الأخبار
أخبار إقليمية
الحسن الميرغني يدفع بخطة لرئاسة الجمهورية لتغيير المناهج الدراسية
الحسن الميرغني يدفع بخطة لرئاسة الجمهورية لتغيير المناهج الدراسية
الحسن الميرغني يدفع بخطة لرئاسة الجمهورية لتغيير المناهج الدراسية


08-20-2015 11:48 AM
الخرطوم

كشف مساعد أول رئيس الجمهورية محمد الحسن الميرغني، عن إتجاهه للدفع بمقترح لرئاسة الجمهورية لعقد جلسات تفاكرية مع الخبراء التربويين لبحث تغيير المناهج من أجل محاربة التطرف بكافة أشكاله.
وقال الحسن لـ (المركز السوداني للخدمات الصحفية) أمس، إنه سيطرح للنائب الأول لرئيس الجمهورية خطة تغيير المناهج لمكافحة ظاهرة التطرف التي وصفها بالدخيلة على السودان.
وذكر مساعد اول رئيس الجمهورية أنهم ماضون في تنفيذ إصلاح حقيقي بالبلاد، وأضاف أن مشاركة الحزب الاتحادي الديمقراطي الأصل في الحكومة الجديدة الغرض منه الإصلاح ومحاربة الفساد.
وأشار الحسن لترتيبات من اجل عقد اجتماع دوري لمتابعة أداء الوزارات المختلفة بغرض محاربة الفساد ودعم برامج الإصلاح، وكشف عن زيارات دورية للولايات لمتابعة أداء الجهاز التنفيذي فيها.

الجريدة


تعليقات 20 | إهداء 0 | زيارات 2722

التعليقات
#1324750 [WATANI ADEEL]
4.00/5 (1 صوت)

08-21-2015 09:05 AM
الزول دا حسانى؟

[WATANI ADEEL]

#1324725 [محتار فى خلقه]
5.00/5 (1 صوت)

08-21-2015 07:51 AM
دي الجابتك من ببت اهلك

[محتار فى خلقه]

#1324721 [معاويـــــــــــــــــــــــــــــــة]
5.00/5 (1 صوت)

08-21-2015 07:45 AM
قوم لف بس داهيه تخمك

[معاويـــــــــــــــــــــــــــــــة]

#1324637 [mmmmmmmmm]
3.88/5 (4 صوت)

08-21-2015 12:07 AM
سبحان الله يتكلم عن الفساد وهو الفساد زاتو افسدتو عقلية الناس المعاكم يافاسدين كمان قال بتكلم بتغيير المناهج وانت قريت وين زاتك عشان تتكلم عن تغيير المناهج سبحان الله اسي انت حزب ابوك دى ماهو الفساد زاتو وانتو شاركتو فى الحكومة ماعشان تصلحوا عشان تلحسوا وانتو لو حكمتو السودان دا تانى الا اكون السودان مافيهو ناس يعنى فى انتو بس فى السودان ياعنصريين يادكتاتوريين

[mmmmmmmmm]

#1324562 [WATANI ADEEL]
3.91/5 (6 صوت)

08-20-2015 08:28 PM
الزول دا احوص

[WATANI ADEEL]

#1324540 [mat too]
3.91/5 (6 صوت)

08-20-2015 07:28 PM
يا اخي لا.هاك التعليم ده !
هو انت زاتك متعلم عشان تتحدث عن التعليم .قريت وين ياقله. ياسيدي
استر نفسك وبلاش كلام والا ينطبق عليك ايش جابرك علي الخنات يا ابو
خرم ضيق؟؟؟هههها....

[mat too]

#1324423 [سوداني غيور]
3.91/5 (6 صوت)

08-20-2015 03:14 PM
اجيالنا القادمة عليها العوض علي الله--- اذا كانت تنظر
افكار و مناهج الشيخ الحسن --- ابوجلابية .
اما يكفي ما اصاب شبابنا و اولادنا من مناهج بني كوز .
التي دمرت العباد ----- و شرزمت البلاد .
اذهبوا غير ماسوف عليكم ---- و اتركوا شبابنا ليلحق بقية الامم .

[سوداني غيور]

#1324389 [احمد عبدالله]
3.91/5 (6 صوت)

08-20-2015 02:06 PM
الحسن ده مساعد اول للرئيس ولا للنائب الاول للرئيس ؟؟؟

[احمد عبدالله]

#1324373 [فدائى]
4.61/5 (13 صوت)

08-20-2015 01:46 PM
ماداير احل ليكم مشاكل السودان فى 181 يوم اعمل ليكم شنو اتقطع يعنى وله كيف

[فدائى]

ردود على فدائى
European Union [دردوق] 08-20-2015 06:42 PM
كلامك صااح يتقطع !! ما هو بدا ليكم بالتعليم و بعدين جاايكم للصحه

و الصناعه و تشغيل الخريجين و الاستثمار اصبرو ياخ !!

عالم ما عندها صبر كلو كلوووو !


#1324359 [ابو جلمبو]
3.82/5 (6 صوت)

08-20-2015 01:37 PM
الود ده الانجليز قالو لابوه اعمل كده وابوه كلمو قال ليهو اعمل الحاجة دي عشان الانجليز يرضو عنهم في لندن، هو التطرف ده هو حجر اساس حزبكم، والا انتو عايزين تغشو الناس بالدين وتاكلو قروشهم وما عايزين تانين يغشو الناس بالدين عشان يموتو

[ابو جلمبو]

#1324349 [jafar]
4.63/5 (5 صوت)

08-20-2015 01:16 PM
الظاهر مولانا الشبل تذوق السمنة وشايط بعيد .. لحد كده اسطب يا مولانا الشبل وأوعك تمشى تقول ليهم شيلوا آيات الجهاد من حصص الدين أوعك .. عامل حسابك شديد يا صاحبى .. ثمن حياتك دوعيش صغيرونى من طرف جامعة مامون صحتك البجى فى البرنامج .. أنا كلمتك

[jafar]

#1324334 [ابو جاكومه]
4.47/5 (7 صوت)

08-20-2015 12:45 PM
الشيخ الحسن الميرغني شكلوا كدي حا يقلب الطاوله على البشكير ويستلم رئاسة البلد الهامله التي استلمها ذلك المعتوه البشكير سنين عددا وما زال ومن بعدها والله اعلم سوف يستلمها ذلك المعتوه ايضا الحسن الميرغني ولك الله يا سودان الشموخ من رؤساء الغفله امثال هؤلاء الحمير

[ابو جاكومه]

#1324333 [تباً للمفسدين]
4.74/5 (10 صوت)

08-20-2015 12:42 PM
المرغنى الصغير دا ماعارفنو شايت وين !؟
الزول دا جاى بكلام كبير تغيير المناهج وإصلاح الدولة ومحاربة الفساد ... ألخ
اخوان الشياطين بخيلو لافى صينينه حول نفسو لمن نفسو يقوم وبعدها بيقتنع براهو ويهبط ويجرى وراء مصالحو بس !؟

[تباً للمفسدين]

#1324332 [سارة عبدالله]
4.00/5 (3 صوت)

08-20-2015 12:42 PM
نقول نعم لهذا القرار لكن لننظر إلى التلاميذ فى نصف المراحل هؤلاء ما هو مصيرهم
هل يتبع هذا التغير تدريب أيها الشيخ . الفكرة كلنا تنحسر على أولادنا

جاءت الإنقاذ بتربيه دينيه فى شكلها هوس دينى مليت عقول التلاميذ بهوس الجهاد وأناشيد وتدريب عسكرى كان عندما الكديد فقط جزء من الرياضه

الدفاع الشعبى والدفع السريع وأناشيد و كتب التربيه الإسلاميه . وحفظ القران من غير تفسير وتحويل الحصة إلى توجيه نحو داع وغيرها وملئ عقول التلاميذ بان اللغه الأجنبي هى لغة كفر
ايقاف مدرسي التربيه الإسلامي المنتمين إلى هذا التوجه الإسلامى الذى لا يعرف الإسلام الصحيح

[سارة عبدالله]

#1324331 [أبو علي]
4.40/5 (8 صوت)

08-20-2015 12:41 PM
أهم شيء يا أب جلاّبيّة أن يكون ديوان راتب سيدنا الختم هو المقرّر
لمنهجي العربيّة والدراسات الإسلاميّة لكل مراحل الدراسة حتى الثانويّة
كذلك تغيير الزي المدرسي إلي جلاّبية بلياقة وحزام أخضر وقفطان
أمّا راتب المديح للختم الكبير يمكن أن ينهض بالبلد في 181 ساعة فقط
ولا تنسى إضافة (فن حمل أحزية الأسياد وكيفية بوس أياديهم)

[أبو علي]

#1324325 [عبدالله احمد محمد]
4.19/5 (5 صوت)

08-20-2015 12:35 PM
حذار ان يشمل ذلك يا سيدى الحسن الحقنى والتمسح والتبرك بالاشخاص وبدلا من ذلك اغرسوا فيهم روح الوطنية ( تربية وطنية ) والتى فقدناها فى كل الحقب الفائتة وخاصة حقب الاحزاب على قلتها ... وانتم يا احزابنا من علمتم وساندتم العسكر بان ينطوا على الدبابة ويستولوا على البلد لشيىء فى نفس يعقوب وعندما يرفض العسكر الانصياع لكم بتسليم السلطة كما هو متفق تولولون وتندبون حظكم ولم تؤتوا من الفرص ما يجعلكم تتخذون او تجعلون من السودان جنة الله فى الارض وللصدق الحزب الاتحادى لم نرى منهم مساندة العسكر ولا غزو من خارج البلاد تضامنا مع اعدائنا كالقذافى الهالك ولكن ما تغرسونه فى نفوس الناس من عبادة الافراد بدلا عن عبادة الله بتقبيل الايادى تبركا وتمسحا اعتقادا فى انكم خلفاء الله فى الارض وان كان الله عرفنا بان الانسان خليفته فى الارض من شاء منكم فليؤمن ومن شاء فليكفر والكفر هو ان تعتقد فى بشر مثلك هذا هو عيبكم الوحيد واتمنى ان تكون يا الحسن غير خلف لخير سلف ولا تتراجع قرات بانك بصدد تكوين لجنة لارجاع ةما وصفتهم بالدواعش طالما انهم كذلك فلم ترجعهم خليك على كلامك منذ الاستقلال لم نرى او نحس او نلمس منهم فائدة املى فيكم انتم الصغار الكبار عرفنا الفيهم والعليهم

[عبدالله احمد محمد]

#1324321 [ٍSalah AL Deen P]
4.41/5 (6 صوت)

08-20-2015 12:30 PM
وتغيير المناهج الدراسية داخل ضمن مدة الـ 181 يوم
انتم لاقين ليكم شعب مسكين ساي وتنظروا ليه بدون اي مسئولية وبدون اي تساؤل

[ٍSalah AL Deen P]

#1324314 [Tarig Amman]
4.58/5 (7 صوت)

08-20-2015 12:19 PM
وش يبى هاذا المنحوس ... داير المناهج تتكلم عن سيدى ... و موية الحلاقة بتاعت سيدى الفيها البركة و اللى تقلب العجوز رضيعة ... احنا عايزين مناهج مواكبة للعصر ..ما نرجع ميتين سنة للخلف

[Tarig Amman]

ردود على Tarig Amman
[Abobaker Mahmoud] 08-20-2015 03:11 PM
وش يبي؟ انت وش تبي من السالفة القبيحة هذه؟ تشتم علا الرجال وتسبه وبعد تتحدث بلهجة غير السودانية،،،،،، ترى حبيب قلبي انت رجال ما عندك موظوع وتبي تطقطق علا الشخص،،، أقول انت مسؤل أمام الله بهذه السبه اللي سبيته


#1324307 [jackssa]
4.63/5 (5 صوت)

08-20-2015 12:12 PM
... هـذا تخـطيط جيد الا ماســوف يكون . ولكن ذلك الا بعد انقراض كل الفئات العمرية من سن السابعة الآن وحتى عمر 34 ســنة الآن أما سـؤالنا فهو ماذا تخططون لشباب اليوم ... ونحن أولاد النهار دا ...

[jackssa]

#1324303 [ابو سحر]
4.63/5 (5 صوت)

08-20-2015 12:04 PM
تغيير المناهج سيحد من داعش
داعش انشات دولة في العراق وسوريا والان سرت بليبيا
وهو يا دوب عايز يغير المناهج
عيش يا حمار لما تقوم النجيلة
داعش عايزة حل عاجل الان وليس بعد اعوام من تطبيق سياسة الميرغني
وبعدين الصادق والولاده وبناته و الميرغني واولاده والترابي وازلامه والبشير واخوانه وحزبه
ونافع وقوش ديل حيحكمونا الي متي؟
ما يدونا عرض اكتافهم؟؟

[ابو سحر]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة