الأخبار
أخبار إقليمية
أولاد المغتربين..
أولاد المغتربين..
أولاد المغتربين..


09-17-2015 09:46 PM
عثمان ميرغني

لنفترض أن عدد المغتربين السودانيين في جميع أنحاء الكون حوالى مليون أسرة.. لكل أسرة في المتوسط حوالى ثلاثة من الأبناء والبنات.. بحساب بسيط هناك حوالى ثلاثة ملايين طفل سوداني في الخارج.. ما يعادل- تقريباً- شعب دولة كاملة الدسم.. مثل الجارة أريتريا أو غيرها.. فيبقى السؤال ما هو مستقبل ومصير (أطفالنا) في الخارج؟.
هذا السؤال المثير للدهشة يحتاج إلى النظر ملياً إلى ضمير (الجمع) في كلمة (أطفالنا).. فيتحول السؤال إلى.. أطفال من هم؟، أولاد المغتربين.. أولاد من هم؟؟.
هل هم أولاد أسرهم الأب والأم اللذين ينحدرون من أصلابهما، أم هم (أولاد السودان) بكل ما تعني هذ الكلمة من معنى مباشر وغير مباشر؟.
تصور معي أسرة سودانية في دول الاغتراب.. فلنفترض في إحدى دول الخليج.. أنجبت هذه الأسرة ثلاثة أبناء هناك في المهجر.. وسريعاً ما زحفوا في مدارج السلم التعليمي.. إلى مرحلة النضج ليواجهوا المشكلة المزمنة.. جامعات السودان تقبلهم وفق معادلة لا تسمح للغالبية العظمى منهم تحقيق رغباتهم.. فتضطر أسرهم لابتعاثهم على نفقتها الخاصة إلى دول أجنبية ليكملوا تعليمهم الجامعي.. ما هو مصير طفل وُلد في المهجر، وتعلم في المهجر، ثم أكمل الجامعة في المهجر.. كل ما وفره له وطنه هو (الرقم الوطني!) بعد دفع الرسوم والوقوف في طوابير طويلة في السفارات السودانية.. ما هي علاقاته بوطنه الأم بعد كل هذا (التغريب)؟.
يجدر تصحيح مفهوم العلاقة بين المغترب والدولة.. حتى الآن هذه العلاقة محصورة هناك في جهاز المغتربين حيث تقبع أدوات (الحليب) التي تستحلب أقصى ما هو متاح من جيب المغترب.. مقابل أوراق ثبوتية وأختام.. ثم لا شيء.
في كل يوم يغادر السودان مئات الشباب وغيرهم من الفئات ليلتحقوا بقوائم المغتربين.. حتى أصبحوا (جمهورية السودان بالخارج).. ومع ذلك تغيب النظرة الإستراتيجية التي تجعل من هذا الجيش الجرار مصلحة قومية متبادلة.. أصول سودانية في الخارج نرعاها بكل اهتمام ونوفر لها أقصى ما أمكن من الفرص والمنافع.. ليساهموا في بناء وطنهم وهم في الخارج في نفس الوقت الذي يبني لهم وطنهم مصالحهم في الداخل حتى إذا ما عادوا إليه قطفوا ثمرة ما غرسوه وهم بالخارج.
جهاز تنظيم شؤون السودانيين العاملين بالخارج الذي يسميه الناس اختصارا بـ (جهاز المغتربين) واحد من أهم معاول هدم إحساس المغترب تجاه وطنه.. في أحضان هذا الجهاز يتولد كل الشعور السالب في ضمير المواطن نحو وطنه.
أول خطوة في مشوار تصحيح أوضاع المغتربين.. تسريح هذا الجهاز.. لصالح تطبيع العلاقة بين المغترب ووطنه.

التيار


تعليقات 34 | إهداء 0 | زيارات 5037

التعليقات
#1342788 [مغترب داخلي]
0.00/5 (0 صوت)

09-19-2015 11:23 PM
(( أول خطوة في مشوار تصحيح أوضاع المغتربين .. تسريح هذا الجهاز .. لصالح تطبيع العلاقة بين المغترب ووطنه ))
وما تنسى يا باشمهندس تسريح هذا النظام .. لصالح تطبيع العلاقة بين المواطن ووطنه .. وبعد داك بتنصلح للمغتربين برضو .

[مغترب داخلي]

#1342497 [ابو محمود]
0.00/5 (0 صوت)

09-19-2015 12:40 PM
يسلم فمك قلت الحقيقة المرة

[ابو محمود]

#1342442 [محمد احمد]
0.00/5 (0 صوت)

09-19-2015 10:44 AM
يااستاذ عثمان مرغني هل تعلم ان المغتربيبن في السعودية يمثلون سكان دولة كاملة وبعدين بخصوص اولاد المغتربين هم ضحايا هذا الجهاز الذي يسمي جهاز المغتربين والله انا مغترب 25عاما وكل ابنائي ولدوا بالخارج وتعلموا في مدارس حكوميةفي بلاد الغربة ولكن المشكلة الكبرى كيف نغرس في نفوسهم حب الوطن والانتماء اليه اذا كان كل شئ مقفل امامهم حتى الجواز للمولود الجديد لازم تدفع رسوم وابوه يدفع في الضرائب والرسوم والتحويل الالزامي وكل ذلك لم يشفع لهذا الابن علما بان جهاز المغتربين هذا كلام فاضي وليس له اى دور اتجاه المغترب ياخ عثمان هل تعلم بان هنالك مغتربين ضاعوا في الغربة والله تمر علينا حالات يقشعر لها الانسان وتقول جهاز مغتربين اين واجباته تجاه الاسر المشردة في الفربة انا اتكلم ومسئول عن ذلك امام الله ان هنالك اسر في الخارج يريدون الرجوع للوطن ولكن لايستطيع رب الاسرة حتى من توفير ابسط مقومات الحياة وكلي ثقة بان يخرج علينا واحد ويقول هنالك لجان وووووووو**وكل ذلك كذب وتضليل للمغتربين

[محمد احمد]

#1342340 [مليون ميل ههههههه]
0.00/5 (0 صوت)

09-19-2015 07:24 AM
والله لو أي مغترب صغير كبير دفع عشرة دولارات لمدة عام واحد لحكومة منفى مفهومة الأهداف لصنع ثورة لوضع جديد ،، نقدر نتخلص من
1- حزب الجيش الدكتاتوري
2- جميع حلابيى البقرة من المطبلين
3- حصر أموال الطائفية واجابرهم على دفع الضرايب ووتحيد كيفية عمل عمالهم بواسطة مكتب العمل
2- بناء جيش جديد يعمل على ترسيم الحدود __نقل الحميات من جميع المدن الى الحدود ...تطوير تدريب الجيش وتصنيع السلاح ..طرد أي تابع او مشكوك فيه من الضباط لولاء لدول الجوار ...منع السياسة عملا وفعلا حتى ضباط احرار ما عايزين

[مليون ميل ههههههه]

#1342273 [الحق ابلج]
0.00/5 (0 صوت)

09-19-2015 02:54 AM
يا عثمان انت عارف وأنا عارف انكهم لن يخلو هذا الجهاز الحلوب حتى يلج الجمل فى ثم الخياط . اتفقنا ؟؟؟
بس نرجو ان تذكرهم بما يستطيعون يعنى هذا اﻷسم الذى لا يشبه الا جوع الكيزان غير لايق لانه وحسب الاسم مختص بالعاملين لا غير .
هناك سودانيين عايشين بالخارج لكنهم ليسوا عاملين وليست لهم مداخيل ... ربات البيوت مثلا الاطفال ... الضييوف ....هؤلاء سودانيين موجودين بالخارج بلا عمل هل هذا الجهاز مسئول عنهم بنفس القدر ام انهم لا يعنونه لانهم غير عأملين بالخارج ؟؟؟
ارجو التكرم بالاجابه لانهم يمثلون اكثر من ستين فى المائه ومن حقهم ان يعرفو .

[الحق ابلج]

#1342249 [المختصر المفيد]
0.00/5 (0 صوت)

09-19-2015 01:11 AM
اسمه جهاز تنظيف جيوب العاملين بالخارج .. بدل جهاز تنظيم شئون العاملين بالخارج ... زي طلاب دعم الصندوق

[المختصر المفيد]

#1342174 [Nasehj]
5.00/5 (3 صوت)

09-18-2015 09:25 PM
لأني مقتنع تماما أنا نحن المغتربين إذا ربنا يسر و إنزاحت هذه الغمة الجاسمة على الوطن لن نجد شيئ إسمه السودان لذلك أقترح على جميع المغتربين يعملوا صندوق لجمع رسوم محددة ثم نشتري جزيرة في أي محيط و نكون فيها دولة خاصة بالمغتربين بس الحذر الحذزر من بني كوز لا بد من غربلة دقيقة لمواطني دولة المغترب السوداني.
بالله عبقري ولا أيش رايكم؟؟؟؟؟؟

[Nasehj]

#1342143 [عوض الله جابر]
0.00/5 (0 صوت)

09-18-2015 08:30 PM
منقول..........من سودانيز اون لاين............


*سيدى الرئيس حال البلاد والعباد يغنى عن السؤال انهيار فى كافة المجالات حروب ودماء ومن فشل الى فشل سنوات من الوعود وكل شئ الى الوراء ..
- عملنا زلط وكبرى

* سيدى وزير المالية والاقتصاد البلد فى حالة افلاس تام وتعيش على المعونات والتسول من قطر ودول الخليج وتوريط الدولة فى ديون خيالية لا توجد فى اى دولة على مستوى العالم وسياساتكم خلال كل هذه السنين فشلت ولا زلتم متمسكون بنفس السياسات الفاشلة ..
- عملنا زلط وكبرى

*سيدى وزير التعليم انت مسؤول عن اهم قطاع فى الدولة به يستقيم المستقبل ودونه الضياع مدارس منهارة والسليمة منها غير مؤهلة للحيوانات دعك من البشر سياسات غبية مناهج اغبى معلمين يتسولون لقمة العيش هروب كوادر وضياع اجيال المستقبل ..
- عملنا زلط وكبرى

*سيدى وزير الصحة .. دعك من فوضى الدواء وفوضى الاطباء وفوضى تراخيص المؤسسات الطبية دعك من فضيحة التلاعب فى المواصفات الطبية ودعك من التجارة بحياة الناس هل تقبل تلك الخدمات الطبية التى تقدم للمواطن فى المستشفيات ان تقدم لكلابك او قططك التى تربيها ؟؟
- عملنا كبرى وزلط
* سيدى وزير البيئة والسياحة .. الخرطوم اوسخ عاصمة على مستوى العالم بما فيها مقديشو وكابول وهذه حاضرة البلاد دعك من المدن الاخرى حيث تصنف السودان فى حد ذاته وباء دوليا وعن السياحة لن اتحدث لانه فشل ذريع ..
- عملنا كبرى وزلط
* سيدى وزير الشباب والرياضة ... سيبنا من كل حاجة من الذى سرق ارض المدينة الرياضية ؟؟اكيد مش عارف ..طب وين فلوس بناء المدينة الرياضية التى تبرعت بها دولة قطر ؟؟برضو مش عارف .. طيب انت قاعد ليه
- عملنا كبرى وزلط

* سيدى وزير الزراعة .. دولة بها اكبر وافضل الاراضى الزراعية التى لا تحتاج الى استصلاح وبها من الانهر والافرع والامطار والجوفى ما يجعل هذا الوطن اهم دولة زراعية بالمنطقة اليس عيبا ان تستورد دولة كهذه الطماطم من مصر والتوم من الصين والفجل من الاردن
- عملنا كبرى وزلط

* سيدى وزير الرى والموارد المائية .. انت شغلتك شنو اصلا وبتعمل في ايه بالضبط ووظيفتك شنو
- والله ما عارف لكن عملنا كبرى وزلط

* سيدى وزير السدود .. قبل ان تورط الدولة فى ديون جديدة لتمويل سد الشريك كما جاء فى الاخبار بالامس .. هل سألت نفسك ماذا استفدنا من سد مروى ؟؟ وهل تمت اى محاسبة حول هذا الفشل الذريع الذى ورط البلد فى ديون دون اى فائدة ..
- عملنا كبارى وزلط وسد

* سيدى وزير العمل والخدمة المدنية .. هل تعرف ان كل الكوادر المهنية اصبحت تهرب من الوطن ؟؟ وهل تعلم ان صفوف المغادرين من الشباب يوميا الوف مؤلفة ؟؟ ماذا فعلت لمواجهة هذا وماذا قدمت من تصور لحل سوء الادارة والخدمة المدنية .
- المهم علمنا كبرى وزلط

* سيدى مدير جهاز الامن الوطنى ورجاله .. قبل ان تعتقلوا الشباب وتعذبوهم وتقتلوا من قتلتم بدم بارد .. هل سألتم انفسكم عن حجم الاحباط وضياع المستقبل والحالة النفسية والاجتماعية لهؤلاء الشباب وبحثهم عن وضع افضل ومستقبل افضل مما هم فيه قبل ان تفعلوا فيهم ما تفعلون ؟؟
- كفاية عملنا ليكم كبرى وزلط

* سيدى الكوز مؤيد هذه الحكومة .. اذا كنت مستفيدا من تاييدك لهذه الحكومة او كنت ساذجا مخدوعا باسم الدين الذى ضاع اصلا بسبب هذه الحكومة او حتى كنت مغفلا لا تفهم معنى للحياة والسياسة هل هذا مستقبل تتركه لابناءك بسبب جشعك او سذاجتك او لكونك مغفل نافع ؟؟
- ما عارف لكن انا كنت بمشى البلد فى ستة ساعات بعد الزلط بقى ساعتين وكبرى دنقلا يا سلام على كبرى دنقلا

ياخى ديك ام الزلط وديك ام الكبرى وديك ام اليوم اللى اتولدنا فيه ونحن نحمل جنسية وطن يحكمه اغبياء

[عوض الله جابر]

ردود على عوض الله جابر
[حسنكو] 09-19-2015 08:54 AM
طيب ماهو الحل لكل ماطرحت خلينا من فلسفة الكي بورد
...شطارتكم خلف الكي بورد فقط ...اوعي تتهمني بأنني كوز....إلا دي !!!!!


#1342126 [قرفان]
0.00/5 (0 صوت)

09-18-2015 06:22 PM
كلامك جميل يا أستاذ عثمان لكن للأسف وأنت أدرى ( تؤذن فى مالطا ) نحن الكبار تجاوزت أعمارنا الستين سنة عندما نفكر فى قضاء الأجازة فقط بالسودان ونتذكر تعامل هذا الجهاز نترك السفر , ما بالك بالذين ولدو ودرسو فى الخارج وبعد دة كلو لو المغترب حاول أن يربط أبنه بالوطن يعامل معاملة أجنبى وليس له أى حقوق
الله لا بارك فيك يا عمر البشير وجماعتك وربنا يورينا فيكم يوم أسود

[قرفان]

#1342105 [صابر محمد صابر]
5.00/5 (2 صوت)

09-18-2015 05:12 PM
يا استاذ عثمان ميرغني يا مهندس !! يا رئيس الحزب القادم الى الساحة بالله عليك ماذا تريد ؟؟؟ كن صريحا واترك عنك هذه ((الدهنسة)) فما عاد يجدي نفعا مثل كلامك هذا وانت كمن قال فيهم الشاعر :

إن الأفاعي وإن لانت ملامسها --- حين التقلب في أنيابها العطب !!

والعطب بمعني السم - وانت سم زعاف تريد استقطاب الناس حولك فبدأت تكتب في المواضيع الساخنة وسعيت للمغتربين تطلب ودهم !! ألا تستحي يا رجل ؟؟
أين كنت حين قتلتنا الوزيرة سمية أبو كشوة بقرارها الكارثي ألم تسمع به ؟؟ ألم تقرأ الصحف ؟ ألم تفتح المواقع اللإلكترونية لترى مدى الظلم الذي تعرض له أبناء المغتربين ؟؟ أين كان قلمك هذا ؟؟

لقد جبنت فلم تكتب حرفا واحدا ولم تعلق حتى على ما تم طرحه ! سبحان الله ثم تأتي الآن وبلا خجل أو حياء تطلب ود هؤلاء المساكيين برخيص الكلام - فالى متى تستحلبون انت وأمثالك هذه البقرة الحلوب -- كفى عبثا واستهتارا فما عاد فينا حليبا يستحلب أو دما يمتص !!


[صابر محمد صابر]

#1342098 [أبوأسامة المهاجر]
0.00/5 (0 صوت)

09-18-2015 04:46 PM
كلام في الصميم

[أبوأسامة المهاجر]

ردود على أبوأسامة المهاجر
European Union [الحل ينبع من فوهة البندقية] 09-18-2015 08:58 PM
يا [أبوأسامة المهاجر]
كلام صاح اديلو من الشنتة ورق مطويه!


#1342038 [TIGERSHARK]
3.00/5 (2 صوت)

09-18-2015 02:10 PM
Sudanese immigrants are valuable source of hard currencies to the rotten regime of KEZAN....and that is all the story


If all of us stop pumping this vital blood just for one month only, KEZAN bloody regime will collapse

[TIGERSHARK]

ردود على TIGERSHARK
[سودانية] 09-18-2015 04:32 PM
كولابس دي معناها يلحق امات طه ياشباب


#1342001 [ابو محمد]
5.00/5 (1 صوت)

09-18-2015 11:55 AM
الاطفال الهنا عملتو ليهم شنو ..الفي الخارج في يد امينة ركزو جوة احسن.

[ابو محمد]

#1342000 [الحق ابلج]
0.00/5 (0 صوت)

09-18-2015 11:45 AM
ارفعو ايدكم عن المغتربين وعن ابناء المغتربين انتم لا تعرفون كم صرف آباؤهم من جهد ومعانات ودموع فى سبيل تربيتهم ونشأتهم .
ما تعرفه داعش عنهم اكثر مما تعرفون عن ما فى جيوب آبائهم .
لن يفرط اب فى رهق ثلاثين عاما ومن أجل ماذا ؟
من اجل الكيزان ؟
لو لا وجودهم خارج السودان لاصبح مصيرهم سواقين ركشات فى فى احسن الاحوال يا اصحاب المشروع الحضارىارفعو ايدكم عن المغتربين وعن ابناء المغتربين انتم لا تعرفون كم صرف آباؤهم من جهد ومعانات ودموع فى سبيل تربيتهم ونشأتهم .
ما تعرفه داعش عنهم اكثر مما تعرفون عن ما فى جيوب آبائهم .
لن يفرط اب فى رهق ثلاثين عاما ومن أجل ماذا ؟
من اجل الكيزان ؟
لو لا وجودهم خارج السودان لاصبح مصيرهم سواقين ركشات فى فى احسن الاحوال يا اصحاب المشروع الحضارب

[الحق ابلج]

#1341998 [الحق ابلج]
0.00/5 (0 صوت)

09-18-2015 11:42 AM
ارفعو ايدكم عن المغتربين وعن ابناء المغتربين انتم لا تعرفون كم صرف آباؤهم من جهد ومعانات ودموع فى سبيل تربيتهم ونشأتهم .
ما تعرفه داعش عنهم اكثر مما تعرفون عن ما فى جيوب آبائهم .
لن يفرط اب فى رهق ثلاثين عاما ومن أجل ماذا ؟
من اجل الكيزان ؟
لو لا وجودهم خارج السودان لاصبح مصيرهم سواقين ركشات فى فى احسن الاحوال يا اصحاب المشروع الحضاربالله البرلمان العربى ذاتو شن طعمو خليك من هذا الجرو المسكين ؟؟؟؟؟؟؟

[الحق ابلج]

#1341995 [مغتربة من سنة سبعين]
0.00/5 (0 صوت)

09-18-2015 11:29 AM
ياخوي حزبك ده بي وين انا عايزة العضوية

[مغتربة من سنة سبعين]

ردود على مغتربة من سنة سبعين
[عايز اغترب] 09-18-2015 10:39 PM
بعد تمشي السودان وتمسكي سبحتك وتلازمي المسجد.. دايرين شنو تاني من الدنيا.. من سنة سبعين ليه أنت الغربة دي واقعك ليك في عطاء.. كفاك خلاص يعني ما لميتها من سنة سبعين حا تلميها في سنة 2050.


#1341971 [Hisho]
0.00/5 (0 صوت)

09-18-2015 09:57 AM
كلام نظرى كالعادة خالى من المعنى والمضمون ...

[Hisho]

#1341946 [خلف الكيبورد]
5.00/5 (2 صوت)

09-18-2015 08:56 AM
ي سلام كلام جميل بس دايرين منك التنفيذ يعني كل يوم اكتب في الموضوع بتاع تسريح جهاز المغتربين
لكن الخوف إنّو يقومو يسرحوك انت ذاتك بمشط او خلال

[خلف الكيبورد]

#1341911 [محمد حسن فرح]
5.00/5 (2 صوت)

09-18-2015 06:42 AM
انا اطمئنك لا سوداني برضاه يريد او حتى ييتمنى العودة للسودان فضلا عن الابناء الذي ولدوا وتربوا وتعلموا وتوظفوا في الخارج ولا يعرفون شيئا عن السودان سوى ان اباءهم من السودان والوثائق التي يحملونها مكتوبة عليها السودان ويوم يجدون وثائق الدول التي ولدوا وتربوا بها لا يأسف أحدهم لن يحزن ان يرمي بهذه الوثيق التى لا تسمن ولا تغني شيء سوى الاهانه لوالديه .. هؤلاء جيل آخر تكونت عواطفهم في غير السودان فحنينهم ابدا سيكون حيت قضوا طفولتهم وشاباهم .. انا سالت كثير من الشباب الذين الذين ولدوا في السعودية من 1980 الى 2007 ( يعني اعمارهم بين 35 الى 37 ) فحوالى 98% كان حبهم للسعودية ولا يريدون او يحبون التحول عنها { السعودية وطنهم ولا يعرفون غيرها } وكذلك في الدول المهجر الاخرى ... وهذا الموضوع كان يحسن ان يكون مادة للبحث العلمي في الجامعات والمعاهد الغليا ..

[محمد حسن فرح]

#1341910 [fatmon]
5.00/5 (2 صوت)

09-18-2015 06:40 AM
المشكلة الزول ده عامل فيها صحفي وفاهم ولا حتى كلف نفسه يجتهد عشان يعمل ليه رقم قريب من الحقيقة زي مره زميله ذاك في مهنة التلميع العكسي أبو عمه وجدوم الهجرة قال : ما الهجرة دي نحنا بنعرفها ، وقلة الادب احسن حاجه ، المغترب مسكين وما بقدر يقول بغم، وكان الواحد قعد وزرع ليه جرجير بعيش أما هذا خلاص مصدق إنه سياسي والسياسة في السودان لا عايزه نضال ولا برامج ولا فهم ولا دراسة بس فصاحة في الفاضي تبقى عندك حزب وكل واحد يتزعم مجموعة يخطب فيها ويصدق نفسه الله يكون في عونهم ناس وهم زي رئيسهم ما عارفين الدنيا دي ماشه كيف عايشين في كذبه كبيرة ذكرني صحافة احمد البلال وهو طالع ونازل وعامل فيها ابو عرام
لقى الناس الفطاحل والمؤهلين يا بره يا جوه وساكتين ليهم خاتين الخمسة في الأتنين
اولا المغتربين ديل لا من قريب ولا من بعيد ما ليكم ابدا دعوة بيهم كفاية سرقة عرقهم وقد جيوبهم ومرضكم لأسرهم أما المهاجرين فحدث ولا حرج وكدي لما تفرق يا صحفي يا همام بين المغترب والمهاجر

[fatmon]

#1341901 [الممغوس]
5.00/5 (2 صوت)

09-18-2015 06:15 AM
كلا مك جميل ياستاذ وخاصة السطر الاخير تسريح هذا الجهاز وتطبيع العلاقة بين المواطن والوطن فهو جهاز المقهورين ليكم يوم يا ظلمة

[الممغوس]

#1341881 [CrossWind]
0.00/5 (0 صوت)

09-18-2015 04:25 AM
"أصول سودانية في الخارج نرعاها بكل اهتمام ونوفر لها أقصى ما أمكن من الفرص والمنافع.. ليساهموا في بناء وطنهم وهم في الخارج في نفس الوقت الذي يبني لهم وطنهم مصالحهم في الداخل حتى إذا ما عادوا إليه قطفوا ثمرة ما غرسوه وهم بالخارج."
صحيح الإختشوا ماتوا
دع اولادنا وشأنهم فهم أبعد من خيالك. وعندما يعودون يوما إلى أرض آبائهم فسوف يصبحون اسيادا على أبنائكم وسيقودونهم كما يقاد القطيع تحت سمعكم وأبصاركم.

[CrossWind]

#1341879 [//////////////////////////////////////]
5.00/5 (1 صوت)

09-18-2015 04:22 AM
يجب الأستفادة من الدول التى لها مغتربين ومعرفة كيفية تعاملها من مغتربيها فى كل مناحى الحياة وتطبيقها مثال : الهند , اندونيسيا , باكستان , بنقلاديش , الفليبين , مصر , سوريا , الأردن , اثيوبيا الخ ... )

[//////////////////////////////////////]

#1341861 [سيف الله عمر فرح]
5.00/5 (1 صوت)

09-18-2015 02:49 AM
تسريح جهاز المغتربين ، طالب به المغتربين منذ عقود ، يا أستاذ عثمان ميرغنى ، ولكن لا حياة ...........! .

بالله لو واحد من زملائك الصحفيين او المهندسين ، لو طالب بطلبك الذى تدعو له اليوم ، بعد عشرة سنوات من الآن مثلآ ، ماذا ستقول عنه ؟ .
يا أستاذ يا محترم ، رجاءآ رجاءآ ، احترموا عقول قرائكم ، ولا تخاطبونا على طريقة مرشحى الانتخابات في سوداننا الحبيب للمواطنين..
للتعليم ، للصحة ، للزراعة ، لخدمات الكهرباء والمياه والطرق ، لحل مشاكل المغتربين ، ل ...... ! ،
انتخبوا مرشحكم نصير الغلابة والمساكين ،
الصحفى المهندس / عثمان ميرغنى ،

يا بيه ، أنت خير العارفين بمعنى ودلالات حكمة ( لا يستقيم الظل والعود أعوج ) .

[سيف الله عمر فرح]

#1341857 [عوض الله جابر]
5.00/5 (2 صوت)

09-18-2015 02:34 AM
من فعل بهم وأهلهم غيركم يا عثمان....
أقول لك وللمره المليون قوم.....

[عوض الله جابر]

#1341847 [منتصر]
0.00/5 (0 صوت)

09-18-2015 01:11 AM
الراجل دا عبيط و لا بستعبط صحفى لا يعلم ماهى مواضيع اليوم و المفارقة ظهور نابغة طفل سودانى فى امريكا تزامن مع كتابة عموده البايخ و هناك مغتربى جمهورية مصر و مغتربى جمهورية المغرب و باكستان و اندونيسيا فليس السودان بدعة يا خى خليك فى حزبك و مشروعك الحضارى الجديد

[منتصر]

#1341846 [رعد]
0.00/5 (0 صوت)

09-18-2015 01:03 AM
سبحان الله بتتزاكي واستراتيجتك. مكشوفة وبتارن. في. مالطة الجوع. يارجل. ووالمرض وقطع. الارزاق ووالعلاج الجهنمي بستشفيات. خاصة لاهم لها. غير. حلب. الغلاباء. والمخدرات. الت. فتكت بالشباب الضائع الذي اصبح سقف امانيه. الاغتراب ممل وافكارك اقل ماتووصف بالهبل. حزبك ميت قبل ان. يولد

[رعد]

#1341844 [sas]
0.00/5 (0 صوت)

09-18-2015 12:54 AM
كلامك ده بلو واكشح ميتو الشمس كفيله بتبخيروا

[sas]

#1341840 [محمد احمد]
5.00/5 (1 صوت)

09-18-2015 12:49 AM
انت يازول عوير هي السعوديه براها فيها 3 مليون سوداني ههههههه قال مليون حول العالم ههههه يازول البلد فضت خلاص فضلت انت والكيزان ومستشفي الخرطوم

[محمد احمد]

ردود على محمد احمد
[مغترب] 09-18-2015 10:40 PM
عدد السودانيين في السعودية لا يتعدى 1.0000000 اكبر الجاليات الباكستانية والمصارية وابو يمن والهنود

[محمد حسن فرح] 09-18-2015 06:24 AM
عدد السوادنة في السعودية لا يعلمه لا جهاز العاملين ولا السفارة لكنهم بالقطع لا يبلغون ال 3 مليون ولو با طفالهم ، فالبنسبة للجاليات المصرية واليمنية والبنغالية والباكستانية وحتى الاندونيسية لا يعتبر السوادنة شيء


#1341839 [ود احمد]
5.00/5 (1 صوت)

09-18-2015 12:33 AM
جهاز المغتربين جهاز للجباية فقط والان تتحدثون عن الوطنية اي وطنية هذا الان الشعب مشرد في اصقاع الدنيا والحكومة كل ورشها ومؤتمراتها منصبة في كسب مدخراتهم
يجب المغتربين ان تشكرهم الدولة لانهم مع ابنائهم في الخارج فقد وفروا لك مقاعد دراسية وخدمات اخرى ليستفيد منها شخص اخر وفي النهاية كل ما يجي للسفر وهو طالب في الجامعة يدفع بدل خدمة وطنية اي وطن هذا

[ود احمد]

#1341834 [ودناس]
5.00/5 (1 صوت)

09-18-2015 12:12 AM
ليس مغتربين بل مستغربين نمتع نفسنا بالدهشة في هذا الوقت الضائع من أعمارنا اسم الجهاز (تحطيم آمال العاملين في الخارج )حتى لايعودوا للبلاد

[ودناس]

#1341822 [Atif]
5.00/5 (1 صوت)

09-17-2015 11:33 PM
نحنا بقينا بلا وطن( غجر) يا استاذ
بالذات في مثل السعودية مقارنة بدول( الكفر )فابناء
المهاجر و كل متواجد فيها بصورة رسمية
من حقهم الدراسة (كاملة )في مدارسها
و جامعاتها. اما ابنا المغتربين فسجلهم عندك في الحزب يثوبك ثواب
فتربطهم بوطنهم و لغاية الزمن داك حدث
المدينة بأواهام كوز أو كان كوز (ما فرقت ) متنطع
بخيال.

[Atif]

#1341812 [BEWILDERED]
4.00/5 (4 صوت)

09-17-2015 11:00 PM
بسم الله الرحمن الرحيم
بالنسبه لابناء المغتربين خاصة ف البلاد التي تمنح جنسيتها بسهولة اقول لكم forget about them فإذا ارغمتهم للعوده للسودان بحالته الراهنه، فمخرجهم الوحيد المتاح---داعش!!!!

[BEWILDERED]

#1341793 [صادميم]
5.00/5 (1 صوت)

09-17-2015 10:14 PM
عايز تجند المغتربين لحزبك الجديد وإلا ما معنى مقالك هذا لقد شكى المغتربون و بكوا طيلة هذه السنوات الطويلة من جهاز المغتربين ومن مشكلة التحاق ابنائهم بالجامعات السودانية فلم تحركوا ساكناً وتاتي اليوم زارفاً دموع التماسيح متذكرًا معاناتهم ولا فرق بينك و الحكومة فهي تريد اموالهم وانت تريد اصواتهم.

[صادميم]

ردود على صادميم
[صدقت] 09-17-2015 11:49 PM
هههههههههههههههههههههه

في منتصف الجبهة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة