الأخبار
أخبار إقليمية
اسامة داؤد .. محبط ويسيئ الصحفيين !
اسامة داؤد .. محبط ويسيئ الصحفيين !
اسامة داؤد .. محبط ويسيئ الصحفيين !


08-27-2015 11:16 AM
محمد وداعة

مهمة الصحافة هي تنوير الرأي العام و تمليكه المعلومات وله ان يحكم بشأن الحقائق ، ربما يختلف البعض في كيف يتم هذا ؟ وهل من حق الصحافة أن تخفي بعض المعلومات بدواعي المصلحة العامة ؟ أو ربما تتحيز لأغراض تراها أخلاقية ؟ او ظرفية و هل هذا من حقها ؟، وهو ان كان مبررا مهنيا فإنه سيجد الاحترام حتى من اللذين يختلفون معه ، ومثلما وجد السيد اسامة داؤد من يساندونه ويقفون الى جانبه كان عليه ان يكون أوسع صدرا في تقبل الرأي الأخر ولا ينزعج منه حتى وإن كان هذا الرأي كما وصفه وصنفه بأنه يندرج ضمن ثلاث فئات اما جاهل بالمعلومات ، أو حاقد بطبعه، أو متربص بمنفعة ،
وأضاف في حديث نقلته صحيفة التغييرا حد ثلاثة صحف خصها بافاداته و تبنت وجهة نظره ( نسبة لثقتنا فيما نقدمه للوطن ، فإن شعورنا دائما أن كل من يهاجم سيقا هو واحد من الثلاثة ) ، وحقيقة الأمر أن لا أحد ممن كتب هاجم ( سيقا ) لوحدها ، وما كتب كان عن الشركات الثلاثة ( سيقا وويتا وسين ) ، السيد اسامة داؤد هو من أنبرى مدافعا عن شركته وضمنا عن الشركات الاخرى ، عليه ما عليها و له ما لها ، والسيد اسامة داؤد ظن أن مجرد حديثه للصحف يكفي لاسباغ صدقية مقدسة على ما أفاد به ويجعله محصنا أو مبرأ من كل عيب ، كلام صادم ما تفوه به الرجل في حق من كتب مخالفآ رأيه ، الرجل بعد ( 40 ) عاما قضاها مستثمرا ناجحا منها و اهمها( 25 ) عاما تحت حكم الانقاذ ومباركتها، الرجل يتحدث بطريقة فيها من الكثير الاستفزاز والابتزاز ، وهذا لا يعنينا ، أن يوجه الرسائل لجهات يعلمها وتعلمه فهذا شأنه ، الفساد ليس كله حكوميا محضا ، وبعض الفساد يتم بالتواطوء مع نافذين في الحكومة ، و ماتم فى استيراد الدقيق فيه شبه فساد لا تخطئها عين ،ان كان الرجل جادا فى مرافعته فليدفع فرق السعر بين ( 2.9 ) جنيه للدولار كامتيازآ حصل عليه لسنوات و ( 3.65 ) جنيه للدولار تحملتها المطاحن الصغيرة لاستيراد القمح،
ولن ينطلى على أحد ما جرى من حديث عن جودة يتميز بها ( قمحه ) فكل انواع الخبز في البلاد رديئة تخالف مواصفة القمح بعد كل الاستثناءات و التعديلات التي اجريت عليها ، بما فى ذلك القمح الروسى الذى استخدمته سيقا و المطاحن الاخرى المتهمة برداءة منتجاتها، السيد اسامة داؤد وصف مخالفيه فى الراى باوصاف لا تليق برجل أعمال مثله ولا بأي رجل يحترم عقول الناس بمن فيهم ( 8,000 ) يعملون لديه ويخشى عليهم ويقلق على مصيرهم ، ليته لم يتحدث ، فهو من دون ان يدرى دمر الصورة الذهنية خاصته لدى غالبية المواطنين والاعلاميين ، حتى هذه اللحظة ليس مفهومآ سكوت من اهانهم و اتهمهم السيد اسامة داؤد ، ان كانت لدى الرجل إثباتات على إتهاماته لكل الكتاب والصحفيين الذين خالفوا رايه أو حتى شبهات فليعلنها ، وإلا فعليه الإعتذار عن قوله، او نفى صحة ما نقلته صحيفة التغيير ، وان لم يفعل فبيننا و بينه القضاء ،، نواصل

[email protected]


تعليقات 29 | إهداء 0 | زيارات 11267

التعليقات
#1329912 [علي]
0.00/5 (0 صوت)

08-28-2015 09:17 PM
أسامة داؤد راسمالي طفيلي يتغزاء على موائد السودانين

[علي]

#1329691 [سلام يا بلادي]
0.00/5 (0 صوت)

08-28-2015 11:21 AM
فى الواقع الحكومة قالتها علنا انها بصدد محارية الفساد والمفسدين وقد بدا وزير المالية الحالى هذه الحرب بدءا بالتحصيل الالكترونى ثم مسالة القمح وانشاء الله البقية فى الطريق حتى يبعد الظلم من هذا الشعب الغلبان على اكل عيش اما موضوع اسامة داؤد فلا نستطع ان نحكم عليه بالفساد او عدمه الا بعد عمل تحليل للقوائم والعمليات المالية لمؤسساته طيلة الفترة التى عمل فيها فى السودان ولكن هل سيسمح بذلك بكل شفافية ؟؟ وده كله الاهم منه هو ان ينتهى الفساد بكل انواعه فى الوطن ولن يبق الا من يعمل بعرق جبينه وينتج انتاج حقيقى وواضح وحكاية ان لى ظهر يجب ان ينتهى والف مبروك لوزير المالية وسير فى الاصلاحات دون خوف من احد والله انت جدير به .

[سلام يا بلادي]

#1329672 [عثمان خلف الله]
0.00/5 (0 صوت)

08-28-2015 10:35 AM
انا ما عارف اسامه مشكلتو شنو
الحكومه فكت الاحتكار امشى نافس مع الناس واستلم السوق لو ما الحكومه كانت عامله ليك ضهر
بعدين انت كنتا زى الملا عمر نهائى صوره مافي هسى بقيت تظهر اكتر من البشير دي شكلها ضربه جامده والظاهر انت كنت بتاخد تقيل من الجماعه ديل.
على العموم حاجه انا متاكد منها اى زول في السودان ما بيلف ويدور وبيدفع من تحت استحاله يلم قروش وخصوصا زى قروشك دى

[عثمان خلف الله]

#1329547 [حافظ النقي]
1.50/5 (2 صوت)

08-28-2015 01:43 AM
ماتمشي القضاء او اي حته تعجبك انشاءالله تمشي لاهاي في زول منعك بقيتو شغلتكم هدم وتدمير للنجاحات والناجحين تحت مسميات تتخذونها ذريعه للتشهير بالاخرين والتقليل من جهدهم الذي عجزت الدوله من تقديمه وهي المسؤول الاول عن تأمين الغذاء للمواطنين مشكور اسامه داؤود الذي دفع من جيبه اموالا لييتورد بها القمح نيابة عن الدوله التي اكلت اموال الشعب واهدرت ثرواته وانت وامثالك كثيرون ضربت تلاته رغايف ومعاهم طلب قراصه وكلو من خير اسامه داؤود وبعد شبعت وسكرت من قراصة سيقا فعلت فعلة الفار بعد ما شرب العجين الخمران وقال اين القطط ياأخي استحي بدل ماتهاجم اسامه داؤود هاجم الحكومه المجوعاك وجعلت سعر الجنيه في الحضيض لو كان جنيهك بعافيه ماكنت حاتعرف القمح الاستورده منو سيب اسامه داؤود في حالو وامت كان فيك فايده كان بقيت زي اسامه رجل اعمال ناجح لكنك فضلت ان تكون من اعداء النجاح اسامه داؤود سوف تمضي مسيرته بامان لانه رجل ذو قدرات وافكار جديره بالاحترام والوقوف عند تجربته الايام دي ارتاح منكم صلاح ادريس قبلتو علي اسامه داؤود ؟؟؟ عشان كدا السودان مابتفوم له قايمه وسوف يتزيل الدول ويكون قائد مسيرة التخلف في العالم لان الكل اصبح يهاجم اصحاب النعم اكن ربنا سوف يحميهم بآياته ختاما شكرا اسامه داؤود كثير لما قدمته للوطن وشكرا لصلاح ادريس الذي كان يورد القمح لحكومة السودان سنة 93/98من حر ماله والزمن داك عمر الشير ومجلس قيادة الثوره مابيعرفوا الريال والدولار الفرق بينهم شنو عشان كدا اعدموا مجدي طيب انت ماتكتب لينا شويه في قضية زول قتلوه في حقو قتلوهو عشان عندو دولار قمة الحقد الاسود والضغائن التي تربي بها اولئك الظالمون اكتب عن الاقطان اكتب عن حسابات البترول اكتب عن انتاج شركات الذهب وكم بلغ انتاج شركة ارياب واين ذهب واكتب عن صادر السمسم اكتب عن اراضي الخرطوم اكتب عن اموال دعم السلام بعد اتفاقية السلام اين ذهب وكم كانت المبالغ المرصوده اكتب عن مآسي الشعب اليوميه بدلا من ان تطلب الاعتدار من رجل ملأ بطنك بالخبز الفاخر من حر ماله الحلال من لا يشكر الناس لا يشكر الله

[حافظ النقي]

#1329474 [برجل]
1.50/5 (2 صوت)

08-27-2015 10:13 PM
والله يا اسامة داؤود انا ماخايف عليك من الصحفيين لان بعضهم مثل الحذاء ترتديه متى ماشئت وترميه متى ماشئت وترمي به من شئت لكن اخاف عليك من الحاقدين من الكيزان الذين لايعجبهم نجاح واخشى ان يكونوا نافذين وشكلهم كدا نافذين اصلا هم منو البشير وال بيته وقرايبو من ناس كافوري استلمو كل شي في البلد واصبحوا ينظروا للنجاح ليسقطوه اتمنى كلامي وهواجسي دي تكون ماصحيحة لانو طغيان ال البشير اصبح بشكل غريب ويشاع ان البشير نفسه او واحد من اسرته شريك في شركة سيبيريا وبي كدا يكونوا سيطروا على كنوز الارض التي هي ملك للشعب السوداني جيل بعد جيل وبكرة تشوفوا الحاصل وتشوفو اهل البشير عائلة حاكمة مالكة لكل السودان ليس بالسياسة لكن بالفلوس والمال مثل اليهود في امريكيا ولكم مني تحية

[برجل]

#1329465 [الهبرو ملو]
1.00/5 (1 صوت)

08-27-2015 09:55 PM
رغم امتعاضنا من اسامة داؤد وراسمالية نظام الكيزان الطفيلية وكرهنا ومقتنا لكل من اثرى واغتنى من قفا هذا الشعب المغلوب على أمره واسامة واحد من هؤلاء
لكن لابد من الانتباه لهذا التيار القوي الذي انبري للهجوم على اسامة داؤد وتحطيمه وبصورة لاتخفى على من به قليل فطنة يبقى الشغلانة فيها (إنه) ياقول أولاد بمبة الانجاس ونحن تعودنا على خوازيق الحكومة دي وده شكلو خازوق من النوع أبوكديس
نعم نقر بان مرحلة مابعد اسامة داؤد ستكون قاتمة وموحلة لأن هناك غرض واضح من ازاحة هذا الرجل وبهذه الطريقة الفجة بعد ان كان جمل شيل هذا النظام ياكلهم وياكل ليهم الشعب عيش ويسلفهم من خزنته المفتوحة للنظام وقد اثبت اسامة بانه طالب الحكومة قروش يعني الشغلة فيها ناس تحت تحت بيسعوا لاعدام وازاحة هذا الرجل من سوق القمح والدقيق والدخول بدلا عنه وديل طبعا جايين بكل القذارة والوساخة الاستخدموها لمحاربة اسامة داؤد جايين بمطاحن غير مؤهلة وقمح تركي سيء الجودة وقليل السعرات الغذائية وجايين بي جشع وشراهة للاغتناء وغرف مال الشعب ومص دمه ورفع سر العيش وتخفيف وزنه وعدم الاكتراث لمسائل جودته ونوعه يعني اردا انواع القمح تفي بالغرض
يعني ده خابور طوووويل منتظر المواطن
لكن والله غلبنا النسويهو نسوي شنو ؟

الصحفيين زي ماقال عنهم هيثم مصطفى بي صحن فول تجيب راس أتخن واحد فيهم طبعا دي صحافة أكيد مدفوعة الأجر مابلاش الليلة تقبض من اامة داؤد وبكرة من عدوه وخصمه
فجابوا الصحفيين خبرو وطاردوهو لامن فشل ومرقا في بلاد العم سام واحسن ليهو هو عجب سيدو يقعدوا بي غادي ومايجوا لعل وعسى تنفتح ليهم شغلانية تدريب او أي شي يضمن ليهم عيشة كويسة لان لعيبة الكورة حالهم بعد تفك منهم تحنن ياسواق ركشة او سماسري عيشتو خنق وكفاف

المهم موضوع اسامة داؤد ده وحملة محاربته بالطريقة الواضحة دي وراها خازوق وخوازيق الكيزان معروفة من النوع أبو كديس والحجم العائلي خخخخخخخخ

قالوا المتعافي بيجهز نفسو بيربط كداراتو لدخول سوق الدقيق والقمح وطبعا المتعافي معروووف بالفهلوة ووساع الذمة والاحتيال والاختلاس وحيدخل المواطن بي حمد ويمرقوا بي خوجلي أها عاد ترجو الراجيكم كان جاكم واحد من نوع المتعافي ده عادي في الاخر ممكن يقول ليكم مافي قمح ولادقيق اكلوا كسرة او أربطوا الاحزمة خخخخ

[الهبرو ملو]

#1329396 [Zooooooooool]
1.25/5 (3 صوت)

08-27-2015 07:42 PM
وانت ي محمد وداعة باسم من تتكلم ومن فوضك من الشعب عشان تتكلم باسمه
جودة منتجات سيقا وشركات اسامه داوود هي الأفضل في السوق المحلي والاقليمي

[Zooooooooool]

#1329392 [Zooooooooool]
1.25/5 (3 صوت)

08-27-2015 07:32 PM
اسامه داوود رجل اعمال ناجح بكل ما تعني الكلمة لا تحاربوه اليوم وتندموا غدا

[Zooooooooool]

ردود على Zooooooooool
European Union [شعب جاهل] 08-28-2015 02:03 AM
هورجل اعمال ناجح بس ياريت لو انفق شويه من الاموال حقت الشعب السوداني التي اخدها بغير حق السعر التفضيلي المنخفض للدولار وعمل لينا مركزمركزين كده لغسيل الكلي وتصفية الدم يمكن نسامحوا


#1329333 [الشاكوش]
3.00/5 (2 صوت)

08-27-2015 05:42 PM
تقول ( القمح الروسى الذى استخدمته سيقا )حسب ما طالعنا خلال الايام الماضية فإن شركة دال تستورد القمح من استراليا .. وحسب ما قرأنا فإن القمح الاسترالي يعتبر من أجود انواع القمح ... ثم في نهاية المقال أراك تتوعد ... يا عم روح العب بعيد ...

[الشاكوش]

#1329274 [elfatih]
3.00/5 (2 صوت)

08-27-2015 04:21 PM
دايرين تنجهوا الراجل خلاس
قبلتوا عليو يا صحفيي الغفله يا مصلحجيه يا منتفعين
كلام اسامه صاااح البتكلم عن سيقا واحد من التلاته اوصاف
فى صحفين بقبضوا عديييل من الحكومه
لكن انا مني ومن اسامه اصفي كل ممتلكاتي وامش استثمر فى اي بلد محترم

[elfatih]

#1329253 [علي سيف]
4.75/5 (3 صوت)

08-27-2015 03:52 PM
انا لو كنت مكان اسامة داوود وعندي الاربعة مليار دولار العندو
كنت زمان. عملت لي جيش وقلبت الحرامية ديل

اذا هجوم خليل ابراهيم على ام درمان كلف 170 مليون دولار
وحركة موسى هلال مكلفة 100 مليون دولار

فتخصيص مليار دولار للسلاح
و 500 مليون دولار لشراء الضباط

كفيلة بذهاب هذا النظام الى مزبلة التاريخ.

ويعود الوطن طاهرا نقيا كما كان.

[علي سيف]

ردود على علي سيف
[abusami] 08-27-2015 04:46 PM
هههههه والله كلامك حقيقة لو تعلم انقلاب البشير كلف 700 مليون بالقديم .شراء الضباط والعساكر اسهل من شراء الجزم وكمان ضابط كبير وكبير جدا منناس امدرمان قال انو قايل انقلاب البشير مقدمة لعودة نميري عشان كدة ايد الانقلاب وكذالك بقية الحاميات خارج الخرطوم لانهم متاكدين من قدرات البشير وما زول راجل يعمل انقلاب الله في عون السودان من الخابور والخازوق دة الضياع الضياع الضياع ومافي بلد تاني انهياراقتصادي وفساد خلقي وتربية شذاذ افاق البشير ولاسلاميين والانتهازيين والضباط وجزء كبير من المناقين بس المحيرني سوار الذهب كان سعرة كم.


#1329236 [mat too]
5.00/5 (1 صوت)

08-27-2015 03:33 PM
والله المشكله مشكلة فساد لا اكثر ولا اقل الحكومه غلطانه في السماح
لراس المال ان يكون في ايادي قله.حتي وصلت ضعفا جعل هولاء
الاثرياء يلون يدها ان ثلاثه ارباع الثروه في السودان في يد بين خمسه
الي عشره اشخاص وكذلك اموال البنوك التي يكسب منها هولاء المجرمون
كل يوم بانهيار الجنيه السوداني ومن الذي يشتري الدولار غيرهم .وكل هذا
لعدم وجود حكومه من هو اسامه داود اسالوا الوزير حمدي وزير الماليه
الاسبق والده داود عبد اللطيف مفتش مركز اثري من ترحيل وتوطين حلفا
الجديده وجده طباخ الحاكم العام البرطاني اما هو لاشي غير ادارة هذه
المسخره .في بلد الفساد والجهل والمسخره.. والماسوووونيه

[mat too]

ردود على mat too
[Bom] 08-27-2015 06:37 PM
لا وما اسامه داؤد انت كنت واقف فى صف عيش من بيتكم لدى امدرمان جدوا كان طباخ الحاكم اسامه جدوا المليون مدفون فى البلد دى انت جيت من جابوك الانجليز من نيجريا لحصاد القطن فى الجزيره ولا جيت مع الحكم التركى المصرى شيال او حمال للاتراك ثم ثانيا انت اصل 0.1 من مرحله الراجل ده بعد داك اتكلم ولا قدمته فى شركاتوا ما شالوك لانك ما بتعرف انجليزى

[حلفانكو] 08-27-2015 05:19 PM
اولا (والده داود عبد اللطيف مفتش مركز اثري من ترحيل وتوطين حلفا
الجديده)!!!!! كلام فاضي وحتى لو افترضنا صحة كلامك أن والده اثرى على حسابنا نحن الرضانة ياخي انحنا راضين فلوسنا واخذها ولدنا وبشغل امواله في البلد لا طار بيها ماليزيا ولا صرفوها واولاده في اروبا ودبي.

ثانيا موضوع طباخ مهنة شريفة مارسها كثير من اهلهنا ونتشرف بهم وتخرجوا وتعلموا من خلف هؤلاء الطباخين الكثيرين من ابنائهم لشيعلوا السودان بنور التعليم


#1329231 [جاد الله]
3.00/5 (2 صوت)

08-27-2015 03:30 PM
واضح أن النظام بدأ حملة ضد أسامة داؤود و مجموعة دال يعاونه في هذه الحملة بعض الصحفيين المرتزقة ، بالله كفى تدمير للوطن و دعوا الناجحين يعملوا

[جاد الله]

#1329227 [رجاء سليم]
5.00/5 (2 صوت)

08-27-2015 03:21 PM
سياتيك المظروف يا محمد وداه وفيه دريهمات اكل عيش معذور

[رجاء سليم]

ردود على رجاء سليم
[faris] 08-27-2015 04:28 PM
هههههههههههههههههه
قال وان لم يفعل فيننا وبينه القضاء
اتهام صريح ولا ابتزاز صريح


#1329219 [ابوالحوت]
1.00/5 (1 صوت)

08-27-2015 03:09 PM
يا اخوانا اسمه داؤود وطني جدا جدا وقلبه علي المواطن ما كلو واحد شائيل ليهو قلم وازعلوها في حاجه شخصيه مالينا دعوه بيها اسلط قلمو واشتم واعري ياخوانا اتقو الله...

[ابوالحوت]

#1329193 [samy]
3.00/5 (2 صوت)

08-27-2015 02:36 PM
يا عمي ربنا أنعمك بأموال طائلة، أتحد مع الجبهة الثورية وأدعمهم بطائرات حربية وكل القوة خرطوم جوة ، لتنقذ الملايين من السودانيين الذي في أشد الحوجة لنصرهم .

[samy]

#1329191 [الوليد ابراهيم عبدالقادر]
5.00/5 (1 صوت)

08-27-2015 02:35 PM
والله بقينا لا نعرف الصالح من الطالح..لقد تشابه علينا البقر.. حسبنا الله ونعم الوكيل من هذه العصابة الطاغية الباغية..الله لا يجيب عقابكم..ربنا ياخذكم اخذ عزيز مقتدر..تفيييي عليكم يا حتالة البشر..لقد اهنتمونا ايما اهانة ..اهانكم الله في الدنيا والآخرة..قولوا آمين يا مقهورين..

[الوليد ابراهيم عبدالقادر]

ردود على الوليد ابراهيم عبدالقادر
European Union [شعب جاهل] 08-28-2015 02:10 AM
اسامه داود رجل اعمال ناجح واستثمر امواله وارباحع داخل السودان وليست ماليزيا ودي حاجه جيده وفاسد لانه اخدالدولار من الحكومه بسعر اقل من سعره لعلاقته القويه مع متنفدين في الحكومه وجني اموال هايله بطريقه سوف يحاسب عليها لو تغير النظام ولم يهرب حايكون اول المقبوض عليهم من الراسماليه الطفيليه


#1329186 [أبو حسن]
3.00/5 (2 صوت)

08-27-2015 02:32 PM
بعد تمكين الانفازيون أنفسهم فى كل قطاعات الدول ضايقوا الراسماليةالوطنية من قبلهم ظهرت الخم بالباطل الى نقصهم للوصول الى البرجوازية ثم طمعوا الى أمتلاك شركات وتوزيع العطاءات وتجارة العملة والسمسرة .......والقائمة طويلة واصبح الشعار الذى كانوا يقولون(لا لدنيا قد عملنا ونحن للدين فداء)أصبحوا عكس مايقولون
اليوم ياكلون بعضهم ببعض باسلوب قذرة واذا وجدوا شركةناجحةتآمروا عليه ولا يهمهم ماذا سوف يحدث للوطن والمواطن دال قروب وفر للمواطن اجود انواع المنتجات الغزائية ولم تشهد له مثيل وفتحت اسواق وانتعش الاقتصاد السودانى لماذا اللف والدوران وراء هذه الشركة العريقة باهلهاوانشاء الله سوف يجر الكلاب أرجلكم وايديكم الباطشةعن قريب .

[أبو حسن]

#1329183 [طلب حمزة زحزح]
5.00/5 (2 صوت)

08-27-2015 02:31 PM
ما دايرين دقيق سيقا قمحنا كثير بكفينا
نحن بناكل السفريته بملاح الشرموظ بس ما دايرين كولا ولا سيقا جبتوا لينا اليهود جوة مع الماسونية العالمية

[طلب حمزة زحزح]

#1329173 [حزب الراكوبة]
5.00/5 (5 صوت)

08-27-2015 02:22 PM
أكيد في لاعب بسخن على الخط وقريباً سوف يدخل الملعب
على اسامة الاحتراف الخارجي (اثيوبيا)

[حزب الراكوبة]

ردود على حزب الراكوبة
[ابوشيبه] 08-27-2015 03:47 PM
امبارح واقفين في فرن ومنتظرين العيش يطلع بتاع الفرن قال في واحد عمل مطحن جديد وحديث يعتبر الأكبر في افريفيا ولسه ما اشتغل باربي يكون ده اللاعب الجدبد؟


#1329155 [محمد طاهر أدروب]
3.00/5 (2 صوت)

08-27-2015 01:54 PM
أهل الانقاذ وصحف الانقاذ توصلو الناس الى حد الكفر لانكم تافهون والوفاء والشكر والعرفان ليس من شيمكم
على السيد اسامة حفظه الله شكرا لما قدمته لهذا الوطن "عديم الاخلاق"
احزر لان الاعراب اشد كفرا ونفاقا وحسدا. اسامة لا يمثل مجموعة الراسمالية الوطنية السودانية فقط ولا يمثل شعب النوبة العظيم بل يمثل كل السودانيين الاصلين مش التكارنا والعرب ..... اضرب يا اسامة بيد من حديد نحن خلفك وامامك وبجانبك
دال حديد اسامة حديد سيقا حديد السودان حديد

[محمد طاهر أدروب]

ردود على محمد طاهر أدروب
[Ahmed] 08-27-2015 03:03 PM
Well said ya habeebna Mohamed Tahir, They are all full of ignorance and malevolence

[بلال شاشاتى] 08-27-2015 02:17 PM
كلكم اعاجم بالا يخمكم جيتوا سوداننا من وين

[sudani one] 08-27-2015 02:17 PM
ايه الهبل دا يامحمد طاهر ؟!! خلاص عايز تخلق منو بطل وتعملو زعيم كمان .. الرجل رأسمالي ويحسب كل شي علي اساس الربح والخسارة المادية عشان كدا ما فاضي لكلامك الفارغ دا ...


#1329131 [الهبرو ملو]
5.00/5 (1 صوت)

08-27-2015 01:34 PM
على أسامة داؤد أن يلم عفشه ويتخارج الجماعة ديل قبلوا عليه واستكثروا عليه كل الابهة التي يتنعم فيها لو الزول ده عاقل يخرج بأقل الخسائر بدلا عن تدميره وجعله مثل الراسمالية التي داسها هذا النظام وجعلها مثلها مثل غيرها
هناك تجييش وحشد ضده وراس المال الذي جمعه من وراء دعم النظام له سيذهب ادراج الرياح

[الهبرو ملو]

#1329112 [Amir mohd]
5.00/5 (1 صوت)

08-27-2015 01:10 PM
سلام ايها الشعب المغلوب والملعوب على امره
الكل يعلم نظام الانقاذ والحقد والتدمير لكل المستثمرين السودانيين الذين افلسوا(بضم الألف)بفعل مقصود من عصابة الانقاذ،نهج الانقاذ امتلاك السلطة،المال المال المال المال مع افلاس الآخرين،والقوة
فالرجاء عدم غض النظر عن الحقائق اعلاه،من الواضح نظام الانقاذ يريد تدمير وفلاس اسامة داؤود كما فعل بخيرة تجار البلد ،عمر بدوي احد رأسمالية القضارف خير مثال ولا ادري هل الرجل مازال على قيد الحياة ام لا،
الخلاصة إضربو وأطعنو الفيل وليس ظله
دائما انصرافيين
نظالم الإنقاذ هو مشكلة السودان
رجاء دعو سفاسف الإمور
صحافة اليوم في معظمها يد باطشة تابعة للنظام الا من رحم ربي
القدر الهادر آتي

[Amir mohd]

#1329104 [العمرابي الخطر]
5.00/5 (1 صوت)

08-27-2015 01:02 PM
الله يستر عليكم يا شعب بلادي.. الحقد الفيكم عجيييب..

بكرة تجوعو و ما تلقو خبز لا حينفعكم كوز و لا حيكومة...

فعلا في حملة ضد هذا الرجل و سيقا
و الخسران هو المواطن

[العمرابي الخطر]

ردود على العمرابي الخطر
[موناليزا] 08-27-2015 03:34 PM
والله كلامك صاح يا عمرابي ، شعب حاقد وانصرافي ، المشكله كلها في الأنقاذ للتدمير وتدمير الوطن والمواطن ديل لسه ما عاوزين يفهموا !!!!؟


#1329100 [أبوقرجة]
5.00/5 (1 صوت)

08-27-2015 12:57 PM
ما مشكلة الزول الببقى واجهة للجبهة الإسلامية ... تتذكروا كان في واحد اسمه (ادم) وبعده جاء (صلاح إدريس) الناس ديل وين الأن ..... بعد ما قضوا حاجتهم منهم رموهم وزي ما بقولوا كده (فكوهم عكس الهواء)...

والدور جاء على اسامه دا... وبجيبوا واحد غيره ... ودا بدمروه وبرموه بعيد.

[أبوقرجة]

#1329088 [atbarawi]
5.00/5 (1 صوت)

08-27-2015 12:38 PM
حكومة الانقاذ هذه قاتلها الله ما لقت زول تدعمه غير الارعن المستبد هذا ، لا بارك الله في حكومة ملكت قوت رعيتها الى أمثال هذا القبيح - قبيح الشكل والفعل - سماحة الوجه من حسن الخلق - فلكم ان تحكموا يا أنقاذيون

[atbarawi]

ردود على atbarawi
United States [الهبرو ملو] 08-27-2015 03:37 PM
ياعطبراوي داير تقول شنو يعني !!

سماحة الوجه في حسن الخلق المقصود بها طلاقته وبشاشته
وليس دمامته فالرجل لا دخل له في شناته دي لانها خلقة الله

اللهم الا كان داير توصل ليك معلومة تانية

خخخخخخخخخخخخخ


#1329087 [mabak]
5.00/5 (1 صوت)

08-27-2015 12:37 PM
قالوا دكتور المتعافي مع شركاته سوف يكون البديل لاسامة داود وصرح بانه سوف يستورد قمح بأقل سعر من قمح سيقا واكثر جودة منه ههههه فخار يكسر بعضة يالله يا مزيقا دقي

[mabak]

#1329070 [Ahmed Abdelrahman]
4.50/5 (2 صوت)

08-27-2015 12:00 PM
كتا داير اقول كلام كتير لكن خلو الخبز لخبازينو عشان بعدين ما تجوعو

[Ahmed Abdelrahman]

#1329064 [الحلومرات]
4.75/5 (4 صوت)

08-27-2015 11:53 AM
غايتو اسامه دا بكره بتبكو عليه
واضح هناك حمله ضده
واكاد اشم التمكين التمكين
شغل المطاحن مالعب
وخم ايها الشعب
ادي الخبز لخبازه ولو اكل نصه!

[الحلومرات]

ردود على الحلومرات
[مندهشم] 08-27-2015 03:39 PM
يا سيد محمود عنطظة اسامة لا صلة لى به و ليس بطفيلى فهذا المال ورثه من ابيه و كان فى شراكة مع احد اقرباءه و هو اغنى من اسامة باضعاف و توفاه الله هو عمر عثمان هؤلاء ورثوا العز من اسرهم قبل ان يدخل الرئيس كلية الجيش

[محمود عنطظة] 08-27-2015 12:36 PM
نحن ضد الراسمالية الطفيلية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة