الأخبار
أخبار إقليمية
في ساعة متأخرة من الليل..اطلاق نار على السفير التركي في الخرطوم
في ساعة متأخرة من الليل..اطلاق نار على السفير التركي في الخرطوم
في ساعة متأخرة من الليل..اطلاق نار على السفير التركي في الخرطوم


08-23-2015 09:57 AM
الراكوبة - خاص فتح لصوص النار على السفير التركي بالخرطوم، اثناء قيادته السيارة، في ساعة متأخرة من الليل، بضاحية الرياض شرقي العاصمة الخرطوم.

وقالت مصادر شرطية وعدلية رفيعة لـ(الراكوبة)، إن السفير التركي بالخرطوم تعرض إلى إطلاق نار من قبل لصوص صادفوه وهو يسير بسيارته في شرق الخرطوم، واشارت المصادر إلى ان اللصوص نهبوا "موبايل" السفير ولاذوا بالفرار.

ولفتت المصادر إلى ان السفير أبلغ نيابة الخرطوم شرق التي حررت له عريضةً بالواقعة ومن ثم اخطار مباحث ولاية الخرطوم برئاسة اللواء عبد العزيز عوض، والتي انتقلت إلى مكان الحادثة وعثرت على هاتف سقط من أحد اللصوص، تم استدراجه بموجبه والقبض عليه وعلى شركائه بعد ساعات من وقوع الحادثة.

وقالت المصادر إن اللصوص أكدوا عدم معرفتهم بالسفير التركي، وقالوا إنهم خرجوا لنهب أي سيارة لأنهم جوعى ويريدون الطعام ونفوا استهدافهم لشخص السفير، تمسكوا بان الحادثة ليست وراءها دواع سياسية.


تعليقات 44 | إهداء 0 | زيارات 18867

التعليقات
#1326554 [ابو جلمبو]
5.00/5 (1 صوت)

08-24-2015 09:08 AM
السفير ده اكيد كان بيعمل في حاجة مش كويسة بليل وهو سايق براهو

[ابو جلمبو]

#1326454 [محمد بونية]
5.00/5 (2 صوت)

08-24-2015 06:06 AM
انا من رايي الاشكال تستحق الاعدام فورا وبدون محاكمات,عشان ينضفوا البلد من حملة السلاح وتوابعها

[محمد بونية]

#1326293 [ياسو]
0.00/5 (0 صوت)

08-23-2015 07:31 PM
عندهم ازمة خيال خصب
مفروض يعينوا متخيلين ما شرط يكونوا كيزان ﻻنو مؤلفاتهم فطيرة خالس.

[ياسو]

#1326281 [أبراهيم عثمان]
5.00/5 (3 صوت)

08-23-2015 06:55 PM
أنتو قايلين الجماعة بيلعبوا؟
البلد دي فيها حكومة يا صحبي.
ناس محمد عطا صاحين ومصحصحين.

يعني البلد فيها معلمين..
أساتذة في الزبط والربط والتنظيم..

ما تقول لي جيعانين..
أنتو مشكلتكم هبشتو السمين..
سفير ومسدس وموبايل.. وكمان هاربين؟!
ملفكم مشي وزارة الخارجية والتمكين..
وطيارتكم خلاص قامت ليوم الدين..

[أبراهيم عثمان]

ردود على أبراهيم عثمان
[تعليق] 08-24-2015 03:10 PM
ههههههههههههههههه والتلفون وقع ههههههههههه هم أصلا نهبوا التلفون بكلامهم . المشكلة دي الرياض يعني في قلب الخرطوم افتكرتها في نيالا . بعد شويه بتم نهب الكيزان في بيتهم ههههههههههههدي نهايتها

[ابو جلمبو] 08-24-2015 09:04 AM
صاحين وين ديل شفع حرامية وهم الواحد منهم يقع منه تلفون شخصي وهو ماشي يسرق
طيب لو ما وقع التلفون ده كانو عرفوهم كيف؟


#1326274 [المنجلك]
5.00/5 (2 صوت)

08-23-2015 06:21 PM
هاتوا من الاخر
تعرض السفير التركي لحادثة اطلاق نار شكراً للمعلومة
كل الاحتمالات مفتوحة والاحتمال المؤكد كذب المصادر الرسمية
ياخبر النهار دة بفلوس بكرة يبقي ببلاش

[المنجلك]

#1326238 [ابن الشذاذ الأفاق]
5.00/5 (4 صوت)

08-23-2015 05:14 PM
والله تلف أنصاص الليالي ما تلاقي غير بتوع الحكومة في كل شارع، ويفتشوك طوالي خاصة السلاح خايفين من الانقلابات، في سوق ليبيا والأزهري والكلاكلات تلاقيهم ما بالك بالعمارات القريبة من المطار، تلاقيهم في كل إشارة يكون كيف ما عارفينهم وهم لصوص
الحكاية متبوخة ني بدون حرف الطاء،

[ابن الشذاذ الأفاق]

#1326237 [ادروب]
5.00/5 (1 صوت)

08-23-2015 05:13 PM
طبعا اللعبه لن تنطلى على الاتراك ,, فهم يفهمونها طايره ,,

[ادروب]

#1326210 [الراجل]
4.94/5 (5 صوت)

08-23-2015 04:32 PM
اطلاق رصاص ولصوص جعانين وسفير وموبايل وقع من الحرامية والشرطة لمت فيهم والبطل ما بموت فى نهاية الفلم وراجى كومار ينال جائزة السعفة الحديدية لاسواءة فيلم هندى

[الراجل]

#1326191 [ود احمد]
5.00/5 (4 صوت)

08-23-2015 04:04 PM
عندما ضربت اسرائيل مصنع الزخيرة اول تصريح قالوا مكنة لحام
طيب ايع
1- جعانين
2- واحد معاه موبايل سقط منه3
3- شايلين معاهم مسدس
هذه طفل ما يصدقها

[ود احمد]

#1326141 [جنرال زمان]
5.00/5 (3 صوت)

08-23-2015 03:16 PM
( والتي انتقلت إلى مكان الحادثة وعثرت على هاتف سقط من أحد اللصوص،)) !!!!! كيف دي يعني يا ناس البوليص يا شطار؟؟؟ عاد ما السودانيين خلاص بقوا طير بعد ما كانوا بيفهموها طايرة

[جنرال زمان]

#1326120 [كاتم السم]
5.00/5 (1 صوت)

08-23-2015 02:53 PM
زي ديل الواجب تنفيذ حدالحرابة فيهم ( القطع من خلاف )، جوعي يقلعوا الناس بالسلاح .

[كاتم السم]

ردود على كاتم السم
European Union [علوب] 08-24-2015 09:31 AM
ياكاتم السر ماهي علاقة إمتلاكك لموبايل بعدم الجوع هو موبايل ولا مخزن غذاء
....ماهو المانع من تصديق الرواية ....ماهو نحن بنصدق فيهم ربع قرن وهم بكذبوا علينا وأمورهم عال العال ....ونحن العافصين الجمُر....

[من انا] 08-23-2015 05:25 PM
و انت مصدق الجماعة انو نهبوا عشان جعانين ..طيب فى زول عندو موبايل بكون جعان


#1326093 [TIGERSHAK]
5.00/5 (4 صوت)

08-23-2015 02:28 PM
Bollywood

[TIGERSHAK]

#1326079 [مندهش]
5.00/5 (2 صوت)

08-23-2015 02:12 PM
و النار من مستصغر الشرر

[مندهش]

#1326067 [أبو السارة]
5.00/5 (3 صوت)

08-23-2015 01:50 PM
طبعاً المسطحين صدقوا الرواية بأن الجماعة الشايليين مسدسات ديل وراكبيين عربيه جعانيين ،،

[أبو السارة]

#1326051 [قنوط ميسزوري]
5.00/5 (2 صوت)

08-23-2015 01:38 PM
This carjack is brought to you Mohamed Atta and his Security apparatus

هذه المسرحية الغير محبوكة تأتيكم -يالأجانب و سفرائهم - برعاية محمد عطا و جهاز الأمن
هناك رسالتان:
1/ أعملوا حسابكم يا أجانب نحن لكم بالمرصاد
2/ بالرغم من تخويفكم يا سفراء و كبار الأجانب إلا أننا و في حركة مسرحية رائعة نستطيع أن نقبض على "المجرمين" في خمس دقائق بس و نخليهم يعترفوا بكامل جرمهم, شايف إزاي؟؟

[قنوط ميسزوري]

#1326050 [شجرة التبلدي]
5.00/5 (5 صوت)

08-23-2015 01:32 PM
شغل أمني غبي!!!في حد جائع بحمل مسدس وبمشي حي العمارات ؟ وما يلاقي الا سفير السجم دة؟ّّ!!وكمان بس يشيل موبايل؟ ويرمي موبايل؟! ويتم استدراجه بواسطة الموبايل؟؟ويتم القاء القبض عليه بهذه السهولة؟هههههههه بالله عليكم دة جهاز امني شنو طبخو ني بالشكل دة ولا فاكرننا طيور بقابيرها.كان الافضل يحبكوا اي قصة تدخل الدماغ...دة ذكتني حكاية البنت القالت هي كانت بتعمل في سلطة عجور وحدث الحدث , والدكتور قال ليها احسن تقولي وقعت في جرف عجور , والقصة طبعا معروفة للجميع

[شجرة التبلدي]

#1326043 [اﻷندلسى]
5.00/5 (2 صوت)

08-23-2015 01:25 PM
الكيزان ماممكن يدخلو فى مغامره زى دى ابدا ﻷنهم مع قطر وتركيا تلاته ***** فى لباس واحد وحكاية حراميه جعانين يقومو يهاجمو سفير انصاص الليالى كمان ما بتخش الدماغ .... ما كان يهددو اقرب صاحب مطعم او كافتيريا . الحكايه دى فيها انه وكمان ناس اﻷمن عارفين كده كويس .

[اﻷندلسى]

ردود على اﻷندلسى
European Union [الطيب] 08-24-2015 03:46 PM
قد تكون تغطية على جلبة سببتها هوايات السفير الإخواني الليلية.


#1326035 [ٍSalah AL Deen P]
4.00/5 (2 صوت)

08-23-2015 01:16 PM
((وقالوا إنهم خرجوا لنهب أي سيارة لأنهم جوعى ويريدون الطعام))
معقولة عندهم مسدسات وما عندهم رغيف ابو جنيه!!

[ٍSalah AL Deen P]

#1326029 [مكى حسن]
5.00/5 (1 صوت)

08-23-2015 01:04 PM
اش معنى اى عربة المطاعم والكافتيريا على قفا من يشيل....مامبلوعه

[مكى حسن]

#1326002 [:::بيكو:::]
5.00/5 (6 صوت)

08-23-2015 12:25 PM
جوعة بت الغرب الشوت رحطا

[:::بيكو:::]

ردود على :::بيكو:::
United States [kabbashi] 08-23-2015 07:06 PM
Beeko, you are fascinating

[julgam] 08-23-2015 04:23 PM
بيقولوا جوعة بت البرقد ،والعهده على حبوبتى

[جنرال زمان] 08-23-2015 03:13 PM
بالغت فيها دي


#1326001 [مواطن]
5.00/5 (2 صوت)

08-23-2015 12:24 PM
تمثيلية بايخة ،،، وسيئة الاخراج ،،،ولا تصلح حتى لمن هم في اولى ابتدائي

[مواطن]

#1325996 [المندهش]
5.00/5 (11 صوت)

08-23-2015 12:20 PM
اردوغان نفسه تلقى خطاب تهديد من داعش . ربما يكون فى الامر رساله لانقره من الجعانين الشايلين مسدسات وموبايلات وحايمين فى الرياض ديل

[المندهش]

#1325993 [الداندورمي.]
5.00/5 (6 صوت)

08-23-2015 12:10 PM
هو،،،سفير الجن ده ،،،البخليهو يتحاوم
أنصاص الليالي شنو ؟ وكايس شنوووووووو؟

[الداندورمي.]

ردود على الداندورمي.
[ابو جلمبو] 08-24-2015 09:06 AM
اكيد ماشي يختف ليهو بت
الاتراك فاسقين بطبعهم، وبعدين هو سايق برهو لانه ما عايز واحد يشوفه او يعرفه


#1325984 [said ahmed]
5.00/5 (5 صوت)

08-23-2015 12:00 PM
ساعة متأخرة من الليل ؟ السفير ده ماشي وين في اوقات زي دي من غير سائق ولا حراسة خاصة

[said ahmed]

#1325977 [Mohammed]
4.63/5 (6 صوت)

08-23-2015 11:52 AM
اهااا... يعني الواحد كل ما يجوع يطّلع يقتل ليهو واحد .. ما كلمونا بالنظام الجديد ده!!!!!!!! ما علينا بركة الجات في الأتراك 😀😀😀

[Mohammed]

#1325976 [ابوعمر]
5.00/5 (4 صوت)

08-23-2015 11:52 AM
انتوصدقتو لصوص شنو ديل دواعش السودان اللصوص لوعايزين يسرقو مايسرقو بهذه الطربقة

[ابوعمر]

#1325970 [الفلفل الحار]
5.00/5 (1 صوت)

08-23-2015 11:48 AM
وليه ما يغدموا الاشكال وبطريقة فوريةعشان يخلصونا من جماعة النهب والسلب ومن يقفون خلفهم من المطبلين

[الفلفل الحار]

#1325959 [جعان]
5.00/5 (2 صوت)

08-23-2015 11:31 AM
لصوص جوعي أم دواعش؟

[جعان]

#1325945 [العمرابي الخطر]
5.00/5 (3 صوت)

08-23-2015 11:20 AM
السفير الممرقو انصاص الليالي شنو قايل روحة وين؟؟؟ سهران وين في بلد المشروع الحضاري؟؟ و مع منو با حماية؟؟؟ ما قدمووت ؟؟ حرم ما اصليين..
بعدين فخامة السفير ماشايف كل من هب و دب عندو سواق و موكب وااوييت وااوييت

ثم ثانيا منازل السفراء و اماكن عملهم و لقائتهم كلهههااا في قلب الخرطوم حيث الامن افضل من باقي اطراف العاصمة..

اما الغريبة جدجد انو سرقة بسلاح دي مابتحصلت الا لشخصيات معروفة و غالبا مستهدفة. و دائما الدوافع السرقة يا سبحان الله..

نتمنى ان لا تكون ايدي اجنبية خلف الواقعة...

[العمرابي الخطر]

#1325937 [فكرى]
4.88/5 (6 صوت)

08-23-2015 11:11 AM
لصوص جوعى ويمتلكون سلاح !!!
السفير التركى كما نظيره القطرى تاجر حرب ومهرب سلاح والآن تدخل أوردغان فى الشأن الليبى ولا أستبعد ماحدث للسفير نتيجة هذه العمل الأخوانى الخسيس ..

[فكرى]

#1325931 [fatmon]
5.00/5 (2 صوت)

08-23-2015 11:08 AM
بكرة تطلع حقيقة تانية خالص

[fatmon]

#1325926 [الدجاج عامل ازعاج]
5.00/5 (2 صوت)

08-23-2015 11:05 AM
جوعى ؟؟؟!!!
التقيل قدام
دي المناظر بس

[الدجاج عامل ازعاج]

#1325923 [Yuyu]
5.00/5 (2 صوت)

08-23-2015 11:04 AM
ده الحادث الثاني في ايام قلايل تتم فيه سرقه بسبب الجوع والاخر بسبب المصاريف المدرسيه وانتحار طفل لانه يريد دراجه

[Yuyu]

ردود على Yuyu
[علوب] 08-24-2015 09:51 AM
إنتحار طفل بسبب دراجة ....والله إنه لمأساة ....
أيام نميري كتب أحد طلاب الحي من أبناء مدني لسعادة الرئيس بأنه في حاجة ماسة لعجلة للوصول للمدرسة فما كان من الرئيس جعفر نميري أن قام بإرسالها له و}اء مجروس بصحبة ضابط قام بتسليمة إياها وفي عهد المتشبسين بالسلطة بإسم الدين ينتحر الأطفال وتباع حرائرنا في سوق النخاسة ...
حسبي الله ونعم الوكيل ...


#1325922 [Floors]
5.00/5 (2 صوت)

08-23-2015 11:02 AM
بلد هااااااااااااااااااااااااااااااااااااااااااااااااااملة !!!!!!!!!!!!!

[Floors]

#1325921 [ود الغرب]
4.91/5 (7 صوت)

08-23-2015 11:01 AM
عصابات النهب المسلح تركت الفاشر ونيالا والضعين والجنينة وأتوا إلى الرياض. قاتلهم الله أنى يؤفكون !!

[ود الغرب]

#1325917 [كلام في كلم]
5.00/5 (1 صوت)

08-23-2015 10:59 AM
وقعو في ورطه المساكين انته ما عارفين انه البلد دي فيها معلم

[كلام في كلم]

ردود على كلام في كلم
[كتاحة امريكا] 08-23-2015 11:59 AM
قال معلم


#1325916 [الدرويش الابكم]
5.00/5 (1 صوت)

08-23-2015 10:59 AM
انا متأكد وراها سياسة "جوع كلبك يتبعك"

[الدرويش الابكم]

#1325909 [سعيد لورد]
5.00/5 (1 صوت)

08-23-2015 10:54 AM
( وقالوا إنهم خرجوا لنهب أي سيارة لأنهم جوعى ويريدون الطعام )

لا حول ولا قوة إلا بالله

في الورنيش ضريبة سر ما بنفهموا
ناس أموالا زايدة وناس يتعذبوا

الجوع الكافر ينهش بطن الخرطوم

وبلة الغائب قال لي بشة عملت جضوم

[سعيد لورد]

#1325907 [alwatani]
3.00/5 (2 صوت)

08-23-2015 10:53 AM
hungery and has gun

[alwatani]

#1325905 [المشتهي الكمونية]
5.00/5 (4 صوت)

08-23-2015 10:51 AM
قالت المصادر انهم جوعي ويريدون الطعام

هذا استخفاف بعقول الناس من يجوع لا يحمل مسدس ويقتل الناس من اجل الطعام

وهو في زول جيعان عندو مسدس ؛؛؛ عمايلكم دي جابت لي ابليس صداع حيرتو فعلآ

والله؛؛؛؛

نحمد الله انو ما عضاهو هههههههههها ..............

الكلام دة كان في ياتو حتة من الحتات .................

اها ما عندو قروش بالشوالات .....................

هكذا يتم الاستخفاف بعقول الناس

[المشتهي الكمونية]

#1325895 [حكم]
5.00/5 (6 صوت)

08-23-2015 10:45 AM
جيعانين؟؟ عندهم مسدس ووقع منهم موبايل؟

[حكم]

#1325879 [بيكانتو]
5.00/5 (5 صوت)

08-23-2015 10:36 AM
طيب ما تبيع المسدس و تتعشا سمك

او بيع الموبايل و إتعشا فتة فول يأخى ... و يادار ما دخلك شر ...

[بيكانتو]

#1325861 [مجنووووووون]
5.00/5 (1 صوت)

08-23-2015 10:26 AM
سنة سنتين تانى ونشوف السودانيين يذبحوا بعض عشان ياكلوا وجبت عشاء من اللحم البشرى الطازج ههههه الجوع كافررررررررررررررر

[مجنووووووون]

#1325854 [واحد متابع]
5.00/5 (1 صوت)

08-23-2015 10:19 AM
مرحب بتكساس ..

[واحد متابع]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة