الأخبار
أخبار إقليمية
المغتربون وجرجير حسين خوجلي!!2 /2
المغتربون وجرجير حسين خوجلي!!2 /2
المغتربون  وجرجير حسين خوجلي!!2 /2


08-16-2015 11:50 AM
حيدر احمد خيرالله


*تحدثنا بالأمس عن تسويق الأستاذ / حسين خوجلي عبر برنامجه (لفقه قلة الأدب ) التى عدّها جزء من الكرامة السودانية وتهرب بشكل مؤسف عن ان يدين نظامه الذى تسبب فى ان تفقد بلادنا خيرة شبابها وكفاءاتها فى اكبر عملية تهجير قسري عبر تاريخنا المعاصر ، والمغتربون خرجوا من وطن سدت فيه الفئة الباغية سبل العيش الكريم ، فحملوا كرامتهم بأدب .. وارتادوا المنافي ووضعوا بصمتهم سودانية خالصة بذات الأدب ..تبوأوا اعلى المناصب عمدة رفعتهم لتلك المراقي الأدب لاقلة الأدب كما يروج حسين خوجلي ، فكانوا منارات وطن ارضعهم الادب ، وماظنه صاحبنا ادباً فرض عليهم ، اكتشفت الدول المضيفة ماغاب عن حسين خوجلي من ان أدبهم سجية اقرب للفطرة ، فاحتفظوا بقيمهم العلية ، يعالجون المريض ويقرون الضيف ويعينون الاقارب والأباعد ، ويحفظون وطنهم الذى عشقوه واحبوه ، ويعرفون قدره الذى لايعرفه حسين خوجلي وقبيله..

*{هسي الناس البقلوا ادبهم فى السودان ديل يشاكلوا ويضاربو وكدة مايقتلوا بس ديل ناس كويسين جداً الناس هناك مؤدبين بالامر ياخ الله يلعن ابودي لقمة عيش .. لكن الامّر ده بدعوه ليك المرير ، لذلك انا بفتكر انو لو كان المسالة دى لاحل لها كنا نقول ، لكن نحنا عندنا الحلول والله الزول لو في سدر بيته ده فى اي قرية سودانية لو زرع ليهو حيضان خدرة وطماطم وربى ليهو غنمايتين يعيش ، وأي قرية سودانية لوقعدت ختت العندها والعند اولادها الفي القرية واولادها فى المدينة واولادها الفي المهاجر والله يعملوا ليهم مشروع مش يكفيهم .. يصدروا كمان }

*البشاكل وبضرب فى نظر صاحبنا (ديل ناس كويسين جداً بس مايقتلوا) ماهذا ياصديقي ؟ماهو الضمان الذى يقدمه هذا الإعلامي الذى يحدث الناس بان لايؤدى الشكل والضرب للقتل ؟ الايؤكد هذا ان الإعلام والأقلام عند غير اهلها ؟! وبطريقة مسرحية يقول (ياخ الله يلعن ابو دي لقمة عيش ) لقمة عيش المغترب لا تستحق اللعنة ، انما اللعنة على لقمة العيش التى تأتي منتزعة من أفواه الاطفال ومن فقر اهل السودان ، وممزوجة بدم الإحتراب ، ومن حاجة اطفال المعسكرات ، تلك هى اللقمة التى تستحق لعنة الارض والسماء ياحسين خوجلي ..وعذراً لكل المغتربين وشكراً لمايقومون به تجاه اهلهم ومدنهم ووطنهم ..وبلاحياء يقول ان مايدفع للأمّر هو المرير ، ولكنه سكت كعادته عن المرير وهو الغربة فى الوطن ومافعله الاسلام السياسي ببلادنا وشعبنا من حرمان واذلال وفساد ..

*ثم يعود الحسين ليثبت مانفاه فى صدر حديثه عندما يقول : نحنا عندنا الحلول والحلول عنده زراعة خدرة وجرجير وغنمايتين فى سدر البيت ، وهل حاله الذى يطالع به مستمعيه كل يوم هو حال خدرة وجرجير وغنمايتين ؟! واذا كان على القرية واولادها ومغتربيها ان يقيموا مشروعات لالتكفيهم بل ليصدروا منها !! فلماذا يلعن لقمة عيش المغتربين ثم يطالبهم باقامة مشاريع بقراهم ؟ ومالذى يمنعه من الذهاب للشرفة والقيام بهذا الدور ؟!ولماذا يتحاشى مسؤولية الدولة تجاه التخطيط الزراعي والاقتصادي ؟ وهب ان الناس اقتنعت بما يقوله من حجاء فمن يضمن لهم ان لاتفرض الحكومة ضريبة على الغنماية وحيضان الجرجير ؟ ومالذى يضمن لهم عدم فساد التقاوي ؟ ومالذى يضمن لهم عدم انقطاع المياه ؟ حسين خوجلي بالله كفى ، وانت تعلم ان مشكلتنا اكبر من حوض جرجير ولكن هل ينطق من في فيه ماء؟؟؟ وسلام ياااااااوطن..

سلام يا

(قال مقرر القطاع السياسي بالمؤتمر الوطني أحمد كرمنو إن راتب الوزير الاتحادي لا يتجاوز الـ١٢ الف جنيه بما فيها الحوافز والبدلات، و راتب وزير الدولة 9 آلاف جنيه.
ونفي كرمنو ما يتدواله الناس عن الصرف البذخي للوزراء وتأثيره على الميزانية. ) طيب ياكرمنو الأكل قروش البلد منو؟! وسلام يا..

الجريدة الأحد 16/8/2015


تعليقات 25 | إهداء 0 | زيارات 9391

التعليقات
#1322581 [SESE]
0.00/5 (0 صوت)

08-17-2015 04:02 PM
في مكتب المرحوم الاستاذ مدثر رجب سكرتير اللواء خالد حسن عباس وزير النقل والمواصلات في عهد الرئيس جعفر نميري التقينا بالصحفي المرحوم حسن ساتي حضرنا الى مكتب الاستاذ مدثر ليتوسط لنا لدى مدير عام المصحلة التي كنا نعمل بها لعله يقبل الاستقالات الجماعية التي تقدمنها بها حتى لا تفوتنا فرصة التعاقد مع اللجنة السعودية التي حضرت للسودان تطلب موظفين للعمل في السعودية وقد كان المدير العام مستميت في رفض قبول استقالاتنا......

الاستاذ حسن ساتي الله يرحمه كان يقول لنا كلاما مثل كلام حسين خوجلي محاولا اقناعنا بالبقاء في السودان شارحا فوائد التقدم في الوظيفة وفرص الترقيات التي تنتظرنا كشباب من الخريجين يعتمد عليهم البلد مستقبلا ووووووو... تصديت له وقلت له يا استاذ حسن بالله عليك هل انت مقتنع بالكلام الذي تكتبه في جرديتك دا...؟؟ وهل انت فاكر الشعب السوداني قاعد يقرأ تلك الجريدة ؟؟؟ نعم نحن نقرأها لكن من الصفحة الاخيرة ونحل الكلمات المتقاطعة ثم نفرشها ونأكل عليها صحن البوش......!!!! بعدين صدقني مهما دافعت عن الباطل فهو سينهار وستكون انت اول التاركين لهذه البلد وصدقني انه لم يتبق الكثير وكله يشوف شغله ...!وحينها رمقني بنظرة لها معنى خاصة انني اجلس في مكتب اللواء خالد حسن عباس احد اركان النظام الرئيسيين وهذا الكلام سيوديني في داهية بمجرد رفعة سماعة. وختمت كلامي بأننا مغادرون مغادرون ولكن انا متأكد اننا سنسمع بناس كثر سبقونا في المغادرة هربا لجهات غير معلومة ولم يمض اسبوعين حتى قامت الانتفاضة وسمعنا بالاستاذ حسن ساتي يكتب للشرق الاوسط من لندن.....!!!

[SESE]

#1322364 [مدحت عروة]
0.00/5 (0 صوت)

08-17-2015 10:59 AM
كلام حسين خوجلى بيكون كويس لو البلد فيها حريات وديمقراطية ومؤسسات وفصل سلطات وسيادة قانون ودستور متوافق ومتراضى عله من جميع اهل السودان وحرية عمل سياسى واعلامى وتنافس حر وشريف بين الناس تحت سيادة القانون والدستور الخ الخ الخ لكن يا حسين يا خوجلى الكلام ده ما حاصل ومن يوم 30/6/19889 والحركة الاسلاموية تعزف عزف منفرد فى السودان ولا دولة قانون ولا حريات الخ الخ الخ كلام حسين خوجلى ده اطنه موجه للدلاهات والغوغاء والجهلاء والفاقد التربوى اللى هم جمهور المؤتمر الواطى او الحركة الاسلاموية بت الكلب وبت الحرام العاهرة الداعرة!!!!!

[مدحت عروة]

#1322363 [المظلوم]
5.00/5 (2 صوت)

08-17-2015 10:56 AM
لو عرفت عدد الأسر السودانية العايشة على المغتربين . بالإضافة للجيش الجرار من موظفي جهاز المغتربين وسفارات السجم في بلد الإغتراب ومساهمات المغتربين في المستشفيات والمراكز الصحية كل في منطقته ما كنت قلت كلامك دا يا عجل .

[المظلوم]

#1322279 [ود الجاك]
5.00/5 (1 صوت)

08-17-2015 09:32 AM
بلة الطاهر علي بلاّع
كانت أول مرة نشوفو ...
يومنا الشفنا اللاندكروزر
اللونا مخطَط
والبنوت الراسا مرَبط ..
بلة خبارك ما بتشبهنا وعامل زولنا
تاني نقول الزول برانا نغيير قولنا
إلا كبار الحلة بقولوا ...
بلة دا هولنا
بلة دا أصلا من ها الحِلة
إلا أنربى وقرأ في الخارج
رافق جدو الفتح التركي
وسيرتو انقطعت في المهدية
وررَرَة سمعنا أستوطن برة ...
وقام إنزوج من مصرية
جابت علي ... علي جاب الطاهر
حتى الطاهر خلَّف بلة
جدو انشيطن أخير ما لانا
بلة أنسركن وبقي مولانا وجاء وبرانا
أقرب واحد لي حاج بلة ....
أقرب واحد شيخ الحلة
بلة الطاهر علي حسب الله
أول مرة يصلي معانا ...قدمناهو وقم أمَّانا
صوتو مرخرخ لامن يقرأ
يقرأ ويقطع .. زي البطرا
لامن يركع جسمو متختخ
عند السجدة سجودو ممخمخ
شيخ الحلة بقول عن امرو
زول غرقان في الدين من عمرو
ستة سنين .. قابض في جمرو
وما فكاهو طريق الله ...
صوتو وِدِر من كترة ذكرو
وجسمو التختخو.. شدَة صبرو
قلنا حقيقة الزول بي عذرو
وفتنا قناعة.. ومااااانا قناعة
إلا الستة.. الصاروا جماعة
قالوا .. دا زول تربايته مياعة
ما يشبهنا ورفعو وضاعة
زول زول دنيا ودنيا صياعة
قصة دينو ودقنو بضاعة
وإحنا أصواتنا ... يا إما مباعة
يا إما جهالة وناس متباعة
وفي الحالتين آمالنا مضاعة
وخارم بارم
كونها بوسطة ... ومدرسة وسطى
والشفخانة وموية ونور
كونو يجيبا دا ما منظور
وزيادة الحصة ... الزول زول سوق
زول من جدو يلف ويدور
ويا الجابرية دا مطلب عادل ...
كونو تطيبي ... تكاتبي وتقري
ضوك يشلع ... دشك يرشع
ونحن دفعنا ضرايب بدري
ولسه بندفع ... لسع ... لسع
بس يا جماعة ... إن قضينا حياتنا تباعة
وصنيت رادي ... وقول في الفاضي
خوفنا نقوم ما نلقى أراضي
ونحن أساسنا وراسنا زراعة
والجابرية إن دايرة شفاعا
ما بيشفعلها إلا ضُراعا
عبو ضراعكن يا رجَالا ...
وخلو بصركم دغري وسالم
عبو ضراعكن آ رجالا ...
شيخ الحلة أضلَّ وضلَّ
وأسألوا بُرَّة وحاجة السُرَّة
عن التيبان وحكاية الصُّرة
شن لمه بلة وشيخ الحِلة مع شرع الله
والناس ديل العارضين برة
جربناهن كمين مرة
وتاني نجرب شان ننضرَّ؟!
ويا الجابرية معاكي سلامة ...
كان الفوقك ما فات مرة
كان كلماتن ناشف ريقا ... كانت مرة
إلا حقيقة ... وغلبنا نطيقا ...
وين في الصُرمة ... وقِل القدرة
وسكتناهن بس ما صنو
وقاطعناهن تاني المرة
وما من واحد فيهن ترَا

وبلة
كان هو طريق الناس وخيارا
فوزناهو.. وجانا زيارة
كرمنالو التور وعرضنا ...
وخليناهم برة الدارة
دايرن بوسطة ومدرسة وسطى ...
موية وكهربا والشفخانة ...
زيادة الحصة وسوق منضبطة
وصدو كلاب الحلة يهووا ...
ينضم بلة يهووا معاهو
نهتف نحن يزيد هوهيوا
مافي شهر جاتنا الخرسانة ...
جانا السيخ ... الطوب ... الرملة ...
جا الأسمنت شكارة شكارة
عديناهن ألف شكارة
وكرمنالن خيرا جانا
وكل كلاب الحلة الهوَّن ...
طفشناهن بالجبخانة
وفي صنانا تدودي الزانة
إنغالطنا كتير في بعضنا ...
أولى المدرسة واللا البوسطة ؟
أولى المدرسة
والشفخانة ؟؟؟؟
الشفخانة محل النقطة
ونان النقطة؟؟؟؟؟..
.نحن أهالي ... وودنا صافي
بيننا معزَّّة جرائم مافي ...
وما بنحتاج لي شرطة ونقطة
تحصل عِلة في شيخ الحلة
ونان النقطة؟؟؟؟
نحن الإيدنا بنت للنقطة ...
والجيَرنا زبالة أطيانا
ناس السلطة إن دارو النقطة ...
يمشوا بكان أرض الشفخانة
وما طالبانا خلاف زنزانة
مدرسة بوسطة ... مدرسة بوسطة
ستين طلبة وعشرين أوسطى
شغالين ما ملَو سخانة
مدرسة بوسطة ...
وقلنا غُنانا:-
يا الجابرية الله أدّانا...
حاج البلة المبروك جانا
جاب المدرسة جاب البوسطة
وبكرة يرجّع للشفخانة
نصحى نصابح موية الدُّش
نمسي نلاقي الضوْ عمّانا
مدرسة بوسطة ... مدرسة بوسطة
وتاوق ... وتاوق ... وتاوق ...اخ
وفجأة تبين تتضخ الخرطة
وكب تنتصب الميضنة ...أخ
أخ من حظك يا الجابرية
سابع جامع في الجابرية
سابع جامع وبالجبرية
وصدوا كلاب الحلة يهووا ...
أخ يا الناس الحالن قطَا
في البلدان الحظها فاجع
بق يا الصاح الماك متراجع
وحرِّق دبش الدنيا الغلطة
بق وانفرَق في الجابرية
بق في أرحامنا في شافع نافع
ترفعو أمو في حيطة الجامع
يكتب .. (يسقط دجل السلطة (
ويسقط بلة وشيخنا التابع
كشّفناك وكشفنا الخطة
تحيا كلابك يا الجابرية
ويحيا ضراع الزيتن طالع
والبيصارع مُر الواقع
تحيا ترابك والطورية
الجابرية تحيي الشارع
دايرين كهرباء
دايرين موية
دايرين سلطة وسوق منضبطة
دايرن هسة زيادة الحصة ..
الشفخانة بديل النقطة
دايرين بوسطة ومدرسة وسطى
والله بنعبدوا في ايت حتة
دايرين بوسطة ومدرسة وسطى
والله بنعبدوا في ايت حتة

[ود الجاك]

#1322271 [واحد داقس]
5.00/5 (1 صوت)

08-17-2015 09:25 AM
حسين خوجلي شغال بنظريه لو عرف النساء مافي الجرجير لزرعنه تحت السرير

[واحد داقس]

#1322230 [مراقب]
0.00/5 (0 صوت)

08-17-2015 08:54 AM
حسين خوجلي - خريج الغصن فلفسه - اخي يا حسين بدل ان تمارس الفلفسه التي تدعي انك تعلمتها بالفرع نراك تمارس ما اطلق عليه احد القراء اللواط العقلي بس خوفي عليك بجضومك الملساء دي ومسيحك بالكريمات وحركات اليونه والمياعه البتسوي فيها دي انك تقوم تنجرف وتمارس التاني داك - الله يستر ....

[مراقب]

#1322062 [الهمباتي]
5.00/5 (1 صوت)

08-16-2015 11:53 PM
يا ابزرد ... طماطم شنو ات ماك عارف في حشرة اسمها التوتة جات من إسرائيل بتاكلها منك جت في يوم واحد بس والرماد كال حماد . بعدين حكاية غنمايتين وطماطم وجرجير ساهلة يعني علي الطلاق انا مغترب لي 17 سنة وبي راتب 5000 دولار غلبني اسوي غنمايتين وحيضان جرجير عارف ليه ابزرد ؟ لان دايرة راسمال ده راسمال ومااا بتقدر تلمو قول لي ليه ؟ ابزرد

[الهمباتي]

#1322057 [ماسورة]
5.00/5 (4 صوت)

08-16-2015 11:32 PM
اقترح تحويل كل الكتايات والمواضيع المتعلقة
ب حسين خوجلي
للصفحة الرياضية خاصة للاخوة
( عشاق المستديرة ) !!

[ماسورة]

ردود على ماسورة
[أمدرماني] 08-17-2015 01:40 PM
هههههههههه والله هي جنس مستديرة ههههههه

[العباس] 08-17-2015 08:35 AM
ههههههههههههههه
ههههههههههههههههههههههههههههههههههه


#1322040 [الهمام]
0.00/5 (0 صوت)

08-16-2015 10:25 PM
عليك الله فى غنماية قدر البشر دا ..
عجل ومتخلف كمان

[الهمام]

ردود على الهمام
[مدرسة يستهبلون (اوضة وبرندة )] 08-17-2015 11:22 AM
اكتر زول منافق وكسار تلج للحكومة هذا الكيس المنتفخ
لم يعرف الشعب السودانى الكذب والدهنسة والنفاق الا فى هذا العهد البائيس
وطبعا عشان كلمة منافق كبيرة شوية الناس جابت مصطلح (كسير التلج ) فى السودان وهو اسم الدلع للنفاق الذى صار عاديا جدا فى السودان عشان يعيش الانسان العادى والكل يذكر حكاية الدقن الصغيرة المسماة دعونى اعيش او من اجل ابنائي
ويجي واحد منفوخ من خير البلد يقوليك المغتربين منافقين ويتمسكنوا فى الخارج
والكل يعرف انو فى السودان اذا ما دفعت ولا كسرت تلج امورك ما بتمشى
والكل يذكر كلام هذا الكيس المنفوخ وهو يكسر التلج لبكرى والبشكير
بالله عليكم ماهى مؤهلات بكرى سطلة والبشكير عشان هذا الكيس المنفوخ يشكر فيهم ويكسر ليهم التلج والموضوع كلو التهم التي سب بها المغتربين مردودة عليه


#1322026 [حسن علي]
5.00/5 (1 صوت)

08-16-2015 09:57 PM
حسين خوجلي اتصلت به وردة في مداخلة في البرنامج وقالت ليه يا أستاذ حسين انا عندي سؤال خارج الموضوع البتتحدثوا فيه ده وعايزاك تجاوبني بصراحة، قال ليها أتفضلي ، قالت انا عايزة اعرف اسم الكريم البتتمسح بيه والبخليك ناير وجضومك مندية ده ، رد عليها قال ليها انا مابستعمل كريم لكن بدبل الوضوء ،،، حلاتو ياناس

[حسن علي]

ردود على حسن علي
[julgam] 08-17-2015 05:52 PM
فقلت ليه ومال على الحاج دا بيتيمم،،،،،


#1322022 [الطاهر]
5.00/5 (3 صوت)

08-16-2015 09:50 PM
سلام للجميع
انتو عارفين حسين خوجلي داير شنو؟ أو ما داير شنو؟
داير يخوجل براهو وشوية حرامية معاهو في العاصمة مافي واحد مغترب يركب ليهو عربية ان شا الله اتوس يزاحمو في الطريق ولا واحد مغترب يشتري رقشة لي أخوهو يسترزق بيها يجلفط بيها مزاجو في الشارع، ولا يبني ليهو بيت في الثورات او امبدات البعيدة ديك يزيد الزحمة في ام درمان البقت ماركة مسجلة بي اسمو، داير الناس كلها ما تكسب شوية قريشات بالرزق الحلال في منافي الاغتراب بيها اوضاعا، وفقط مطلوب منها تمشي الأقاليم وترجع تزرع الجرجير وتسعى الغنم وتعيش مع الفقر لي يوم الدين عشان هو يستمتع بعاصمة فاضية ونظيفة وهادئة كما كانت في الستينات والسبعينات بس يا ريت الاقاليم كانت زي زمان متوفر فيها التعليم والعلاج. منتهى الحسادة والأنانية.

[الطاهر]

#1321993 [abushihab]
5.00/5 (3 صوت)

08-16-2015 08:20 PM
حسين خوجلي تغوط وأكل غائطه مثل الخنزير ,حينما قال كل قرية سودانية لو ختت العندها والعند اولادها في القريةوفي المديتةواولادها في المهجر, ما هذا التناقض يا أيها الخنزير؟.

[abushihab]

#1321961 [سودانى]
0.00/5 (0 صوت)

08-16-2015 06:39 PM
حسين جرجير
دى غاندى ما عمل كدة

[سودانى]

#1321913 [shah]
4.88/5 (5 صوت)

08-16-2015 04:33 PM
بالله لسه فى ناس بيشاهدو برنامج ده؟

[shah]

#1321894 [الثورة انطلقت]
4.75/5 (3 صوت)

08-16-2015 03:58 PM
و هل شرائك ي حسينة لمبني الوان بأموال الصندوق القومي للتامينات يصب في الكرامة ؟؟؟

[الثورة انطلقت]

#1321889 [سودانية]
4.94/5 (6 صوت)

08-16-2015 03:47 PM
حسادة بس ناس بتاكل بالحرام بتحسد ناس بتاكل بالحلال وجعل لكم الارض ذلولا فامشو في مناكبها وكلو من رزقه واليه النشور ...لن نترك الرزق الحلال لناكل قوت الغلابة والمساكين واليتامي لن ناكل السحت ولن نجعل لحم عيالنا ينبت من السحت لن نكون مطايا للشيطان يتخبطنا المس كما يتخبطك ياحسين خوجلي انت وبقية الحرامية

[سودانية]

#1321884 [زول..]
4.25/5 (3 صوت)

08-16-2015 03:35 PM
حسين خوجلي صورة لتردي الإعلام وإسفافه...حري بمحبيه منعه من الظهور في الإعلام بشتى وسائله رأفة به ، فهو شابه الدون كيشوت عقلاً وصار صريع نوستالجيا لا أرى له منها فكاكا في الأمد القريب

[زول..]

#1321851 [عباده]
4.75/5 (3 صوت)

08-16-2015 02:34 PM
صدقت يا استاذ حيدر احمد خيرالله واتفق معك تمام بعد قول حسين خوجلى
"{هسي الناس البقلوا ادبهم فى السودان ديل يشاكلوا ويضاربو وكدة مايقتلوا بس ديل ناس كويسين جداً الناس هناك مؤدبين بالامر ياخ الله يلعن ابودي لقمة عيش .."
هل هذا يسمى ادب ؟؟؟؟
اتقى الله فيما تقول يا حسين خوجلى .

[عباده]

#1321848 [جاكوما]
4.50/5 (2 صوت)

08-16-2015 02:28 PM
اخر الزمن الحكمة بقينا نسمعها من الزول دا
ااااخ خ خ بلدا مافيها صقر تقدل فيها الرخمة

[جاكوما]

#1321826 [Abdo]
4.75/5 (3 صوت)

08-16-2015 01:43 PM
دا عايز يقول للناس انسونا و خلونا على سدة الحكم بما فيه نحن من نعيم إقتلعناهمن أفواهكم و فتشو ليكم على حلول تقيم اودكم و في نفس الوقت خليكم قاعدين نحكمكم، ده شخص مريض في جسده و في نفسه و في عقله ، ده مثال حي للطفيلات كيف بتعيش ، ده قراده ما تشبع .

[Abdo]

#1321803 [حكم]
4.99/5 (10 صوت)

08-16-2015 12:43 PM
قول عملنا حوض الجرجير والطماطم والملوخية فى الحوش
كمان نعمل لينا فى الركن مدرسة للاولاد
وشفخانة عشان نتعالج وبير عشان الموية ومولد كهرباء

وعشان الحكومة نفضت يدها من كل حاجة
كل واحد يشترى ليهو كلاش عشان يحرس بيته بدل ناس حميدتى وموسى هلال

طيب نحن نختصر الحجوة دى كلها ونديك المختصر المفيد
بالكلاش نديك انت وكل الارزقية طلقة فى نص الراس ونرتاح

ونكون انتهينا من الصداع دا كلو

[حكم]

ردود على حكم
Russian Federation [حكم] 08-17-2015 12:35 PM
اخونا السامرى ، تشكر على التعليق الوافى ، واتفق معاك فى كل ما كتيته

بس مسألة حسين خوجلى هى مشكلة كل الكيزان
الواحد بعدما يشعر بنفسه حقق رغباته المادية ويعمل ليهو عنقرة وعربات ونساوين
ويشترى من الشهادات ما يشترى ، كمان عاوز يفرض نفسه اجتماعياً وفكرياً

زى ناس الامن البيسافروا جنوب افريقيا ، دى المرحلة الاولى بتاعت الهجمة. بعد شوية يتعودوا ، يقوموا يشتروا شهادات ويعملوا فيها دكاترة ويركبوا مكنة علماء.

حسين خوجلى شايف نفسه مفكر وعاوز يعمل برنامج زى بتاع محمد حسنين هيكل الفى قناة الجزيرة. وملأ البرنامج احاجى وكلام حبوبات ، وفى النهاية هى تلميع ذات واثبات وجود فى الساحة الفكرية.

اخوك الدكتور الله يرد غربته سالم وغانم
وانت ان شاء الله تقدر تسافر ليهو وتجى تحكى لينا عن جنوب افريقيا

[السامري] 08-17-2015 10:10 AM
والله ياحكم انت فعلا حكم وكلامك حكم خلاص كل واحد يعمل سودان مصغر في بيته زي ما قلت ونخلى حسين خوجلي قاعد متحكر (ما شاء الله تبارك الله )مالي الكرسي عشان يشتم شمال ويمين وشرق وغرب جرجير قال؟ بالله دا كلام؟ جرجير وغنم وهم يخموا خم؟ ورحلات وسفرات وتركيا وماليزيا ودبي والقاهرة والصين وجنوب افريقيا..

تعرف يا حكم انا اخوي استاذ جامعي في جنوب افريقيا قالي الجماعة ديل كرهونا العيشة اليوم والتاني ناطين في جنوب افريقا خاصة المرأة الاسمها بدرية سليمان وكثير من ناس الامن ؟ ومن بينم اللواء امن (000) واللواءامن (000) ودا كله من مال الشعب وعرق الشعب وجرجير الشعب؟.

ارسل لي زيارة مفتوحة لجنوب افريقيا ثلاثة مرات لامن تنتهي ما قدرت امشي ليهو في الجنوب بسبب غلاء التذكرة واحتياجي للقروش في حاجات تاني لكن اصحابنا اهل الهوي رحلوا وماتركوا خبر .. ديل التذاكر عندهم زي تذاكر باصات الوالي والنثرية من بنك امدرمان الوطني بالتفلون.. تسهيلات يا حكم ما البلد حقتهم عشان كدا لازم حسين جرجير ينبذنا ومامون حميدة يقول الضفادع مليئة بالبروتينات.

طيب ما الواطة غنية بالمعادن والنمل الابيض فيها البوتاسيوم والعقارب والعناكب فيها الزنك والرصاص والبروتينات والدهون الثلاثية والاحماض الامينية يعنى ناكل الواطة الواطة التملأ خشومكم؟

واحد يقول اكلوا ضفادع واحد يقول ازرعوا جرجير الله يستر من الجايات الله يستر لسه ما نزلوا اخرهم


انت عارف مشكلة حسين خوجلي يرى ان الدولة تنهار والناس قرفت من حاجة اسمها كيزان وفشل مشروعهم الحضاري والناس تركتهم وان انيهار الدولة ما ينفع معاه عايز الناس كلها تخدم وتديهو خاصة بعد هروب على عثمان الى تركيا والمشكلة بقت بين الاسلاميين انفسهم وهو صاحبك ما عارف يشوت وين مع الترابي او المحبوب او عوض الجاز او على عثمان.. الحرامية اختلفوا في الغنائم.. بعد دا ما في طريق الا ان يوجه سهامه على الشعب السوداني كله لأن الوان ما في زول قاعد يقراها.

التور خلاص قرب يقع عشان كدا عايز الاطباء الذين هاجروا يرجعوا واستاذة الجامعات والمهندسين والممرضات والكوادر التي شردها سيف التمكين تعود عشان هو يقعد يتحكر ويهرف بما يعرف وما لا يعرف خاصة وان اصحابه القدام في الحكومة كلهم شردوا او شُردوا وهربوا من جحيم السودان الذي حوله الكيزان الى جنهم

Russian Federation [حكم] 08-16-2015 07:00 PM
يا ميسى يا لعاب
الله يديم عليك نعمة الضحك
انا عارف انه البيوت ضاقت على الناس خاصة بعد العيال كبرت وتمددت الاسر
بس قلنا نجارى الراجل . ونقول ليهو اذا اكلنا وشربنا ، نتعالج ونقرى اولادنا وين؟

الحل الوحيد فى الطلقة والتخلص من السبب فى المشاكل

[ميسي] 08-16-2015 05:22 PM
هههههههه .....وين ال عنده مساحة قدر دي منو..والغنماية عايزة ميزانية أكتر من البني آدم..والعنده مساحة عايز يبني لولده عشان يعرس...والجرجير بقى يطير


#1321802 [Nureldin]
4.88/5 (5 صوت)

08-16-2015 12:42 PM
اين حسين خوجلى من الكلام ( المال فى الغربة وطن - و الفقر فى الوطن غربة)اذا وجد المواطن الكرامة و الحياة الكريمة فى وطنة لا يهاجر من اجل البحث عن الرزق- شردوا الشعب للصالح العام ويتحدثون عن وطن- وهل امثال حسين تركوا لنا وطن؟

[Nureldin]

#1321800 [عودة ديجانقو]
4.99/5 (9 صوت)

08-16-2015 12:39 PM
يا أستاذ حيدر لا تتعب نفسك مع هذا الوضيع..أنا أقول ليك هذا حسين نفسه عنده أخوه كان مغترب فى قطر وجاء فتح ليهو محل أقمشه سماه معروضات الدوحه بفتح فى الحائط الشمالى للجامع الكبير بسوق امدرمان .. ولحد اللحظه دى المحل موجود وبنفس اللافته..وحسين بنفسه من ماكان طالب بالأهليه بعد المدرسه كان بجى جارى يمسك الورديه ومعاها متر الخشب وأنا شخصيا أشهد على ذلك.
الشغل ماعيب ياحسين ولكن البجاحه وقلة الأدب هى العيب بعينوا وأمدرمان ضيقه.

[عودة ديجانقو]

#1321794 [nasereddin]
4.97/5 (7 صوت)

08-16-2015 12:32 PM
اذا دخل ولد مستشفي خاص ، تكلفة اليوم الواحد اربعة مليون..فقط لعلاج نوع من الملاريا لايتوفر علاجها في مستشفي حكومي والذي يفتقد حتي للبندول والشاش.. الما عندو زول في المهجر يموت زيو وزي أي كلب شارع ...بالله يا حسين خوجلي من وين ليك بالارض الواسعة التي تعادل مربوع كامل في نهاية المطار -عند لفة الجريف مع شارع المطار؟من وين ليك مواقع سكنية أخري وقناة فضائية تدفع لها شهريا أربعين الف دولار واذاعة وصحيفة...منو السرق بنك السودان بالاتفاق مع بنك الشمال ثم حرق مستندات في توقيت واحد بنك السودان وبنك الشمال والتي تعترف بعض المصادر انها تمت لتقوم صحيفتك التي لا تفحلح في ما هو مفيد للوطن؟

[nasereddin]

#1321790 [أب أحمد2]
4.97/5 (12 صوت)

08-16-2015 12:21 PM
الليلة كلامكك عجبنى يا "حيدر خيرالله".
هذا الحسين خوجلى لا يشبه السودانيين وعار على أسرته وأهله وعشيرته والشعب السودانى.

[أب أحمد2]

ردود على أب أحمد2
European Union [الهمام] 08-16-2015 10:36 PM
ياجماعة انتو سمعتو باللواط العقلى ..
ياهو بس العند الراجل المعفن دا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة