الأخبار
أخبار إقليمية
إدارة جمارك مطار الخرطوم تضبط أكثر من مليوني ريال سعودي بحوزة مسافر
إدارة جمارك مطار الخرطوم تضبط أكثر من مليوني ريال سعودي بحوزة مسافر
إدارة جمارك مطار الخرطوم تضبط أكثر من مليوني ريال سعودي بحوزة مسافر


09-02-2015 11:22 PM
(سونا)- تمكنت إدارة جمارك مطار الخرطوم اليوم من احباط محاولة تهريب عملات أجنبية وذلك بعد تفتيش شخصي لأحد الركاب المغادرين بصالة المغادرة و ضبطت بحوزته مبلغ (2.581.800) ريال سعودي و 4.270 يورو مخبأة على ساقيه ملفوفة "بفاول " بغرض التمويه والتضليل إلا أن يقظة قوات الجمارك كانت له بالمرصاد.
وأوضح العميد شرطة إسماعيل مطر مدير إدارة جمارك مطار الخرطوم أن الضبطية تأتي فى اطار تنفيذ أهداف هيئة الجمارك المحافظة على الاقتصاد الوطني والرقابة المحكمة على جميع المنافذ بالبلاد
مشيداً بقواته التي ظلت تحقق النجاحات المتكررة بضبط العديد من حالات التهريب وانها سوف تمثل حائط الصد لكل من يسلك طرقاً غير شرعية والتلاعب بالقانون .


تعليقات 22 | إهداء 0 | زيارات 9644

التعليقات
#1333565 [طراده]
5.00/5 (1 صوت)

09-03-2015 01:20 PM
الا يكونن كرعين البشير

[طراده]

#1333564 [jafar]
5.00/5 (1 صوت)

09-03-2015 01:20 PM
دى طريقة الحوالات الداعشية بعد المراقبة الدقيقة على تحويلات البنوك بس فى الحالة دى كان نفعت مع احدى سيقان داعشيات جامعة مامون بدل السيقان المكعوجة دى

[jafar]

#1333559 [badrMm]
5.00/5 (1 صوت)

09-03-2015 01:11 PM
وراء كل جريمة اقتصادية فى السودان الجمارك او الضرائب او جهاز الامن ...اذا ذهبت الى سوق ليبيا سوف تجد كل انواع البضائع الدكاكين الكونتينات ملئى بكل الاصناف وكذالك يوجد كل الممنوعات من الطبنجة حتى الرباعى ومن الشاشبندى حتى الافيون كله موجود ومعظمه مهرب ...لماذا مهرب ؟ لان ادخاله بالطريقة القانونية يعنى انك لابد ان تمر بحيم الجمارك والضرائب والامن الاقتصادى وتدفع دم قلبك لدرجة انا البضاعة تصبح باسعار اعلى من مقدرة المواطن الشرائية ..لذالك نشط التهريب اصبح منظم بمجموعات فيها النظامى وغير النظامى واصبحت الطرق بين بربر وشلاتين & وتشاد والكفرة وامدرمان&وسينا وبورسودان ...طرق نشطة محمية بعصابات النهب المسلح حيث يتبادل الخدمات المهربين وناس النهب المسلح...انا الضرائب والجمارك الباهظة تتسبب فى فقدان الخزينة مليارات الجنيهات ..فلو كانت عادلة ما لجئى التجار الي التهريب....وثانيا العملة الحرة لماذا يهربها التجار؟ لانهو لا يعقل ان يكون الفرق بين البنك والسوق الاسود بهذه الدرجة وايضا ...الرئيس مصر علي الحرب وهذه تحتاج الي العملات الحرة ...السلاح والتموين وعمولات الوسطاء...هذه ال2مليون اذا هى جذء صغير لمبلغ كبير لصفقة سرية ممنوعة

[badrMm]

#1333543 [سوداني حر]
3.00/5 (3 صوت)

09-03-2015 12:41 PM
رجالة ناس الجمارك في المواطن المسكين لكن ما بقدرو علي الجقور العندهم دقون

[سوداني حر]

#1333541 [كمال عبيد]
5.00/5 (2 صوت)

09-03-2015 12:33 PM
ود عوض الجاز كان رابطها في صلبه....واختلط علي ناس الجمارك الامر..وماعرفوا الدولارات من وخافوا يكشفوها فعرفها امن الخليج لكن دا يكون بتاع الامن اتاخر عليهوهو استعجل.لكن بيطلع مع الاعتزار الشديد

[كمال عبيد]

#1333515 [ود الطاهر]
5.00/5 (1 صوت)

09-03-2015 11:53 AM
دا ساق والللا برميل البيشيل اثنين مليون ريال

[ود الطاهر]

#1333497 [المسلمي]
3.00/5 (2 صوت)

09-03-2015 11:32 AM
له ساقا نعام وارخاء سرحان وتقريب تتفل
اطلق ساقيه للريح

[المسلمي]

ردود على المسلمي
[محمد عثمان] 09-03-2015 10:20 PM
مكر مفر مقبل مدبر معا """" كجلمود صخر خطه السيل من عل

[julgam] 09-03-2015 07:34 PM
لها أيطلا ظبى وساقا نعامة وإرخاء سرحان وتقريب تتفل ،،،،،،بس إختر تتفل على منو؟؟؟!


#1333399 [ماسورة]
4.50/5 (3 صوت)

09-03-2015 09:47 AM
معقول ملايين في الساق ؟
الساق اكثر الاماكن عرضة للتفتيش والكشف علي الاطلاق
اكيد تمت عملية تهريب مليارية اثناء الانشغال بعملية
( ساق النعام )

[ماسورة]

#1333378 [الجعلي الطفشان]
4.75/5 (3 صوت)

09-03-2015 09:26 AM
كلام كله كذب في كذب لكبح جماح الدولار والريال اللذان ما زالا حتى كتابة هذا التعليق مستمرين في الزيادة . لو عندكم مسرحية تانية بإخراج جميل حاولها .

[الجعلي الطفشان]

#1333345 [جمعة الكتاحة]
4.75/5 (3 صوت)

09-03-2015 08:55 AM
اخونا ده ما اكل نيم ح يشوف مع الكيزان جنس بهدلة وح تتصادر وتقدم هدية للسيد الرئيس شخصياَ الله يعينك ياصاحبي على الجلطة

[جمعة الكتاحة]

#1333322 [معاويــــــــــــــــــــــــــــــــــــة]
2.75/5 (4 صوت)

09-03-2015 08:36 AM
طباعة العمل السودانيه فى مصانع الكيزان الخاصه ليشتروا بها اعلملات الصعبه
الزول ده ما براهو هسع يجيكم نافع وال قطبى المهدى من ورا بكره حيمشى يطبع تانى دى حيقسموها بينهم

[معاويــــــــــــــــــــــــــــــــــــة]

#1333321 [الراجل]
4.25/5 (8 صوت)

09-03-2015 08:35 AM
مخبأة على ساقيه ملفوفة بفاول!!! .فاول خارج خط تمنطاشر؟

[الراجل]

ردود على الراجل
European Union [زول خارج بلدي] 09-03-2015 09:53 AM
لو ما عمل الفاول وما كان متسلل (سارق) ولو شات قبل ما يعمل فاول حارج الخط كان ركب في التمانيات، برافو الحكم كان متيقظ

[:::بيكو:::] 09-03-2015 08:53 AM
ههههههههههههههههههه


#1333312 [زول خارج بلدي]
4.50/5 (2 صوت)

09-03-2015 08:29 AM
المبلغ دي كبير جدا ولا اتخيل ان اخفاءه أو تهريبه بهذا الشكل ممكن لأن أكبر فئة من الريالات ورقة مقدرها 500 ريال وحجم هذه الفئة كبير مقارنة بالفئات الأخري. كم عدد الخمسميات التي يمكن رصها حول الساقين داير ما يدور. أكيد سيظهر ساقا الشخص الذي يحاول لف هذه الكمية الكبيرة من الاوارق أم خمسمائة منفوخين كالبالون.
نحن كنا بننكتشف بمجرد وضع بشكير مبلل أو الأطلس اتقاء لآلام الكرباح أو الجلد بعصاية النيم في المدرسة.

[زول خارج بلدي]

#1333311 [ابو جلمبو]
4.50/5 (3 صوت)

09-03-2015 08:28 AM
ما ذكرتو الرحلة كانت متجهة لوين؟ر
تركيا، دبي، مصر، ماليزيا

[ابو جلمبو]

#1333304 [كاسـترو عبدالحـمـيـد]
4.50/5 (4 صوت)

09-03-2015 08:19 AM
غريبة ولد عوض الجاز خرج بعشرة مليون دولار ولم يتم اكتشافه فى مطار الخرطوم بل فى مطار الأمارات . وكل يوم تقريبا يتم تهريب ملايين العملات الصعبة ولا يتم كشفها والقبض على اصحابها المهربين . على كل حال سوف يقوم صاحب هذه العملات المهربة بالتحلل ودفع الرشاوى المعلومة وينتهى كل شى ويا دار ما دخلك شر .

[كاسـترو عبدالحـمـيـد]

#1333303 [ودالجزيرة]
4.25/5 (3 صوت)

09-03-2015 08:19 AM
برافو ادارة جمارك مطار الخرطوم وهكذا هى الغيرة على الوطن والوطنية

[ودالجزيرة]

ردود على ودالجزيرة
[العوض] 09-03-2015 09:03 AM
غيرة مين والناس نايمين دي 2 مليون يعني اصغر صغير من الهوامير بشرب بيها شاي فى ماليزيا واسي والله لو انت عندك عشرة مليون دولار انا بعرف واحد فى ادارة الجمارك الفرحان بيها نديه 15 مليون سوداني ويطلعه ليك فى رمشة عين انت مسكين ولا شنو الجمارك البتتكلم عنها دي قاعده تدخل حاويات مليانه سموم ومخدرات وبلاوي وانت قاعد تشكر فيها واسال ناس الجمارك كم من الحاويات قاعده تدخل البلد بدون جمارك عشان اصحابه من اشكالك واشكال خالتو وداد بابكر


#1333297 [جبل اللقمة]
5.00/5 (1 صوت)

09-03-2015 08:11 AM
يا ترى هل سيكون مصيره مثل مصير مجدي أو الطيار القبطي ؟

[جبل اللقمة]

#1333280 [هيثم]
4.50/5 (3 صوت)

09-03-2015 07:44 AM
هو في اقتصاد في السودان
ياخي قول كلام يخش الراس
لو فعلا في اقتصاد الشعب السوداني ماكان هاجر
لي بلد تاني

[هيثم]

#1333264 [ابوروف]
5.00/5 (1 صوت)

09-03-2015 07:05 AM
فاول !!!!!!!!!!!!!!!!!!!!

[ابوروف]

#1333253 [التلب]
4.50/5 (3 صوت)

09-03-2015 06:45 AM
اوع يكون ده ولد عوض الجاز برضو ؟؟

[التلب]

#1333248 [hassan]
2.75/5 (5 صوت)

09-03-2015 06:23 AM
ربما تكون مسرحية سيئة الاخراج

[hassan]

ردود على hassan
[kajo] 09-03-2015 11:09 AM
صدقنى شكلها كده وانا كنت بفكر فى نفس تفكيرك لانو ما ممكن واحد يكون معاه مبلغ بهذا الحجم ويجازف به بمثل هذه الطريقة الساذجة هذا مجرد تخويف للغير لا غير ودمتم .


#1333230 [حاج علي]
2.75/5 (11 صوت)

09-03-2015 04:08 AM
قال ايه
المحافظة على الاقتصاد الوطني
صاحب هذا المبلغ طبعا كوز يريد تهريب امواله
هو اصلا اشتراها من السوق الاسود بالجنيه السوداني الماعندو قيمة
سيحاول تعويضها مرة اخري وسيشتري الريال بسعر اعلي يعني سوف يساهم في انهيار الجنيه مرة اخري ده اذا ما رجعت له ريالاته لانه كوز متنفذ ودستوري
هو منو العندو مبلغ قدر ده وعايز يهربو غيرهم

[حاج علي]

ردود على حاج علي
United States [هيثم] 09-03-2015 07:47 AM
والله كلامك صاح منو عندو المبلغ دا
غير الكيزان دا الا يكون حرامي كيزان ولاشنوا

[الفلفل الحار] 09-03-2015 06:23 AM
.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة