الأخبار
أخبار إقليمية
الميرغني الصغير : الطرق الصوفية ستُجنِّب البلاد مآلات التطرُّف
الميرغني الصغير : الطرق الصوفية ستُجنِّب البلاد مآلات التطرُّف
الميرغني الصغير : الطرق الصوفية ستُجنِّب البلاد مآلات التطرُّف


08-01-2015 11:52 PM
قال مساعد أول الرئيس السوداني محمد الحسن الميرغني، الرئيس المكلف للحزب الاتحادي الديمقراطي (الأصل)، إن الطرق الصوفية بالسودان مستعدة للقيام بدورها في التصدي للتطرف والإرهاب، ونشر الوعي لتجنيب البلاد والعباد مآلات التطرف والعنف.


وأعلن الميرغني الابن، عقب زيارة له لمنطقة الكباشي شمالي العاصمة السودانية، يوم السبت، أن النهج الصوفي هو الترياق والمقابل الموضوعي للتطرف الديني.


وقال إن الطرق والمدارس والبيوتات الصوفية، وبما عرفت به من تسامح وتوادد وتراحم، قادرة على أن تكون رأس الرمح في التصدي لكل محاولات استغلال الإسلام أو إساءة تفسيره، بما يخدم أجندة وأغراضاً ليست من الدين في شيء.


وتطرَّق لقاء الحسن بأعيان المنطقة لدور الطرق الصوفية ومشايخها في تبصير العباد إلى صحيح الدين، وتوعية المسلمين بمخاطر المناهج المتطرفة والداعية إلى العنف.


وقال الميرغني الابن، "إن زيارته للمنطقة كانت فرصة للتأمل سويا في أحوال البلاد والعباد، والتفكير المشترك في ما ينبغي فعله، لإعادة لحمة التماسك الوطني ورتق النسيج الاجتماعي عبر سيادة تعاليم الإسلام السمحاء".


وأضاف أن الطرق الصوفية ومنذ نشأتها ظل ديدنها الدعوة بالحسنى والموعظة الحسنة ونشر التعاليم الإسلامية دون غلو، وأن بيوتات التصوف ظلت وستظل ساحة ومجتمعاً للتآخي والتلاحم الاجتماعي وبؤرة للإشعاع الديني، وستكون كذلك بإذن الله منارات تتصدى بالوعي وبالتعليم للتطرف وللعنف وللغلو في الدين.


شبكة الشروق


تعليقات 17 | إهداء 0 | زيارات 2594

التعليقات
#1313831 [بتاع الخرد]
5.00/5 (1 صوت)

08-02-2015 10:36 PM
السؤال بيطرح نفسه أي مشكلة قومية حلتها الصوفية منذ الاستقلال؟؟

في زول عنده فكره؟ أنا ما عارف!

وبعدين مشكلة دارفور ليها سنين ليه ولا ما عندها حل؟

[بتاع الخرد]

#1313744 [ود الشبارقة]
5.00/5 (1 صوت)

08-02-2015 06:16 PM
التصوف ساهم في تجهيل السودانيين واقعدهم عن ركب العلم والتطوووور تجد الشخض عميد كلية او اخصائي او قاضى او سمه ما شئت ...تجده يرتجف عند شيخه كالذي يخشى عليه ... فقد احدثت الصوفية دمارا هائلا بالمجتمع السوداني .. واوصلت المجتمع الى مجتمع اتكالي انصرافي متوجس ..لا يستطيع الواحد ان يزوج ابنته او ان يسمي لمولوده الا بعد ان يشاور شيخه ويخاف ويخشى شيخه اشد خيفته لله عز وجل القاهر فوق عباده ...الصوفية مدخل للتشيع والعلمنة والرهبنة

[ود الشبارقة]

#1313572 [قدائى]
5.00/5 (1 صوت)

08-02-2015 01:49 PM
كدى خلينا فى المهم ال 181 يوم العايز تصلح فيها السودان نحنا وبكرم من عندنا ساى عملناها ليك 181 سنه والله العظيم انت وكل الدجالين الزيك الا تونسونا ساى ما هو انتو بتشتغلو لى نفسكم يعنى تسيبو نفسكم انتو وتخدمونا نحنا وله كيف

[قدائى]

#1313555 [مدحت عروة]
0.00/5 (0 صوت)

08-02-2015 01:31 PM
يا اهل السودان ما تخافوا عندكم بلة الغايب والميرغتى الصغير واحد عنده جن يساعده والتانى من اولياء الله وكلها 181 يوم والسودان بيتصلح ويفوق العالم اجمع واسرائيل وامريكا حقوا يبلوا راسهم من هسع !!!
كسرة: شوفوا السودان فى عهد الانقاذ بقى مضحكة كيف؟؟؟؟؟

[مدحت عروة]

#1313518 [الحق ابلج]
4.00/5 (2 صوت)

08-02-2015 12:37 PM
الدين منظومة متكاملة كما جاء فى حديث جبريل عندما سأل رسول الله عن اﻷسﻻم .واﻷيمان . وأﻷحسان .
من ﻻ يدرك معنى هذا الحديث وكيف ان جبريل جاءكم ليعلمكم دينكم ﻻ يستطيع فهم معنى التصوف . واعنى هنا التصوف الحقيقى وليس التمصوف وادعاء البعض انهم شيوخ وليسوا كذلك . اما الوﻻيه الحقه والتصوف الحق فهو موجود وباق الى قيام الساعه وليس هنا مجال بحثها .
اما حديث موﻻنا الميرغنى عن درء خطر الارهاب بتحريك التصوف والمتصوفة الحقيقيين فهو عين الحق .
التصوف هو الذى نشر اﻷسﻻم فى كل ارجاء اﻷرض حتى بلغ عدد السلمين اليوم اكثر من مليار ومائتى مليون مسلم وﻻتوجد بقعة اﻻ بها مﻻيين المسلمين من امريكا الى الصين واندونيسا وحتى شيلى . لم يكن ذلك بجهد اﻷخوان المسلمين أو بدعوة الوهابيه .
من الذى حمى الدين عبر العصور من غﻻة الصليبيين ومن همجية التتار بل حتى من اليهود وغﻻة الصارى؟؟
صﻻح الدين اﻷيوبى والظاهر بيبرس ونجم الدين قطز ويوسف بن تاشفين ومحمد بن تومورت واﻷمير عبدالقادر الجزائرأئرى و عشرات الزعامات الدينية الم يكونو من الصوفية الاشراف وحتى اﻷمام محمد احمد المهدى . ما كان كل هؤﻻء وهابيه وﻻ من دعاة اﻷسﻻم السياسى . فكان جهادهم خالصا لوجه الله الكريم ﻻيريدون عليه جزاء وﻻ شكورا .
فلنعرف الفضل ﻷهل الفضل . والسﻻم .

[الحق ابلج]

#1313480 [تكس راجع]
5.00/5 (1 صوت)

08-02-2015 11:37 AM
*اما التصريح الثانى للسيدة عائشة قالت هذه المرة إنها واثقة من قدرة رئيس قطاع التنظيم بحزبها، السيد الحسن الميرغني، على إنفاذ خطته لإنقاذ البلاد خلال 181 يوماً، وكان تبريرها إن الحسن من أولياء الله الصالحين، وأولياء الله لا خوف عليهم لا حزن.منتظر شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[تكس راجع]

#1313475 [توفيق عمر]
5.00/5 (1 صوت)

08-02-2015 11:34 AM
كلمتين ثلاثة عاوز تاكل بيهم روسين الناس ياراجل
مسح وكسح لكل هذه الافة او الافات عشان بعدين الناس ممكن يبداوا يمشوا لي قدام
والله والله الدخل في السودان في ال 25 سنة انقاذ عاوز معجزة عشان التخلص منها وما محتاجين لمزيد من الضلال والضلالية
طرق صوفيه ايه يا راجل
انت الدول العايش فيها ابوك وعندكم فيها املاك وتلقيتم فيها من التاهيل ما تلقيتم ومبسوطين منها 24 قيراط وبتمشوا تقضوا اجازاتكم فيها وبتتعالجو فيها اذا اصابتكم مصيبة المرض الدول دي فيها طرق صوفية وصلتها لهذه المستويات الانت معجب بيها
كنت عاوز اسالك سؤال هو الا تخاف الله وانت تقيف امامه وترمي للناس المساكين البسطاء كلمتين فارغة ومقدودة
لكن غيرت رايي عندما عرفت انو الجواب علي السؤال واضح

[توفيق عمر]

#1313468 [كان زمان]
0.00/5 (0 صوت)

08-02-2015 11:29 AM
صمت دهرا .........

[كان زمان]

#1313461 [mat too]
5.00/5 (1 صوت)

08-02-2015 11:19 AM
ياالمرغني الصغير (ياصغير يامحيرني ومتحير)الكلام الجميل
ده قاعدين يملوك ليهو ولا ناس الصحافه بيرتبوا ويا خذوا
المعلوم طرق صوفية شنو الانت تتحدث عنها الا كان صوف
نعج .يلا قوم بلاش عبط.اخوك صمت دهرا ولان انت تنطق
كفرا. ملعون ابوها بلد الانت تتتفسسح فيها مره عن النسيج
الاجتماعي ومره عن المواطنين ومره عن الدواعش ومره عن
التوبه طه علي البشير.بتاع السجاير اول التايبين .ادوهوا
وزارة السجابر بجميع انواعه حتي الاخضر (مع الاعتذار الي
الولد اسامه حسون)تحذير ابتعد من ناس داعش
لانو لو لموا فيك يا كتلوك يا ملصوك!!!!
اقفل خشمك كفايه كفايه علينا

[mat too]

#1313460 [فكرى]
2.00/5 (1 صوت)

08-02-2015 11:18 AM
تعليق سابق لاحد رواد الراكوبة يكتب تحت إسم (عطوى) لم أجد افضل منه للتعقيب على ماورد اعلاه ..
... التعليقات تؤكد بجلاء ما فعلة الكيزان فى الشعب السودانى طيلة فترة حكمهم اللعينة ...

.. قد يعلم او لا يعلم الاخوه المعلقيين بان التصووف اتفقنا او اختلفنا معهم فهم (هيكل الثقافة السودانية الدينية والاجتماعية التى يتفاخر بهاالسودانيين ) ......

معظم هؤلاء المعلقيين فى حاله صفاهم قد لا يتردون فى التفاخر بطباع السودانيين المعروفة للجميع ... وهى
الكرم والامانة وطيبة القلب وحسن المعشر والاخلاق والتحابب الذى يذهل كل يعرف السودانيين حتى فى حالة الحرب تجد السودانيين يختلفون عن غيرهم وما يحصل الان لو كان كان اى شعب اخر لسالت الدماء انهارا....

.. باختصار هذو هى الثقافة الصوفية التى هى جزء من تقاليد الشعب السودانى وثقافتة... والتدين السودانى هو يمثل الفكر الصوفى اللهو فى الاصل يركز على شخصية الفرد اولا ويرتقى باخلاقها وسلوكها ...

.. والعجييب بانة قد لا تتجد شخصين يحتلفون بالعصر الذهبى للسودان كلما رجعنا للوراء وخاصة فترة الستينات رخاء وتعليم وامانة واخلاق وفنون واداب حتى الرؤوساء الدكتاتوريين امثال عبود كانو غير ..

فهذا نتيجة انفراد التصووف بالامورانذاك والتربية الشخصية والدينية فى المجتمع السودانى انذاك فكانت تلك الحقب هى الاجمل فى تاريخ السودان من اى ناحية... وما يحكى عن استغلال شيوخ التصوف للناس قديما هذا هراء فهذا يعتبر تمرحل تاريخى واجتماعى بسسب اعتماد السودانيين للخلاوى منذا القدم بدلا عن المدارس فكانت الامور ستصل بتمرحلها الطبيعى وتطور الحياة فهذا للاسف اتهام غير دقيق التصوف اجمل مافية انه مرن ويتططور مع مرور الزمن والحياه لولا نذول لعنة الكيزان فى هذة البلاد ....

وماذا بعد ....

... الكل يعلم بان الاخوان المسلميين اكثر التنظيمات الدخيلة على الشعب السودانى (حقدا وغلا) على الثقافة السودانية وتحديدا التصووف وهؤلاء الاخوان الشياطيين اصلا فكر خارجى ينحدر من (السلالة الحمبلية السلفية الوهابية ) ومن هنا يمكننا ان نفهم حقد الاخوان المسلميين على السودانيين ممثليين فى فكرهم الصوفى المسالم المبنى على الخلق والاخلاق الحميده والوسطية الدينية ...

فاول ما سرقو الحكم فقامو باستهداف الحزبيين الكبيرين الامة والاتحادى باعتبارها تشكل الشخصية السودانية ... فقامو باختراق هذين الجزبيين بطرق استخبارتية شبيهة باساليب الموساد الاسرائيلى كيف لا وتاريخ الاخوان المسلميين والوهابية يعج بالشبهات وارتباطة بالمخبارات الاسرائيلية والبريطانية والكتب والوثائق موجوده ...

.. وما يهمنا هنا هو هو (تعمد الاخوان فتح الباب وتشجيع السلفيين ممثليين فى انصار السنة ذو المرجعية والثقافة الوهابية وتسهيل امورهم فى نشر الفكر الوهابى بين الشعب السودانى المسالم والقصد منة (ضرب التصوف) وبه يكون تم ضرب الثقافة السودانية كلها ومن بعدها يستطيعون ان يقسموه كيفما ارادو ففقد السودان الاحساس والهوية والوطن بعد ان تم ضرب (التصووف) كما نرى الان والتعليقات اعلاه هذة نتيجة هذا الشغل والعمل الذى نفذه الاسلامويين ... تم ضرب التصووف فتاهت الشخصية السودانية واهتزت وتشابة عليها البقر فصارو لايميزون الاشياء كما كانو وارتبكت حياتهم ودينهم ودنياهم لدرجة انه تم قطع جزء من وطنهم وهم لايدرون وما ذا يفعلون لانهم شعب طيب حنون لم يتربى على المؤامرات والدسائس والفتن فكان يمشى امورة بالبركة والمحنة والنفوس كان اطايب هكذا كانو يديرون حياتهم وفق تفاصيلها ومعطيات زمانها ولم يالفو ما يعيشونه الان ...........

.. لعلم القراء لست صوفيا ولكننى كنت وما ذالت انظر للتصوف كثقافة دينية سودانية بحتة فهو من اشيائنا وتاريخنا مثلة ومثل الشلوخ والعنقريب والمزيره وسيد الدكان وسيد اللبن والقراصة والكسرة والتقلية والعصيده والروب ... هى اشائنا فالقلب يجزن ان اساء احدنا الى اشائنا الصغيرة فهى خصوصيات امورنا ومجتمعنا فهو نيل التدين السودانى العريق ...

اما من وقعوو ضحية العواء الوهابى السلفى الكافر بفطرة الله ... فلهم العذر فهذا مصاب السودان الجلل عافاكم الله ....................

[فكرى]

#1313347 [عتمني]
0.00/5 (0 صوت)

08-02-2015 09:02 AM
يا فاقد الادب تأدب قبل ان يتم تأديبك آل الميرغني اشراف وجدهم الميرغني الختمى مدفون فى مكه وجدهم النبي عليه الصلاة والسلام ومحبتهم والتأدب لهم واجبه بنص الحديث الشريف وهو صاحب الطريقة الختميه وصاحب المولد الختمي (رحم الله امراء عرف قدر نفسه) يا مجهولي الهويه الميرغي غنى عن التعريف25

[عتمني]

ردود على عتمني
European Union [منكور] 08-02-2015 04:29 PM
الختمية ديل قلبوا شيعا و لا الزول ده بدافع من اى منطلق انو من الاشراف و جدو النبى من وين جدو النبى من البنات ولا البنين طيب ما كلنا احفاد الصحابة ما قلنا اشراف و الناس التانين حسالات ياخى الانسان بعملو ما بنسبو و لكن النسب يفيد كان افاد عبد المطلب انك لا تهدى من احببت و لكن الله يهدى من يشاء


#1313296 [عنفوان]
0.00/5 (0 صوت)

08-02-2015 08:08 AM
وأن ليس في التصوف يا مولانا اكتناز الأموال والعقارات ولا أخذ الصدقات من المساكين ولا الشح المودي بأهله إلى النار .. ولا الترفع على العباد ..

[عنفوان]

#1313287 [ابو جلمبو]
5.00/5 (1 صوت)

08-02-2015 08:01 AM
الدين مطية كل دجال

[ابو جلمبو]

#1313270 [الفكى]
0.00/5 (0 صوت)

08-02-2015 07:02 AM
ماشاء الله الزول متحرك ماذى أخوهو

[الفكى]

#1313261 [سننتصر علي الكيزان الخونة اكلة قوت الغلابة]
0.00/5 (0 صوت)

08-02-2015 05:51 AM
هل للسيد ( ابن الحسيب النسيب !!!) ان يوضح للشعب السوداني الفضل ما هو دوره كمساعد لرئيس الجمهورية ؟؟؟
مساعد في ماذا ؟
وشكرا

[سننتصر علي الكيزان الخونة اكلة قوت الغلابة]

ردود على سننتصر علي الكيزان الخونة اكلة قوت الغلابة
European Union [المقتول كمد وبطنه فايره] 08-03-2015 01:23 PM
يا خي من باب أولى أسأل الرئيس هو عاوز مساعدة من الزول ده في شنو ؟
وقبل كده أخوه المساعد الأول عمل للرئيس شنو ؟

European Union [الدبابي] 08-02-2015 07:37 AM
السلام عليكم غالبا مشرف بصراحة يجب هدم كل الاضرحة في السودان وضم رفات الموتئ لقبور المسلمين لانه حرام ما يفعل من اضرحة وغيرها وبالعكس اليهود والنصارئ يحبوها لكن هدمها بادب مش مثل داعش الرفات يستخرج باهل الميت او من ينوب عنهم ويدفن في مقابر المسلمين في كل العالم ان شا ءالله سوف ياتي ذلك اليوم لابد ان نتخلص من الشرك حتئ نستطيع الصبر علئ اذئ المنافقين اولا ثم اعوانهم من اليهود والنصارئ والبقية من المعادين لنا ونصبر ونعفو عنهم حتئ يقضي الله امرا كان مفعولا والسلام عليكم ورحمة الله تعالئ وبركاته :)


#1313227 [سؤال]
0.00/5 (0 صوت)

08-02-2015 02:04 AM
و هل التصوف يورث ..و هل تقبيل الايادى شيل الاحذية من تعايم الصوفية و هل التصوف انما يعنى الزهد فى الدنيا و نبذ السلطة ..يا الله يا كريم كل يروج لبضاعته التى بارت

[سؤال]

ردود على سؤال
European Union [سؤال] 08-02-2015 04:35 PM
و الله الاحترام الذى يخرج من السنة يصبح منكر و الحسن ليس بافضل من سيدنا عمر ولا الصحابة الذين تواضعوا و اذا هو يقبل و يعتبر هذا احترام معناها يحب التقديس و القدسية لله الواحد فما لكم كيف تحكمون خلى يمشى يقعد فى خلوة جدو و يدرس و يعلم الدين و الفقه حتى يكسب بعض الاحترام فالسياسة هى نفاق و اذا اراد النفاق فنتركه لربه يحاسبه و الساكت عن الحق شيطان اخرس

European Union [الدبابي] 08-02-2015 03:06 AM
مافي بضاعة بتبور شكلك ما قريت في النسبية كويس وشيل الجزم دا احترام والبوس احترام برضو طبعا دي حاجات مافي في قاموس البعض الاحترام عندهم غير مفهوم يحبون القوة واكل بعضهم البعض ويا ليتهم لو يصلوا كبرا ما هم ببالغيه والسلام عليكم :)


#1313226 [الدبابي]
0.00/5 (0 صوت)

08-02-2015 02:03 AM
المشكلة في الفهم الخاطئ لكلمة التصوف والله عباد الذين يمشون هونا واذا خاطبهم الجاهلون قالوا سلاما ديل منو غير المتصوفين انتو ما عارفين الية الدنيا الدنيا بيد الله اولا واخيرا وكلا له رزق محسوب تتمسك باخلاق وصفات الانبياء تنتصر وان مت مت بمنزلة عالية وهكذا سننتصر ولا تساوي الدنيا عند الله جناح باعوض وان كانت تساوي لما سقئ منها الكافر شربة ماء حديث قدسي وصلئ الله وسلم علئ رسول الله خير الانبياء والمرسلين نبينا محمد بن عبدالله وعلئ اله واصحابه ومن تبعه باحسان الئ يوم الدين :)

[الدبابي]

ردود على الدبابي
[سودانى وبس] 08-02-2015 09:15 PM
ربنا قال اللذين يمشون على الارض هونا واذا خاطبهم الجاهلون قالو سلاما ما قال المتصوفة انت دار تجيبا من عندك ثم انو القران ده ساعة نزل كان فى صوفية ؟.قال تعالى: ومن احسن قولا ممن دعا الى الله وعمل صالحا وقال اننى من المسلمين.

European Union [محمد خليل] 08-02-2015 09:26 AM
اذا كان التصوف يعنى الزهد فى الدنيا و السعى لنيل الآخرة بالايمان و العمل الصالح و اتباع منهج الكتاب و السنة و السلف الصالح فهذا نهج صحيح.
و أما ما أحدثه بعض الصوفية من بدع و شركيات و مخالفات للكتاب و السنة و أذكار و أوراد لا أدرى من أين أتوا بها و لا توجد فى كتاب الله و لا فى السنة فهذا لا شك هو الضلال بعينه.
مثال تلك الأوراد صلاة الفاتح التى عند الطريقة التجانية، فليثبت لنا أحد هؤلاء التجانية أن هذه الصلاة موجودة فى الكتاب أو السنة.
الله سبحانه و تعالى يعبد بما شرع و لا يعبد بأذكار و أوراد لم تشرع و لا توجد فى الكتاب او السنة، و هذه النوبة و الطار، أين توجد فى كتاب الله و سنة رسوله صلى الله عليه و سلم؟ ثم انى أسأل هل هذه النوبة عبادة؟ و اذا كانت عبادة فأين الدليل على مشروعيتها؟ و اذا لم تكن عبادة فما هى اذن؟ مجرد حركات و رقص؟

[الجقني] 08-02-2015 08:31 AM
- يمشون على الأرض هونا..
- و إذا خاطبهم الجاهلون قالوا سلاما...
ربنا سبحانه و تعالى قال دي صفات عباد الرحمن، إنت سعادتك جاي تحصرها لينا في المتصوفة!!!

نحن البنعرفوا عن المتصوفة برأي العين و ما قول قائل:
- دعاء الأموات...
- الذبح للقبور و الطواف عليها...
- لبس الكشاكيش و المرقع...
- دق النوبة و الرقيص...
- الدجل و الكجور...
- و ما لا يحصى و لا يعد من مخالفة هدي النبي صلى الله عليه و سلم و إتباع شرائع سادتهم و كبراءهم...

فبالله ما تغيير الحقائق، نحن عايشين معاك في نفس المجتمع و ما جايين من القمر.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة