الأخبار
أخبار إقليمية
معركة وزارة المعادن..!!
معركة وزارة المعادن..!!
معركة وزارة المعادن..!!


08-11-2015 11:58 PM
عثمان ميرغني

الضجة الإعلامية الكبرى التي أثيرت حول الشركة الروسية صاحبة امتياز العقد الملياري لإنتاج الذهب.. ما كان لها أن تحدث لو أن وزارة المعادن أحسنت إدارة الملف الإعلامي..
الأمر لا يحتاج إلى أي غلاط.. كل الذي حدث أن أستاذنا الصحفي الكبير المعروف السر سيد أحمد ألقى بحجر في بركة ساكنة.. طرح سؤالً منطقياً.. قال إذا مشروع ذهبي بهذا الحجم العملاق لماذا لم تهتم وكالات الأخبار الأجنبية ببثه؟
في الحال اتجهت الرياح للبحث عن اسم الشركة الروسية صاحبة الحظ السعيد.. لكن يبدو أن التضارب في اسم الشركة عرقل محرك البحث الشهير (قوقل) في الإيفاء بإجابة تحسم الجدل..
ثم فجأة ظهر الدكتور محمد أحمد صابون، الخبير السوداني في روسيا، وأجج الموقف كله باستقالة نفتها وزارة المعادن وقالت هو أصلاً ليس في لائحة مستشاريها أو العاملين بها حتى يستقيل.. وقالت الوزارة إنها تعاقدت معه لشهر واحد ونفضت يديها عندما أحست بأنه غير قادر على الإيفاء بالمطلوبات التي شملها التعاقد.
وبين هذا وذلك أنبرى مدير الشركة الروسية للحملة الإعلامية وأكد صدقية كل المعلومات حول الشركة واستكشافاتها العظيمة.. وتحدى الجميع بأن يصبروا فقط ستة أشهر (والميه تكضب الغطاس) على رأي المثل الشعبي..
كل هذه الأزمة ما كان لها من داعٍ لو أن وزارة المعادن عقدت المؤتمر الصحفي الذي دعتنا له أمس ثم ألغته بصورة مفاجئة قبل أقل من ساعة من موعده.. وبذريعة أن الدكتور الكاروري وزير المعادن سافر فجأة.. وهي حجة لا تبدو مقبولة إلا إذا كان الوزير غير راغب في التناول الإعلامي للقضية في الوقت الراهن..
كان سهلاً جداً على وزارة المعادن. أو حتى وزارة الإعلام أن تصدر بياناً من ورقة واحدة تجيب فيه على الأسئلة التي سرت في الوسائط الإعلامية المقروءة والأثيرية.. حتى بلا حاجة لمؤتمر صحفي.. ثم بعد ذلك لن تحتاج الصحافة إلا لعناء الصبر لفترة قصيرة لن تتعدى الستة أشهر و(بيان بالعمل) لتنضج المعلومات تحت حرارة شمس الحقيقة..
بكل يقين خبر سار لكل شعب السودان أن تكون كل هذه الاحتياطات الذهبية تحت أرضه.. لأن مجرد بث نبأ وجودها كاف لتسهيل كثير من المعاملات المالية الدولية التي قد تنهض بالاقتصاد السوداني.. وبهذا تصبح معركة وزارة المعادن سهلة للغاية لأنها تلعب مع (الرياح) رياح الأماني الشعبية في وجود هذه الثروة الطبيعية الهائلة..
لكن مع كل مافي سلة وزارة المعادن سلكت المسار الخطأ.. فنصبت مدفعيتها تجاه الدكتور صابون وأمطرته براجمات ملتهبة كلها تنحصر تحت عنوان: (الاغتيال المعنوي).. وهي بالتأكيد ليست معركة الشعب السوداني.. هي معركة وزارة المعادن وحدها..
على كل حال.. لا أتمنى أن يكون مثل هذا الملف سلاحاً في ميدان الرماية السياسية.. فلا أصدق أن هناك سودانياً يتمنى أن تكذب أحلام الذهب لمجرد الكيد في حزب المؤتمر الوطني..


تعليقات 36 | إهداء 0 | زيارات 10056

التعليقات
#1320344 [العيسابي]
0.00/5 (0 صوت)

08-13-2015 12:08 PM
الصحفي عندنا يجلس على المكتب ويكتب مقال أو خبر ولو في مؤتمر يقوم جاري عشان يحضره وبكرة ينزل ليهو سطرين في الصحيفة ،والصحفي في دول أخرى يتغمص دور المتحري السري والعلني لكي يظفر بالحقيقة وما يسندها من وثائق وله مخبرين يدفع لهم من ماله الخاص وممكن يتعرض للأخطار تهدد حياته كل ذلك من أجل الوصول للحقيقة وتمليكها للقراء يا مهندس عثمان ميرغني هل في مقدورك أن تحمل قلمك وكاميرتك وتذهب للتحري مع الشركة الفرنسية صاحبة الامتياز لتعدين الذهب حول بداية عملها في السودان بدايةً من إبرامها العقد مع حكومة السودان وإنتهاءً بأخر جرام ذهب تم إستخراجه من أرضنا وكيفية تصديره وإلى أي جهة تم بيعه وكم كان نصيب الشركةالفرنسية ونصيب حكومتنا وفي أي حساب تم تحويل الأموال في حساب وزارة المالية ؟ ولا ماليزيا ؟ وتحت أي بند صرفت أموال الذهب ؟ بند الامتيازات والبدلات وسيارات الدفع الرباعي ولا تمويل الحرب في دارفور وجنوب كردفان ؟
أو إمكن بند الصحة والتعليم ودعم السلع الأساسية مثلاً ، تقدر يا ود ميرغني لشغل ذي ده ... تقدر ولا كفاية عليك حضور مؤتمرات صحفية ؟

[العيسابي]

#1320041 [SUDANESE]
0.00/5 (0 صوت)

08-13-2015 12:17 AM
يعني الكاروري دا (الله يكركر روحه في الدنيا قبل الاخرة} كذبة سد مروي ما كفته داير تاني يكذب علي الامة؟؟؟؟
حسبنا الله ونعم الوكيل من الكذب.

[SUDANESE]

#1319993 [Khalid Abdalla Ragab]
5.00/5 (1 صوت)

08-12-2015 09:10 PM
Has Mohamed Ahmed smelt even the fumes of the petroleum to come and tell him about the luster of the Gold? Kolo She lilah! and every cent went to Dubai or Malaysia in the pockets of the Tyrant Gang! Be honest and step down, your corruption has no cure except leaving the country after you destroyed the economy of the Sudan

[Khalid Abdalla Ragab]

#1319967 [شهنور]
0.00/5 (0 صوت)

08-12-2015 08:06 PM
ذهابكم ايها المجرمون الفاسدون اغلى من الذهب عند الشعب السودان .

[شهنور]

#1319884 [أحمد سكاك قطيه]
2.00/5 (2 صوت)

08-12-2015 04:59 PM
حل كل مشاكل السودان,, هو ذهاب هؤلاء الكيزان مصاصى الدماء ,,, هؤلاء الافات القراديه الطفيليه ,,, لاتحس بما يعانيه المواطن ,, والله لو تحول تراب السودان كله ذهبا ,, لذهب به هؤلاء اللصوص ,,
اللهم أبدهم ,, كلهم من أعلى رأس إلى أصغر فرد فيه ,, اللهم إرنا فيهم يوما مثل يوم القذافى,, آمين

[أحمد سكاك قطيه]

#1319875 [احمد البقاري]
4.00/5 (3 صوت)

08-12-2015 04:33 PM
بحسب ما يدور بمجالس خاصة، فأن الصفقة البليونية أم 46 ألف طن دهب كان المقصود منها أستدراج رجل أعمال خليجي مشهور للدخول مع الحكومة السونية في صفقة أستثمارية مغرية للغاية، إلا أن مستشاري رجل الأعمال "الضحية المفترضة" كان يلحون على تقديم ضمانات، مما أجل توقيع الصفقة لأكثر من مرة.

أما فيما يختص بشركة "سيبرين" الطرف الثاني في الصفقة البليونية، هي مجرد أسم تجاري وهمي وصاحبها فلادمير زوكوف مجرد سمسار يتكسب من مهنة العلاقات العامة لدى الحكومات الفاسدة لمساعدتها في تحسين صورتها أمام الدائنين وتخفيف الضغوط المطالبات عليها أو مساعدتها في نصب الشراك لضحاياها المغفلين.

ما حدث، هو غضب حكومة المستثمر الخليجي من تصرفات الحكومة السودانية والرئيس البشير شخصياً لتورطه في محاولة أستدراج مواطنيها والإيقاع بهم والنصب عليهم بمعلومات كاّذبة، وذلك من خلال حضور الرئيس البشير شخصياً في مسرحية الأكتشافات البلونية وتوقيع العقد مع شركة سيبرين. وهو دفع الحكومة الخليجية بممارسة ضغوط هائلة على السلطات الروسية لنفي هذه الصفقة رسمياً، إلا أن الحكومة الروسية أختارت حلاً وسطاً أعتبر مرضياً للدولة الخليجية، إلا هو ممارسة الحكومة الروسية الضغط على مستشار وزارة المعادن السودانية لتقديم أستقالته وكشف حقيقة العقد الماسورة.

[احمد البقاري]

#1319848 [TIGERSHAK]
0.00/5 (0 صوت)

08-12-2015 03:46 PM
This writer is genuine moron...it is not about Gold or Oil!! its the damn regime ...idiot

[TIGERSHAK]

#1319847 [عمر عابدين - الدوحة]
4.50/5 (4 صوت)

08-12-2015 03:44 PM
تحية واحتراما ...
(الزمن انبطح)
الغريب في الامر ان الاستاذ عثمان ميرغني لسة بيعتبر نفسه من الشعب (ما اسوأ ان تكون شعبا) لا اعتقد انك بهذا السوء .. حاشاك ان تكون شعبا ...
اقتباس :
(كل هذه الأزمة ما كان لها من داعٍ لو أن وزارة المعادن عقدت المؤتمر الصحفي الذي دعتنا له أمس ثم ألغته بصورة مفاجئة قبل أقل من ساعة من موعده.. وبذريعة أن الدكتور الكاروري وزير المعادن سافر فجأة.. وهي حجة لا تبدو مقبولة إلا إذا كان الوزير غير راغب في التناول الإعلامي للقضية في الوقت الراهن..) انتهى الاقتباس..
اي مؤتمر صحفي واي بطيخ؟ عملوا مؤتمر ما عملوهوا النتيجة (تحت الصفر)
اقتباس آخر:
(فلا أصدق أن هناك سودانياً يتمنى أن تكذب أحلام الذهب لمجرد الكيد في حزب المؤتمر الوطني..) انتهى الاقتباس
اها رايك شنو انا بتمنى ان تكذب احلام الذهب ؟؟؟؟؟
معناها يا استاذ عثمان ميرغني انت ما حتصدق اني سوداني؟
معناها بحسابات عثمان انا ما سوداني؟
منتهى السخف ....!!!!
اها رايك شنو اي سوداني بيعرفكم كويس ما بتمنى يكون الكلام دا حقيقة لان ما حيكون ليهو نصيب فيهو والخسران الشعب السوداني ... وانت عارف وكلنا عارفين قروش البترول الــ (100) مليار مشت وين؟؟؟؟
وكيف عاوز نتمنى يطلع الذهب ويكون مصيرو زي مصير قروش البترول؟؟؟
(ما أسوأ أن تكون شعبا)
بحسابات عثمان ميرغني ما حيصدق ان الشعب السوداني الــ (35) مليون انهم سودانيين !!!! حيجردنا من سودانيتنا لمجرد اننا لا نثق في ثلة الاخوان؟؟؟
صحيح (الزمن انبطح)

[عمر عابدين - الدوحة]

ردود على عمر عابدين - الدوحة
[الملك عمارة ود عدلان الي فتح السودان وحولها من دار صليب لدار] 08-13-2015 04:38 PM
يا زول الزول ده ليهو سنتين بيلعن ويسب ويفضح الحكومة, وكلاموا في المليان وفي هوى الشعب وهوى المعارضة. يعني يبقى شيوعي ولا يكون كافر حتن بعض المرضى ترضى عنو. يعني شنو كان كوز ولا كان بطيخ طلاما كلاموا في السليم عليكم الله ركزوا في الكلام وخلو الراجل في حالو. الكلام ده موجه ليك ولكل زول ينتقد عثمان مرغني لمجرد انو كان كوز ويترك صلب الموضوع والي هو كلام سليم في المليان.


#1319838 [بشرى]
1.00/5 (1 صوت)

08-12-2015 03:26 PM
اصلا الموضوع دة ( ان صدق ) ما كان مفروض دة كلو يحصل البترول البترول وما صاحبه من حملة اعلانية والبشير بفتح فى ( البلف ) وعوض الجاز يقفل والمشاكل الجاتنا من وراهو - واسى الدهب قبل ما يطلع متى نفهم بان المشاريع الاستراتيجية المفروض المعلومات فيها لا تقل سرية عن المعلومات العسكرية خوفا ان شئتم من العين والحسد والنجيهة , بعدين نحن من متين كانت مشكلتنا مادية مع الناس ديل ويعنى شنو لو طلع دهب ونحن فى هانة وذلة وعدم عدالة وقبلية وجهوية الخ انا خايف الدهب دة يكون نذير شؤم على البلد ويؤدى الى انفصال الشمال كمان , فالنصمت قليلا واصلا مسروق مسروق يعنى ذى البترول دخل وطلع وما حسينا بحاجة غيرت حياتنا

[بشرى]

#1319829 [jackssa]
0.00/5 (0 صوت)

08-12-2015 03:14 PM
... أكان الدهـب كما قيل كتل كتل يا حكومة السجم أدوني حـقي خام ... حـقي ومن قال حـقي غلب وما ظــلم ... والجماعه ديل أنا طالبن وما كلام ساكت ولكن الجماعه عملوا طاشين مني .. حـــقـــي ...

[jackssa]

ردود على jackssa
[مندهش] 08-12-2015 08:48 PM
و الله فعلا اسم على مسماجركان فاضى عل تعلم ان ديون السودان حتى نميرى لم تتعدى 800 مليون دولار و نحن مالنا و مال الكبارى و السدود كان احسن نجى كدارى و نتعالج و نتعلم و نتبشتك زى ما قال عادل امام بس اسا لا كهرباء و لا موية و القروش راحت و مشروع الجزيرة راح و سودانير و السكة حديد و سودانلاين و امو ماتت و عمتو ماتت و هشتكنا و بشتكنا

[جركان فاضى] 08-12-2015 05:21 PM
خلص ديونك الخارجية وتعال طالب بحقك...انت قائل الكبارى والطرق دى عملتها الانقاذ بمال الشعب....خلص دينك حتى تغمض عينك...ثم ان نصف هذه الديون اورثها نظام النميرى للشعب السودانى


#1319822 [إسماعيل آدم]
3.00/5 (2 صوت)

08-12-2015 03:04 PM
أكبر شركة تعدين في العالم أنتتجت في عام 2014 222.9 كن من الذهب !والتي تليها أنتجت 150.7 طن وفي دول عديدة بل ثلاث قارات -أمريكا الجنوبية و أستراليا و إفريقيا!
توجد شركة روسية واحدة و هي رقم 9 وأنتجت في العام الماضي 52.8 كن فقط !!و يقدر إحتياطيها بحوالي 67 مليون أوقية و ليس طن !!
تجدوا هذه المعلومات في موقع Gold Investing News
الشركة الروسية موجوده و ليس لديها مدير تنفيذي مسجل !و تأسست في عام92 ومنذ عام 2010 تعمل الشركة كفرع لشركة OOO Onix .هذه المعلومة تجدونها علي موقع bloomber

[إسماعيل آدم]

#1319803 [نص صديري]
3.50/5 (3 صوت)

08-12-2015 02:36 PM
لا أعرف لماذا يهتم الاعلام المعارض بالنشر لهؤلاء الرماديين من صحفيي الانقاذ؟

هل تعرفون لماذا اختار رجل المافيا الروسي صحيفة السوداني لنشر خبره؟
هل تعرفون لماذا لم يتناول اي صحفي سوداني لفضيحة تقديم رجل الاعمال الروسي هذا لمظاريف مليئة باوراق البنكنوت للصحفيين الذين حضروا اللقاء؟

عثمان مرغني صاحب قصة التلفونات المتفجرة لإلها الناس عن الانتخابات المخجوجة و صاحب السوداني ابوجضوم كلاب امن ما ان يتحمسوا في تناول قضية ما فتأكد ان لعسس الامن مصلحة بها سواء لإلها الناس وشغل الرأي العام او هنالك عضة ما

ستتقدم المعارضة كثيرا اذا احجمت عن النشر لهؤلاء المشبوهين فصحافتهم لم يعد يطلع عليها احد
صدقوني سنقضي على الانقاذ اذا ما قاطعناهم

[نص صديري]

#1319798 [سمير الحسين / كســــــــــــلا]
4.63/5 (4 صوت)

08-12-2015 02:28 PM
أتمني أن لا يستخرج الذهب المزعوم الآن بل يترك فهذا من حق الأجيال القادمة , ماذا فعلت حكومة الإنقاذ حتى الآن بالبترول !!! و غيره من موارد الأجيال القادمة المنهوبة .
لــــــــذا أتمنى أن يتعثر أمر أستخراج الذهب إلى أن يقضي الله أمر كان مفعولا بالطغمة الفاســــدة .

[سمير الحسين / كســــــــــــلا]

ردود على سمير الحسين / كســــــــــــلا
[جركان فاضى] 08-12-2015 05:17 PM
كلام عين العقل...كلام فى المليان يا اخ سمير حسين....لاتأتوا السفهاء اموالكم... سفهاء وكذلك مبذرين


#1319725 [Kudu]
1.00/5 (1 صوت)

08-12-2015 12:40 PM
كلامك صح بخصوص الفترة التي تحسبها قصير أي فترة ستة شهور من الانتظار اذ نعلم بأننا شعب لغلاغ وله ذاكرة مثل ذاكرة سمكة البلطي..

[Kudu]

#1319709 [mvpftr]
1.00/5 (1 صوت)

08-12-2015 12:14 PM
الشعب السوداني يدفع تمن الاكاذيب
طوالي الدائنين لحكومة السودان حيحجزو حقهم عايزين ديونهم
كان الخبر كذب ولاصاح
الحكومة حتقرص المواطنين لتسديد الديون!

[mvpftr]

ردود على mvpftr
[جركان فاضى] 08-12-2015 05:15 PM
بصراحة انت الفاهم الحاصل وكل ماقلته صحيح...ديون السودان الخارجية فاقت 46 مليار دولار....فهل يسكت الدائنون اذا كان عندك ذهب بهذا الاحتياطى الهائل؟.... الدول الدائنة هى من تستخرج الذهب لتأخذ حقها وترمى لك الباقى اذا فضل فيه شئ


#1319706 [سيف الله عمر فرح]
5.00/5 (4 صوت)

08-12-2015 12:09 PM
الصحفى عبدالباقى الظافر فى مقاله اليومى ، بحث عن كلمة السر فى الصفقة المليارية لوزارة المعادن ! ، عامل نفسو طاشى من كلمة السر ويطلب من القراء المساعدة لمعرفتها !! ..
وهنا الصحفى عثمان ميرغنى يعاتب وزارتى المعادن والاعلام فى تصرفهما بسوء وعدم حرفية لإعلان الصفقة !( شماعة الحكومة ، وليس النظام كعادة عثمان ) . الأستاذ عثمان ميرغنى يحسسنا انه شريك فى الصفقة ، وحريص على أن تبحر الصفقة حتى نهاياتها ، وبإسم الوطنية ، يطلب من القراء التفاؤل ، وأن لا يسيئوا النية ، وأن لا يكيدوا ضد المؤتمر الوطنى ، ايحاءآ مثل جماعات المعارضة !! .

فى اعتقادى أن الصفقة صفقة لكيان تنظيمى من وراء حجاب ، والحكومة عبارة عن ديكور لإضفاء الشرعية ! ، العائد الأكبر سيكون من نصيب الإخوان المسلمين فى السودان بأذرعهم وآلياتهم المتمكنة فى الدولة ، ولا أحد يجادل فى ثمار أشجار التمكين التى تم زرعها منذ يوم إغتصاب السلطة الشرعية ! ..
مش معقول يا أساتذة ، يا عبدالباقى ويا عثمان ، زيما سأل زميلكم الصحفى الكبير المعروف زميكم السر سيد أحمد ،
[[ إذا مشروع ذهبي بهذا الحجم العملاق ( 280 مليار دولار ) لماذا لم تهتم وكالات الأخبار الأجنبية ببثه؟ ]] .
يا أساتذة يا محترمين ، احترموا عقولنا فنحن مدمنون بقراءة كتاباتكم ! ، الى متى سترمون نبال أقلامكم فى اتجاه ظل الفيل ؟ .

[سيف الله عمر فرح]

#1319694 [جركان فاضى]
5.00/5 (4 صوت)

08-12-2015 11:48 AM
الفوق الواطة نضفوه...قبلوا على بطن الواطة...حيسلموكم السودان فاضى ظاهر وباطن

[جركان فاضى]

#1319677 [ود الحاجة]
0.00/5 (0 صوت)

08-12-2015 11:24 AM
اقتباس : كان سهلاً جداً على وزارة المعادن. أو حتى وزارة الإعلام أن تصدر بياناً من ورقة واحدة تجيب فيه على الأسئلة التي سرت في الوسائط الإعلامية المقروءة والأثيرية..

تعليق : اذا كان الامر سهلا كما تقول فلماذا لم تقم الوزارة بذلك؟

لا اعتقد ان المشكلة في تقديم ورقة او كتاب و لكن المشكلة في المعلومة .
هل المعلومة صحيحة؟

[ود الحاجة]

#1319674 [abu ahmed canada]
0.00/5 (0 صوت)

08-12-2015 11:20 AM
هل سوف نصبح جوهانسبيرج الجديدة أم يتبخر الذهب الأحمر كما تبخر الأسود قبله

[abu ahmed canada]

#1319666 [هاشم علي الجزولي]
5.00/5 (2 صوت)

08-12-2015 11:02 AM
الكاروري مجرب في سد مروي والجميع يعرف ماحدث في سد مروي من دعايه اعلاميه غير مسبوقه وباصات وطائرات لزياره كعبه الاقتصاد القادمه ونهايه الفقر في السودان وتصدير كهرباء لاثيوبيا كل ذلك كان لاظهار المتاثرين انهم ضد هذا المشروع العملاق وضد النهضه التنمويه وان بعضهم عملاء يريدون الكيل من العبقري اسامه عبد الله وساعده الايمن الكاروي الان يتكرر المشهد وتريدنا ان نتفائل خيرا والله الا نكون طير

[هاشم علي الجزولي]

#1319629 [شبتاكا]
4.63/5 (4 صوت)

08-12-2015 09:57 AM
المنطق يقول نجيب وداعية ونعينها استشارية اعلامية بمخصصات يحسدها عليها احمد بلال وتابيتا بطرس وتقوم تفك لينا طلاسم ثروة الذهب الهابطة علينا ببركة حيكومة الانقاذ وتفند لينا دعاوى المعارضة الحاقده عن الفساد والافساد وصبرك علينا نولى الوالى السابق والذى لا يظلم عنده احد وجيشه الجرار من الغلمان امر قسمة الثروه الذهبية وننتدب ايلا جوكر ثورة الانقاذ والذى عقمت ارحام اخوات نسيبه من ان تلد مثيلا له لخلق اصلاحات جوهرية بوزارة المعادن ونؤجل معركته حامية الوطيس لكسر نخرين اتحاد عمال غندور والمال المهدور مرتبات للمراحيم ومخصصات لاهل التمكين....شيخنا قنبورنا بقى اكبر من راسنا وانت وصديقك دبدوب الانقاذ الاعظم مصرين على حلاقتنا صباح وعشيه....وصدقنى نحن متاكدين بانو مصيبتنا جات من كيزاننا لاننا دنقرنا لهم وخليناهم يركبو على ظهورنا وبدون سرج وزمان سرقة بترول الجنوبيين ورثتنا الفقر والفاقة واكيد دهب المعز الكارورى ح يكرنا جوه كوش الوالى الجديد الذى يمعن الان فى النظر....وينتظر معجزة تكنس شوارع الولاية من الوسخ والبشر...................

[شبتاكا]

ردود على شبتاكا
[سيبويه العجمي] 08-12-2015 11:38 AM
ههههههه
تصلح كاتب ساخر
احسن من الغثاء الكاتبو ود ميرغني صاحب الدبدوب


#1319606 [الكردفاني العدييييييييييييييييييييييييييييييييييييييل]
4.75/5 (5 صوت)

08-12-2015 09:28 AM
انا من الذين تكذب احلام الذهب ..... لانها في ظل دولة الرقيص .... لن يكون الحال الا مزيدا من الدماء .... وازهاق الارواح ..... والاستبداد والرعونة .... لمنتسبي الارجاس .... ولن يستفيد المواطن .... الا فتات لا يغني مسغبة واو يروي عطشى ..... العاصمة .... فضلا عن بقية .... الارض البور ....

ولكم في دولة نيجيريا ..... ثاني اكبر مصدر للبترول .... خير برهان .... اذ لا بد من اقامة دولة القانون اولا .......

[الكردفاني العدييييييييييييييييييييييييييييييييييييييل]

#1319587 [ابو معاذ]
0.00/5 (0 صوت)

08-12-2015 09:02 AM
المهم هناك شركة مستسمرة قى الذهب كباقى الشركلت المستشمرة مهما كانت الكميات ودعونا نتفاءل خيرا

[ابو معاذ]

ردود على ابو معاذ
European Union [الواضح ما فاضح] 08-12-2015 01:10 PM
غايتو أنا من لقيتك كاتب شركة (مستسمرة) وبعدها (المستشمرة) عرفت إنك (متشمر) ساكت فيما لا تفقه ولا تعي، ورأيك لا يعتد به، يعنى ما في تفاءل.


#1319586 [قنوط ميسزوري]
5.00/5 (6 صوت)

08-12-2015 09:00 AM
حتى أنت صدقت هذا الوهم الذي إسمه الذهب؟؟؟ ثم ثانيا ماذا أفاد الذهب -ثروة ناضبة و قليلة الإستعمال- ماذا تفيد المواطن على المدى القريب و البعيد؟؟ تذكرت قصة ذهب حلفا الجديدة القرية 22 الذي إستعانت فيه وزارة التعدين و بنك السودان بفكي كجور "كارب" حتى يستأذن الجن الذي يحرس الذهب في باطن الأرض. يا جماعة تعقلوا و خليكم واعين من الخرافات التي صارت تصرفها الحكومة مجانا للشعب الضهبان

[قنوط ميسزوري]

#1319572 [التشيلاوي]
0.00/5 (0 صوت)

08-12-2015 08:47 AM
فلا أصدق أن هناك سودانياً يتمنى أن تكذب أحلام الذهب لمجرد الكيد في حزب المؤتمر الوطني.. !!! لا صدق يا أبو عفان فهناك سوداني قال إنه منع بواخر القمح والعدس من الوصول للسودان حتى يثور الشعب !! وهناك سوداني آخر فجر خط أنابيب البترول وهناك سوداني آخر تخابر مع دولة أجنبية ضد بلده وهناك سوداني وهناك وهناك ... لستم ملائكة بل أنتم بشر ممن خلق فيكم الصالح والطالح

[التشيلاوي]

#1319562 [Ageeb]
5.00/5 (2 صوت)

08-12-2015 08:35 AM
"بكل يقين خبر سار لكل شعب السودان أن تكون كل هذه الاحتياطات الذهبية تحت أرضه.. لأن مجرد بث نبأ وجودها كاف لتسهيل كثير من المعاملات المالية الدولية التي قد تنهض بالاقتصاد السوداني..."

سوف يقول لك أهل الذكر يا عثمان ميرغني أن الاستنتاج الذي ذهبت إليه فطير؛ وأن مثل هذه المعلومة ستجر الوبال على البلد المنكوب بالديون الثقال التي خلفها نظام البشير!

[Ageeb]

#1319553 [سوداني]
5.00/5 (3 صوت)

08-12-2015 08:25 AM
لا يوجد سوداني يتمني عدم صدق هذا الخبر ، كل ما يشكك فيه الناس هو صدق المتاسلمين فقد ثبت انهم كذبوا ثم كذبوا فكتبوا عند الله من الكذابين .لن ننسي ما بشرنا به من ان سد مروي سوف يصدر الكهرباء و اننا أصبحنا دولة بترولية ثم اكتشفنا ان كل مافي الامر كان لتمرير مصالح الفئة إياها ولا ناقة للشعب السوداني ولا جمل فيها . وزير المعادن يسير علي نفس خطي اخوانه في الكذب و الوعود الهلامية

[سوداني]

#1319551 [جنو منو]
5.00/5 (5 صوت)

08-12-2015 08:25 AM
طيب يا عثمان الدهب طلع ماسوره روسيه ركوبوها للمتؤضين ..كدى شوف لينا قصة
الشركة الفرنسيه التى تم التوقيع معها من قبل وزارة المعادن مؤخرا بحضور
شيخ الامين .. شيخ الهشك بشك والحناء .. وطبعا شيخ الامين مابقصر يحنن ليكم
العروس ويلبسها دهب كمان ويسوى الكتمه كمان ..!!

[جنو منو]

#1319541 [Abdo]
5.00/5 (1 صوت)

08-12-2015 08:14 AM
خليك إنت و حكومتك مع احلام الذهب و خلي الشعب لأحلام زلوط

[Abdo]

#1319540 [ابواسامه]
5.00/5 (2 صوت)

08-12-2015 08:14 AM
والله يا استاذ عثمان ربما يكون الاكتشاف حقيقة لكن نسال الله الا يوفق الشركه في استحرجه لنه لو استخرج في هذا الزمن الردي لتحول الي ماليزيا كما حصل لعايدات البترول

[ابواسامه]

#1319535 [القريش]
5.00/5 (2 صوت)

08-12-2015 08:09 AM
الدهب موجود فى السودان لكن ليس بالكميات المهوله المعلن عنها دى!

[القريش]

#1319534 [ابراهيم مصطفى عثمان]
5.00/5 (2 صوت)

08-12-2015 08:09 AM
انت يا عثمان ميرغني الاكثر سعادة من خلق جو (تخدير الشعب)وانتظار ستة اشهر ليتبين الحقيقة من(الغي) وستة اشهر في عمر النظام ليست قليلة . منذ عشرات السنين قيل ( السودان اكبر بستان ومرعي ومنجمفي افريقيا)وطوال الثلاثين عاما الاخيرة لم تكن هناك سيرة بخلاف ضخامة الموارد الطبيعية في السودان والا لما تحدثت الانقاذ لربع قرن عن (سلة غذاء العالم) والسودانيون يموتون بالجوع بالرغم من كثافة الاغاثات ثم اتضح منذ 2004 ان الجزء الجنوبي من السودان هو منبع البترول السوداني ومع ذلك استمرت سلطة الاخوان المسلمين في مطاردة فصل الجنوب بكل همة .ثم ان ايرادات البترول والتي بلغت اكثر من مائة مليار دولار خلال سنوات ضخ البترول ضاعت كلها في ثنايا انصبة الشركات والتسليح وشراء الذمم الداخلية والخارجية والسرقات المصلحة ولم يعد دولار واحد للشعب الذي يراد تخديره الان بالذهب ثم ان الشعب كله الان يعدن في الذهب ويعلم الحقائق اكثر من حكومة الانقاذ ولكنه يعلم ايضا عدم وجود السلطة التي تطوع المورد لمصلحة الشعب .تخدير الشعب بالدين والاماني وصل مرحلة (التشبع) واية زيادات في وتائر التخدير سوي بالدين او الاماني لن تاتي بفائدة .

[ابراهيم مصطفى عثمان]

#1319522 [د. هشام]
5.00/5 (3 صوت)

08-12-2015 07:47 AM
"عقد لمدة شهرفقط"؟؟؟....ليه؟؟ دايرين يستشيروهو في حفر بير سايفون؟؟؟

[د. هشام]

#1319517 [انقاذي سادرفي فساده]
4.50/5 (3 صوت)

08-12-2015 07:38 AM
الفشل والفساد وادمان الكذب وتسويق الوعود الزائفة والتي لم تجد الاستجابة من المواطنين ناهيك عن الاعلام الخارجي

[انقاذي سادرفي فساده]

#1319508 [Ehab]
5.00/5 (3 صوت)

08-12-2015 07:23 AM
عثمان ميرغني أنا لا أعرف الدكتور صابون لكن أعرف أن الأنقاذ وبالتجربه درجة على الكذب من الرئيس للغفير عشان كدا البشير ومن لفه لفه بحضروا لي حاجه كبيره هي شنو ... الله أعلم .. في الغالب ماكله أكبر من أن يستوعبها الشعب السوداني لانو بالتجربه كل مره بيتحفونا بي حاجه جديده واسلوب جديد في الماكله والانقاذ معروفه بحب المال من بشيرهم الهوت دوق لي أصغر منتسب فيها ... عشان كدا يا عزيزي اكسب زمنك وخليك واضح معاهم واطعن الفيل ما تطعن ضله

[Ehab]

#1319505 [صادميم]
5.00/5 (3 صوت)

08-12-2015 07:18 AM
سيظهر بيان بعد قليل بمنع النشر في الصحف السودانية لكل ماله علاقة بالتوقيع على العقد الملياري و الشركة الروسية لان عمر البشير كان احد شهود التوقيع و سينسى الناس الموضوع ويبدأ البحث عن مخدر آخر للشعب السوداني الذي سوف ينسيه معاناته واظنه سيكون اكتشاف كميات مهولة من اليورانيوم وشركة مجهولة اخرى

[صادميم]

ردود على صادميم
[سموال] 08-12-2015 12:18 PM
قول صدقنا في دهب طيب البحيرة بتاعت البترول القال عنها المهندس مكاوي اخبارها شنو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة