الأخبار
أخبار إقليمية
القبض على متهمة وبحوزتها (26) مليون و (700) ألف جنيه سوداني
القبض على متهمة وبحوزتها (26) مليون و (700) ألف جنيه سوداني
القبض على متهمة وبحوزتها (26) مليون و (700) ألف جنيه سوداني


المسروقات تشمل (12) ألف دولار أمريكي
08-11-2015 11:24 AM
الخرطوم: شذى الشيخ
تمكنت شرطة ولاية الخرطوم ومباحث بحري من إلقاء القبض على متهمة بحوزتها (26) مليون و (700) ألف جنيه سوداني، و (12) ألف دولار امريكي و (3500) ليرة سورية، و(1000) ريال سعودي وعدد (4) جوازات سفر، وشيكين وشهادتي بحث لعربة دفار رينو، ورخصة قيادة اجنبية، وعدد من المستندات لعربة نيسان تقدر قيمتها بمبلغ (142) ألف جنيه سوداني.
وأفاد المكتب الصحفي للشرطة امس، بأن الفتاة المتهمة ارشدت الى شاب متهم معها، وأقرت بأنها تصرفت في مبلغ المال المسروق ويقدر بـ (250) مليون جنيه سوداني، وسجلت اعترافاً بأن المعروضات تخص اجنبياً يقطن حلفاية الملوك ويعمل مديراً لمشروع حفريات، وقام بفتح بلاغ لدى الشرطة ضد مجهول. وبمجهودات الشرطة ومن خلال البحث تم القبض على المتهمين خلال (24) ساعة، ودون بلاغ في مواجهتهما تحت المادة (174) من القانون الجنائي، وما زالت التحريات جارية لتقديمهما للمحاكمة.

الجريدة


تعليقات 10 | إهداء 0 | زيارات 10538

التعليقات
#1319544 [ود الركابي]
0.00/5 (0 صوت)

08-12-2015 08:18 AM
سبحان الله . اجنبي ويمتلك المال المأهول ده واصحاب البلد بيأكلوا وجبة واحده وكمان حفار . لا والله الموضوع فيهوا ان نه . حققوا اول مع الاجنبي من اين لك هذا ثم كم راتبك الشهري واذا شغال بأسم اي مواطن سوداني يحاكم معك لانه ده اسمه تستر . واذا الدفار ده بأسم الاجنبي برضه اسموا تستر ويحاكم .. بلد فوضي مامستفيدين منها الا الاجانب ومنسوبي المؤتمر الوطني .

[ود الركابي]

#1319448 [سامر]
0.00/5 (0 صوت)

08-12-2015 12:15 AM
يعني اتصرفوا في 250 مليون في 24 ساعه؟ يكونوا اشتروا ليهم قطعه ارض ولا شنو؟؟

[سامر]

#1319330 [مشعكل]
5.00/5 (3 صوت)

08-11-2015 07:40 PM
يقوموا يقولوا ليك قبضوا علي شخص بحوزته 12 الف دولار وسبعة مليون جنية وعربة دفار ... !!! وطيب مالو !!! ما يكون عندو دفار !! هو الدفار جريمة ؟؟؟

ما حقو ؟؟؟ وبقي الزول يكون عندو ليرة سورية دي تهمة ؟؟؟؟ الا اذا كانت مزورة . او مسروقة ؟ عشان كدة الخبر يكون بصياغة مختلفة .

القبض علي فتاة بتهمة سرقة رجل اعمال مثلا من جنسية عربية وضبطت معها المسروقات محل الاتهام وقد ارشدت على شريكها في الجريمة ... الخ الخ الخ


والله ما عرفنا البت الغلطانا ولا رجل الاعمال الغلطان ولا شريكها هو الجريمة ولا البني ادم الصاغ الخبر دا ولا نحنا زاتو البنقرأ اخبار مهببة دي من اصلو ..

[مشعكل]

#1319239 [واحد نفر]
0.00/5 (0 صوت)

08-11-2015 04:24 PM
ماهي الجريمة التي ادت للقبض على الفتاة؟ لم نسمع هل المال مسروق من ناس أم انه منهوب من مال الحكومة أم ماذا؟ ام هم تجار عملة؟ أم هي تجارة الرقيق الأبيض والدعارة ام ماذا؟

ما ممكن المباحث طوالي تقبض على زول كدا عندو قروش إلا تكون ما بتخصه؟ المتهمين في ماذا.

التقرير مبهم

[واحد نفر]

ردود على واحد نفر
[Mohamed] 08-11-2015 07:01 PM
قروش اجنبي بتاع حفريااااااات ، يعني تركي بتاع حفر سايفونات ، يعني ضربت ناس بفيز لي تركيا عن طريقو ، يعني الباقي تمو خيااااال وكدا ، صحفين زي ديل تباريهم بخيالك بس


#1319177 [الحقيقة]
0.00/5 (0 صوت)

08-11-2015 03:03 PM
على الشرطة ألا تكتفى بحادثة السرقة بل تمضى إلى أعمق من ذلك بمساعدة المباحث المركزية فما هو مكتوب أعلاه ربما لا يمثل سوى رأس جبل الجليد

[الحقيقة]

ردود على الحقيقة
[دنقلاوي] 08-11-2015 10:19 PM
و الأصح أن تتريث الشرطة في نشر مثل هذه الأخبار حتي تحصل علي كل المعلومات التي تتعلق بمثل هذه الجرائم التي ربما يكون وراءها شبكة أو مخطط للإضرار بالبلد. تقاس كفاءة جهاز الأمن بالإختراق و التخفي.يعني لو حس بيك المتهم الذي تتابعه و كشفك خليهو يتابعه واحد تاني عشان ما تفشل نفسك. و إذا شغلوك في المباحث تعلم كيف تمارس التمثيل في المواقف المختلفة حتي يمكنك إختراق الناس الذين تتجسس عليهم دون أن يعرفوك. مش زي الأمنجية البومة و الذين يلبسون السفاري البيجي بتاعت ناس الأمن و يستعرضوا عضلاتهم قدام الناس.
عوض دنقلاوي
ضابط مباحث سابق


#1319159 [أرسطو]
0.00/5 (0 صوت)

08-11-2015 02:41 PM
يا سلام غليك ياأبوجلمبو - هذا هو التحليل المظبوط و الواقعى للحادثة - و أن شاءالله بعد سقوط حكومة الأنقاذ حأعينك مدير مباحث .

[أرسطو]

#1319111 [ودناس]
5.00/5 (1 صوت)

08-11-2015 01:37 PM
عليكم باللصوص الكباااااااااااار! !!

[ودناس]

#1319062 [أبوقرجة]
0.00/5 (0 صوت)

08-11-2015 12:43 PM
في زمن حكومة الانقاذ سمعنا بالعجب العجاب... وا

[أبوقرجة]

#1319035 [زول]
0.00/5 (0 صوت)

08-11-2015 11:50 AM
هل هناك بلاغ ضد الفتاة ام ان المباحث القت عليها القبض بالصدفة ؟

[زول]

#1319030 [ابو جلمبو]
5.00/5 (1 صوت)

08-11-2015 11:42 AM
اكيد الواحد داك كان بيوديها للاجنبي ده والاتنين سرقو لانه الاجنبي زاتو شكلو عربي وحرامي وواقع في لعب في البلد

[ابو جلمبو]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة