الأخبار
أخبار إقليمية
الأمريكان ينتجون فلما سينمائيا عن الممرضة السودانية هاجر
الأمريكان ينتجون فلما سينمائيا عن الممرضة السودانية هاجر
الأمريكان ينتجون فلما سينمائيا عن الممرضة السودانية هاجر


08-22-2015 10:36 PM
الخرطوم - مصعب محمد علي

هاجر سيد احمد سودانية تخرجت من جامعة السودان وهاجرت للولايات المتحدة لتعمل في مجال التمريض..تميزت بان لها القدرة على التعامل بدرية ومهارة وجسارة وروح يقظة كانت من أهم الأسباب التي دفعت المخرج الأمريكي ماركوس فورهام ليسلط الضوء على تجربة السودانية هاجر سيد أحمد الإنسانية والمهنية والتي وصفها الذين تعاملوا معها في محيط العمل أو على المستوى الشخصي – حسب الفيلم- بأن لها قدرة فائقة على الصبر والتحدي، هذا إلى جانب الرقة وقت ما يلزم، خاصة وأنها تعمل في الحقل الطبي «ممرضة» في مستشفى – -Hse staffing agency

فقد حكت ابنة إحدى المرضى عن الكيفية التي تعاملت بها مع أمها بتفان ومودة ساهمت في خلق علاقة بينها والمريضة التي تحسنت صحتها بفعل العناية وحسن الرعاية كواحدة من شروط هذه المهنة الانسانية قبل كل شئ،سو وهذه القيمة لا يحققها إلا صاحب الدوافع والعقل المهيأ لذلك، وهذا ماشرحه أحد زملائها في المستشفى، حين حكى عن روح المبادرة التى تمتلكها هاجر, وكيف أنها ساهمت في كسب ثقة الآخرين الذين من حولها، فاصبح يعول ويعتمد عليها،

وتأكيداً لهذا الجانب تحدث وليد يس وهو احد الذين عايشوا هاجر أثناء الدراسة في جامعة السودان كلية الهندسة واصفاً إياها بصاحب العقل المدبر، لذلك كانت مرتكزاً لكثير من الأنشطة الداعمة للإنسان والطالب الجامعي، وصاحبة مجهود وافر تبذل أقصى ماعندها في سبيل تحقيق رؤاها ومشروعاتها، ومن أكبر وأهم مشروعاتها على المستوى الشخصي الآن بناتها، فقد نجحت بفضل صبرها وحنكتها أن تجعل من بنتها الكبرى ملاذ شريف رمزاً من رموز النجاح السوداني في الولايات المتحدة الامريكية ، لدرجة أنها أصبحت حديث الصحافة الأمريكية، وخصها الرئيس الأمريكي اوباما بالتكريم، حين تفوقت أكاديمياً،

لذلك استحقت هاجر أن يصنع لها فيلماً تسجيلياً يعكس نضالات المرأة، وصعود نجمها وانتصارها على كل الظروف، دون كلل أو ملل.
الفيلم مدته نصف ساعة و سيبث بعد فترة في القنوات الفضائية الامريكية ،الجدير بالذكر ان هاجر سيداحمد تقيم في الولايات المتحدة منذ العام 2000 ،عملت في البداية مربية اطفال وفي الاثناء درست التمريض في Crand Canyon university، كما ان لها مساهمات مقدرة في مجال العمل الطوعي.

فيسبوك


تعليقات 32 | إهداء 0 | زيارات 30403

التعليقات
#1340979 [M_KHAIRY]
0.00/5 (0 صوت)

09-16-2015 12:28 PM
يا جماعة كلام الجيو في محله , ركزو براحة وسيبو التعامل بي عفوية.

[M_KHAIRY]

#1326412 [احمد السنوسي]
3.00/5 (2 صوت)

08-24-2015 01:08 AM
الاستاذ مصعب محمد علي (HSE staffing Agency)
لم تكن اسما لمستشفي بل هي وكالة لتشغيل العاملين أرجو التكرم بمراجعة معلوماتك لان مثل هذا الخطأ سيفسد مصداقية هذا الموضوع المثير للجدل والشيق للقراءة و اللبيب بالاشارة يفهم و لك شكري

[احمد السنوسي]

#1326371 [الجيو]
3.00/5 (2 صوت)

08-23-2015 10:31 PM
الامريكان منو الانتجو فلم ديل خليكم واضحين المنتج منو ؟؟ وبعدين شنو قصه فلم اثار ضجه ؟؟ وين الضجه دي ؟؟ كلام ماحقيقه من ناحيه صياغه الخبر فيه تضخيم وتضليل للناس وغرضو دق طااااار بس ... قال يعرض في قنوات امريكيه مش قناه واحده كمان قنوات كان تحددو لينا اشان نشوفو وين معروض ؟؟؟... فلم بسيظ جدا حتي محتواه نجاج شخصي ما فيهو ما يميز والوزيها كتيييير كان في امريكا وله السودان .... وزي الافلام دي ممكن المستشفي الشغاله فيهو ممكن اعملو بغرض الدعايه و الاعلان ... يعني مافي شي خظير بس الكيزان والشيوعين عندهم وهم تكبير الانجاز و التضحيم المظلل للناس والراي العام ... الولايات المتحده واروبا مليااااانه بروفسرات سودانين ماسمعنا بيهم ولا هم داقين ظار لي روحهم ... احتفلوا لينا بي زول عمل شي للسودان او للبشريه... سيبكم من دق الطار المافي محلو ... عالم ما عندها شغله غير التلميع المافي محلو قال الامريكان ينتجون فلم !! و اثار ضجه دي براها كوم ... وين الموضوع بتاع الفلم البيثر ضجه ده .. زوله شغاله شغل كويس ونجحت كربه اسره زيها زي ملايين من نساء السودان في الداخل والخارج >>>

[الجيو]

ردود على الجيو
[عبدالله] 09-19-2015 02:15 PM
هنالك الكثير من الانجازات لابناء الشعب السوداني, فنحن في أشد الحاجة لعكس انجازات الشعب السوداني وإن كانت متواضعه, فهذا حافزاً للأجيال وفيه شحذ للهمم, فتجربة هاجر سيد احمد جديرة بالاحترام وحتى إن لم تثير ضجة و لم يكن هنالك فلم حقيقي يعرض على الشاشات الامريكية, فلكي التحية يا هاجر يا بت مهيرة .

[Salah Ibrahim] 08-24-2015 08:45 PM
الجهل مصيبة يا من لا تعرف كيف تكتب

European Union [ابومحمد] 08-24-2015 04:54 PM
حاول تصلح الإملاء وبعدين اكتب تعليق

[yy] 08-24-2015 08:37 AM
انت وين قريت كلمة ضجة في الخبر دا.

وريني بس قريتا وين... يمكن انا مابشوف


#1326368 [العبيد]
0.00/5 (0 صوت)

08-23-2015 10:28 PM
رأيك شنو يا عووضة في البنطلون دة

[العبيد]

#1326291 [أب أحمد2]
0.00/5 (0 صوت)

08-23-2015 07:26 PM
أيه رأيك يا "حسين خوجلى"؟؟؟؟؟؟؟؟؟؟؟

[أب أحمد2]

#1326285 [أبو هاني]
3.50/5 (4 صوت)

08-23-2015 07:02 PM
هؤلاء هن بناتنا لو إعطين الحرية والتشجيع والدعم لأبرزن مهاتهن في كل المجالات ، وها هي واحد برزت ليس في السودان بل في أكبر دولة قائدة العالم ، ولها ولن التحية والتقدير وإلى الأمام بالتوفيق والنجاح بإذن الله .

[أبو هاني]

#1326264 [المنجلك]
4.75/5 (3 صوت)

08-23-2015 05:59 PM
هذه قضية مهاجرة استطاعت ان تصنع لنفسها النجاح المهني والاستقرار
ولكن ليس انجاز علي المستوي العلمي والانساني الذي يستفيد منه الجميع ويكون فخراً وتشريفاً للسودان

هل يوجد كتاب سوداني او متحف او تاريخ للانجازات العلمية السودانية ربما يكون حظ اجيال الانقاذ اقل بكثير من اجيال مايو وحظ اجيال مايو اقل بكثير من اجيال الاستقلال وهكذا نعود للمربع الاول نحن ورثة حضارات قديمة ولكن لم نقدم شيئاً في تاريخ الانسانية الحديث

يبدو ان انجاز الانقاذ الحضاري واضح وهو موسوعة الارقام العكسية من اغني الدول لافقر الدول من دولة الكفاءات البشرية لدولة الشياطين البشرية

شياطين الأنس فما حدث ويحدث في السودان كيد ساحر عظيم

من مجتمع الفضيلة والشفافية الي مجتمع النفاق الذي لم يسلم منه حتي الدين

كل ما فعلته هاجر هو السفر وتغيير الواقع الي واقع جديد يسمح للفرد بالانجاز
هل الهروب من المواجهة والواجب الوطني انانية وجبن ام واقعية
وهل نحتاج الي عصا موسي للمواجهة والوطنية ام جبهة ثورية حتي لا يسقط اطفالنا واجيالنا القادمة بين خيار الذهاب لامريكا او الداعشية

[المنجلك]

#1326236 [بروف عوض ابراهيم عوض]
4.75/5 (3 صوت)

08-23-2015 05:12 PM
اها انا كنت قلت ليكم شنو ياعواليق ياصعاليق
اللوترى ده زى ماقال لى صحبى جون ديفيز عملوا عشانا نحن السودانين المخلصين

[بروف عوض ابراهيم عوض]

ردود على بروف عوض ابراهيم عوض
[عوض عمر] 08-23-2015 09:55 PM
إختشي.
لو فيك شجاعة لما إنتحلت إسم إنسان.


#1326219 [عبيد الله]
3.50/5 (2 صوت)

08-23-2015 04:44 PM
عندنا كثيرات مثل هاجر الله يحفظها لم يجدون الطريق للنجاح لكي الله يابنت بلادي والله عندي احساس داخلي قوي بأننا مميزون بس الظروف أقوى مننا . اللهم خذ بأيدينا لمافيه الخير .

[عبيد الله]

#1326216 [جرتلى]
2.00/5 (1 صوت)

08-23-2015 04:40 PM
تجربه هاجر تجربه جديره بالاحترام و لكن فنتعلم كيف نكرم المتفوقين داخل السودان و كيف نوفر بيئه معافيه للعمل و الابداع و كيف نكرم و نحترم كل المهن الشريفه التى تخدم الاخرين كم اسمع و ارى كل يوم فى الموصلات بعض المواطنين يشتمون الكمسارى بلا سبب واضح لا ذنب له سوى مهنته (كمسارى) يقوم بنقل الناس من و الى اعمالهم

[جرتلى]

#1326202 [ابو احمد]
2.00/5 (1 صوت)

08-23-2015 04:20 PM
ربنا يوفقك هاجر وابنتك ولكل مجتهد نصيب ومقدرتك فى تحويل اتجاهك من هندسه الكترونيه الى التمريض مهنة ملائكة الرحمه دلاله على قوة الاراده وامكانياتك العاليه كل التوفيق

[ابو احمد]

#1326121 [omar khalid]
3.50/5 (4 صوت)

08-23-2015 02:54 PM
يابت بلدي يافخر اوطاني

[omar khalid]

#1325991 [wail]
5.00/5 (1 صوت)

08-23-2015 12:09 PM
ابو السيد فخور بيكي ياعمتو
ربنا يوفقك

[wail]

ردود على wail
[سند] 08-23-2015 02:36 PM
اعمل بمناصرة حقوق المراة في هذا الوطن المنكوب ليخرج الوطن الالاف مثل عمتك هاجر وحينها نفتخر نحن بك يا ابوسيد. وهكذا تبنى الاوطان


#1325986 [زول]
5.00/5 (1 صوت)

08-23-2015 12:03 PM
جامعة السودان ليس فيها كلية تمريض عالي من اي كلية تخرجت لتعمل كممرضة ؟

[زول]

ردود على زول
[حفيد تور شين] 08-23-2015 04:19 PM
مهندسة يا زول زميلها علق على شخصيتها ..
والله شعبنا شعبا طموح..
ابنى فى الثمانيات كنا طلبة..فى مصر..
نعمل فى الاجازات ونعول انفسنا بل دراسة فى كليتيين من امتع الهوايات للطلاب السودانيين..
وخير دليل د.قريب محمد من راعى ببوادر كردفان الى خفير فى جامعة ام درمان الى بروفسير اللهم ارحمه واغفر اليهاغلب السودانيين تحصلوا على الشهادات الجامعية وهم يعملون..ترزية ..كماسرة..شيال فى الميناء ..سائق تاكسى..صاحب الدرداكة..
للاسف حكومتنا لا تقدر إلا الاجنبى وعقدة الاخر..تمنح المصريين آلاف الفداديين ببلاش بل الادهى اخذوا حقها فى جويبهم ..للاسف جايين المصرييين بجراراتهم ..وصعايدتهم ..كمان شرط التصدير..وكمان ابار ..من مخزون حق الاجداد ..عشان ما يهبشوا مياه النيل يجففونا من الان...اخخخخخخخخخخخخخخخ يا بلد

[عمر] 08-23-2015 03:13 PM
يا زول ما تركز شوية الله يهديك

[أبوعلي] 08-23-2015 03:04 PM
،الجدير بالذكر ان هاجر سيداحمد تقيم في الولايات المتحدة منذ العام 2000 ،عملت في البداية مربية اطفال وفي الاثناء درست التمريض في Crand Canyon university، كما ان لها مساهمات مقدرة في مجال العمل الطوعي.


أقرأ نهاية الخبر وستجد الإجابة

[بن الحق] 08-23-2015 03:02 PM
،عملت في البداية مربية اطفال وفي الاثناء درست التمريض في Crand Canyon university،
دراستها للتمريض في أمريكا مش في جامعة السودان .

[جنرال زمان] 08-23-2015 02:59 PM
اصحى يا زوووووول، قالوا ليك درست التمريض (وفي الاثناء درست التمريض في Crand Canyon university),,,,,, ركز معانا يا زووووول

[سند] 08-23-2015 02:32 PM
اعد قراءة المقال وستعرف اين درست التمريض

European Union [عادل] 08-23-2015 02:12 PM
عملت في البداية مربية اطفال وفي الاثناء درست التمريض في Crand Canyon universit

European Union [أبو السارة] 08-23-2015 01:35 PM
يا زول ركز في القراية وكمل الموضوع وبعدين أسأل.

[AbuAreej] 08-23-2015 01:26 PM
تخرجت من هندسة جامعة السودان ودرست التمريض في Crand Canyon university،

تحياتي

[زول قرفان] 08-23-2015 01:18 PM
اذا رجعن للمقال سوف تفهم اين درست التمريض ... مالكم يا عالم ركزوا شوية


#1325933 [الجقني]
4.50/5 (4 صوت)

08-23-2015 11:09 AM
بالمناسبة هاجر سيدأحمد درست هندسة إلكترونية بجامعة السودان و هاجرت لإمريكا و غيرت طبيعة دراستها لمهنة التمريض.
كانت دفعتي بجامعة السودان.
ربنا يوفقها للخير.

[الجقني]

#1325925 [محب الله]
4.00/5 (3 صوت)

08-23-2015 11:05 AM
بتشيهم وبشبوهها احسن له تكمل باقي حياتها معهم السودان بلد طارد للكفاءات

[محب الله]

#1325900 [ساهر]
2.50/5 (3 صوت)

08-23-2015 10:46 AM
سودانية عظيمة تخرجت من جامعة الأخدود العظيم جراند كانين....

[ساهر]

#1325869 [شجرة التبلدي]
3.75/5 (3 صوت)

08-23-2015 10:28 AM
وفقك الله يا الاخت هاجر وسدد خطاك , فانت فخر لجميع السودانيين

[شجرة التبلدي]

#1325851 [داوودي]
3.50/5 (2 صوت)

08-23-2015 10:16 AM
انا ما مركز ولا المقال صياغتوا ما مزبوطة كيف هي خريجة كلية الهندسة جامعة السودان وشغالة في التمريض ايوه درست التمريض بعد الهندسة فهمته ربنا يوفقة ويستر عليها وعلي بناتنا ..

[داوودي]

ردود على داوودي
[abushihab] 08-23-2015 06:38 PM
كويس انك فهمت,ياداوودي .


#1325842 [ساهر]
3.00/5 (5 صوت)

08-23-2015 10:06 AM
أكاد أجزم أن هاجر ورثت هذه (الحنية) من والدتها وجدتها ثم صقلتها بالعلم...هناك الكثير من النساء السودانيات من نذرن أنفسهن لخدمة المرضى وممارضتهم ومرافقتهم بالمستشفيات دون أي مقابل مادي أو معنوي فقط خدمة لله........ لدي خالة لم تزل قيد الحياة تتمتع بهذه الصفة...... بنتها كذلك ولكنها توفيت قبل أقل من شهر رحمها الله رحمة واسعة........ نجاح السودانيات محلياً وعالمياً يزيد كلما تراجعت قدرات الرجال على التحد والصمود.... فقد وجدت حواء السودانية ظهرها مكشوفاً من رجال آثروا الخنوع والركون فشمرت عن سواعد الجد والاجتهاد في كافة المجالات......... لذا فقد حالفها الحظ والنجاح......... مبروك للأخت هاجر والتي هي بلا شك وريثة لمنبع حنان إنساني دافق غمر حتى أمريكا نفسها.

[ساهر]

#1325821 [QUICKLY]
3.46/5 (7 صوت)

08-23-2015 09:29 AM
السودان أصبح أرض الخواء
بعد زوال حكم أخوان الشيطان أنشاءالله ترجع كل الطيور المبدع المهاجرة
وغداً لناظرة قريب

[QUICKLY]

ردود على QUICKLY
European Union [أبو السارة] 08-23-2015 01:37 PM
بعد عمر طوووووووووووووووووووووووووووووووووووويل


#1325809 [kurbaj]
4.94/5 (11 صوت)

08-23-2015 09:17 AM
لو قعدت في السودان كان بقت ست شاي....؟!

[kurbaj]

ردود على kurbaj
European Union [الطيب] 08-24-2015 03:27 PM
ما كل البنات بشتغلن ستات شاي. في واحدات بدون قراية بشتغلن في الوزارات والبنوك حسب أهلها. بعدين ممكن جدا تكون سافرت مع أبوها وممكن اكون كوز؟ ما ضروري تكون فقيرة. دي أخبار موجهة لهدف معين ما فيها كل التفاصيل.

[kurbaj] 08-24-2015 09:46 AM
بيع الشاي ليس عيبا ولكن الكارثة في الظروف المحيطة التي تجبرك علي بيعه بعد التخرج من افضل الكليات العلمية..؟؟!!

[محمد حسن فرح] 08-23-2015 05:50 PM
انتبه فإن ستات الشاي لسن أقل انسانية وجدارة ومسؤلية عن هاجر .. ولمسؤليتهن وتقديرهن لدورهن يعملن بهذه المهن الشريفة ولإعفا انفسهن واهلهلن ومن يعلن ،، فالتحية والتقدير والاحترام لكل سودانية سعت من أجل لقمة العيش الحلال والكسب سريف سواء بيع الشاي او الطعام او اي مهنة اخرى شريفة

European Union [أبو السارة] 08-23-2015 01:38 PM
كرباج في راسك ، وست الشاي ماله؟؟؟؟

[داوودي] 08-23-2015 12:43 PM
ومالم ستات الشاي اي انسان بياخد نصيبو من الدنيا ....


#1325791 [لفافات الصبر]
4.50/5 (4 صوت)

08-23-2015 08:58 AM
وتكضبوا بروف عوض ابراهيم عوض لما قال ليكم اللوترى دا اتعمل للسودانيين عشان جنسنا دا معترف بيهو دوليا ...

[لفافات الصبر]

#1325763 [iswho]
3.13/5 (5 صوت)

08-23-2015 08:21 AM
كلنا لنا المقدرة و عاوزين نعطي وعندنا طموح ما ليه حد ولكن اين بلد يحطم الانسان و الحيوان

[iswho]

#1325759 [ابو جاكومه]
4.80/5 (8 صوت)

08-23-2015 08:19 AM
انا بدعو المخرج الامريكي/ماركوس فورهام لكي يسلط الضوء على عمل اخر جدير بالاهتمام وعلى النقيض تماما من فيلم الاخت هاجر سيداحمد الانسانه بمعنى الكلمه وممكن ان يحقق جائزة افضل فيلم لهذا العام الا وهو عمل فيلم عن أسوء خلق الله على الارض قاطبه الكيزان ....بني كوز الذين فاقوا ابليس وساخة ودناءة وبن ابي سلول نفاقا وكذبا .وبهذا يكون حقق فيلمين كل واحد يختلف عن الاخر في المضمون والمعنى والشيء الغريب والمحير ان الاثنين من بلد واحد .

[ابو جاكومه]

ردود على ابو جاكومه
[fatmon] 08-23-2015 10:12 AM
فعلا الفيلم ده عنهم شنو البخلي هاجر وأمثالها يعيشون وهم بهذه الامكانيات والقدرة على العطاء خارج بلادهم هاجر وأمثالها المثال الحي للظلم والعدوان الذي يعيشه المواطن السودان في وطنه ويدفعه ليعيش في غيرها
وهذا لهو واحد من الأمثلة التي تعتبر رد على بوق النظام الفاشل المدعي العلم الفهم خريج التجارة الذي يمتهن الإعلام زورا وبهتانا والذي لا يعرف عن الهجرة إلا قدر فهمه الذي أكلته عمامته

وهنا الفيلم يصور الفرق ما بين االسودانية في بلاد الأمريكان وفي بلاد العربان

[ashshafokhallo] 08-23-2015 10:10 AM
يا ابو جاكومه الفلم عن الكيزان الا يعملو في الخارج.

لو حاول يعملو في السودان ح يعتقلوه ويخلوهو يقبض رشوه تحت التهديه ويصوروهو وهو يقبض الرشوه ويسربو الفلم للاسافير المختلفه.

الحركه الاسلاميع علمتم كدا وديل صعب فطامن


#1325715 [ود العوض]
3.82/5 (14 صوت)

08-23-2015 07:13 AM
لله درها، أمثال هؤلاء دائما يهاجرون و يتركون السودان للفاشلين و الحاقدين و الله يجازي اللي كان السبب، و نحني لها الهامات إعزازا و إجلالا.

[ود العوض]

#1325709 [125]
3.28/5 (10 صوت)

08-23-2015 06:58 AM
اللهم عليك ببني كوز فأنهم هجروا الشباب والرجال والنساء وخلقوا جيلا من السودانين بالخارج وورثوا الارض في السودان يتلاعبون بها كيفما يشاءون ونسأل الله له التوفيق وان يحفظها ويحفظ بناتها واهلها اجمعين..

[125]

#1325694 [ود احمد]
3.85/5 (9 صوت)

08-23-2015 06:05 AM
التحية لكل ام سودانية كافحت وناضلت في مجال عملها واثبتت وجودها وانتجت الناء متميزين داخل وخارج السودان

[ود احمد]

#1325653 [Tag elkhazin]
3.25/5 (5 صوت)

08-23-2015 12:42 AM
يا سلاااااااام كما يقول عباس تلودى عندما يسمع أغنيه يطرب لها، يا شمعه فى نفق مظلم يا سستر. القومه ليك يا بنتى ورعاك الله

[Tag elkhazin]

#1325621 [عمار]
4.32/5 (9 صوت)

08-22-2015 11:39 PM
التفاني والموده تجده في كل المستشفيات الامريكية علي نطاق الخمسون ولايه اذا كان باخلاص او لو كنت تدعي ذلك هذه هي شروط الوظيفة ان تكون انسان في المقام الاول قبل كل شي يدرس ذلك ويدرب عليه الموظف قبل الالتحاق بالعمل ويكون تحت مراقبة دائمة لممشاهدة تطبيق ذلك لي ارض الواقع ........ ولكن نحن السودانيين نعمل هيلمانه علي كل شئ وخصوصا لو كانت امريكا هي ارض الحدث!!!!!!!!

الفيلم عبارة عن شخص جاء من العالم الثالث واستطاع بمجهوده ان ينجح في الانخراط في العالم الاول بنفس الكفاءة المطلوبة .... والله اعلم

[عمار]

ردود على عمار
[الجيو] 08-23-2015 10:35 PM
الامريكان منو الانتجو فلم ديل خليكم واضحين المنتج منو ؟؟ وبعدين شنو قصه فلم اثار ضجه ؟؟ وين الضجه دي ؟؟ كلام ماحقيقه من ناحيه صياغه الخبر فيه تضخيم وتضليل للناس وغرضو دق طااااار بس ... قال يعرض في قنوات امريكيه مش قناه واحده كمان قنوات كان تحددو لينا اشان نشوفو وين معروض ؟؟؟... فلم بسيظ جدا حتي محتواه نجاج شخصي ما فيهو ما يميز والوزيها كتيييير كان في امريكا وله السودان .... وزي الافلام دي ممكن المستشفي الشغاله فيهو ممكن اعملو بغرض الدعايه و الاعلان ... يعني مافي شي خظير بس الكيزان والشيوعين عندهم وهم تكبير الانجاز و التضحيم المظلل للناس والراي العام ... الولايات المتحده واروبا مليااااانه بروفسرات سودانين ماسمعنا بيهم ولا هم داقين ظار لي روحهم ... احتفلوا لينا بي زول عمل شي للسودان او للبشريه... سيبكم من دق الطار المافي محلو ... عالم ما عندها شغله غير التلميع المافي محلو قال الامريكان ينتجون فلم !! و اثار ضجه دي براها كوم ... وين الموضوع بتاع الفلم البيثر ضجه ده .. زوله شغاله شغل كويس ونجحت كربه اسره زيها زي ملايين من نساء السودان في الداخل والخارج >>>

[عمار] 08-23-2015 09:07 PM
الواضح ما فاضح شكراً ليك كتير ريحتني ياااخ وطمأنتني انه لسه في ناس بتفهم .... يعني نوعية جرتلى وود السرور ديل عايزيننا ندق الصفائح عشان ممرضة تفانت في عملها!! الليله لو قالوا اكتشفت علاج لمرض عجز الامريكان عنه لقلنا والله حاجه تشرف وترفع الرأس .. لكن كوننا نهتف لانسان تفاني في عمله دي تؤكد لك باننا فعلاً شعب متأخر وهاذا سر فشلنا كدولة ... اتمني ان ياتي وقت لنري فيه الاخلاص والتفاني في العمل حاجه عاديه وعكس ذلك هو الغريب ...

وارجو ان لايفهم العامه بان هذا هو الهدف من اجراء الفيلم !! فالفيلم هدفه لمن غير ملم بسياسة الاعلام الامريكي هو ترسيخ مفهوم ان أمريكا هي بلد الأحلام لمن له أحلام، هي ارض الحرية لمن سلبت حريته، هي ارض المستقبل لمن ليس له مستقبل، أمريكا ليست للكسالى والذين يحلمون بالجلوس في بيوتهم ويتقاضون الرواتب دون أن ينضحوا نقطة عرق من جبينهم..

أمريكا للصادقين والمستقيمين ومحترمي النظام والقانون، ولمن يرغب في تحسين حياته ووضعه الاقتصادي والعلمي وعلينا أن نتعب للحصول على ما نريد ولكن الهدف والرغبة والإصرار هي أهم عناصر النجاح ...

والله اعلم ....

[جرتلى] 08-23-2015 04:56 PM
يااخ عمار الدوافع التى انتجت الفلم نحن غير مسؤلون عنها و نوجع رسنا بحاجات انت لو فتحت بابا تتوه خلينا نفرح بنجاح بتنز
بعدين انت ما بتعرف امريكا اكتر منى امريكا كلها بالسلام كده مهاجرين حتى الناس بصنفو بالاجيال مثلا مهاجرين الجيل الثالث يعنى جدك لابوك او امك هو الهاجر لامريكا الرئيس نفسو مهاجر جيل ثانى هل تتصور كل مهاجر ينجح فى عملو يعملو ليهو فلم (مالكم كيف تحكمون).
مهنه التمريض من اكثر المهن عمقا هى مثلث من ثلاثه اضلاع (السلوك الشخصى (الهمه) و المهاره المهنيه و الدافع الانسانى) لذلك هى مهنه ذات بعد انسانى عميق جدا
بارك الله فيك اخت هاجر و هداك الله ياعمار (سماك ابوك عمار فكن عمار لاتكن خراب)

[الواضح ما فاضح] 08-23-2015 02:19 PM
غايتو وقعت فى أخونا عمار شمال ساكت لأنكم فهمته قصده خطأ فهو يشير إلى أن تميز هاجر ليس فقط لأنها متفانية فى عملها ومهتمة بالمرضى ولكن ما لفت الأنظار إليها أنها أستطاعت أن تحقق نجاحا وتميزا عكس الكثير من مهاجري العالم الثالث الذين يفشلون فى إثبات وجودهم فى أمريكا.

يعنى هو متفق معاكم بأنها متميزة ولكن ما لفت أنظار الأمريكان إليها هو إنها ناجحة ومتفوقة ومتميزة على عكس الكثير من أمثالها ومثيلاتها القادمين من دول العالم الثالث.

European Union [wed Alsroor] 08-23-2015 10:15 AM
عمار انت زول يظهر عليك انك حاقد حقد شديد وحاسد جدا اعوزبالله من امثالك الزيك دا اصلو ما بتقدم ياخى يا تقول خير او تصمت ما تكسر الهمم انت يعنى ادرى من الامريكان اسياد البلد ولا دا القل الفى داخلك خلاك ما واعى اعوزبالله

[أبو علي] 08-23-2015 07:03 AM
عمـــــار : هيلمانه علي كل شئ وخصوصا لو كانت امريكا هي ارض الحدث!!!!!!!!

لو كانت أرض الحدث هنا في (أرض الكيزان ) ماهو مصيرها وقتئّذ !!
المعلق الشاطر هو من يحبط ويثبط الهمم كي يلفت الأنظار نحوه
أليس كذلك ياعمار الإعمار ؟

[عمار] 08-23-2015 06:20 AM
ردود على منير البدري

الله يهدي الجميع ان شاء الله

ليس بتقليل والله فهي لو ماكانت مجتهده ومثابره ومتميزه فلن تستحق هذه الوظيفه فعشان تنال وظيفة تعني بصحة الانسان في امريكا فلابد ان تكون بهذه المواصفات غير ذلك لن تجد لك موضع قدم بالمستشفيات وانا قصدي بحكم اقامتي في هذا البلد بان هذه اشياء عاديه ووضحت بان اختيارها للماده الاعلامية لانها جاءت من العالم الثالث واجتهدت واصبح مستواها بمستوي من ولد وتعلم وتخرج من هذه البلد لذلك اصبحت متميزه مقارنة بكثيرين ياتون لهذه البلد ويعملون في وظائف هامشيه ولا يهتمون بتطوير انفسهم بالاستفاده من مجانية التعليم .. فهذا هو التميز المقصود وليس اكثر من ذلك .. فالتعامل مع المريض بتفان ومودة في هذا البلد فرض وليست ميزه .. والله اعلم

[منير البدري] 08-23-2015 12:25 AM
ياخي هي لو ما كانت مميزة ما كان ذكروها ابدا

ليه بتقلل من اجتهادها و مثابرتها و تميزها ليه

كن جميلا تري الوجود جميلا

التحية لها و لي تميزها و مجهودها و رفعت راسنا

اما انت الله يهديك


#1325612 [النور]
3.47/5 (13 صوت)

08-22-2015 11:18 PM
دى لو فضلت في السودان كانت تكون مدفونة معانا في مقبرة أحياء الكيزان, لا حياة كريمة ولا تطور ولا مستقبل, فهنيئا لها في نجاحها في بلاد تحقيق الاحلام أمريكا.

[النور]

ردود على النور
[راس السوط وصلك!!!!!!!!!] 08-23-2015 07:58 AM
نحنه مبدعين بره!!!!!ضل دليب!!تعال شوف هنا الكشيروالدفير!!من السسترات!!والدكتورات!!!!وااخراهمال نوم ولعب موبايل!!وات في الدوام وواتساب!!ونوم ودسيس بالليل!!!الشعب المبدع!!!!!بيخلق بلدمبدع!!بلاش هوليله لافشل بلد!!!بشه ماجاب الفشل ده من بيتم بس!!!!!!!!!!!!ولاهو قاعد في كل مكان!!ونحنه لو لقينا الدق والضبت !ضنبنا جوه ومنمشي عديل!!!ولو لقينا الدلوكه والجلوكه!!هاك يادانس وانسي!!سلوك............!!!!!!!!!!!!!

[منير البدري] 08-23-2015 12:30 AM
يا ابو النور كلامك صاااااااح
نحنا مبدعين لكن بني كوز بني كلب دفنونا و نحنا احياء

الله يعذبهم دنيا و اخرة


#1325598 [مفيش فايده]
3.94/5 (6 صوت)

08-22-2015 10:55 PM
شوفوا العالم كيف لو كانت هنا كان على احسن الفروض موظفة مغمورة ومحسوده او محاله للصالح العام بحجة انها حرمه وعينا قويه وحكم عليها بالجلد فى ساحة عامه والله محتارين !!!؟؟؟

[مفيش فايده]

ردود على مفيش فايده
[SUDANESE] 08-23-2015 08:03 PM
رد علي بروف عوض
كبر دماغك يابروف...
الناس الذين نقضوك عندي احساس صادق باانهم نقضوك لعلاقتك بالحكومة وتعاملك معها وذلك في راي فرضتة ضرورة وجودك بالسودان ولا اري فيه اي مشكلة...
في النهاية تملك اعصابك ولا ترد عليهم (الجمل ماشئ والكلب ينبح)
نحن مشكلتنا لا نفرق بين ماهو وطنى وماهو مضر بالوطن...

United States [عودة ديجانقو] 08-23-2015 03:32 AM
ده لو ما إتحرشوا بيها...شعب غريب ممكن يقعد جعان سنين لكن ما ممكن يتلاعب فى الشهوه التانيه.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة