الأخبار
أخبار إقليمية
الإتصالات: عدد المشتركين في شركات الهاتف السيار فاق (27) مليون
الإتصالات: عدد المشتركين في شركات الهاتف السيار فاق (27) مليون
الإتصالات: عدد المشتركين في شركات الهاتف السيار فاق (27) مليون


08-06-2015 10:57 AM
البرلمان : سارة تاج السر
أعلنت وزارة الاتصالات وتكنولوجيا المعلومات عن زيادة المشتركين في شركات الهاتف السيار في النصف الاول من العام ٢٠١٥ م الى (27) مليون و (716) الف و( 248) مشتركاً، ومستخدمي الانترنت الى (١٠) ملايين ونصف المليون مستخدم، وعزت ذلك لإرتفاع مشتركي شركتي سوداني و زين بنسبة ٦٪ و٢٪ على التوالي، فيما تقلص عدد مشتركي ام تي ان ،بنسبة ١٪ مقارنة بالنصف الاول للعام ٢٠١٤م.
وكشف رئيس المركز القومي للمعلومات محمد عبد الرحيم خلال الاجتماع المشترك بين لجنة الاتصالات والطرق والجسور بالبرلمان ووزارة الاتصالات بمقر الاخيرة، عن ارتفاع مشتركي شركة زين حتى النصف الاول من العام ٢٠١٥م الى (11) مليون و (677) الف و(060) مشتركاً، مقارنة ب (11) مليون و (453) الف و (400) مشترك بنفس الفترة من العام الفائت، بينما انخفض مستخدمي ام تي ان ، من (8) ملايين و (840) الف و (387) مشتركاً الى (٨) ملايين و (٧٥٩) الف و (٤٥٥) مشترك، وبالمقابل تضاعف مشتركي سوداني، الى (٧) ملايين و (٨٦٧) الف و (٣٤٥)مشترك نظير (٧) ملايين و (٤٢٢) الف و (٤٦١)مشترك في النصف الاول من العام ٢٠١٤ م.
وبررت وزيرة الاتصالات وتكنولوجيا المعلومات تهاني عبد الله تردي خدمات الانترنت لزيادة عدد المشتركين وتناقص المواعين الموجودة، واشارت الى سعي الوزارة لتوسيع الشبكة لاستيعاب الزيادة.
ودافع مدير مركز النيل للابحاث التقنية بالوزارة وليد بشير عن التحصيل الالكتروني ولفت الى تحصيل (٩٠٠) ايصال عبر اورنيك (١٥) الالكتروني خلال شهر يوليو الماضي، بجانب عدد من السفارات خارج السودان تحصل ايرادتها عبر النظام الاكتروني بـ (٤٦) عملة مختلفة خلال شهر.

الجريدة


تعليقات 3 | إهداء 0 | زيارات 2329

التعليقات
#1316483 [ALIIIIIIIIIIIIIIIIIIIIIIIIIIIIIIIIIIIIIII]
0.00/5 (0 صوت)

08-06-2015 03:32 PM
ان شاء الله يحصلو بليون دشليون مشترك المهم تحسن الخدمات ده الهامينا سرعة الانترنت زي الزفت ده الهامينا المكالمات تقطع والشبكة تطش ده الهامينا انتو مابتفهموا ولا شنو يعني شنو عدد المشتركين زاد وفاق 27 مليون مشترك شنو يعني .. هل ده معناهو انو الخدمات عال العال يعني وكويسة وممتازة وشغالة فل الفل والله انا متاكد بليون في المية لو المشتركين وانا منهم لقينا شركات تانية بتوفر انترنت سريع للغاية بسرعات فعلية ومكالمات لابتقطع ولا صدي صوت ولا زفت كان اشتركنا فيها ولتذهب زين وmtn و سوداني الي حهنم غير ماسوف عليهم ياوزيرة الاتصالات يعني شنو اقول ليك واعمل اعلان مفاده يلا يالمشترك اشترك في الباقة الفلانية التي سرعتها 42 ميجا او 21 ميجا وتجيك سرعة زي الزفت سرعة وهمية لاتتعدي في احسن الاحوال نصف ميقا او ميقا اليس هذا كذبا بواحا عيني عينك اليست هذه العروض نفاقا وكذبا ودجلا واكلا لاموال الناس بالباطل لالالا وكمان شنو بقت في بدعة تطبيق سياسة الاستخدام العادل وتطبق ياعيني مرتين ولولا خجل شركات الاتصالات لو كانوا بيخجلوا اصلا كان طبقوها مثني وثلاث ورباع شركات الاتصالات دي هنا عاملة زي كارتيلات المخدرات في المكسيك لابنشاف ولا بندري وشركة زين الاجدر تسميتها بكارتيل لوس زيتاس السودان ومعها mtn والتي من الافضل تسميتها بكارتيل سينالوا واخيرا كارتيل ديل جولفو شركة سوداني...والله هذه الشركات عبارة عن كارتيلات للنهب المصلح وغير المصلح ونهب اموال المشتركين بعروض وهمية بكافة السبل والوسائل ولولا الفساد والنهب والخراب مافعلو مافعلوه وعدم وجود سياسة للعقاب والمراقبة من اساسه ...والله شغل كارتيلات اجرامية بحق وحقيق

[ALIIIIIIIIIIIIIIIIIIIIIIIIIIIIIIIIIIIIIII]

#1316399 [ود بحري]
0.00/5 (0 صوت)

08-06-2015 01:22 PM
جميل جدا.الوزيرة اخيرا ركعت.طيب انتي من البداية شابكانا تهديد ووعيد لشركات الهاتف علشان في النهاية تدافعي عنهم و تبرري ليهم؟؟يا شباب شكلنا راجعين ل 2g تااااااني.

[ود بحري]

#1316385 [الدبابي]
0.00/5 (0 صوت)

08-06-2015 12:42 PM
التحصيل الالكتروني هو المستقبل الامارات وصلت للحكومة الالكترونية والسعودية في الطريق كل اجراء عبر الانترنت خصوصا الدفع وبعد داك تمشئ يعملوا ليك الاجراء وربنا يفتحها عليكم يا رب وعلينا ويحفظ لينا نعيم الدنيا (السودان) واهله يا رب

[الدبابي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة