الأخبار
أخبار إقليمية
مخاوف من كثافة الوجود الأجنبي بولاية الخرطوم
مخاوف من كثافة الوجود الأجنبي بولاية الخرطوم
مخاوف من كثافة الوجود الأجنبي بولاية الخرطوم


09-08-2015 10:15 PM
الخرطوم: عبد الرحمن صالح
دق نواب بتشريعي الخرطوم ناقوس الخطر وأبدوا تخوفهم من كثافة الوجود الأجنبي داخل الولاية، وقالوا «الوجود الأجنبي بقى مهدد أمني بالغ الخطورة لمواطني الولاية»، وطالبوا بإحكام الرقابة عليهم ووضع قانون رادع للمهربين لهم. وطالب النائب عثمان بشير في تداول النواب لتقرير لجنة مشروع الرد على خطاب والي الولاية بالمجلس أمس بتفريغ العاصمة من الوجود الأجنبي، وأشار الى دخول لاجئي دولة الجنوب للأحياء السكنية بأعداد كبيرة، وقال «الآن الجنوبيون موجودون في الشوارع وساكنين فيها». وأضاف «الرئيس في الصين رحب بالسوريين وقبل ما يصل الخرطوم هم ملوا السوق العربي». وقطع بأن عدم التنظيم سوف يحدث كارثة في الولاية.
وفي السياق طالب مدير شرطة الولاية محمد أحمد علي بسن تشريعات قاطعة لتنظيم الوجود الأجنبي.

الانتباهة


تعليقات 10 | إهداء 0 | زيارات 3954

التعليقات
#1337001 [مراقب]
5.00/5 (1 صوت)

09-09-2015 02:32 PM
و الله الجنوبيين إخوان و البلد بلدهم. لكين ما كان ليهم حق ينفصلوا و هم ما طروا يوم باكر و قالوا أخدنا إستقلالنا عن الجلابة و الإستعمار.لكين معليش. و علي كل هم عمالة قوية و بالذات النوير في المقاولات و اليوميات.
أما السوريين,فنسأل الله أن يقيل عثرتهم و ما حدث لهم من جور الزمان. وواجبنا أن نحتضنهم حتي تزول هذه الظروف التي وجدوا أنفسهم فيها.
و الله السوريين ناس حلوين و بناتهم ظريفات و ما يميزهن أن شخصياتهن قوية و فالحات. يعني بخت من تزوج منهن و بالله التوفيق.
أما الحبش,فهم ناس معايش و مسالمينز و إن كان هناك تجاوزات من أي جنس فينبغي حسمها حتي لا تستفحل و تخلق مشاكل.
أمن البلد و علاج المشاكل يتوقف علي كفاءة جهاز الأمن. يعني في جهاز أمن قوي ...ما في مشكلة.

[مراقب]

ردود على مراقب
[سوداني في بلد الغير] 09-09-2015 05:25 PM
كلام رجل أصيل وفي محله ...نسأل الله ان يفرج علي كل صاحب حاجه ...آمين


#1336987 [المسلمي]
5.00/5 (1 صوت)

09-09-2015 01:57 PM
مرحب بكل انسان بس التقنين واجب كفي ناس الكنابي الجاين من تشاد زمن الجفاف والله يسامح حزب الامة استخدمن في انتخابات 86 كمواطنين

[المسلمي]

#1336882 [ود بري]
5.00/5 (1 صوت)

09-09-2015 11:30 AM
إحتضان السوريين للسودانيين لم يكن خاص بالسودانيين بل هي سياسة تجاه كل عربي .. ونحن من جاه الملوك نلوك.. أما ذهابنا لسوريا لم يكن يوماً بغرض اللجوء بل بغرض أما السياحة أو التجارة أو بعض الأسباب السياسية الفردية وليست صفة لكافة الشعب .. وبالرغم من هذا الجنوبيون أخواننا في السودان والسوريون أخواننا في الإنسانية.

[ود بري]

#1336863 [ادم دريدي]
5.00/5 (2 صوت)

09-09-2015 10:46 AM
هذا الكلام الخائب لايجدي ....ان الجنوبيين دي بلدهم ......والله كلم غريب ياتي من انسان مأفون هم اصلا من يوغندا ووكينيا والبلد دي حقتنا نحن وبلاش كلام فارغ .....نحن كرهنا علي عبد اللطيف والماظ زاتهم

[ادم دريدي]

ردود على ادم دريدي
[متثور] 09-09-2015 02:57 PM
من كره تاريخه فهو لا يساوى شيئا على عبد اللطيف و الماظ هم تاريخ السودان الحديث الناصع و لا اظنك تملك فى بلدك 1000 متر مربع فهذه بلد البشير و الحركة الاسلامية حتى يقضى الله امرا كان مفعولا و الجنوبيين اخوة وطن شاء من شاء و ابى من ابى


#1336858 [sudani]
5.00/5 (1 صوت)

09-09-2015 10:40 AM
حقيقة السوداني شخص طيب وبسيط (طبعا كلمة طيب في منطقة الخليج معناها (ساذج)

[sudani]

#1336782 [محب الله]
5.00/5 (3 صوت)

09-09-2015 09:04 AM
الحكومة تريد ان تفرغ العاصمة من السودانيين وتضع مكانهم غيرهم ... بدواعي الاستمرار في السلطة الى اطول امد

[محب الله]

ردود على محب الله
[moto] 09-09-2015 09:23 AM
yes you are totally right


#1336662 [عمار]
4.00/5 (2 صوت)

09-09-2015 03:59 AM
ليه ما فكرتو الجنوبيين والسوريون يتوزعو علي أطراف الأقاليم بالطريقة ممكن يزرعو ويرعو وتتدب حياة جديدة في الأطراف ويحمو الحدود علي الأقل ، هم حيرضو يسكنو هناك لانو اساسا هم ما جايين سباحة هم جايين لمكان آمن ومكان يقدرو ياكلو منه عيش

[عمار]

#1336642 [السودان]
0.00/5 (0 صوت)

09-09-2015 01:54 AM
السواد الاعظم السوريين في السودان والله غريب . يقول المثل فاقد الشي لا يعطيه . الشعب السوداني كل لاجي وحروبات في انحاء السودان .والسوري فاكر نفسه في بلد امن .والله صح الحرب يشتيت افكار العالم .

[السودان]

#1336627 [ديجانقو]
5.00/5 (6 صوت)

09-09-2015 12:43 AM
انتو الكارثه ...انتو اطلعوا حنتحملهم كلهم ..الجنوبيين اخواننا ..والبلد بلدهم ان رضينا ولا ابينا ..ديل احفاد علي عبداللطيف وعبد الفضيل الماظ ..السوريين هم الوحيدين الذين احتضنوا الشعب السوداني الهارب من جور الزمان وحكم العسكر ...دون أي اوراق ثبوتيه ..او أي انتماء جهوي او سياسي او اثني او عرقي ..فقط انك سوداني ممكن ان تبيع او تشتري او تستقر حيثما شئت الا تكونو ضعيفين في التاريخ ..الاريتريين والتشاديين والاثيوبيين هم الجيران ان رضينا او ابينا ..وبنفس القدر احسبوها كم من اللاجئين السودانيين في تشاد ومصر وكينيا ويوغندا واثيوبيا واريتريا ..فزوا انتو جاكم بلاء ....

[ديجانقو]

#1336601 [داوودي]
5.00/5 (3 صوت)

09-08-2015 10:37 PM
ما حيكون فيها كارثة اكبر منكم ، بعدين هم قاعدين لانهم مطريين بس .

[داوودي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة