الأخبار
أخبار إقليمية
وزير المالية : مؤسسات إتحادية تزور أرانيك مالية وتستخدمها فى تحصيل إيرادات غير قانونية
وزير المالية : مؤسسات إتحادية تزور أرانيك مالية وتستخدمها فى تحصيل إيرادات غير قانونية
وزير المالية : مؤسسات إتحادية تزور أرانيك مالية وتستخدمها فى تحصيل إيرادات غير قانونية


فوضى في الوظائف بالولايات خلقت جهوية مالية
08-04-2015 10:47 AM
البرلمان : سارة تاج السر
كشف وزير المالية والاقتصاد الوطني بدر الدين محمود، عن "فوضى "في الوظائف بالولايات تسببت فى زيادة نسبة أجور العاملين وخلق جهوية مالية رهيبة أخطر من الجهوية القبيلة ، وأعلن محمود بالبرلمان أمس، عن مقاومة "شرسة، ناعمة، واضحة" يواجهها نظام التحصيل الالكتروني ، وإتهم الموظفين المستفيدين من النظام الورقي بمحاربة التحصيل الالكتروني وإختلاق إدعاءات عنه على شاكلة "الشبكة طاشة والنظام واقف" .
وإتهم محمود مؤسسات إتحادية لم يسمها بتزوير أرانيك مالية واستخدامها فى تحصيل إيرادات غير قانونية ، بواسطة متحصلين متعاونين تصرف لهم مرتبات وحوافز وأضاف " كم واحد بجي بدق ليك الباب بتحصل منك بورقة ساكت" ، وقال محمود: إن تطبيق النظام الالكتروني كشف عن جيوش جرارة من المتحصلين تتجاوز ١٧ ألف متحصل بعض منهم قام بانشاء شركات خاصة وأضاف " ماكنت قايل فى ٤٠ اورنيك وما كنت قايل فى ٣٦ الف رسم"
وقطع الوزير بعدم التراجع عن تطبيق النظام الالكتروني وقال سيطبق على الوزارات والولايات وكل من يبيع خدمة أو سلعة حكومية سيربط بنظام التحصيل حتى تتمكن الوزارة من فرض ولايتها علي المال العام.
وأشار إلى ان ذلك سيصاحبه إصلاحات في الجانب التشريعي بمراجعة قانونية للإجراءات المالية والمحاسبية والتعاقد والشراء ولوائحهم.
وفي السياق ذاته أقر وزير المالية والاقتصاد الوطني بدر الدين محمود، بصعوبات تواجه محاصرة الانفاق الحكومي المرتفع، وأعلن ان عجز الموزانة العام للدولة خلال النصف الاول من العام المالي ٢٠١٥م بلغ ١.٢٪ من الناتج المحلي الاجمالي، وأكد الوزير استمرار الفجوة بين السعرين الرسمي والموازي للدولار. وكشف عن ارتفاع المصروفات إلى ٨٨٪ بسبب سداد كافة متاخرات أجور العاملين في الدولة،وأعلن زيادة نسبة الايرادات خلال الـ٦ اشهر الماضية إلى ٢٠٪ ، وأكد ان عرض الكتلة النقدية فى السوق لم يزيد عن ١٤٪ مما أدى إلى هبوط معدل التضخم في يوليو الماضي من ٣٩٪ الى ١٨٪
وأعلن وزير المالية عن زيادة ملحوظة فى الايرادات الضريبية بلغت ١٠٤٪ ، ولفت إلى ان الصرف على التنمية وصل الى ٢ مليار جنيه توقع ان ترتفع الى ٥.٧ مليار جنيه، وأكد محمود التزام وزارة المالية بالتحويلات الجارية للولايات بنسبة ١٠٠٪.
وأشار إلى ان الصرف علي تنمية الولايات بلغ ٩٢٪ وحزم الدعم الاجتماعي ١٠٠٪ .

الجريدة


تعليقات 17 | إهداء 0 | زيارات 4196

التعليقات
#1315831 [مع العدالة]
0.00/5 (0 صوت)

08-05-2015 04:23 PM
عووووووووووووووووووووووووووووووووووووووووووووووووك ما بخلوكككككككككككككككككككككك

[مع العدالة]

#1315824 [نص صديري]
0.00/5 (0 صوت)

08-05-2015 04:15 PM
ومازال بشبش ينكر ويتحرى النكران!!
يعني كل وزراؤه حتى نائبه يتحدث عن انتشار الفساد علنا وكل مرة الخايب يغيب ويجي ينكر؟؟؟ قال مافي فساد قال وكمان عاوز دليل!! والله عصابات المافيا مالحقتكم
وبقانونه القال ما مدغمس مفروض كلكم تصلبوا من خلاف من بشة الى اصغر مرتشي في دولة الفساد دي

[نص صديري]

#1315665 [المقتول كمد وبطنه فايره]
0.00/5 (0 صوت)

08-05-2015 11:48 AM
الوزير يستغرب " ماكنت قايل فى ٤٠ اورنيك وما كنت قايل فى ٣٦ الف رسم"). عامل مخلوع، بس على مين. نحن فهمناكم كويس. جدلاً صدقناك يا وزير الغفلة،
طيب وبعدين. ويش سويت يا الوزير الهمام. اتهام وجريمة جاهزه، سرقة وتزوير اوراق رسمية
ولا أكيد ستضاف إلى سابقاتها من قضايا الفساد. حتى التحلل لن يطبق عليها.

يا حليلك يا بدر الدين،

الليلة جاي بتعتذر وترجع أيامنا الزمان. مين وين أجيب ليك العمر.

[المقتول كمد وبطنه فايره]

#1315642 [ابن عوف]
0.00/5 (0 صوت)

08-05-2015 11:19 AM
الاخ الوزير لايعرف ياترى الفرق بين الرسم والنشاط الاقتصادى ؟ لان المجالس التشريعية الولائيه هى التى تجيز المفروضات الماليه للمحليات,فمجلس تشرعى ولاية الخرطوم اجاز وفى عدد 20 جدول 164 رسم,مثلا,رسم الرخصه التجاريه,هذا الرسم وحسب قاعددةبيانات الانشطه الاقتصاديه لاحد محليات ولاية الخرطوم مفروض على عدد 30200 نشاط تجارى.يبدو لى ان الرسم عند الاخ الوزير قد تحول الى نشاط!! اذ لايعقل ان تكون بالمحليات 176000 رسم!!ولماذا لايرد اعضاءالمجالس التشريعيه الولائيه وهم القائمون قانوناوفى ظل غياب الجالس التشريعيه للمحليات على مثل هذه (الترهات)...المعمول به الان من تطبيق لسياسات جديده(تحصيل الكترونى) ان لم يحكم بقاعدة بيانات+خرط رقميه+كادر تحصيل مدرب بشكل جيد سيكون المهدر من اموال الرسوم المقرره على الانشطه الاقتصاديه كبيرا ونضيف متمنيا الاستفاده من التجربه الاثيوبيه والتى نجحت بعد11عام من التجريب والتطبيق فى الوصول الى الاهداف المقرره استراتجيا لتنمية الموارد الماليه وتحصيلهانضيف ان الاجهزه الحموله للتحصيل ولاستخراج الايصال البديل ل(15)دون المواصفات المطلوبه...اضف اليها عوامل لايد لادارات الايرادات والتحصيل فيهاكقطوعات الكهرباء المتكرره+(طفشان)شبكة النت . ارجو من الاخ الوزير وقبل اطلاق التصريحات (اقتراح)الاجتماع بمدراء ادارات التحصيل بمحليات امدرمان الكبرى لمناقشةالاداءالتحصيلى لشهر يوليو2015!!!

[ابن عوف]

#1315625 [عبد الله]
0.00/5 (0 صوت)

08-05-2015 10:53 AM
طيب دا إعتراف رسمي بالسرقة وين المتحصلين ديل قومو وحاكموهم أو على الأقل الشعب السوداني يعرف أن هناك حرامية في حكومتكم

[عبد الله]

#1315582 [الكردفاني العدييييييييييييييييييييييييييييييييييييييل]
0.00/5 (0 صوت)

08-05-2015 09:52 AM
الخبوب ........ السؤال الوجيه ..... بعد حبي هذه الايرادات ... اين ستصرف ..... طبعا في الصرف البذخي .... زي ما قال ..... نائب الرقاص .... المحزون اليائس .......... بظلم ذوي قرباه ...........

[الكردفاني العدييييييييييييييييييييييييييييييييييييييل]

#1315315 [كاسـترو عبدالحـمـيـد]
0.00/5 (0 صوت)

08-04-2015 09:56 PM
الترابى هو المسؤول عن كل مليم أو جنيه تمت سرقته لانه هو الذى افتى لهم بذلك . حسبنا الله ونعم الوكيل منك يا شيخ يا ضلالى يا فاسد .

[كاسـترو عبدالحـمـيـد]

#1315297 [جقددول]
5.00/5 (1 صوت)

08-04-2015 09:12 PM
مابحلكم الكلام ده والله يابدر الدين
الناس العلمتوهم على السرقة والنهب ولمدى سنين طويلة لن ينفطموا كده بي اخوي واخوك لانهده شطر بيرضعو فيهو ليهم سنين
جاي هسه تقول ليهم بكل بساطة ( تك )
ده فساد لن يستطيع احد أن يقف في وجههة لاوزير مالية ولاغيرو
ده فساد حكومة بي حالهاولن ينتهي الا بذهاب هذه الحكومةالى مزبلة التاريخ وتحطم ترسها
قال داير يوقف الفساد قال ده كلام مضحك والله عاين زي الجاي امبارح ده بالله
انت مسكين ولا شنو يمين رئيسك ذاتو مايقدر يوقف الفساد الشغال في البلد ده
والمسالة مسالة وقت ياقلعوك ورموك في الشارع ياوقفوا ليك اورنيك 15 الالكتروني العاجبك ده ياكمان لقوا ليهو ثغرة بي طريق تاني يحلبوا وبالزيادة كمان
لازم يلقوا ليهم طريقة يلقفوا بيها قروش لانهم اتعودوا على كده وعمرك ياوزير مالية او غيره ماتتخيلوا ان توقفواالفساد المستشري في هذا البلد المغلوب على امره
لانه كما قلنا ده فساااااااد حكووومة وليس فساد مسؤولين لتاتي سعادتك وتوقفه
حررررررم ده شطر لن ينفطم راضعوه كان نططت ههههههههههه

[جقددول]

#1315260 [عمر ادروب]
5.00/5 (1 صوت)

08-04-2015 08:12 PM
يا سيد الوزير اي واحد يعرقل او يرفض او يشكك او يستعمل الاورنيك الورقي حتى لو كان في وزارة المالية شوتو بره او دخلو كوبر وكل الشعب معاك ..

[عمر ادروب]

#1315257 [BEWILDERED]
0.00/5 (0 صوت)

08-04-2015 08:07 PM
""وأعلن زيادة نسبة الايرادات خلال الـ٦ اشهر الماضية إلى ٢٠٪ ، وأكد ان عرض الكتلة النقدية فى السوق لم يزيد عن ١٤٪ مما أدى إلى هبوط معدل التضخم في يوليو الماضي من ٣٩٪ الى ١٨٪
وأعلن عن زيادة ملحوظة فى الايرادات الضريبية بلغت ١٠٤٪ ، ولفت إلى ان الصرف على التنمية وصل الى ٢ مليار جنيه توقع ان ترتفع الى ٥.٧ مليار جنيه، وأكد التزام وزارة المالية بالتحويلات الجارية للولايات بنسبة ١٠٠٪.
وأشار إلى ان الصرف علي تنمية الولايات بلغ ٩٢٪ وحزم الدعم الاجتماعي ١٠٠٪ .
""

سمعنا و سنظل نسمع مثل هذا الحكي . سؤالي لأهل السودان ( عدا المتحكمين فوق اعناقنا من الكيزان واشباههم وما ملكت ايديهم) هل منكم من انصلح حاله او بقي كما هو عليه؟ من منكم يَشهَد علي ذلك، و يُشهِد الله والله خير الشاهدين.

[BEWILDERED]

#1315203 [الأزهري]
0.00/5 (0 صوت)

08-04-2015 06:14 PM
(تطبيق النظام الالكتروني كشف عن جيوش جرارة من المتحصلين تتجاوز ١٧ ألف متحصل بعض منهم قام بانشاء شركات خاصة وأضاف " ماكنت قايل فى ٤٠ اورنيك وما كنت قايل فى ٣٦ الف رسم")
قطعتوا قلوب الشعب المسكين وقصمتم ظهورهم 26 سنة والليلة جايين تقولوا ما كنا عارفين كل هذه الجبايات وغير قانونية؟ عجبا للحرامية الشعب فعلا مساكين

[الأزهري]

#1315038 [لحظة لو سمحت]
5.00/5 (1 صوت)

08-04-2015 02:30 PM
خلاص شبعتوا دايرين تضيقوها على اكلى فتاتكم نحن حدنا معاكم ترجعو لاصلكم جالوص
و عنقريب حبل عشان نغفر ليكم حق جلدنا و زلتنا

[لحظة لو سمحت]

ردود على لحظة لو سمحت
[المغبون] 08-04-2015 05:19 PM
هل تصدق انو آكلى الفتات الذى تستهونه هم سبب اذى الناس شوف بيطاردو فى منو وبيتحلصلوا منو او انته تعرف اذاهم للبشر .


#1315026 [محمد المشرف]
5.00/5 (2 صوت)

08-04-2015 02:16 PM
" ماكنت قايل فى ٤٠ اورنيك وما كنت قايل فى ٣٦ الف رسم"
بالله ده وزير مالية ده ؟!!
مهزلة والله ,, مهازل بالاحرى .. مؤسسات حكومية تمارس التزوير ؟!!
والذي لا اله الا هو لا يوجد نموذج للفشل الاداري والحكومي أسوأ من النموذج الذي قدمتوه خلال ربع قرن من الزمان .. مجموعة لصوص ومرابين لا يتمعون بادنى قدر من النزاهة والاستقامة والكفاءة والوازع الوطني البسيط ..

[محمد المشرف]

ردود على محمد المشرف
[المغبون] 08-04-2015 05:20 PM
لان تاتى متاخرا خيرا من ان لاتاتى المهم الراجل عرف ونشوفوا حايعمل شنو انا خايفه تزيد الله يستر .


#1314970 [Salim]
5.00/5 (1 صوت)

08-04-2015 01:25 PM
يا سلام اي زول عارف ان كان كل لف ودوران تجي انت كنت في الحكومة وتقول اول مرة تعرف كده وبعدينك ناس البدقوا الأبواب ما كأنو بمرو عليك زي ما قال والي الخرطوم عبدالرحمن الخضر ما كنت عارف في رسوم نفايات في حين ان كان في نيابات لرسوم النفايات تسجن وتغرم قوله أدب فارغة حسه ده كل كوم هل سوف تفتح بلاغات في الجماعة ديل وترجعوا القروش للناس ام هنالك خطة جديدة لتقنين الفساد لانالشعب بدفع وخلاص اذا دعتك قدرتك علي ظلم الناس فلا تنسي قدرة الله وبلاش نبش الماضي وبلاش فضايح في بعض

[Salim]

#1314899 [جملجس]
5.00/5 (1 صوت)

08-04-2015 11:59 AM
الليله جاي من مكتب الضرائب ,,,
لاول مرة احس انو البلد دي ماشه لقدام ,,,

[جملجس]

ردود على جملجس
[الراجل] 08-04-2015 03:49 PM
تن تن تن بيت العروس وين قدام


#1314878 [الهرب من الوطن]
4.75/5 (4 صوت)

08-04-2015 11:46 AM
وجاي يعني داير تشتكي للشعب؟ ديل ما ناسكم البعوسوا في الاقتصاد!!

[الهرب من الوطن]

ردود على الهرب من الوطن
[Abu Omr] 08-04-2015 01:24 PM
كلامك صحيح الناس دي بتشتكي لمين ؟ المجرمين أمامهم وعارفنهم بالإسم
المستندات عندهم
والقانون عندهم
والمحققين ووكلاء النيابة عندهم
والشرطة عندهم
والمراجع العام عندهم
والنائب العام عندهم
رئيس البرلمان بقول في ناس بياكلوا ويدو الحكومة
بدرية سليمان بتقول شافت شوال قروش وهي شاهدت عيان
نائب الرئيس بقر بالفساد
والي الخرطوم الجديد بقول كل أراضي الولاية باعوها.
هاهو وزير المالية عارف المفسدين ومزوري الأرانيك المالية.
الناس دي فعلا بتشتكي للشعب والشعب نائم طبعاً



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة