الأخبار
أخبار إقليمية
بدء خدمة الانتقال بالرقم بين شبكات شركات الاتصالات في (4) أكتوبر
بدء خدمة الانتقال بالرقم بين شبكات شركات الاتصالات في (4) أكتوبر
بدء خدمة الانتقال بالرقم بين شبكات شركات الاتصالات في (4) أكتوبر


08-12-2015 10:57 AM
الخرطوم:
أعلنت الهيئة القومية للاتصالات عن البدء الفعلي لتشغيل خدمة الانتقال بالرقم بين شبكات شركات الاتصالات في الرابع من أكتوبر القادم، وأكدت اكتمال كافة مراحل تنفيذ المشروع.
وقال مدير الإدارة العامة لخدمات الاتصال بالهيئة المهندس مصطفى عبد الحفيظ في تصريح لـ (المركز السوداني للخدمات الصحفية) أمس إن مشروع تنقل المشترك برقمه بين شركات الاتصالات شارف على الانتهاء، وكشف ان التشغيل التجريبي للمشروع بدا في 30 يوليو الماضي، وسيستمر حتى عقب عطلة عيد الأضحى المبارك.
ولفت عبد الحفيظ إلى أهمية المشروع وفائدته الكبرى للمشتركين، وأشار إلى حرية التنقل بين المشغلين دون تغيير الرقم، وقال (يتزامن مع المشروع تشغيل مركز لتلقي شكاوى المشتركين على الرقم 5050).

الجريدة


تعليقات 7 | إهداء 0 | زيارات 7873

التعليقات
#1320091 [samisuh]
0.00/5 (0 صوت)

08-13-2015 06:27 AM
الرسوم للتنقل كم = أكيد بتكون كبيره أشان المواطنيين ما يعملوها شغلة ويلخبطوا الشبكات

[samisuh]

#1319945 [معاويـــــــــــــــــــــــــــــــة]
5.00/5 (1 صوت)

08-12-2015 07:16 PM
تنقلو فى الارقام المكالمه من دوله ل دولة الشبكه مقطوعه فى اغلب الاحيان شوفو الشبكات اول حتى تنطو للنقل بين الهواتف والشبكات تنط عينكم ...............

[معاويـــــــــــــــــــــــــــــــة]

#1319944 [العتباني]
0.00/5 (0 صوت)

08-12-2015 07:13 PM
اخيرا خبر سار من الحكومة لصالح الشعب! !
لو حسبنا الأخبار الحلوة والمفرحة للشعب خلال 26 سنة ما أظن تتجاوز أصابع اليد الواحدة !!
غايتو العطالي ديل الله يخارجنا منهم. ..ما عندهم لا شغل لا مشغلة غير إنهم يفكروا كيف يلغفوا
عموما بقدر ما الخبر مفرح إلا انو الأهم تصليح الشبكات. .... فما ممكن عشان تتصل علي أي شبكة لازم تحاول مرتين تلاتة! !
أما طمام البطن الحقيقي فهو النت ياخي تقول ابوالقدح! !
والله محن سودانية زي ما ما بقول عمنا بدري !!!.

[العتباني]

#1319787 [المتغرب الأبدي]
0.00/5 (0 صوت)

08-12-2015 02:18 PM
آن أوان الرحيل من سوداني .

[المتغرب الأبدي]

#1319785 [الحقيقة]
0.00/5 (0 صوت)

08-12-2015 02:14 PM
هذه خطوة متقدمة من هذه الوزيرة وربما يكون الأولى من نوعها بين دول العالم وأرجو من يصححنى في ذلك والموضوع هو إمتلاك كل شخص لرقم هاتفه الجوال ويمكنه بذلك الرقم الإنتقال من خدمة سودانى مثلا إلى MTN أو زين دون الحاجة للحصول على رقم جديد من الشركة الجديدة يعنى نفس الرقم يظل ثابتا تحت الخدمة وقد فشلت هذه المحاولة حتى في أمريكا بالرغم من طرح المقترح في الكونغرس نسبة لضغوط شركات الهاتف ورفضهم لكن من المفترض أن تقوم الوزارة بحملة لتوعية الشعب بمثل هذا القرار وإجراءاته.

[الحقيقة]

ردود على الحقيقة
United States [Ali maky] 08-13-2015 05:20 PM
كونغرس شنو ي راجل نظام الارقام في امريكا لا يتبع لاي شبكة يعني الرقم قومي ده حتي من قبال ما يصل الجوال يعني تلفونك الارضي ده عايز تتحول من خدمة لاخر ما عليك الا ان تتصل بالخدمة الجديدة وتعطيهم رقم الحساب والرقم السري غالباً من ٤ ارقام بحولو ليك الخدمة انت قارن السودان مع الصومال لكن امريكا دي كتيره شوية

United States [الوليد] 08-13-2015 12:32 AM
يالحقيقه. الخدمه موجوده في كل العالم. المشكله عدد الارقام مختلف بين سوداني من جهه و زين و MTN من جهه

[سمؤل هاشم] 08-12-2015 07:30 PM
ياحبوب الخدمه دي هنا في السعودية شغالة من زمان عادي ممكن تحول علي اي شبكة هنا

European Union [TIGERSHAK] 08-12-2015 03:24 PM
This service is available here in the UK


#1319730 [أبو ياسر]
0.00/5 (0 صوت)

08-12-2015 12:47 PM
خليكم من التنقل وصلحوا شبكاتكم أولاً. روحك تطلع عشان الخط يمسك معاك من خارج السودان.

[أبو ياسر]

#1319726 [عبده]
2.00/5 (1 صوت)

08-12-2015 12:41 PM
.

والله ما فاهم أيتها حاجة .....
كدى ورونا الكلام ده معناهو شنو؟


.

[عبده]

ردود على عبده
European Union [المتغرب الأبدي] 08-12-2015 02:20 PM
يعني لو رقمك مثلا 0123456789 في شبكة سوداني وما عاجبك الوضع ممكن تنتقل لشركة زين بنفس رقمك دا ..
بعبارة أخرى لن تضطر إلى شراء شريحة جديدة برقم جديد من زين .. بل تنتقل بنفس رقم سوداني إلى زين ..

وقعت ليك ولا أجيك ؟؟

European Union [حنبنيهو البنحلم بيهو يوماتي] 08-12-2015 02:10 PM
معناهو رقمك الشغال بيهو بشتغل في اي شبكه تانيه مثلا رقمك زين لو جيت منطقه فيها تغطيه سوداني رقمك الزين بشتغل مع سوداني و هكذا.

[الكجور الأسود] 08-12-2015 01:39 PM
غايتو إذا أنا ما فهمت غلط،الكلام ده معناهو لو معاك شريحة "سوداني" تستطيع أن تشتري إسكراتش من شركة إتصالات تانية كشركة "زين"مثلاً وتشحن الإسكراتش ده في نفس الشريحة بتاعة"سوداني"دون الحاجة إلى "تغيير" رقم الإتصال بتاع "سوداني"الذي يعرفه أصدقاؤك،لأن نفس الشريحة تقبل الشحن بإسكراتشات من شركات إتصال مختلفة.
بس مفروض يشرحوا بالتفاصيل عشان نفهم من القرايةالأولى.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة