الأخبار
أخبار إقليمية
السفير حاج ماجد سو يدعو المغتربين للاستفادة من فرص الاستثمار
السفير حاج ماجد سو يدعو المغتربين للاستفادة من فرص الاستثمار
السفير حاج ماجد سو يدعو المغتربين للاستفادة من فرص الاستثمار


فى مجال الصناعات الصغيرة
08-25-2015 11:50 PM
الخرطوم (سونا) - دعا السفير حاج ماجد سوار الامين العام لجهاز تنظيم شئون السودانيين بالخارج المغتربين للاستفادة من الفرص المتاحة للدخول فى الصناعات الصغيرة ذات الجدوى الاقتصادية واقامة مشروع حاضنات متكامل ،وامكانية انشاء جهاز باحثين لإحداث فرص استثمارية جديدة واعداد دراسات للسوق لتحديد الفجوة وتحديد نوع التكنولوجيا بجانب انشاء صندوق يُعنى بالصناعات الصغيرة ،مشيرا الى المساهمة الكبيرة التى يقدمها بنك المغترب ،ومطالباً بإعفاء المعدات المهنية للعائدين نهائياً .
جاء ذلك فى الورقة التى قدمها حول (الصناعات الصغيرة الامل فى الاستقرار والعودة ) فى ورشة العمل التى نظمها جهاز المغتربين ووزارة الصناعة اليوم بالجهاز حول الصناعات الحرفية والصغيرة ودورها فى ترشيد وتطوير مدخرات السودانيين بالخارج.
وقال سوار إن الصناعات الصغيرة وطرحها للمغتربين يسهم فى تحقيق الاهداف الاجتماعية والاقتصادية ويدفع باقتصاد الهجرة وبالتالى الاقتصاد الكلى ،مشيرا الى العديد من الدول التى بدأت نهضتها بالصناعات الصغيرة والمتوسطة كالهند وكوريا بإنشاء بنك للصناعات الصغيرة ومدن صناعية لزيادة الصادرات .
وتناول عناصر القوى المتاحة لدعم هذه الصناعات واهمها وجود مدخرات معقولة لدى كثير من السودانيين بالخارج فى بعض المصارف ووجود جمعيات حرفية فى الخارج وهى نشطة ،والتقنية فى الاستثمار وتطوير المدخرات ،ووجود نماذج للتمويل معقولة ولها تجارب مثل بنك فيصل ،والنيلين ،والبنك الصناعي فى تمويل الحرفيين مع وجود خبرات وكفاءات فى هذا المجال ،واضاف من مكتسبات الهجرة نقل المعرفة والخبرة .
واستعرض العوامل والصعوبات التى تواجههم منها عامل الثقة والذى يحتاج لجهود كبيرة لتعزيزها وتطويرها ومشاكل متعلقة ببيئة الاستثمار يمكن تجاوزها بتطوير الصناعات عبر دراسات الجدوى الفنية والاقتصادية ،بجانب عدم القدرة على منافسة المنتجات ،وافتقار الخبرة بالنسبة للعديد من المغتربين .
واوضح انهم على استعداد لتوفير الدعم الفنى والتسويق مع وجود مؤسسات التمويل التي تقدم الدعم المالى بشروط ميسرة لتتكامل العملية الصناعية .


تعليقات 60 | إهداء 0 | زيارات 4257

التعليقات
#1328776 [karlos]
0.00/5 (0 صوت)

08-27-2015 07:17 AM
سندس تااااااااااانى

[karlos]

#1328706 [سوداني حر]
3.00/5 (2 صوت)

08-27-2015 01:14 AM
اكتر شخص فاضي شغلة هو انته ياسوار



عدد الاموال المتحلصلة من المغتربين في النصف الاول من 2015 كم وتفاصيلها شنو ؟

الجوازات - كم مليون جنيه او دولار ؟
الشهادات والتصديقات - كم مليون جنيه او دولار ؟
ضرائب وخدمات - - كم مليون جنيه او دولار ؟
رسوم اخري وتفاصيلها - كم مليون جنيه او دولار ؟
المجموع الكلي - - كم مليون جنيه او دولار ؟
اطرح لينا منها
رواتب موظفي جهازك- كم ؟

وورينا الباقي بمشي وين والدولة بتعمل بيه شنو ؟


عشان نسالك السؤال التالي قروش الجن دي بتمشي ويييييين ؟؟؟؟
وبترجع للمغترب في شكل شنو بعد يفني زهرة شبابه في دعم البلد ؟؟؟

الرجاء من المغتربين اي واحد يلاقي سوار يمعطوا بلاسئلة السابقة دي ويجي يكتبها لينا هنا في الراكوبة وبالمرة سوار ذاتو يختفي من الانظار والفهلوة

[سوداني حر]

#1328609 [nagatabuzaid]
5.00/5 (1 صوت)

08-26-2015 08:05 PM
يأااااااك يسمك فى المشمش

[nagatabuzaid]

#1328608 [الوجيع]
0.00/5 (0 صوت)

08-26-2015 08:03 PM
1) لحاج ماجد:نقول ( لسان الفتى نصف ونصف فؤاده ..... فلم يبق الا صورة اللحم والدم) (2) للمجرب نقول (لايلدغ المؤمن من جحر مرتين) (3)و لمن لم يجرب نقول : (السعيد من اتعظ بغيره)

[الوجيع]

#1328569 [الدبابي]
0.00/5 (0 صوت)

08-26-2015 06:46 PM
18 please

[الدبابي]

#1328528 [عبيد الله]
0.00/5 (0 صوت)

08-26-2015 04:48 PM
ياسوار أسال عن الحرامية الجو السفارة في جدة زمان سنة 1995 م وباعو لينا اكشاك سوق شعبي الحصيحيصا ثمن الكشك خمسة الف ريال سعودي . وبعدين عوضونا 975 الف جنيه سوداني عن كل كشك يعني التعويض اقل من مليون وين باقي قروشنا حداشر مليون ونص عن كل كشك راحت ساكت شمار في مرقة والله العظيم ده حصل . وعدد الاكشاك التي بيعت 2200 كشك ( 2200في 11500.000 كم يساوي الان .

[عبيد الله]

#1328489 [عاصم بركات]
1.00/5 (1 صوت)

08-26-2015 04:04 PM
زي الحربوية كل يوم طالع بلونية جديدة حكومة ليها 26 سنة شغالين نصب واحتيال اخرها دمار وفساد مالي واداري واخلاقي ولسة عشمانين اختشو علي نفسكم يقع فيكم بعد كدا الا واحدا غشيم.

[عاصم بركات]

#1328452 [former Sudanese]
3.00/5 (2 صوت)

08-26-2015 03:31 PM
من هو العبيط الذي سوف يصدق كلامكم ؟
لقد سرقتوا اموال الشعب والان تريدون ان تسرقوا اموال
المغتربين؟ الويل والويل لكم يوم الحساب،لقد اصبت بالدهشة
كنت في السودان وذهبت مع صديق لي الي جهاز المغتربين
لقد قاموا بامتصاص دمه،واضطر لبيع ثلاجه في المنزل
لدفع الضرائب،والحمد لله ان لدي جواز اجنبي ،عندما اريد
زياره السودان اخذ تاشيره للدخول واكون تحت حمايه
السفاره البريطانية!!!،و يا حاج سوار لدي منزل ب 500.000 $
وعندما ابيعه سوف اشترى منزل في بحر دار في اثيوبيا!!!!

[former Sudanese]

#1328406 [الحق ابلج]
5.00/5 (2 صوت)

08-26-2015 02:33 PM
يا مغتربين انتو ما محتاجين نصيحه . استثمرو فى تعليم اولادكم وانسو كلام هذا الدباب التافه . والحافظ الله .
قال السفير حاج ماجد سوار . والله هانت .

[الحق ابلج]

#1328393 [RABSO]
3.00/5 (2 صوت)

08-26-2015 02:14 PM
والله العظيم ما تشوفو من المغتربين الهواء ، أنتو عملتو شنو للمغترب عشان يسمع كلامكم .. كلامكم ده لو واحد مسطول ولا سكران تش ما بسمعو ليكم عشان خايف السطله ةلا السكره تروح ........
جهاز المغتربين من السفير سوار لقايت حارس البوابه عصابة سطو ممنهج للمغتربين ...
روحووووو في 60 داهيه ولا أقول ليكم 60 دهيه شويه عليكم ..... روحو في 60000 داهيه ..... وربنا يفجر ليكم جهاز المغتربين وما يخلي فيه حيطه واقفه ويطلعوا كل موظفينه من تحت التراب وياخدو شمة هواء خمسه دقائق وربنا يأخدهم بعدها ...

[RABSO]

#1328391 [الحق ابلج]
2.00/5 (2 صوت)

08-26-2015 02:14 PM
يا مغتربين انتو ما محتاجين نصيحه . استثمرو فى تعليم اولادكم وانسو كلام هذا الدباب التافه .
قال السفير حاج ماجد سوار . والله هانت .

[الحق ابلج]

#1328389 [القدال]
1.00/5 (1 صوت)

08-26-2015 02:11 PM
والله يا جماعة الخير تحولت لي خمسة الف ريال سعودي بتاريخ 15/08/2015 عن طريق الويست اند يونين عفراء اتخيلو سلموني ليها كم والله استلمتها ثمانية الف وثلاثة واربعين جنية وهي ما تعادل اثني عشرة الف وخمسمائة جنيه يعني الفرق اربعة الف وخمسمائة جنيه بالله شوف الخسارة

[القدال]

ردود على القدال
[جركان فاضى] 08-26-2015 05:10 PM
المشكلة فى الزول الارسل ليك المبلغ...لايفهم شئ...هل كل المغتربين يتصرفون زى زولك العوير دا؟ لا ثم لا


#1328371 [alwatani]
0.00/5 (0 صوت)

08-26-2015 01:50 PM
i am engineer internail sudan unable to do anything i wasted all my money but calculated nothing

[alwatani]

#1328347 [MICOM-127]
4.25/5 (3 صوت)

08-26-2015 01:26 PM
عن اي استثمار تتحدث يا هذا ؟ وين مشروع سندس الزراعي وبتاع المشروع الحرامي ؟ قوم لف بلا استثمار وحرمنة معاك .. قروشنا دي تشموها قدحة يا قدحة انت

[MICOM-127]

#1328326 [عمر الحاج حلفاوي]
0.00/5 (0 صوت)

08-26-2015 01:05 PM
حاج ماجد سوار اسم غريب ويمكن جديد في السودان-كنت احسبه من صقور الانقاذ-متهور ومستبد-لكن للحق اجده رجلا مجتهدا مثابرا يحاول ان يصلح من حال شئؤن المغتربين-يريد ان يتقرب للمشكلة ويحلها -ادعو له بالتوفيق.

[عمر الحاج حلفاوي]

ردود على عمر الحاج حلفاوي
[الشفت] 08-26-2015 10:02 PM
طيب مبروك عليك أمشى استثمر قريشاتك عندو, ما هو في نوعية لازم الكيزان الحرامية يقدروا يبيعوا ليها الترماج.

[AbuAreej] 08-26-2015 03:51 PM
المشكلة يا اخي المغتربين فقدوا الثقة في الحكومة كان سوار وكان غيره لذلك سيصبون جام غضبهم على اي واحد يتولى امر الجهاز ..

اعتقد صعب عليه يرجع الثقة المفقودة مهما اجتهد وفعل ..


تحياتي


#1328307 [جركان فاضى]
0.00/5 (0 صوت)

08-26-2015 12:46 PM
الناس ديل افلسوا افلاسا ما بعده افلاس...الاستثمار يحتاج الى مناخ مناسب...مناخ الاستثمار فى السودان سيئ لابعد الحدود...اول ظواهر المناخ توفر العملة الصعبة كالدولار...ثانيا استقرار سعر الصرف...ثالثا توفر الخدمات(تخيل مستثمر ساكن فى الازهرى ويشرب من موية بسمكها ودغلوبا)...توفر الطاقة كالكهرباء والوقود...توفر الطرق السليمة غير المحفرة...وجود دخل متوسط للمواطن مناسب(المطاعم تنادى فى الناس للكسرة بالموية)

[جركان فاضى]

#1328264 [مواطن سوداني]
4.38/5 (6 صوت)

08-26-2015 11:57 AM
يا وزير المغتربين لو كنت صادق وحادب على مصلحة الوطن والمغتربين اعمل للمغتربين من يحول كذا الف دولار بسعر البنك الرسمي يمنح مثلا سيارة موديل كذا بدون جمارك ومثله في مواد البناء والاغراض المنزليه واي اشياء يطلبها المغتربون واهم شي المصداقيه في التعامل

[مواطن سوداني]

#1328253 [احمد عبدالرحمن]
4.88/5 (6 صوت)

08-26-2015 11:44 AM
الاخوةالمغتربين وانا منهم اديكم نصيحة غالية تنفعو بيها نفسكم واهلكم ووطنكم احسن ليكم تسثتمرو قروشكم في بلاد الغربة في السعودية ودول الخليج الاخري وامريكاواوروبا شوفو اخواناالشوام بعملوا كيف بنمو قروشهم في غربتهم ا فرصتكم في النجاح اكبر في بلاد الغربة وفي نفس الوقت لمن استثماراتكم تنمو في الخارج تكونو خدمتوا اهلكم الغلابة في السودان ووطنكم بعيدا عن السياسيين

[احمد عبدالرحمن]

ردود على احمد عبدالرحمن
[جركان فاضى] 08-26-2015 12:34 PM
مثلا تشترى ليك عقار بقيمة 100 الف دولار فى البحرين وتاخد اقامة دائمة لك ولاسرتك ...البلد اتصلح تبيع عقارك وترجع...الصادق المهدى فى دهنستو ..خليك فى بحرينك


#1328247 [لفافات الصبر]
4.50/5 (2 صوت)

08-26-2015 11:38 AM
يا راجل استثمار شنو بلد ما فيها مكتب محترف لعمل دراسة جدوى لمشروع دى بلد والموجود عبارة عن ناس ما محترفين ودراساتهم تخجل

[لفافات الصبر]

ردود على لفافات الصبر
[جركان فاضى] 08-26-2015 12:37 PM
طيب قول فيها مكاتب دراسة جدوى...كيف تحصل على المواد الخام وهى مستوردة بالدولار؟...اكثر من 300 مصنع متوقفة عن الانتاج بسبب الفشل فى الحصول على الدولار لشراء مدخلات الانتاج


#1328242 [hmt]
5.00/5 (1 صوت)

08-26-2015 11:28 AM
.

[hmt]

#1328229 [زول خارج بلدي]
4.50/5 (4 صوت)

08-26-2015 11:19 AM
مشروع حاضنات متكامل مين واللا امكانية انشاء جهاز باحثين – انتو لسع مع أنشأتوا الجهاز – كلامك دا بنسمعوا من زمن ما حفروا البحر وما شفنا واحد منهم (حاجاتكم البتقولوها دي) واقف على رجلو واللا ماشي في شارع.
حاضنة قال، يا أخي ضرع البقرة الحلوب نشف تب، وما فضلت فيه نفاخة نار . أول ما جينا البلدي دى بدأنا نقارن قوة حنيهنا مع عملات بلاد أخرى. عملتنا ماشاء الله عليها، من شدة شفقة ناس صديق ورفيق على الجنيه حقنا الناس دي بطلت أو تسال عن القيمة التي أل اليها المرحوم جنيهنا الذي يطلق عيها ناس أبو يمن جني سوداني. فعلا أصبح بفعل فاعل جنيا وماردا.
اثناء فترة تصحيح الأوضاع الاخيرة، تكرمت دولة بنقلاديش بتأجير عدة مكاتب لمساعدة رعايها وجاليتها المخالفة للنظام واستقدمت مجموعة من الموظلفين من دولتهم لتسهيل أمورهم في إستخراج الوثائق اللازمة لعودتهم أعزاء ومكرمين. فقلت عسى ناسنا الله يهديهم ويحذو حذو البنقال، ويؤجرو مكاتب ويشغلوا من جيش عطالتنا العرمرم في استخرج الرقم الوطني والجواز الالكتروني، بدل التدس والازدحام الرهيب في السفارة أو القنصلية.
ذهبت بنت أختي مع عيالها لقضاء اجازتها في السودان, فاضطرت الى استخراج الجواز لنفسها وعيالها، وأرتكب من قاموا باستخراج جواز واحدة من بناتها خطا لا يُغتفر في معلومات جوازها، فتخلفت في السودان ريثما يتم تصحيح الخطأ المميت والمقيت وتلحق بباقي ألاسرة. فماذنب هذه المسكينة كي تتحمل عواقب خطأ من يتفترض فيهم عدم ارتكاب مثل هذا الخطأ الفادح ، بل يجب أن تتم مراجعة البيانات المدخلة قبل تسليم الجوازات لاصحابها، وماذنبها لكي ترى نفسها فجاة بعيدة عن أمها وشقيقها وشقيتها الذين لم تتعود على فراقهم لحظة واحدة ولم تفهم سبب ما حدث وأدى الى عدم إصطحابها لباقي افراد أسرتها. مضى أكثر من أسبوعين والمسكينة لم تسكت دقيقة عن البكاء ولم تعرف الذنب الذي جنته ولم تدر ما يجري لها. أرحموا قلبها وحالها يا جماعة، هذه واحدة من الكثير من المنغصات والمهازل التي يتعرض من يحلم في قضاء اجازته عندكم.
فعلى أي أساس تدعون معشر المغتربين الغلابا للدخول في مشاريع لا وجود لها في أرض الواقع؟ وإن وجدت، يكون مصيرها الخسارة المؤلمة وضياع تعب وعرق السنين سدى..

[زول خارج بلدي]

#1328224 [عبد الحي]
4.69/5 (7 صوت)

08-26-2015 11:08 AM
اقتباس:
((دولار , ريال تشموا قدحة يا تجار الدين !! أتمنى إنو حال البلد يقيف زت !! مايكون في أى إشراقات في أى مجال ,,, وأتمنى إنو المريخ والهلال يطيروا !!! أصلو شيء يفرح المواطن ده ما حبابو !!! لازم كلنا ندفع ضريبة الوعي وإزالة غشاوة الرؤية من تجار الدين ومن لف لفهم !!!!
دولار مافي ,,,,,, ريال مافي ,,,,, خدار مافي ,,,, كهربا مافي ,,,, موية مافي ,,
بس عساكر ,, وحسن اسماعيل ))

[عبد الحي]

#1328219 [الصادق جبارة]
5.00/5 (1 صوت)

08-26-2015 11:02 AM
والله يا سوار حيرتنا كل يومين طالع بي نغمة جديدة مشكلتكم مافي ضمان يا خوي المغتربين اغلبهم زي ما قال عوض شكسبير(باركنق ساكت يوقف قلبهم) يادوبك اكل وشراب وتعليم العيال دا لو ربنا فاتح علي الواد. وحتي العندو مافي فارة بيقع في يدكم كفاية مشروع سندس والا نسيتوهو خلاص.

[الصادق جبارة]

#1328190 [Kudu]
4.75/5 (5 صوت)

08-26-2015 10:39 AM
ثلاثين سنة غربة وجاي تقول لي صناعات صغيرة يا ...!!!!

[Kudu]

#1328189 [كرم]
5.00/5 (2 صوت)

08-26-2015 10:39 AM
سؤال ياجماعة .. الراجل ده شغال شنوابالظبط كده ؟؟ كل يوم طالع بإقتراح ومافي زول شغال بيهو .

[كرم]

#1328181 [ابوهبه]
5.00/5 (1 صوت)

08-26-2015 10:35 AM
كنت اشرب في مويه ولما قريت تعليق سند !!!! دشرت المويه من الضحك !!

لكن سؤال يا جماعه ! هل في مغتربين عبطا للان يصدقو كلام الزول
أبو غره دا

[ابوهبه]

#1328180 [محمد الفاتح]
5.00/5 (1 صوت)

08-26-2015 10:35 AM
ده إنتوا أرسلتوا خبراءكم المجرمين علموا الخليجيين كيفية سرقة الأجانب
ويعني مابقي عندنا شئ للسرقة أباطنة والنجم

[محمد الفاتح]

#1328177 [منصور]
3.00/5 (2 صوت)

08-26-2015 10:33 AM
يا هو ياهو 1!!!

[منصور]

#1328159 [الولايات المتحدة السودانية]
3.88/5 (7 صوت)

08-26-2015 10:19 AM
دولار , ريال تشموا قدحة يا تجار الدين !! أتمنى إنو حال البلد يقيف زت !! مايكون في أى إشراقات في أى مجال ,,, وأتمنى إنو المريخ والهلال يطيروا !!! أصلو شيء يفرح المواطن ده ما حبابو !!! لازم كلنا ندفع ضريبة الوعي وإزالة غشاوة الرؤية من تجار الدين ومن لف لفهم !!!!
دولار مافي ,,,,,, ريال مافي ,,,,, خدار مافي ,,,, كهربا مافي ,,,, موية مافي ,,
بس عساكر ,,,وسراق الحمير ,, وتجار دين ,, وتجار معارضة , , وفكى دجال ,, وبلة الغايب ,,, وشيخ الجكس ,,,, وفنانات مايدوغرى ,,, وأولاد ميكى ,,, ومخدرات ,,, وحسن اسماعيل

[الولايات المتحدة السودانية]

ردود على الولايات المتحدة السودانية
European Union [الخرطوم ملتقى النيلين] 08-26-2015 03:42 PM
ما فصرت تل با [الولايات المتحدة السودانية.
في ستين ألف داهية نادي المريخ والهلال وبقية
كل الأندية السودانية .

[Floors] 08-26-2015 11:09 AM
مشكورة يا أمريكا أنا نفس رأيك برافو عليك بلا هلال مريخ بلا بطيخ بلد منكوبة مليانة لصوص تقول لي كورة !! عملتو شنو في الكورة هل أحرزتم كاس ليها شنة ورنة مثلا لكها بطولات كرتونية سيكافا غير المعترف بها !! شوفو ليكم شغلة تانية !!!!!!!!!!!!


#1328131 [الفاروق]
5.00/5 (1 صوت)

08-26-2015 09:46 AM
دي قوة عين وعدم احساس . هل الغش والكذب صار لهذه الدرجة

[الفاروق]

#1328118 [خليوت بعانخى]
2.75/5 (3 صوت)

08-26-2015 09:34 AM
ياماجد سوار انت خلى جهدك كله فى تسهيل الخروج من البلد الورطة اذا خرج اى واحد ولقى عمل بخارج البلد سوف يرسل بضع دولارات اذا لم يكن لاهله فلاصحابه وكده تكون الحكومة لقت دولارات تشتري بيها دولارات لتمويل شراء القمح البايظ وتجى للجماهير المستغفلة وتقول دعمنا القمح بثلاث مليارات من الدولارت فى سنة واحدة وليست عدة سنوات (رأصنى يا قدع )

[خليوت بعانخى]

#1328117 [الطاهر]
3.88/5 (6 صوت)

08-26-2015 09:33 AM
سلام
يا حاجد ماجد انت قصدك (الكجامات) الصغيرة مش الصناعات الصغيرة
والله عاد تلقاها عند الغافل
قال ايه قال الاستفادة من الفرص المتاحة يا سلام هههههههههههههه يا حلات دقدق.

[الطاهر]

#1328105 [jafar]
3.00/5 (2 صوت)

08-26-2015 09:18 AM
لا يا سوار الذهب المغترب ليس مغفلا كما تظنون ولم يلعق مرارات سنين الغربة عشان انت تشيلها جاهزة مكرتنة .. يبدو ان المغترب هو الورقة الأخيرة لديكم لسرقة مدخراتها وانعاش الجثة الهامدة اقتصادكم الذى دفن مع فصل الجنوب .. شوف غيرها يا سوار السجم كان غيرك أشطر

[jafar]

#1328099 [ALMAHI]
4.50/5 (2 صوت)

08-26-2015 09:14 AM
ببساطه عندما يتركون المغترب يدخل شاشة تلفاز لا بنائه فى السودان فى كل 5 او حتى 10 سنوات او بتغاز او ثلاجه حتى لو قديمه دون جمرك ساعتها نصدق استثمار او حتى اعفاءات .

[ALMAHI]

ردود على ALMAHI
[ٍSalah AL Deen P] 08-26-2015 11:18 AM
يا اخ الماحي الجمارك ضرورية بس لازم تكون معقولة بنسبة 50 او 60% .. يعني ما ممكن العربية في اليابان سعرها 10 الف دولار وتتجمرك في السودان بـ 15 الف دولار..
وكأن السودان هو اللي صنع العربية واليابان هي اللي تجمرك، عكسو الآية الله يعكسهم.. الجمارك اصلا ما ممكن تكون اكثر من 100%


#1328090 [المتجهجه بسبب الانفصال]
4.75/5 (4 صوت)

08-26-2015 09:06 AM
المسئولين الانقاذيين بفتكروا انفسهم افهم الناس واكثرهم ثقافة وعلم ودي في حد ذاتها مشكلة كبيرة يعاني منها الحزب وعضويته ،،، انفة كاذبة وادعاء معرفة لا اركان او قواعد لها في ارض الواقع،،، بدليل ان كل المشاريع التي اقاموها او اغلبها فشلت طوال الـ 26 سنة،، حتى الحزب نفسه على لسان رئيسه رئيس الجمهورية ضعيف وبدأت قواعده تتآكل،، قيادات الحركة الاسلامية بخلطهم بين مهنهم الاصلية وممارسة السياسة والدين فشلوا فشلا ذريعا في ان يتميز احدهم في الثلاث انشطة المذكورة،،، فالطبيب او المهندس او القانوني منهم أصبح يمارس الفشل الثلاثي (المهني، الديني، السياسي) فلا تفوقوا في مهنهم ولا حافظوا على دينهم ولا نجحوا في ممارسة السياسة وسأضرب مثالين:

المرحوم محمد احمد محجوب // يشهد على أنه رجل دولة stateman (أول مؤتمر قمةعربي ناجح لم ينجح بعده احد،، أما مهنياً فيشهد على براعة الهندسية فندق السودان البجو ماشين الاسلامويين بجنبو كلو يوم او ينزلوا فيهو)أما دينيا فانه لم يخن شعبه او يسرق وهذا قمة التدين واروعه،،،

المرحوم عزالدين علي عامر سياسي بارع، ومهنياً طبيب مرموق رغم ممارسته السياسة كان يمارس مهنته الطبية في عيادته الخاصة ومن شطارته المهنية انه بعد ان طفشت الانقاذ الوطنيين ذهب المرحوم عزالدين علي عامر الى لندن واستطاع وهو الذي بلغ من العمر فوق الستين في بداية التسعينات ان يمتحن امتحان الاطباء البريطانيين وأن يفتح عيادة في شارع ليس فيه الا عيادات الاطباء البريطانيين الاعلام،،، ورجل ذو دين لأنه لم يسرق حق زول ولم يكذب كذبة تضر بشعبه،،

علي محمود حسنين، سياسي ناجح ، ومحامي يمارس مهنته بنجاح ولم يقفل مكتبه للمحاماة طوال الفترات التي انتخب فيها للبرلمان،، وهو قمة من قمم التدين لانه لم يسرق ولم ينهب ولم يكذب على شعبه كذبة مضرة تورده مورد الهلاك على اساس هي لله لا للجاه،،

أما في الجهة المقابلة الحالية

علي عثمان محمد طه،، مهنيا ما وقف في محكمة عرض حالات ناهيك عن قضايا كبيرة،، سياسيا ركب في السودان خازوق أشبه بخازوق ابن العلقمي في العراق عندما انفرد بمحادثات نيفاشا واقصى اغلب البارعين من الاحزاب الاخرى وحزبه وذلك من اجل ان يحقق شهرة ذاتية فتمكن المرحوم قرنق من ان يستفرد به وما درى ان قرنق كان عقلية جبارة،،، دينيا يكفيه عندما حدثت ازمة الحبوب في الجنوب بعد الانفصال وكان بعض التجار من الشمال يقومون بادخالها الى الجنوب عبارة shoot to kill وما هذا الا غل،،،

مصطفى عثمان اسماعيل ،، طبيب اسنان لكن عدد المناصب التي تقلدها في عهد الانقاذ اكثر من الضروس والاسنان التي قلعها في مهنته منذ تخرجه قبل اكثر من 45 سنة،،،

حسن الترابي ،، سياسيا اكثر زعيم حزب تمكن في السياسة السودانية،، ومهنيا تخصص دساتير اسلامية مخلوطة بالبريطانية والفرنسية ولكنه فشل في صياغة اي دستور اسلامي حسب سعيه واودخل السودان في حالة (دستور يا اسياد)،،

والقائمة تطول عن اناس لم يقدموا مهنيا للشعب اي خدمة بينما سياسيا ادخلوا السودان المستشفى وهو يعاني من كوما لن يخرج منها معافى وان خرج سيكون مشلولاً عاجزاً عن الحركة،،،، التحية للمعلمين وللاطباء والمهندسين والمزارعين واصحاب الحرف من نجارين وميكانيكيين وكهربجية وسائقي الامجاد والركشات والكوارو واصحاب الدكاكين واصحاب الخضار والجزارين وبائعي الرصيد والبنائيين والجيارين والسباكين وسائقي الشاحنات والبصات واللواري والدفارات وعمال الصحة والمدرسات وبائعات الشاي والفول والتسالي فهؤلاء هم ملح السودان اما اغلب السياسيين فلينتظروا ديل لما يقيفوا قدام الله يوم القيامة ويحاسبكم على التلتلة التلتلوها ليهم يا ناس حاج ماجد،،،

[المتجهجه بسبب الانفصال]

#1328087 [Floors]
5.00/5 (2 صوت)

08-26-2015 09:02 AM
إستثمار وين مع إخوان الشيطان في بلد ما معروفة إسلامية أم علمانية ، زكاة + ضرائب + دمعة الشهيد + ترعة حوش بانقا + قناة فضائية + دمغة الشهيد + دمغة الماء + دمغة الهواء وكمان ماننسى دمغة الكهرباء وبعد ده كلو كمان تدفع رشوة للموظف الجعان عشان تخلص !!!!!! إستثمار قاااااااااااااااااال !!!! أين الشيخ مصطفى الأمين ياكلالالالالالالالالالالالالالالالالالالالالالالالالالالالالالالالالالالاب!!!!

[Floors]

#1328085 [Heron]
5.00/5 (3 صوت)

08-26-2015 09:00 AM
دي تلقاها عند الغافل يا حاج غويشة روح بلا استثمار بلا كلام فارغ معاك. انتو خليتو فيها حاجة.

[Heron]

#1328075 [ٍSalah AL Deen P]
5.00/5 (2 صوت)

08-26-2015 08:51 AM
أي مغترب عندو شوية مال يحب يستثمر ماله عشان يزيد دي ما داير ليها دعوات واعلانات عن فرص الاستثمار .. الكلام ليه المغترب عازف عن الاستثمار في بلدو..هل ما عندو ثقة؟؟ هل خايف من سرقة امواله؟ هل الفرص شحيحة وما مضمونة او قليلة الارباح؟؟ شخصيا انا اعتقد عدم الثقة واصلا ما كان في داعي لجهاز مغتربين والجيوش الجرارة من الموظفين

[ٍSalah AL Deen P]

#1328068 [الدغري]
5.00/5 (3 صوت)

08-26-2015 08:44 AM
ههههههههههه --- تلقاها عند الغافل --قبل كدة غشيتو الناس فى الوادى الاخضر --ركبتوهم ماسورة ---امشى شوف ليك حمار جزو يجز مصارينك انشاء اللة

[الدغري]

ردود على الدغري
United States [الهمباتي] 08-26-2015 03:13 PM
هههههههه


#1328067 [Abdo]
5.00/5 (1 صوت)

08-26-2015 08:42 AM
تصدقوا كلامنا مع الحاج ده زي الآذان في مالطا ،،، و لا كانو في حد بقول في شي ،، إلا انتو تعالو بنك المغترب ده سووه خلاص و الا شنو ؟ امانه ما وقع راجل ، تعرفو حيدفعوكم الأسهم بالقلع عن طريق جهاز المغتربين ، فجأة حتلقوا مبلغ في البرنت عبارة عن قيمة سهم بنك المغتربين ،،، أسي ما شفتو ريال جامعة المغتربين ، حد شاوروه في الريال ده او راضي بيه ،،، اها حيقوم بنك المغتربين بقلع و نهب الأسهم عن طريق جباية جهازكم الحلاب ،،، ديل ما بشر ، ديل مناشير الله يقلعهم من جذورهم و يفتت قلبوهم و يحرقهم في الدنيا دي قبل الآخرة ، طبعا البنك ده حيكون رديف لبنك فيصل إمبراطوية الكيزان التي من خلالها تمكنو بعد الدحلبه على النميري و حاربوه بيهو ، ثم من بعد داك دور فيهم قروض حسنة ،،، لما فلس و تاني الأمير محمد الفيصل دعموا ليهم و حياه من جديد و الآن إنتو شايفين ، دي مافيا لكن عمره الباطل ما بدوم دي سنة الحياة كده .

[Abdo]

#1328060 [منصور]
5.00/5 (1 صوت)

08-26-2015 08:27 AM
يا عالم الحاج ده لسه ماشبع ؟ الظاهر بطنو غريقة ؟ تيب المخرج كيف ؟؟؟؟

[منصور]

#1328048 [عصام حاكم]
5.00/5 (3 صوت)

08-26-2015 08:11 AM
يا سلام يا حاج مستثمر

امين الجهاز عنده هوس الاستثمار ، داخل مباني الجهاز حول الكافتريا التي كان المغتربين يسدون منها رمق الرهق اليومي داخل مباني الجهاز الى صالة لزيادة الدخل ، رقم انوه صاحب الكافتريا له تعاقد لم ينتهي الصلاحية ذهب الصباح لقاها مطبلة بأمر من حاج تولب
ثاني ذهب الى ناس بنك العمال الوطني ولهم فرع يقع في ناصية المبنى وحاول ان يزيحهم من المكان بغرض إنشاء برج استثماري في الموقع و تدخل عمك غندور و ثبت الشعلة يعني ده من الدفاع الشعبي الى القف المركزي لا تثقه فيهم انهم أولاد (ق ح ب) لا أتثني منهم احد وأدام الله غربتنا حتى يسلط الله عليهم القمل والطاعون ويحرك عليهم شعبنا بعد ان يفوق من خرشتهم

[عصام حاكم]

#1328046 [Qarfan]
5.00/5 (2 صوت)

08-26-2015 08:08 AM
السفيه ولا السفير؟ دة مش الضرب استاذه؟

[Qarfan]

#1328037 [السامري]
5.00/5 (2 صوت)

08-26-2015 08:04 AM
اول حاجة جيبوا استثمارات الكيزان التي بالخارج الى داخل السودان .. والشيخ موسى هلال قال انا عارف كل الاستثمارات حقت الكيزان بالخارج عشان كدا جرا ليه غندور في الجنينة عشان ما يتكلم..

والترابي ابو الثعالب يعرف تماما كل استثمارات الجبهة بالداخل والخارج لأن الموضوع كان بيده ولكنه لم يتحدث حتى الآن لانه يعرف لو قال (بغم)المؤتمر الوطني سوف يدخله في خبر كان..

المعروف اقتصاديا ان رأس المال جبان ولا يمكن ان يأتي انسان عشان يستثمر لمجرد دعوة من سعادتك يا سفير لماذا اجي السودان ودولة الجيران ليس فيها تمكين ولا يظلم عندها احد؟ لماذا نأتي بعد غربة عشان يجينا وجع قلب بسبب الظلم والتمكين وظلم الكيزان؟

هل تعتقد يا حاج ماجد سوار انك بتمثل المغتربين؟ انا شخصياً لا اشعر أطلاقاً بأن هذه الحكومة هي حكومة وطنية لكل الناس او انك تمثل كل الناس واعتبركم انكم ناس جايين لخدمة مجموعة معينة هم من تسمونهم الإسلاميين وتعتقدون ان بقية الشعب هو عدو لكم يحل لكم ان تأسروهم وتعذبوهم وتصادروا ما عندهم غنيمة باردة لمن يسمون انفسهم بالإسلاميين مع العلم نحن نصلى ونصوم ونحج ونصدقكم القول ولا نمكر ولا نخدع..ومع ذلك تتعاملون مع الشعب وكأنه عدو لكم..

لما تعدلوا سلوككم تجاه الناس ولما تكون هذه الحكومة حكومة لكل الناس بعدين قولوا يا مغتربين او يا سودانيين .. اما الآن فلا سمع ولا طاعة لا لك ولا لرئيس الدولة..ولا للترابي ولا للمؤتمر الوطني ولا للحركة الاسلامية كلها بالسودان لانهم اظلم من ظلم.

[السامري]

#1328030 [د.. الزهجان]
0.00/5 (0 صوت)

08-26-2015 08:00 AM
المسالة في الثقة . والسين واخواتها الملازمة لكل الموتمرات سنفعل سنعمل سندرس .دونما عمل واحد...واحد .يعد في مصلحة المغترب..رقم وطني بطاقة وطنية جواز وطني ....كلها اشقاء الموتمر الوطني في باطنها العذاب ..

اعملو شي واحد لله ..وللمغترب

[د.. الزهجان]

#1328027 [abubaker]
5.00/5 (1 صوت)

08-26-2015 07:59 AM
يا وزير المغتربين لو كنت صادق وحادب على مصلحة الوطن والمغتربين اعمل للمغتربين من يحول كذا الف دولار بسعر البنك الرسمي يمنح مثلا سيارة موديل كذا بدون جمارك ومثله في مواد البناء والاغراض المنزليه واي اشياء يطلبها المغتربون واهم شي المصداقيه في التعامل

[abubaker]

ردود على abubaker
[المغبون من الحاصل] 08-26-2015 11:49 AM
المغتربين مغبونين من الناس ديل غبينه شديدة وماحايصدقوا ليهم أى كلام لانو كل وعودم صارت كاذبه لذلك انعدمت الثقة وعندما تنعدم الثقة رجوعها صعب الناس ديل هناك مغتربين لهم اكثر من ثلاثين عاما لم يقدموا لهم أى امتيازات تخليهم ينهوا غربتهم التى طالت ومسخت وتحس انهم قاصدين ذلك لان المغترب هم مستفيدين منه بس لو جدد جواز هم مستفيدين لذلك يريدوه ان يجلس فى الغربة ولا يفكر يرجع ابدا لذلك لاتفكر يا اخ ابوبكر باى امتيازات من هاؤلاء الناس لذلك قلتليك فى بداية كلامى انو المغتربين مغبونين منهم شديد وما حايتعاونوا معاهم إلا فى الجاجات المغصوبين عليها غصب إلا ان يغيروا من اسليبهم التى يستهبلون بها على الغتربين .


#1328025 [أبوقرجة]
5.00/5 (1 صوت)

08-26-2015 07:56 AM
يا زول بقولها ليك (أبيييييييييييييييييت) أمشي شوف ليك ناس غير المغتربين تسرقوهم..

[أبوقرجة]

#1328023 [جبل اللقمة]
5.00/5 (1 صوت)

08-26-2015 07:56 AM
أكبر مهدد للإستثمار في السودان هو الحكومة وخاصة الاستثمار الصناعي والزراعي بشقيه النباتي والحيواني . وحاج ماجد يعرف تماماأن من يريد أن يستثمر أمواله وشقاء عمره أن يدفع نصف ما يملكه في الرشاوى والأتاوات .

[جبل اللقمة]

#1328022 [محروق]
5.00/5 (1 صوت)

08-26-2015 07:56 AM
والله العظيم اى مشروع عايز يعمله مغترب شرط اساسى يدخل معاك شريك من المؤتمر الوطنى ودا اهم من الجمارك ولو رفضت المشاركة الجمارك مليون الميه يعنى تسيبه ليهم.وناس المؤتمر الوطنى هم السودانيون الاصل وبقية الشعب عندهم اجانب ..بطلوا الجبن واول ناس مفروض يحملوا السلاح ناس القوات النظاميه المصولين للصالح العام ويعتبروا بقية الشعب مقاومة ودا الحل الوحيد مع المنافقين الماسكين البلد واقتيال اثنين ثلاثة منهم البقيه تفر وتفوز بالمراثون...

[محروق]

#1328015 [جنو منو]
0.00/5 (0 صوت)

08-26-2015 07:40 AM
خلاص قنعتوا من اصحاب العقالات بعد مافروا بجلدهم .. قبلتوا على المغتربين ..
غايتو ياحاج منزو قشتك قشة .. تريد أن تكرر قصة شيخ الصافى فى سندس ..!!

[جنو منو]

#1327994 [mubark atta]
0.00/5 (0 صوت)

08-26-2015 07:08 AM
يا اخوانا اخبار مشروع سندس المتكامت الزراعي السكني الصناعي شنو اها وصل وين دراشة جدوي قال

[mubark atta]

#1327978 [سند]
4.75/5 (5 صوت)

08-26-2015 06:35 AM
قال صناعة صغيرة قال ههههههههههه أنتو بلعتو ناس ابو العلا والشيخ مصطفى الامين واليومين ديل عايزين تبلعوا اسامة داؤد بي استثماراته المليارية يعني المغتربين تاكلوهم والجمال ماشه تقزقزوا بيهم زي التسالي

[سند]

ردود على سند
United States [الهمباتي] 08-26-2015 03:15 PM
تقزقزو دي حلوة اوزن منها نص كيلو سفري

[اكشفوهم] 08-26-2015 09:49 AM
يمين ده أجمل تعليق اقراهو فى الراكوبه على الاطلاق

[Abdo] 08-26-2015 08:30 AM
و الله سبقتني ،،، بس التسالي و القزقزة دي ما جات على بالي ،، لكن حلوة ، حللللللللوة ،تشبيه بليغ و حلو جداً ، الله يديك العافية ،،


#1327971 [العمرابي]
4.75/5 (5 صوت)

08-26-2015 06:19 AM
مطالبا بإعفاء المعدات المهنية للعائدين نهائيا. شوفوا يامغتربين كلمة مطالبا دي ممكن تسمعوها كثير جدا ولكن كلمة ( تم ) دي ماحا تعشموا فيها ابدا
انا وديت ماكينات تشكيل معادن ووديت معدة خاصة بعمل الانفاق تحت الاسفلت بدل فتح الطريق لتمديدات مكونات البنية التحتية وتعمل لحدي قطر 400 ملم طلبت مني سلطات الجمارك دفع جمارك 300% تخيلوا 300% وبالتأكيد تركتها في الميناء لانو إرجاعها بالنسبة لي كارثة ( ومنو العوض وعليع العوض ) ولازال حاج ماجد يقولك مطالبا

[العمرابي]

ردود على العمرابي
[غريبة] 08-27-2015 01:20 AM
ويتم غدا او بعدها بيعها في مزاد علني بابخس الاثمان وتكون من نصيب احد افراد النظام

هكذا القصة بكل بساطة

تحب انت ويخش غيرك

تتعب انت تلقط وتعتل لحدي توصلها السودان ويلقاها كوز نايم في الضل ولاجمارك عليه ولا يحزنون مزاد علني والسلام واحتمال مزاد علني ذاتو مايتعمل لو عجبت واحد مسؤول كما قصة البرادو

ليكم يوم ياايجضوم


#1327966 [المكوجي]
0.00/5 (0 صوت)

08-26-2015 05:44 AM
نلقاها من حسين خوجلي ولا منك يا سوار؟
خزينتكم الفاضية دي عبوها جرجير وخلونا نحنا مع المرمطة والبشتنة في الغربة
قال جرجير قال ،!!!

[المكوجي]

#1327961 [الداندورمي.]
5.00/5 (1 صوت)

08-26-2015 05:07 AM
يالمغتربين أسمعوا كلام الزول التقي
ده،،،هو ماحرامي أرسلوا الدولارااااااات سريع.

[الداندورمي.]

#1327955 [الغلبان]
0.00/5 (0 صوت)

08-26-2015 04:41 AM
اسمع كلامكم اصدقكم اشوف عمايلكم استغرب مغترب سابق دخل البلد باكثر من 80 الف دولار والان عااااااااااامل يومية
ددد

[الغلبان]

#1327951 [فنجاط]
5.00/5 (3 صوت)

08-26-2015 04:26 AM
كدي شربوا الناس موية اول وفروا ليهم الرغيف ولع ليهم الكهربا عشان يقدروا يشغلوا المراوح عشان تطرد الباعوض ويقروا والضبان عشان يقدروا ينوموا وفوروا الجاز والبنزين للمواصلات وشييلوا النفايات البقت جبال دي وبعد داك قول لينا السلام عليكم عشان نقول وعليكم السلام وماعايزين استحمار اقصد استثمار قال دراسة جدري قال .

[فنجاط]

#1327947 [سامي]
3.75/5 (3 صوت)

08-26-2015 03:42 AM
سبحان الله ،
هؤلاء المجارمة وجوهم ولون بشرتهم الباهت يعطيك أحساس بأن جسمهم يتكون من مادة الكولوسنشين السامة التي لا تحترقها النار بسرعة .

[سامي]

#1327946 [الخرطوم ملتقى النيلين]
0.00/5 (0 صوت)

08-26-2015 03:34 AM
هذا المنافق لدية ثقة قوية بأن المغتربين سوف ينصاعوا إلى دعوته،
وفي الحقيقة معه حق، لأن المغتربين انصاعوا من قبل إلى دعوات نصابين الأراضي والجامعات والمعاهد التجارية غير العلمية، وحققوا منها مليارات الدولارات .
وخرجوا طلبة إرهابيين منهم من انضم إلى داعش ومن هم من عمل رباط في الجامعات
والأمن .

[الخرطوم ملتقى النيلين]

#1327926 [أنصاري]
4.00/5 (3 صوت)

08-26-2015 01:37 AM
الفاقد الأخلاقي الضرب أستاذه.. حاج ماجد سوار .. فكر ليهو في طريقة مبتكرة لسرقة المغتربين ..

البقوا واقع حالهم يغني عن سؤالهم.. من كثرة اللطش، منهم مرة زكاة، ومرة ضريبة، ومرة تجديد جواز، ومرة رقم وطني، ومرة إستخراج جواز إلكتروني، ومعاها دقة وصغع وشلوت..آخرها إستثمار يا ماجد حمار.. إختشي..!!؟

[أنصاري]

ردود على أنصاري
United States [ظفار] 08-26-2015 11:21 AM
(الفاقد الأخلاقي الضرب أستاذه..) أحسنت يا أنصارى وفعلا طالب الاتحاد عندهم أفضل من البروفسير وهل تظن أنه أكمل دراسته الجامعية أو لربما حصل على المؤهل بعد النفوذ السياسى كما فعلها زميل له من قبل فصلت عليه الوزارة على مقاسه وطلبه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة