الأخبار
أخبار إقليمية
بكري : بعد أورنيك 15 الإلكتروني (مافي زول بلقى عضة)
بكري : بعد أورنيك 15 الإلكتروني (مافي زول بلقى عضة)
بكري : بعد أورنيك 15 الإلكتروني (مافي زول بلقى عضة)


تجاوزنا الربيع العربي لانشغال الشباب بالتعدين الأهلي للذهب
08-04-2015 11:22 AM
الخرطوم : سعاد الخضر
أقر النائب الأول لرئيس الفريق بكري حسن صالح بتزايد ضغوط الحصار الأمريكي على البلاد بواسطة آلية مكتب السيطرة على الممتلكات الأجنبية المعروفة بـ( أوفاك ) .وأرجع تجاوز السودان للربيع العربي لانشغال الشباب بالتعدين الأهلي للذهب ، واعتبر ان التحصيل الالكتروني سيغلق الباب أمام المفسدين ونفى في المؤتمر الصحفي بمجلس الوزراء أمس دخول الرسوم التي أعلنتها وزارةالمالية و بلغت أكثرمن 36 الف رسم الى خزينة الدولة ، وقال: ليت تلك الرسوم ذهبت للحكومة ، وأضاف لكن بعد أن يذهب أورنيك 15 الورقي مزبلة التاريخ و (بعد أورنيك 15 الإلكتروني مافي زول بلقى ليهو عضة ) وتابع إن تضيق الخناق على الحكومة زاد من خلال آلية آوفاك بعد إتجاه الحكومة لإستخدام اليورو كبديل للدولار( لن يأتوا بحركة تمرد جديدة ولكن سيواصلون الضغوط على الحكومة عبر تلك الآلية) وكشف عن ان اللجنة المناط بها تشكيل مفوضية مكافحة الفساد سترفع تقريرها اليوم لرئاسة الجمهورية للبت في كيفية تشكيلها ووضع قانون خاص بها .
وأشار الى إن مهام مفوضية مكافحة الفساد تشمل التصدي للمحسوبية والفساد في العطاءات والقضايا التي يصعب إثباتها ، وقلل في الوقت ذاته مما يثار حول تفشي الفساد وفي رده على قضية الفساد رأى ان الحديث حول حجمها محل إختلاف وتابع ان الحديث حول تفشي الفساد بصورة كبيرة يحتاج لاثبات ، ونوه الى وجود أجهزة قضائية بجانب ديواني المراجعة القومي ، وديوان العدالة ، وقال : وبين هذا وذاك كل مايصل للدولة من قضايا فساد تبت فيه ، وتابع لولا التعدين الأهلي للذهب الذي شغل الكثير من شباب السودان،لما تجاوزنا الربيع العربي مؤكداً استمرار استراتجية تقسيم دول الربيع الى دويلات في اليمن والعراق، وأعلن النائب موافقته على مقترح تقدم به احد الصحفيين باستبدال العربات الحكومية ( برادو) بعربات جياد لدعم الصناعة الوطنية إلا انه عاد واستدرك قائلا الاقتراح وجيه ولكنه يحتاج لحملة اعلامية قوية .

الجريدة


تعليقات 40 | إهداء 0 | زيارات 10359

التعليقات
#1316153 [مجا هد]
0.00/5 (0 صوت)

08-06-2015 08:00 AM
ربنا ما يفقكم دنيا واخرة يظهر فى اولادكم لان شرتو الناس جوعتو الشعب

[مجا هد]

#1316009 [byd]
0.00/5 (0 صوت)

08-05-2015 10:52 PM
قبل كم شهر الرئيس قال كل المسئولين يركبوا عربة جياد بي واي دي . لكن الظاهر من كلام النائب انو القرار ما اتنفذ ولا حيتنفذ لانو قال الموضوع يحتاج لحملة قوية

[byd]

#1315856 [ايو جلمبو]
0.00/5 (0 صوت)

08-05-2015 05:22 PM
والله بكري يدي الواحد كف يفتل وشو
ياخي فيك يدين بس طالوش

[ايو جلمبو]

#1315835 [نص صديري]
0.00/5 (0 صوت)

08-05-2015 04:27 PM
البشير قال وفي خطاب مسجل واعتراف صريح :"تاني مافي واصلين"!! يعني قبل خطابه كانت في محسوبية مارسها هو شخصيا!!
الان نائبه المسطول بيقول : "مافي زول بلقى ليهو عضة بعد كده" يعني اعتراف صريح انو كانت اموال العامة تخمش في وضح النهار
ووزير المالية للمرة الثالثة يعترف نهارا جهارا بتفشي الفساد والرشوة حتى وصل الى اتهام وزارات اتحادية بالسرقة الصريحة

وبعــــــــــــــد ده كلــــــــوا شوفوا الناس دي عينا قوية كيف يقولوا ليك:
"وقلل في الوقت ذاته مما يثار حول تفشي الفساد وفي رده على قضية الفساد رأى ان الحديث حول حجمها محل إختلاف"!!!

بصراحة الناس دي اما انها لاتعرف خطورة حرمة المال العام او منحطين اخلاقيا او متخلفين ذهنيا
وفي كل هذه الحالات لايحتاجون الى ربيع عربي لكنسهم بل تصفيتهم فردا فردا بشتى السبل

[نص صديري]

#1315727 [ممغوص]
0.00/5 (0 صوت)

08-05-2015 01:07 PM
الاورنيك الالكتروني ده برضو بتلقوا ليهو طريقة

[ممغوص]

#1315648 [aldafari]
0.00/5 (0 صوت)

08-05-2015 11:31 AM
يا بلد دي هاست وجميع الوزراء مغيبين وما عارفين الحاصل شنو تحت مدراء الوزرات مغيبين الوزراء تماما والوزراء ما عارفين الحاصل شنو للمواطن ؟

فكيف تتطور الدولة اذا كان الوزراء والرئيس لا يدرون ما يحدث للمواطنين .

البلد ما عليها رقيب للاسف وادى ذلك لتدمير ممنهج للوطن اجمع فهل من مخرج؟

حتى الرئيس مغيب ولا يدري الحاصل شنو للمواطن البسيط؟

بالله انتم ناس وبشر يا حكومة؟

[aldafari]

#1315626 [SOS]
5.00/5 (2 صوت)

08-05-2015 10:55 AM
ههه والله نفسي اعرف سيجارتو دي نوعها شنو؟!

[SOS]

ردود على SOS
[ابو كديس] 08-05-2015 11:32 AM
سيجارة من النوع ابو كديس


#1315597 [bullet ant]
0.00/5 (0 صوت)

08-05-2015 10:18 AM
شوف يابنقو باشا قدراتك الذهنية لا توءهلك كي تفتي

[bullet ant]

#1315595 [ود الشريف]
5.00/5 (2 صوت)

08-05-2015 10:17 AM
الربيع العربي ده حق العرب اما انحنا امسك الخشب الكتاحة السودانية قادمة لتقتلعكم من جزوركم ياتو فساد العايز اثبات يا بكورى كدى راجع ملفات المدينة الرياضية وسد مروى والخطوط السودانية الجوية والبحرية والاراضى وكل ماتم بيعه من ممتلكات الدولة والمتحصلات فى المحلايات والولايات هو شنو ما فيهو فساد العميان يشوفو والاطرش يسمع بيهو انتو وين قاعدين ولا العمارات والفلل والقزاز المظلل خلاكم عايشين فى كوكب غير كوكبنا ليكم الله وشكيناكم لى الله ونسال الله ان يزيل الظلم والظالمين والفاسدين والمتاجرين بالدين امين امين امين

[ود الشريف]

ردود على ود الشريف
[ساهر] 08-05-2015 11:38 PM
البترول كمان ما تنسي


#1315545 [ابو محمد]
0.00/5 (0 صوت)

08-05-2015 09:08 AM
استعمال اورنيك 15 الالكترونى ضرورة ماسة لضبط جزء من ايرادات الدولة ولكن الكم الاكبر من الفساد والهدر الماليى ياتى من المعاملات الكبيرة كالمشتريات الخارجية والمحلية والاعفاءات واالاستغلال الشخصى لمقدرات الدولة وما
الي ذلك - ورينا شطارتك سعادة الوزير في هذا الثقب المالي المهول

[ابو محمد]

#1315544 [المشتهي الكمونية]
2.00/5 (1 صوت)

08-05-2015 09:07 AM
غايتو جنس عوارة ،،، البسمع كلام الزول دا يفتكروا واحد بتاع خدار ولا صاحب مطعم في السوق الشعبي ،،، يعضك كلب يقطعلك تلاليشك الكبار ديل.

[المشتهي الكمونية]

#1315517 [ٍSalah AL Deen P]
5.00/5 (1 صوت)

08-05-2015 08:39 AM
((وتابع ان الحديث حول تفشي الفساد بصورة كبيرة يحتاج لاثبات)
طيب قروش البترول من تاريخ انتاجوا حتى تاريخ استقلال الجنوب راحت وين!!! ليه ما في كشف يبين المعاملات واوجه الصرف ؟؟ ليه اصلا ما في شفافية في قروش البترول دا؟
دا زاتووو ما فساد!! كون الناس ما تعرف اي شيء عن البترول .. الناس تعرف بس انو قروش البترول كانت مليارات كتيرة!!!

[ٍSalah AL Deen P]

#1315481 [K. Amear]
0.00/5 (0 صوت)

08-05-2015 07:59 AM
ناسكم اعضوا العقرب في شوكته

[K. Amear]

#1315423 [عتمني]
0.00/5 (0 صوت)

08-05-2015 06:56 AM
الرئيس قال لا توجد ثورات ربيع عربى لاننا عايشين الربيع من عام89 والنائب قال تجاوزنا الربيع العربى لان الشباب مشغولين بالذهب فمن نصدق؟

[عتمني]

#1315386 [الدبابي]
0.00/5 (0 صوت)

08-05-2015 02:51 AM
حقو يا سيد بكري صالح تشيل لينا ابو جعبة دا برا لانه اثبت انه زي ما قلت اختنا الجنوبية .....

[الدبابي]

#1315368 [عاشق اللمبي السوداني]
5.00/5 (1 صوت)

08-05-2015 01:08 AM
يعضيك عبد الرحيم محمد حسين يودوك مركز الكلاكلة الصحي ما يلقوا فيو حُقن سعر يا مسطول يا سكران يا حيران

[عاشق اللمبي السوداني]

#1315274 [جقددول]
5.00/5 (1 صوت)

08-04-2015 08:35 PM
(بعد أورنيك 15 الإلكتروني مافي زول بلقى ليهو عضة )


حكومة تعترف وعلى لسان أكبر مسؤول فيها بان منسوبيها حرامية طيب القاعدين ليها شنو
طالما اعترفتوا بعضمة لسانكم بأنكم مجموعة من اللصوص والحرامية
حكومة المؤتمر العفني وصلت مرحلة ليس بعدها الا الهاوية من الاطمئنان ومن انها غير مقدور عليها ولن يستطيع احد اقتلاعها لذلك هي تعترف بالفساد ليس لاصلاح حالها والتوقف عن السرقه بل لدعك انف هذا الشعب في التراب واذلاله بان يقول هذا اللي مايختشي نحن حرامية وبرضو حاكمنكم اها تاني في شنو
والله دي قوة عين عجيبة

[جقددول]

#1315193 [ماريا]
5.00/5 (2 صوت)

08-04-2015 05:58 PM
أكبر عربيد بالكلاكلة الوحدة عرقي و بنقو ويشهد ابناء الكلالكةالوحدة بذلك والله علي ما اقول شهيد .

[ماريا]

ردود على ماريا
European Union [ستهم] 08-05-2015 09:47 AM
وإنتي كنتي ست العرقي يا ماري ولا شنو؟؟؟؟


#1315125 [ابوماجد]
5.00/5 (2 صوت)

08-04-2015 04:17 PM
يعنى السنين الفاتت دى كلها كنت بتعضضو لحدى ما سنونكم اصبح لونها اصفر لكن العضة بعشرة امثالها شدو حيلكم.

[ابوماجد]

#1315116 [SESE]
0.00/5 (0 صوت)

08-04-2015 04:02 PM
يلمها النمل ويوطاها الفيل.....

اورنيك 15 الالكتروني كما يدعون هو عن نموذج إلالكتروني يطبع على ورق A4 وتسلم نسخه منه لدافع الرسوم اذن فإذا اعتبرنا تمام تحصيل الرسوم الحكومية الواجبة على الناس فما يدرينا ان تلك المبالغ المحصلة ستذهب الى خزينة الدولة بالتمام والكمال لتصرف بعد ذلك على اوجه الصرف الصحيحة......

[SESE]

#1315110 [احمد]
4.75/5 (3 صوت)

08-04-2015 03:50 PM
ذهبت لاستخراج كرت سفر دفعت 80 جنيه ادونى بيهم اورنيك 15 الكترونى ودفعت 25 جنيه ما ادونى اى ورقة لا الكترونى ولا حتى ورقة مختومة. مشيت لتجديد جواز شالو منى 82 جنيه ما ادونى اى ورقة وتم تجديد الجواز.
السرقة والحرامية فى البلد دى ما بتنتهى حتى مارس. ولمارس قصة عندما قالت لنا بت الدود بلدكم دى ما بتتطور حتى مارس ولم تحدد مارس بعينه ويأتى مارس بعد مارس فى كل سنة وتزداد البلد تخلفا.

[احمد]

ردود على احمد
[المغبون] 08-04-2015 05:14 PM
صدقت يا احمد ونسبة لانو البلد مامعروف من يحكمها لاتستطيع انت ولا غيرك صاحب (الغرض المستعجل) ان يطالب بحقه لان نفسه من يتعامل معك هو احد حكام البلد وممكن يعرقل ليك موضوعك ولا احد يستطيع ان ينقذك منه إلا بعد فوات الفوات لذلك اغلب الناس مسلمة اموره ومقتنعه بما يحصل لانها لاتستطيع ان تغيره ولو حاولت . لمن تشتكى كل واحد فيهم فرد فى العصابة الشكوى لله وحده الناس تشتكى من عصابة النيقرز وديل اخطر منها ربنا المستعان ونسأله ان يخلصنا من هذا العذاب .


#1315088 [ود ابراهيم]
0.00/5 (0 صوت)

08-04-2015 03:36 PM
ابو سطلة

[ود ابراهيم]

#1315051 [ود احمد]
0.00/5 (0 صوت)

08-04-2015 02:44 PM
التعدين الاهلي عن الذهب شغل الشباب هذا يعني اعتراف صريح بان اسباب الثورة موجودة وهو كما اشار الفساد والمحسوبية وهو متناغض طيب اذا فرضنا مافي فساد لماذا اتيتم بالتحصيل الالكتروني ومرة يقول ياليت الفلوس دخلت للحكومة طيب انت وصاحبك البشير ماذا تنتظرون اموال السعب تنهب وانتم تتفرجون والله ثم والله ثم يحاسبكم الله على هذه الجرايم وخط هثرو الذي بيع ولم يعرف من الذي قبض الثمن بثمنه كان نزيد عدد الطائرات
والله عرفت الان لماذا السودان في انحدار؟ لانه يجكم البلد امثال هؤلاء الرعاء الذين ليس لديهم المعرفة بفن التخاطب ناهيك هن ادلرة بلد يقول خمس جمل وكل جملة تناغض الاخري فمالكم كيف تحكمون ولكم من الله ما تستحقون

[ود احمد]

#1315039 [فكرى]
5.00/5 (2 صوت)

08-04-2015 02:33 PM
مبروك .. صنف نضيف وبنسيك مسؤولياتك بس اليومين دى قلل منو لأنوا ناس جبل عامر رجعوا وأخبار السافل مابتسر ..

[فكرى]

#1315014 [جمال علي]
4.75/5 (3 صوت)

08-04-2015 02:09 PM
ما بلقي عضة!!
هسة دة إسلوب رجل مسئول؟!
معارضو نميري كانوا يؤلفون عنه النكت لينفسوا عما بهم, مثل نكتة المعلم علي حسن سلوكة.
قيل أن نميري أخطأ أثناء قراءته لخطابه في عيد العلم و قال : نشكر المعلم علي حسن سلوكة, بدل من :نشكر المعلم علي حسن سلوكه!
لكن الحق يقال أن الرجل كان مفوهاً و كان يرتجل الكلام.
أما الآن فأتي علينا زمان أخذ يرمي الكل الدراب رمياً. لك أن تلقي نظرة إلي لغة الصحف لتقف علي المستوي.

[جمال علي]

ردود على جمال علي
[حامد] 08-05-2015 09:34 AM
اقتباس: (و قال: نشكر المعلم علي حسن سلوكة, بدل من: نشكر المعلم علي حسن سلوكه!) اقتباس ثاني: (أما الآن فأتي علينا زمان أخذ يرمي الكل الدراب رمياً. لك أن تلقي نظرة إلي لغة الصحف لتقف علي المستوي). صدق القال: الجمل ما شايف عوجة رقبتو... يعني إنت العامل فيها برف عبد الله الطيب ما عارف الفرق بين الياء المنقلبة (ي) والألف المنقلبة(ى)عاين الكيبورد عشان تعرف يعاينوك إن شاء الله ...


#1315010 [شمام]
5.00/5 (1 صوت)

08-04-2015 02:08 PM
عضـــــــــــــــــة ........ والله كويس

[شمام]

#1314999 [محمد الحسن]
5.00/5 (2 صوت)

08-04-2015 01:51 PM
صراحة سيارة البرادو لا تصنف فارهة في اي دولة بالعالم
ولكن اتفهم ظروف السودان التي تجعلها كذلك
وقيمة البرادو الصغيرة ال4 سيلندر قريب من الكامري او الاكورد
الجمارك و ظروف الناس ومعيشتها تجعلانها كذلك

ولكن هي سياره عملية واقتصادية جدا جدا ومناسبه للسودان
وحتما افضل من الكوري والصيني لقلة صيانتها ورخص اسبيراتها وقلة استهلاكها للوقود .

[محمد الحسن]

#1314988 [ابو ابراهيم]
0.00/5 (0 صوت)

08-04-2015 01:38 PM
واللقي عضة سويتو ليه شنو اقول ليك ولا انت عارف براك مش في تحلل وانحلال

[ابو ابراهيم]

#1314963 [Abdo]
0.00/5 (0 صوت)

08-04-2015 01:18 PM
يعني أسباب الربيع العربي متوفرة بس إنشغال الشباب بالتعدين هو سبب عدم قيامه في السودان ، عجب عجيب

[Abdo]

#1314954 [Salim]
0.00/5 (0 صوت)

08-04-2015 01:07 PM
الدهاب خنقتوهم في الخلاء لذلك إبقو عشرة راجعين الحلة ويشوفو الحصول شنو في غيابهم وبعدينك تقوموا تقولوا ليهم معليش ارجعو الدهب مافي زول يسألكم تاني لكن بكونغو خلاص ما فارقة معاهم وتحصل الفوض في البلا ده مخطط الحكومة لكن ما بتدي شاطر طوالي وغلطة الشاطر ب الف غلطة خففو علي الناس ارحموا الناس يرحمكم الله خففوا الجبايات علي الناس خلو الناس تعيش شوية وكافي زول مزاحمكم في الفينه انتو

[Salim]

#1314942 [radar]
0.00/5 (0 صوت)

08-04-2015 12:51 PM
يا الله أي حملة إعلامية تتحدث عنها. المطلوب قرار منك انت تحديدا لأن السمعناه عنك انك بتكفت كمان. ثانيا كيف تقول أن التعدين هو الذي انقذكم من الربيع يا للعار يعني كان ممكن تروحو فيها وكيف تتمنى لو أن هذه الرسوم دخلت لخزينة البلد وأنت في يدك القرار الآن أن تبحث عنها حتى بأثر رجعي ومرة أخرى تكرر نفس كلام البشير أنه ما في فساد في تناقض بين مع كلامك وهو أن هناك مفوضية للفاسد يتم تكوينها طيب لماذ ا تكونون مفوضية لمرض أصلا غير موجود بعضمة لسان الرئيس ونائبيه. فضوها سيرة عن الفساد - خلاص مفيش فساد

[radar]

#1314926 [التلب]
4.50/5 (2 صوت)

08-04-2015 12:22 PM
والله الزول ده تمام بيسطل ﻻنو كلمة عضه دى يتداولها السكارى والمساطيل .. الواحد يقول ليك لو ماحضرت العضه ماب الفها او ماب شرب !!

[التلب]

#1314921 [دنقلاوي اصوله مصرية]
5.00/5 (2 صوت)

08-04-2015 12:17 PM
طيب حملة السلاح ديل حتتجاوزوهم كيف, اخبرنا يا من جعله تعاطي البنقو فيلسوفاً

[دنقلاوي اصوله مصرية]

#1314904 [الوجيه]
5.00/5 (1 صوت)

08-04-2015 12:01 PM
((((الاقتراح وجيه ولكنه يحتاج لحملة اعلامية قوية ....!)))

يعني ماعندك اي سلطه!!!!!
ومن قوله تيت عايز تستعين بالاعلام؟
عشان يحنس سادتك الكيزان يتخلو عن البرادو؟
كان ما الدنيا بت كلب الزيك دا حارس بوابه ماينفه
متخلف وبليد وخائن

[الوجيه]

#1314902 [جنو منو]
5.00/5 (1 صوت)

08-04-2015 12:01 PM
يعضك كلب سنونو صفر حلب الناقه فى الشنقاقه ..!!

[جنو منو]

#1314901 [الداندورمي.]
5.00/5 (6 صوت)

08-04-2015 11:59 AM
والله حراميتكم ديل،،،يعضوا الكمبيوتر ذااااااااااااااتو.

[الداندورمي.]

ردود على الداندورمي.
[أب راسن غليد] 08-04-2015 02:21 PM
يا زول شكيتك على الله ....... مالك عايز تكتلنا بالضحك هههههههههههههههههههههه


#1314884 [Tarig Amman]
5.00/5 (3 صوت)

08-04-2015 11:50 AM
ما يلقى عضة !!! يعضوك فى قفاك الماكن ده

[Tarig Amman]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة