الأخبار
أخبار إقليمية
لقاءات ناجحة للحسن الميرغني بدعوة من الكونغرس الأمريكي
لقاءات ناجحة للحسن الميرغني بدعوة من الكونغرس الأمريكي
لقاءات ناجحة للحسن الميرغني بدعوة من الكونغرس الأمريكي


مع أن رئيس برلمان البشير أقر بفشله الكامل
09-15-2015 02:36 PM
واشنطن - وليد عثمان
حظيت زيارة محمد الحسن الميرغني إلى الكونغرس الأمريكي باهتمام كبير من جانب المراقبين السياسيين والمهتمين بالملف السوداني. ولبى الحسن دعوة عضوي الكونغرس مارك سانفورد، من الحزب الجمهوري، ودونالد بين من الحزب الديمقراطي، بوجود عدد من أعضاء الحزبين أثناء الاجتماعات التي تمت في العاشر والحادي عشر من سبتمبر الجاري. والتقى الحسن الميرغني في بداية جولته بالكونغرس بعضو الحزب الجمهوري حاكم ولاية ساوث كارولينا السابق مارك سانفورد، وتم بحث العلاقات السودانية الأمريكية والحصار الاقتصادي والديون.
وأكد الحسن خلال اللقاء على أهمية الدور السوداني في القارة الأفريقية والوطن العربي وقدرة السودان على لعب دور إقليمي لدعم الاستقرار في المنطقتين. من جانبه وعد عضو الكونغرس مارك سانفورد الحسن بالعمل على دعم جهود السودان لفك الحصار الاقتصادي، وإعفاء الديون. كما التقى الميرغني بعضو الكونغرس دونالد بين وعدد من أعضاء الحزب الديمقراطي في نهاية جولته بالكونغرس. وتم الاتفاق على التواصل مع الكتلة السوداء بالكونغرس لبحث القضايا المشتركة والعمل على رفع الحصار الاقتصادي وبحث الديون وعودة السودان للمنظومة الدولية. وتطرقت اللقاءات كذلك لتجربة مشاركة الحزب الاتحادي الديمقراطي الأصل في الحكومة ومدى جدوى المشاركة السلمية وأثرها في التغيير السياسي. وتفيد متابعات (اليوم التالي) من واشنطن أن الحسن الميرغني سيكون في الخرطوم عقب عطلة عيد الأضحى المبارك

اليوم التالي


يقرأ مع :

http://www.alrakoba.net/news-action-show-id-208792.htm

http://www.alrakoba.net/news-action-show-id-208790.htm


تعليقات 22 | إهداء 0 | زيارات 3413

التعليقات
#1341079 [فدائى]
0.00/5 (0 صوت)

09-16-2015 02:58 PM
كدى عليك الله استعدل من محلك ده وقبل علينا جاى واكشحنا بى فاتحه كدى النشوفا بتصل؟

[فدائى]

#1341078 [Mat too]
0.00/5 (0 صوت)

09-16-2015 02:57 PM
الجاك ياحسون الجاك، ولا أقول ليك الجاتك في الكذب والقنابل سامحتك .اتصلت أنا ماتو باكونقرس وسالت
السكرتارية عن شاب سوداني حضر لنقاش فك الحظر عن السودان ،قالوا لي البجونا كتار وتسعه وتسعون
في المئه من الزيارات سياحية ،قلت ليهم زولنا ده جاء مع أعضاء من الكونقرس قالوا لي مافي كلام زي ده،.
لكن سمعنا إنّو في واحد شيباني وصل قبل مده في زياره ورجع (أظنهم قاصدين البروف ابراهيم احمد عمر)
لكن كدي وصف لينا ،قلت ليهم اسمه الحسن قصير وسمين ويبدوا عليه العبط والتوحد ،قالوا لي هذا وصف
غير دقيق خصوصا العبط والتوحد عند ناس كثيره الايام دي ما بعرفوا الفرق بين الكونقرس وأي عماره في
بروكلين، زولك ده أظن شوهد من خلال الكمره يأكل سندوتش بتاع شاورمه في احد الشوارع .وسالوني بالله
ده من عندكم ،مالوا مبهدل كده زي سواقين الكارو في تركيا ، زعلت منهم شديد وقلت ليهم المابعرفك يجهلك
ده سيدي الحسن محمد عثمان المرغني ،قالوا لي يسد نيتك اطلع بره ، ونادوا لي الجاك والجاك اداني خبطه
لما صحيت من النوم وقمت مخلوع واكورك ،الحسن الجاكء الحسن الجاك ..
أظن حبيبي وسيدي حسونة حلمان ولكن حلم المبروكين يعتبر حقيقه قادمه ولا شنو يا عشوشه بت احمد
بلا ياسيدي قوم وكفاك النوم.
من نصدق البروف الذي عاد بدون اي تقدم في رفع العقوبات ،او الولد الحسن الجابه من دقله ............
ياجماعه احترموا عقولنا والكذب حبله قصير واسالوا الجاك، الجاك الجاك! !

[Mat too]

#1341042 [مدحت عروة]
3.00/5 (1 صوت)

09-16-2015 01:47 PM
ناس الانقاذ او الحركة الاسيلاموية مساكين والرايحة ليه حاجة بيفتح خشم البقرة شتموا امريكا وفرنسا وبريطانيا الخ الخ والآن يتهافتون على رضاهم ورضا غيرهم وهم من غفلتهم وجهلهم وعدم رؤيتهم ما عارفين ان القوة والعزة والمنعة والكرامة هى من احترام شعبهم واعطائه حريته والحكم والتداول فيه بالتراضى والتوافق الوطنى تحت ظل القانون و الدستور المتراضى عليهما من مكونات الامة السودانية وان الشعب هو سيد البلد ينتخب حكومته ويراقبها ويحاسبها ويعزلها او يرضى عنها فيتركها ويدعمها ويكون لها سندا ودعما امام اى اجنبى يتدخل فى شؤون البلد او يحتل ارضها او يعتدى عليها واقسم بالله البيكوس العزة عند الاجانب ويقمع شعبه ما يلقى غير الذلة والمهانة والله على ما اقول شهيد هسع عليكم الله عاينوا للهند اللى هى اقرب مثال لينا ما شاء الله عزة وكرامة وتطور فى جميع المجالات ولا اقول انهم حلوا جميع مشاكلهم خاصة الفقر لانهم مليار وربع لكنهم فى الطريق الى ذلك ولا تستطيع اى دولة فى العالم ان تذلهم او تهينهم بل تتعاون معهم لانهم امة ارتضت النظام الديمقراطى العلمانى لان بلدهم لا تقبل غير ذلك مش زى ناسنا الهبل جارين ورا القومية العربية بعثية او اثنية وتارة نحو الشيوعية الديكتاتورية واخيرا نحو الاسلام السياسى الذى يخالف الدين والوطنية السودانية فصرنا نتلقى الذلة والمهانة من اليسوى والما يسوى بدل ما ننشىء وطن سودانى قوى متنوع يحكم بالديمقراطية الليبرالية ولا يعادى دين او اى دولة يتعاون مع الكل حسب مصلحته ومصلحة الآخرين السيد فيه القانون والدستور والكل امامه سواسية يختلف سلميا داخليا ويد واحدة امام اى دولة تقل ادبها عليه او تحتل او تعتدى على ارضه اننى ارفع قبعتى زى ما بيقولوا احتراما وتقديرا للهند العظيمة وابصق على اى انقلاب عسكرى او عقائدى عطل التطور الديمقراطى فى السودان وعطل تكوين امة سودانية قوية متطورة!!!!!!!!!

[مدحت عروة]

#1341009 [ساره أحمد]
0.00/5 (0 صوت)

09-16-2015 01:07 PM
قال زيارة ناجحة قال .. ماهي مقاييس النجاح ياهذا
الخبر مصنوع ومنتخ خاص بالسيد محمد لطيف -مركز طيبة - لسان ود الميرغني هذه
الايام والثمن معلوم -ود الميرغني لاعلاقة له البته بهذا الشعب وكذلك محمد لطيف
كل القصة مصالح تربط الانقاذ بالتجار والوصوليين والشعب لا في العير لا في النفير

هذا الخبر يتم توزيعة لعشرات الايميلات عبر طيبة برس وعبر صحيفة اليوم لمالكها هو الاخر
اصبح تاجرا ونسي الحزب الاتحادي والمريخ لع مجرد منصة ويوظف علاقته بعبد الغفار الشريف في جهاز الامن
ولسع الجراب مليان ياهؤلاء

[ساره أحمد]

#1340968 [كمن]
0.00/5 (0 صوت)

09-16-2015 11:59 AM
والله محن بتاع الفته ده ماشي بقفطانه فاكر الكونجريس ده حوليه يعرض فيها بعصايتو ويتخارج

[كمن]

#1340873 [ابو جلمبو]
0.00/5 (0 صوت)

09-16-2015 10:09 AM
امريكا فيها شركات سمسمرة متخصصه في الدعاية لناس العالم التالت:
تدفع لشركة دولارات يجهزو ليك اجتماع كم دقيقة مع عضو كونغرس او مسؤل حكومي تقعد معاه كم دقيقة ويصوروك ويحمضو ليك الصورة في وقتها وتختها في جيبك وتتخارج تمشي بلدك تقول للناس اجتماعتي كانت ناجحة جدا جدا
وكله سفر وفسح وتزاكر طيران وفنادق بقروش الشعب

[ابو جلمبو]

#1340868 [ابو جلمبو]
5.00/5 (1 صوت)

09-16-2015 10:06 AM
امريكا فيها شركات سمسمرة تديهم قروش يعملو ليك اجتماع مع عضو كونغرس والا مسؤل حكومي تقعد معاه دقيقتين وتتصور معاه وتتخارج تمشي تغش الناس وتقول ليهم كانت اجتماعاتي ناجحة وسفر وتزاكر وفنادق كله من دم الشعب

[ابو جلمبو]

#1340815 [مختار حميده]
0.00/5 (0 صوت)

09-16-2015 09:25 AM
عودة زبانية و تكاسة واشنطن
سودانين بامريكا؟ ضحكتني ... منو هم سواقين التاكاسي و مديك أيد... اخجلوا علي نفسكم انتو عايشين علي هامش المجتمع و ماعارفين سجم رمادكم و كلها مشاكل و جاليات... سيدك الحسن ده احترموا اكتر منك و استقبلوا و كرموه ... يالله نوم و الحق ورديتك.

[مختار حميده]

#1340807 [علي الشايقي]
4.00/5 (1 صوت)

09-16-2015 09:17 AM
"أهه تاني في كلام سيدي الحسن بعصايتو جاب الكنقرس من الإجازة و رجعوا و انت يا رئيس برلمان الجبهة مالك قلته كانوا في اجازة... الحقنا يا ابوجلابية".. التعليقات السلبية كلها أمن و مؤتمر وطني.. سير في رعاية الخالق ياحسن الأمة الأكبر .

[علي الشايقي]

#1340737 [السماك]
0.00/5 (0 صوت)

09-16-2015 07:47 AM
نخلة في الدنيا .. نخلة في الجنة .. وإنتوا في النار إنشاء الله ..

[السماك]

#1340715 [جنو منو]
5.00/5 (1 صوت)

09-16-2015 07:14 AM
عوض ابراهيم عوض نمره2

[جنو منو]

#1340592 [عودة ديجانقو]
5.00/5 (1 صوت)

09-15-2015 10:10 PM
يا وليد عثمان إنت كنت معاهم فى الأجتماعات دى اللى حظيت باهتمام كبير من جانب المراقبين السياسيين والمهتمين بالملف السوداني.
ياوليد لما تكتب لازم تعرف انه هنا فى سودانيين مهتمين بكل صغيره وكبيره تهم السودان والشأن السودانى وشغلهم الشاغل حارسين البوابه الشرقيه (واشنطن).
ياوليد تسويقك لسيدك إذا حاولت تمرره لسودانيى الداخل فلن تجد له اذنا صاغيه من سودانيى واشنطن بالتحديد.
قبل كده محمد عثمان الميرغنى راجع مسافر عن طريق مطار واشنطن...لا اقول بهدلوهوا ولكنها اجراءات التفتيش الاعتياديه فى كل المطارات الامريكيه.....طلبوا من محمد عثمان الميرغنى بخلع أحذيته ووضعها فى الجهاز ولكن واحد من المريدين حب ان يتدخل لأنه رأها إهانه ومرمطه لسيدوا حفيد النبى.. مع انه هذا المريد عايش هنا وعارف النظم.....فكان رد ظابط الأمن للمريد إذا هو شخصيه مهمه زى ما بتقول ليه ما سوقتوهوا عن طريق صالة كبار الشخصيات.

نسبة لأزدحام جدول الخارجيه الامريكيه يكتفى بعض المسئولين من الدول العربيه الاخرى بأخذ صوره تذكاريه مع وزير الخارجيه الامريكى وهذا بروتوكول معروف ليعملوا بها ضجيجا فى إعلام بلدانهم على شاكلة وناقش الطرفان القضايا ذات الاهتمام المشترك وسبل تطويرها.

[عودة ديجانقو]

#1340514 [محي الدين الفكي]
0.00/5 (0 صوت)

09-15-2015 06:39 PM
هذه اللقاءات احتماعية اكثر منها سياسية اي مواطن امريكي عادي يمكن ان يعقد مثل هذه الاجتماعات . المركز الذي منحه له النظام يمكن ان يكون ديكوري اكثر منه اداري لان مساعد الرئيس مما يعني عليه تقديم تقرير بهذه الترهات التي يدعيها وعلى الرئيس الأستبشار بالقشة لمنع الغرق ومن ثم ذهبت اموال الشعب السوداني في الفسحة .

اخيرا السياسة الامريكية وفقا لدستور الولايات المتحدة من اختصاص الرئيس اوباما والكنقرس ليس له دخل دستوري فيما تفعله الأدارة في السياسة الخارجية ومن ثم المخجل التباهي بهذه الفضيحة لان الكونقرسي بفرعيه مجلس الشيوخ ومجلس ممثلى الشعب الامريكي لديهم لجان منفصله ففي مجلس الشيوخ وهو المهم توجد لجنة العلاقات الخارجية وتعقد اجتماعات استثنائية مع رئيس دولة لمناقشة مسألة محل خلاف في المجتمع الديمقراطي مثال ذلك اتفاق ايران والمجتمع الدولي حول تطوير النظام الايراني انتاج قنابل نووية وهو ما يحاول المجتمع الدولي منعه ولهذا القرض دعي نتنياهو رئيس وزراء اسرئيل وقد تحدث امام الكونقرس عن الموضوع وكان معارض للأتفاق مع ايران ومن ورائه دول الخليج ولكن اباما وقع اتفاق مع ايران عكس توجهات الكونقرس وهذا مبدأ دستوري , ارجو ان يرحمنا السيد الحسن ويرحم حزبه ونفسه من هذا الهراء .

[محي الدين الفكي]

#1340497 [اﻷندلسى]
5.00/5 (1 صوت)

09-15-2015 05:47 PM
الاستاذ ود احمد :ﻻ اظن انو فى السياسه فى حاجه اسمها :
The first and ever lastig impression
توجد مصالح ومصالح فقط وهس لو ظنو اى خير فى ناسكم السجم ديل كان غيرو سياستم ميه وتمانين درجه . وتكفيك صفقة الصمغ العربى اﻷخيره ....المصالح يا خوى هى المفتاح السحرى لكل المغاليق .
I would like say to Mr :
صالح عام والذى هو دجاجه واضحه ومفضوحه :
Why dont you shut up and letThe Men do the job for you ???

[اﻷندلسى]

#1340481 [الحق ابلج]
4.75/5 (4 صوت)

09-15-2015 05:24 PM
الفرق الواضح بين زيارة الميرغنى وزيارة ابراهيم احمد عمر ان الميرغنى وجهت له دعوه لزيارة امريكا اما ابراهيم احمد عمر فلم يوجه له احد اى دعوة وكان الغرض من زيارته غرض اسرى بحت وﻻ علاقة له بمصلحة البلد .
كونو سودانى مسئول يذهب الى امريكا بدعوه رسميه هذه تعتبر اختراقا كبيرا ربما يعتبر خطوة اوليه على مسار سليم فى المستقبل القريب .
وكونه تتطرح قضايا تشكل هموم المواطن للتفاوض او لمجرد اﻷستئناس برأى شخص ﻻ ينتمى للحركه اﻷسلاميه بدرجة مساعدرئيس جمهوريه هذه ايضا لم تحصل منذ
1997
اما المسأله اﻷهم فى رأيى هى تركيز الميرغنى على الكتلة السوداء داخل الكونغرس وهى الكتله المعروفه بثقلها وقوتها فى مناصرة اﻷفارقه فى قضاياهم العادله مع التذكير بدور هذه الكتله الكبير فى اﻷنتخابات القريبه المقبله .
هذا لقلء ناجح بالفعل ونسأل الله ان يتوج ببدء علاقات طبيعيه مع امريكا مثلنا مثل غيرنا .

[الحق ابلج]

ردود على الحق ابلج
European Union [متابع] 09-15-2015 06:03 PM
اذا منتظر الزى ود الميرغنى يتوج ليك علاقات طبيعية مع أمريكا يظهر حتنتظر كتير , هنالك متطلبات محددة من الإدارة الامريكية للنظام في السودان, اذا لم تنفذ لا ود الميرغنى ولا غيرو حيقدر يغير شيء.


#1340474 [ود الحوش]
5.00/5 (3 صوت)

09-15-2015 05:05 PM
هذا الدحش يكذب ويفتعل الاكاذيب ، حتى يبرر هدر أموال الشعب التي أعطيت له بواسطة كهل القصر الصيني. المراغنة دائما يوهمون الناس بخذعبلاتهم التي يصنعونها. تقبيل الايادي والتصفيق بعد الفاتحة ، وحمل الاحذية ، وحولهم مجموعة من المطبلاتية ، كلها أعمال جوفاء فقدت صلاحيتها بحسابات اليوم.

[ود الحوش]

#1340455 [مستغرب]
5.00/5 (5 صوت)

09-15-2015 04:30 PM
احتمال الامريكان خلطوا بينه وبين الصادق المهدى وهم لا يعلمون أن هذا النكرة لا يسوى شيء ولا رصيد له ولا مصداقية في السياسة السودانية وهو أداة لنظام المتأسلمين الحاكم.

[مستغرب]

#1340450 [صالح عام]
5.00/5 (4 صوت)

09-15-2015 04:12 PM
يا ولد يا ود المرغنى انت ما بتعرف حاجه ولا قدر الكلام دا تعال راجع اقبض القروش واكل ليك فته حاره مع الدراويش

[صالح عام]

#1340446 [مأزن-مالطا]
5.00/5 (1 صوت)

09-15-2015 04:02 PM
مأزن-مالطا

[مأزن-مالطا]

#1340444 [ود احمد]
5.00/5 (2 صوت)

09-15-2015 03:59 PM
امريكا mلم ولن تغير مفهومها عن هذه الحكومة درسنا على ايدي الامريكان وهم يقولونThe first and ever lasting impression)
فمنذ مجي هؤلاء وشعارات الكراهية والبغضاء التي بثتها هذه الافعى او ما يحلو للبعض بالشجرة الملعونة امريكا لا تنسى امريكا روسيا قد دنا عذابها فهذه العبارات الارهابية قد رسخت في اذانهم ولم لن يغيروا نهجهم معكم
فاحسن شيء تتخارجوا وتدعوا لانتخابات انتم لستم طرفا فيها وغيروا شكل الجذور بتاعت شجرتكم كما قال لكم الرئيس التعيس

[ود احمد]

#1340428 [انقاذي سادرفي فساده]
4.00/5 (5 صوت)

09-15-2015 03:31 PM
اللهم اصرف عنا كيداخوان الشيطان ودمر مايسمى بحركتهم الاسلامية
اللهم شتت شملهم واكفنا شر هذه الافة
انك ان تذرهم يضلوا عبادك ولايلدوا الا فاجرا كفارا

[انقاذي سادرفي فساده]

#1340424 [على ادريس]
5.00/5 (2 صوت)

09-15-2015 03:21 PM
ليه ليه ليه ما يشوف العيد معاناااااااااااااا

[على ادريس]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة