الأخبار
أخبار إقليمية
(الراكوبة) تحصلت على التقرير الرسمي .."15" مخالفة مالية تكلف الدولة "22" مليار
(الراكوبة) تحصلت على التقرير الرسمي .."15" مخالفة مالية تكلف الدولة "22" مليار
(الراكوبة) تحصلت على التقرير الرسمي ..


08-30-2015 05:12 PM
الراكوبة - الخرطوم كشف تقرير رسمي عن "15" مخالفة مالية بولاية القضارف، قال إنها كلفت الخزانة "22" مليار جنيه، منوها الى ان المخالفات تضمنت اخفاء جزءً من الدعم الاتحادى الوارد من وزارة المالية للولاية.

وأشار التقرير الذي تحصلت (الراكوبة) على نسخ منه، إلى ان الوزارات والوحدات الحكومية بولاية القضارف سجلت نسبة مخالفات بلغت فى جملتها "99.6%"، واحصى التقرير "15" مخالفة مالية، قال إنها كلفت خزانة الولاية "22" مليار جنيه، منوها الى ان المخالفات تضمنت اخفاء جزء من الدعم الاتحادى الوارد من وزارة المالية للولاية.

ولفت التقرير الى ان المخالفات تضمنت "عدم مطابقة المستلم من الدعم الاتحادى مع الحساب الظاهر بجدول الحسابات الختامية"، وصرف بالزيادة وتعلية ايرادات بحسابات الامانات دون توريدها فى الحساب الايداعى بوزارة المالية، منها ايرادات الاراضى التى تجاوزت ثلاثة مليار جنيه، بالاضافة الى فتح حسابات بالبنوك لم تضمن فى الحسابات الختامية، ودفع مبالغ لشركات ومقاولين دون تقديم شهادات انجاز للاعمال المفترض انفاذها، وعمل معالجات لمبلغ "12" مليار جنيه كانت مخصصة فى الميزانية لمكافحة الفقر واجلاس طلاب المدارس ومشروع مياه الشرب ودعم المعاقين.

وقال التقرير ان وزارة المالية كانت تصرف مبالغ مالية، دون مستندات وخارج الميزانية وانها تصرف صرفا غير مستحق، وتصرف اموالا دون اعتمادات مالية، واموالا بفواتير مبدئية، وتصرف اموالا على اعمال لم تُنجز على اعتبار انها انجزت. ولفت التقرير الى ان وزارة المالية "اصدرت اوامر دفع مستديمة تُصرف لمستحقيها بالزيادة"، وقال التقرير ان نسبة تنفيذ مشروعات التنمية بلغت " 2.3% فقط، مقارنة بما تم اعتماده وصرفه.

واشار التقرير الى ان شركة "صادق العالمية" حصلت على استحقاقات مالية بلغت "17" مليار جنيه، ولم تقدم شهادات انجاز وقدمت خطابات او افادات من وزارة التخطيط العمرانى دون ان ترفق معها تفاصيل الانجاز حسب بنود العقد وجدول الانجاز.

وقال التقرير ان مبالغ غير مستحقة صرفت بهذا الصدد مما يعرض المال العام للضياع، واعاب التقرير على وزارة المالية عدم تقديم صورة حقيقية لايرادات ومصروفات الولاية وعدم التقيد باللوائح المالية والمحاسبية لسنة " 2005م.


تعليقات 29 | إهداء 0 | زيارات 8868

التعليقات
#1331927 [ياسر نورى]
0.00/5 (0 صوت)

08-31-2015 09:17 PM
مخالفات بلغت فى جملتها 99.6الاستحو ماتو

[ياسر نورى]

#1331925 [ود الحاج]
5.00/5 (1 صوت)

08-31-2015 09:14 PM
يكشفوا الفساد ولا يحاسبوا أحدا، فلماذا يكشفوه؟ هذه أمور تدمي القلب. المسلمون في عصر الخليفة الراشد عمر سألوه وهو قي المسجد من أين أتى بالثوب الثاني، والآن لا أحد يسأل عمر ورفاقه أين ضاعت مليارات الشعب الجائع المريض الباحث عن عمل

[ود الحاج]

#1331917 [همت]
0.00/5 (0 صوت)

08-31-2015 08:51 PM
مثل هذه "المخالفات" وهي في حقيقتها فساد كبير لدى مسئولي البشير، يتم تعويضها برفع سعر اللبن والبيض والدجاج وهكذا - أي أن محمد أحمد الغلبان هو الذي يعوضها لنظام البشير ... أما الذين سرقوا وأفسدوا في الأرض فيستمروا في عملهم وكأنهم لم يفعلوا فساداً البتة .... ما يوحي بأن الحكاية خربانة من كبارها وأن هناك اتفاقاً معلناً أو غير معلن يسرق بمقتضاه كبار الحرامية - أقصد كبار المسئولين مثل البشير وبقية الزبانية فيغض صغار المسئولين الطرف عن ذلك ويسرق صغار الحرامية - أقصد صغار المسئولين فيغض كبار الحرامية - أقصد كبار المسئولين الطرف عن ذلك!

[همت]

#1331717 [فيصل محمد خير محمد]
0.00/5 (0 صوت)

08-31-2015 02:02 PM
شــركة صــــــــــــــــــــــــــــــــــادق العالمية

حكاية غريبة ؟؟؟؟؟؟؟؟؟؟؟؟؟؟؟

وكأنهم يعلمون مسبقا أنهم مفسدون في الارض

ألا يستحي السارق من ابنائه

ماذا لو أطلق الزملاء في المدرسة علي ابنك ود الحرامي

وعندما حضر علي المائدة نظر اليك وسأل ؟؟؟؟؟؟؟؟

لا يستحي السارق من زوجتة

من نسابتة

من جيرانة

من اللذين نتسامر ونتعاتب ونتقاسم معهم الهموم
اعوذ بالله منكم ومن كل شيطان رجيم ..................

[فيصل محمد خير محمد]

#1331711 [مدحت عروة]
0.00/5 (0 صوت)

08-31-2015 01:50 PM
يا جماعة ماذا تتوقعون من انظمة ديكتاتورية يطلع فى الكفر فيها كل فاسد يريد مصلحة شخصية لنفسه او جماعته ويكون حلقومه كبير ويعمل نفسه انه حريص على النظام ويتهم اى معارض حتى على فساده بالخيانة والعمالة والعلمانية وانه بيكره شرع الله والاسلام ومع اعداء الاسلام ولاحظوا انه مافى حرية ولا فصل سلطات الخ الخ الخ انما حلاقيم كبيرة تهتف بالباطل وتنافق وتعمل لمصلحتها وهم البيعتمد عليهم النظام فى بقائه!!
انا لا اقول ان الديمقراطية الفساد فيها صفر الفساد سيستمر الى يوم القيامة لكن الفساد فى الديمقراطية اقل بكثير منه فى الانظمة الديكتاتورية والسبب معروف وهو الخوف من المعارضة والصحافة والقضاء والقانون الخ الخ وفى النهاية الحكومات الديكتاتورية تغمض عينها عن العفن فى سبيل استمرار حكمها!!!
ابن رشد قال اذا اردت ان تسيطر على جاهل غلف الباطل بالدين وهذا ما تفعله الانقاذ او الحركة الاسلاموية السودانية بل العالمية!!!
كسرة ثابتة:الف مليون تفووووووووووووووووووووووووووووووووووووووووو على اى اتنقلاب عسكرى او عقائدى عطل التطور الديمقراطى فى السودان اخ تفووووووووووووووووووووووووووووووووووووووووووووووووووووووووووووووو!!!

[مدحت عروة]

#1331701 [Hamidov]
0.00/5 (0 صوت)

08-31-2015 01:40 PM
الماعندو قديم م عندو جديد وما الوالي القديم منهم ببعيد

[Hamidov]

#1331646 [Atef]
0.00/5 (0 صوت)

08-31-2015 12:18 PM
لن نرضى بغير الاعدام او القطع من خلاف واعادة الاموال المنهوبة بفوائدها...

[Atef]

#1331592 [ود احمد]
0.00/5 (0 صوت)

08-31-2015 11:14 AM
( الذين طغوا في البلاد فأكثروا فيها الفساد فصب عليهم ربك صوت عذاب ان ربك لبالمرصاد)
صدق الله العظيم
ومن اصدق الله حديثا ومن اصدق من الله قيلا
اللهم يا منزل الكتاب وياهازم الاحزاب اللهم دمر كل من فسد واكل اموال الشعب ظلما وبهتانا اللهم لا ترفع لهم راية واجعلهم لمن خلفهم اية
عبدي لقد دعوتني فلانصرنك ولو بعد حين
اللهم انك قلت وقولك الحق اللهم عاجلا غير آجل
وصلى اللهم وسلم على مبيك محمد

[ود احمد]

#1331572 [حسين الفكي]
0.00/5 (0 صوت)

08-31-2015 10:48 AM
العندو مستند يجيبو

[حسين الفكي]

#1331505 [صبرنا وهرمنا]
0.00/5 (0 صوت)

08-31-2015 09:40 AM
اتقوا الله في الشعب المسكين الغلبان يا ناس هي لله هي لله لا للسلطة ولا للجاه قالوا اسلاميين قالوا لا حول ولا قوة الا بالله من اين اتى هؤلاء الا ان نصر الله قريب ليكم يوم نهب المال العام افظع واقبح واجرم وذنبه اعظم من نهب المال الخاص لانه حق ناس مساكين والغلابةما لاقين حق العلاج ولا الاكل حتى وهم يرون العكس وقالوا سلاميين

[صبرنا وهرمنا]

#1331485 [عبدالله احمد محمد]
5.00/5 (1 صوت)

08-31-2015 09:23 AM
والله يا اخوى نادوس ابر ما تعالجك حبوب شن يا اخوى انت من زمن الحبوب البتنزل الضغط ديل عديل يطلعوا روح الواحد ما سمعت بالشتائم وتشابك الايدى بين السيسى وقردة وامين حسن عمر حول ظروف ورق ساى يعنى على الطلاق ديل لو الظروف كان فيها دريهمات كان الحرب قامت وما تطفيها مطافىء الخرطوم كلها هى يا زول ( ما داير اعمم ) ولكن اغلب الجماعة ديل بعد شوي هيطلعوا الشارع قلع ساكت

[عبدالله احمد محمد]

#1331457 [طارق حسن]
0.00/5 (0 صوت)

08-31-2015 09:00 AM
دي ولاية المدعو عبدالرحمن الخضر والي الخرطوم المقبور ما غريبه البحصل فيها اذا كان شريفهم المجاهد عبدالرحمن ارسلوه لولاية الخرطوم ففعل بها ما فعل .

[طارق حسن]

#1331436 [شهنور]
0.00/5 (0 صوت)

08-31-2015 08:45 AM
لطفك ياالله المرض يطحن اهلنا فى القضارف وما حوله .

[شهنور]

#1331433 [ود عجوبة]
0.00/5 (0 صوت)

08-31-2015 08:43 AM
العميدعمر حسن أحمدالبشير فاسد فاسد فاسد فاسد فاسد فاسد فاسد فاسدوربع قرن أدلة ماذا يريد الشعب السوداني هل يتمتع بسرقة أمواله وبتروله وذهبه وهو يتهم المعارضة بالعمالة لماذا كل مفوضيات الفساد ذبحت في مهدها وإنتهت للا شيء وإمام جامع الخرطوم يصفق للمفوضية إتق الله يا إمام وخاف من الله وأحضر ملفات الفساد لفرشها في الجامع .

[ود عجوبة]

#1331428 [المقتول كمد وبطنه فايره]
0.00/5 (0 صوت)

08-31-2015 08:40 AM
شنو يعني ؟؟؟؟ ما جديدة

سرقوا وكشفتوهم وعنكم مستندات . وبعدين !!!!!!!!!!!!!!!!!!1

البيسمع ليكم منو ؟؟؟؟؟؟

[المقتول كمد وبطنه فايره]

#1331419 [Tag.]
0.00/5 (0 صوت)

08-31-2015 08:32 AM
قال صلى الله عليه وسلم :( من كان ماكله حرام وغذى بالحام فانى يستجاب له . فرب اشعث اغبر لو اسم على الله ابرة.).
المشكله ان كثير من الناس غافلين وبفتكروا اكل المال العام فلاحه. وناسين يوم الحساب . فليعلم ان من اكل المال الحرم فنطفته حرام وابناءة ابناء حرام. فابن الحرام ليس هو ابن الزناالمولود سفاحا. فليتقى اكلى المال الحرام الله فى ابناءهم.

[Tag.]

#1331406 [sami]
5.00/5 (1 صوت)

08-31-2015 08:10 AM
بسال عن ثغرة للسرقة
في اورنيك 15 الاليكتروني
هل ممكن اعرف القروش الدفعتها عن طريق الايصال دخلت خزينة الدولة
ولافي جهات
شغالة علي الحبل لسة.
كسرة
في عبور حنتوب مدني
الايصالات مطبوعة.
قال
بنطبعة عندما الشبكة تكون شغالة
طيب ممكن تطبع مليون ايصال دبلكيت
ان عايزاعرف ايصالي انافلان رقم سيارتي كذا
مش عايز ايصال
ممكن يكون مضرووووب
وهذه ثغرة اقوي من الماضي.
تحياتي للشرق الحبيب
سامي شبارقة

[sami]

#1331364 [الغلبان]
0.00/5 (0 صوت)

08-31-2015 07:00 AM
تجربة الحكم الاسلامي في السودان رسالة الى كل البشر حتى يبين ان كان الحكم دين عبادة وحكم في نفس الوقت هل ممكن ينبري لي اسلامي ليبين لي متى كان الاسلام دين حكم وعبادة في ان معا الاسلام بطريقة غير مباشرة يصبح حاكم ان كان كل الناس مسلمين يطبقون الاسلام بحذافيره في هذه الحالة تنعدم الجريمة والسرقة والنهب والتحلل وكل القيم الفاسدة اي لو كان كل الناس مسلمين لله حقا حاكمين ومحكومين لن تكون هناك الا مظاهر الدولة فقط فيا ايها الاسلاميين الحكمين باسم الله كما عهد الاقطاع والكنيسة في عهود الظلام في اوروبا اختوناااااااااااااااااااااا

[الغلبان]

ردود على الغلبان
[freedomfighter] 08-31-2015 10:02 AM
كن الرسول صلى الله عليه وسلم يؤكد دائما على انه ليس بملك ولا سلطان وانه صلى الله علسه وسلم فى مرتبة اجتماعية واحدة مع اصحابه ولم يكونوا له مرؤوسين مما يدحض فكلاة ان الاسلام دين حكم وعبادة هذه فرية ادخلهل المحتالون على الناس بالحيل حتى يعتلوا سدة الحكم فإبتعدوا عن الدين القويم والحكم الراشد.


#1331362 [كجرو]
5.00/5 (1 صوت)

08-31-2015 06:57 AM
والبشير يشوف الفساد الفي بيتو اولا والله الواحد يعتقد انو يوم القيامة يقول هاتو الدليل ؟؟؟؟؟؟؟؟ وين الدليل هو السودان فيهو دليل

[كجرو]

#1331264 [نادوس]
5.00/5 (3 صوت)

08-30-2015 11:46 PM
على الطلاق الزول يجيب حبوب الضغط بعد داك يقرأ الخبر

[نادوس]

#1331247 [معاويـــــــــــــــــــــــــــــــة]
5.00/5 (2 صوت)

08-30-2015 10:23 PM
هههههههههه قال تقرير حوكم يا اخى ايرادات البترول بالكامل لفتره طويله كانت بتنزل فى حسابات افراد بانين بيها منتجعات فى ماليزيا والخليج اموال الشعب السودانى وراكبين العربات الفارهة فى الخرطوم وبانين العمارات الشواهق اولاد الهرمه ليهم يوم ان شاء الله يكون زى جهنم ........................................

[معاويـــــــــــــــــــــــــــــــة]

#1331234 [abusami]
5.00/5 (3 صوت)

08-30-2015 10:00 PM
يا حركة يا اسلامية يا فاسدة.

[abusami]

#1331151 [د.. الزهجان]
5.00/5 (2 صوت)

08-30-2015 06:57 PM
حتي لو اتمسك والفلوس في جيبو .يتحلل و يترقي درجة درجتبن .الناس دي عندها دين مودرن حسب الطلب .ومافي شي اسمو مال عام المال مال الكيزان والسرق كوز ايش المشكلة ..ياولد رجع القروش يرجع نصها والمضوع انتهي ..

[د.. الزهجان]

#1331144 [Tarig Amman]
5.00/5 (1 صوت)

08-30-2015 06:44 PM
نشوف الحكومة حتعمل شنو و تقول شنو ؟؟؟؟

بكرة يقولوا احنا بنثق فى حكومة الولاية

و لو اتزنقوا عندهم فقه التحلل ...

حكومة لا تخجل لا تختشى ..ياكلون السحت

[Tarig Amman]

#1331136 [ممكون]
5.00/5 (1 صوت)

08-30-2015 06:35 PM
شركة صادق العالمية مملوكة للخليفة الاتحادي الخمي عبدالمجيد عبدالرحيم االصادق احد اقطاب الختمية و الحزب الاتحادي والمقرب من السيد محمد عثمان المرغني و قريب والي الخرطوم السابق عبدالرحمن الخضر يعني الختمية والغين في النهب ويجب الانتباه لهم لحين المحاسبة قريبا بازن الله

[ممكون]

#1331105 [حيدر الفادنى]
5.00/5 (1 صوت)

08-30-2015 05:42 PM
القضارف بس كل ولايات السودان فيها اختلاسات وتجاوزات
اتمنى ان ينكشف المستور
ويتحاكم من هو المسول

[حيدر الفادنى]

#1331103 [جلال مصطفي]
5.00/5 (1 صوت)

08-30-2015 05:37 PM
أها، وبعدين !!

[جلال مصطفي]

#1331102 [ابو جاكومه]
4.50/5 (3 صوت)

08-30-2015 05:35 PM
يعني فصل الجنوب كان مؤانره للنهب والسرقه والفجور والكذب والنفاق . أصلا الكيزان كلهم حراميه وما طالعين من بيوت شريفه أبدا فالأنسان الطالع من بيت نظيف دي ما أعماله ولا بتشبه .ولو نظرتوا لكل التعينات التي تمت وتتم بالخفاء والتمويه والمحسوبيه يعين فيها الفاقد التربوي ومحترفي الفساد والسرقه والدجل والخيانه .

[ابو جاكومه]

#1331096 [اسفاي!!]
4.91/5 (6 صوت)

08-30-2015 05:19 PM
رسلوها للبشير
مش قال مافي فساد
والعندو دليل شنو يجيبو

[اسفاي!!]

ردود على اسفاي!!
[sami] 08-31-2015 08:13 AM
ياحبيب
دي قروش اشتروابيها
ناخبين تقوية وتعزيز
مافي حد سيحاسب
وقابلني لوحد حاسبو وشهرو بي
بعدين لمن ترجع لشجرة العائلة تعرف الجزوووور.
سامي شبارقة

[السماك] 08-31-2015 07:58 AM
أسفاي .. إنت مشارك الناس ديل في المآكل ده ولا شنو .. يودوها للبشير يادوب إتدفنت وما شافت شمش!! قول كلام غير



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة