الأخبار
أخبار إقليمية
ابراهيم الكارورى الأمين العام لهيئة علماء السودان يستعرض أسباب التطرف
ابراهيم الكارورى الأمين العام لهيئة علماء السودان يستعرض أسباب التطرف
ابراهيم الكارورى الأمين العام لهيئة علماء السودان  يستعرض أسباب التطرف


08-12-2015 09:28 PM
(سونا) أكد البروفيسور ابراهيم الكارورى الأمين العام لهيئة علماء السودان إن التطرف هو نتاج أمة وليس نتاج حزب ولاجماعة ، مؤكداً إن التحليل الطائفى لقضية الغلو والتطرف أصبح ليس بدقيق مشيراً إن النظرة الحزبية الدقيقه للإحاطة بالمشكلة باتت تشكل عائقا فى معالجة قضية الغلو والتطرف .
جاء ذلك لدى مخاطبته ظهر اليوم بقاعة الشارقة الندوة التى نظمتها هيئة علماء السودان بالتعاون مع الاتحاد المهنى لاساتذة الجامعات بعنوان دور مؤسسات التوجيه والارشاد فى معالجة ظاهرة الغلو والتطرف.
وقال الكارورى ان القضية تشتمل على ثلاثة نقاط لكى تصل الى بوتقة المشكلة مبينا ان النقطة الاولى تتمثل فى خصائص الموقف العلمى والمعرفى من المشكله ويدخل فيها التدقيق والمراجعه والعمل على فحص المشكله من جذورها واسبابها فحصاً اكاديمياً والنقطة الثانيه هى خصائص المعرفه داخل النسق الاسلامى وتدخل فيها المعاهد والجامعات والمدارس والنقطة الثالثة هى المحاضن التربويه .
وطالب سيادته بعدم التوظيف السياسى لهذه المشكله اذ انها اصبحت تهدد كثيرا من المجتمعات العربيه .
واشار الكارورى الى ان الظلم هو الحاضن السياسى وهو سبب رئيسى لخروج المتطرفين وكذلك قلة الفقه فى الدين ينتج عنه الجهل وهذه الدوائر والمحاضن كلها تعمل على انتاج متطرفين .
ومن جانبه اوضح د. صلاح الدين عوض عميد كلية اصول الدين بجامعة ام درمان الاسلامية ان المتطرف له منهجية ينطلق منها مبيناً ان المتطرفين لايفقهون فقه التدرج والفقه المقارن بل هم متعاطفين مع النصوص .
ونادى سيادته ائمة المساجد بتصحيح مفاهيم التكفير والتفسيق والتبديع التى من شأنها ان تؤدى الى انتشار ظاهرة التطرف والغلو .
وطالب الوزارات والمعاهد بالاشراف على مناهج التعليم التى تدرس لابنائنا وقال ان مثل هذه الندوات ينبغى ان تنقل من القاعات الى الميادين .
وفى ذات السياق اكد د. عارف عوض الركابى الاستاذ المشارك بجامعة ام القرى ان الاسلام دين تسامح ورحمة وان التحاكم للكتاب والسنة هى واحدة من المعالجات التى ينبغى ان تُراعى بعين الاعتبار مبيناً ان بيان حق ولاة الامور وعدم الخروج عليهم هى من مقاصد الشريعة مؤكداً على ضرورة ضبط العواطف بالشرع .


تعليقات 5 | إهداء 0 | زيارات 1377

التعليقات
#1320338 [الأزهري]
0.00/5 (0 صوت)

08-13-2015 11:57 AM
تاني كاروري وبروف كمان كم هم الكوارير ديل عبد الجليل وولده ومحمد صادق وبروف إبراهيم ديل دكاترة وورجال دين (ياتو دين؟) غير ظباط الشرطة والأمن والمعتمدين

[الأزهري]

#1320275 [شليل]
0.00/5 (0 صوت)

08-13-2015 10:54 AM
الكروري دا عندو ولد هنا في دبي كدي اسالو منو

[شليل]

#1320074 [كمال ابو القاسم محمد]
5.00/5 (1 صوت)

08-13-2015 04:03 AM
الله لا يسامحك يا كارورى
يعنى أنا ذاتي إعتبرتنى من االدواعش والمتطرفين بعد ما طردتونا من الخدمة وكتلتو إخوانا ووليداتنا ودخلتونا بيوت الاشباح وكرهتونا البلد والدين والدنيا...وأخيرا سبناها ليكم (جمهورية السودان الذي فضل)...وضوقتونا الغربة في الزمن الصعب...بس قصاد الاكل والشراب والعلاج والتعليم وتسليك الطريق لأقرب مقابر...جايي بعد دا كلو تعفي نفسك من الإرهاب والتطرف...وترميها فينا كدا لا إحم ولا دستور......؟؟؟!!! نعم الله لا يسامحك.
..ياراجل ما تستحي شوية....يعنى نحنا هتفنا معاكم...أمريكا روسيا قد دنا عذابها ...علي إن لاقيتها ضرابها...؟؟؟!!!
ياربي نحنا غنينا معاكم ...ما لدنيا قد عملنا..نحن للدين فداء...فلترق منا الدماء...أو ترق منهم دماء...أو ترق كل الدماء...؟؟؟!!!
ياربي نحنا (هيصنا) في كم عرس شهيد وفداء...ونكحنا كم حورية...واتدلكنا واتكبرتنا...واتبوخنا بوخة مسك كاربة في أعلى عليين ونحن في أحضان 72 حورية...وبعديها هيلا هوب هاك يا جدعة ونطيط في ... في نهر من عسل.. ونيل من خمرة صافية....لزوم 0الغسل وحاجات زى كدا)....ثم (جينا راجعين أوانطة)لأنو شيخ مشايخ فقه الانكحة والزغب حسن عبد الله الترابي قرر فجأة إنو (نحنا مجوعة فطايس)....وهاك يا عفنة (تمت)...طلعنا بوش لا شهادة ولا بنات حورولا مسك ولا أنهار من خمر وعسل مصفى...يا خى حتى شيخكم البسيط دا محمد الحسن ..العملتوهو هسع ديكتور(قالها داوية في التلفزيون)..لو جات طيري ولا قمريي...ولا حتي حديي...وضربتا طلقي في بكان المعركة دي...تكون شهيدى....
يا كارورى يعنى كيف الامة كلها إرهابية...ياخى نحنا الدين ضايقتونا فيهو خليناهو ليكم...بطلنا الصلاة...ضايقتونا في رمضان قاطعنا الصوم...قلتو االدين حقكم براكم قعدنا في بيوتنا وكل زول سعى ليهو كم صننم من نوع هبل ويغوث ونسر...وقعد يعاين ليهم عشان تريحونا ونريحكم وتستمتعوا بالدين براكم براكم على كيف كيفكم آخر ألسطة...تجى تطلعنا كدا متطرفين وإرهابيين...بعد ما بقينا كفار ومرتدين وعملاء وطابور خامس وصعاليك...لا يا شيخ دي كتيرا منك...إنتو براكم الإرهابيين والمتطرفين...والكرهتو الناس الدين إنتو الهتفتو ليهو ...وهاتيتو بيهو...ورقصتو ليهو...ظبطو تمام التمام...دفاع شعبي...من جهز غازيا فقد غزا...ومن لم تحدثه نفسه بالجهاد فعليه أن يراجع دينه...أعراس الفداء...كوادركم من قاتلت في أفغانستان والشيشان...كوادركم من زج بها في سجون أمريكا وغوانتناموأنتم من جلبتم بن لادن من تورا بورا وشلته من (صعاليك) الملتحين من مصر وليبيا وتونس واليمن والعراق...جلبتم كل شذاذ الآفاق الملتحين وأعطيتموهم الجنسية وجواز السفر السودانى وأويتوهم وأديتوهم رواتب مدنكلة باليورو والدولار عملة الصليبيين...يعنى مش بالريال والدرهم والدينار والجدعة وبنت لبون ...واندغمتم بكل أريحيةفي التآمر وعمليات الإرهاب والتفجير والإغتيالات بإسم الدولة والشعب السودانى حتى نجحتم في إغتيال سمعته كشعب طيب ومتسامح ومتدين بعفويةوود لا نظير لهما...
يعنى طلعتنى أنا ذاتى إرهابي..وكل الامة إرهابية..يا كارورى ...الله لا يسامحك...ندهت الله يطلع دينك...ويثبت دينى
اللهم إنا لا نسألك رد القضاء ..لكنا نسألك اللطف فيه
اللهم أن الكارورى وأمثاله قدظلمونى وظلموا أمثالى...أسألك أن تأخذ حقنا منهم في الدنيا قبل الآخرة ونحن نشهد ونرى....ونتبسم في شماتة ظاهرة...آميييييييييييييييين

[كمال ابو القاسم محمد]

ردود على كمال ابو القاسم محمد
[المشروع] 08-13-2015 09:08 AM
احسنت كلام تمام .. لكن قالوا الجمل ما بشوف عوجة رقبتوا.. هؤلاء هم اس العنف والتطرف منذ ايام الجامعة وكانوا يحضرون السيخ ويهاجمون الطلاب .. انا استغرب اليوم يريدون ان يتبرأون من العنف والتطرف ..وهم اساس العنف والتطرف
وما في تطرف في الدين اكثر من انك تريد ان تكره الناس على الدين


#1320066 [عمدة]
5.00/5 (1 صوت)

08-13-2015 02:09 AM
فاقد الشيئ لا يعطيه. ولا يمكن لمتطرف أن يكون وسطيا. فالتطرف هو حصاد زرعكم أيها المعتوهين.

[عمدة]

#1320025 [علاء سيداحمد]
5.00/5 (1 صوت)

08-12-2015 11:29 PM
( (سونا) أكد البروفيسور ابراهيم الكارورى الأمين العام لهيئة علماء السودان إن التطرف هو نتاج أمة وليس نتاج حزب ولاجماعة ، مؤكداً إن التحليل الطائفى لقضية الغلو والتطرف أصبح ليس بدقيق )انتهى

قراءة فطيرة وظاهر الامر ان مسئول هيئة علماء السودان يدارى سوءة الكيزان ومن يوالونهم ويدافع عنهم. بالله عليك ماعلاقة الامة فى انتاج التطرف ؟؟؟ الامة ليست على قلب رجل واحد حيث فيها المعتدلين وايضا المتطرفين وعكس ماتقول يا مسئول هيئة
علماء السودان التطرف والغلو فعلاً طائفى حيث هناك من طوائف المسلمين من هم متطرفينوايضا كذلك فى غير المسلمين ( مسيحيين - يهود وحتى لادينيين ) فيهم المتطرفينوالامثلة كثيرة ولاحصر لها ..

ياعلماء السودان ارحمونا يرحمكم الله ..

[علاء سيداحمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة