الأخبار
أخبار إقليمية
تأجيل انعقاد مؤتمر تعليم أبناء السودانيين بالخارج
تأجيل انعقاد مؤتمر تعليم أبناء السودانيين بالخارج



08-18-2015 05:07 PM

تأجيل انعقاد مؤتمر تعليم أبناء السودانيين بالخارج

أعلن الدكتور كرم الله على عبد الرحمن الأمين العام بالإنابة لجهاز تنظيم شئون السودانيين بالخارج ، عن تأجيل مؤتمر تعليم أبناء السودانيين بالخارج الذي كان مقرراً انعقاده يوم غد الأربعاء 19 أغسطس 2015 م بالمجلس الوطني إلى موعد يحدد لاحقاً ، وعزى كرم الله التأجيل إلى المزيد من التشاور والتنسيق مع الأطراف ذات الصلة حتى يحقق المؤتمر
أهدافه المرجوة .
جاء ذلك بناءً على قرار السيد وزير الدولة بمجلس الوزراء.


الادارة العامة للاعلام
جهاز المغتربين


تعليقات 4 | إهداء 0 | زيارات 1313

التعليقات
#1323613 [ٍSalah AL Deen P]
0.00/5 (0 صوت)

08-19-2015 09:47 AM
جهاز عاملين بالخارج.. وحاج ماجد.. ولجان كتيرة.. واستثمارات اموال المغتربين وجامعلة للمغتربين وقصص.. وإدارة عامة للاعلام بجهاز المغتربين.. وجيوش جرارة من الموظفين في جهاز المغتربين.. وجبايات وريالات ودولارات... وعملات تانية زاتوو مانعرفها...
وبعد دا كلو عاوزين تعذبوا اولاد المغتربين في التعليم!! اللي هو حق من حقوقهم..
طيب لزوموا شنو الجهاز دا؟ اصلا الجهاز دا جاي للعذاب ولا للخدمة؟

[ٍSalah AL Deen P]

#1323459 [علي سيف]
0.00/5 (0 صوت)

08-19-2015 12:56 AM
ياجماعة اي مغترب داير مصلحة ولدو مايرسل ولدو يقرا في السودان
جامعات مهترئة
وغير معترف بها والمعترف بها تقبع في مؤخرة التصنيف العالمي للجامعات

رسل ولدك لماليزيا او الفلبين او سنغافورة

التعليم في السودان هو مجرد تجارة
والدكاترة ماهجرو لوحدهم الجامعات بل مساعدو التدريس
والفنيون

فلا نوصيكم على ابنائكم
لقد اصبح الخريج الجامعي
يتخرج بلا تدريب بل انه لا يجيد الانجليزية

فقد وصل التعليم كسائر الخدمات الاخرى
لمرحلة الخج بالله جامعة الكهربا فيها قاطعة والمويه
والميكرفون عطلان

هذه المعاملة يجدها ابناء المغتربين الذين يدفعون الدولارات لميزانية الدولة
ويتحدث حسين خوجلي ان الاغتراب يذل المغتربين

فيما الذل والسرقة والنهب المستمر للمغترب وابنائه يتم في السفارات السودانية والجامعات

وشكرا لاسرة الراكوبة مشاطرتهم للمغترب اوجاعه وعرض مشكلاته
فهنيئا لكم بروح الانسانية الحقيقية بنقاء سريرتكم وحياد مقصدكم.

[علي سيف]

#1323454 [أمواس]
5.00/5 (1 صوت)

08-19-2015 12:42 AM
يا جماعة والله الناس ديل فلقونا بحكاية المؤتمرات دي . يعني هسع موضوع تعليم أبناء المغتربين ده موضوع داير ليه مؤتمر . والله بالطريقة دي امكن بكرة نسمع عن مؤتمر لمناقشة هزيمة الهلال من المغرب التطواني ..... أي موضوع هايف
يا أخي المغتربين فروا من البلد دي عشان كلامكم الفارغ ده يعني أناا أولادي أرحم ليهم وأقل تكلفة أن أرسلهم للدراسة في أي بلد من الحقهم بجامعات السودان لأن تكلفة دراستهم في أي مكان أقل منها في السودان. ما خلاس المغتربين عملوا جامعة تاني المؤتمر لزومو شنو ؟ ولا فكر عمك سوار في لحسة جديدة؟؟؟؟؟؟؟؟

[أمواس]

#1323338 [تاج السرعبداللطيف عثمان]
0.00/5 (0 صوت)

08-18-2015 06:33 PM
ياليتك يادكتور تسكت وتريحنا وبلاش ثرثرة وضجيج لاتسمعه إلا أنت والكراسى
التى حولك وسعادة الدكتور رئيس لجنة القبول قالهالرئيسك المباشر حاج ماجد
كوتة يعنى كوتة
وأى حديث عن لجنة برلمانية ولجنة من حملة العكاكيز ورافعى السبابة يعتبر
حديث ( إفك ) وتضليل لأولياءءءء الأمور ولذلك أتمنى أن تسكت وياليتها أبدية
أسأل الله أن يدُك قلاع الظلم

[تاج السرعبداللطيف عثمان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة