الأخبار
أخبار إقليمية
مواطنون يطالبون والي الخرطوم بزيارة مواقف المواصلات
مواطنون يطالبون والي الخرطوم بزيارة مواقف المواصلات
مواطنون يطالبون والي الخرطوم بزيارة مواقف المواصلات


للوقوف على حجم المعاناة
08-13-2015 10:55 AM
الخرطوم: حواء رحمة
استنكر عدد من طلاب الجامعات، ومواطنون يقطنون بمنطقة الدورشاب، هروب سائقي الحافلات من المواقف، وطالبوا والي الخرطوم الفريق أول عبد الرحيم محمد حسين بزيارة المواقف للوقوف على حجم المعاناة بنفسه.
وقال مواطنون وطلاب من داخل موقف استاد الخرطوم لـ(الجريدة) أمس، هناك فوضى من أصحاب الحافلات، وانتقدوا عدم تدخل الجهات المختصة من أجل تنظيم عمل الحافلات وانهاء المعاناة التي يواجهها المواطنون.
وطالب المواطنون ومنهم حكومة الولاية بإيجاد حلول جذرية لأزمة المواصلات، ووصفت احدى الطالبات الحصول على مقعد بـ (الإنجاز)، وقالت (دي مصارعة حرة ما مواصلات)، في إشارة الى حجم المعاناة، وأعابت ضعف الرقابة على سائقي الحافلات، واستغلال بعض سائقي المركبات الصغيرة (الهايس والقريس والأمجاد) لظروف المواطنين ورفع تعريفة المواصلات.
وشهد موقف الاستاد ازدحاماً من منتظري المواصلات في خطوط (الدروشاب، والكدرو، والحاج يوسف)، أمس الأول، مع غياب للمركبات، واستمر تواجد المواطنين لساعات، حيث بقي بعضهم بالموقف منذ السابعة مساء وحتى العاشرة.

الجريدة


تعليقات 7 | إهداء 0 | زيارات 2375

التعليقات
#1320545 [ALMAHI]
5.00/5 (1 صوت)

08-13-2015 04:43 PM
الوالى القديم اين ذهب وباصاته وينها وحلوله وينها والى جديد يبدأ من الصفر لا يحاسب الاول ويبنى على انجازاته . غايتو الحكاية جايطه مواقف يوم هنا ويوم هنا وناس ماشه برجولهم عندما يصلوا الموقف يكونوا تعبوا ووقتهم انقضى ودخل عليهم الليل وبعد هذا كله ينتظروا غايتو الله معاهم . لابد من حلول حل مؤقت دعوة الى اصحاب السيارات تفعيل مبدأ فضل الظهر يعنى كل سيارة تاخذ ليها نفر نفرين فى طريقه حتى تنفرج الازمه وتجى باصات الوالى الجديد او حلول الوالى الجديد كما اناشد الوالى الجديد بحكم انه عسكرى ومهندس وما قصر ابدا فى الجيش ان ينقل الناس بعربات الجيش او جزء من الناس . والله المستعان

[ALMAHI]

#1320492 [jafar]
5.00/5 (1 صوت)

08-13-2015 03:12 PM
بيان هام مطلوب القبض على الوالى القديم .. أين قطار المدينة والنقل النهرى وبصات الوالى الجديدة والليموزين السياحى هوووووووي الزول شال الصرة وفات

[jafar]

#1320396 [Kak]
4.00/5 (2 صوت)

08-13-2015 01:05 PM
الوالي ما فاضي علشان يطلع الشارع وما تنسوا كمان الدنيا حرر مش ممكن كمان يغبر رجليه

[Kak]

#1320380 [ابو مصعب]
5.00/5 (1 صوت)

08-13-2015 12:46 PM
فتح الاستيراد للحافلات واجب وطني

[ابو مصعب]

ردود على ابو مصعب
[Malik] 08-14-2015 04:03 PM
خلي حافلتك جاهزه بس اعمل حسابك ما ياكلك السواق يعني لازم تسوق بنفسك


#1320358 [مواطن فقير]
5.00/5 (2 صوت)

08-13-2015 12:20 PM
الشفقة ليكم شنو ما تصبروا وتتحملوا شوية لحدي ما تطلع انان الدهب دي

[مواطن فقير]

#1320355 [الفجري داك]
5.00/5 (2 صوت)

08-13-2015 12:16 PM
ده لو عجبكم والماعاجبوا لو راجل أو مره يطلع مظاهرة !
1/ سنزيد الكهرباء !
2/ ونقطع المويه .
3/ونزيد البنزين .
4/ وننقص حصة الدقيق .
5/وعلاج مافي .
6/ ووظائف ليكم مافي .
7/ونذيد رسوم الجامعات والماعاجبو يلزم بيتو .
8/سكة حديد ياحليلكم بيعت زمان !
9/طيران إنتهينا منوا زمان !
10/نقل نهرى وبواخر ههههههههه ؟
11/مشروع الحزيرة إمتحان الكرسي ترقبوا البيحصل ؟؟؟؟؟
12/ تقول لى جيش ههههههه فى أقوى من الدعم السريع ؟
13/الشرطة ملكناها بمزاج لامنجية تحت أوليا المايقوما .
14/حرية صحفية حلقنا ليها تب .
15/إقتصاد هههههه ده ولا فى الحلم ولدولدولدولدك يسدد عنا الديون !
16/ ماتنسوا التجمعات ممنوعة وابو طيرة موجودة والنوم بدري أصلواالناس بقت مابتقوى على السهر !!!
17/ بعدين العايز مواصلات يبقى لامنجي ننزل ليه كورلا ..
18/وعايزين رعاه لنافع تعيين جدبد بدل الذهب أصلوا الأبل كثيييييييرة !!!!
19/ ومزارعين لمزرعة البشير !!
20/وداد عايزه حرس أمن للفلل !
21/وفراشين للمستشفى وجامعة مامون حميدة للسودانيين فقط !
22/واسطة قوية لمواصلة الحوار الفاشل بالداخل !
23/رياضيين للوثبة القادمة في سبتمبر !
24/مستشار رئيس بجنسية أجنبية والأفضلية لأولاد الميرغني !
25/ محلل مالي لتقسيم ورثة العارف بالله فلان !
والأنتظار فى المواقف حتى تاتيكم بصات الوالي الجديدة ....
طبعاَ الغداء والعشاء بالمواقف على نفقة الدولة والشيك لكزام مبررررررررررروك !

[الفجري داك]

#1320331 [زول]
5.00/5 (2 صوت)

08-13-2015 11:50 AM
هو فاضي ليكم ؟؟
في الحقيقة لاتوجد مواصلات ولاخطوط مواصلات واضحة وملزمة فصاحب الحافلة له مطلق الحرية ان يختار الجهة التي سيذهب اليها وبالسعر الذي يحدده وصارت الحافلات لا تأتي للموقف بل تعمل في اي شارع والذي يأتي يقوم بتجزئة الخط فمثلا خط الشعبية يقول بحري بس وبعد نزول الركاب يكمل رحلة جديدة بركاب جدد الى الشعبية وكذا الحال الحاج يوسف يقول حلة كوكو بس والحال ينطبق على بقية الخطوط واصحاب البصات الكبيرة يختارون اقصر المسافات طالما التعرفة واحدة كما ان تغيير المواقف الكتير قد تسبب في هذه الربكة التي جعلت من السائق يختار الجهة التي يقرر الذهاب اليها

[زول]

ردود على زول
[kajo] 08-13-2015 05:34 PM
شعب فاسد واستغلالى ولا يرحم بعض من سائق الحافلة الى الموظف الى كله وتقولى دايرين حكومة نظيفة من وين تجى الحكومة النظفة الحكومة من الشعب لو كان الشعب شعب طاهر ومثالى وخلوق ورحيم ببعض كان قامت حكومة مثالية وخلوقه ورحيمة ولكن كما فى الحديث الشريف ( كيفما تكونوا يولى عليكم ) وشرح الحديث ( كما هو واضح أن الوالي والأمير يكون من جنس المولى عليهم- رعيته- فإن كانوا صالحين كان مثلهم، وإن كانوا فاسدين كان مثلهم، والحالة التي يكونون عليها يكون عليها ولي أمرهم.

قال الألوسي في تفسيره عند قول الله تعالى: وكذلك نولي بعض الظالمين بعضا بما كانوا يكسبون. إن الرعية إذا كانوا ظالمين سلط الله تعالى عليهم ظالما مثلهم. انتهى.

وفي تفسير القرطبي عند هذه الآية عن ابن عباس قال: إذا رضي الله عن قوم ولي أمرهم خيارهم، وإذا سخط الله على قوم ولي أمرهم شرارهم، وفي الخبر عن النبي صلى الله عليه وسلم: من أعان ظالما سلطه الله عليه. اهـ .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة