الأخبار
أخبار إقليمية
معتمدية اللاجئين: ملتزمون بمعاملة الجنوبيين كمواطنين سودانيين
معتمدية اللاجئين: ملتزمون بمعاملة الجنوبيين كمواطنين سودانيين
معتمدية اللاجئين: ملتزمون بمعاملة الجنوبيين كمواطنين سودانيين


08-24-2015 10:43 AM
الخرطوم: الجريدة
كشفت معتمدية اللاجئين عن عودة أكثر من (70) ألف مواطن إلى ولاية سنار من دولة جنوب السودان معظهم من الرعاة، وأكدت في الوقت ذاته إلتزامها بقرار رئيس الجمهورية القاضي بمعاملة مواطني دولة جنوب السودان معاملة المواطن السوداني.
ولفت معتمد اللاجئين المهندس حمد الجزولي مروءة لـ (المركز السوداني للخدمات الصحفية) أمس، إلى استمرار تدفقات مواطني دولة الجنوب إلى الولايات الحدودية، عقب انهيار المحادثات الأخيرة بين الرئيس سلفاكير ورياك مشار، وأشار إلى جهود الدولة لتحسين الخدمات للمواطنين والرعاة العائدين من دولة جنوب السودان.
وأعلن مروءة تسجيل (835) ألف جنوبي بولاية الخرطوم، وكشف عن زيارة للجنة العليا لمتابعة مشاريع اللاجئين لولاية النيل الأبيض للوقوف على المشروعات التي يتم تنفيذها.

الجريدة


تعليقات 9 | إهداء 0 | زيارات 1626

التعليقات
#1327469 [Abujabir Ahmed]
0.00/5 (0 صوت)

08-25-2015 11:17 AM
القرارات السيادية التى تترتب عليها خطورة على مصير البلد والمواطن تصدر من شخص واحد فقط دون الرجوع لهذا الشعب المغلوب على أمره ، بالله عليك من الذى أخذ موافقة الشب السودانى على منح الجنوبيين هذا الوضع والاتفاق مع المصريين الانتهازيين ناكرى الجميل على الحريات الأربع؟

[Abujabir Ahmed]

#1327203 [بدون تعليق]
0.00/5 (0 صوت)

08-25-2015 06:27 AM
هسع البشير كان ضاقت عليهو وشرد الجنوب حيعتبروهو مواطن جنوبي والله دابو مشي لاهاي

[بدون تعليق]

#1327162 [الوجيع]
0.00/5 (0 صوت)

08-25-2015 02:58 AM
الشماليين ال70 ألف ديل ما رجعوا للشمال الا من سوء معاملة الجنوبيين ليهم ونهب مواشيهم ومنعهم من ممارسة الرعى والتجارة بل وطردهم من ارض الجنوب وانا وانت والاخرين متابعين قضيتهم والله الرئيس بس الما عارف حاجة والدولة بدل ما تسترد ليهم حقوقهم تقوم كمان تكافىء الجنوبيين وتعاملهم معاملة المواطن ... بالله عليكم بس دى يفهموها كيف ؟ يعنى الحريات الاربع ما كفتهم ؟ ونفس الوضع مع المصريين حريات اربع من جانب واحد والان مع الجنوبيين....... واعتقد ان رئيسنا الهمام مستعد يتنازل من سيادة البلد وكرامة المواطن لاجل تفادى قيام معسكرات لجوء داخل البلد وكذلك تجنب اى احتكاك مع المصريين ......على الاقل تكون المعاملة بالمثل لحفظ كرامة المواطن...حاجة تفقع الكبد.

[الوجيع]

#1327092 [حاتم]
0.00/5 (0 صوت)

08-24-2015 11:15 PM
المعنى شنو يعني ؟
طبعا الكيزان لابد عندهم هدف من حركاتهم الغبية مع الجنوبيين
شنو يعني يعاملوهم كسودانيين ده كلام فارغ وكلام مليان لولوة
مواطني دولة جارة لنا انفصلوا عنا بمحض ارداتهم وبنسبة لاتدع اي مجال للشك في انهم لايريدوان تجمعهم دولة واحدة معهم واختاروا انفصال وباركنا ليهم وشالو عفشهم ومشوا بلدهم حصل عندهم حرب حصل لجوء عادي يتم معاملتهم وفق قوانين اللجوء كل الدول دي فيها لاجئين من دول مجاورة شنو الحنية الزايدة الماعندها طعم دي نحو الجنوبيين
عليهم أن يعاملوهم عادي جدا وزيهم وزي غيرهم من شعوب دول الجوار
شنو الكلام العبيط البيرددوا الكيزان على لسان رئيسنا الغبي ده
الناس ديل هدفهم يفرتقوا دولة الجنوب ويزيدوها فشلا ليدللوا على نجاحهم
ده مخطط سمج وعبيط زي الكلام البيتقال اليومين ديل والبشجع على لجوء مولطني الجنوب ويجعلوهم يزدادو كل يوم عن الذي قبلة
بالعكس يجب ايقاف هذه الهجرة من جانب الجنوبيين لان وراءها اهداف غبية غباء تخطيط الكيزانلانهم دايرين يشلعوا دولة الجنوب وكمان يتكسبوا عالميا من وراء جذب شعب الجنوب للشمال من جديد



هسه ياربي الاثيوبيين بعد انفصال ارتريا قاعدي يقولو جنس الكلام الغبي ده ؟

[حاتم]

#1327001 [سوداني]
1.00/5 (1 صوت)

08-24-2015 07:37 PM
والله من شدة ماغضبان 8علي البشير وجريهو ورا الجنوبيين بقول ليهو تفوو عليك ياوقح تعامل الجنوبيين كسودانيين والله حاجة تهرد القلب زول ماعندوا غيرة علي مرتوا وداد حايمة مع جمال الوالي من بلد لي بلد حيكون عندوا غيرة علي السودان

[سوداني]

#1326908 [ابو جلمبو]
1.00/5 (1 صوت)

08-24-2015 04:31 PM
الجنوبيين ديل كانو ما جابو خبركم تاني استنو بس

[ابو جلمبو]

#1326871 [سمية ساعد]
0.00/5 (0 صوت)

08-24-2015 03:23 PM
نحن محتاجين ليهم للبناء والتعمير اذا كان شبابنا كله مهاجر، حرام عليكم عمري وصل 42 سنة ولسع ما عرست حرام عليكم تحرمونا من العرس وتمنعوا من السفر للكسب الشريف افتحو الحدود وخلو كل العانسات تسعد

[سمية ساعد]

#1326802 [جمال علي]
0.00/5 (0 صوت)

08-24-2015 01:35 PM
يعني أكثر من ربع مواطني الجنوب نزحوا إلي السودان. و هذا يعني أن تدفقهم نحو الشمال سيستمر.
طيب ما هو الداعي للإنفصال.؟
أكيد سيتم معاملتهم كإخوان.أما من الناحية الرسمية فيعني تصريح الرئيس البشير أنهم سيعفوا من إجراءات الإقامة و الإجراءات القنصلية.
سيعاملوا كإخوان, رغم أنهم سيشكلوا ضغطاً علي المرافق الخدمية و بالذات الصحية. كما ان إسلوب حياتهم سيشكل تهديداً للصحة العامة و خاصة في فصل الخريف.
ربنا يستر.

[جمال علي]

#1326655 [محمد احمد]
5.00/5 (3 صوت)

08-24-2015 11:02 AM
هؤلاءليس مواطنين وانما لاجئين الشعب الذي طالب بالانفصال وتم الانفصال بنسبة99% هؤلاء هم الذين صوتوا للانفصال من الذي انزل علم السودان في جوبا هل شاهدتم مظاهر الاحتفالات يوم (الاستقلال كما يزعمون)وهذا من حقهم ولكن من حقنا نحن ان نسمي هؤلاء لاجئين

[محمد احمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة