الأخبار
أخبار إقليمية
نائبة رئيس البرلمان: نجل الميرغني يتابع عن كثب أزمات الكهرباء والمياه والجازولين والمواصلات وانفلات السوق وغيرها
نائبة رئيس البرلمان: نجل الميرغني يتابع عن كثب أزمات الكهرباء والمياه والجازولين والمواصلات وانفلات السوق وغيرها



قالت : سأنسحب من الحكومة حال زيادة تعرفة الكهرباء
07-30-2015 12:37 PM
الخرطوم: من (المحرر البرلماني)

تمسكت نائبة رئيس البرلمان عائشة أحمد صالح بقرار الانسحاب من الحكومة حال زيادة تعريفة الكهرباء، وقالت إنها لن تبقى في الحكومة حتى إذا قرر حزبها الاتحادي الديمقراطي "الأصل" الاستمرار في المشاركة بعد إقرار الزيادة. واعتبرت أن البرنامج الانتخابي الذي طرحه الحسن الميرغني بإصلاح حال البلاد في 181 يوماً أمر يمكن حدوثه استناداً على "أن أولياء الله لا خوف عليهم ولا هم يحزنون"، وإمكانية حدوث معجزة باعتبار أن الميرغني لم يقل ذلك الكلام من فراغ". وأكدت أن الميرغني يتابع عن كثب أوضاع السوق وارتفاع الأسعار وأزمات الكهرباء والمياه والجازولين.

وأفاد محرر (الصيحة) بالبرلمان محجوب عثمان، أن عائشة استقبلت أمس، وفداً من قبائل البني عامر والحباب بشرق السودان، جاءوا لتهنئتها باختيارها نائباً لرئيس البرلمان، والمطالبة بإصلاح مشروع دلتا طوكر.

وقالت نائبة رئيس البرلمان عائشة أحمد صالح، في تصريحات صحافية بمكتبها أمس، إنها تعلم جيداً ما وصل إليه مشروع دلتا طوكر وسيطرة أشجار المسكيت على أراضيه، وأضافت "هدفي أن تعود دلتا طوكر كما كانت"، مشيرةً إلى أن الحكومة تعمل الآن على إزالة المسكيت وتعديل سير فيضان خور بركة".

وتمسك عائشة بموقفها الرافض لزيادة تعريفة الكهرباء، مشيرةً إلى أن حزبها يعمل وفق المؤسسات، وأضافت: "حتى لو اختار الحزب أن يواصل في شراكته مع الحكومة فإنني سوف أنسحب". وأردفت قائلة: "ما زي ما قالت الصحف ما بقدر أخلي المكيف لأنو جيت من بيت عزيز ويمكن أن أترك البرلمان".

ولفتت عائشة إلى أن نجل الميرغني يتابع عن كثب أزمات الكهرباء والمياه والجازولين والمواصلات وانفلات السوق وغيرها لكنها قالت إن "المشكلة تكمن في أن المؤتمر الوطني يمرر قراراته بأي صورة".

الصيحة


تعليقات 10 | إهداء 0 | زيارات 1825

التعليقات
#1312315 [سين عبد الرحيم]
0.00/5 (0 صوت)

07-31-2015 06:51 AM
شغالة كسير تلج شديد لنجل الميرغني ؟ عاجبك ولا شنو؟

[سين عبد الرحيم]

#1312174 [عصمتووف]
0.00/5 (0 صوت)

07-30-2015 08:53 PM
حليل الباع عنقريبوا وقام بليلوا


ظاهرة صوتية السؤال هل هي وزير افهم ان تستقيل من البرلمان بحكم انها عضو ولو كان هذا هو فهمها ماذا تفهم ف الاقتصادوالسياسة او اي قرارات قام بتايفها بدرية والله محن

[عصمتووف]

#1312085 [ظلال النخيل]
0.00/5 (0 صوت)

07-30-2015 05:56 PM
الولي بتاعك ده ما يحل ليك مشكلة المسكيت في بلدك في دلتا طوكر ....

بعدين خليه يقبل على مشاكل السودان

[ظلال النخيل]

#1312061 [ameer]
0.00/5 (0 صوت)

07-30-2015 05:09 PM
اولياء الله الصالحون . استغفر الله العظيم . يعني تسابيح خاطر هسي ولى من اولياء الله الصالحون . هو محمد عثمان الميرغني ساكي الحكم ليهو 25 سنه و ما قادر يحكم لو كان ولى ما يمسك الحكومه دي من زمان . ولى بتاع ايه يا ست يا خرفانه . ديل والله يوم القيامه ح يعرفو حاجه

[ameer]

#1312047 [Watani adeel]
0.00/5 (0 صوت)

07-30-2015 04:49 PM
هو السوق دا داير لية متابعة ما الكل عارف الحاصل فية شنو

خلى يفتح الخزن ولا قولى يجر السبحة الالفية

ان السماء لاتمطر ذهبا ولا فضة العمل العمل العمل

[Watani adeel]

#1312000 [توفيق عمر]
5.00/5 (1 صوت)

07-30-2015 03:43 PM
انتي يا مدام سيدك ود السيد علي دا ما هرشك
هرشك تاكلي لحم كرشك
لو ما هرشك انتظري حا يهرشك
بعدين تعالي يامدام انتي اعتبرتي البرنامج الانتخابي الذي طرحه ود محمد عثمان المرغني باصلاح البلاد في 181 امر ممكن حدوثة استنادا علي ان اولياء الله لا خوف عليهم ولا هم يحزنون. ماتنسي انو ولد محمد عثمان المرغني دا كان من ضمن برنامجو الانتخابي موسيقي ومن وحي انجلتري التي يعيشون فيها يعني راب وريقي وكد ونسي او تناسي انو ناس شيخ ابو سبيب سماعهم القران ولو عاوزين يسمعوا اغاني فالخقيبة
طيب ايه سبب ربطك لهذه الاية باولاد محمد عثمان المرغني
نعم القران فيهو سور تذكر ما اعلمنا به من الانبياء والرسل
تقومي تحاولي تلزقي اولاد محمد عثمان المرغني عليهم
عيب عليكي وزيك كدا احسن واشرف ليهو يستقيل ويقعد في بيتو ويربي اولادي لانو لو ما جاب دقلا يكركب ما حا يجيب خير للبلد وهي اصلو ناقصه
انتي ما سمعتي الترابي قبل كام يوم في بيوت احد المشايخ الكباشي اعتقد
لمن قال للناس ما في اشراف لنو الرسول الكريم لم ينجب ابناء حتي تكون له سلالة اشراف الا لمن يرتبط تشريفه هذا بفاطمة الزهراء عيب عليك
بعدين اخيرا انتي لو بيتك مقامو عندك اقضل من هذا المسمي برلمان وانا هنا لا اكذبك ابدا طيب الجابرك شنو علي الةقوع في المنكر بالاشتراك في المهرجان المزيف دا

[توفيق عمر]

#1311959 [نور]
0.00/5 (0 صوت)

07-30-2015 03:01 PM
ده كلام نائبة رئيس برلمان ولا حوارة من الحيران ......

[نور]

#1311923 [فدائى]
0.00/5 (0 صوت)

07-30-2015 02:36 PM
زااااايده والله ياخوى اكسب الزمن واستقيل من اسى

[فدائى]

#1311869 [ابونصر]
5.00/5 (1 صوت)

07-30-2015 01:38 PM
واعتبرت أن البرنامج الانتخابي الذي طرحه الحسن الميرغني بإصلاح حال البلاد في 181 يوماً أمر يمكن حدوثه استناداً على "أن أولياء الله لا خوف عليهم ولا هم يحزنون"، وإمكانية حدوث معجزة باعتبار أن الميرغني لم يقل ذلك الكلام من فراغ". وأكدت أن الميرغني يتابع عن كثب أوضاع السوق وارتفاع الأسعار وأزمات الكهرباء والمياه والجازولين.

كان كدي مشاكل السودان اتحلت
طيب ناس الميرغني من زمان ما كان يشيلو الحكومة ويصلحوا حال العباد .. اتمني ظهور مسؤول في الحكومة يتكلم بعقله ده لو اصلا عندهم عقول لكن كشعب سوداني نقول ده قدرنا

[ابونصر]

#1311847 [عمر عدالة]
0.00/5 (0 صوت)

07-30-2015 01:18 PM
ليست دلتا طوكر وحدها الي غزاها المسكيت ودمرها فهنالك دلتا القاش ومشروع حلفا الجديدة ومعظم الاراضي الزراعية في شرق السودان - ووزارة الزراعة ( نايمة في العسل )

[عمر عدالة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة