الأخبار
أخبار إقليمية
إجراءات للحد من هجرة مواطني الولايات للعاصمة
إجراءات للحد من هجرة مواطني الولايات للعاصمة
إجراءات للحد من هجرة مواطني الولايات للعاصمة


قدوم نحو (100) أسرة يومياً للعاصمة.
08-11-2015 08:20 PM
الخرطوم: عمرالكباشي :
أبدت حكومة ولاية الخرطوم انزعاجها من توافد مواطني الولايات للإقامة بالعاصمة، في وقت كشفت عن خطة للحد من هجرة مواطني الولايات للخرطوم، وذلك بعقد شراكات مع عدد من الولايات منها الشمالية ممثلة في توطين القمح، ومع القضارف بتوطين الدواء. وأشارت وزيرة التوجيه والتنمية الاجتماعية بولاية الخرطوم أمل البيلي إلى وجود دراسة كشفت عن قدوم نحو (100) أسرة يومياً للعاصمة.

وبررت خلال تقديمها لتقرير أداء وزارتها الذي قدمته للمجلس التشريعي أمس دعمها شرائح الفقراء في المدن كونهم أكثر حاجة، في وقت كشفت فيه عن انخفاض نسبة الفقر بالعاصمة. وشددت أمل على محاربة عمالة الأطفال، وحذرت الأسر التي تقوم بتشغيل أبنائها القصر بمعاقبتها وفقاً للقانون.

اخر لحظة


تعليقات 10 | إهداء 0 | زيارات 3497

التعليقات
#1319960 [ابومحمد]
0.00/5 (0 صوت)

08-12-2015 07:54 PM
حقول كلام ماحيعجب الكثيريين لكن ما حقوا نغمض عيونا من الحقيقة.التساهل مع انتشار مهنة بائعات الشاي في العاصمة.اصبحت العاصمة لايخلوا مائة متر من اي شارع او ميدان منهم .بل اصبح افضل وسيلة لبعض الازواج هى جلب اسرتهم للعاصمة من الاقاليم للحاق بنصيب من الكعكة.(قاعدة هناك تسوي شنو يوميتك هنا ما اقل من مائة الف)

[ابومحمد]

#1319723 [الوجيع]
0.00/5 (0 صوت)

08-12-2015 12:40 PM
اولا :ابدوا بالاجانب الماسكين الاراضى ومالين الواطة اكان فى العاصمة والله غيرها ثم ثانيا: بالقادمين من الهامش السودانى وما ليهم علاقة بالاقليم ثم ثالثا: فضوا الشمالية ذاتها من الاجانب والغرباء عنها المزاحمين اهلها فى ارزاقهم واراضيهم الما مكفياهم وبالذات الناس الجابهم شريان الشمال وقالوا ماشين ليبيا لا مشو ليبيا ولا رجعوا بلادهم قاعدين يتسكعوا هناك وبكرة يكونوا لينا حركات ويقولوا تهريرالشمال اما اهل الشمالية فى العاصمة فهم فى وطنهم وترابهم وديارهم لان الاراضى النوبية تمتد حتى النيل الابيض والازرق ما فى زول عنده كلام معاهم فهم احرار فى ديارهم واحسن حل لو شلتوا عاصمتكم المقرفة دى ذاتها من ارضهم ووديتوها غادى واقترح ليكم الفاشر لانها كانت عاصمة تاريخية او سنار ودى بتريح الجميع.

[الوجيع]

ردود على الوجيع
[ibrahim] 08-12-2015 09:56 PM
الناس بترحل للعاصمه عشان الخدمات ماعشان ياكلو ايس كريم ولاشاورما يا اصلي !؟ يعني مثلا واحد لو, مرض ليهو زول يقدر يوصلو لي اقرب مستشفي بدل ماروحو العيان وروحو يطلع لحدي مايصل لي اقرب اجزخانه من قريتو ولمن يصل يلقاهو فاضي لا دكاتره لاادويه دا بس سبب واحد غير التعليم والخ الخ فهمت يااصلي ( داموضوعنا يا اصلي فهمت ولا كيف؟!) اما حكاية الشماليه الاتملت دي اليسمعك يقول الشماليه دي اماره دبي ما العارفينها ديك بعدين اي زول سوداني من حقو يمشي اي حته في البلد دي لانو انحنا مافي زمن الانجليز ( زمن المناطق المقفوله ) يعني مشاكلنا في البلد دي واحده كان في الشماليه ولا الغرب ولا الشرق ولا الجنوب يعني مافي داعي لي كلامك ده وقع ليك يااصلي.

[wadnas] 08-12-2015 07:08 PM
اما اهل الشمالية في العاصمة فهي ارضهم وترابهم وهم احرار فيها , طيب يعني ناسك احرار في السودان وغيرهم يتم ارجاعهم لولاايتهم , منتهى الانانية ماهم ناس الشمال منتشرين في السودان وكل العالم حد طردهم ولا قال رجعوهم , لا اعتقد أن فهم اهل الشمال مثل فهمك هذا , بعدين ان سخريتك من لهجة اهل الغرب ( تهرير الشمال) هي سخرية من كل السودنيين وبالذات في اطارفه شمالا وجنوبا شرقا وغربا فهم اهل لهجات ولغات محلية , ان كنت لا تدري


#1319643 [حزين جداً]
0.00/5 (0 صوت)

08-12-2015 10:33 AM
كيف يخارب السودان الهجرة من الريف للمدن ...

الريف ... القري ... الفرقان ... المناطق النائية ....

لا فيها دواء ولا تعليم ...ولا صحة بيئة ... ولا ماء ولا كهرباء ولا حتي إرسال

إذاعي وتلفزيوني ... وفي بعضها لا توجد شبكات إتصال ... ولا مواصلات ولا عربات

ولا رغيف حتي ... أو آيسكريم من باب الحنكشة !!!؟؟

هذه القري لو ربط فيها (الله يكرمكم ) الحمار لما جلس فيها أبداً ....

الناس دايرة الخرطوم محل الريس بنوم والطيارة بتقوم ...

والمؤسف في بنود أحد المرشحين لهذه السنة تشجيع الهجرة للعاصمة ... ا

الناس تفرغ العاصمة وهو العكس أعتقد أنه كان من ريف الحصاحيصا ...

عموما إذا كان عاوزين الناس تعمل هجرة عكسية ...

وفروا في القري معينات الحياة ...أكل شراب ...خضار ...فواكه ...علاج ... إرسال

شبكات ... مدارس مكتملة ...جامعات مكتملة ... صحف بأنواعها ... دور إعلامي

ماء الشراب النظيف والكهرباء ... بدل السعي واللهث وراء جلب الماء ...

ولنا 13 مصدر ماء !!؟؟ ( بس بكل أسف العاصمة مياهها معكرة وملوثة جداً

وفروا لأهل القري معينات الزراعة والحصاد ..وفروا لهم الطرق المعبدة لتوصيل

محاصيلهم للمدن ... وفروا لهم المحروقات والبقالات التي تعج بالخيرات

والمعروضات ...

الريف يفتقد الكثير ...والآن أصبح يفتقد إنسان الريف والقري ..الإنسان

الشريف النظيف الذي لا يعرف الكذب واللف والدوران ...وبكل أسف حتي بنت الريف

والقري النقية الطاهرة تلوثت بالكريمات وعرفت كثير من الحركات ...

وأصبحت تفتيحة يا عمك ...!!!؟؟؟

أسأل الله للسودان وشعب السودان وإنسان السودان التقدم والرفعة والإستقرار ...

بس حزين جداً للحال المائل ....

[حزين جداً]

#1319567 [امريكي]
5.00/5 (2 صوت)

08-12-2015 08:39 AM
كدي نبدأ بالرؤوس الكبار في الحكومة والولاية يرجعوا ويسوقوا معاهم اهلهم

[امريكي]

#1319537 [ابومرام]
0.00/5 (0 صوت)

08-12-2015 08:12 AM
اخر ماجادت به بنات افكار الكيزان عليهم لعنة الله اينما وجدوا

[ابومرام]

#1319472 [ابوفارف]
5.00/5 (1 صوت)

08-12-2015 02:18 AM
السودان وطن لكل مواطن فعليه ان يهاجر في اي وقت شاء الى اي مدينة من اطراف الدولة بقصد الاستقرار اوالاجراءات الاداريه لان موارد الولايات كلها تمشي للمركزالانسبة قليلة تبقى وابضا على المركز ان توفرالخدمات في كل ولايات السودان فمن حق ي مواطن ان يعيش عيش كريم في بلده مثل مايعبش كل دول العالم فالسودان يحتاج الى تغير المنظومة ااسياسية القائمه التي تديرالبلاد بصورة ارتجالية من غيراستراتجي تلبي طموحات الشعب

[ابوفارف]

ردود على ابوفارف
[الوجيع] 08-12-2015 01:04 PM
نعم الستور اعطى الحق لكل مواطن على قدم المساواة فى كل انحاء السودان ودا ما معناه ان تهجر قبائل باكملها ديارها وتنتقل بطريقة جماعية حيثما تشاء وهذه هى الفوضى بعينها وسبب مشاكل البلد يعنى الدستور ما قال الحشاش يملاء شبكتو.... ليه هى سايبة والله الارض دى ما ليها اصحاب اشمعنى فى مناطقكم تقولوا حواكيرنا وما حواكيرنا وتتقاتلوا فيها وهنا دايرنها سايبة ما برضها دى حواكير قبائل.... دا اسمه الكيل بمكيالين وحب لاخيك ما تحب لنفسك .


#1319390 [الأزهري]
5.00/5 (3 صوت)

08-11-2015 09:57 PM
إذا كان واليها بقول أهل حلتهم كلهم جاءوا الخرطوم! خليهو يرجعهم أولاً وبعدين يشوف الباقين

[الأزهري]

#1319375 [الدرب الطويل]
5.00/5 (1 صوت)

08-11-2015 09:24 PM
يا سلااااام على الطبيعة في الصورة..
الواحد يتحسر على عدم الاهتمام بالارياف وتردي الصحة والتعليم والبطالة..
انا زرت اماكن كثيرة في اقاليم السودان واحببت حياة الريف جداً.. واذا ربنا مد في العمر عايز اعيش في الريف واساهم في التنمية ان شاء الله مدرسة اهلية..

[الدرب الطويل]

#1319366 [همت]
5.00/5 (2 صوت)

08-11-2015 09:10 PM
أبنوا المصانع في الأقاليم وخفضوا الجبايات والرسوم المفروضة على منتجات الأقاليم فتقل الهجرة إلى المركز يا كيزان الشر. لكنكم لم تفعلوا فالأموال كلها تبنون بها العمارة والعمارتين والثلاثة لأنفسكم وتتزوجوا بها مثنى وثلاث وربع وتسافروا بها إلى خارج البلاد بينما لم تفعلو شيئاً في أي إقليم من أقاليم اليلاد طيلة أكثر من ربع قرن غير الجباية!

[همت]

#1319360 [عصمتووف]
5.00/5 (6 صوت)

08-11-2015 09:02 PM
م هي الاسباب التي دفعت تلك الاسرة اللجوء لعاصمة الفقر والجهل والتخلف بعد م كانت ععاصمة الرقي والتحضر مقل العواصم الاوربية من اجبر هؤلاء الطيبون وخلعهم من جذورهم الاجتماعية والثقافية ومن صدروحجر الحبوبة والجد والخال والعم من قري كنا نحن سكان العاصمة نسافر لها من ضجيج العاصمة والتعرف بالاهل ورضاعة الحتية والطيبة فالعاصمة لا ترحم بشر ولا حجر حاليا الكل ف همومة مواطن ووافد لماذ حرمتوهم تلك النعم ف البساطة والطيب والمعشر لماذا تسرقوا حقوقهم وتحرقو زرعة نخيل الشمالية وتبور ارضة مزارع الجزيره حروب ف النيل الازرق دارفور ج كردفان لماذا تجبرونهم للعمل ف مهن لا تسر نظافة عتلة بيع هتش بالاشارات تسكع شحدة استهبال وهو كان المواطن الامين والمثال ف الشجاعة والكرم لماذا تريدون له القسوة ليقسي قلبة علي المجتمع واسرتة والوطن عام
انتم السبب ب سياستكم الرعناء الله يكون ف عون جميع الاسر النازحة المجبورة المفارقة للارض والعرض

[عصمتووف]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة