الأخبار
أخبار إقليمية
الخارجية السودانية تستدعي السفير البريطاني
الخارجية السودانية تستدعي السفير البريطاني
 الخارجية السودانية تستدعي السفير البريطاني


استبعد إعفاء السودان من ديونه،
09-11-2015 10:56 AM
استدعت الخارجية السودانية، يوم أمس الخميس، السفير البريطاني في الخرطوم، مايكل آرون، احتجاجاً على تصريحات نسبت إلى السفير استبعد خلالها إعفاء السودان من ديونه، كما انتقد عرقلة الحكومة تنقلات الدبلوماسيين داخل مناطق النزاعات (درافور ومنطقتي النيل الأزرق وجنوب كردفان) وربطها بالأذونات.

وأبلغ وكيل وزراة الخارجية، عبدالغني النعيم، السفير البريطاني، الذي تقلد منصبه في الخرطوم حديثاً، امتعاض الحكومة ورفضها تصريحاته، التي وصفها بالسالبة، حول الأوضاع في دارفور، فضلا عن قضية الديون الخارجية. وأشار الوكيل في تعميم صحافي اليوم إلى أن تصريحات الدبلوماسي البريطاني حملت الكثير من المعلومات غير الدقيقة، فضلاً عن أنها تمثل حكماً مسبقاً غير قائم على الفهم الصحيح.

وفي حوار مع إحدى الصحف المحلية في الخرطوم، أكد السفير البريطاني استحالة إعفاء ديون السودان في ظل إنفاق الحكومة نحو 70% من الموازنة العامة على الأمن والدفاع، دون الخدمات “صحة وتعليم”.

وكالات


تعليقات 11 | إهداء 0 | زيارات 3703

التعليقات
#1338447 [حامد عوض]
5.00/5 (1 صوت)

09-12-2015 01:42 PM
السفير البريطاني قال للفرنسي .. بل راسك وقالوا بتاع المانيا ركب اول طياره وشرد خوفا من مساءلة سعادة وكيل الخارجيه .. والله عجب.

[حامد عوض]

#1338161 [عصمتووف]
5.00/5 (1 صوت)

09-11-2015 09:36 PM
تريدون الاعقاء والمعونات والقروض والشحدات من اجل هدر مزيد من شلالات الدماء لو كنتم صرفتوها ف خدمة التعليم والصحة وانشاء البني التحتية لكان عين العقل ف السفير قال الحقيقة بعين مجردة ونقل لكم صوتنا الذي وصلكم لكن دخل باذن وخرج ب الاذن الاخري
شكرا خادم ملكة مملكة الاسدين التي لم ولن تغرب شمسها بعد انهم ي سعادة السفير يريدون سماع م يطربهم ويشجيهم لكن تغريداتك طلع لحنها نشاز صك اسنانهم وصفقت مواخراتهم
انا م جبت سيرة الريح

[عصمتووف]

#1338129 [mohamed]
5.00/5 (1 صوت)

09-11-2015 07:08 PM
والله مقولة من اين اتي هؤلاء سيبقي ألقها وبريقها ماداموا باقون..
لو كانوا حريصون لأستفادوا من الدروس المجانيه التي ترد إليهم يوميا من الدبلوماسيين الأجانب بدل الغلاط والكلام الفارغ.
لايمكن أن يصرح الدبلوماسي البريطاني لصالحك وإنت بتعرقل برامج زياراتو لمناطق فيها نزاع مايعني بمثلنا الدارج العود المافيهو شق مابقول طق.
كمان عشان تكون محترم رد علي كلامو بتاع الأرقام بنفس الطريقه .يعني أثبت ليه بالارقام إنو الإنفاق الحكومي علي الخدمات ليس ٣٠% بل ..أكثر بكثير.؟ وأن الإنفاق للأمن والدفاع بالأرقام أقل من الخدمات..إما إذا ماعندك كلام موثق يدحض كلامو خلي السفير أنا دا بقول ليك مليم واحد مابتعفي من الديوووون الخارجيه.فرجاء أرحمنا.

[mohamed]

#1338123 [حسن عوض]
5.00/5 (3 صوت)

09-11-2015 06:37 PM
((احتجاجاً على تصريحات نسبت إلى السفير استبعد خلالها إعفاء السودان من ديونه،)) ..

فعلاً إنتو ناس منزوعى الكرامة ..
الكلام دة ماعارفو أى زول فى الشارع , هل أتى بجديد ؟؟ أم تردونه ينافق و يكذب و يخادع كما تفعلون أنتم ؟؟

الكل يعرف بأن أكثر من 70% من الميزانية كل عام تذهب لأجهزة الأمن المختلفة التى أصبحت بالعشرات و للجيش و الشرطة و الدفاع الشعبى و أخيراً تم إضافة جماعة حميدتى و دعمه السريع ..

لماذا يقوم دافع الضرائب الغربى (فى امريكا و الاتحاد الاوروبى وكندا واستراليا) لماذا يتنازل عن امواله التى أقرضها لنظام همه الاول و الاخير إشعال الحروب و تقوية اجهزة امنه و إستبداده فى إذلال المواطن ؟؟ وهو يرى ان امواله لا تذهب للمواطن فى التعليم والعلاج وتوفير الماء الصالح للشرب .. و كذلك يرى ان جزء كبير من امواله تذهب لجيوب مسئولى النظام و سدنته , فلماذا يتنازل عنها ؟
إختشو , شحادين و عينكم قوية كمان ؟

[حسن عوض]

ردود على حسن عوض
European Union [mohamed] 09-11-2015 09:19 PM
يعني ياأخ حسن تفتكر في قاموسهم في مصطلح إسمو دافع ضرائب؟! ولا حتي عارفين إنو دافع الضرائب هو السيد وهم خدامو؟ والله كفرهم بهذا المصطلح يفوق كل تصور لذلك علي الشعب جميعا المزارع والراعي وست الشاي والسواقين والمعلمين والقوات النظاميه وعمال النظافه والتجار وكل من له مهنه في البلد الاسمو السودان بتتاخد منه ضريبه بشكل أو بأخر كان في السكر ولا الرغيف أو السجاير أو الكهربا أو ....الخ أهي دي القروش المفروض الحكومه تحسن إدارتها وتسخرها لمصلحة المواطن بدل تستخدم جزء منها لرفاهية العاملين عليها والجزء الأخر لقتل وتشريد وتجويع البعض ولكن هل كل قومي يدركون؟؟!!


#1338095 [عبد الرحيم خلف]
5.00/5 (1 صوت)

09-11-2015 04:44 PM
هذا ديدنهم تجاه كل من يُزْجِي لهم نصحا او يواجههم بحقيقة لا يودون سماعها!!

[عبد الرحيم خلف]

#1338083 [Rebel]
5.00/5 (3 صوت)

09-11-2015 04:05 PM
* المعروف للمتخرجين حديثا من كليات الاقتصاد أن إعفاء "ديون الدول الأقل نموا" له شروط إقتصاديه و سياسيه و إجتماعيه محدده و واضحه, تتعلق كلها باصلاح الاقتصاد الكلى و سياسات و استراتيجيات محاربة الفقر, و بسياسة الدول فيما يتصل ب"العداله و المساواهJustice & Equity" و "حقوق الإنسان" و "حكم القانون" و "الشفافيه و الحكم الراشد" و "مكافحة الفساد"..إلخ.
* فلا ذنب للسفير, سوى انه يعلم كما اعلم انا و القارئ الكريم, ان " طبيعة نظام الحكم" فى السودان لا تمكنه من الإيفاء باقل مطلوبات مثل هذه "الشروط" المحدده و الواضحه وضوح شمس يوليو..و بالتالى يصبح السودان غير مؤهلا اصلا لإعفاء ديونه..لأنه لن يجد المسانده اللازمه, خاصه من قبل المؤسسات الماليه و الإستثماريه التابعه لدول " للاتحاد الأوربى", و لا من البنك الدولى, و لا من صندوق النقد الدولى, و لا من أعضاء "نادى باريس"!
* فما ذنب السفير البريطانى, يا وكيل خارجية الجهل و النفاق و الاملاق!

[Rebel]

#1338082 [عبدالواحد المستغرب اشد الإستغراب!!]
5.00/5 (2 صوت)

09-11-2015 04:01 PM
عاد يا أخوانى ناس الإنقاذ ديل دايرين سفير بريطانيا يكضب زيهم ؟!! هسى الزول ده(السفير البريطاني) قال شنو غير الحقيقه الحيسعلكم منها ربنا يوم الحساب ودحين الخواجه ده ما عندو دين مؤمن بيهو وخايف من سعال منكر ونكير ؟!! والراجل بدينو البتنكروه طلع صادق وماهو كضاب وكان جينا للجد الحيسعلنا منه ربنا يوم القيامه والله كلامو كلو صاح ونحن بالشوفناه بعيونا الحتاكلا الدود وبى إضنين الحتاكلا الدود عارفيييين الكضب ده حقكم براكم والبلد حكموه الانجليز والأتراك والمصرين وناس عبد الله خليل وإسماعيل الازهرى وعبود والصادق والنميرى لكن كضب زى كضبكم ده برى برى برى يطرشنا عمرنا ما سمعناه وعمرهم ما أكلو في الفندق وباتو في الجامع زى ود ابزهانه!!عاد ياغندور شكيتكم لالله عليكم جنس قوة عين !!طيب ما تقولوا ليهم العجله في شنو ؟ صبرا يبل الابرى امهلونا شهر شهرين بس دهبنا يطلع وبعداك نشوفكم حتمسكونا من وين !! ولزوما الفضائح وشيل الحس؟!!.

[عبدالواحد المستغرب اشد الإستغراب!!]

#1338008 [حاج علي]
5.00/5 (10 صوت)

09-11-2015 12:40 PM
يا وكيل وزارة يا عبد الغني النعيم
الخواجة الكافر ده صادق اكثر منكم يا كذابين
الشعب سيصدق كلامه ولا يلتفت اليكم

[حاج علي]

#1338003 [ابو الخير]
2.00/5 (1 صوت)

09-11-2015 12:14 PM
حتى الخواجات لم يسلموا من ذلة الانقاذ

[ابو الخير]

#1337996 [عمار]
4.75/5 (5 صوت)

09-11-2015 12:03 PM
سبحان الله عايزنو يعني يكضب ويصرح بهتان زيكم يقول الرخاء والسلام عم السودان وميزانته بقي صرفها عادل علي قطاعات التعليم والصحة والاقتصاد!!!!!
ديل انجليز ما بعرفو يكذبو زيكم عشان كده هم احسن مننا والبيقول غير كده بيغش في نفسه
عليكم الله ما تخلو الناس تتضحك فيكم ، ده استدعاء بتاع هربطة ساي ما موضوعي يفتقد المنطق والعقل

[عمار]

#1337991 [QUICKLY]
4.63/5 (4 صوت)

09-11-2015 11:51 AM
كلام منطقي وعقلاني
لماذا تعفي الدول الدائنة الحكومة من الديون أذا كان تنفق أكثر من 70% من ميزانيتها في الحروب والدمار وقتل المواطنين 30% المتبقية في رفاهية منسوبيها وأرتال الوزرا الفاسدين وأسرهم ؟!!لماذا الاعفاء لماذا ؟؟

أعصروهم أعصروهم أزنقوهم أزنقوهم زنقة كلب في طاحونة!

[QUICKLY]

ردود على QUICKLY
[basheer lomay] 09-11-2015 04:35 PM
Seer ya basheeer

European Union [mohamed] 09-11-2015 03:11 PM
والله مقولة من اين اتي هؤلاء سيبقي ألقها وبريقها ماداموا باقون..
لو كانوا حريصون لأستفادوا من الدروس المجانيه التي ترد إليهم يوميا من الدبلوماسيين الأجانب بدل الغلاط والكلام الفارغ.
لايمكن أن يصرح الدبلوماسي البريطاني لصالحك وإنت بتعرقل برامج زياراتو لمناطق فيها نزاع مايعني بمثلنا الدارج العود المافيهو شق مابقول طق.
كمان عشان تحترم رد علي كلامو بتاع الأرقام بنفس الطريقه .يعني أثبت ليه بالارقام إنو الإنفاق الحكومي علي الخدمات ليس ٣٠% بل ..أكثر بكثير.؟ وأن الإنفاق للأمن والدفاع بالأرقام أقل من الخدمات..إما إذا ماعندك كلام موثق يدحض كلامو خلي السفير أنا دا بقول ليك مليم واحد مابتعفي من الديوووون الخارجيه.فرجاء أرحمنا.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة