الأخبار
أخبار إقليمية
الحسن الميرغني : لولا مشاركتنا في الحكومة لمكثنا في منازلنا دون عمل شيء
الحسن الميرغني : لولا مشاركتنا في الحكومة لمكثنا في منازلنا دون عمل شيء
الحسن الميرغني : لولا مشاركتنا في الحكومة لمكثنا في منازلنا دون عمل شيء


08-18-2015 04:45 PM
الخرطوم - حسن محمد علي
امتدح محمد الحسن الميرغني، مساعد أول رئيس الجمهورية الرئيس المكلف للحزب الاتحادي الديمقراطي الأصل مشاركة حزبه في السلطة، وقال: "الحمد لله ربنا أكرمنا وشاركنا في السلطة ولو ما هي كان الواحد قاعد في بيتو ما عامل شيء". وأقر الحسن في لقاء تفاكري حول دور الإعلام في محاربة التطرف بجنينة السيد علي، بأن هناك رافضين للمشاركة، وأوضح: "نجد مذمة في مشاركتنا حتى ممن هم معنا لكن المشاركة لديها محاسنها ومساوئها".

اليوم


تعليقات 23 | إهداء 0 | زيارات 3471

التعليقات
#1323737 [جاكوما]
5.00/5 (1 صوت)

08-19-2015 12:18 PM
كلام اخير منو السكوت

[جاكوما]

#1323715 [خارم بارم]
0.00/5 (0 صوت)

08-19-2015 11:51 AM
عجيب يا الأسرة المقدسة....انت بالذات الأيام دي قام ليك ريش وكلامك بقى كتير ، وكلكم ما يجي منكم إلاَّ الكلام الفارغ الخارم بارم... شوف مساعد الحلة ده بالله، يحمد الله ويقول :"كان الواحد قعد في بيتو ما عامل شيء".. أنتو أصلاً عطالة من ما جدكم الكبير دخل السودان وقاعدين تعملوا في شنو غير مص دم الغلابة واستغلالهم في الشرق والشمال وفي كل مكان تاكلوا لحمهم والعضام زاتو ما ترموها تقرقشوها لآخر حته.. بيتوتكم دي في زقلونا والا جبرونا والا في عد الطين والا في أطراف المدن ومعسكرات اللجوء؟ ... بيوتكم قصور وفلل آخر روقه ومنجهة في لندن والقاهرة والمدينة المنورة.. اشتريتوها وقاعدين فيها بقروش ناس محمد أحمد وبهدايا المشاركة مع النظم الدكتاتورية وعمولات (الدول الشقيقة) ... قول لينا أبوك وأخوك الملمع داك ليهم شهور قاعدين وين وقاعدين يعملوا شنو؟؟؟ أسع بالله في عطالة وبيوت أحسن من كده؟؟؟ ناس لا تخاف الله ولا تختشي من الناس، وبرضو تقول" في بيتو.. وماعامل شيء"؟؟؟!!! بالله روح وغووووور في ستنين ألف داهية انت وكل الجابوك...

[خارم بارم]

#1323695 [jafar]
0.00/5 (0 صوت)

08-19-2015 11:26 AM
مبروك عليك الوظيفة الجديدة ونتمنى لك مستقبلا باهرا

[jafar]

#1323671 [dougokoper]
0.00/5 (0 صوت)

08-19-2015 11:00 AM
الله يخيبك يا حضرة الميرغني الصغير.

[dougokoper]

#1323609 [بن الحق]
0.00/5 (0 صوت)

08-19-2015 09:44 AM
والله يا أخي يا إبن المرغني .. إنت وظيفتك مثل السعودة في السعودية يجيبو واحد سعودي مدير شركة عشان السعودة والمدير الأصلي موجود وقائم بأعمال الشركة أما السعودي مدير ديكور فقط ( سعوده ) مثل وظيفتك يا أبو حسن مساعد الرئيس إسم وظيفتي فقط من أجل مرغنة الوظيفة .. لعلك فهمت القصد !!!!!!!!!!! وخليك عندك طموح عاش تبقى رئيس جمهورية مس ديكور ...

[بن الحق]

#1323556 [zozo]
0.00/5 (0 صوت)

08-19-2015 08:36 AM
حلاتو كان أحسن منك

[zozo]

#1323543 [جنو منو]
5.00/5 (2 صوت)

08-19-2015 08:24 AM
وقفتوا الحوليات ولا شنو ..!؟

[جنو منو]

#1323538 [ابو جلمبو]
5.00/5 (2 صوت)

08-19-2015 08:19 AM
جدك الميرغني الكبير هو كبيركم العواطلي العلمكم العطالة والبشير عواطلي وكلكم عواطلية

[ابو جلمبو]

#1323515 [د. هشام]
5.00/5 (1 صوت)

08-19-2015 07:36 AM
"الحمد لله ربنا أكرمنا وشاركنا في السلطة ولو ما هي كان الواحد قاعد في بيتو ما عامل شيء". ... تشتغل؟... منو فيكم بشتغل؟** ما إنتو سيدنا و ستنا...إنتو ناس مكة و مِنَى!! (لحنها على: ننساك هو إنت إنت بتتنسي...إلخ..مع الإعتذار للفنان صلاح إبن البادية

[د. هشام]

#1323482 [بي كرت]
4.75/5 (5 صوت)

08-19-2015 04:02 AM
تصريحات تسئ لك ولاهلك ولحزبك والتملق طافح منها ، ياخي على الاقل خلي عندك كرامه والارزاق بيد الله لا بيد البشير ، رحم الله الحزب الاتحادي الديموقراطي ، بالله اذا الوضع ده اتغير عندك وش تجي وتعرض نفسك ؟ والحاجه التانيه الحزب ده ماعندو غير المتخلفين اولاد المرغني ديل عشان يتقدموا الصف !! قال زي ده يمكن يوم يكون رئيس البلد .. حكم والله

[بي كرت]

#1323410 [نص صديري]
4.96/5 (10 صوت)

08-18-2015 09:59 PM
والله حكم يابلد!!
كدي ورينا انت واخوك وابوك وجد جدك متين في تاريخ السودان في واحد من اسرتك اكل من عرق جبينوه؟؟
مئة وخمسون عاما تستغلون الغلابة والمغفلين وتسرقونهم باسم الدين
على الاقل الكيزان حرامية وما داسينها

[نص صديري]

ردود على نص صديري
[السليقة] 08-19-2015 10:52 AM
يانص.. والله صدقتا المراغنة ديل بياكلو باسم الدين من جد جدهم الكبير عملاء الاستعمار.. خسئت ايها العاطل الحسن


#1323395 [hassan]
4.82/5 (8 صوت)

08-18-2015 08:51 PM
هسي شغال شنو غيرمساعد ياي بدون عمل

[hassan]

#1323384 [Mat too]
4.38/5 (4 صوت)

08-18-2015 08:26 PM
شاركت مجانا؟التمن مقبوض قبضت من ناس الحكومة وقبضت من اقطاب الحزب . يالص يامعفن
يا عاق انقلبت علي والدك بالتعاون مع شياطين الموتمر الوطني .السيد محمد عثمان لا يوافق علي
هذه المشاركه الهزيله وأعضاء الموتمر الوطني الذين ترشحوا باسم الاتحادي الديمقراطي ،معروفين
ومنهم من عمل في جهاز أمن الموتمر الوطني وهلم جرا ،السيد محمد عثمان تعامل بحكمه مع هذا
الانقلاب الذي سوف يكشف يوما، وان غدا لناظره قريب.يوجد سوْال لكل من قراء هذا المكتوب منذو
متي والحسن لم يلتقي بوالده السيد محمد عثمان لتظهر لكم الحقيقة وللعلم ان الحسن لا علاقة له
بوالده منذو مايزيد عن سنتين ،وإذا كان الوالد مريض كما يدعون لماذا لم يعاود والده المريض
اعتقد ان الامر الان لا يحتاج الي ذكاء انه انقلاب سوف لا يجد التأيد الا من الخاين سليل الخيانه
الذي لا أصل له أنبوب الغاز احمد سعد .وان السيد محمد عثمان قد تعامل بحكمه مع الحدث الذي
قصد منه اختراق الحزب الاتحادي الديمقراطي واحراق شخصية السيد محمد عثمان ألذي سوف
يعود اكثر قوة وأكثر شعبيه والكلب الحسن الي مزبلة التاريخ

[Mat too]

#1323365 [دردوق]
4.23/5 (8 صوت)

08-18-2015 07:55 PM
الناس ديل مالو بقا نضميهم كتير كدا !!!!

[دردوق]

#1323349 [كاسـترو عبدالحـمـيـد]
4.66/5 (6 صوت)

08-18-2015 07:17 PM
بالله هل هذا شخص تقدر تقول عليه " معارض " يعنى يا يتم تعيينك من قبل النظام الحاكم او تجلس فى البيت ساكت عواطلى . ما هى مهمة وواجبات المعارضة ؟ اليست هى فى المقام الأول رصد ومتابعة الحكومة و العمل على التغلب عليها فى اى انتخابات لكى تقوم هى بتأليف الحكومة لتنفيذ برنامجها الأنتخابى ؟ لذلك على السودان السلام اذا كان السياسيين فيه من نوعية هذا الميرغنى .

[كاسـترو عبدالحـمـيـد]

#1323339 [انقاذي سادر في فساده]
4.71/5 (7 صوت)

08-18-2015 06:34 PM
هنالك الكثير من العطالى يحملون مؤهلات عليا وقاعدين في منازلهم. كيف لهم الالتحاق بالحكومة؟ ولكن تنقصهم المؤهلات الطائفية

[انقاذي سادر في فساده]

#1323335 [همت]
4.66/5 (6 صوت)

08-18-2015 06:25 PM
وهسه برضو حتمكثوا في بيوتكم دون عمل شيء غير استلام نصيبكم من عرق ودم الغلابى

[همت]

#1323324 [متحير]
4.66/5 (6 صوت)

08-18-2015 05:57 PM
مش الافضل الختمية ديا يلزموا الصمت بدل الادلات المخجلة كل يوم و التانى من عشة لى الحسن و اسا ظهر اب تلة اسموا ابراهيم اذا كانوا ناس على السيد داعش .ابراهيم الميرغنى دا الظاهر من الشبيحة

[متحير]

#1323309 [ودكركوج]
4.69/5 (6 صوت)

08-18-2015 05:31 PM
وفرقت بي شنو احسن قعادكم في البيت اهو تونسو الحريم وتساعدوهم في شغل البيت ومادام النقاطة بتاعت المريدين شغالة تاني المشكلة شنو؟

[ودكركوج]

#1323306 [المتألم فى غربته]
4.70/5 (8 صوت)

08-18-2015 05:19 PM
ليكم اكثر من مائة عام اشتغلتو شنو عايشين عالة على البسطاء للاسف

[المتألم فى غربته]

#1323299 [abushihab]
4.80/5 (7 صوت)

08-18-2015 05:03 PM
سيدي الحسن اب جلابية.......اها يا شاطر باقي ليك كم من ال180يوم انت والبرطمانية عائشة احمد صالح,,,,مدد يا سيدي مدد. قبح الله وجهك.

[abushihab]

#1323298 [سوداني غيور]
4.73/5 (17 صوت)

08-18-2015 05:00 PM
ههههههههههها ---- اي انك كنت عاطل
و جاد عليك بني كوز بفرصة عمل .
مبروك ------ عليك
يا امة ضحكت من شانها ----- الامم

[سوداني غيور]

ردود على سوداني غيور
[جركان فاضى] 08-18-2015 06:18 PM
ومازال عاطلا...لان وظيفته ديكورية....بس هنا الوضع يختلف...عاطل بحقو...تعال ابقى ديكور ونصرف عليك...هل يؤثر محمد الحسن الميرغنى فى قرارات البشير شيئا؟ ...لا ثم كلا...ما اهو اخوه كان مستشار للبشير بالواتساب...هل اثر فى نظام الانقاذ


#1323296 [سكران لط]
4.67/5 (12 صوت)

08-18-2015 04:55 PM
في دي انت صادق لانكم يا في الحكم يا قاعدين ساكت على ضهر ال..

[سكران لط]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة