الأخبار
أخبار إقليمية
مراجعة قرار معاملة الجنوبيين الفارين من الحرب كسودانيين
مراجعة قرار معاملة الجنوبيين الفارين من الحرب كسودانيين
مراجعة قرار معاملة الجنوبيين الفارين من الحرب كسودانيين


08-17-2015 09:43 PM
البرلمان: علوية مختار
كشفت معتمدية اللاجئين عن مذكرة دفعت بها للجهات المختصة لمراجعة قرار رئيس الجمهورية، الخاص بمعاملة الجنوبيين الفارين من الحرب كسودانيين لكونهم أن استضافتهم فاقت طاقة الدولة ورصدت سناريوهات لما بعد اعتمادهم كلاجئين بأن اقترحت أن تؤول إدارة المعسكرات لمعتمدية اللاجئين بالتنسيق مع الجهات الأمنية. في وقت أعلن معتمد مفوضية اللاجئين حمد الجزولي عن عدد طالبي اللجوء من السودانيين بالخارج والبالغ "11.313" فرداً منهم "11" ألف بمصر والتي تحتضن "15" ألف لاجئ سوداني. وقالت المعتمدية في تقرير دفعت به إلى لجنة الشؤون الاجتماعية بالبرلمان إن عدد السودانيين في دول الجوار قدر بـ" 407.462 " منهم " 268" ألف في تشاد فضلا عن "84" ألف لاجئ في جنوب السودان، وأشار لرغبة 99% من اللاجئين بأنجمينا بالعودة الطوعية، وأكد أن المعتمدية بصدد إعادتهم ضمن برامج العودة الطوعية للقرى الدارفورية وقطع بعودة 43.500 لاجئ بإثيوبيا إلى قراهم بولاية النيل الأزرق خلال الفترة المقبلة، وحدد الجزولي مشكلات اللاجئين السودانيين بدول الجوار في شح المساعدات والتأثر بالمناهج التعليمية في البلد المضيف. وكشف الجزولي عن رفض الحكومة التوقيع اتفاقية في كمبالا تتصل بالنزوح القسري لاحتوائها على بند يمنح النازح الحق في مقاضاة دولته لدى الجنائية الدولية. وفيما يتصل بقضية الجنوبيين، قال الجزولي إن الحكومة لم تكن تتخيل أن تدفقات الجنوبيين الهاربين من الحرب هناك ستكون بذاك الحجم، وأشار إلى أنها فاقت طاقة الولايات المضيفة، وأوضح "مشكلة الجنوبيين أكبر مشكلة تواجهنا الآن لأن التدفقات كبيرة، ففي الخرطوم وحدها هناك 135 ألف لاجئ " وأضاف "ولاية النيل الأبيض بعثت رسميا أن لا مساحات لديها لاستضافة المزيد وايضا غرب كردفان وإن لم نستلم خطابها حتى الآن " وأكد الجزولي أن الوافدين يعانون الأمرين في ظل غياب الخدمات وشدد "لذا القرارات تحتاج لمراجعات من كل الناس" وحدد في التقرير الذي سلمه اللجنة سناريو ما بعد اعتماد الجنوبيين كلاجئين بأن يتم إدارة المعسكر من قبل معتمدية اللاجئين فضلا عن الجهات الأمنية، وأكد أن الوافدين الجنوبيين تعرضوا لاستقطاب سياسي وأمني من قبل الفرقاء الجنوبيين وذكر أنها قادت لتعقيدات فيما يتصل بكيفية التعامل معهم من قبل السلطات السودانية. وأشار لتوقيع اتفاقيتين بمبلغ ستة ملايين دولار بين الداخلية ومعتمدية اللاجئين منها اثنين مليون لحصر وتسجيل الجنوبيين وأربعة ملايين دولار لتقديم الخدمات للجنوبيين فضلا عن المجتمعات المضيفة .وفي إجابته على استفسار النواب أكد أن لدى المفوضية 802 موظف جميعهم مدنيين.

التيار


تعليقات 9 | إهداء 0 | زيارات 4047

التعليقات
#1323303 [برجل]
0.00/5 (0 صوت)

08-18-2015 05:14 PM
طبعا الجنوبيين لمن يجوا السودان وسعادة الرئيس يصدر مثل هذا القرار الفردي وكان السودان حق ابوه اكيد هم ماحيعيشوا مع البشير في كافوري او العمارات حقت الكيزان الفخمة المليئة بالماكولات والسيارات الفارهة حيجونا ويطلعو زيتنا في الشارع والمواقف والمواصلات والاكل وانتشار الجريمة ماحيتاثر بيها صاحب السمو الملك عمر حسن البشير ملك السودان ومافي راجل قادر يقول للبشير ياجلالة الملك روق المنقة وبطل تهور نحنا زيتنا طلع لايستطيع احد ان يقول للملك عمر البشير توقف حتى الشعب استكان . الملفت في الامر انو السودانيين في دولة الجنوب اهانة وزلة واستحقار وسرقة لاموالهم وقتل وكل شي ضدهم
السؤال موجه للملك عمر البشير . ليه ياسجم الرماد سعادة الملك البشير بتعمل فينا كدا ياخي اخجل من روحك وفكر في القبر الراجيك الكرسي الملصق ومكنكش فيهو كدا خلي
انتا زول كبير في السن وصلعتك القاصي والداني شايفهاكبيرة وبتلمع معناها تلقائيا تفكيرك بقى زي صلعتك سطحي وتدريجيا بعامل السن ماعندك حاجة جديدة تدينا ليها كشعب او وطن نستفيد منها حتى رقصتك ماعندك غيرا ولا غيرتها من شفناك بترقص وعصايتك يا سمو الملك عمر حسن البشير اتمنى تكون بتقرا في رسالتي دي عشان تعرف انا عمري وصل نهاية الثلاثينات وعاصرت حكمك البغيض وانت اتسببت في انهيار اخلاق امة كاملة واتسببت في فصل دولة وجاي تقول يالتعامل معاهم زينا ونسيت انههم كلهم صوتوا لانفصال مابتفهم ماعندك اي نظرة ياخي انقلع من حياتنا ربنا ينتقم منك ومن اي زول دمر البلد دي
وشكرا
الرسالةمن اخوك / برجل

ياريت تتواضع وترد لي عن استفساراتي دي

[برجل]

ردود على برجل
[زبيدة] 08-19-2015 09:12 AM
والله العظيم ومصداقا لكلامك الجنوبيين جو سكنو في تالت شارع مننا وشغلوا طلمباتهم ونحنا بقينا خايفين علي اطفالنا من السكاري الفي الشوارع ربنا يحرقك ياعمر البشير يامتخلف !!!

European Union [سوداني] 08-18-2015 10:26 PM
معليش يابرجل الجاتك في مالك سامحتك

European Union [امين الخذينة] 08-18-2015 10:25 PM
اتمنى من صاحب السمو الاخ الملك عمر البشير ان يرد ولو بكلمة ويجبر بخاطر اخونا المواطن برجل ويستجيب لي طلباتو وطلباتنا


#1323064 [سوداني]
4.00/5 (1 صوت)

08-18-2015 11:47 AM
حسابات الكيزان اصحاب الكروش السحت ، 2 مليون للتسجيل و 4 مليون بس للمساعدات ، دا كان شغال في ديوان الزكاة ولا شنو ؟

[سوداني]

#1323049 [عمر عدالة]
3.50/5 (2 صوت)

08-18-2015 11:32 AM
الجنوبيون اختاروا الانفصال بنسبة فاقت ال 99% واختاروا دولتهم - ما ذنبنا نحن بعد الانفصال بأن نتحمل وز حروب طاحنة اندلعت بينهم - بالمختصر المفيد ( يأكلوا نارهم ) وعلى الحكومة الابتعاد عن مشاكل الجنوب وتبعاتها ومألاتها - نحنا الفينا مكفينا والمواطن البسيط ضاقت به الظروف المعيشية لدرجة لا توصف ، فلماذا نثقل كاهل المواطن بلمزيد من المعاناة على حسابه في الخدمات ومتطلبات الحياة .

[عمر عدالة]

#1323048 [منتصر]
5.00/5 (2 صوت)

08-18-2015 11:32 AM
السوريين الأقرب الي الشماليين من الجنوبيين علي الأقل ليس لنا موتي بسوريا علي اياديهم اخوتي انظروا الي قبائل سوريا وادخلوا النت وستجدون اسماء قبائل موجودة في السودان كما ذكر وزير الخارجية قبل شهر
الأهم لنا ك شماليين يجب إنهاء مهزله الدخول الي البلاد من غير أوراق نجد التشادي والفلاتي يستخف بالسودان والسودانيين مع إنّو هو لاجيء. وشحاد وعائش علي أكتافنا وفرحان بانه سوداني

[منتصر]

#1323021 [سعاد بت الجلية]
3.00/5 (1 صوت)

08-18-2015 10:54 AM
يا جماعة غلطة وحصلت وعفا الله عما سلف نحن محتاجين لتجنيس الجنوبين بعد هجرة شبابنا انا عمري وصل50 سنة وما عرفوني لحدي حسي وبعدين الجنوبين محتاجين ليهم في الوظائف والغير متعلم منهم بتحتاج ليهم في البناء والتعمير، حرام عليكم تحرمونا من السفر ومن الشغل الشريف خدامات وكمان ما نعرس ربنا بيسألكم من عنوستنا وعددنا الكبير من بنات جيلي الله يقلعكم الواحدة فينا بقت تفكر في الانتحار

[سعاد بت الجلية]

ردود على سعاد بت الجلية
European Union [برجل] 08-18-2015 10:28 PM
ياسعيد بطل حركات واكتب اسمك صح


#1322868 [اللدر]
0.00/5 (0 صوت)

08-18-2015 07:30 AM
وطني عادل ، ما تكتب بالعربي آ خوي ، 8 غلطات إملائية فى السطرين بتاعنك ديل

[اللدر]

#1322787 [جقددول]
5.00/5 (1 صوت)

08-18-2015 01:05 AM
يعاملوهم كسودانيين كيف يعني ؟
ده شعب ودولة قايمات بي ذاتم
ده شغل كوار ساي وعنقلة فاضية
طيب سويتو الانفصال والطمبريطه الفارغة دي فوق كم ؟
شعب الجنوب تم ظلمه وغبته واللعب عليه
فيجب ان يتحملوا نتيجة الانفصال
ويكون عندهم العزيمة عشان يعملوا دولة ناجحة وقوية
استهبال الكيزان ده مافي ليهو اي داعي

[جقددول]

ردود على جقددول
[ابو جلمبو] 08-18-2015 02:46 PM
تقول شنو بس
البشير متخلف ورمة

[الشفت] 08-18-2015 07:44 AM
ياخي دا كلام فارغ بس يعيشو في وسطنا كسودانين كيف يعني بعد الانفصال زي ماقلت دي استهبال كيزان بس القرار دا لو صحيح معناتو انتشار مزيدا من الجريمة والنهب والفوضي كفاية ياخي الله يقطع الكيزان ماعندهم اي ادارة للدولة شقل همجية بس وكلام فارغ ليس الا


#1322768 [ahmad hashim]
1.00/5 (1 صوت)

08-18-2015 12:11 AM
من الاولى يهذه المعاملة الجنوبيون ام السوريون من هم الاقرب الينا منهم

[ahmad hashim]

ردود على ahmad hashim
European Union [برجل] 08-18-2015 10:29 PM
السوريين طبعا دي ماعايزة تفكير سمحيين وبحترمونا

[ابو جلمبو] 08-18-2015 02:46 PM
يا زول لا ديل ولا ديك
الاتنين يغورو مننا

[ابراهيم علي] 08-18-2015 12:37 PM
طبعا السوريين....لاننا ماشفنا منهم الا كل خير واستقبلونا في بلدهم احسن استقبال قبل ماتحصل الحرب.. الجنوبيين من سنة 1955م غير الحرب والموت جانا من وراهم شنو؟

[عبدالله أحمد] 08-18-2015 09:33 AM
يا احمد هاشم ..طبعا الاولى بالمعاملة الحسنة هم السوريون ..عارف ليه؟ لانهم عرب وسمحين وكدا .حسب منطق ونظرة المستعربين المغفلين . اما اخوانا الجنوبيين فانت عارف لا مال ولا جمال .. ههههههها

[faris] 08-18-2015 08:40 AM
السورين طبعا . والاثيوبيون والتشاديون وكل دول العالم الا الجنوبيون . حتقولى ليه ؟ لانو هذا الحق كان مملوك لهم وهم الذين رفضو به وبنسبه تبلغ 98% وقالو باي باي وسخ الخرطوم . كانو هم الاولى ولكن الان المعادله اتغيرت برفضهم .
عايزين ينفصلو بدولتهم ويطلبو حقوق المواطنة من دولة اخري لا يا خوي كل واحد ياكل نارو

[زول الخلا] 08-18-2015 06:54 AM
بالطبع السوريين الأقرب


#1322742 [WATANI ADEEL]
0.00/5 (0 صوت)

08-17-2015 10:32 PM
sudan sapariated by northern and southern politcains not aceipted by cetizes unitl now hece the southern peopls are completed sudanese

[WATANI ADEEL]

ردود على WATANI ADEEL
[التشيلاوي] 08-18-2015 07:57 AM
هو أنت ثانية .. ألم أقتلك ؟!! لنراجع معا جملة الأخطاء التي حفل بها تعليقك أعلاه ولنبدأ بالإملائية separated وليس sapariated و كلمة politicians تكتب هكذا وليس politcains اما كلمة aceipted فأظنك تقصد accepted وكذلك كلمة citizens وكلمة until وكلمة hence وأخيرا كلمة peoples أما بالنسبة للصياغة فما معنى completed sudanese .... عدم وجود لوحة مفاتيح عربية لا يعني أن تتفسح بالإنجليزي .. الزم لغة الضاد بارك الله فيك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة