الأخبار
أخبار إقليمية
إغلاق نوافذ استخراج الشهادة السودانية وضرب الطلاب بالسياط
إغلاق نوافذ استخراج الشهادة السودانية وضرب الطلاب بالسياط
إغلاق نوافذ استخراج الشهادة السودانية وضرب الطلاب بالسياط


07-31-2015 07:22 PM
الخرطوم - خضر مسعود


كشفت جولة لـ(اليوم التالي) عن تكدس مئات الطلاب والطالبات، أمام أربعة منافذ من بين نحو (20) منفذا لاستخراج الشهادة السودانية بإلادارة العامة لامتحانات السودان بوزارة التربية والتعليم، أمس ( ، للحاق بالتسجيل للجامعات والمعاهد العليا.

وقال عدد من الطلاب وأقاربهم إن الإدارة تعاملت معهم بصورة غير كريمة وصلت حد ضرب الطلاب بالسوط في بعض الأحيان من قبل أفراد الشرطة المنظمين للصفوف، واستهجنوا إغلاق الوزارة بقية النوافذ في أيام الحاجة إليها.

ووقف المئات في صفوف تمددت من خلف مباني إدارة الامتحانات قبالة شارع النيل حتى مدخل الإدارة من الناحية الجنوبية، نساء وبنات، شبابا وكبارا، كلهم في انتظار أن يقفوا وجها لوجه مع موظف استخراج الشهادات الذي استعصى الوصول إليه وسط الزحام، ولوّح أفراد الشرطة بالسياط لضبط الصفوف.

وعبر أهل الطلاب ) بمباني إدارة الامتحانات عن استيائهم من الطريقة التي يتم بها استخراج الشهادة وقالوا إنها تهدر الوقت والكرامة في آن واحد، حيث يقول محمد أحمد علي، الذي حضر منذ الصباح لاستخراج شهادة، إن الصفوف طويلة جداً في ظل غياب الخدمات الأساسية (مياه شرب، حمامات) إضافة إلى أن مظلة الزنك تعكس حرارة الشمس، وقال عادل صلاح إنه ينتظر في الصف منذ الثامنة صباحاً وحتى الواحدة ظهرا ولم يصل إلى نافذة موظف الشهادات، وزاد أن ابن خالته حضر أمس الأول منذ السادسة صباحا ولم يكمل إجراءاته إلا عند الواحدة، مشيرا إلى أن الوضع ينطبق على كل الذين اصطفوا أمام منافذ استخراج الشهادة السودانية.

اليوم التالي


تعليقات 9 | إهداء 0 | زيارات 7187

التعليقات
#1313082 [المغبون]
5.00/5 (1 صوت)

08-01-2015 06:46 PM
بيعلموهم فى الصبر وفى تحمل الاهانه والذل عشان لما يدخلوا الجامعات يمشوا صاح بدون مظاهرات وبدون مشاكل كل فرصة للتعليم يجب ان لا تفوت لانو الناس ديل ما عندهم نية يفكوا الحكومة دى كلو كلو ودى فرصة من الفرص غيره جائى فى الطريق .

[المغبون]

#1312905 [julgam]
0.00/5 (0 صوت)

08-01-2015 02:01 PM
أم يُقال له (احتسب يا مواطن، والجاتك في كرامتك سامحتك)؟..
والله يا ود عووضه إحتسبنا فوق طاقتنا واتحملنا،واتمرمطنا بما فيه الكفايه ولكن هذا الوطن الشامخ،وإنسانه الفذ صانع الثورات ،حى الشعوب حيرنا بصبره وأناته ،أنا ما عارف منتظر شنو ولمتين ،وحتى متى وحتام،،،،،لقد كمل الكلام ،،،وصارم القسمات ،،نام ،،هل نام المارد أم خدره الزنادقة الجدد؟

[julgam]

#1312886 [بلبل]
5.00/5 (1 صوت)

08-01-2015 01:21 PM
الكيزان ديل ....م دايرين راحه للموطن نهائي ... بدليل اغلقو النوفذ وتركو اتنين لا استخراج الشهاده

[بلبل]

#1312810 [ss]
5.00/5 (3 صوت)

08-01-2015 10:30 AM
الادارة الفاعلة هي الحل ، لماذا لا يتم توزيع الشهادات للمدارس والمدارس تسلمها للطلبة بدورها . حيث كل مدرسة لديها سجل بطلابها الذين جلسوا لإمتحان شهادة هارفارد عفواَ ام الشهادات ألا وهي الشهادة السودانية . لعنة الله على الشهادة السودانية ووزارة التعليم ده اصلا لو في تعليم.

نصيحتى للطلبة غادروا السودان والتحقوا بجامات النرويج والمانيا حيث الدراسة مجانا ومعها احترام وتقدير لعقولكم.

[ss]

#1312758 [Zooooooooool]
5.00/5 (2 صوت)

08-01-2015 08:17 AM
كنتو تكسروا ليهم الشبابيك وتردموا البوليس بالحجارة

[Zooooooooool]

#1312694 [IBN ALKHARTUM]
5.00/5 (3 صوت)

08-01-2015 03:23 AM
أسهل الأشياء التي أمرنا بها الأسلام ما شغالين بيها الشغلة, إحترام الغير والنظام, إحترم من وصل النافذة من قبلك واقف خلفة هل يوجد أسهل من ذلك؟.

[IBN ALKHARTUM]

ردود على IBN ALKHARTUM
[؟] 08-01-2015 09:55 AM
الحاجة دي هنا في السفارة كتيرة اي واحد بعتبر الناس الواقفة دي زيي ما بشر وبيعتبر نفسو حاجة مهمة،، ياخي حاجة متخلفة وتافة شديدة شعب لا يعرف النظام ولا يعرف الانضباط،، وبالذات كانت متخلفة جدا وانا عايشتها برضو في رمضان الفات ما كان في حجز عبر الطيران وذهبنا بالباخرة لا حول ولا قوة إلا بالله دي كمان كانت شينة شديدة لانها كانت في بلد الغير كانت مقززة ومتخلفة وهجمية ورعاع


#1312621 [Floors]
5.00/5 (4 صوت)

07-31-2015 11:03 PM
والله تستاهلو لأنكم جبناء والشاويش يعرف ذلك تماماً، شعب وسخ معفن جبان وكسلان يستحق الإبادة عشان كده ربنا سلط عليه إخوان الشيطان!!!!!!!!!!!!

[Floors]

#1312566 [ممقوص]
5.00/5 (3 صوت)

07-31-2015 08:27 PM
ما يطلعوها الكترونى ولا دى صعبت عليهم و سهلت تقديم الجامعة او مفروض كل طالب يستلم شهادتو من المدرسة الامتحن فيها دون الحوجة للحضور لاستخراجا و يكون الموكل هو الناظر الاستلم ارقام الجلوس هنالك الف طريقة لتقديم خدمة تليق بكرامة الانسان في

[ممقوص]

#1312563 [ودكركوج]
5.00/5 (4 صوت)

07-31-2015 08:11 PM
تستاهلوا اكتر من كده عشان راضين بالواقع ده.

[ودكركوج]

ردود على ودكركوج
European Union [ممقوص] 08-01-2015 04:09 PM
بس يا اخ ود كركوج ديل لسا اطفال دون ال18 و ما عرفو الثورات لكن لما يكبرو حيكبروا بى سوط البوليس و كراهيتم ليهو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة