الأخبار
أخبار إقليمية
خبير في التخطيط: قرار إزالة كبري المسلمية (خاطئ)
خبير في التخطيط: قرار إزالة كبري المسلمية (خاطئ)
خبير في التخطيط: قرار إزالة كبري المسلمية (خاطئ)


09-14-2015 09:28 AM

الخرطوم: لبنى عبد الله
كشف خبير في مجال التخطيط شارك في اعداد المخطط الهيكلي لولاية الخرطوم، أن المخطط الهيكلي لم يتضمن إزالة كبري المسلمية، وشدد على عدم جدوى إزالة الكبري.
وقال الخبير الذي – فضل حجب اسمه- في إفادة لـ (الجريدة) أمس، ضمن تحقيق ينشر بالداخل، إنه لا توجد فائدة من ازالة كبري المسلمية، وأوضح أن الكبري يؤدي عمله الوظيفي في تخفيف ضغط الحركة في كل من تقاطع المك نمر مع شارع الطابية.
واضاف أن الكبري يعد من الآثار التاريخية، وهو مبني من مواد وصفها بالجيدة، منها الحجر النوبي الرملي، واعتبر قرار الإزالة غير مجدٍ، ووصف القرار بالخاطئ، وكشف عن فشل الجهات ذات الصلة في تفكيك الكبري، ونوه إلى رغبة تلك الجهات في إعادة ما تمت إزالته من الكبري.
من جهته وصف المدير العام لوزارة البنى التحتية المهندس عبد القادر همد، ما تم في كبري المسلمية بالتأهيل وليس إزالة، ونفى فشل الوزارة في إزالته وقال (تعمدت الإبقاء على نصف الكبري لإنشاء كبري طائر).
في السياق كشفت دراسة للجمعية الهندسية السودانية بالتعاون مع وزارة البنى التحتية والمواصلات بولاية الخرطوم، وهيئة الطرق والجسور ومصارف المياه، في ندوة بعنوان (كبري المسلمية – الرؤية الفنية وتحديات المستقبل)، كشفت عن الوصول لقرار إزالة كبري المسلمية للمواصلة في تنفيذ المخطط الهيكلي، وأقرت بالتاريخ الخدمي الطويل للكبري، وقالت إنه كان لا بد من الوصول لذلك القرار الصعب، وذلك لتقديم خدمة مرورية أفضل لمستخدمي الطريق.

الجريدة


تعليقات 8 | إهداء 0 | زيارات 4457

التعليقات
#1342079 [Fatmon]
0.00/5 (0 صوت)

09-18-2015 03:34 PM
يا ود الخرطوم العم فتح الرحمن البشير في الحساب عمنا وصديق والدي الله يرحمه وبيت الشيخ مصفي الامين ما بغباني لكن هذا الكلام سمعته من ناس الخرطوم قالوا محدثة النعمة زوجة الرقاص قالت البيت لما العربات تطلع الكبري ببقي مكشوف والله أعلم والحله دي حلتنا عديل لكن كان أمت ولا انا الليله الخرطوم بقت ملك حر في جيب الرقاص مش هي بس السودان بشعبه كله مرهون عشان خاطر رقبته ان شاء الله رقبته تنقطع الليله قبل باكر يارب

[Fatmon]

#1340380 [توم براون]
0.00/5 (0 صوت)

09-15-2015 02:19 PM
والله البلد دي لا فيها إداريين ولا فيها مهندسين، كبري شنو كمان البعملو ليهو ندوة، أها أكان ما طولو خمسين متر كان عملتو ليهو مؤتمر قمة ولا شنو،أصلو كبري قولدن قيت بردج ولا شنو؟ روحو عواطلية عاجزين بلا يخمكم يا وهم

[توم براون]

#1340191 [عتمني]
5.00/5 (1 صوت)

09-15-2015 10:12 AM
لقد عادت ذاكرتى لايام خلت عندما كنت اجلس مع صديقي ونحن نتدارس حال السودان الحاضر والماضى وسلبيات وايجابيات تلك المتغيرات سرد لى صديقى قائلا هل تصدق بأن شخصيه بريطانيه كبيره جاءت فى زياره للسودان فقط ليلقى نظره على منظومة السكك الحديديه التى انشأت بواسطة المستعمر الانجليزى فى ذاك الزمان جاء ليلقى نظره على قطارات البخار والترام عينات تاريخيه جديره بالحفظ والاهتمام جاء ليكتب ويدون عن جهد اولئك الرجال فى بلاد قد تبعد الاف الكيلومترات عن بريطانيا جاء للتوثيق بالصور انه فعلا فخر وتاريخ وتراث وانجاز عظيم لقد تملكنى الحزن وانا ارى سكك حديد الجزيره تفكك وتباع بواسطة لصوص اتوا من رحم ام جائعه لصوص منعدمى الضمير والاخلاق نقطة ضعفهم المال لم يروا العز ولم يتربوا عليه حانت لهم الفرصه ففعلوا فى السودان مالم يتصوره العقل معتقدين ان المال كل شىء لقد باعوا كل شىء من ورائه كومشن بل باعوا السودان كله...لكنى اقول لكل المتسلطين اهربوا ايها الجياع فأن غضب الشعب يطفى بلهيب البركان اذا ما ثار يوما.

[عتمني]

ردود على عتمني
[الهلال السوداني] 09-15-2015 11:47 AM
أي صدقت


#1339831 [عوض عمر]
5.00/5 (1 صوت)

09-14-2015 08:13 PM
أي مساس بالمخطط الهيكلي لمدينة الخرطوم و تحديدآ قلب الخرطوم Down town سيربك حركة المرور و يجر إلي مشكلات عديدة,و مثال علي هذا نقل موقف المواصلات من قلب الخرطوم إلي ميدان كركر.لقد كان الهدف هو تشتيت تجمع الطلاب و إضعاف المظاهرات التي يقودها الطلاب,مثلما فرض إغلاق سينما كولوزيوم كي لا يخرج الجمهور في آخر الليل و يثيروا الشارع.هذا تفكير قاصر أملته إعتبارات أمنية فقط.
و بالمناسبة من أين اتوا بإسم (كركر) الغريب هذا؟
لست مهندسآ,بل هذه رؤية مواطن فقط.

[عوض عمر]

#1339708 [ابو سكسك]
5.00/5 (5 صوت)

09-14-2015 03:54 PM
والله الحاجات البتحصل في السودان تحير. ده بذكرني بقصة المسطول اللقى كل الناس جاريين في هلع وسألهم "مالكم جاريين يا جماعة" فقال له احدهم "قالو الرئيس اصدر قرار بأنو اي زول عندو تلاتة جنا جدادات يقطعوا ليهو واحدة في الحال"، فتنفس المسطول الصعداء وقال "الحمد الله انا عندي اتنين بس" فرد له الشخص "لالا ياخي...الجماعة ديل قالوا بقطعوا في الاول بعد داك بحسبوا" فأطلق المسطول ساقيه للريح. هسع ناس الخرطوم بقوا يهدموا الكباري في الاول، بعد داك يعملوا دراسات ويعقدوا ندوات لمعرفة جدوى الهدم.

[ابو سكسك]

#1339568 [Ahmed Abdelrahman]
4.75/5 (5 صوت)

09-14-2015 11:42 AM
ياحليل كبري المسلمية زكريات متراكمة جميلة عشناها ونحن نعبره ذهابا وعودة استغرب في مسئولينا ومهندسينا غياب نظرة اعلاء قيمة التراث والمعالم والمباني الاثرية الجميلة في الخرطوم والمدن الاخري واعتقد ان فيهم شيء من الجهل الفاضح واعذروني لهذه الكلمة الحادة لاني تاثرت وغضبت فقرار ازالة بعض معالمنا الاثرية مثل كبري المسملية والجندي المجهول وبعض معالم السكة حديد فيه كثيرا من الجهل واخاف ان ياتي اليوم الذي يهدم فيه مبني البريد والبرق والقصر الجمهوري ومبني وازارة المالية بالخرطوم وغيرها من المباني التاريخية الجميلة والتي تعتبر تحفة فنية ينبغي ان نحافظ عليها والاهتمام بترميمها ياخوانا شوفو الناس من حولنا ماذا يفعلون بمبانيهم التاريخية خلونا من اوربا شوفو الهنود كيف حافطو علي محطة السكة حديد كمثال وجعلوها مزار سياحي شوفوا مدن اوربا كلها مباني تاريخية مبنية منذ اكثر من ثلاثمائة عام ولازالت موجودة بكامل هيبتها وجمالها دة تاريخ وحضارة واضافة فنية حسبي الله ونعم الوكيل

[Ahmed Abdelrahman]

#1339533 [موجوع شديد]
5.00/5 (4 صوت)

09-14-2015 10:57 AM
من جهته وصف المدير العام لوزارة البنى التحتية المهندس عبد القادر همد، ما تم في كبري المسلمية بالتأهيل وليس إزالة، ونفى فشل الوزارة في إزالته وقال (تعمدت الإبقاء على نصف الكبري لإنشاء كبري طائر).
وهو كان كبري غاطس الله يطيركم ونرتاح من كميه الغباء التي تنثروها علينا

[موجوع شديد]

#1339480 [fatmon]
5.00/5 (4 صوت)

09-14-2015 09:40 AM
إنتو ما عارفين الطيارة حرقت وين !!!!الموضوع المدام إشترت بيت الشيخ مصطفى الأمين وطلبت يكسروا الكبري ويزولوه مصاصه وبسكتوها بيها ده كل الموضوع ما عايزه الناس الغبش ديل يعاينوا ويحدسدوها علي النعمة ولاورثة بتاعت أبوها السودان ده ما أصبح ملك خالص ليهم عشان كده المتاوقة ممنوعة على الأكابر أمثالها

[fatmon]

ردود على fatmon
[ود الخرطوم] 09-15-2015 01:06 AM
يا عزيزى البيت الشمال كبرى المسلميه ده بيت رجل الأعمال المرحوم فتح الرحمن البشير أما بيت المرحوم الشيخ مصطفى الأمين فهو جنوب مستشفى الأسنان ... للعلم مع تحياتى .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة