الأخبار
أخبار إقليمية
أوكامبو في مقاله في النيويورك تايمز : أتركوا البشير يحضر لنيويورك .. ثم اقبضوا عليه
أوكامبو في مقاله في النيويورك تايمز : أتركوا البشير يحضر لنيويورك .. ثم اقبضوا عليه
أوكامبو في مقاله في النيويورك تايمز : أتركوا البشير يحضر لنيويورك .. ثم اقبضوا عليه


موجها الحديث لأوباما ..
08-25-2015 03:20 PM
ترجمة :الهادي بورتسودان

يعتزم الرئيس السوداني الهارب عمر حسن البشير حضور اجتماع الأمم المتحدة حول " مستقبل التنمية العالمية" أواخر الشهر المقبل في مدينة نيويورك. ولسفره لهناك فهو محتاج لطلب تأشيرة دخول للولايات المتحدة .وطلب تلك التأشيرة يعطي الرئيس أوباما سانحة لإتخاذ موقف قوي في دعم الجهود الدولية البطيئة في منع الإبادة الجماعية.
قبل قرن من الزمان ، عندما أبيد أكثر من مليون أرمني، فإن كلمة "إبادة جماعية" لم تكن معروفة . وإن قتل الملايين من الناس كان شأنا داخليا و لا يمكن أن تتدخل دولة أجنبية فيه .إلا إن هذا الحال تغيير تماما بعد محرقة الهولوكست.
و في عام 1948، اعتمدت الجمعية العامة للأمم المتحدة اتفاقية الإبادة الجماعية، التي رفضت فكرة أن "الحكام" لديهم حصانة من المساءلة عن قتل شعوبهم ونص ذلك على "محكمة جزائية دولية" لمحاكمتهم.و استغرق الأمر حتى عام 1988 لتصادق الولايات المتحدة على تلك إتفاقية .
بعد عشر سنوات أن في عام 1998، صوتت 120 دولة لإنشاء المحكمة الجنائية الدولية الدائمة لمحاكمة جرائم الحرب والجرائم ضد الإنسانية وجرائم الإبادة الجماعية. والتي لم توقع الولايات المتحدة على إتفاقيها . ولكن مع ذلك في عام 2005، قبل الرئيس الأسبق "جورج بوش" قراراً لمجلس الأمن التابع للأمم المتحدة أن تحال قضية دارفور إلى المحكمة الجنائية الدولية.
في عام 2008 بصفتي المدعي العام لمحمكة الجانايات الدولية طلبت مذكرات إعتقال ضد البشير بتهمة الابادة الجماعية. وساعد الرئيس جورج في جهود نشر قوات حفظ السلام في دارفور وتقديم المساعدة الإنسانية هناك .وبناء على مذكراتي في عام 2009 أصدر قضاة المحكمة أمر توقيف ضد السيد البشير بتهمة إرتكاب جرائم ضد الإنسانية وجرائم الحرب . كما صدر أمر توقيف آخر بالإبادة الجماعية في عام 2010 . فالتحدي الآن هو إلقاء القبض عليه.
للأسف، فإن قدرة السيد البشير في إرتكاب أعمال وحشية على مرأى ومسمع من المجتمع الدولي أبقت القدرة البشرية عاجزة عن حماية ضحايا الإبادة الجماعية. فالاغتصاب والتجويع هي أسلحته الصامتة الجديدة، لتحل محل هجماته الوحشية المفتوحة على القرى. وذلك ليبقى بعيداً عن نظر المجتمع الدولية، فالحكومة السودانية طردت عمال الإغاثة وأعاقت الوصول إلى مخيمات اللاجئين. وقد حاول السيد البشير تحويل الانتباه عن الإجراءات الجنائية وذلك بتسويق أن المحكمة الجنائية الدولية منحازة ضد الأفارقة.
من الذي سيعتقل البشير؟ : بينما هو في السلطة، فالقوات السودانية بالتأكيد لن تقبض عليه، كما وإن مجلس الأمن لم يجيز استخدام القوة لتنفيذ أمر الاعتقال. إذن فالخيار الوحيد المتبقي هو إلقاء القبض عليه عندما يزور دول أجنبية.
حاول البشير زيارة جنوب أفريقيا في 2009 و 2010، ولكن أبلغ بأنه سيلقى القبض عليه اذا فعل ذلك . كما و في وقت سابق من هذا العام، رضخت حكومة جنوب أفريقيا، وقدمت له حصانة حتى يتمكن من حضور اجتماع للاتحاد الأفريقي في جوهانسبرغ. ومع ذلك أمر القضاء في جنوب أفريقيا باعتقاله. تمكن السيد البشير من المغادرة بينما كانت إجراءات محكمته جارية.
في عام 2013، طلبت الحكومة السودانية تأشيرة دخول للولايات المتحدة للبشير لحضور الاجتماعات السنوية للجمعية العامة في نيويورك. وقالت المندوبة الأمريكية لدى الأمم المتحدة، سامانثا باور "أنه سيكون من الأنسب" للسيد البشير السفر إلى لاهاي، حيث المحكمة الجنائية الدولية ، بدلا من نيويورك. ألغت الحكومة السودانية في نهاية المطاف تلك الرحلة. وإدارة أوباما لم تقدم أي إشارة إلى ما ستفعله معه في تلك الفترة . فوفقا للإتفاقية فإن نيويورك هي مقر الأمم المتحدة، و من المفترض للولايات المتحدة أن تمنح تأشيرات دخول لسفر القادة لحضور أحداث الأمم المتحدة، مع استثناء محدود جدا خاص بأمنها القومي.
في الواقع، فإن السيد البشير يراهن على عدد من العوامل وهي : دعم من بعض الزعماء ألأفارقة له - والخدمات المخابراتية التي يمكن لحكومته تقدمها عن المنظمات الإرهابية في شرق أفريقيا- وحاجة أميركا لإدارة صراع السودان المستمر مع جنوب السودان، وهو ما سيجعل الولايات المتحدة تصرف النظر عن القبض عليه .
وعلى عكس من تلك الحكمة التقليدية،فإن الولايات المتحدة تملك الحق في عدم السماح السيد البشير بالحضور . إذا كان الأمر كذلك فإنه ينبغي أن تلقي القبض عليه عند وصوله. وذلك بموجب ميثاق نورمبرغ، واتفاقية الإبادة الجماعية و النظام الأساسي و المحكمة الجنائية الدولية ، و ليس هناك حصانة لرؤساء الدول الذين يواجهون اتهامات أمام المحاكم الدولية.
وعلاوة على ذلك، فهناك قانون اتحادي وهو " قانون حماية خدمة الأعضاء الأميركي " يخول للحكومة دعم الجهود الدولية في القبض على الأجانب المتهمين بارتكاب الفظائع "لتقديمهم للعدالة". وبموجب هذا القانون، فأن أحد أمراء الحروب في رواندا "بوسكو نتاغاندا" ، تم تسليمه للمحكمة الجنائية الدولية في عام 2013.
فللرئيس أوباما خيار سياسي ، و يجب على الولايات المتحدة منح السيد البشير تأشيرته، وبعد ذلك، فور وصوله، تقوم باعتقاله وتسليمه إلى المحكمة الجنائية الدولية ، حيث يمكنه تقديم ما يشاء من حجج قانونية في الدفاع عن براءته أو حصانته المزعومة أو انحياز النيابة العامة ضده . وذلل سيمثل موقف مهم.
و يجب على الولايات المتحدة أن تفعل كل ما في وسعها لعزل السيد البشير وأن تعرب عن تضامنها مع شعب دارفور والتزامها في منع جريمة الإبادة الجماعية والمعاقبة عليها.

-نيويورك تايمز

أ.د.لويس مورينو أوكامبو، المدعي العام للمحكمة الجنائية الدولية 2003-2012،
- محام في Getnick وGetnick
- وأستاذ مشارك في كلية كينيدي للإدارة العامة - جامعة هارفارد



تعليقات 45 | إهداء 0 | زيارات 10760

التعليقات
#1328906 [malheet]
0.00/5 (0 صوت)

08-27-2015 09:35 AM
صدام القذافي مبارك بن علي و في الطريق بشار.
هذا حال الشعوب العربية الابية مع من ظلمها.
الافارقة و منهم السودانيون ما لهم الا اوكامبو.
مجموعة من الخراف لا يملكون اي شيء لانفسهم حينما يساقون للذبح.

[malheet]

#1328869 [ابو جلمبو]
0.00/5 (0 صوت)

08-27-2015 09:01 AM
ده على اساس انه البشير احمق وحتشيلة الحماسة وحيسافر حتى من غير تأشيرة؟
كان تزورو ليهو دعوة رسمية وهو اهبل ساي ما حيصدق وحيسافر طوالي
المشكلة انه بعد ما يقبضو اكيد في مية تمساح اخطر منه لابدين لليوم ده
البشير تمساح كبر خلاص وسنونة قربت تقع واتعودنا على عضات سنونة
المشكلة يجي بعده تمساح لسه سنونة يا دوب مطرقها في حجر نار وبتملع ويكون سعران
وعايز يقرم قرم موش يعضي بس

[ابو جلمبو]

#1328648 [الحسن]
1.00/5 (1 صوت)

08-26-2015 09:58 PM
ردودكم البعض تدل على سخافة عقله، ولماذا لم يزل عنا هم الكيزان إلى الآن
فكل من خالف رأيكم فهو كوز إلخ!
أولا فرضنا أن البشير قبض ، هل ستزول هذه الحكومة هنا؟
ستنسون البشير كما نسينا الترابي، وهل كانت العلة هي إزالة البشير أو الترابي؟
أيضا الأمريكان قل اهتمامهم بالسودان أصلا
وليسوا بهذه الدرجة من الإنسانية حتى يهتموا بكم
ماذا فعل الأوربيون بعد فصل الجنوب، تركوهم يتقاتلون إلى الآن ولم يفعلوا لهم شيئا!!!!!
إذا المقصود من الحرب ضرب السودان , وتحقيق مصالح غربية تتغير بتغير الزمان والمكان

لو كانوا يريدون مصلحة هذه الشعوب، لحاربوا ميلوسفيتش أيام إجرامه، فهذا ما يهم البوسنيين لا مجرد القبض عليه
ولحاربوا الكيزان منذ أن جاءوا
ولكنهم مفيدون للأمريكان أمنيا واستخباراتيا

[الحسن]

#1328603 [حسن عوض]
4.63/5 (4 صوت)

08-26-2015 07:47 PM
يا جماعة خلونا من الشائعات و من المعلومات الخاطئة المُضللة التى يطلقها جهاز الامن و هتيفة النظام و أرزقيته الذين ينشرون الاكاذيب عن المحكمة الجنائية الدولية بأنها أُنشئت لتكون ضد الافارقة و ضد اللمسلمين , و هذا كذب و هراء لا أساس له من الصحة .

الواقع يقول بأن من أبرز المسئولين و الرؤساء الذين مثلوا أمام المحكمة الجنائية الدولية بعد إتهامهم بجرائم حرب ضد شعوبهم هم الآتى:

- سلوبودان ميلوسوفيتش، رئيس يوغوسلافيا السابق و العشرات من القادة الصرب (عسكريين ومدنيين) أبرزهم رادوفان كارادزيتش و راتكو ملاديتش أثناء النزاع في البوسنة والهرسك وكرواتيا وكوسوفو، في تسعينيات القرن الماضي ,
- عدد كبير من مسئولى جماعة الخمير الحمر فى كمبوديا ,
- جان كامباندا رئيس وزراء رواندا و بعض المسئولين الروانديين ,
- شارلوز تايلور الرئيس السابق لليبيريا ,

وليس من بين هؤلاء أى مسلم أو ينتمى للإسلام من قريب او بعيد ,
كما ان مجموعة اليوغسلاف أعلاه و مجموعة الخمير الحمر الكمبودية لم يأتو من أفريقيا و ليست لديهم جزور أفريقية ..

أما عن الافارقة فى القائمة أعلاه فإنهم بالفعل مجرمين متهمين بقتل الملايين من المدنيين فى بلادهم ,

رئيس وزراء رواندا تم إدانته على المذابح الجماعية في رواندا التى راح ضحيتها مليون شخص في رواندا في عام 1994 ,
شارلوز تايلور أُتُّهم خلال فترة رئاسته بجرائم حرب وجرائم ضد الإنسانية بسبب تورطه في الحرب الأهلية في سيراليون.

.

[حسن عوض]

ردود على حسن عوض
[Sandy] 09-17-2016 11:24 PM
يا هبنقة عوض الذين ذكرتهم لم يحاكموا امام المحكمة الجنائية الدولية ICC بل امام امام محاكم مختلفة تسمي كل منها محكمة دولية خاصة. ما تلخبط الكيمان ياطيرة

[الحسن] 08-26-2015 09:51 PM
المقصود أن المسلمين جزء من المجموعة المستضعفة
وإلا فهل يوغسلافيا أو كمبوديا من الدول القوية؟
أيضا الدول الغربية تدعم بعض الدكتاتوريين لمصالحها
كدعم الكلاب الإيطاليين للمجرم القذافي لدعمه لهم، وكذا الفرنسيين المجرمين

[جركان فاضى] 08-26-2015 09:11 PM
ما تقول الا الصاح.... والبشير مجرم بمحكمة جنائية او بدونها...وقد نصحه على محمود حسنين نصيحة غالية حيث قال له :احسن ليك المحكمة الجنائية مما تقع فى يد السودانيين...المحكمة الجنائية مافيها مشانق...فيها كسرة بى بامية...وملوخية بالارانب...وتقرأ الصحف وتشاهد فى الدورى الاروبى وكاس العالم...اما كان وقع فى يد الشعب السودانى فعود القذافى جاهز


#1328566 [عبدالله احمد محمد]
0.00/5 (0 صوت)

08-26-2015 06:36 PM
ولو ما كنت من زى ديل وا ماساتى وا ذلى

[عبدالله احمد محمد]

#1328535 [الفاروق]
0.00/5 (0 صوت)

08-26-2015 05:08 PM
اكان هو راجل فليذهب . حقارتو بالغلابة . والله لو الواحد مابتذكر زمن انعصر واتزرزر في الجنوب عندما كان ضابط صغير لسلمته الي اوكامبو الليلة قبل بكرة ..96

[الفاروق]

#1328464 [عبدالله احمد محمد]
0.00/5 (0 صوت)

08-26-2015 03:45 PM
.

[عبدالله احمد محمد]

#1328427 [لفافات الصبر]
0.00/5 (0 صوت)

08-26-2015 02:55 PM
احييييييى انا منكم اسى ناشرين الكلام دا ليه عشان يعرف يعنى وما يمشى كان تسكتو سااااااااااااااااكت

[لفافات الصبر]

#1328385 [nyala]
0.00/5 (0 صوت)

08-26-2015 02:08 PM
هل صحيح سلم اهالي شمال الجزيرة الشيخ الثائر عبد القادر ود حبوبة

[nyala]

ردود على nyala
[جركان فاضى] 08-26-2015 05:13 PM
الدباسين هم من سلم عبدالقادر ود حبوبة للانجليز...وقبضوا الجائزة من الانجليز ... بس برضو الدباسين اولاد عم الحلاوين


#1328381 [بكري قرقر]
0.00/5 (0 صوت)

08-26-2015 02:02 PM
صدقوني هذا الرجل المخادع لن يسافر وبعدين دا اكثر رئيس دولة في العالم بتكلم ساي المرة الفائتة قالوا حجزوا الفنادق وطلع كلام .. المهم حسب علمي انو الكيس بتاع الجنائية دا منتهي يعني بالواضح كدا اتباااع عالميا ومافي زول قائم علي امرة ومافي تمويل للقضية ناس المعارضة إمكانياتهم محدودة يعني ما تصدعوا رؤسنا بكلام اوكامبوا نحنا كسودانيين عايزين تغيير حقيقي مانقعد نبيع الوهم للبسطاء الحكومة عندها لوبي قوي وزكي وعارف بعمل في شنو اما المعارضة فحدث ولا حرج .. ربنا يرحم موتانا ..

[بكري قرقر]

#1328357 [ممغوص]
0.00/5 (0 صوت)

08-26-2015 01:36 PM
الزول ده اصلوا لو في عدالة المفروض يتحاكم في السودان يحاكموهو الشعب القتلم والجوعم واكل خيرات بلدم وشردم

[ممغوص]

#1328296 [عبدالله احمد محمد]
0.00/5 (0 صوت)

08-26-2015 12:31 PM
الاخ عمر الحلفاوى لكى تحياتى فعلا علينا ان نجلس كسودانيين حكومة ومعارضة لنخرج من طوق وشرنقة ما نحن فيه الان الى درجة وصصلت بانه سيضيع منا السودان هذا البلد الجميل المرهف الذى حبانا الله بخيرات وفيرة وحتى الذهب ظهر اخيرا واستفاد الكثييرون من التعدين الاهلى وسيبك من الجدل البيزنطى وما يقال الان عن الشركة الروسية بين مؤيد ومعارض ولكن نحند الله بان ايماننا قوى بان ارض السودان خصبة زفيها من المعادن ما فيها وهذا من الاسباب التى يحرضنا الاخرين لنقتتل ونشغل بانفسنا الحل فى الداخل رضى من رضى وابى من ابى وهل عندما يصبح لديك مشكلة فى داخل بيتك مع اسرتك اى حل اجدى بان تحاول ان تلملم الموضوع ام تاتى باخرين فهذا سيزيد زذاط سينقص وهذا سيقف مع جانب وذاك مع جانب اخر فيتوسع الرتق ام تحلها كتامى داخل الاسرة لا من شاف ولا من درى ... الاخ الفاضل حمزة الشيخ والى متى سيترك الاسد وقد اباد الالاف المؤلفة حتى الكيماوى يانا بيانا وهو محرم دوليا اباد بها شعبه نعم الاسد قبل البشير لانه عدو شعبه وصديق عدو الاسلام اسرائيل الاخ حمزة اهتم بامر المسلمين جميعا يقول رسول الامة من لم يهتم بامر المسلمين فليس منا ... كل مسلم اخ لنا يقول الحق تعالى انما المؤمنين اخوة ويقول رسول الامة عن المسلمين فى الملم اخ المسلم لا يظلمه ولا يحقره ... كما ان المسلمين فى تعاطفهم وتعاضدهم كمثل الجسد الواحد اذا اشتكى منه عضو تداعى له سائر الجسد بالحمى والسهر ... يقول الحق تعالى وتعانوا على البر والتقوى ولا تعانوا على الاثم والعدوان والمسلم من سلم المسلمون من يده ولسانه .. وايضا ليس المؤمن بطعان ولا فاحش ولا بذىء ... والهمز والغمز واللمز ليست من شيم المسلمين وهل تعلم بان تقديم الاسد لمحكمة الجنايات من قبل الامم المتحدة مقصود حتى تدافع عن الاخرين وتريد تقديم البشير اولا ... لا من يقتل ارواح الناس يحاكم وليس فى ذلك اولا ولا اخر وما يحصل فى سوريا يجب محاكمته الان بل فى اللحظة والتو بدون اى تاخير لانه اهلك الحرث والنسل وامريكا تنظر بل وتمده بكل شيىء وروسيا تؤيد ايما تاييد ما هو حاصل فى سوريا لم يحصل ولا فى سراييفو اعدلوا هو اقرب للتقوى اذهب الى الجزيرة او العربية لترى افعال الاسد وكيف وان الكثير من شعبه الان فى مقدونيا قاصدين الذهاب الى دول اروبية انظر كيف يهانوا فى الحدود بوالمناسبة يقتحون الابواب على مصراعيها للمسلمين يهاجروا ووحانا وزرافا ليفضوا المنطقة منهم وهذا اكبر مصيبة لاضعافنا ولهيهم عن موطن اجدادهم ليتمكنوا باساليبهم السيطرة علينا اصحى يا نايم ولا تنسى بان توحد الدائم والله المستعان على ما تصفون

[عبدالله احمد محمد]

ردود على عبدالله احمد محمد
[زول سودانى] 08-26-2015 03:01 PM
انت راكب غلط, انحنا هنا في السودان مشكلتنا مع الزول الاسمو عمرحسن البشير, اذا انت سورى هارب من الأسد أمشى شوف ليك أمم متحدة أو جامعة عربية تحل ليك مشكلتك مع الأسد وانتو مشكلتكم مع الأسد انتقامية لانو أبوهو أباد الاخوان قبل كده أما نحنا فعلينا بألمجرم الناطى في رقبتنا من 26 سنة, أرجو أن يكون الكلام ده وقع ليك علشان تانى ما تنقوا فينا بسوريا بتاعتكم دى.


#1328288 [بكورتي]
0.00/5 (0 صوت)

08-26-2015 12:24 PM
إنتو بتنفخوا في قربة مقدودة
مافي دولة يتمسكوا طالما
السودانيين في المعارضة غير متفقين علي تسليمة وزي
ماقالت تراجي مصطفي الكيس بتاعنا دا انتهي يعني
راح هبائنا منثورا و حينما زهب جنوب افريقيا للقمة الافريقية الصادق
المهدي أرسل خطاب لرؤساء الدول الافريقية بترجاهم وبحزرم من القبض علية
نقول ربنا يرحم ناس دارفور وكل السودانيين القتلوا في أنحاء السودان بسبب
هذا المجرم الأشر

[بكورتي]

#1328277 [جركان فاضى]
4.97/5 (6 صوت)

08-26-2015 12:10 PM
كدى قول مشى مؤتمر الامم المتحدة للتنمية...عندو شنو يقولو؟...يقول ليهم جيت لقيت الشجرة والفتيحاب والحلفاية تشرب من موية النيل وهسع موية ماعندهم...يقول ليهم اكثر من نصف سكان العاصمة يشتروا الموية بالبراميل...يقول ليهم الخزنة مافيها الحبة من الدولارات وورق الجنيه بقى اغلى من قيمتو...يقول ليهم مشاريعنا التنموية هى تدمير السكة الحديد ومشروع الجزيرة والطيران ووووووا...وحتى اخلاق الناس...العرور دا ماشى يقول شنو كدى فهمونا

[جركان فاضى]

#1328266 [حمزة الشيخ]
4.50/5 (4 صوت)

08-26-2015 12:00 PM
بعض المداخلات هنا تقول لماذا لا يقبضو على فلان و على علان , و لماذا فقط البشير !!

عدم تحويل مجلس الامن لملفات باقى المجرمين للمحكمة الجنائية الدولية لا يعنى بأن مجرم آخر لا يجب ان يُحاكم , هذا لا يعنى بأن نترك البشير فى حاله من دون محاسبة على جرائم الابادة الجماعية التى إرتكبها بأهلنا فى دارفور و غيرهم بالسودان , أى ان عدم محاكمة الآخرين لا تعنى تبرأته عن جرائمه و يجب ان لا تجعله يفلت من العقوبة ,

[حمزة الشيخ]

ردود على حمزة الشيخ
[السامري] 08-26-2015 01:14 PM
احسنت كلامك ميةالمية .. نحن مالنا ومال فلان .. هنالك قضية هناك ابادة يجب دعنا نفترض انهم عشرة الاف كما قالت الحكومة واعترفت بذلك دعنا نعتقد انهم مائة فقط اليست ارواح يجب ان يلاقي الشخص المتسبب لذلك عقابه الصارم.

الحكومة عينت مدعي لجرائم دارفور أين نتائج تحقيقاته حتى استقال من منصبه لم يقدم شخص واحد للعدالة؟؟

الان قبل اسبوع تم تعيين بديل عن المدعي ياسر لجرائم دارفور وسيكون سجم ورماد زي سابقه وسوف يلهف المزيد من القروش في رحلات مكوكية يستفيد منها بدل انتداب ونثرية فقط ..

ولكن خطأ الجنائية الوحيد هو ان الشخصين الذين كان يجب ان يتم القبض عليهما هما (الترابي وعلى عثمان محمد طه) فهؤلاء هم المجرمين حقا وهم السبب في خديعة البشير بل ان على عثمان حتى اخر انتخابات عندما اراد البشير ان يستقيل قام بالتأثير على الناخبين وخدع البشير مرة اخرى بأن يبقى في الحكم .

والان صاحبنا عمر البشير مطارد من مطار الى مطار وعلى عثمان يقضى اجازته على خليج البسفور والترابي يضحك سن سن ويتلوى كالثعبان.


#1328198 [QUICKLY]
5.00/5 (2 صوت)

08-26-2015 10:47 AM
سلم نفسك يالبشير عشان ترتاح من كوابس أوكابو البجيك كل يوم وأنت نايم
كتلوك ولا جوك جوك

[QUICKLY]

ردود على QUICKLY
[شمشرة] 08-26-2015 02:36 PM
أوكامبو والغسيل بألشامبو!


#1328170 [الامين ود الشايقى]
5.00/5 (4 صوت)

08-26-2015 10:31 AM
المشكلة انه سقف العقوبات فى المحكمة الجنائية الدولية هو السجن المؤبد يعنى اقصى حاجة يمكن ان ياكمو بيها المجرمين المؤبد , و مؤبدهم هو السجن لمدة عشرين سنة و بعدها يخرج السجين حراً طليقاً بعد العشرين سنة ..

شعب السودان لا يريد للمجرم الهارب ان يقبضو عليه و يسلموهو لاهاى , الشعب يريد محاكمة القتلة داخل السودان حتى ينالون الاعدام جزاء على إجرامهم بالمواطنين و بوطنهم .. لا نريد اقل من الاعدام ..
و بعدين يا عصابة الانقاذ تشتاقو ل أوكامبو و محكمته الرؤوفة بكم و تقولو ياريت لو سمعنا كلام أوكامبو ..

[الامين ود الشايقى]

ردود على الامين ود الشايقى
United States [Lila Farah] 08-26-2015 06:08 PM
أنا مامعاك في كلامك دا ياللامين اعدام السفاح فيهو راحه كبيره ليو وبعدين الناس
هاتنساهوا بعد شويه ..!!!!!

أفضل لينا يتقبض ويرحل الي لاهاي ويحاكموهوا والنشوف هايدافع عن نفسو هايقول
شنو وبعدين اللي يحكموا عليو بالمؤبد 20 والا 25 سنه .

طوال ال 25 سنه الهايقضيها في سجون لاهاى البارده سيلعنه الناس كل صباح وكل
مساء وسيعيش في محبسه ذليلا مهانا وسيسجل التاريخ انه اعتقل وحوكم وسجن في لاهاى حتي مات لأرتكابه جرايم يندى لها الجبين ضد شعبه وسيشعر المتضررين المباشرين من اجرامه بالثأر وغريمهم مرمي في سجون لاهاى حيث العدل والعداله
عند الكفار هناك .

طال الزمن ام قصر سيتم القبض علي السفاح اما بواسطه الجنائيه الدوليه ليقضي
ماتبقي لهم من عمر في سجون لاهاى او بواسطة عذرائيل ملك الموت يقبض روحه بأمر
خالق الأرواح وخالق كل شىء الحكم العدل المنتقم الجبار .


#1328161 [عبدالله احمد محمد]
0.00/5 (0 صوت)

08-26-2015 10:22 AM
وماذا عن براميل سوريا يا اوكامبو وهل لان سوريا جارة لاسرائيل تريدون من الاسد اضعاف الدولة السورية وهذا بالتاكيد فى صالح اسرائيل لذا تغطون الطرف عنه وما رايك فيما يحصل فى ليبيا والعراق منذ ان ضحيتم بصدام حسين خروفا يوم عيد الاضحى وهذا ايضا بتوقيته نكاية وتحثيرا للمسلمين .. لما تكيلون بمعيارين انصفوا بعدها سنسلمكم البشير او هو بنفسه عندما يرى انصافكم سيسلم نفسه من يموت هنا وهناك كلهم ارواح وللاسف ارواح مسلمة لذا فانكم ترون هنا ولا ترون هناك انصفوا لان قراننا يقول انصفوا هو اقرب الى التقوى ليس معنى ذلك اننا نؤيد البشير فيما يفعله وايضا لا نؤيد المتمردون فيما يفعلونه فليجلس طرفى النزاع للتسوية لان الاهل عانوا وعانوا كثيرا وليس لحاملى السلاح الاعتراض على الجلوس الى طاولة المفاوضات طالما ان البشير قد دعى الى ذلك لاختصار وللحد من معاناة الاهل فى المناطق الثلاثة اذا دعت الحكومة فلتستجب المعارضة لترى ما فى جعبة الحكومة والا فالخاسر هو الوطن والاهل فى مناطق الصراع واى حل ياتى من الخارج وخاصة من الاعداء لا فائدة منها لانهم يعملون وفق مصالحهم ليس الا ... ويمدون هذا وذاك بالمال والسلاح لاشعال نيران الحروب وهذه الاسلحة لا تعطى مجانا ولو اعطي وفق مصالحهم ايضا ... وكما قال كاسنجر فيما معناه نحن نعطى لناخذ ونحن مسلمون وقد بيني لنا الله ولن ترضى عنك اليهود ولا النصارى حتى تتبع ملتهم ... ويحذرنا الله ومن يتولهم فهو منهم والا سنكون كما ذكر رسولنا وان دخلوا جحر ضب لدخلتموه ... وفى رواية ولو فعل احدهم بامه فى قارعة الطريق لفعلتموه .. وعندنا مثل بالدارجى السودانى عدو دينك عدوك

[عبدالله احمد محمد]

ردود على عبدالله احمد محمد
[ابن الشذاذ الأفاق] 08-26-2015 12:09 PM
والله لو ما السلاح اللي رافعينه ناسك على رقاب السودانيين
كان زولك وانت زاتك سلموكم للعدالةعدييل
وهي عدالة ما لعب
يا زول قعاد شنو اللي انت دايروا مع ناسك وانت منهم طبعا
يا زول انتم ما تسلموا البلد زي ما اغتصبتوها بقوة السلاح والدبابة وبعدين تعالوا اتفاصحوا
الوطن خسران طبعا لأنكم ماسكينه وقاعدين على راسه ومانعين أي زول يتكلم كلمة حق، وبعدين دايرين المعارضة تركع ليكم
يا زول المعارضة الصح هي اللي وقفت ضدكم تماما
وهي اللي ما بتركع لطلباتكم
وبعدين خلي الدين في حاله
وضب شنو اللي انت بتعرفه وناسك كمان
يازول حكومتك جلابة بتسلم الأمريكان والأوربيين ما يريدون علشان كده قاعدين ومتربعين
يعني عمالة 100%
انت قايل نفسكم تعرفوا الاسلام صح
ياخي أخير ليك كب الزوغة بسلام

European Union [عمر الحاج حلفاوي] 08-26-2015 11:45 AM
اتفق معك فيما قلته -يجب ان يجلس السودانييون جميعا لحل مشاكل الوطن-لن يفيدنا الاعتماد علي اوكامبو أوخلافه- سنوات البشير قاربت الثلاثون والمعارضة تنتظر الفرج من اوكامبو وغيره وحال الشعب السوري درس لمن يعتمد علي حل مشاكله علي الخارج-نحن لا نكره الغرب والعكس نريد ان نكون مثلهم في احترام شعوبهم -كفانا لجوء -تشرد-هروب جماعي وهجرة دائمة وقطع نفق مائي مظلم لاكثر من خمسين كلم-السودان وطننا الجميل يذخر بخيرات كثيرة وتحت اقدامنا-لكن بسياساتنا جميعا -اصبحنا شعبا متسولا للاعانات.نعيش في معسكرات اللجوء والمحميات..

[ود الفكي] 08-26-2015 10:43 AM
ةما شأننا نحن بسورية أو العراق أو ليبيا نحن نطالب بالقصاص من قاتل الشعب السوداني ولتطالب شعوب هذه الدول بمثل ما نطالب به نحن


#1328154 [عمر عزالدين]
4.88/5 (4 صوت)

08-26-2015 10:16 AM
رد على من يسمى نفسه ibrahim و مصطفي عبدالحكيم ..

لماذا تغير إسمك الاستعارى (اكيد دة ما إسمك الحقيقى) عدة مرات فى مداخلاتك ؟؟
ibrahim و مصطفي عبدالحكيم هو شخص واحد يتخفى تحت هذه الاسماء الوهمية التى قد تكون أكثر من هؤلاء الإسمين .,

هل انت خائف من ردود الشرفاء على لقاويسك ال بتكتبها هنا ؟؟
إذا كنت مقتنع بهذه الزبالة التى تكتبها فلماذا الجُبن و الخوف ؟؟
أصلاً إنتو غير الجُبن و الخداع و التضليل ماعندكم شيئ .. دى حاجات متأصلة فيكم و من عاداتكم و قيمكم يا شوارعية .

هو واحد من إتنين يا إما انك أمنجى حقير مأمور ان تدافع عن المجرم الهارب البشير , يا إما إنك انسان نفعى إنتهازى مستفيد و تعمل فى هذا النظام المستبد الفاسد , وفى الحالتين برضو زبالة كباقى العفن فى العصابة الحاكمة التى تدافع عنها , لكن أيامكم اصبحت معدودة للقصاص منكم فرداً فرداً بعد ان تصل سفينتكم الغارقة للقاع لتنتظركم عيدان القذافى . و عندها أبقو رجال ما تهربو و تدسو زى الحريم كما فعلتو عندما دخل خليل ابراهيم بقواته إلى امدرمان فى عز النهار .

[عمر عزالدين]

#1328138 [مبارك]
5.00/5 (1 صوت)

08-26-2015 09:59 AM
هذه كلها فزلكة وفبركة ضحيتها الشعوب المغلوبة على امرها فاذا كان البشير مجرم حرب او ﻻ ما ذنب الشعب السودانى حتى يتم حصاره ويمنع عنه القمح والدقبق واﻻسبيرات حتى يتسبب فى قتله جماعيا هذه هى ايضا ابادة جماعية عندما تمنع امريكا استيراد اسبيرات الطائرات وتتساقط كالجراد أليست هذه ابادة جماعية ؟!!!

[مبارك]

ردود على مبارك
Russian Federation [منصور] 08-26-2015 10:28 AM
يا دجاجة كاك كاك البيسمعك يصيبو الحكاك


#1328091 [برعي]
5.00/5 (2 صوت)

08-26-2015 09:06 AM
بالله اتخيلوا اتلاقو البشير و اوكامبو في زقاق مضلم ... وبراهم ... منو البدق التاني ؟؟؟
انا اتخيل لي البشير بقوم جاري ....

[برعي]

ردود على برعي
United States [assd] 08-26-2015 09:02 PM
Hahahahahaaaaay


#1328063 [واعي الراعي]
5.00/5 (2 صوت)

08-26-2015 08:34 AM
بشةةةةةة ما بمشي امريكا لو قدمو لية مليون ضمان لانة جبان وعارف انة ما حيرجع تاني

[واعي الراعي]

#1328047 [ملاحظ]
0.00/5 (0 صوت)

08-26-2015 08:10 AM
OKAMBO/OBAMA/OLMERT/OMER

[ملاحظ]

#1328034 [مسلم]
5.00/5 (3 صوت)

08-26-2015 08:02 AM
ههههههه لاحول ولاقوة الا بالله كلما نسمع باسم اوكامبو نري الفئران والجداد الالكتروني يجقلب شوف التعليقات معظمها لكلاب الامن وكدايسها وجدادهم .... سبحان الله حالة زعر وخوف .. الملاحظ لعدد التعليقات تحتار هناك شي ما.. معقولة الخوفة وصلت للدرجة دي .. يلا يااوكامبو طيرت النوم من عيون بشه وجداده ( ماينووووووم ماينوووم .. موال لجيش الحركة الشعبية في العمليات هي ايضا مسببة عرق للبشير والجداد الضارب الكندشة ) طالما هناك عدالة سماوية سخرها الله في عبده اوكامبو الضعيف وفي غياب عدالة من ينسبون نفسهم للاسلام ويطاوعون الايات ويفصلونها قدر هواهم .. نقول لامجال للهروب من العقاب طال الزمن او قصر سوف يحاكم البشير ومن معه علي كل صغيرة وكبيرة سوف يحاكم كل من ارتكب جرما في حق المواطن طال الزمن او قصر سوف يحاسب البشير ومن معه علي جرائمه في دارفور وكردفان والنيل الازرق وبورتسودان والمناصير وسوف يذهب ملف شهداء سبتمبر لمحكمة العدل الدولية لامجال للهرب المحاكمة حاصلة حاصلة .. وسوف تعود كل اموال البترول المنهوبة باذن الله.

[مسلم]

#1328031 [observor]
5.00/5 (2 صوت)

08-26-2015 08:01 AM
بالسوداني الفصيح المثل يقول الضايق عضة الدبيب بخاف من جرة الحبل - الزول دا بعد الزره الإنزراها في جنوب افريقيا تاني الله أعلم إنو يفكر في السفر لأمريكا - والاخ بتاع انو الكيزان حيعملوا حرب عالميه ثالثه دا شخص موهوم.

[observor]

ردود على observor
[ابوالحوت] 08-26-2015 02:04 PM
سير سير يالبشير وعين الله ترعاك يا احسن رئيس عربي


#1328010 [جبل اللقمة]
5.00/5 (1 صوت)

08-26-2015 07:37 AM
أول حاجة البشير يكون مغفل لو سافر لأمريكا . تاني حاجة مقال المدعو اوكامبو مقال بائيس ويدل على سطحية عقل هذا الرجل. ثالثاً لو أعطت الولايات المتحدة تأشيرة دخول للبشير فهي ملزمة بحمايته حتى خروجه منها كما فعلت حكومة جنوب أفريقيا. أمريكا نفسها لم توقع على قرار تأسيس المحكمة الجنائية لأن في نيتها أن تفعل ما تشاء من إبادة وغيرها ضد الشعوب المقهورة . حقيقة بشه دا بلعب بأعصابكم ساكت . ما حا يمش لأمريكا وما أظن تجي حكومة بعده تسلموا لناس أوكامبو لأنو حا تكون عارفة تبعية أي تصرف من هذا القبيل.

[جبل اللقمة]

ردود على جبل اللقمة
[متداخل] 08-26-2015 02:28 PM
وأيه تبعية التصرف من هذا القبيل يا جدادة, حرب عالمية تالتة زى ما بتقولو!!


#1327977 [الحسن]
5.00/5 (1 صوت)

08-26-2015 06:31 AM
طيب يا عبد أمريكا رايك شنو في إبادة اليابانيين
أم أن المجرم لا بد يكون مسلم حتى تعاقبونه
بدل تقبض الجاك في أمريكا
أقبض بوش والبقية هنالك إن كنت تجرؤ

[الحسن]

ردود على الحسن
[الحسن] 08-26-2015 09:57 PM
ردودكم تدل على سخافة عقولكم، ولماذا لم يزل عنا هم الكيزان إلى الآن
فكل من خالف رأيكم فهو كوز إلخ!
أولا فرضنا أن البشير قبض ، هل ستزول هذه الحكومة هنا؟
ستنسون البشير كما نسينا الترابي، وهل كانت العلة هي إزالة البشير أو الترابي؟
أيضا الأمريكان قل اهتمامهم بالسودان أصلا
وليسوا بهذه الدرجة من الإنسانية حتى يهتموا بكم
ماذا فعل الأوربيون بعد فصل الجنوب، تركوهم يتقاتلون إلى الآن ولم يفعلوا لهم شيئا!!!!!
إذا المقصود من الحرب ضرب السودان , وتحقيق مصالح غربية تتغير بتغير الزمان والمكان

لو كانوا يريدون مصلحة هذه الشعوب، لحاربوا ميلوسفيتش أيام إجرامه، فهذا ما يهم البوسنيين لا مجرد القبض عليه
ولحاربوا الكيزان منذ أن جاءوا
ولكنهم مفيدون للأمريكان أمنيا واستخباراتيا

Russian Federation [منصور] 08-26-2015 08:12 AM
الحسن جدادة الكترونية، اهدي له هذا البيت:
يا دجاجة كاك كاك البيسمعك يصيبو الحكاك.

[الغاضبة] 08-26-2015 07:44 AM
لمعلوميتك يا الحسن معظم الزعماء الذين قبضت عليهم المحكمة ليسو مسلمين هل بوسكو نتاغاندا وسلوبودان ميلوسيفيتش ..

[ashshafokhallo] 08-26-2015 07:13 AM
ما اختلفنا يا بتاع امريكا دنا عزابها.

ايه رايك يقبضو اليابانيين والبشير وكل من ارتكب تلك الجرائم؟

ما عندك حياء


#1327972 [murtada eltom]
5.00/5 (1 صوت)

08-26-2015 06:21 AM
OKAMBO did his job perfect ,only security council should be brave enough to issue punishment declaration ,for any country accepting butcher Omer Al bashir at their land

[murtada eltom]

#1327962 [الغلبان]
5.00/5 (1 صوت)

08-26-2015 05:08 AM
هههههه هو البشير خلاص مشى ما اظن دي كمان جو ها نس بي رج

[الغلبان]

#1327960 [الله اكبر]
5.00/5 (1 صوت)

08-26-2015 05:04 AM
الرئيس سيذهب للصين يوم 1سبتمبر ويبقى هناك 3 أيام الله أكبرالله اكبر

[الله اكبر]

#1327957 [ودأبوريش]
5.00/5 (2 صوت)

08-26-2015 04:50 AM
طيب نحن نقول: لي أوكامبوا ومن يناصرونه في زعمه ، أين عدالتكم من الإبادة الجماعية في فلسطين؟ وعلى وجه الخصوص في غزة؟؟ قتل وحرمان وحصار وتجويع؟؟؟ وأين عدالتكم للشعب السوري الذي تبيده مؤامراتكم؟ وأين عدالتكم من ممايحصل للشعب العراقي الأبي من آثار الإرهاب الأمريكي ؟؟ وأذنابه الشيعة؟؟ بشهادة الرئيس الأمريكي الحالي أوباما، في آخر مؤتمر صحفي عقده، أفيقوا أيها الظلمة.

[ودأبوريش]

ردود على ودأبوريش
United States [murtada eltom] 08-26-2015 06:35 PM
YA Ahtat ,,we have nothing to do with gazaza or syria...they have their own fighters who are doing well so far ,,concentrate on your case of tyrant dictator ,killed a complete generation in 25 years of dirty rule

[ودأبوريش] 08-26-2015 10:31 AM
حبيبنا (سالم) (المسلم من سلم المسلمون من لسانه ويده) لاتعرفني ولاأعرفك ولكن هنامانكتبه بأيدينا سوف نحاسب عنه أمام العادل الذي لايظلم عنده أحد، فاليكن حوارنا هنا بالتعقل بدون ألفاظ جارحة ، فلو ترى أنت المقارنة ليست في محلها،أرجوك أن تتملك أعصابك وترد بموضوعية من خلال فهمك وأعقلك وأخلاقك، زادناالله وإياك نورا وبرهانا.

[Sebit] 08-26-2015 07:43 AM
Your president he kill his own people don't u guys have a higher court law in Sudan to prosecute anybody or that's not for the president

[ashshafokhallo] 08-26-2015 07:17 AM
أين عدالتكم من الإبادة الجماعية في فلسطين؟ وعلى وجه الخصوص في غزة؟؟
دا شغل الفلسطينيين. نحن علينا بالبشير

وأين عدالتكم للشعب السوري الذي تبيده مؤامراتكم؟

دا شغل السورييه. نحن علينا بالبشير

وأين عدالتكم من ممايحصل للشعب العراقي الأبي من آثار الإرهاب الأمريكي ؟؟
دا شغل العراقييم. نحن علينا بالبشير

[سالم] 08-26-2015 07:06 AM
المقارنة هنا صعبة يا حمار افندى انت بتقول اليهود ودى مسلم قتل شعبو المسلم يا بقل ربنا قالولا تقتلو النفس التى حرم قتلها الا بالحق اين الحق الذى اعطى للبشير عشان يبيد شعب دارفور وجبال النوبة والنيل الازرق يا وهم

[الله اكبر] 08-26-2015 07:02 AM
الرئيس سيذهب للصين يوم 1سبتمبر ويبقى هناك 3 أيام الله أكبرالله اكبر لحضور احتفالات الصين الانتصارعلى اليبان الذكرى 70


#1327920 [نمو]
0.00/5 (0 صوت)

08-26-2015 01:15 AM
ردود علي مصطفى عبدالحكيم قصدك
امريكا لو قبضت علي البشير تقوم
حرب عالميه ثانيه والامن السوداني
يمكن يسوي ارهاب بدون ترك دليل
طيب .وين كان الامن السوداني والطيارات
الاسرائليه تحلق في سماء الخرطوم وتضرب
مصنع اليرموك الم يقول وزير الاعلام
احمد بلال بنتحتفظ بحق الرد في المكان والزمان
المناسبين لا تبالغ في كلامك

[نمو]

#1327858 [ibrahim]
4.25/5 (6 صوت)

08-25-2015 10:13 PM
البشير ديكتاتور و أتى بإنقلاب و سياسته كلها خرمجة و ماعاجبنا لكن موضوع الجنائية و هذا الأوكامبو بقى ممجوج و عبط !!! يعنى البحصل و الحصل فى دارفور دا كله البشير غير مسؤول منه مسؤلية مباشرة , هذه حرب و تمرد مسلح . و هذا الاوكامبو ما شايف بوش و حكام إسرائيل و بشار و السيسى ؟ أنا لا أؤيد قتل الناس و تشريدهم فى دارفور أو أى منطقة فى السودان و الحركات المسلحة لها نصيب الاسد فى تشريد و قتل الناس . بس موضوع مطاردة البشير دا فيهو قلة أدب زائدة لأنو السودان فى مفهوم هذا الاوكامبو حيطة قصيرة لكن و الله و الله و الله طول البشير حى كان رئيس او حتى لو تنازل من الحكم او حتى أى واحد من المتمردين لا نرضى ان يحاكمهم نجوس و كفرة يحتقرون الشعوب المستضعفة.

عشان ما الناس تمشى بعيد و يقولوا مؤتمر و طنى او مع الحكومة . متغرب من السودان بعمر الإنقاذ و لا لى ناقة و لا جمل مع هؤلاء لكنه راى فقط .

[ibrahim]

ردود على ibrahim
European Union [مسلم] 08-26-2015 07:41 AM
ماشاء الله ياابو صالح كلام في الصميم .. لماذا نربط مستقبل بلد وشعب كامل برجل متهم وقاتل ولازال يوميا يقوم بقتل نفس وتجويع نفس وتشريد نفس لانذهب بعيدا لدارفور وكردفان كم الذين قتلهم عمر البشير في بيوت الاشباح وشهداء سبتمبر واهالي المناصير هذا الرجل قاتل ومجرم حرب بمعني الكلمة فاليذهب للجحيم ومن معهم .



(اخوي ابراهيم الرأس اصلح وخايف كمان المخ كالرأس .. اللهم افتح افتح بصيرتنا)

United States [abu saleh] 08-26-2015 02:50 AM
احس انك تنتمي الي تنظيم مفياوي ..سلاطة اللسان والشتم والتهديد والتخوين والتطاول علي الاخرين..احترم نفسم قبل ان تحترم الاخرين..
بعد ان وصلت الامة الاسلامية الى ادنى مستوياتها اي الى الحضيض في كل شئ واصبحت ضعيفة , مع بروز وظهور قوى عالمية لا تقهر بتقدمها وعلمها وصناعتها العسكرية واقتصادها القوي وما تتميز من حرية وديمقراطية واحترام الانسان ودينه وعقيدته ورايه , وجدنا بالمقابل تخوف اسلامي كبير واكثر من السابق وايام السيف والبعران والجمال والبغال والحمير , وبدا يخاف على نفسه من الزوال والانقراض ولهذا بدا ايضا يحارب العالم كله بشتى الطرق والوسائل ووجد في هذا الصراع بانه حياة او موت وفناء , وحالة من الهستيريا اصابته .
الذي نعرفه ونراه ونعيشه هو ان الا...م هو من يجد ويظن نفسه هو الأصح والأفضل ، وهو الذي يتعالى على الغير ويهين الغير ويقتل الغير ويغتصب وينهب الاخر ، ويبيع النساء سبايا في أسواق النخاس اليس هذا اذلال للإنسان ؟ وهذا لم نجده في الديانات الاخرى ، الحروب التي تسمونها الصلبية لم تكن دينية بل دفاع عن أنفسهم ،ينفرد بالتعصب والعنصرية وكره الاخر والحقد وعدم الانفتاح وقبول الغير والتعامل والتعايش معه لان الاسلام يقول عن نفسه,,
شعوب العالم الثالث المستهلكه التي لم تقدم للأنسانيه أي نفع سوى الكلام الفارغ يعني بياعين كلام; بينما شعوب الغرب لاتؤمن إلا بالعِلم،
هؤلاء الأميون يستغل النظام أميتهم ليوهمهم بأن مصيرهم متعلق بوجوده ، وأن هؤلاء الذين يطالبون بالتغيير ينفذون مخططات أجنبية يقف وراءها الغرب وعلى رأسه أميركا وإسرائيل و أوربا الغربية.









أصلع ويتباهى بِشَعر أبن الجيران!


#1327842 [محمد الفاتح]
5.00/5 (1 صوت)

08-25-2015 09:38 PM
بختكم أمريكا حتستلم البشير بس إنتوا تعالوا هببوا ناحية الخرطوم .

[محمد الفاتح]

#1327841 [مدثر عمر]
5.00/5 (6 صوت)

08-25-2015 09:36 PM
لا أظن ان بشبش سوف يخاطر بالذهاب لنيويورك بعد الزّرة الكبيرة التى مر بها فى جوهانسبيرغ بعد ان أصدر قاضى جنوب افريقى أمر تحفظ عليه ابعدم مغادرته جنوب أفريقيا (زرة خلت وزير الخارجية غردون يزرف شلالات من الدموع عندما وصل مطار الخرطوم ) و لكن بمساعدة الرئيس الجنوب افريقى جاكوب زوما تمكن من الهرب خارج جنوب افريقيا ..

و أكيد بكون فى قاضى امريكى بتاع حقوق انسان فى نيويورك يمكن ان يطالب بتوقيفه و عدم السماح له بمغادرة نيويورك ,
جنوب افريقيا اقرب كتير من نيويورك التى لا يمكن الهروب و الزوقان منها وصولاً للسودان ,

[مدثر عمر]

#1327838 [على]
5.00/5 (2 صوت)

08-25-2015 09:27 PM
وماذا عن الابادة الجماعية التى مارسها الطليان والاسبان فى بلادك يااوكامبو الم يبيدو السكان الاصليين والافارقة ولاتنسوا حلايب سودانية

[على]

#1327823 [nadus]
5.00/5 (1 صوت)

08-25-2015 08:38 PM
يا ناس روقو المنقة ... جهاز الامن فيهو الاف الضباط شغالين معلوماتيه .. ما تردوا على السخف دا .. اكتبواا رايكم بحرية .. بعدين دى العاب على الناس.. هو ماشى الصين وهم الهربوه من جنوب افريقيا بطيران حربى ... ومعلوم دور الصين فى مجلس الامن .. ضمانات مقابل تنازلات فى البلد ونحن ناكل ... طين

[nadus]

#1327774 [الصادق حسن الصادق]
0.00/5 (0 صوت)

08-25-2015 06:13 PM
المقال ترجمة الصادق حسن (سودانيز اونلاين دوت اورغ) !!!!!! وشكراً

[الصادق حسن الصادق]

#1327770 [محمد الفاتح]
4.50/5 (5 صوت)

08-25-2015 05:59 PM
وماذا عن الإبادات الجماعية والاسترقاق التي حصلت في السودان إبان الإستعمار ونهب الخيرات وتحويلها إلي المملكة التي لاتغيب عنهاالشمس فسبحان الله فبعدما شبعوا من الرقيق ونهب الثروات عاوزين يعلمونا الطريق المستقيم هؤلاء قتلة الأنبياء والرسل

[محمد الفاتح]

ردود على محمد الفاتح
[ود الحبر] 08-26-2015 12:40 PM
you are right Mr. Captain Silver. However we are waiting for previous actions from court regarding Genocide in Darfur


WD Al-Hiber

[سالم] 08-26-2015 07:09 AM
الابادات الحصلت فى السودان بواسطة المستعمر واعوانة الشماليين الشوايقة والجعليين وال الميرغنى ليكم يوم يا ززززززززززززز

[Captain Silver] 08-26-2015 04:13 AM
That is another issue,just report this to the court then justice will be done.

European Union [متداخل] 08-25-2015 08:25 PM
ياتو خيرات النهبوها يا كويز!! أها ديل مواطننكم هاربين منكم وبجازفوا بحياتهم علشان يصلوا ليهم.


#1327768 [ظفار]
4.00/5 (3 صوت)

08-25-2015 05:57 PM
ما هذه الهرجلة والوهم حرب عالمية ثالثة من الخرطوم

[ظفار]

#1327754 [متابع]
4.44/5 (5 صوت)

08-25-2015 05:20 PM
أوكامبو لسان حالو يقول ما نسيتك يا بشة وراك وراك والزمن طويل.

[متابع]

#1327732 [مصطفي عبدالحكيم]
3.44/5 (7 صوت)

08-25-2015 04:34 PM
أمريكا أصلاً دايرة البشير يزورها ويحضر المؤتمر والبشير حيسافر فعلا نيويورك ويرجع الخرطوم ومافي زول حيقدر يهبشه لأنو لو هبشوه هم عارفين النتيجة حتكون شنو.. يمين الله حتحصل حرب عالمية تالتة مركزها الخرطوم وتاني المعلومات الاستخباراتية اللي بنديها للأمريكان عن الجماعات الارهابية يشموها قدحة.. مافي جهاز أمن في أفريقيا دي كلها قوي ومفتح وشقي وبيلعب بالبيضة والحجر زي جهاز الامن والمخابرات السوداني.. وأمريكا عارفة الكلام ده كويس وعارفة تبعاتو كلها علي أمنها القومي وعارفة أن السودانيين قادرين يولعوها نار بدون ما يسيبو دليل وراءهم.. نحن طيبين وإيجابيين ونتخت في الجرح يبرأ لكن الحقارة ما بنقبلها ومستعدين نقلب الأرض سافلها عاليها ونوريكم الإرهاب الإنتو لسع ما شفتوهو ولا هوليوود قدرت تتخيله في أفلامها.. أوكامبو ده مفروض يحترم شيبة رأسو ويقفل خشمو ويشوف أكل عيشه في محاكم الارجنتين.. زمان أديناك بالجزمة وقلنا ليك قراراتك بلها وأشرب مويتها لمن تروي لأننا نحن ما بنخاف ولا عندنا كبير نخاف منو.. أوكامبو فشل لما كان في لاهي وبنت سودة الجات بعده برضو فشلت ومافي ضكر ولا مرة ولا جني ولا عفريت بيقدر علي البشير طالما نحن فينا نفس.. حتي لو البشير طلع من القصر الجمهوري في 2020 برضو نحن ضهرو وحمايتو لأنو ده أخونا وأبونا وعمنا ونحن ما بنبيع أهلنا.. وزمان قال ليكم وقلنا ليكم كديسة ما بنديها ليكم وكدي ورونا رجالتكم حدها وين.

قال بيطالب أوباما يدي البشير تأشيرة ويخليهو يجي وبعد داك يعتقلو..(!!)

لو دي خطتك فده أكبر دليل أنك محامي فاشل.. ياخي شوف ليك قضية نفقة إترافع فيها لأي إمرأة أرجنتينية أحسن ليك وأكرم ليك من البهدلة دي.

[مصطفي عبدالحكيم]

ردود على مصطفي عبدالحكيم
[السامري] 08-26-2015 08:18 AM
كدي خلينا من كلامك دا، المقال دي يعبر عن رأي اوكامبوا بصفته المدعي السابق في المحكمة الجنائية الدولية .. واوكامبوا دا ما جاء السودان والجماعة احتفلوا بيهوا وطالعين نازلين معاهو..

انت رأيك شنو؟ في الابادة والقتل الذي حدث في دارفور اياً كان القاتل الا تعتقد ان ذلك من مسئولية الحكومة؟؟

انتوا تفرطوا في ارواح الناس وعايز كمان الناس يفلتوا من العقاب ؟

طالما وافقتوا على قوات اممية لحراسة الناس في دارفور معناه معترفين بأن الوضع سئ وانكم لم تستطيعوا حراسة الناس وحماية الفضيلة وتأمين الناس من القتل؟؟

[QUICKLY] 08-26-2015 07:15 AM
واضح أنك أرزقي مرتزق وطرف الصوت لحقك
بشيرك دا مقبوض مبقوض طال الزمن او قصر

European Union [برجل] 08-25-2015 09:43 PM
انتا مصطفى عثمان ولا انا غلطان

[ابن الشذاذ الأفاق] 08-25-2015 08:04 PM
إذا كان زولك وبشتك يقدر يرجع ويمشى ويجي يا مصطفى عبدالحكيم مالك زعلان من أوكامبو قدر ده
ياخي كلها لعبة أمريكية وانت عارف وانتم زاتكم لعبة قذرة، وين هتمشوا من الله يوم العرض العظيم
يوم لا ينفع مال ولا بنون
يوم لا يقال إلا الحق وتشهد ألسنتكم وأرجلكم عليكم
بعدين قولوا للحق المبين أنكم كنتم تستهزأون
الله المنتقم
وبعدين الحرب العالمية التالتة دي عديل هتقوم على زولك إن شاء الله، ما علشان قبضوا عليه، هو لو راجل صحي ماله ما قعد في جنوب أفريقيا
رفعوا ليهو الورقة الحمراء نصف كرت وفر صاحبنا
هم ما دايرين يقبضوا عليهو وهو عارف، بس برضك خاف وكب الزوغة
وقال ممكن يغيروا رايهم
ياخي بلاش خداع
حتى صاحبك لو راح أمريكا تكون ملعوبةةةةة جدا وبحرفية
وهم لو دايرينوا هسي بيجيبوه ولو ورا... كمل انت

[قلبي علي وطني] 08-25-2015 06:20 PM
وانت مالك محموق كده اوعك تكون غندور وسايب الخارجيه والسفراء ومشاكلهم ومصنقر في الراكوبه ...... واحب اضيف تعقيباً علي تعليقك بان المصرريين ومبارك كانوا برضو بقولو كده لقايت ما كعععععع

European Union [مرتضى] 08-25-2015 05:29 PM
ممتاز يا مصطفى عبد الحكيم وفى المرافعة البائسة دى متوقع ناس الامن يدوك كم؟؟قال حتحصل حرب عالمية تالتة مركزها الخرطوم يا زول ما بتخجل على سخفك ده!!

[سوداني بس] 08-25-2015 05:26 PM
غايتو كلامك دة واحد من 2 :- إما أنت تكون ( حميدتي تاجر الحمير ) /// أو تكون ( ضارب سيجارة شديدة ) زي صاحبكم ربيع عبد العاطي !!!!!!! . لو أعرف بس الصنف دة بتجيبوه من وين ؟؟؟

يا واد يا أهبل يا أبله يا عبيط : رئيسك الرقّاص قال ( ما حايسلم كديسة ) ههههههه - طيب بتعرف ( كارلوس ) ؟؟؟ السلموا منو ؟ أمك !!!! ولا الرقّاص ؟؟

أمشي ياواد شوف ليك دلوكة مع ( خالكم وخال الرقّاص ) الطيب مصطفي دلوكة ( بتاع حلة كوكو )- وأرقص وقلّب ....... زي عمك وخالك ( دي ياها الفالحين فيها ) وخليك من العبط والهبل بتاع وزير الدفاع بالنظر والطيارة طافية النور !!!!! لا أجي أديك كف في وشك - زبنطح ,,, رجالة قال ؟ بالسواطير ولا بالنظر ؟؟؟؟؟ بس بعدين ما تشردوا وتقوموا جارين (( زي زولكم الزماااااان الجري مشي الحبشة )) ههههههههههه

تفوووووووووووو

أعوذ بالله .

[alwatani] 08-25-2015 05:19 PM
prapho


#1327706 [محروق]
2.63/5 (4 صوت)

08-25-2015 04:07 PM
ولماذا لم يتم اصدار مذكرة توقيف بحق بشار الاسد ام الاباده الجماعية قاصره على الافارقه فقط

[محروق]

ردود على محروق
United States [Ismail] 08-25-2015 09:06 PM
هنالك تحريات جارية علي قدم وساق ضد بشار وايضا هنالك دعم هائل مادي وعسكري واعلامي مباشر للمعارضة السورية المعتدلة ووالله لولا الداعش لاصبح بشار مثل القذافي...نحن في السودان نحتاج لدعم دولي عسكري ومادي وسنقبض عمر البشر بعز الظهر ونحكمه في شارع عام وطظ في الجنائية


#1327699 [أبومحمد الأصلي]
4.85/5 (11 صوت)

08-25-2015 03:56 PM
وجع وجع أوكامبو رجع . ههههههههههههههههه شيل شيلتك يا بشه .

[أبومحمد الأصلي]

#1327687 [همام]
4.50/5 (11 صوت)

08-25-2015 03:42 PM
أوكامبو نفسه مصدق إن الولايات المتحدة تريد إلقاء القبض على البشير؟ لن يكون ذلك إلا في حالة أن الولايات المتحدة قد جهَّزت خليفة البشير وستدعم انقلاباً آخر للقضاء على البشير ثم يجد السودانيون أنفسهم بمواجهة 25 سنة أخرى من الفساد والمشقة والعنت! الله المستعان! لكن الأمريكان لن يجدوا أطوع لهم من البشير وأشد فساداً وسذاجة منه! ياخي شفتو واحد عاقل يأمر بقتل المتظاهرين ثم ياتي أمام الناس ليقول "نحن مستهدفون لأننا نسير في درب الرسل؟"

[همام]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة