؟ بس يعني الناس لازم تتكاتف مع بعض والفلوس المدخرة اولى بيها بلدنا السودان وماتحصروا السودان في الحكومة وبس هنالك حاجات كتيرة ممكن تتعمل بمدخرات المغتربين ومهما كانت الظروف لازم نصبر ونضحي عشان وطنا ومجتمعنا

[بهاء الدين]

ردود على بهاء الدين
[sasa] 07-29-2015 08:05 PM
يا بهاء النفوس مشحوووونة الله يرضى عليك سيب الهزار البايخ وماتولع النيران الفينا مكفينا يابهاء وصدقنى انت عايز ترفع الضغط وبذلك بتسبب في موت أناس طفح بهم الكيل

European Union [الخبير] 07-29-2015 03:31 PM
يا أخونا أنت البسموها السذاجة بت عمك ولا شنو? أصحى يا بريش قبال ما الجماعة يبيعوا ليك الترماج.

[tilal] 07-29-2015 10:57 AM
ضحى طوالى يامعلم .... ان شاء الله تنور ليك

[المسكين] 07-29-2015 10:34 AM
يبدو انك غيرمغترب من كلامك ده. والله اعلم, لكن لو صحي انت مغترب انا بشجعك
تسوي الكلام القلتو ده ,عشان تعرف حاجة,,,,,,,,,,,

[سين عبد الرحيم] 07-29-2015 09:45 AM
كلامك جيد اخ بهاء الدين ولكن لا يمكن ان يحدث ذلك الا اذا كانت هنالك حكومة وطنية عادلة تعمل لكل الناس ولخير الجميع؟

لا يمكن ان اساعد حكومة لطائفة معينة وتعمل من اجل حزب واحد وفصيل واحد حكومة تقوم على الظلم والتمكين

سيدنا موسى عليه السلام خرج من مصر ولما توجه تلقاء مدين اعترف بفضل الله عليه ان نجاه من القوم الظالمين وقال كما في محكم التنزيل (قال ربي بما أنعمت على فلن اكون ظهيراً للمجرمين)أي لن اكون معينا لهم ..

ما لم تتوجه الحكومة بكلياتها تماما نحو السلام العادل والتوزيع العادل للثروة وليس تركيز الثروة والسلطة في ايدى طائفة معينة من الناس بحجة انهم الاكثر دينا واسلاما (الإسلاميين) فلا يمكن ان نكون ظهيراً لحزب ظالم يستأثر بكل شئ بل ان ما نقدمه من دعم سوف يذهب الى المجهود الحربي وشراء الرصاص والدانات والدبابات وقطع غيار الاسلحة ولقوات الدعم السريع وغيرها..

اخي بهاء كلنا وطنيين ونريد بناء الوطن الذي نسكن فيه لابنائنا ولأجيالنا القادمة ولكن كيف ادعم حزب واحد يحكم البلاد منذ 25 سنة بنفس الاشخاص الذين بنوا الفلل الفاخرة والبيوت الرحيبة التي تجري من تحتها الانهار في مدن المجاهدين والشهيد طه الماحي والمعمورة والمنشية وكافوري ويثرب ويتعالجون بالخارج ويذهبون الى جنوب افريقيا ومصر والاردن وماليزيا ودبي والحج والعمرة بفلوس الوطن وابناء الوطن وخيرات الوطن

في الوقت الذي تنعدم فيه المستشفيات الاقليمية من الادوية الاساسية المنقذة للحياة .

يحكي لي مدير مستشفى اقليمي انه لا يوجد في المستشفي سواء جهاز فنتليتور (جهاز بخار للأطفال) واحد فقط ومعه كمام واحد فقط ؟ وهذا الجهاز يستخدم للكبار والصغار والنساء والاطفال؟

العاملين بجهاز المغتربين هم مردة الكيزان الذين تم تسكينهم بواسطة الامين العام الاسبق تاج الدين المهدي الكادر الاسلامي القادم من اليمن وقام بتعيين مجموعة من الكوادر الاخوانية التي كانت باليمن وهو الان اي تاج الدين نائب بالبرلمان الانقاذ عن دائرة حجر العسل الذي تنازل عنها على كرتي؟

كيف تريدنا ان نكون وطنيين وندعم السودان ونحن لا نأمن ان يستخدم ما ندفعه لخيرالبلاد والعباد بل سوف يستخدم في رحلات خارجية وداخلية وسياحةعلاجية بالخارج من قبل الحاكمين؟

كيف تريديني اخ بهاء ان ادفع واحول ولا يستطيع ابني دخول الجامعة كما انه لا يستطيع ان يضمن عمل بالسودان لان الأعمال والشغل محجوز للكوادر التي ذكرتها اما عن طريق الواسطة الذين هم كبار الكوادر الاخوانية اصحاب السلطة والسطوة والجاه او عن طريق اقصاء ابناءنا من الحياة والعمل في السودان بسبب القوائم الحزبية للأحزاب المتوالية او ماتبقى من وظائف يبتلعها غول الانقاذ وكوادره؟

لا يوجد بلد في العالم يقوم على اساس ان تستحوذ طائفةعلى كل شئ كما لا يوجد بل في العالم ان يعاقب طالب لا ينضم لأي فصيل سياسي بجريرةوالده فقط لأن والده شيوعي اواتحادي او بعثى ..

اخي بهاء الدين الكاتمنوا في جوانا كثير وعسى الله ان يهيئ للسودانيين من امره رشداً وتأتي حكومة يتنسمون فيها فقط برياح العدل ورفع الظلم


#1310861 [خايوت بعانخى]
4.38/5 (4 صوت)

07-29-2015 08:49 AM
المقاطعة الكاملة لحكومة اللصوص ايها المغتربون اتنم الامل الذى بقى لاهل السودان لاسقاط حكومة اللصوص بعد ان فشلت الاحزاب فى تجميع الناس لاشعال انتفاضة شعبية .. حكم اللصو ص على حافة الانهيار الكامل يحتاج الى دفعة قوية بالمقاطعة من المغتربين...

[خايوت بعانخى]

#1310860 [عباده]
3.00/5 (2 صوت)

07-29-2015 08:46 AM
والله فعلا الاختشو ماتو بعد كل هذا الخراب والدمار دايرين من هجرتوهم قصرا وشردتوهم في كل بقاع العالم أن يضعوا اياديهم في اياديكم الغزره وينسوا ويتناسو ماعملتوه في أهلنا الطيبين من فقر ومثقبه وهجرة الحراير من بنات بلدي وامتهان مهنة الدعارة في معظم الدول العربيه والأوربية. ..اتمني ان تكون هنالك مقاطعه تامه وعهد وميثاق أن لايحول أي مغترب فلس واحد لصالح هؤلاء الرمم عديمي الأخلاق والرجوله

[عباده]

#1310843 [أبو السارة]
4.94/5 (7 صوت)

07-29-2015 08:33 AM
شوفوا يا حكومة مطالبنا ظاهرة ولا تحتاج لدرس عصر وما تغشونا بكلامك المعسول وإجتماعاتكم الفاشلة السنوية مع كوادركم من المغتربين، نريد أعفاءات للأتي:- سيارة واحده لكل مغترب ، عفش بيت، قطعة أرض ‘ غير كده فلوسنا تشموها قدحه ، لينا مليون سنه بندفع ليكم وما شفنا شيئ

[أبو السارة]

ردود على أبو السارة
[سامي] 07-29-2015 01:44 PM
قبول لطلابنا مجان فى الجامعات السودانية وبنفس النسبة . غير كده لالالالالالا


#1310836 [ود العمدة]
4.00/5 (3 صوت)

07-29-2015 08:23 AM
هناك تفسيم 7 دوائر وما عارف ايه
واكبر جالية سودانية في السعودية
وقطاع المراة وما عارف ايه
خلاص ضاقت عليكم ي كيزان السجم
ي كيزان البلع
قبل ما تفكروا في مدخرات المغتربين
فكروا في فساد اسيادكم
انحتواااا رؤوسكم في استرجاع المسروقات
التي سرقوها اسيادكم
والله غبيانيييييييييييين جنس غبي
انتو المغتربين عملت ليهم شنو
عشان تفكروا في مدخراتهم
واستثماراتهم
والله غبيانييييييييين
واذا كان دي تدغيساتهم ليهم
فهم والله واعيين بكثير منكم
وعارفين الاعيبكم
صاح اي حاجة بتعملوها ما عارف الاوضاع القانونية
للمغتربين - دراسة ابناء المغتربين
وتعملوا بعض الحاجات وتفكوها في الناس
عبر وسائلكم المختلفة ان كانت ف الجاليات
ولا اوساط المنتفعين لكي يأتوا باكبر قدر من الناس
لكن بصراحة شديدة المغتربين هم اكثر الشرائح
التي تعرف خباثاتكم
مرة تدخلوا لنا بمدخل بنك المغتربين
وما عارف ايه
ياخ في ازمانن عديدة وغابرة مر بها اقتصاد السودان
وكان كل تصريفاته علي المغتربين فقط
لم تستجدي تلك الحكومات ورائهم كما تستجدون بطرق عديدة
ولكن هيهات والله لا تحققوا ما تريدون ابدا
وان اكتنزتم هللة ولا هللتين
لكنكم لا تكنزون كل مدخرات المغتربين
لانكم ببساطة ابشع من ما يتصور عامة الشعب
شوفوا حاجة غيرا والعبوا ليكم ف ملعب اخر غير المغتربين

[ود العمدة]

#1310833 [المختصر المفيد]
4.97/5 (8 صوت)

07-29-2015 08:20 AM
قروش المغترب ما بيحولوها عن طريقكم لسببين اتنين: الاول أن المنطق الاقتصادي يقول أنه اذا كان بسعر السوق الاسود - اسم الدلع السوق الموازي - يستفيد اكثر ليه يحولها عن طريق سعر الصرف العادي؟
سبب تاني انكم حتاكلوها لو كان بدعوى استثمار وكل الحيل والألاعيب انكشفت ... ثالثا لأنها حتساهم في بقاء استمرار النظام والناس قنعت من خيرا فيكم ... زمان ساندوكم المغتربين في التسعينات لأنكم لويتو ذراعهم لكن ما لقو منكم أي عائد ... قولوا الروب بس ...

[المختصر المفيد]

#1310827 [شاويش]
4.69/5 (5 صوت)

07-29-2015 08:16 AM
قرش يسمكم ياانانيين يافشلة شردتو الناس وبرضو عاوزين تمصو دمهم ياجعانين

[شاويش]

#1310823 [أدروب ولوف]
4.00/5 (3 صوت)

07-29-2015 08:10 AM
يا احمد عثمان وين حاج ماجد - الظاهر علقة الامارات أدبتو .
إنتو في الجهاز ما حاسين بمعاناة المغتربين والبهدلة الحاصلة. خلاصة القول ، يكفي مشروع سندس الزراعي بقيادة المهندس الصافي جعفر ونجاحاته المدوية، تاني اسثمار !!!

[أدروب ولوف]

#1310817 [ٍSalah AL Deen P]
3.00/5 (2 صوت)

07-29-2015 08:02 AM
((بصدد تقسيم الجاليات جغرافيا لسبعة دوائر وتشكيل مجالس تنسيقية))
انا اقترح تشكيل لجنة تنبثق عنها لجان خخخخخخخ

[ٍSalah AL Deen P]

#1310781 [كوكو]
3.35/5 (7 صوت)

07-29-2015 06:43 AM
والله ياجماعة المقاطعة هي الخيار الوحيد والفعال لانه البصدق الحكومة دي ومشاريعها الوهمية يكون هو زاتو عندو خلل في مخو! اتحدوا وستدهشكم النتائج.

[كوكو]

#1310771 [Fatmon]
4.85/5 (6 صوت)

07-29-2015 06:03 AM
يعني خنقتوا الجوه قطعتوهم النفس وعدمتوهم الحته لاحقين لقمتهم البجبوها البره اختشوا الله لا تريحكم يا وهم الجاليات دي ما عملوها عشان تخدمكم وتكب ليكم في جيوبكم وكروشكم الما بتشبع انتو افرغتوا كل شيء من معناه وإدخلتوا في الصغيرة والكبيرة بس فضل النفس الطالع والنازل كان عندكم طريقة كان عملتوا ليه رسوم نشوف فيكم يوم ياااااااااا رب

[Fatmon]

#1310759 [IBN ALKHARTUM]
0.00/5 (0 صوت)

07-29-2015 04:37 AM
لا فرق بين الحكومة والمغتربين. الحكومة أجحفت في حق السودان والمغتربين في حق مناطقهم. الحكومة سرقت مال الشعب والمغتربين بخلوا بمالهم علي مناطقهم. لو إستغل المغتربين خدمات الأنترنت التي تجعل العالم قرية صغيرة في التواصل مع أبناء وبنات مناطقهم في جميع أنحاء العالم في التشاور من إحتياجات وتعمير لمناطقهم في جميع المجالات في عمل صندوق تبرعات شهرية, زكاة أو صدقة بطريقة ما, لما وصل الحال علية الآن. المشكلة بالرغم من أننا نعلم علم اليقين من أن الحكومة عاجزة تماماً عن فعل أي عمل لكن برضوا الناس عشمانة فيها, في إية لست أدري. حان الآن حان الآن

[IBN ALKHARTUM]

ردود على IBN ALKHARTUM
[المتجهجه بسبب الانفصال] 07-29-2015 12:08 PM
غيب وتعال تلقانا نحن يانا نحن ،،

[جركان فاضى] 07-29-2015 09:29 AM
خد.....جدادة الكترونية


#1310692 [ود بلد]
4.88/5 (8 صوت)

07-28-2015 11:47 PM
بالمناسبة هناك شبه اجماع من المغتربين بانهم سيعملون على حصار الكيزان اقتصاديا
هذه حقيقية ستفاجئون بها قريباً.
لا دايرين اراضيكم ولا استثماراتكم

بس عرض اكتافكم
وشكلها ضاقت شديييييد وفرج الله قريب

[ود بلد]

#1310664 [ابن السودان البار]
5.00/5 (9 صوت)

07-28-2015 10:40 PM
مشروع سندس 2 ؟؟؟ وقطعا سيجد هؤلاء المحتالون ضحايا جدد آخرون فهنيالهم؟؟؟ يلدغ الواحد فيهم من جحر واحد 99 مرة ؟؟؟

[ابن السودان البار]

#1310651 [ود احمد]
5.00/5 (11 صوت)

07-28-2015 10:20 PM
انا كواحد من المغتربين ليس لدينا اي مصلحة في التعامل مع هذا النظام الذي حرم ابنائنا من فرص التعليم العادلة وهؤلاء المأجورين لا يمثلون الا انفسهم اي مدخرات اكبر مخرات عي ابنائنا فاذا كان الابن يحصل على99،7 وقدرات 93 وتحصيلي 93 ولا يمنح فرصة في القبول العام ماذا تنتظرون وهنا نوجه بتكوين جبهة عريضة لمقاطعة مشاريع هذه الحكومة الفاسدة
وسيعلم الذين ظلموا اي منقلب سينقلبون

[ود احمد]

#1310650 [أبو علي]
5.00/5 (10 صوت)

07-28-2015 10:10 PM
أتقصدوا مدخرات المغفلين أم المغتربين
هسّع الرغي المكتوب فوق دا راح يقنعنا!
ثلاث أنتم روادها ومجيديها دون منـازع:
(الغبـــاء ... الكـذب ... الل.... )

[أبو علي]

ردود على أبو علي
[Mamado] 07-29-2015 09:48 AM
سبحان الله كلامك ده كله كان في خاطري وفرت علي المشوار


#1310639 [طبيب مغترب]
5.00/5 (14 صوت)

07-28-2015 09:50 PM
زراعة شنو وصناعة شنو يا عثمان الله يهديكـ
هاهاهاهاهاها
والله اضحكتني ..

ياخ ما في دولة طاردة للاستثمار مثل السودان بسبب الفساد الذي فاق كل المعقول

اغلقت 90% من المصانع
ودمرتوا مشروع الجزيرة والمشاريع المنتجة
في عهدكم انهارت السكة حديد والخطوط الجوية والبحرية وانهارت الاخلاق

أخذكم الله أخذ عزيز مقتدر ..

[طبيب مغترب]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة