الأخبار
أخبار إقليمية
المراجع العام يفجر مفاجآت كبيرة عن الفساد بـ "القضارف"
المراجع العام يفجر مفاجآت كبيرة عن الفساد بـ "القضارف"
 المراجع العام يفجر مفاجآت كبيرة عن الفساد بـ


08-06-2015 11:58 AM
الراكوبة - القضارف كشف المراجع العام بولاية القضارف عن وجود فساد مالي وإداري في حكومة الولاية، بلغ 422,424 مليون جنيه، شملت التزوير وخيانة الأمانة في هيئة مياه ولاية القضارف ومحلية وسط القضارف ومشروع الدواء الدوار، لافتًا الى استرداد مبلغ 387,851 مليون جنيه، بعد أن تم اتخاذ الإجراءات القانونية اللازمة.

واكد المراجع العام عبد الرحمن محمد صالح، في تقريره للعام المالي 2013م، الذي حصلت (الراكوبة) على نسخة منه، أن "المخالفات المالية بالوزارات والوحدات بولاية القضارف تمثل 91% من إجمالى المخالفات، وأن نسبة المخالفات المالية في المصروفات بلغت 99% من إجمالى المخالفات.

وأشار التقرير إلى شراء أسفلت (بتومين) بتكلفة 650 ألف جنيه بدون مستندات دالّة على الصرف، بالإضافة إلى شراء 40 عربة بمبلغ 13.345.500 مليار جنيه دون وجود أي اعتماد مالي. ولفت التقرير الى ان عروض البيع لم تستلم بواسطة لجنة المشتروات ولم يُرفق تقرير بالاستلام، وثبت أن هنالك نواقص في الاستلام تمثلت في 20 جوز عتب سُلمت لاحقًا قبل أن تُعرض على اللجنة الفنية.

وكشف تقرير المراجع العام عن صرف مبلغ 2.216.688 مليون جنيه لشراء طلمبات وكوابل ومعدات للمشروع الإسعافي لمياه القضارف عبر مناقصة محدودة، وقال إن ذلك "يعد مخالفة لقانون ولائحة الشراء والتعاقد". وأظهر التقرير وجود مبلغ 2 مليار جنيه باسم شركة الإيمان الدولية لإنتاج اللحوم عبارة عن متبقي أقساط بيع مسلخ القضارف للشركة بمبلغ 4 مليار جنيه حيث لم تلتزم الشركة بسداد القسط الأول حتى مارس 2013م وتم تأجيل سداده إلى نوفمبر 2013م بحسب مذكرة وزير الاستثمار الاتحادي ووالي الولاية آنذاك بجانب القسط المستحق الثاني في مارس 2014م.


تعليقات 11 | إهداء 1 | زيارات 9675

التعليقات
#1316914 [جمال عبدالقادر]
0.00/5 (0 صوت)

08-07-2015 06:50 PM
بلد مافيها وجيع

[جمال عبدالقادر]

#1316841 [زول ساكت]
0.00/5 (0 صوت)

08-07-2015 02:59 PM
ماخفى اعظم بيع الغابات حطب وقود وبيعت ثانيه كارارضى زراعيه للطبقه الطفيليه

[زول ساكت]

#1316741 [mmm]
0.00/5 (0 صوت)

08-07-2015 09:02 AM
ياخوانا ما قالو ليكم رجعو 387...
خلاص تم التحلل....
وهيا لله..

[mmm]

#1316632 [شهنور]
5.00/5 (2 صوت)

08-06-2015 11:17 PM
ما قلتو: نخبه- ومسلمين - ومتدينيين -وهى لله- لاللسلطه ولا للجاه.وو...
لعنة الله عليكم حتى تقوم الساعه.

[شهنور]

#1316612 [الادهمي]
0.00/5 (0 صوت)

08-06-2015 10:28 PM
عضة تماسيح كبيرة

[الادهمي]

#1316533 [Productive Urbanization for One Nation]
0.00/5 (0 صوت)

08-06-2015 05:29 PM
دي ما شوّلات التحصبل عير الحاصل
بالنسبة لخزينة دولة السودان الفاضل
يا الناوين ترفعوا التعريفة رغم الحاصل
علشان تأكلوا أموال السودان بالباطل
لكن وين شوّالات عوض الجاز السافل


الإدارة المركزيّة
عموماً ولدولة الأجيال السودانيّة
من الناحبة العلميّة هي الإدارة الذكيّة
قليلة النكلفة الماليّة لقلّة الحراميّة
الحاكمين لحكومات ولائيّة تمكينيّة
بإسم الفيدراليّة

[Productive Urbanization for One Nation]

#1316512 [خاتي اللوم]
5.00/5 (5 صوت)

08-06-2015 04:52 PM
والمفاجأة شنو في اكتشاف قضايا فساد؟

ماالبلد كلها فساد !

المفاجاة اذا حوكم مسؤول في قضية فساد ،حينها سنتفاجأ 35

[خاتي اللوم]

#1316440 [ود العمدة]
5.00/5 (1 صوت)

08-06-2015 02:28 PM
السودان كلو فساد في فساد
امشي شوف الجزيرة والاراضي
والمشاريع الوقفوها وباعوها
امشي شوف المصانع الواقفاه
وحل مكانا البووووم
امشي شوف النيل الابيض
امشي شوف نهر النيل
الحرامي دفعت البشير عمل فيها شنو
والخرطوم حدث ولا حرج
والشمالية والسواقي والجناين والبيوت
شوف الحرايق ساي
عشان ناسا اشتتوا واقوموا ارهنوها
والانجازات القال علموها
شالين بيها اقساط من كم دولة
من سد مروي - ستيت - ونهر عطبرة
والشحدة لناس بورتسودان
وناس الشرق الله لي من الشرق
ودا كوم التلاعب في التمويل كوم براهوا ي نااااااااس
هسه المطار القالو جديد وعصابتهم شايلين مخططات
وابيعوا فيها ولافين بيها علي المغتربين الداقسين
م عارف المخطط به خدمات وقريب للمطار الجديد
م عارف شهادة البحث من امدرمان
م عارف شهادة البحث من القطينة
م عارف شهادة البحث من كردفان وعيييييييييك
لو بعرفوا انو المطار دا شايلين بيه تمويل
من 3 دول ولسه م شبعوا كويس
هسه سامعهم قالوا مشي الصين وجابوا ليهم قرض
هو شعبنا الكسول لما اقوم من نوموا
واصحي بلقي بيت القاعد فيه انباااااااااااع
وبعدها لا بنفع العصيان المدني ولا الثورة
بعدها اثوووووور علي شنو
كل شي حقهم وموثق ومسجل بالقانون وكل شي رسمي
قااااايم علي شنو
وهم ح يقولوا للوقت داك
الشعب دا جنا ولا شنو
البلد بلدنا والملك حقنا ونحنا حرين نبعوا ولا نحرقوا
كما عاجبكم بيعوا لينا بيتكم دا واتخارجو
حصلوا اخوانكم
طالما م عندكم امكانيات تعيشوا بيها زينا
يلا شتتو

[ود العمدة]

#1316431 [QUICKLY]
0.00/5 (0 صوت)

08-06-2015 02:10 PM
بسيطة
بكرة يستروا عليهم بفقة السترة بعدين حللو ليهم (بالتحلل)
بحكم(الشريعة) بتاعتهم
في النهاية هم أخونكم فالله ,,, مش كدا برضو؟

[QUICKLY]

#1316384 [زول مقهور]
5.00/5 (3 صوت)

08-06-2015 12:39 PM
عضضضضضضضضضضضضضضضضضضضضضضضضضضضضضضضضضضضضه!!!!!!!!!!!!!

[زول مقهور]

#1316368 [الدبابي]
0.00/5 (0 صوت)

08-06-2015 12:14 PM
القضارف وما ادراك ما القضارف الظل الوارف والاكل التارف
سافرت مع صديقي لحل مشكلته واسترداد حقه علئ الحدود كان مزرع سمسم مع مزارع ناس طيبين ومساكين والله المزارعين حبوني حب تقول ولدهم بس ورجعوا حق زميلي شوالات سمسم طحيتنا مافي زيها وقضارفنا مافي زيها واه يا نعيم الدنيا(السودان9 وحشتنا خمسة عشر سنة سفر في دروبك لا خلينا شرق لا غرب لا جنوب لا شمال اشهد انك بلد الخير وبس وغيرك ما عندو طعم عشان كدا ما باتنازل عنك ولا عن اهلي مهما حصل عندي فرصة اسافر امريكا لاختي هناك واخد الجواز الامريكي لكن شكرا انا ما باسيب فرع البانة للغلوف ديل :)

[الدبابي]

ردود على الدبابي
[قرد الطلح] 08-08-2015 04:03 AM
لكين خواجه ديفيز وصَّى بروفسور عوض ود إبراهيم يقدم لوتري و بسرعه
يجي إمريكا .. يا الدبابي إنتا الخواجه بتاعك منو

United States [المغبون من الاسلاميين] 08-07-2015 03:02 PM
يا الدبابي انت طوالي خاشي غلط شكلك جديد في الراكوبه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة