الأخبار
أخبار إقليمية
والي القضارف : أثيويبا تسيطر على مليون فدان من أراضي البلاد
والي القضارف : أثيويبا تسيطر على مليون فدان من أراضي البلاد
 والي القضارف : أثيويبا تسيطر على مليون فدان من أراضي البلاد


09-15-2015 10:45 PM
الخرطوم:القضارف:صبري
كشف والي القضارف «ميرغني صالح» عن سيطرت دولة أثيوبيا على أكثر من مليون فدان من الأراضي السودانية الحدودية بمنطقة الفشقة؛ وقال إن المنطقة اصبحت معزولة تماماً عن السودان، واعتبر الخطوة بأنها خرق للتفاهمات التي تمت بين البلدين في العام 1995م والتي قضت بأن تكون المنطقة خالية من الجيش السوداني والأثيوبي

؛ وقال صالح «الاثيوبيون استفادوا من التفاهمات وتمددوا». في وقت طالب رئيس وفد لجنة الطاقة بالبرلمان الذي يزور الولاية «صبري خليفة» بوضع آليات تمكن من الوصول إلى المنطقة المعزولة بالفشقة لتفادي فقدانها؛ وفي غضون ذلك قال ميرغني صالح خلال اجتماع مع وفد لجنة الطاقة بمكتبه أمس «الاثيوبيون قاعدين في أكثر من مليون فقدان بالفشقة» وأضاف « نحن نرحب بهم وبنديهم يزرعوا بس بي مزاجنا ما يفرضوا علينا حاجاتهم»؛ واتهم اثيوبيا بالتراخي في مسألة ترسيم الحدود التي تبلغ 265 كيلو متراً.

اخر لحظة


تعليقات 26 | إهداء 0 | زيارات 4047

التعليقات
#1341852 [استاذ]
0.00/5 (0 صوت)

09-18-2015 01:46 AM
يا سيد غسان الراجل كلامه صاح وبعدين ياخي كتبت وقلت للراجل ( شكلك بتاع سابعه وتامنه( بتاعت) الجماعه)والصحيح بتاعه وليس بتاعت ودي ما سبقك عليها زول

[استاذ]

#1341187 [نفشتي]
0.00/5 (0 صوت)

09-16-2015 08:06 PM
من يعاين تحت ارجله فقط ،لا ترجو منه خير ''''! كل فكرهم كيف يحافظو علي اموالهم التي جنوها بالخداع والغش والدجل ....الخ.

[نفشتي]

#1341168 [على]
0.00/5 (0 صوت)

09-16-2015 07:15 PM
السودان دا حيبقى بس العاصمة المثلثة جماعة جاياك من الشرق وجماعة من الشمال وبس يشد الجنوب حيله كمان يجوك هم كل دولة من ديل اخذت نصيبها من السودان ونحن نعاين غايتوا كلها ارض الله ولاتنسوا حلايب سودانية

[على]

#1341163 [Malik]
0.00/5 (0 صوت)

09-16-2015 07:05 PM
السيد غسان بابكر مع الاحترام والتقدير




سَيطَرة: ( اسم )
ضَجُّوا مِنْ سَيْطَرَةِ الحاكِمِ : مِنْ سَطْوَتِهِ ، مِنْ تَسَلُّطِهِ
السَّيْطَرَة : التَّحَكُّمَ ، الضَّبْطَ
سيطرة: ( اسم )
سيطرة : مصدر سَيطَرَ
سَيطَرَ: ( فعل )
سيطرَ على يُسْيطِر ، سيطرةً ، فهو مُسَيْطِر ، والمفعول مُسَيْطَرٌ عليه
سَيْطر على كذا : تسلَّط عليه ، تحكّم في سلوكه ، أشرف عليه وتعهَّد أحوالَه وأحصى أعمالَه
سَيْطَرَ على عَواطِفِهِ : ضَبَطَها ، لَجَمَها
سَيْطَرَ على العُقولِ : اِسْتَحْوَذَ عَلَيْها
سيْطر التَّشاؤُم على مؤلفاته كلِّها : كان الأهمّ والأساس ، فاق أهميَّة ما عداه ،
سَيْطر الجيشُ على المدينة : تغلّب / هيمن عليها ،
سيطرة حزب : انتشار واسع ، تفوُّق في التَّأثير ،
سَيْطَر على نفسه : تمالك نفسَه ، ضبطَها

كلمات ذات صلة

تَسَيطَرَ سَيطَرَ سَيطَرة مُتسيطَر مُسَيْطَر مسيطرونَ
ترجمة و معنى سيطرة في قاموس المعاني. قاموس عربي عربي

سيطرة صديقة:
استحواذ لا يعترض عليه مجلس إدارة الشركة المستهدفة
المعجم: عربي عامة
سيطرة صديقة ، إستيلاء ودي:
استحواذ لا يعترض عليه مجلس إدارة الشركة المستهدفة .
المعجم: عربي عامة
سَيْطَرَةٌ :
[ س ي ط ر ]. ( مصدر سَيْطَرَ ).
1 . :- ضَجُّوا مِنْ سَيْطَرَةِ الحاكِمِ :- : مِنْ سَطْوَتِهِ ، مِنْ تَسَلُّطِهِ .
2 . :- فَقَدَ السَّيْطَرَةَ على أَعْصابِهِ :- : التَّحَكُّمَ ، الضَّبْطَ .
المعجم: الغني
سَيطَر:
سيطر - سيطرة
1 - سيطر عليه : تسلط عليه . 2 - سيطر عليه : أشرف عليه وتعهد أموره .
المعجم: الرائد
سيطرَ:
سيطرَ يُسيطر ، سيطرةً ، فهو مُسيطِر ، والمفعول مُسَيْطَر عليه :-
• سيطر الشَّخصُ / سيطر الشَّخصُ على غيره تحكّم وتسلّط وتمكّن :- { لَسْتَ عَلَيْهِمْ بِمُسَيْطِرٍ } [ قرآن ]: وفي قراءة أخرى :- بمسيطَر :-، - { أَمْ عِنْدَهُمْ خَزَائِنُ رَبِّكَ أَمْ هُمُ الْمُسَيْطِرُونَ } [ قرآن ] .
المعجم: اللغة العربية المعاصر
سيطرَ:
سيطرَ على يُسْيطِر ، سيطرةً ، فهو مُسَيْطِر ، والمفعول مُسَيْطَرٌ عليه :-
• سَيْطر على كذا تسلَّط عليه ، تحكّم في سلوكه ، أشرف عليه وتعهَّد أحوالَه وأحصى أعمالَه :- سيْطر التَّشاؤُم على مؤلفاته كلِّها : كان الأهمّ والأساس ، فاق أهميَّة ما عداه ، - سَيْطر الجيشُ على المدينة : تغلّب / هيمن عليها ، - سيطر على غضبه : أخضعه لإرادته ، كبح جماحه :-
• سيطرة حزب : انتشار واسع ، تفوُّق في التَّأثير ، - سَيْطَر على العقول : سَحَرها ، فتنها وخَلَبها ، - سيطر على مشاعره / سيطر على أعصابه : تحكَّم فيها ، - سَيْطَر على نفسه : تمالك نفسَه ، ضبطَها .
المعجم: اللغة العربية المعاصر




.

[Malik]

#1341111 [metwekel]
5.00/5 (1 صوت)

09-16-2015 04:16 PM
في عهد جعفر محمد نميري افتحمت قوة من الشفته الاثوبيين اراضي ولاية القضارف وما كان من نميري الا ان ارسل القائد ابو كدوك وتجمعت القوات من كل فج عميق ليلا وحين اشرقت الشمس خطب فيهم ابو كدوك قائلا نحن سنهاجم الاثوبيين والذرة والسمسم يجب اعادتها ولو شدوه بليلة ناكلو قبلهم هكذا كانو الاشاوس

[metwekel]

#1340996 [كاسـترو عبدالحـمـيـد]
0.00/5 (0 صوت)

09-16-2015 12:58 PM
هذه مسؤلية قائد القيادة الشرقية يحرك قواته نحو الحدود ويعسكر فيها . الم يؤدى القسم فى الكلية الحربية عندما تخرج ضابط ليحمى حدود الوطن ؟ يجب ايضا محاكمة البشير لأنه خنث بالقسم ولم يحمى حدود الوطن الذى اداه عند تعيينه رئيس للبلاد . هذه فقط عقوبتها الأعدام رميا بالرصاص .

[كاسـترو عبدالحـمـيـد]

#1340944 [مدحت عروة]
0.00/5 (0 صوت)

09-16-2015 11:30 AM
الله يهديكم يا معلقى الراكوبة هل احتلال حلايب وسيطرة الحبش على الفشقة وغارات اسرائيل على الشرق والخرطوم بتسقط حكومة الكيزان؟؟؟؟طالما اى من هذه الاشياء لا تسقطها فهذا الامر لا يهمها كما لا يهمها راى الشعب فى ذلك الامر لانها بكل بساطة شرسة جدا امام شعبها والمعارضة لانهم هم الممكن يسقطوها وده عندها خط احمر هسع الانقاذ دى مما جات هل ضربت ليها محتل او معتدى اجنبى ما كل قتالها وجهادها وقتلاها ومقتوليها سودانيين مية فى المية!!!
يا جماعة الخير دول الجوار اقسم بالله عارفة ان حكومة الانقاذ او الكيزان جيشها وقوتها كلها موجهة نحو الداخل عشان كده هم طمئنين من انها ما ح تقاتلهم وتفتح ليها جبهة هى ما قادرة عليها لان جبهتها الداخلية لا تطمئن لها لانها لم تحصنها بالحوار والتراضى والوفاق الوطنى لكيف يحكم السودان وكيف تفعل ذلك وهى اوقفت ذلك المشروع السودانى بانقلابها فى 30/6/1989 لتفرض على السودان حكم الحركة الاسلاموية السودانية ولو ادى ذلك لتمزيق الوطن وفقدان اراضيه من دول الجوار الخ الخ الخ؟؟؟؟؟؟
اذا عرف السبب بطل العجب!!
كسرة:اقسم بالله لو انا رئيس السودان مش اعطى مصر اراضى للزراعة او اكرم منتخبها او اعطيها مواشى اقسم بالله لو ما اقدر اقاتلها لاسترجاع حلايب او اللجوء للتحكيم الدولى اطرد سفيرها واستدعى سفيرى من القاهرة والله هذا عار ان ننكسر للمصريين او الاحباش او غيرهم وسنرجع حلايب والفشقة باذن الله ولو تحالفنا مع ابليس نفسه وحكومة الاسلامويين ما ح تستمر الى يوم القيامة وارى سقوطها قريبا باذن واحد احد انها حكومة العار الوطنى لاشك ولا غلاط فى ذلك وحينها ستعرف مصر وغير مصر من هو السودان والشعب السودانى!!!!!!!!!!

[مدحت عروة]

#1340940 [sudaniiy]
5.00/5 (1 صوت)

09-16-2015 11:23 AM
المسألة ان قوات الشعب المسلحة صارت
حزب الجيش الدكتاتوري
وبذا فقدت عملها الذى
1- حماية حدود السودان
2- ترسيم حدود السودان
3- حماية المدنين ومصالحهم في المناطق الحدودية
4- التدريب والتصنيع الحربي
الى ان تقوم قوات حزب الجيش الدكتاتوري بواجبها
ويترك ضباطها العمل السياسى ممكن المشكلة تنحل
و بعدم وجود قوات مسلحة من اصلو كان الشعب حسم هذه القضية

[sudaniiy]

#1340893 [ابو محمد]
5.00/5 (1 صوت)

09-16-2015 10:33 AM
ماذا تعني مليون فدان صالحة للزراعة ومنتجة من ارض وطن مستعمر من جماعة ارهابية خارجة عن الدين والعرف والتقاليد من مليون ميل مربع تم بيع ثلثها مقايضة تحت شعار في سبيل الله قمنا للبقاء في السلطة !!
وفي سبيل التمكين والسلطة والتي هي لله !! ليس بمستغرب ان يتم ترحيل سكان ولاية الجزيرة ليحل بديلا عنهم مواطنون من أي جنس من العالم يحملون جوازات السفر والجنسية بالميلاد !! ما دام المواطنون الجدد لا يقولون ولا يفعلون إلا كما تقول وتريد الجماعة الارهابية المستعمرة !! ويصوتون بالاغلبية المطلقة لدورة رئاسية رابعة وخامسة وسادسة وكله عند الكيزان جهاد وهجرة الى الله !!

[ابو محمد]

#1340813 [محب الله]
5.00/5 (1 صوت)

09-16-2015 09:22 AM
شئ مخجل السودان صارت الدول تقتطع بالجملة ... حكومة ضعيفة ... ومعارضة دخيلةهزيلة وحركات عميلة ... الكل يفكر في مصالحة ولا يفكر في ارض السودان فكيف نحافظ على هذا التراب الذي صار كالمراة المطلقة يتناوشها الاعداء من كل جانب .. دبلوماسية صفر والجيش انهك لدرجة انه لا يستطيع ان يفتح اي جبهة ..والمؤامرات تحاك بالاخل والخراج والخاسر الاول والاخير هذا الشعب الذي اصبح غير قادر على التعبير سلميا ولو تلميحا ... المؤتمر الوطني اخذ كل خيرات السودان ومقدراته وعندما تاتي المصائب يريد ان يرجع الى الشعب الذي لا يكن له اي احترام والانتخابات خير شاهد ... كنا نتمنى ان يعي المؤتمر الوطني الدرس ويراجع اجندته ويعمل تحالفات قوية وياتي برجال اقوياء ولكن للاسف الشديد هذه الحكومة الاخيرة اسوء حكومة تمر على السودان منذ 50 سنة خريج اقتصاد وزيرا للطاقة .. طبيب اسنان وزيرا للخارجية .. دبلوم متوسط وزيرا للصحة ...عسكري والي لام السودان والعدد يطول فكيف تتوقع من هؤلاء ان يقدموا شيئا بل مزيدا من التراجع ومزيدا من الفقر ومزيدا من الجهويات ومزيدا من التدخلات الخارجية ... لقد بلغ الامر حدا يئس الناس فيما عتد البشير من شئ يقدمه ولم نيئس مما عند الله ... ارفعوا ايدكم في هذه الايام واسالوا الله التيسير ومغادرة البشير سلما لا حربا وطواعية لا اجبارا

[محب الله]

#1340751 [Abdo]
4.75/5 (3 صوت)

09-16-2015 08:13 AM
وين حرس الحدود و الا خلاص تحول لجنجويد يقطع الطرق و ينهب المواطنين و بس

[Abdo]

#1340750 [Babiker Shakkak]
4.88/5 (4 صوت)

09-16-2015 08:12 AM
كلام السيد الوالى وضوح الشمس بأن السلطات هى التى تعطى الأرض للإثيوبيين و على مزاجها. هذا يعنى هنالك إتفاقيات من نوع ما تبرم بين سلطات الولاية و الإثيوبيين و ليس هنالك إعتداء على الأراضى السودانية و كل ما فى الأمر هو تبادل منافع بين سلطات ولاية القضارف و المزارعين الإثيوبيين.

[Babiker Shakkak]

#1340731 [عشا البايتات]
5.00/5 (1 صوت)

09-16-2015 07:43 AM
الماء الحار ما لعب قعونج .

[عشا البايتات]

#1340723 [ابو الفضل]
4.50/5 (4 صوت)

09-16-2015 07:36 AM
منذ زمن بعيد والاحباش عينهم على كل ولاية القضارف ولولا الحرج من الحكومة لاستولوا على اكثر من ذلك بكثير ولكنهم محرجون لان البشير معهم فى كل شئ وهم بانتظار اى خطا طفيف من حكومة الكيزان وبعدها سوف تعلمون ماذا سيفعلون .فاطماعهم علنية وقتلهم لابنائنا واغتصاب نسائنا وارضنا وفعل كل شئ واضح وضوح الشمس ولاحياة لمن تنادى والعيب ليس فى حكومتنا المنبطحة فقط ولكن العيب فى هذا الشعب القذر الجبان المغلوب على امره قريبا سنكون عبيدا للعبيد الحبش وهم يرون ذلك قريبا لانهم يظنون اننا ضعفاء وقد تمكنوا منا ولا حول ولا قوة الا بالله والعوض على فيك ايها الشعب الوسخ الذى لايستحق الحياة بل يستحق السحل والموت والضرب بالمركوب شعب السجم والرماد

[ابو الفضل]

ردود على ابو الفضل
[adel] 09-16-2015 09:58 AM
يازول انت مانصيح !!! تشتم فى شعب كامل !!! وتشيل فى ذنوب . استغفر ربك . هذه ليس من خصال المسلم الشتم واللعن


#1340698 [جنو منو]
4.00/5 (5 صوت)

09-16-2015 06:52 AM
هم الاحباش احتلوا الخرطوم تقول الفشقه .. يفشق فيكم حمار مكادى ..!!

[جنو منو]

#1340692 [التلب]
4.00/5 (5 صوت)

09-16-2015 06:39 AM
طيب ده ما واجبك .. سوق جيشك وامش حرر المنطقه من الحبش .. انت مش اقسمت ان تحافظ على ارض الوطن ؟؟ بتشكى لى منو انت ؟؟ ماعندك حل غير تقود جيوشك وعلى الفشقه وللا بتفتكر انك بقيت والى عشان تغنى وبس .. شركات ومواتر ونعيم وبس ..!! ﻻ ﻻ انت اول وظيفة ليك المحافظه على ارض الوطن .

[التلب]

#1340689 [الممغوس]
5.00/5 (2 صوت)

09-16-2015 06:22 AM
انت اخت حقك ايه بي مزاجنا دا تصريح زول مسؤول ارحمونا ياناس.

[الممغوس]

#1340660 [عمار]
3.00/5 (2 صوت)

09-16-2015 01:36 AM
رسلو ليهم كتائب الأمن ولا هم بي هم فالحين في تخويف وتهريب سكان الخرطوم وناس المعارضة هههههههه ناسنا ديل ما بقدرو عليهم ، السوداني ما بيعمل راجل إلا علي الضعيف من ناس بلده

[عمار]

#1340654 [Atif]
3.00/5 (3 صوت)

09-16-2015 01:02 AM
ارضنا نزرعه نحن و برضو بي مزاجيات. بس أولا انتو تندحروا و بعدها الي الجحيم بقدرة قادر عزيز.

[Atif]

ردود على Atif
[محمد حامد] 09-16-2015 10:49 AM
ما نقول الا حسبيا الله ونعم الوكيل من هنا الحبش وهناك مصر وجنوب السودان ولا المسار الجوي تسمع الاغاني وقول الداير الشبير في بلدنا كلام مافي بس






.


#1340652 [الجقود ود بري]
5.00/5 (3 صوت)

09-16-2015 12:57 AM
فالحين علي الشعب المسكين وجنوب السودان لكن إثيوبيا ومصر ممكن يعملوا أي حاجه ولا حياة لمن تنادي
وين جنجويدكم؟ وين جيشكم ؟ وين دبلوماسيتكم ؟
الله أكبر عليكم يا منافقين يا ظالمين

[الجقود ود بري]

#1340649 [Malik]
5.00/5 (2 صوت)

09-16-2015 12:50 AM
اولا سيطره وليست سيطرت ثانيا المشكله شنو ما السودان بقي ملطشه وزي ما بقولو المصريين قفاه حيستمحل مين ولا مين الجنوب راح حلايب راحت الفشقه راحت والباقي قادم

[Malik]

ردود على Malik
[غسان بابكر] 09-16-2015 08:48 AM
سيطرت بالتاء المفتوحه زي ما قالوا ما زي ما قلت. شكلك بتاع سابعه وتامنه بتاعت الجماعه الخربت التعليم. الله يهديك و الإملاء عندك تتحسن.


#1340634 [مواطن]
4.50/5 (2 صوت)

09-16-2015 12:17 AM
وفى غضون ذلك قال ميرغنى صالح خلال اجتماع مع وفد لجنة الطاقة بمكتبه أمس " الاثيوبيون قاعدين في أكثر مليون فدان بألفشقة " وأضاف " نحن نرحب بهم وبنديهم يزوعوا بس بى مزاجنا ما يفرضوا علينا حاجاتهم" بألله ده مش مفروض يكفتوهو ويدوهو 200 جلدة.

[مواطن]

#1340632 [ابو جلمبو]
5.00/5 (3 صوت)

09-16-2015 12:15 AM
هم اتمددو جوه الخرطوم يا اهبل والبشكير معلق في الشماعة

[ابو جلمبو]

#1340621 [مخلص]
5.00/5 (1 صوت)

09-15-2015 11:38 PM
بس يا سيادة الوالي البشير و أركان نظامه ما عايزين مشاكل مع الجيران و عايزين يتفرغوا لمواجهة الشعب السوداني المقهور عشان ما يفرفر ولا يقوم بإنتفاضة و لا ثورة و لو استمريت في التصريحات المشاترة دي ما حتستمر كتير في منصبك و أول واحد مفروض تعمل ليهو حساب بلدياتك بكري ما تنفع معاهو الدغمسة و الكلام الفاضي و بلحقك السموءل خلف الله و و أنت عارف يا سيادة الوالي أنو ناسك ديل ناس مجرمين و ما بتنفع معاهم المثاليات فإما تمشي معاهم في سياستهم الفاسدة المجرمة و إلا سيقيلوك كما أقالوك قبل كدة من منصب الوالي في الولاية الشمالية ، فخليك عسل مع الأحباش و مافي داعي للكلام ده و لا عذر لمن أنذر

[مخلص]

ردود على مخلص
[جلباق] 09-16-2015 09:02 AM
بالله دي نصيحة واحد مخلص ؟ انت مخلص للأحباش . خليك ياخي مخلص لبلدك و أنصح الوالي النصيحة الصاح البتريح ضميره و بعد داك شنو يعني لو يفقد وظيفته و يكسب رضاء الله و أبناء بلده المخلصين بالجد


#1340618 [خالد عمار]
5.00/5 (3 صوت)

09-15-2015 11:24 PM
طالما في حاجة اسمها محكمة جنائية مطاردة البشير ما القضارف يبلو رأسهم.. الرئيس الشعور مستعد يراهن البلد كلها مقابل ان يبقى في الحكم

[خالد عمار]

#1340617 [عصمتووف]
5.00/5 (3 صوت)

09-15-2015 11:22 PM
قاعد تعمل شنو ضم القضارف للاحباش وتريحنا من شكاويك

[عصمتووف]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة