الأخبار
أخبار إقليمية
أخرسوا و أسكتوا .. فالسكوت من ( ذهب)!..
أخرسوا و أسكتوا .. فالسكوت من ( ذهب)!..
أخرسوا و أسكتوا .. فالسكوت من ( ذهب)!..


08-22-2015 11:11 AM
لبنى احمد حسين



هل يظن الرئيس عمر البشير أن ذهب السودان أيا كان حجمه و وزنه هو معزة ولدتها عنزة المرحوم حسن احمد البشير و الوالدة الفاضلة الحاجة هدية؟.. لابد أنه يتوهم ذلك والا فما معنى تبرير الدكتور يوسف السمانى مدير عام هيئة الأبحاث الجليوجية بوزارة المعادن لتراجع وزارته عن عقد مؤتمر صحفي بشأن الشركة الروسية بانهم تلقوا اتصالا من رئاسة الجمهورية يؤكد ثقة الرئاسة في معلوماتهم وعدم الحاجة لمخاطبة الراي العام ؟!..

على حد تعليق صديقى الفيسبوكى انه : ( المغطى و ملآن شطة ) ،لا يستحى السمانى الدكتور الجيلوجى أن يعلن على الملأ أن اتفاقيتهم مع الشركة الروسية ( سرية) ولن يطّلع عليها اي شخص سوى المراجع العام !.. المراجع العام ؟ حريقة تحرق برلمان لا يضع له الجهاز التنفيذى أى هيبة او اعتبار رغم علمنا أن النواب غير ملومين و حتى اذا أطلعوا على الاتفاقية لن يفهمون و اذا فهموا لن يناقشوا فليسوا على استعداد للتضحية بامتيازاتهم من اجل عيون شعب بائس. لكن لا تظنوا ان على رؤوسنا قنابير ، المراجع العام يا هذا غير مخول بمراجعة بنود الاتفاقيات انما هو جهاز رقابى مالى مهامه حسب دستور السودان الانتقالى لسنة 2005 تتلخص فى : الرقابة علي الأداء المالي للحكومة ، بما في ذلك تحصيل الإيرادات وإنفاق المصروفات وفقا للموازنات المعتمدة أضافة الى مراجعة حسابات اجهزة الدولة التنفيذية و التشريعية و القضائية والولائية بجانب الشركات و المؤسسات الحكومية . فهل شركة سبيرين الروسية مملوكة لحكومة السودان لتخضع للمراجع العام ؟ ما هو موقع فلاديمير جوكف أذن من الاعراب ؟و لماذا هى روسية.. أم سودانية بالتجنس؟

بنود الاتفاقية ليس وحدها السرية ، فالتقنية المستخدمة فى التنقيب عن الذهب ايضا سرية كما تفضل باخبارنا د.السمانى، أى والله هكذا قال ، و الحقيقة لا نعلم هل كل هذا التكتم والسرية من أجل انتاج ذهب ام هيروين ؟ ثم نعيد السؤال الذى طرحناه أول مرة أهى شركة ام مافيا ؟ ولا يسوقنك حسن الظن يا عزيزت/ى القارئ/ة لافتراض ان الشركة هى من أخترعت تلك التقنية السرية ولا تريد البوح عنها ، كلا ، فمدير عام هيئة الأبحاث الجليوجية الذى هو د. السمانى يعترف بأن الشركة و أمها فى روسيا ليست متخصصة في انتاج الذهب ،نعم ، لكنها شركة مقتدرة !! ، ( سمحة المقدرة ) على قول جارتى حين ذهبت لتقديم واجب عزاء و وجدت شبان و آنسات يرتدين زى موحد يتبعن لشركة تقديم خدمات مناسبات و يخدمن المعزين والمعزيات .

فلادمير جوكف مدير الشركة سبق و أن صرح فى حوار معه أن أسم شريكه السودانى (سر) لن يبوح به !
ماذا أكتب بعد؟ أكتب هذا و أنا أشعر انه خسارة فيه (كلام رجال ) فبعد أن كشفنا كميات الذهب الوهمية و القروض الربوية ، هناك موضوعات أهم من تتبع أكاذيب الذهب التى أضحت عارية و مكشوفه، فيا هداكم الله ، ما دام الامر كله اسرار فى اسرار و اللعبة سرية والجمهور السودانى خارج الاستاد، أريحونا من التغوط على رؤوسنا و أريحوا أنفسكم و :اخرسوا ، أسكتوا فالسكوت من (ذهب)!..

و اعتذر لك عزيزى القارئ عن اى لفظ لا يليق باذنك..


تعليقات 26 | إهداء 0 | زيارات 10463

التعليقات
#1326420 [حمد ابوادريس]
0.00/5 (0 صوت)

08-24-2015 01:41 AM
يا ربي الشريك يكون الكان واقف خلف الوزير و المدير الروسي و يوزع في الابتسامات ...48 الف طن ذهب صافي ؟ ماتخافوا الله ؟ يكون الذهب بقوا يزرعوهفي الخريف ؟ يضحكني هؤلاء السذج ...؟

[حمد ابوادريس]

#1326360 [ابن السودان البار]
0.00/5 (0 صوت)

08-23-2015 10:05 PM
مرحبا استاذة لبني مناضلة السودان الجميلة هؤلاء المجرمين القتلة لا يهمهم طالما البرلمانيين إجراء لا يتحملون قطع الأرزاق والمعارضة الهلامية تشاركهم الحكم والكيكة وأما حكاية الآخرة دي في داخلهم لا يؤمنوا بها خالنها للغلابة والدنيا حلوة حلا ! وكروشهم تدل علي حبهم للطيبات وإعداد حريمهم تدل علي حبهم للملذات ؟؟؟ ما عايزين ينتظروا الآخرة لأنه من الواضح ما شغالين بيها ؟؟؟ والعرب يقولون البعرة تدل علي البعير ؟؟؟

[ابن السودان البار]

#1326342 [Ali S. Alberjo]
0.00/5 (0 صوت)

08-23-2015 09:11 PM
يا لبنى بعد: نـــــــــــــــــــــــــــــــــداء الســـودان، قيادات الأحزاب السياسية، الجبهة العريضة، التغيير، الجبهة الثورية، الحركات المسلحة، سوا، ومآلات برلين، باريس، اديس، 7+7 و........... ما هو دورنا في تحضير الإنتفاضة المحمية؟.
أستعجلوا لينا الخروج يا هداكم الله ونصركم - انتفضواااااااااااااا

[Ali S. Alberjo]

#1326246 [السماني الحبر]
0.00/5 (0 صوت)

08-23-2015 05:27 PM
سؤال بسيط من مواطن أبسط . الرئيس عمر البشير داير يسرق الذهب عشان يعمل بيه شنو؟
1) يعيش بيه بره السودان؟
الإجابة ما ممكن لأن المحكمة الجنائية حتقبضو.

2) يورثو لأمه هدية وأخوانه؟
الإجابة يبقى فعلا زول عوير ساكت عشان يعمل نفسه مسئول عن أولاد أخوانه بالحرام

3) يورثوا لمرته وداد بابكر وأولادها؟
الإجابة . كان كدي عمر البشير أصيب بالجنون أو إنفصام الشخصية .

سبحان الله فهلا على إبن آدم . يا عمر البشير الناس الحواليك ديل كان بيسرقوا ويلموا عشان أولادهم وأحفادهم من صلبهم ودمهم ولحمهم وراضين بعذا القبر ودخول النار . إنت عذرك شنو؟
والله أنا خايف الله يزيدك في العذاب ضعفين بسبب إنك عوير وبتسرق عشان ناس ما عندك معاهم علاقة

[السماني الحبر]

ردود على السماني الحبر
[ابن السودان البار] 08-23-2015 08:07 PM
هل حضرتك متأكد أنه عمر البشير مؤمن بحكاية النار وعذاب الآخرة ؟؟؟ المثل المصري يقول:- قالوا للحرامي احلف قال جاك الفرج ؟؟؟ والعرب يقولون البعرة تدل علي البعير ؟؟؟ وعمايل القشير وعصابته الفاسدة تدل علي مدي إيمانهم بعذاب الآخرة ؟؟؟


#1326019 [هشام]
0.00/5 (0 صوت)

08-23-2015 12:52 PM
هههههههه...جمهوريه اللبعي واللفحي والخمشه والكمشه...عليكم الله ماتجيبو لينا القرحه..اه وبعدين الحل شنو ..الناس ديل لابخجلو ولايتكسفو ولاشايفين البعملو فيه ده حرام ....الواحد يسرق ويمشي يتوضأ ويقيف بين يدي الله زي الماحصل شي ....المابخاف الله خافو

[هشام]

ردود على هشام
[متسكع] 08-24-2015 02:15 AM
ياهشام ذكر احد المعتقلين ايام ما سطوا على البلد هؤلاء الابالسة
وحديث للمعتقل كانوا يتفننوا في تعذيبنا بدون رحمة من الصباح
وحينما يأذن الاذان لصلاة الظهر يتوقفون ثم يذهبون للوضوء لكي
يصلوا بالله عليك اي مرض مصابون به اخوان الشياطين ديل


#1325913 [منصور]
0.00/5 (0 صوت)

08-23-2015 10:56 AM
الماعندو مقشاشة احسن ليهو يمتلك واحدة عشان زمن القش قرب وبشراكي يامزبلة التاريخ: هكذا تكلم الدرويش الابكم.

[منصور]

#1325859 [كاره الكيزان محب السودان]
0.00/5 (0 صوت)

08-23-2015 10:24 AM
لا تعتذري يا استاذة، عن الالفاظ التي اوردتيها فهي أقل ما يوصف به هؤلاء الخونة الفاسقين.

[كاره الكيزان محب السودان]

#1325813 [سيف الدين خواجة]
5.00/5 (1 صوت)

08-23-2015 09:22 AM
الاخت لبني السرية سببها معلوم هو ان كل مربعت المعادن مملوكة ملك حر لنافذين منضوين تحت اسم وهمي يظهر فقط والقسمة حتي في القيمة وفي الارض واسالك وانت بالخارج اين نصيبنا من انتاج فرنسا من الذهب منذ 1991ولماذا استقال المهندسون السودانيون من يومها من شركة ارياب !!!السودان تم بيعه والحمار الوطني للقسمة مع الاخريم ما لا تفهمه المعارضة اننا لا نريد حوارا وانما ثورة عارمة لا تبقي ولا تذر

[سيف الدين خواجة]

#1325720 [ود عووضة]
0.00/5 (0 صوت)

08-23-2015 07:19 AM
ليتك صلاح عووضة ترتقي بالكتابة الصحفية فيما يهم الناس بدلآ عن الهمز و اللمز في ( ست البنطلون ) و التغوط علي رؤوسنا بما لا يجدي نفعآ .. بل يصب في مصلحة مافيا الدمار الشامل الانقاذية .

[ود عووضة]

#1325685 [سكران لط]
0.00/5 (0 صوت)

08-23-2015 03:56 AM
لما يقولو كل شيئ سري والتوقيع يكون في القصر دا ممكن يفتح ابواب عريضة للاشتباه لا في الشركة وشريكا فقط بل على غرضا زاتو اشك دي تكون شركة للتعدين دي اما لبيع سلاح او لاستخراج اليورانيزم وتحت افضل الاحوال يكون السودان هو الوسيط لتصدير اي واحده من الحاجتين لمناطق الحروب

[سكران لط]

#1325684 [الدبابي]
0.00/5 (0 صوت)

08-23-2015 03:51 AM
الشركة الفرنسية شغالة تنقل دهب بالشاحنات كل يوم في جبال دهب في السودان في الشرق خصوصا انتو مساكين ساي ماكلين حقكم الخواجات احسن ليكم روسيا من الشرق

[الدبابي]

#1325615 [Aborasil]
0.00/5 (0 صوت)

08-22-2015 11:24 PM
ينصر دينك يا لبني
أتمني أن يناقش هذا المقال علي أعلي مستوي -اذا كان لا يزال هنالك من بقلبه مثقال ذرة من وطنية أو أخلاق أو دين-!

[Aborasil]

#1325601 [zool]
5.00/5 (1 صوت)

08-22-2015 11:03 PM
they just want burry nuclear wastes, there is no gold, stop dreamingggggggggggggg

[zool]

#1325560 [حمدي]
0.00/5 (0 صوت)

08-22-2015 09:06 PM
وزير الثقافة و بالاحر ( السخافة ) و الاعلام التابع لحكومة البشير يعتبر الاعلام الالكتروني ( سلطة خامسة ) --- لانه يخاف جدا و بقدر المستطاع من المقالات مثل مقال الاستاذة / لبنى احمد حسين --- يكشف ( المغطى و ملان شطة ) على حين غرة --
الناس ديل ما عارفيين دستور البلاد و لا قوانينها و لا حتى حدود وظائفهم و واجباتهم --
مجموعة من اللصوص و الارزقية اوجدتهم سياسة التمكين خلسة في قمة الخدمة المدنية و هم فاسدين في انفسهم و مفسدين لغيرهم --- و يمكن تكون شهادته الدراسية دبلوم ديكور او شريعة و قراءات --

[حمدي]

#1325457 [حاج علي]
4.00/5 (3 صوت)

08-22-2015 05:31 PM
والله يا لبني طولنا من قلمك الذهبي

[حاج علي]

#1325441 [بارود]
5.00/5 (4 صوت)

08-22-2015 05:04 PM
عليك الرحمة استاذ عبدالرحمن مختار

[بارود]

ردود على بارود
[جلباق] 08-23-2015 02:05 PM
الأخ بارود كويس تترحم علي الصحفي عبد الرحمن مختار مؤسصس صحيفة ( الصحافة ) و زوج الأستاذة لبنى أحمد حسين و أستاذهاوالتي ظلت وفية له .

[د. هشام] 08-23-2015 09:00 AM
ما دخل عبد الرحمن مختار أيها الإنصرافي؟!

European Union [المعلم] 08-22-2015 11:05 PM
أكبر شوية واهتم بألمادة والموضوع ودعك من الأمور الشخصية.


#1325438 [صابر]
3.00/5 (2 صوت)

08-22-2015 05:01 PM
غيبة طويلة لك وحشة يالبني لعل المانع خير

[صابر]

#1325343 [سوداني]
3.88/5 (5 صوت)

08-22-2015 02:26 PM
ينصر دينك اوفيتي لكن ديل ......النملة

[سوداني]

#1325329 [ابو محمد]
2.88/5 (5 صوت)

08-22-2015 01:52 PM
لقد عبرت تماما عما يدور في نفوسنا
الشتم والغضب وحده لا يكفي
لقد حان وقت العمل لاقتلاع هؤلاء المجرمون من جذورهم وليس اقتلاع فحسب بل حرقهم
انا لن يكفيني موت احدهم ولكن رغبتي ان أقطعهم احياءاربا إربا ثم حرقهم وذرهم في الهواء
اضاعوا بلدنا العظيم وشردونا في اصقاع العالم ليستمتعوا هم وإخوان العالم بثرواتنا
الا لعنة الله عليهم

[ابو محمد]

#1325324 [سودانية]
4.44/5 (7 صوت)

08-22-2015 01:46 PM
هههههه يااستاذة امكن الكيزان خايفين علي الدهب من العين عشان كده بكتمو وبضارو فيو
العين الوقعت في البترول قبل ده هينة
ههههاي نظام استعينوا علي قضاء حوائجكم بالكتمان ...والحوائج هنا معروفة هي اللبعي واللفحي... جماعتك لحدي هسي الناس بسالوهم وديتو قروش البترول وين... لايلدغ مؤمن من جحر مرتين واظن بني كيزان مؤمنين

[سودانية]

#1325317 [الطيب]
3.88/5 (5 صوت)

08-22-2015 01:29 PM
من أجل هذه المقالات يريد الإخوان المسلمون أن يحاربوا الفضاء الاسفيري لأنه يشوه سمعة السودان في الخارج. فالقصد أن يقوموا هم بنشرالأكاذيب والخرافات ويقوم الإعلام المحلي بتزيينها للمواطن المغفل.

[الطيب]

#1325314 [ابوالفوارس]
4.75/5 (3 صوت)

08-22-2015 01:26 PM
يمهل ولايهمل مصيرهم الى الزوال قريبا انشاءالله

[ابوالفوارس]

#1325280 [حسن علي]
2.75/5 (4 صوت)

08-22-2015 12:30 PM
وفيتي وكفيتي يالبني ،، ربنا لا تؤاخذنا بما فعل السفهاء منا .

[حسن علي]

#1325252 [ود الشريف]
4.75/5 (7 صوت)

08-22-2015 11:40 AM
أريحونا من التغوط على رؤوسنا و أريحوا أنفسكم و :اخرسوا ، أسكتوا فالسكوت من (ذهب)!.))

ستة وعشرون سنة لامن راسنا بقي ادبخانة اعزكم الله .

[ود الشريف]

ردود على ود الشريف
United States [Ingeeb] 08-22-2015 06:25 PM
ريحونا من التغوط على رؤوسنا و أريحوا أنفسكم و :اخرسوا ، أسكتوا فالسكوت من (ذهب)!.))The most truthful and fascinating statement that I have ever heard

[عبد الله] 08-22-2015 02:32 PM
ههههههههههههه
اضحكتنى لحد ما عيونى دمعو


#1325251 [معجب بيك]
3.88/5 (5 صوت)

08-22-2015 11:38 AM
والله ديل مش دايرين الفاظ بذيئة بس
ديل دايرين الكرباج والخنق
هو اظنو الخنق ذاتو م بنفع معاهم
وما بكون عادل في حق الشعب
الطلعوا روحوا وقدقدوا فشفاشوا
25 سنة الفاتت
ديل دايرين ابادة من جذورها
حتى لا تقوم لهم قايمة في ارض السودان
والله لو الواحد مات فيهم ولاقي ربه
يجب ابادة عقابوا من الوجود
وكل شرعوا وحسب حكم الله
اكتر من كدا ما دايرين
واقل من كدا برضو ما دايرين
ربنا اورينا فيهم ويل
----
لكل ظالم نهاية باذن واحد احد

[معجب بيك]

#1325248 [النور محمد ابو القاسم]
5.00/5 (1 صوت)

08-22-2015 11:35 AM
السكوت من ذهب والذهب لا يصدأ .

[النور محمد ابو القاسم]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة