الأخبار
أخبار إقليمية
برلماني لوزير البنى التحتية : «حفرك الحفرتها للخريف ود الأحد أكبر منها»
برلماني لوزير البنى التحتية : «حفرك الحفرتها للخريف ود الأحد أكبر منها»
برلماني لوزير البنى التحتية : «حفرك الحفرتها للخريف ود الأحد أكبر منها»


07-31-2015 01:33 PM
الخرطوم : عزة أبوعوف
شن برلمانيون بتشريعي الخرطوم هجوماً عنيفا على وزير البنى التحتية بسبب تقديمه لتقرير حول استعدادات الولاية للخريف واعتبروا انه غير حقيقي وشكك النواب في مصداقية وزير البنى التحتية بالولاية احمد قاسم واعتبروا ان الصور التي قدمها في تقريره قديمة
، وقال البرلماني ممثل اللجان الثورية محمود داؤود :«ان الصورالمرفقة مع التقرير قديمة واي زول ممكن يعملا» واضاف « دا تقرير كتبوا زول قاعد في المكتب ومقنع لحزب واحد لكن نحن احزاب لدينا رؤية حول الحكم» وزاد: «نحن شفقانين على حالكم امام الله»
وشن البرلماني هشام الريدة هجوما عنيفا على وزير البنى التحتية احمد قاسم وشكك في تقريره حول استعدادات الخريف واعتبره تقرير أكاديمي مجافي للواقع وخاطبه بقوله «اسمع كلامك يعجبني اشوف الخريف استعجب» وقلل من وجود غرفة للطوارئ عمرها 20 عاما وقال ( 20 سنة الولاية ماعندها تحسب للخريف وخاطب الوزير بلهجة حادة قائلا (عايز اقول ليك كلام حفرك دي ود الاحد اكبر منها والعام الماضي لو ماكانت هناك منظمات مجتمع مدني لأصبحت الأوضاع اكثر تعقيدا)
وكشف داؤود عن معاناة حقيقية يعيشها سكان الحاج يوسف وقال انهم يعيشون معاناة حقيقة بسبب الغبار الكثيف بشارع الوالي بالحاج يوسف واضاف نقلت بالامس حالتين للمستشفى بسبب الاغماء . وقلل من الخطة التي قدمها الوزيرلاستعدادات الخريف وقال الرؤية التي قدمتها لم يحن وقتها ولدينا ملاحظات كتيرة حولها واضاف «ان شاء الله الكهرباء تكون طوالي قاطعة عشان تطلعو من المكاتب وتشوفوا الناس عايشة كيف»، فيما اشار العضو بابكر شاور الى ان الولاية تعاني من تراكم النفايات وتوقع حدوث كارثة بيئية وصحية ولفت الى ان تصميم الطرق بالولاية يتم دون استيفاء المواصفات الأمر الذي اعتبره إهدار للمال العام وانتقد عدم ايجاد حلول للمتأثرين من السيول العام الماضي وقال : «من العيب ان نسمح للمواطنين بتشييد منازلهم بمناطق السيول ثم نقول هذا خطأهم».
الى ذلك هدد تشريعي الخرطوم بسحب الثقة من وزير البنى التحتية احمد قاسم حال عدم تقديمه إعتزار رسمي للمجلس حول زيادة تعرفة المياه ولوح بسحب الثقة من أي وزير ثبت تقصيره في مهامه ، وأعلن في الوقت ذاته رفضه القاطع لاعتماد المؤتمر الوطني لزيادة تعرفة المياه بنسبة 100 % .
وقال نائب رئيس المجلس محمد هاشم في تصريحات صحفية امس لا كبير على المحاسبة لو ثبت تقصير اي وزير سنسحب الثقة منه وانتقد عدم استجابة وزير البنى التحتية لمطالب المجلس له بالإعتذار وقال «سننتظر الجلسه القادمة واذا لم يتقدم بإعتذار رسمي ستتم محاسبته».
وأعلن هاشم رفض المجلس لإجازة المؤتمر الوطني لزيادة تعرفة المياه بنسبة 100 % واعتبر الزيادة غير معترف بها لجهة ان المجلس هوالجهة المناط بها اجازة الزيادات أو رفضها .

الجريدة


تعليقات 9 | إهداء 0 | زيارات 3721

التعليقات
#1312821 [Babiker Shakkak]
0.00/5 (0 صوت)

08-01-2015 10:46 AM
شر البلية ما يضحك كما قالت العرب

[Babiker Shakkak]

#1312699 [أوريكم]
0.00/5 (0 صوت)

08-01-2015 03:51 AM
أوريكم
أي وزير أو مسئول للخرطوم مفروض يكون خرطومي. الوزير دا بيكون جاء من منطقة ما محتاجة لخيران ولا بعرف قيمة الخيران.

[أوريكم]

#1312600 [ALIIIIIIIIIIIIIIIIIIIIIIIIIIIIIIIIIIIIIII]
0.00/5 (0 صوت)

07-31-2015 10:10 PM
هي وينها البنية التحتية اصلا الخيران الريفية الموجودة في الاحياء هي دي البنية التحتية اللي بيتكلم عنها الوزير بتاع البنية التحتية الغير موجودة من اساسه ههههههههههههههههههههههههههههههههههههههههههههههههههه السودان لايوجد به بنية تحتية صالحة لخدمة البشر ولاحتي البهايم من اساسه ماياهو الناس شايفة الحال مشكلة امثال هذا الوزير انو فاكر الناس صم بكم عمي دي مشكلة امثاله ماعايش الواقع ماعاوز يصدق انو الناس عارفين انو كضاب مع انو اي جولة او اي مواطن في العاصمة عارف الشوارع خربانة ومحفرة ومشققة ومكسرة وخيران من زمن نميري وعبود وخراب في خراب هسع بعد شوية يجي طالع زي ناس الكهرباء والموية ويقول ماعندي ميزانية ومش عارف ايه زي ناس الكهرباء والموية وكن عصروا يقول تحت تحت اصلو القروش كلها ملهوطة عشان كده مالاقي اعمل حاجة ..كسرة..بالله في وزير للبنية التحتية في البلد دي اصلا سبحان الله العظيم

[ALIIIIIIIIIIIIIIIIIIIIIIIIIIIIIIIIIIIIIII]

#1312549 [حريكه]
4.00/5 (2 صوت)

07-31-2015 07:44 PM
السودان دا لو اي وزير او خفير بتحاسب ما كان وصل بينا الحال على ما هو عليه اليوم.. يا سودان سلام

[حريكه]

#1312526 [محمد مختار]
3.50/5 (2 صوت)

07-31-2015 06:10 PM
على مايبدو ان وزير البنى التحتية بولاية الخرطوم زول كسول لا يحب العمل الشاق , و فى الغالب أحضر تقرير قديم من سنين ماضية لكى يوضح به إستعدادات الولاية للخريف , و لم يكتب تقرير حديث لعام 2015 .

هذا هو حال وزراء المؤتمر الوطنى(سوى ان كانو وزراء إتحاديين أو ولائيين) دائماً عاملين الوزارات دى للوجاهة و لللّهطى و ليس لخدمة المواطن , لأنه لا توجد رقابة أو مسآئلة لعملهم ..

تقرير يكون مكتوب عام 2008 يجيبو الوزير و يقول دة تقرير لعام 2015 !
إتقو الله و إختشو , إذا كنتم تستطيعون غش المواطن و إستكراده , فإنكم لا تستطيعون غشى الله سبحانه و تعالى الذى يرى كل ماتفعلون , و سيحاسبكم على أعمالكم مهما كانت .

[محمد مختار]

#1312479 [adil a omer]
0.00/5 (0 صوت)

07-31-2015 04:10 PM
كلو مركز على تحت عشان كده امورنا كلها ماشه لى تحت

[adil a omer]

#1312469 [حاج علي]
0.00/5 (0 صوت)

07-31-2015 03:49 PM
نواب الفساد والغفلة
بعد 26 سنة تدمير قالوا العشر قام ليه شوك

[حاج علي]

#1312464 [النوبي]
0.00/5 (0 صوت)

07-31-2015 03:26 PM
كلام مجلسكم جيد وقوي "لا كبير علي القانون" لكن اذا اعتذر الوزير ماذا بعد؟ هل تتقاضون عن اخفاقاته؟ وهل اعتذاره سيدرء ولاية الخرطوم من اي اضرار محتملة جراء الامطار والخريف؟. المطلوب حلول عملية وآنية ياسادة.. كفاية كلام. وتوصيتي للشعب بان يقوم بفصل الكهرباء من مكاتبكم لتعيشوا معه المعاناه....

[النوبي]

#1312446 [jafar]
5.00/5 (1 صوت)

07-31-2015 02:40 PM
كلام الطير فى الباقير

[jafar]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة