الأخبار
منوعات سودانية
مدرب المريخ يتطلع لصدارة المجموعة ووفاق سطيف يعتبر التحكيم كارثة
مدرب المريخ يتطلع لصدارة المجموعة ووفاق سطيف يعتبر التحكيم كارثة
مدرب المريخ يتطلع لصدارة المجموعة ووفاق سطيف يعتبر التحكيم كارثة


08-10-2015 11:47 PM
كووورة- بدر الدين بخيت
قال الفرنسي دييجو غارزيتو المدير الفني لفريق المريخ أنه بعد فوز الفريق مساء الأحد على وفاق سطيف حامل لقب دوري ابطال أفريقيا 2-0 في ام درمان يريد الإستمرار في الفوز بهدف صدارة المجموعة الثانية بينما قال لاعب المريخ رمضان عجب أن هدف لاعبي المريخ بات هو كأس البطولة, بينما وصف بلخير رياض مساعد مدرب سطيف آداء الحكم الغاني للمباراة لامبت بالكارثة وأن الفريق لم يجرد بعد من لقبه القاري الذي حققه الموسم الماضي.

وقال جارزيتو: "واجهنا فريقا كبيرا مثل وفاق سطيف, وهو فريق يجيد التكتيك ولكن كان لنا منهجنا في التعامل مع المباراة, وكان المهم أن حققنا الفوز وحصلنا على النقاط الكاملة. ونتمنى أن نواصل الإنتصارات حتى نتصدر المجموعة ".

وأشاد مدرب المريخ بآداء حكم المباراة وأنه كان جيدا وقال أن ركلة الجزاء الثانية للمريخ كانت صحيحة تماما وشاهدها الجميع وقال : "فريق وفاق سطيف يعرف كيف يلعب كرة قدم, وأذا تركتهم يسيطروا على المباراة لما عرفت كيف اتعامل معهم, لذا كان لنا منهج في التعامل مع المباراة".

وتابع :"ما تزال هناك مباريات متبقية في المجموعة, ويمكن أن نكون الثاني في الجدول, لكن تفكيرنا أن نتصدر المجموعة".

وفي سؤال موجه إليه من صحفي جزائري تحدث جارزيتو عن تفاصيل المشادة اثناء المباراة في منطقة المدربين والتراشق بين المدربين فقال:" كان هناك لاعب من وفاق سطيف وانا أعرفه, كان متوترا وتوجهت للملعب لتهدئته لكن للاسف اللاعب بصق عليَّ واثار مشكلة, وقد كان في تفكيري ان أجعله يهدأ".

بلخير رياض مساعد مدرب وفاق سطيف قال أنهم جاءوا للسودان لأجل الفوز لكنهم عانوا من صعوبات أن لعبوا أغلب المباراة بعشرة لاعبين فقط بسبب الحكم, وقال :" النقطة السوداء في المباراة هو التحكيم, لقد كان كارثيا, لو كان التحكيم جيدا لفزنا بالمباراة, فنحن ابطال أفريقيا وتمنينا أن نلعب 11 لاعب ضد11, لكن الحكم اراد شيئا آخرا ".

وقال أن الفريق لم يقصى من البطولة بعد وأن الجميع يسعى للفوز عليه وانه يرديون الفوز بآخر مباراتين لضمان بقاء حظوظهم في التأهل للدور قبل النهائي

كما تحدث بإختصار لاعب المريخ رمضان عجب وقال أن لاعبي الفريق عازمون على الحصول على لقب البطولة وليس الوصول للمباراة النهائية فحسب.


تعليقات 11 | إهداء 0 | زيارات 3208

التعليقات
#1319368 [اب جاكوما]
1.00/5 (1 صوت)

08-11-2015 09:14 PM
المدعو/ هلال...... طيب لو الهلال بقى سجم انت بتكون شنو؟؟ ***** ورمدان

انت اكيد قاصد هلال السعد هلال الملاييين هلال الابطال هلال الفن


هي ياجماعة هي ياجماعة هي ياجماعة

تعرف في نكتة كدا بتاعت القرد قالوا سكر سكرة بت كلب وقام لي الاسد في الطريق...... سمعت بيها ولا ماسمعت بيها أنا طبعا ما بتمها عشان شينة شوية. وماداير ازعل زول... لكن أسال منها بتعرفها.

بالمناسبة انا بضيف ليك:
منا غيرنا جدع بالحجار
من غيرنا كسر الكراسي

من غيرنا ضرب الحكام بالقوارير
من غيرنا استعمل معه البمبان

من غيرنا حمل الكورة تحت ابطاه وذهب
من غيرنا نظم سيكافا وفاز بها التاكسي التعاوني

هيا ياجماعة هي ياجماعة.. نحنا فريقك دا مسمينو هلاريخ..[فرح شنو وظروف شنو وهزيمة تحكيم شنو وتنجيم وتلوين شنو] يا حبة
هو انت متين شاركت في البطولة دي وعرفت دربها.. امس دي ما كنا بنحس فيك وكنت ببتفرج في الزعيم زعيم افريقيا[الهلال]
تذكر لما كنت بتطلع من دوري الـ64 ودوري الـ32 وكنت بتبكي ونحنا بنحنس فيك ونقول ليك [انت فالح وبتسمع الكلام] والجايات اكثر من الرايحات.. وكنا شايلين ليك الحلاوة وبنحاول نسكتك ونقول ليك استغفر ونقول ليك انت لما تكبر وتبقى زول كبير اقصد فريق كبير حا تشارك في البطولة دي.
أها اسه نحنا قمنا اديناك خمسة لاعبين زيي الليل[عمر بخيت، علاء الدين، بكري، المعز، ومن قبلهم هيثم] وفارزيتو زاتو اديناك ليهو.

وقلنا ليك اها بعد دا ممكن تشارك في البطولة دي.

لكن المفروض ما تنسى النشيد بتاع الروضة خليك حافظوا ومذاكرو كويس:

لما كنت صغير بلعب في سيكافا بالتراب

بابا الهلال لبسني الجزمة والشراب
وقال لي ممكن تلعب في بطولة الكبار
ياصافراب بتأكلوا ايه
بناكل حمام ميت
الخ........
كلو واحد فيكم يجي شايل مريلة أو منديل عشان الريالة يا بتاعين الروضة يا (تمهيدي)

[اب جاكوما]

#1319314 [سفيان]
2.50/5 (3 صوت)

08-11-2015 06:44 PM
فرق كبير بين المريخ والجماعة اياهم ال 5

[سفيان]

#1319158 [هلال السجم]
1.00/5 (1 صوت)

08-11-2015 02:40 PM
وانا زاتي اقول ليكم حاجة انتو زاتكم بعد دا ثلاثة فرق افتحوا لبعض بس.. وأدخلوا انتو الفريقين حسبوها وشفوها وافتحوا لبعض. وخليهم يتأهلوا اثين منكم وضحوا بالثالث. ???
شوفوا الراجل دا لا كورة لا اخلاق لا وطنية اصلو الهلالاب لديهم نقص في الذات وصفرههم الدولي مزعلهم شديد .
الناس ديل موش يفتحو كان لعبو التلاته فرق الجزائيرية في مبارة معانا بنقلبهم .
يحى المريخ - يحى المريخ
من غيرنا قد لوّن التاريخ بالذهب ؟
من غيرنا قد وهب الأفراح وما وهب
من غيرنا قد طوع الظروف ؟
من غيرنا قد هزم التحكيم والتنجيم والألوف ؟
أنت انشاء الله يفتحوا ليك وتتأهل ؟ هههههههههههههههههههههههههههههههههههه

[هلال السجم]

#1319145 [ابن الدار 001]
1.00/5 (1 صوت)

08-11-2015 02:30 PM
امل ان يلتزم زول المريخ داك بالسلوك الرياضى مع عدم شراء ذمم الحكام كما فعل مع حكم الفريق اليوغندى في نهاية كأس الفيدرالية قبل سنوات ولقد تحدثت الصحف اليوغندية كثيرا في هذا الجانب عن مسألة شراء حكم المباراة وفوز المريخ بذاك الكأس ..انا هلالابي امل ان يتقدم المريخ خطوات نحو الكأس دون دفع رشاوى للحكام ومبروك للمريخ وان شاء الله الهلال معاكم في الخط وكما عرفنا هلال السودان في كأسات افريقيا دائما ...انى متفاعل جدا ان يفعل الهلال شيئا بالرغم تباين أراء الكثيرين في اداءه وتشائمهم
ولكن في عالم الكرة المستديرة كل شئ ممكن ....................

[ابن الدار 001]

#1318971 [اب جاكوما]
5.00/5 (1 صوت)

08-11-2015 10:27 AM
1-اقتباس[...وقال جارزيتو: "واجهنا فريقا كبيرا مثل وفاق سطيف, وهو فريق يجيد التكتيك ولكن كان لنا منهجنا في التعامل مع المباراة, وكان المهم أن حققنا الفوز

فعلا كان الاهم أن حققتم الفوز؟ بالدولار وشراء الذمم بلا تعامل بلا فول مصري



2- اقبتاس[.....لخير رياض مساعد مدرب وفاق سطيف قال أنهم جاءوا للسودان لأجل الفوز لكنهم عانوا من صعوبات أن لعبوا أغلب المباراة بعشرة لاعبين فقط بسبب الحكم, وقال :" النقطة السوداء في المباراة هو التحكيم, لقد كان كارثيا, لو كان التحكيم جيدا لفزنا بالمباراة, فنحن ابطال أفريقيا وتمنينا أن نلعب 11 لاعب ضد11, لكن الحكم اراد شيئا آخرا ".

دا كلام الزول الواثق من نفسه.. عبارة فيها تحدي تمنيا أن نعلب 11 ضد 11. فعلا انتم ابطال افريقيا.. لكن يا بلخير رياض الحكم زاتو قالوا بخش الحمام وبيكون شايل معاهو ورقة فئة المائة دولار عشان يتنظف بيها قبل استعمال الموية.. تقول شنو دا الدولار وشراء الذمم؟ فعلا لو لعبوا معاكم 11 لحداشر.. لكان لكم كلام تاني.. فنحن نعرف وفاق سطيف جيدا.. ولكن الدولار قال كلامته..

وانا زاتي اقول ليكم حاجة انتو زاتكم بعد دا ثلاثة فرق افتحوا لبعض بس.. وأدخلوا انتو الفريقين حسبوها وشفوها وافتحوا لبعض. وخليهم يتأهلوا اثين منكم وضحوا بالثالث

[اب جاكوما]

ردود على اب جاكوما
[مريخابى حقانى] 08-11-2015 06:15 PM
تعرف ياابجاكوما انت هلالابى حاقد وما بتعرف كورة لانة الكورة اللعبها المريخ مع وفاق سطيف لو لعبها مع اتحاد الجزائر والعلمة ومازمبى بيغلبهم كلهم ولو وفاق سطيف واتحاد الجزائر والعلمةعملوا ليهم منتخب واحد المريخ بغلبهم.بعدين مدرب وفاق بقول غلبهم الحكم! هم طوال زمن المبارة ما جابوا ليهم كورنة واحدة وما عندهم غير هجمتين الحكم كان داير يديهم ضربة جزاء الايديهم ليها فى منطقة جزاهم وبعدين ياخ كل المعلقين اقروا بصحة ضربتى الجزاء والكرتين الصفر النالهم اللاعب الا انهم عابوا عليه عدم مجاملة اللاعب فى الكرت الثانى وهم يحمدوا الله المااتغلبوا بنصف دستة انتوابالهلالاب صدق فيكم البصيرى فى بيت الشعر قد تنكر العين ضوء الشمس من رمد - وينكر الفم طعم الماء من سقم فبالله عليكم ازيلوا الرمد من عيونكم والسقم من افواهكم

[العادل] 08-11-2015 05:34 PM
المسألة لاتحتاج لبيع وشراء حكام لان تفوق المريخ كان واااااااااااااااااااضح جداً على امتداد زمن المباراة ،البيع معروف مكانو بكون وين وفي اي لحظة وفي اي موقف خليك عقلاني ومنصف من المفترض يتهزم اكتر من 2

[كدوس] 08-11-2015 03:21 PM
انتا واحد هلالابي حاسد بس ياحمام انحنا بنصعد نصعد حتي لو اتفقو ياحاسد انتو في السودان بتترشو ومن الحمام كمان كخخخخخخخخخخخخ

[غربة شجن] 08-11-2015 01:59 PM
اب جاكومة يا خوي بتجيك جلطة - ما للدرجة دي كمان الموضوع لعب خليك cool


#1318928 [أحمراني]
4.75/5 (5 صوت)

08-11-2015 09:39 AM
اللاعبين والمدربين مش ح يقولوا فشلنا أكيد أي فريق مهزوم ح يتهم الحكام بأنهم سبب هزيمتهم,زي حكومة البشير لما تعجز عن فعل شيء تتهم جهات خارجية أو جهات لم تسميها....الخ ماذا يعني أن اللاعب يأخذ كرتين أصفر أليس جزاءه الطرد؟ أما ضربتي الجزاء فلاعبين الجزائر لم يحتجوا كثيرا عليهما لمعرفتهم بصحتيهما.
نفس التحكيم الأفريقي ظلم فريق المريخ في مباراته مع إتحاد العاصمة وتم فيها إلغاء هدف صحيح مائة بالمائة فلماذا كل هذا الكره لفريق المريخ ولماذا الهجوم عليه غالبا ومهزوما؟

[أحمراني]

#1318927 [داوودي]
4.25/5 (4 صوت)

08-11-2015 09:38 AM
في البدايه انا مشجع هلالي بس ما متعصب وحضرت جزء من مباراة المريخ ضد وفاق سطيف والملاحظ من بداية المباراة الاهتزاز الظاهر في مستوى النادي الجزائري واستحق المريخ الفوز ، بس مشكلتنا نحن السودانيين الاعلام بضخم النتيجة المصيبة لما تواجه فريق عليهو امال تحقيق الكاس ساعته الخسارة بتكون مرة .

[داوودي]

#1318895 [مدحت عروة]
1.00/5 (1 صوت)

08-11-2015 08:56 AM
البصق والرمى بالحذاء اياها دى ثقافة العرب والخواجات ناس عقلانيين وعلميين يتقدموا فى جميع المجالات بالعلم والتكنولوجيا ويعملوا فى البلاد العربية زى ما عايزين لانهم يمتلكوا الاقتصاد والصناعة فى جميع المجالات والقوة العسكرية الما حصلت على مدار التاريخ ويشتغلوا لمصلحتهم وحكوماتهم تخضع للرقابة والمساءلة والتغيير السلمى عن طريق صندوق الانتخابات اذا فشلت فى خدمة شعوبها اما هنا فى العالم العربى والاسلامى الناس شغالين قتل وتفجير فى بعض وبعض الجهلة يفتوا فى الدين ويغسلوا امخاخ الشباب الجهلة ليفجروا انتحاريا فيقتلوا الانفس البريئة ويدمروا المنشاءات واسرائيل واعداء الاسلام يفركوا ايديهم فرحا من امة تهزم نفسها وتنتصر لهم وتدمر نفسها!!!
كسرة:آسف الموضوع رياضى لكننى اجد ان السبب فى ذلك هو الثقافة والسياسة!!

[مدحت عروة]

#1318874 [ابراهيم مصطفى عثمان]
4.00/5 (2 صوت)

08-11-2015 08:34 AM
(هدفنا تصدر المجموعة) رسالة من مدرب المريخ لاتحاد العاصمة ليهزم سطيف . المريخ هو الافضل بين الفرق الثمانية لكن حظوظه للصعود اضعف من وفاق سطيف الذي ينتظره 6 نقاط من فرق بلده .المتوقع ان يتعكلت فريقا الجزائر الضامن والمهزوم اربعة مرات امام المريخ ان استطاع الفوز علي اي منهما يصعد بامتياز القاءات المباشرة .

[ابراهيم مصطفى عثمان]

ردود على ابراهيم مصطفى عثمان
European Union [دردوق] 08-11-2015 11:48 AM
(هدفنا تصدر المجموعة) رسالة من مدرب المريخ لاتحاد العاصمة ليهزم سطيف .




و نحنا العندنا قولناهوو ليهم ! وان شاءالله المريخ جاي عريس من الجزائر

و مباراة الاتحاد الاخيره في امدرمان ما حانلعبه حانعمل للاخوه الجزائرين

رحلة في شارع النيل !


#1318846 [abu omer]
5.00/5 (1 صوت)

08-11-2015 07:54 AM
تتصدر رشاوى حكام يا اخى الحكم عملها ظاهره

[abu omer]

ردود على abu omer
European Union [ابو احمد] 08-11-2015 12:02 PM
يا بتاع الرشاوى انت جزائرى اكثر من الجزائرين استمعت الى الاستديو التحليلى والضيف الجزائرى اكد صحة ضربة الجزاء لانو بكرى تملك الكرة عن حالة الطرد اكد ان الكرت الاصفر الاول صحيح والثانى صحيح تانى فى ايه ضربة الجزاء الضائعه لمس باليد والهدف التانى ما فبه اى كلام ....معروف شمال افريقيا يحاولو يوثرو على الحكام بالاحتجاجات وظهر فى الشوط الثانى عكس الحكم حلات صحيحه للمريخ من حساب تسلل وخلافه وده ناتج من احتجاجات الجزائرين الكثيرة على الحكم وهم متمرثون فى ذلك ....كنت حتكون مبسوط اذا انهزم المريخ السودانى


#1318796 [دردوق]
4.43/5 (15 صوت)

08-11-2015 01:22 AM
دا هدفنا صدااارة المجموعه . ايووه نصدره عدييل رجاااله و حمرة عين

[دردوق]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة