الأخبار
منوعات سودانية
إدانة شابين بالتعاطي والترويج للشيشة بالحاج يوسف
إدانة شابين بالتعاطي والترويج للشيشة بالحاج يوسف



08-08-2015 11:01 PM
الحاج يوسف: تسنيم
أوقعت محكمة النظام العام بالحاج يوسف غرامة مالية «2000» جنيه في مواجهة شاب أدانته المحكمة بالترويج لتعاطي الشيشة. وقررت المحكمة توقيع عقوبة السجن شهرين في مواجهة المدان في حالة عدم دفع الغرامة المالية.
وحسب تفاصيل القضية فإن شرطة النظام العام كانت قد قامت بمداهمة نادي مشاهدة بالحاج يوسف وتم العثور على الشيشة وتم القبض على المتهم وسجل اعترافاً بملكيته للشيشة ودونت الشرطة في مواجهته بلاغاً تحت المادة «7»، وأصدرت المحكمة في مواجهته عقوبة الغرامة المالية وأمرت بأبادة الشيشة المعروضات.
كما أصدرت ذات المحكمة غرامة مالية قدرها «500» جنيه في مواجهة شاب أدانته المحكمة بتعاطي الشيشة في الشارع العام، وأمرت المحكمة بإبادة الشيشة المعروضات. وكانت شرطة النظام العام قد ألقت القبض على المتهم أثناء حملة نفذتها في المنطقة وضبط وهو يتعاطى الشيشة في الشارع العام، وتم تدوين بلاغاً في مواجهته تحت المادة «6» من قانون الأمر المحلي، وصدرت في حقه عقوبة الغرامة أعلاه.

آخر لحظة


تعليقات 9 | إهداء 0 | زيارات 1024

التعليقات
#1318202 [الشانق طاقيتو]
0.00/5 (0 صوت)

08-10-2015 12:32 AM
يعني مشكلتنا الشيشة.... هبة سبتمبر ماتوا فيها فلذات اكبادنا و إلي الان ما قادرين ناخذ حقهم و محاكمة القتلة.. ياخي ما يدخنوا شيشة يعني عملوا أخطر من البتعملوهو فيهو انتو الكيزان.... الهوان دة لمتين؟؟؟؟؟؟

[الشانق طاقيتو]

#1318130 [داوودي]
0.00/5 (0 صوت)

08-09-2015 08:30 PM
خوفا علي صحة المواطن . عشان الدكاترة سافرو والادوية غير متوفرة .

[داوودي]

#1317997 [صقر معتت]
0.00/5 (0 صوت)

08-09-2015 03:44 PM
بالله حاولوا تفهموا الخبر بطريقة مختلفة


تعاطي الشيشة

يعني الشيشة التنانية مش الشيشة البدخنوها


[صقر معتت]

#1317915 [ود بري]
0.00/5 (0 صوت)

08-09-2015 02:05 PM
في جاردن سيتي ببري هنالك مكان يشبه صالات الأفراح .. تقدم فيه الشيشة وكافة المشروبات عن طريق حبشيات والصالة فيها شاشات عرض كبيرة .. يبدو أن المكان مرخص من الحكومة .. لأن هنالك عدد كبير من المرتادين بسياراتهم بمختلف أنواعها .. وشاهدت فيه أبطال أروبا وكاس العالم الأخير .. كيف هذا؟

[ود بري]

#1317891 [SOS]
0.00/5 (0 صوت)

08-09-2015 01:31 PM
في السعودية توجد اكبر محلات للشيشة ولكن تكون خارج المدينة او في طرفها, الان ثلث الشعب السوداني متعاطي للسيسة , العاوز يشرب يخلوهو يشرب لكن المفروض تسمحو ليهم في اطراف المدينة وبها نوادي مشاهدة باعلى طراز وتصميم وحتستفيد الحكومة الجيعانة بالموضوع دا , لكن فلس وعدم شغل ووضع سيئ للغاية وحرمان من اي حاجة , بعد دا الحكومة دي تبل راسها ساي لانو دينها دا ما عرفناهو دين شنو طلعتو دين الشعب السوداني ذاتو الله يطلع دينكم يا كلاب.

[SOS]

#1317816 [محمد الحسن]
0.00/5 (0 صوت)

08-09-2015 11:33 AM
الشيشة دي فيها بنقو ولا معسل عادي ياجماعه

[محمد الحسن]

#1317713 [ابو وليد]
5.00/5 (1 صوت)

08-09-2015 09:21 AM
شيشة بي سجن وغرامة ..الله يقص شيشتكم.

[ابو وليد]

#1317595 [النوبي]
0.00/5 (0 صوت)

08-09-2015 03:02 AM
ياجماعة افيدونا.. هي الشيشة ممنوعة في السودان ولا شنو؟

[النوبي]

#1317588 [عمار]
5.00/5 (1 صوت)

08-09-2015 02:43 AM
غرامة وسجن واباده !!! ياخ عقوبة الشيشه بقت اخطر من عقوبة نهب وسرقة اموال الشعب .. تحلل واتخارج .. هذا يحصل فقط في السودان بلد الكيزان

[عمار]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة