الأخبار
أخبار إقليمية
بكري حسن صالح : نملك طائرة واحدة و170 موظف
بكري حسن صالح : نملك طائرة واحدة و170 موظف
بكري حسن صالح  : نملك طائرة واحدة و170 موظف


الخطوط البحرية لم نستقرعلى بيعها أو خصخصتها
08-04-2015 11:06 AM
الخرطوم : سعاد
رفض النائب الأول لرئيس الجمهورية بكري حسن صالح شطب البلاغات المدونة ضد قيادات الجبهة الثورية والحركات المسلحة أو منحهم عفو رئاسي ورهنه بالتوصل لاتفاق سياسي بعد مشاركتهم في الحوار بالداخل وتعهد في الوقت ذاته بتجميد السلطات للبلاغات المدونة ضد رئيس الجبهة الثورية مالك عقار وياسر عرمان بجانب قيادات الحركات الأخرى ، وأكد بكري التزام الحكومة بتوفير الضمانات اللازمة لقيادات الثورية والحركات ، وقال: سيكون هذا بمثابة التزام سياسي واخلاقي .واقر بأن فرض الرسوم يفرض قيود على تنفيذ العدالة، وقال :إن الرسوم التي تفرض لمعرفة شهادة التسنين في حالة الأحداث أو الرسوم المفروضة على تشريح (الجثث) تؤثر على سير العدالة بالنسبة للمواطنين الذين لايمتلكون الرسوم وتابع لو ماعندك رسوم ما بتاخد حقك كامل.
وكشف عن إنحراف كبير في تنفيذ الإسترتيجية القومية ونوه الى أن بعض تقارير أداء الولايات مضللة وقال تعطيك إنطباع أن العدل منبسط ،وأن على عمر أن ينام تحت أي شجرة ، ولم يستبعد اعادة هيكلة سودانير، وقال: لا يمكن ان نملك طائرة واحدة و170 موظف. ووصف ذلك بالأمر غير الإقتصادي ، فيما لم يقطع بمصير الخطوط البحرية السودانية وقال لم نستقر حتى الآن على بيعها أوخصخصتها واضاف نتحسب للسيادة الوطنية وسنعمل على زيادة عدد النواقل البحرية .

الجريدة


تعليقات 43 | إهداء 0 | زيارات 16840

التعليقات
#1316056 [ابن السودان البار]
3.00/5 (1 صوت)

08-06-2015 01:10 AM
عادل إمام بيقول ليك: وفرحان يا خويا اوي ؟؟؟ عالم ماتختاشيش ؟؟؟

[ابن السودان البار]

#1316019 [الداندورمي.]
0.00/5 (0 صوت)

08-05-2015 11:11 PM
ريا،،،وسكينه.

[الداندورمي.]

#1315902 [الدبابي]
5.00/5 (1 صوت)

08-05-2015 06:21 PM
عاوزين الفريق بكري صالح يبقا رئيس يا جماعة

[الدبابي]

#1315846 [Mohammed Ahmed Mustafa]
0.00/5 (0 صوت)

08-05-2015 04:52 PM
وأكد بكري التزام الحكومة بتوفير الضمانات اللازمة لقيادات الثورية والحركات

It is just a media talk. We have been hearing such talk since 1989 with no action. It is just like Indian movie, you know what will come first, the knot and the happy ending

[Mohammed Ahmed Mustafa]

#1315828 [ابكرونا]
0.00/5 (0 صوت)

08-05-2015 04:22 PM
كتب الدكتور هاشم عثمان: للمقارنة: .. موضوع المغتربين..الذى فشل السودان بامتياز.. وعلى مدى عقود فى استثماره.. حينما كان التأهيل العالى للسودانيين..وتخلف دول الخليج مصدر ثروة للسودانين.. البنك المركزى الاثيوبى أعلن قبل شهرين أن تحويلات المغتربين الاثيوبيين تجاوزت لأول مره.. اجمالى صادرات إثيوبيا..!! والبالغة حاليا ما يقارب 5 مليار دولار سنويا..؟؟ طبعا الكلام دا ماحصل بالصدفه..أو لانو الاثيوبيين أكثر وطنيه مننا.. ولكن نتيجة لسياسات مدروسه: 1- اى اثيوبى/إثيوبية تحول 50 الف دولار تحصل على قطعة أرض سكنيه أو تجارية مجانا..من الدولة.. 2- أو يتم ادخاله/إدخالها فى نظام الإسكان التى تنفذه الحكومة فى اديس ابابا و8 مدن أخرى.. وهى مجمعات سكنية ضخمة تستهدف 3 شرائح من السكان الضعيفة والمتوسطة الدنيا والمتوسطة العليا.. بمقدم يتراوح ما بين 10 ال40 % من التكلفة.. وتسهيلات تصل إلى 20 سنه.. ممولة من البنك التجارى المملوك للدولة.. وزراعها المالى فى تنفيذ خططها الاجتماعية غير الربحية.. 3-اى اثيوبى يحصل على شهادة جامعية فيما فوق من أمريكا أو أوروبا ويرجع يستقر فى بلده..يمنح قطعة أرض فى حدود 50 الف دولار مجانا من الدولة! 4-هل تصدقو انو إثيوبيا..ما عندها جهاز للمغتربين..وإنما إدارة يرأسها سفير فى وزارة الخارجية.. -5 وهل تصدقو انو المغتربين ما بدفعو اى ضرائب للدولة.. 6-وهل تصدقو لما السعودية أبعدت المخالفين للإقامة فى مارس2024.. الخطوط الأثيوبية سيرت 22 رحلة يومية لترحيل 134 الف اثيوبى مجانا.. كان يستقبلهم فى المطار وزير الخارجية..أو مندوب عن الوزارة.. ونصبت الحكومة خيام حول المطار بالتعاون مع منظمة الهجرة الدولية والصليب الأحمر ومنظمة اليونيسف لاستقبال العائدين وترحيلهم إلى قراهم.. 7- وهل تصدقو أن إحصائيات البنك المركزى الاثيوبى تفيد بأن معدل تحويلات الاثيوبيين من السودان فقط 5 مليون دولار شهريا.. مع أن غالبيتهم العظمى من الفاقد التربوى وفقراء المدن والريف..!!!

[ابكرونا]

#1315736 [عشا البايتات]
5.00/5 (1 صوت)

08-05-2015 01:17 PM
أنت نفسك يا بكري ما جدير بشغل هذا المنصب لانك ببساطة ما عارف حاجة ولا حتى صديقك البشيير انتم فقط عساكر تسلطوا على البلاد بقوة السلاح ومازال الدمار والخراب مباري السودان من يوم ما جيتوا بنقلابكم الاسود ، قال طائرة واحدة قال هو انت خليتوا شنو دا حتى الهواء النقي نقص من يوم ما طليتوا على السودان .

[عشا البايتات]

#1315725 [المشتهي الكمونية]
4.75/5 (3 صوت)

08-05-2015 01:05 PM
وطيب مالها طيارة واحدة و170 موظف ، ما لإنتو عندكم حكومة واحدة و3000 دستوي يحلبوا في خيرات البلد ويكبوا في كروشهم؟ ساعدنا بي سكاتك يا عوير يا تنبل

[المشتهي الكمونية]

#1315707 [عبدالله احمد محمد]
2.00/5 (1 صوت)

08-05-2015 12:38 PM
ما دا سبب تاخرنا والعشرات منهم تعيين ارضاء وولاء وعلى المتمردين ان يكونوا صادقين مع انفسهم ونبذ اغراءات اعداء السودان للجلوس الى طاولة المفاوضات رافة باهليهم ومناطق التى دكتها وخربتها ودمرتها الحرب اتقوا الله فى عباده واجلسوا مع بعضكم البعض والحل ياتى من الخارج مهما اعد لكم من وعود هؤلاء تجار قضية وتجار سلاح ولا يهم ان ترموا باهليكم فى العراء او الفقر المقع كل ينظر الى مصلحته ولن ترضى عنك اليهود ولا النصارى حتى تتبع ملتهم

[عبدالله احمد محمد]

#1315611 [ابن السودان البار]
0.00/5 (0 صوت)

08-05-2015 10:31 AM
الحل الأنسب والمقنع للجميع أن تحيل للمعاش 160 منهم و10 عدد مناسب واقتصادي لطائرة واحدة وإذا توقفت هذه الواحدة تحيل للمعاش ال10 الفضلو ويكون دا الحل الأنسب والمقنع للجميع ؟؟؟ ويا اخوانا ما تقارنونا مع دولة إثيوبيا الفتية !!! نحن ما عندنا امكانيات زيهم ديل عندهم حكومة رجال وطنية ؟؟؟ ديل طالبين 30 طائرة بوينج دريم لاينر ليصبح اسطولهم أكبر أسطول طايرات تجارية في أفريقيا ؟؟؟ ونحن ناس حكومتنا ما زي الاثيوبيين لأنهم مسقرطين فوزير خارجيتنا الهمام بدل ما يناقش وزيرة خارجية موريتانيا ( الناها) في القضايا المشتركة اتغزل فيها وكتب فيها قصيدة عصماء ؟؟؟ وطيب ما البشير واحد وعنده مرتين فما معقول يا جماعة 170 يكون عندهم واحدة وكمان قديمة وشينة ؟؟؟ والحل في يد الثوار؟

[ابن السودان البار]

#1315602 [مدحت عروة]
3.00/5 (1 صوت)

08-05-2015 10:19 AM
طيب مادام الوضع بهذه الدرجة من السوء فانى اطالب الحركة الاسلاموية وخاصة حسن الترابى بعمل انقلاب مسلح يقوده عمر البشير لانقاذ السودان من هذا الوضع !!!
انتو مش حاكمانا الديمقراطية بقيادة الصادق المهدى من ابريل 1986 ولحد هسع ولا انا نايم وصحيب يادوب وما جايب خبر؟؟؟
كسرة: ام بريجنيف القائد الشيوعى جات من الريف وقعد برجنيف يفرجها فى سياراته ومنتجعاته وقصوره وهى مهمومة ولم تنطق بكلمة اعجاب واحدة فلما سالها لماذا لم تبد اى اعجاب وسرور لما وصل اليه ابنها من نعمة اجابته بانها خايفة عليه اذا استلم الشيوعيين الحكم !!!!!!!!!
كسرة تانية:الحركة الاسلاموية السودانية هى القذارة والفساد والعهر والدعارة السياسية تمشى على قدمين اثنين والله على ما اقول شهيد!!!!

[مدحت عروة]

#1315600 [الكردفاني العدييييييييييييييييييييييييييييييييييييييل]
0.00/5 (0 صوت)

08-05-2015 10:18 AM
الراجنكم .......... راجين ...... ماء السراب .......

[الكردفاني العدييييييييييييييييييييييييييييييييييييييل]

#1315527 [observor]
4.00/5 (2 صوت)

08-05-2015 08:54 AM
يا أيها االكيزان اصحاب المشروع الحضاري ألا تتقون الله سبحانه - بعد ما يقارب الثلاثين سنه من وجودكم في كرسي الحكم وتطبيقكم المطلق للعداله العمريه والاسلام المحمدي ونهوضكم بالمشاريع الحضاريه التنمويه العملاقه حسب زعمكم واعلامكم بعد الجعجعه دي كولها تفاجئون الشعب السوداني بأن أسطول الخطوط الجويه السودانيه هو عباره عن طائره واحده؟ وقس على هذا باقي مؤسسات الدوله كما لا يخفى على احد... أين مشروعكم الحضاري ايها الكيزان ؟ ردوا ... لابسين الجزم العجيبه دي التقول ضاربكم ظــار ....

[observor]

#1315436 [ود يوسف]
3.00/5 (1 صوت)

08-05-2015 07:31 AM
والرسوم البتعيق العدالة دي الفرضها منو ؟؟؟ وإنت عملت شنو عشان تلغيها ما دام عارف أنه الماعندو الرسوم ما بلقى حقو ؟؟؟ وبتشتكي لمنو ؟؟؟ ولا هو كلام والسلام ، يعني عامل فيها بتحس بهموم الشعب يا منافق ...

[ود يوسف]

#1315348 [عادل الزعيم]
5.00/5 (1 صوت)

08-04-2015 11:43 PM
اذا بعنا الطىاره و فصلنا الموظفين تكون العمليه مجديه اقتصاديا

[عادل الزعيم]

ردود على عادل الزعيم
[الدنقلاوي] 08-05-2015 09:25 AM
أعتقد أن الخطة/النظرية الاقتصادية دي تنطبق على البلد كله مش الخطوط الجوية قثط


#1315325 [hassan]
5.00/5 (3 صوت)

08-04-2015 10:15 PM
شنو حكاية بكوري الطالع في الكفر متاخر

[hassan]

#1315303 [عصام]
5.00/5 (1 صوت)

08-04-2015 09:22 PM
طيارة واحدة....
طيب سمعنا ان جمال الوالى عنده طيارة خاصة
ويسعى لطيارة خاصة اخرى لنادى المريخ
بمعنى اخر ان الوالى عدد طياراته اكثر من سودانير..
لكن السودانيين هم من جنوا على نفسهم برضاؤهم بهؤلاء العصابة الكبزانية

[عصام]

#1315252 [محمد أحمد]
4.50/5 (4 صوت)

08-04-2015 08:03 PM
يا ايها العربيد ( عربيد الكلالكة الوحدة ) الله يحرقك دنيا وآخرة
لعنة الله عليك وعلي حسن الترابي و علي عثمان ...........

[محمد أحمد]

ردود على محمد أحمد
[dakeen] 08-05-2015 07:45 AM
الله يلعنهم جميعا و على وجه الخصوص زعيمهم الثعلب المكار الترابي الذي اورد البلد مورد الهلاك لكن نقول الغلط مننا كشعن لم نقاوم ةذا الطغيان و لم نستثمر هبة سبتمبر كان المفروض عندما يقتل المتظاهرون ان تزداد قوة الظاهرة لا أن تتوقف نرجو ان ينبع من الشعب افراد لديهم دراية بالسياسة قيادة المظاهرات التي ترمي لتحقيق الحق و رفعة شأن البلد وتخليصه من الطغمة الفاسدة و انصار الترابي و ارساء دعائم الحكم الوطني لحفظ البلاد و تنميتها حيث وهبنا الله كل شيئ يساعد على تنمية البلاد ما عدا العقل و التفكير و الارهدة


#1315244 [سلام يا بلادي]
0.00/5 (0 صوت)

08-04-2015 07:52 PM
ان اكثر ما لفت نظرى هو احتمالية اعادة هيكلة شركة سوانيير طيب حلو والاسئلة هى لماذ الانتظار طوال الفترة الماضية؟ ولماذا لم يتم اجراء اعادة الهيكلة منذ وقت مبكر ؟ الا يوجد مراجع داخلى للشركة ؟ الا يوجد مراجع خارجي ؟!!! كثر الكلام منذ وقت طويل عن شركة سوانيير وسوء خدماتها وعدم تطورها دليل علن ان هناك خلل ما اذا من الضرورى جدا اعادة هيكلتها بالكامل بمعنى اعادة هيكلة جميع الاصول والموارد البشرية بدءا من مجلس الادارة والمدير العام والموظفين ومراجعة اللائحة المالية للشركة وانظمة المشتريات والمبيعات وكافة الانظمة الرقابية ...الخ . طائرة واحدة مقابل 170 موظف والله ده فضيحة كبرى وقبل اتخاذ اى اجراء لابد من الحصول على تقرير واضح وسليم من مراجع خارجى مستقل ومحايد عن الوضع المالي للشركة ومن ثم تحديد من المسئولين عن تردى الحال بهذه الشركة الوطنية ثم من بعد ذلك تتم عملية اعادة الهيكلة الشاملة بحيث تستطع الشركة تفادى الخسائر ثم تحقيق التوازن المطلوب ثم بدء الانطلاق نحو تحقيق الارباح ذات الجدوي حتى تتحول لشركة عملاقة .

[سلام يا بلادي]

#1315202 [abu saleh]
0.00/5 (0 صوت)

08-04-2015 06:13 PM
اسطولناتك المشروخه مللناها. اخزاك الله يوم كذبك ابن الاطرش ليرد كلامك الى نحرك .

[abu saleh]

#1315160 [mohammed Ahmed]
5.00/5 (1 صوت)

08-04-2015 05:04 PM
الشعب الذى يجيد الثرثرة لا ينفع معه الا عسكرى زى بكرى دا لان الناس البتفهم يصعب عليها حكم السودان

[mohammed Ahmed]

ردود على mohammed Ahmed
[امحمد احمد الغلبان] 08-05-2015 12:07 PM
من هو بكري وماذا انجز؟ حراسه النظام؟؟؟؟
وماذا يستطيع بكري ان يقدم في ظل انهيار تام
والشعب من حوله الى مثرثر حين اغلقتم كل الابواب امامه؟

كل القصة انو لم يعد هناك مايسرق
وان التغيير قادم
ونو الكيزان بيحالو يلمو نفسهم من جديد لانو حانت لحظه الحساب المر
لن ينفعهم الترابي. ولا الحوار، ولاسفر البشير للعواصم
الله يمهل ولايهمل


#1315156 [محمود الجد]
4.00/5 (1 صوت)

08-04-2015 04:57 PM
من أحق بالمحاكمة و من أحق أن يجرجر إلى القضاء بسبب إرتكابة جرائم إبادة جماعية و إغتصاب جماعي وقتل مع سبق الإصرار والترصد ( بطلقة في الرأس ) لطلاب في مظاهرات سلمية في سبتمبر الأسود، جريمة تخريب مشروع الجزيرة و تخريب سودانير التي كانت تملك 5 طائرات فوكرجديد للخطوط الداخلية ز و 2 بوينج صالحة للإستخدام و أخرى رئاسبة ، جريمة تخريب الخطوط البحرية وبيع 14 سفينة سودانية ، و جريمة فصل السودان لوحدها تبقى لعنة لهم إلى يوم القيامة . أنهم لا يريدون السلام ولهذا يضعون العراقيل بمثل كلام هذا المسطول ، السلام يعني الإستقرار و الإستقرار يعني حكم القانون والقانون المستقل سيعلق كل هؤلاء المجرمين في المشانق و لهذا لن يكون هناك سلام ما دام هؤلاء المجرمين يتمسكون بالسلطة ، ما عندنا ربيع في السودان كما عند الدول العربية ولكن عندنا خريف ، سيول جارفة من تحت و كتاحة كانسة من فوق ومصيركم يا بكري في واحدة من الأثنين .

[محمود الجد]

#1315123 [adil a omer]
0.00/5 (0 صوت)

08-04-2015 04:13 PM
البركه فى الحمير والدرداقات

[adil a omer]

#1315105 [لفافات الصبر]
4.88/5 (5 صوت)

08-04-2015 03:49 PM
بالله ما بتخجل دولة تملك طائرة واحدة الامارات عندها 240 طائرة بمخزن لقطع غياراتها فيهو كل ما يخص الطائرة

[لفافات الصبر]

#1315077 [Nanao]
5.00/5 (1 صوت)

08-04-2015 03:24 PM
He is right 100% regarding Sudan airways , this company needs completely restructure and new strategy , the company is in Re- startup Model and this good opportunity to revamp things

[Nanao]

#1315066 [جنرال زمان]
5.00/5 (1 صوت)

08-04-2015 03:07 PM
مفروض تتبادلوا الجزم إنت وبشة عشان القشرة تكون ظابطة

[جنرال زمان]

ردود على جنرال زمان
[abushihab] 08-04-2015 06:30 PM
يا راجل.........واحد مقاسو 47 والتاني41 شن لم القمري مع السمبر.


#1315063 [غايتو]
5.00/5 (4 صوت)

08-04-2015 03:04 PM
نعم ربما طائرة واحدة إلا أن عدد الموظفين يبدو لى أكثر من ذلك بكثير . كم عدد المحطات وكم عدد الموظفين فى محطات كل من الرياض وجدة والقاهرة و ؟.... مثلا .

للمقارنة ماهو تاريخ انشاء الخطوط الجوية السودانية وماهو تاريخ انشاء الخطوط الاثيوبية ؟
من مجلة الخطوط الاثيوبية ( لا مجلة لخطوطنا ) عدد طائراتهم على ما أذكر 78 طائرة تقريبا منها 60طائرة بوينج بموديلاتها المختلفة و18 طائرة تقريبا لنوعية أخرى .
أما من الشاشة أمام الراكب فالعدد أكثر من ذلك لتعاقدهم على شراءطائرات أخرى لم تدخل الخدمة بعد...
أما عن الخدمة فلا مجال للمقارنة بين مطار الخرطوم ومطار أديس من حيث المساحة والصالات والآليات والنظافة والتعامل .
أما عن الرحلات فالاثيوبية لجميع أنحاء العالم وخاصة خط الترانزيت لغرب افريقيا وجنوب افريقيا ... والعمرة والحج .
ومازال الأستاذ جبرة يبكى على خط هيثرو ... ماذا عن خط غرب أفريقيا وجنوبها ... هل تعلم أن كل الطلاب الأفارقة بجامعة أفريقيا العالمية والجامعات السودانية الأخرى يصلون ويغادرون على الخطوط الاثيوبية وكذلك حجاج ومعتمرى غرب افريقيا ....
تحية للشقيقة أثيوبيا ولرجالها المخلصين غير الفاسدين ...

[غايتو]

ردود على غايتو
[abushihab] 08-04-2015 06:34 PM
لهم التحية.تأسست الخطوط الا ثيوبية والسودانية عام 1947م.


#1315054 [الـــســــيـــف الــبـــتــــــــار]
4.50/5 (5 صوت)

08-04-2015 02:52 PM
أنها سخرية القدر أن يتقلد امثالك منصبا رفيعا و يمتلك الحق فى أتخاذ القرار ؟
فى حين أن من هاجر قسرا تاركا الوطن مرغما و حفاظا على رويحته من أن تزهق و يسفك دمه نهارا جهارا ؟
لقد كانوا خير سفراء لوطنهم و يمتلكون من الخبرات التراكميه و العقليه المنفنحه التى كانت عونا لهم فى تقلد مناصب رفيعه فى دول كثيرة وفرت لهم الحياة الكريمه و الحماية و الرعاية لاسرهم و التعليم لفلذات كبادهم حتى الجامعى متاح لهم ؟
قلى بربك يا يكورى ما هو مؤهلك و قدراتك الذهنيه التى تؤهلك لمنصب نائب رئيس ؟
ليس الطول مقياسا بل هو من ضمن الشروط المطلوبه للالتحاق بالقوات المسلحه و كان لك ذلك و احد افراد سلاح المظلات اسما و لا نمتلك الا عدد من الطائرات العتيقه و التى احيلت الى التقاعد ولم يكن هناك تحديث او تجديد لاسطولنا الجوى الا ببقايا طويرات روسيه تتساقط من تلقاء نفسها ؟
أذا لم تخنك ذاكرتك الخربه التى اتلحست بالكرت او الكرتين لتحسفت و بكيت على ما ما اصابنا من انهيار و دمار لكل البنيه التحتيه و الخطوط الجوية السودانيه التى كانت تجوب العالم شرقا و غربا و جنويا وشمالا و تنقل حجيج غرب افريقيا الى الاراضى المقدسه و هى الناقل الوحيد فى افريقيا نهبط فى ارقى المطارات فى اوربا و هيثرو احداها ؟
الناقل البحرى مشهود له فى العالم و لكن بفضل سياستكم اصبح خبرا وحكاوى يتناقلها الرواد الاوائل الذين اسسوا لها و بنوا اسطولا بحريا يجوب البحار و ينقل صادراتنا الى دول العالم ؟
لن يكون هناك حوارا من اصله و ما هى الا تدليس و تخدير و محاولة لجذب المعارضة الى الداخل من أجل الحوار و بضمانات وهميه و كما حدث للاحزاب المعارضة و التجمع الوطنى وبعد أن حضروا احكمتم الحصار و منعتوهم من السفر و اقامة الندوات و الاجتماعات و كل ما يؤدى الى اقتلاع النظام من جزوره ؟
لن يطول بكم البقاء و الايام القادمه تحمل الكثير من البشريات و ضاقت و استحكمت و اسقاط التظام هو الحل لكل مشاكلنا أن شاء الله ...

[الـــســــيـــف الــبـــتــــــــار]

#1315036 [Productive Urbanization for One Nation]
5.00/5 (1 صوت)

08-04-2015 02:28 PM
يا سعادة العملاق بكري
النائب الأوّل لصاحب الرُّكَب العسكري
الذي اعجزته ركبه عن المعافرة والجري
لك بليون تحيّة على شفافيّة سوداني عسكري
مهني يحترم كلّ أهل الذكر المهني والفكري
دي المحريّة في العسكري السخي البينطري
حارب الفساد بالدرّة العمريّة يا بكري
لطّش كُلّ الحراميّة وخلّيك عسكري دغري
رجّع أموال بلدك إلى حزينة الذخري
يا سعادة العملاق بكري

[Productive Urbanization for One Nation]

#1315001 [زول]
5.00/5 (4 صوت)

08-04-2015 01:56 PM
الخلاها طيارة واحدة منو مش انتو ؟

[زول]

#1314995 [فدائى]
5.00/5 (2 صوت)

08-04-2015 01:48 PM
طائره واااحده والواحد الله و170 موظف علم والله

[فدائى]

ردود على فدائى
[abushihab] 08-04-2015 06:45 PM
يقصد 1700موظف يا ناس.


#1314991 [جعفر عثمان]
5.00/5 (3 صوت)

08-04-2015 01:41 PM
يا كبييييييييييييييييييير المسسسسسساطييييل لما استلمتوها في 89م كانت بخيرها؟
يعني لو رجعتونا لي 89م تكونو كسبتو خيييييير

[جعفر عثمان]

#1314979 [جقددول]
5.00/5 (3 صوت)

08-04-2015 01:30 PM
شبكونا بكري جاي وبكري حازم وبكري فعلتو وبكري تركتو الزول طلع اكبر دلدول واخيب من استلم منصب النائب وطلع ماعنده شخصية بي قرشين اتاريهو ده كلو كان تلميع لي بكري اب سطلة بتاع البقو ده الذي لايحل ولايربط يخلوهو ينسطل ليستمر الحرامية في تمرير سرقاتهم من تحت كرعين الزول العولاق الدلدول ده

[جقددول]

#1314950 [Abdo]
5.00/5 (2 صوت)

08-04-2015 01:04 PM
الراجل ده كان في ناس غيرهم كان حاكمين السودان و لم يسمع بإنقلاب ثورة الإنقاذ في 30 يونيو 89 و لم يكن عضو في مجلس قيادة ثورته و ظل على رأس الهرم القيادي لها لمدة 26 سنة ، الناس ديل جايين من وين ، كان في غيبوبة و بفتكروا الشعب كان مسطول و الا كان جعانين يادوب شبعوا ؟ حكمتك يا رب ؟ عفوك يا الله .

[Abdo]

#1314943 [المشتهي الكمونية]
4.50/5 (6 صوت)

08-04-2015 12:52 PM
كم تمتلكون من النساء
كم تمتلكون من الاموال
كم تمتلكون من الاراضي
كم تمتلكون من الفساد
والله انتم لا تفقهون ان تديرو كفتيرة شاي ناهيك من ادارة بلد بحجم قطر واالله السودان دة لو ادارتو شركة كان نجحت افضل منكم

[المشتهي الكمونية]

#1314931 [shah]
5.00/5 (3 صوت)

08-04-2015 12:34 PM
هذا خامس تصريح تنشره الراكوبة لنائب الرئيس اليوم ... هل بدأ العد التنازلى للتسليم؟

[shah]

#1314929 [Ali S. Alberjo]
5.00/5 (2 صوت)

08-04-2015 12:27 PM
وقال: سيكون هذا بمثابة التزام سياسي واخلاقي/ السياسة عرفنا ما عنده فيها بززززز آها الأخلاق دي جات في لسانه كيف؟؟؟ فاقد تربوي ووازع ديني، عليك العوض يا شعوب الســـــــــــــــــــــــــــــــــــــــــودان!

[Ali S. Alberjo]

#1314922 [حريكه]
5.00/5 (1 صوت)

08-04-2015 12:17 PM
هههههههه
دي واحده من عجائب السودان الستة
وهل من مزيد
الي عين ذاهبون بنا
يا سودان سلام

[حريكه]

#1314911 [عنتر]
4.75/5 (5 صوت)

08-04-2015 12:06 PM
الزول العوير ده بقول في معلومه عارفها الشعب كلو طيب وين الحلول يا هطله

[عنتر]

#1314896 [أأ]
5.00/5 (3 صوت)

08-04-2015 11:57 AM
لاحظ انه في هذه الصفحة خمسة عناوين أخبار فيها بكري حسن صالح..صمت دهرا و نطق كفرا !!"نملك طائرة واحدة و170 موظفا" الآن فقط إكتشفت ذلك ؟

[أأ]

#1314894 [جنو منو]
4.50/5 (4 صوت)

08-04-2015 11:57 AM
وايضا تملك باخرة واحده و270 موظف .. السودان أصبح أعورا ..!!قال الباخره دهب
قال ..

[جنو منو]

ردود على جنو منو
[noon] 08-04-2015 03:15 PM
270 بس اكتر من كدا وخطاب الخصخصة طلع ومرات يقولوا شراكة صينية بى شنو يشاركوا بضراعم؟


#1314890 [ماتستبهل يابكري]
4.82/5 (5 صوت)

08-04-2015 11:54 AM
انت رجل خايب ومنافق ووطنيتك صفر كبير

25 سنه وكل الحاجات والفساد والانحراف يتم برضاك ومشاركتك
يعني لمن اتباع خط هيثرو ماكنت شايف؟
المفروض انت تتحاكم

اسال الموالى ان ينتقم منك ومن كل الكيزان دنيا وآخره
واتمنى ان تقرأ هذا الكلام

[ماتستبهل يابكري]

#1314883 [aldafari]
4.75/5 (6 صوت)

08-04-2015 11:49 AM
بالله لا تخجل يا بكري كم طائرة بالخطوط السودانية حينما مسكتم البلد؟



بالله ماذا تقولوا لله يوم تقبرون اين اموال البترول نصيب السودان منها كان كم؟


واين ذهبت واين القروض والمنح التي اتت لكم طوال ال 26 سنة العجاف التي حكمتم فيها السودان؟

بلد عنده طائرة واحد قاعدين في الحكم ليه؟ والله انتم رجال تطلعوا اليوم من الحكم وتسلموه لاقرب عسكري نجيض .

[aldafari]

#1314882 [مندهش]
5.00/5 (6 صوت)

08-04-2015 11:49 AM
حاله الكلام الذي ادلى به هذه نتيجة لسجارة بكرت واحد لو لفها بكرتين كان قال انه عمر بن الخطاب

[مندهش]

ردود على مندهش
European Union [جلكساوي] 08-04-2015 12:49 PM
أموت واعرف الصنف بتاعو دا بجيبو من وين ..؟؟؟
ههههههه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة