الأخبار
أخبار إقليمية
حميدة لنواب الخرطوم :«تدوني بشتغل ليكم ما تدوني الشغل ياهو الشايفنو دا»
حميدة لنواب الخرطوم :«تدوني بشتغل ليكم ما تدوني الشغل ياهو الشايفنو دا»
حميدة لنواب الخرطوم :«تدوني بشتغل ليكم ما تدوني الشغل ياهو الشايفنو دا»


08-12-2015 09:28 PM
الخرطوم: عبد الرحمن صالح

كشف وزير الصحة بالخرطوم د.مأمون حميدة عن «55» مليون جنيه ديون على الوزارة من شركات تعمل في مشاريع تنموية لها، وأقر بعجزهم عن دفع مديونيات تلك الشركات، وأضاف هي الآن واقفة عن العمل بسبب تلك الديون واجبة السداد.

وطالب حميدة في زيارة لجنة البيئة والصحة بتشريعي الخرطوم للوزارة أمس، المجلس التشريعي للولاية بإجازة ميزانية الوزارة المقدمة له كاملة، وأشار الى أن ميزانية التسير التي أجيزت للوزارة «15» مليون فقط، وقال عندما نصل لنهاية العام بتبقى أقل من مليون.ودعا أعضاء المجلس لمساعدة الوزارة لتقديم خدمات صحية مميزة للمواطن. وتابع «يا تساعدونا في إجازة الميزانية ولاَّ ما تجوا تحتجوا وتقولوا جونتي مافي وإبرة مافي، أنا ما عندي إبرة ولا بجيبا ليكم من أي محل»، وأضاف «تدوني بشتغل ليكم ما تدوني الشغل يا هو الشايفنو دا»، وأضاف «مافي زول عندو درج هنا وبدينا قروش وما عندي مورد وكما أديتوني تسير مجزي عندي خدمة ح تقيف».

الانتباهة


تعليقات 8 | إهداء 0 | زيارات 6120

التعليقات
#1320507 [ود الكوتش]
0.00/5 (0 صوت)

08-13-2015 03:37 PM
55 مليون بس؟!! ده ثلث رسوم طالب في جامعتك ، ادفعها وسجل في الكراس

[ود الكوتش]

#1320282 [المتجهجه بسبب الانفصال]
5.00/5 (1 صوت)

08-13-2015 11:00 AM
في 1976 كان عمري 10 سنوات في رابعة ابتدائي اصبت بحمى لم تكن شائعة في السودان 4 شهور بعد مراجعة الدكتور السر عبدالماجد أسأل الله ان يعطيه الصحة والعافية حيث لم اره منذ ذلك الوقت اكتشف اني مصاب بحمى مالطية علما بأنني كنت في الصف الرابع ولم ندرس جغرافية اوروبا بعد حتى نصاب بهذه العدوى من على البعد،،، التحية للدكتور السر عبدالماجد واتمنى ان القاه لو في عمرنا بقية لاشكره على انقاذي فقد حملت اليه وانا فاقد الوعي،شكرا ايها المخلص وابناء جيلك،،، سبحان الله في النهاية جو ناس مامون حميدة حتى كلمة حلوة ولو بالكذب ما عايزين يقولوها للناس،،، الله غالب

[المتجهجه بسبب الانفصال]

ردود على المتجهجه بسبب الانفصال
[مسافر] 08-15-2015 08:54 AM
قال الأخ (الخرطوم ملتقى النيلين) "حملوني إليه، وليس حملت إليه" وعندي أن ما أورده المتجهجه أصح فسياق الكلام يدل على أن حملت فعل ماض مبني للمجول والتاء مضمومة، أما حملوني فهي اللغة التي كان يشير إليها أساتذتنا قديما بلغة "أكلوني البراغيث " كلغة ضعيفة وفي المثل السائر (أكلت يوم أكل الثور الأبيض) حيث أكلت مبنية للمجهول بألف وتاء مضمومتين مثل (حملت) ههنا .. والله أعلم.. مع تحياتي

European Union [الخرطوم ملتقى النيلين] 08-13-2015 02:10 PM
حملوني إليه وليس حملت إليه .
ولك العتبى حتى ترضى


#1320270 [elfatih]
5.00/5 (2 صوت)

08-13-2015 10:51 AM
القروش والابهه حتموت تخليها وتمشي بكفنك وعملك بس

اساليب رباطه بس

[elfatih]

#1320174 [الخرطوم ملتقى النيلين]
5.00/5 (2 صوت)

08-13-2015 09:02 AM
سبحان الله الخالق الناطق، المستشفى تشبه الكيزان .
نفس الفن والوساخة . يخلق من الشبه أربعين .

[الخرطوم ملتقى النيلين]

#1320080 [كاسـترو عبدالحـمـيـد]
5.00/5 (2 صوت)

08-13-2015 04:58 AM
انظروا الى الأوساخ والأتربة امام مدخل المستشفى . كيف يكون الحال بالداخل ؟

[كاسـترو عبدالحـمـيـد]

ردود على كاسـترو عبدالحـمـيـد
[العيسابي] 08-13-2015 11:06 AM
تعرفوا ليه القطط سمان ؟
عشان بتأكل نفايات المستشفى البشرية وما يتم إستئصاله من المرضى وتعمل( re-cycle )يعني إعادة تدوير للنفايات وبالتالي تساهم في حل مشكلة تؤرق إدارة المستشفى لذا يجب المحافظة عليها .

[ابو جلمبو] 08-13-2015 08:18 AM
ياخي نحنا اوسخ شعب في الدنيا، يعني نضافة الشارع دي بس مقشاشة ساي بتنضفة، لكن هو المسؤلين فاضين من الاكل والنهب

[كركاب مطر بلا سحاب] 08-13-2015 06:01 AM
الحال من الداخل أكوام من القمامة وقطط سمان تسرح وتمرح بين أروقة العنابر وأسرة متهالكة ومرضى أنهكهم سوء الرعاية وسوء التغذية وأجساد كالهياكل العظمية ...
نحن فى زمن التتار ..آكلى قوت الشعب السودانى والعياذ بالله..


#1320073 [سوداني]
5.00/5 (9 صوت)

08-13-2015 03:03 AM
كلام ولله
مامون حميده ده راجل قليل ادب تماما
اصلا انت مافي مصلحتك انو الصحه تقدم خدمات متميزه يا حرامي
عندك تضارب مصالح كبيره جدا مع الصحه للاسف الانت علي راسها
قروشك النت فتحت بيها الجامعات و المستشفيات دي ورثتها عن ابوك
ما كلو مال الشعب و الصحه
طيب ما تمسك عليك لسانك الزفر ده عليك
سارق قروشنا و تقل ادبك علينا
الله يورينا فيك يوم انت و العينك يا حرامي يا وسخ
ناسف يا جماعه علي الالفاظ بس ما لقيت احسن من كده للتعليق
من طمام البطن

[سوداني]

#1320035 [ود احمد]
5.00/5 (3 صوت)

08-13-2015 12:05 AM
هل هذا اسلوب واذا اتينا بالوالدة ست الشاي التي افتتحت العناية المركزة لشباب الحوادث لن تقول مثل هذا الكلام غير المسؤول وماهي الشركات انها شركاتهم ويستاهل الشعب السوداني الصابر المؤمن واقسم بالله ان ما يحصل للشعب السوداني من الذلة والمهانة لو حدث لاي مواطن اخر لما صبر هذا الصبر ونسال الله سبحانه وتعالى ان ينتقم من كل ظالم غشوم

[ود احمد]

#1320024 [الداندورمي.]
5.00/5 (2 صوت)

08-12-2015 11:18 PM
لا حول ولاقوه إلابالله مستشفي الخرطوم
آخر مره شفتها ١٩٩٦كانت جميله ونظيفه
أما،،،الآن قبيحه كئيبه قذره .

[الداندورمي.]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة