الأخبار
أخبار إقليمية
أرخص اسعار خدمة الانترنت في المغرب وأعلاها بالسودان
أرخص اسعار خدمة الانترنت في المغرب وأعلاها بالسودان
 أرخص اسعار خدمة الانترنت في المغرب وأعلاها بالسودان


08-24-2015 11:33 PM
اظهر تقرير صادر عن مجموعة المرشدين العرب حول أسعار خدمة الإنترنت عالي السرعة ADSL في 19 دولة عربية أن السعر الأعلى كان في السودان وبلغت 2635 دولار في السنة، بينما كان السعر الادنى في المغرب وتونس بمبلغ 145 دولار سنويا.

وحسب بيان صحفي عن المجموعة، فانه اذا تمت مقارنة الأسعار من حيث مستوى دخل الفرد في كل بلد، فإن اسعار الخدمة في دول الخليج هي الأقل بالنسبة لمستوى الدخل.

واشار التقرير الى انه رغم أن تقنية الألياف الضوئية آخذة بالتقدم في المنطقة إلا أن خدمة الانترنت الثابت عالي السرعة باستخدام اسلاك النحاس (ADSL) لا تزال التقنية السائدة في العالم العربي.

وشملت الدراسة كل من الجزائر والبحرين ومصر والعراق والاردن والكويت ولبنان وليبيا وموريتانيا والمغرب وعمان وفلسطين وقطر والسعودية والسودان وتونس وسوريا والامارات واليمن.

كما كشفت الدراسة أن مزودي خدمات الإنترنت في العادة يميلون الى إلغاء رسوم التوصيل لخدمة الانترنت عالي السرعة ِADSL كنوع من العروض الترويجية. -(بترا)


تعليقات 10 | إهداء 0 | زيارات 5131

التعليقات
#1328128 [لمبرجاك]
5.00/5 (2 صوت)

08-26-2015 09:42 AM
الكلام دا ما صحيح .. الإنترنت في السودان هو الأرخص في العالم ... وبرضو الأسوء من ناحية الخدمة ... في أثيوبيا دي الإنترنت أغلى بشوية .. الساعة بتاعت الإنترنت تقريباً بـ 12 بر .. يعني حكاية بتاعت خمسة جنيه سوداني ... لكن جودة الإنترنت أفضل من إنترنت المقاهي اللي الساعي فيهو بـ 3جنيه.. وبالنسبة لأسعار الإنترنت في تونس والمغرب .. أنا عايش في تونس، أنا على الأقل بشحن إنترنت ما بين 75 إلى 100 دولار في الشهر ... يعني عادي جداً لوالسنة عملت 1200 دولار. أشك إنو الرقم المذكور أعلاه بالنسبة لتونس والمغرب صحيح " 145 دولار سنوياً".... الـ145 دولار دي هنا بتساوي تقريباً 270 دينار ... كان لميت تاني فوقها 270 دينار برضو ما بتأجر ليك شقة زي الناس في تونس العاصمة ... لما أقيس الجودة طبعاً تونس أفضل بدون أي مقارنة في مسألة جودة الإنترنت ... في السودان زمان كنت بدفع 150 جنيه شهرياً لشركة سوداني ... الدولار حينها كان بيساوي 1.50 جنيه .. أواخر سنة 2010... بعد كدا قاموا خفضوا السعر لـ 72 ... حالياً بتعمل عندكم 7 دولار ... يعني مدام شركة الإنترنت عندها إمكانية لتخيض الأسعار من 150 جنيه إلى 72 جنيه رغم تقلب أسعار الصرف من الدولار كان بيساوي جنيه ونص ... قول أثنين جنيه ... وهسي الدولار بعشرة جنيه ... مافي بلد في العالم الدولار فيها بيتضاعف 10 مرات في خمسة سنوات غير في جمهوريات المز ... وإنو موزكم ضرب .. لسه ... بلد أي شيئ فيها بالناكوسي ... دا بيوريك إنو دي دولة عايشة بالبركة ... مافي حاجة منطقية فيها

سألت أخوي قبل كم يوم عن أسعار الحضراوات والفواكه في السودان فلقيت إنو كيلو الطماطم (مثلاً) في تونس أرخص من السودان رغم إنو البلد ما فيها ولا نهر واحد .. وحتى الطماطم المستوردة أرخص من السودان ... والجودة أكيد أفضل .. تلقى في السودان الطماطم بالصفيحة ... الطماطم معفصة .. والصفيحة مصدية ولافي فيها الضبان ومعروضة وسط الكوشة والزبالة .. وتلقاها بالأسعار الغير منطقية دي... والسودان شاقيهو أكبر نهرين في العالم والبيوت فاتحة في النيل .. وفي عاصمة البلاج وما لاقيين موية شراب .. وكان جات بتجي كلها وساخة وعكرانة ... والله حاجة مؤسفة جداً اللي بتحصل في السودان ... الإنترنت وأسعار الإنترنت دي رفاهية وسلعة قمة في الكمالية مع بلد فيها الناس ما قادرة توفر الأكل من كل الأراضي الخصبة على طول البلاد وعرضها .. والله حالة محزنة لما تشوف ناس ما قادرين يوفروا مياه الشرب وعندك بلد فيها نهر النيل .. والنبيل الأبيض ... والنيل الأزرق ... غير الأنهار الموسمية والخيران والأمطار ... غايتو الواحد لف في الدنيا وشاف ... مهما البلد اللي أنا عشت فيها غالية لكن بحس إنو الأسعار متناسبة مع مستوى الدخل ... غايتو ... نشوف عمر البشير دا ح يوصلها معاكم لوين ... شويتوا رحطكم يا السودانيين ... ما معروف وثبة البشير دي ح ترميكم وين

[لمبرجاك]

#1327608 [سوداني]
5.00/5 (1 صوت)

08-25-2015 02:07 PM
الأغلي والأبطأ ودة عمل مقصود , لا مانع ان يكون غالي لكن سريع انت علشان تحمل ليك مقال او تقرير روحك بتمرق وزمنك يضيع ولا تستفيد وفي الاخر خصم فلوس والدولة عارفة لكن لا تتكلم لانها بتفرض عليهم ضرائب باهظة يدفع ثمنها المستخدم الله يكون في عون الوطن

[سوداني]

#1327515 [م محمد الحاج]
5.00/5 (1 صوت)

08-25-2015 12:05 PM
نت في السودان نعم رخيص بس كمان بطئ ويسل الروح ياليته غالي وسريع

[م محمد الحاج]

#1327507 [صاحب تار]
0.00/5 (0 صوت)

08-25-2015 11:56 AM
يا ناس قالوا الانترنت عالى السرعة ADSL وليس باقات الموبايل اليومية

[صاحب تار]

#1327399 [العجب امو]
5.00/5 (1 صوت)

08-25-2015 10:21 AM
كلام ود البندر صحيح 100% ارخص خدمة انترنت وإتصال هو السودان والتقرير بتاعكم دة مضروب أو معكوس


وناكد مافي حكومة وماف معارضة وللأسف ماف شعب سوداني وأصبحنا جبناء جداً

[العجب امو]

ردود على العجب امو
[aakarory] 08-25-2015 11:47 AM
كلام ود البندر غلط السودان كل شئ فيه منتهى اسؤا الخدمات فى العالم هى فى السودان حتى الصومال بقت احسن من السودان امسك الكهرباء والماء والصحة والتعليم والنظافة وحتى الانترنت بياخذوا منك القروش وما بيعطوك مقابلها اى خدمات والنت فى السودان الاسؤا فى العالم بدون منافس كفاية كل شئ فى السودلن سيئ لو عاوز اى شئ وبفلوسك لازم تتهان وتذل قبل ما تتحصل عليها

[MOHAMED G] 08-25-2015 10:45 AM
بقولوا مقارنة مع دخل الفرد .. أفهم أول يا حبيبنا


#1327333 [:::بيكو:::]
0.00/5 (0 صوت)

08-25-2015 09:21 AM
غالي ومعسّم النت عندنا

[:::بيكو:::]

#1327296 [عبدو]
0.00/5 (0 صوت)

08-25-2015 08:46 AM
هي وينا الخدمة
بعد غلاتا دي
تعتبر اسوا خدمة نت في العالم
مشيت مصر والسعودية والامارات واليمن ودول تانية
لكن نت عفن زي بتاعنا ما لقيت

[عبدو]

#1327258 [K. Amear]
0.00/5 (0 صوت)

08-25-2015 08:09 AM
العبره مافي الغلاء العبرةوالمصيبه في سرقةالارصده.

[K. Amear]

#1327150 [ود البندر]
4.97/5 (6 صوت)

08-25-2015 01:52 AM
ما عرفناهو ده مقال ولا تقرير . و مافي مصادر واضحه للمعلومات الواردة مما يفقد النصوص القيمه المهنيه. اللهم حشو كلام و كل يوم نسمع اسم السودان بيتملطش في خبر مره أكثر نسبة انتحار و مره أسوأ دوله و مره أكبر نسبة فساد و مره الخرطوم اغلي مدينه في العالم . اللهم لا اعتراض في حكمك . بالله يا ناس المعارضه افرزو بين الحكومه و بين البلد . القاعد يكره الحكومه ما يشني لينا سمعة السودان.
حكومه مطرطشه و معارضة طرشه و عميانه. افهمو يا ناس كلوا إلا السودان.
نحنا شغالين في مجال الإنترنت ده بالزات و الكلام الفوق ده ما عندو أساس من الصحه. اللهم آلا هل بلغت

[ود البندر]

ردود على ود البندر
[عادل] 08-25-2015 09:59 AM
انا مغترب ولفيت كم دوله عربيه وسعر خدمة الانترنت في السودان ارخص دولة في العالم وثانيا لا توجد حكومة ولاتوجد معارضه كلهم دمروا السودان وسمعة السودان انشاء الله ربنا يحل السودان منهم ويجعل كيدهم وبطشهم وشرهم في بعضهم

[محمد علي الاسد] 08-25-2015 06:36 AM
يا اخي الفاضل معليش لكين الكلام البيتقال عن السودان كل صحيح و ما فيه حاجه غلط لانو نحن عايشين في بلد ابسط مقومات الحياة ما فيها ابدها ليك بي الكهرباء و الموية ، انت قاعد تدفع فاتورة كهراباء مقدمة و ما عندك نور و قاعد تدفع فاتورة موية مقدمة و ما عندك موية و عندك 4 شركات بتاعت اتصالات في البلد و ما فيهم خدمة بتاعت اتصال كويسة و بلدك من اغلي الدول الدول في العالم اديك مثال انت حسي في بيتكم بيكون في 5 من اخوانك شغالين و ما قادرين يغطو مصاريف البيت ده كلو ليه عشان المعيشه و ما عندها سعر ثابت في السودان ، لا تعليم لا صحة لا بلد نظيفة لا تتطور في الشوارع لا شوراع نظيفة عقول ناس مقفله , الواحد بقي القتل عندو اسهل حاجه , لا وعي بين الشباب , فساد في الدولة , فساد من الاسرة الحاكمة ، اكتر من كدا تقول شنو


#1327147 [العلم نور]
4.50/5 (2 صوت)

08-25-2015 01:38 AM
غلاء خدمة الانترنت في السودان مقصود ويصب في مصلحة النظام للحفاظ على السواد الأعظم من الشعب بعيدا عن أداة الوعى والاستنارة القوية الحرة.

[العلم نور]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة